خادمة في عصر اللذة بقلم هاجر الجزء الأول
تعريف الشخصيات
ورد:بنت متعرفش حاجة غير مساعدة الناس والحب والمودة ف التعامل معندهاش شهادة بسبب ظروفها بس دماغها توزن بلد الكل بيحب يتكلم معاها وياخد رايها ف كل صغيرة وكبيرة ف حياتهم صاينة نفسها وجمالها عن عيون الناس ع طول بتلبس حجاب وملابس محتشمة برة البيت وجوة البيت ملابس واسعة..بس عيبها الوحيد طيبتها الزايدة وبتثق ف الناس بسرعة وبتجرى ورا مشاعرها ومبتعرفش تفكر ولا تاخد قرار لوحدها عندها 25 سنة
ودة هيوقعها ف مشاكل كتير بعد كدة؟!
سحر:اخت ورد بتكرها وبتحقد عليها بسبب جمالها
ورد جميلة وجمالها يفوق جمال سحر بمراحل
العرسان بتيجى ع حس سحر يشوفه ورد يغيروا رايه
سحر عندها 18 سنة مش بتتعلم بردو
هما شغالين مع امهم ببيخدموا ف البيوت وبيمسحوا السلالم
هما يقدروا بتعلموا اههلهم معاهم فلوس.. بس اهلهم مش عاوزين دة
ليه؟ ف احداث الرواية هنعرف؟!
احلام:والدة سحر وورد بتحبهم جدا وبتعمل علشانهم اللى ميتعملش عندها 50 سنة
شغالة مربة منزل وساعات بتمسح السلالم وبتخدم اابيوت وبتاخد ع دة حوالى 2000 ف الشهر..وورد بتساعدها ع طول بس سحر نادرا
خليل:زوج احلام عنده 53 سنة عصبى جدا محب لقاعدة القهاوى ومدمن السجاير والشيشة بيكره ورد جدا وبيعاملها معاملة البهايم حرفيا لكن معاملة سحر غير بيفرق ما بينهم ف التعامل والموضوع دة مضايق ورد جدا
رمانة: رقاصة ف شارع الهرم هى نور الكبارية وعموده من غيره بيدمر.. بتشغل من وراه اهلها علشان توفر اللقمة ل ابوها التعبان اللى مش قادر يتحرك بعد م الكل رفض انه يساعدها ماديا..مدير الكبارية حاول يستغل جسمها اكتر من مرة بس كانت بترفض دايما كفايا عليها جسمها اللى بيظهر للى يسوا وميسواش
وليد:شاب صايح محب للنساء 28 سنة هيتستغل جمال وردة وطيبتها لصالحه وهيخليها تقع ف شباكة عن طريق رسم الحب عليها فهل سينجح؟!
حسين:رجل طيب ورجل اعمال ناحج 50 سنة ربنا هيخليه يقع ف طريق ورد وهياخدها تعيش عنده ف القصر ك خادمة
كريم:ابن حسين مريض نفسى وله ميول سادية عنيفة لا يحب نفسه ويكرها وبشدة يريد ان يتخلص من طباعه اللى بتخلى اى بنت تقرب منه تبعد لما تعرف حقيقته عانى بسبب قصة حب فشلة
عنده 30
الحلقة 1
احلام: بت ياورد..انتى يابت ..قومى العمال ع وصول
ورد بنعاس:عايزة ايه بس ياماما خرجتينى من حلم جميل هكمله واقوم …من عينى ياست الكل يلة تصبحى ع خير
احلام:شوف البت..بقولك العمال ع وصول علشان يهدوا الحيطة هيخشوا عليكى وانتى نايمة يعنى يصح كدة
ورد:لا طبعا يخشوا ايه هو انا فتحها سبيل خلاص انا هقوم اهو
احلام:ماشى بس بسرعة متتاخريش والبسى الاسدال بتاعك علشان تعرفى تتحركى براحتك
ورد:حاضر
ف الصالة
احلام:فين ابوكى ياسحر
سحر ببرود:معرفش
احلام:بت بطلى تناكتك دى.وردى عليا
سحر:ف القهوة تحت مع صاحب الشقة
احلام:ليه؟! هو احنا مش خلاص اتفقنا معاه ع هد الحيطة ..بيتكلموا ف ايه؟!
سحر:مش عارفة ياماما منا قاعدة معاكى اهو
احلام:ماشى ياام لسانين
سحر:عن اذنك
احلام:رايحة فين؟!
سحر:داخلة الاوضة
احلام:طيب خشى
احلام ف سرها:ربنا يهديكى يابنتى
بعد حوالى نص ساعة
طق طق
احلام:كنت بتعمل ايه مع صاحب الشقة ف القهوة ياخليل
خليل:عايزة ايه ياست حشرية انتى؟! كنت بتفق معاه ع شغل..ارتحتى
احلام:شغل ليه؟! منت بتشتغل
خليل زقها وقال:طب اوعى خلينى اخش
خليل بعلو صوت:بت ياورد
ورد خرجت من الاوضة وقالت:ايوة يابا
خليل:خشى المطبخ اعملى شاى للعمال اللى جايين هما خلاص ع وصول
ورد:حاضر يابابا
ودخلت المطبخ
سحر خرجت من الاوضة
سحر:حبيب هارتى
خليل:هههههههه ازيك ياحبيتى
سحر:بخير يابوب..بقولك ايه كنت عاوزة فلوس؟!
خليل:مش هرفض بس ع الاقل اعرف عايزة الفلوس ليه؟!
سحر:هنزل اجيب شوية هدوم من شارع الجامع
احلام:ابقى خدى ورد معاكى بدل متروحى لوحدك
سحر:اوف بقا ياماما انتى عارفة مش بحب اروح مع البنى ادمة دى ف حتة
سحر:بت عيب.. البنى ادمة اللى بتتكلمى عنها دى اختك مينفعش تتكلمى عنها كدة
سحر:اختى اللى بتتكلمى عنها دى بتبقى مبسوطة لما بتشوفنى زعلانة عمرها م بتكون سبب لفرحتى بالعكس دى بتبقى سبب لتعاستى وهمى..دى بتخطف منى رزقى
احلام بعصبية:اخرسى يابت لتسمعك انتى عارفة اختك ممكن تشيل منك
سحر:اوف بقا.. ها يابا هاخد الفلوس ولا لا؟!
خليل:لا هتاخديها ياحبيتى هو انا بعرف اقول للعسل دة لا ع حاجة ابدا احلام افتحى الدولاب وطلعى منه..عايزة كام ياحبيت ابوكى؟!
سحر:امممممم.. 1000 جنيه حلو
احلام:يانصيبتى 1000 جنيه ليه دة الواحد بيجيب الفلوس من لحم الحى جاية انتى وتصرفيها ع التفاهة اللى زيك حلو 500 جنيه
سحر: اوكى نو بروبليم
احلام:الله يرحم جدك ياختى
شوية والعمال جوم فضلوا يكسروا الحيطة والبيت بيهتز بس هزة خفيفة بس اهل البيت عملوا حوار
واحدة من الجيران:انتوا يابشر البيت هيقع علينا الله يهدها عليكوا
احلام:شوف الست اللى مركبة مبرد ف لسانها دى انا هخرج علشان اعرفها مقامها
ورد:لا ياماما خليكى انا هروح وبالمرة اطلع اقعد مع بسمة شوية قبل متروح الشغل
خليل:لا مفيش طلوع خليكى قاعدة هنا يمكن نحتاجك
ورد:يابابا انا زهقت وصدعت من الصوت انا هقعد معاه نص ساعة ولو احتجت حاجة ندينى وانا هنزل ع طول
خليل بعصبية:انتى مش بتفهمى ولا غبية منا قولتلك لا..صحيح منتى بنت امك
ورد كانت هتعيط بسبب ان ابوها زعق فيها قصاد العمال
احلام:خلاص ياحاج خليها تطلع يعنى هتروح فين يعنى دة الباب ف الباب اطلعى ياورد بس هى نص ساعة بالكتير
ورد:حاضر ياماما
طلعت ورد من ااشقة وقابلت الست اللى كانت بتزعق
ورد:صباحو فل ع جمالك ياست حنان
حنان:هو اللى عنده جيران زيكوا يصطبح ع فل
ورد:الله يسامحك مش هرد عليكى
حنان:لا يابت ردى خلينا نشوف تربية احلام
ورد:بردو مش هرد عليكى علشان لو عملت كدة هقل منك وانتى ست كبيرة فحرام عليا..عن اذنك
وجريت بسرعة من قدامها
حنان: لا منا مش هسكت انا هنزلهم واللى يحصل يحصل
ف شقة نسمة
طق طق
ورد:صباح الخير
نسمة:صباح الخير ياورد تعالى
ورد دخلت وقعدت ع الكنبة اللى ف الصالة
ورد:مالك؟!
نسمة:ابويا ياورد
ورد:لسة تعبان بردو
نسمة:والله م بنام ياورد بسبب كحته طول الليل
ورد:طب متقولى ل اخواته مش هما معاهم فلوس ويقدروا يساعدوا
نسمة بحسرة:كانوا ساعدوا من زمان ابويا تعبان بقالوا عشر سنين محدش فكر حتى يسال عليه ولو ب تليفون
عايشين ف نعيم وسابيبن ابويا مستنى الم,وت لوحده
ورد:ياحبيتى ربنا يقويكى عليه
نسمة:مش بحب نظرات الشفقة ياورد انا بس بتكلم معاكى علشان صحبتى
ورد:طب انا عاوزة شاى ايه البخل اللى انتى فيه دة يابنتى فين واجب الضيافة؟!
نسمة:ههههههه حاضر من عنيا
دخلت نسمة المطبخ
وورد دخلت اوضة ابو نسمة
طق طق
احمد بتعب:تعالى يانسمة
ورد:لا انا مش نسمة انا ورد انفع ولا ايه؟!
احمد:جاتك ايه ياورد مش قادر اضحك يابنتى والله
ورد:لو جت فرصة تضحك استغلها ياعمى الواحد لو حسب الحلو والمر اللى ف الدنيا هيلاقى المر اكتر فلما ييجى الحلو واللحظات الحلوة الواحد لازم يستغلها
احمد:الم’وت هيجى خلاص ياورد انا حاسس بيه بس انا خايف ام,وت واسيب نسمة لوحدها هى ملهاش حد غيرى ولو مو’ت هتبقى صيدة سهلة لكلاب السكك عايز اطمن عليها ياورد
