عش العراب بقلم سعاد محمد سلامة الجزء الثامن

﷽ الثانيه والثلاثون... ـــــــــــــــــــــــــــــ بـ دار العراب دخلت زهرت وصعدت الى شقتها وقفت مذعوره وهى تضع يدها حول عنقها،ذهبت الى مرآه قريبه بالردهه وخلعت حجابها وقفت تنظر الى ذالك الخط الدامى الرفيع الظاهر بشفاها و علامات أصابع ذالك الوغد نائل سواء كانت على وجهها او عُنقها بسبب صفعها و محاولتة خنقه لها تُعيد حديثه فى راسها بغلول يزداد حقًا كما قالت تلك البلهاء هند أن نائل مُغرم بـ سلسبيل... هوس عقلها ودت تكسير كل شئ حولها لكن لجمت غضبها تهزى بغيظ وهى تنظر فى المرآه: سلسبيل... سلسبيل فيها أيه مميز عنى، أنا أجمل منها عندى أنوثه مش عندها، أيه الفرق، فلوس عيلة العراب... هنا إزداد الجشع فى قلبها، الفلوس... هى اللى بتعمل سعر للبنى آدمين، أنا مش أقل من سلسبيل رباح خلاص بقى لعبه فى إيدى، وكمان الجنين اللى فى بطنى مش بس هيورث إسم هيورث فلوس العراب مش هيفرق عن إبن سلسبيل... دلوقتي لازم أنسى أمر إنفصالى عن الغبى رباح بعد ما الوغد نائل ظهر وشه الحقيقى بس مش هسيبه هعرف إزاى نتقم منه وأندمه على لعبُه بيا. ....ــــــــــــــــــــــــــــــــــــــــــــــــــــــــــــ بـ منزل أخو قدريه بالدور الأرضى دخلت سميحه الى أحدى الغرف تحمل بين يديها حقيبه كبيره خاصه بالخضروات والفاكهه قائله: إتسوقت لك الخضار والفاكهه اللى قولتلى عليهم اهم فى الاكياس فى قلب الشنطه دى. نهضت قدريه من مكانها وأقتربت من تلك الحقيبه وقامت بفتحها وإخراج تلك الاكياس تعاين تلك الخضراوات والفاكهه قائله بعدم رضا: معرفش كان ايه هَفنى فى عقلى أجولك إتسوجى لى،أيه ده،الفاكهه والخضار معطوبين،طبعاً إسترخصتى وجبتتى حاجات مش نمره واحد،زى ما كنتى متعوده فى دار أهلك. ردت سميحه بدمعه وهى تشعر أن قدريه تحاول الاستقلال من شأنها: إحنا كنا فقره صحيح وكنا عايشين على قدنا بس ماما عمرها ما أكلتنا حاجه معطوبه. نظرت لها قدريه قائله بتأمير: وسعر الحاجات دى قد أيه بجى، ولا خايبه فى الشرا كمان. ردت سميحه: لأ مش خايبه فى الشرا وبعدين بتسألينى ليه أنا دفعت تمن الحاجات دى من معايا. ردت قدريه بتهكم وأستقلال:دافعه تمن الحاجات دى من معاكِ،كأنك دفعاهم من خير أهلك إياك ما كله من خير أبنى اللى معيشه فى نغنغه مكنتيش تحلم بها لدغه ناقصه زيك. ردت سميحه بضيق تحاول ضبط نفسها حتى لا ترد على قدريه بطريقه تؤخذ عليها خطأ: ناقصه أيه يا حماتى،قصدك أيه،وفيها أيه أما أكون لدغه،ده ينقصنى فى عن غيرى فى أيه؟ ردت قدريه بضيق:هو فى أيه كل كلمه اجولعا تردى لى عليها بجمله،بتردى عليا لؤم بلؤم كده ليه،ولا عشان ربنا حوجنى للى ميسواش. إبتلعت سميحه حديث قدريه الفج قائله: ربنا ما يحوجك يا حماتى،والله محمد عالدوام بيوصينى عليكِ. تهكمت قدريه ساخره:آه وأنتى بتعملى بالوصيه جوى،خدى الفاكهه والخضار دول للمطبخ وأغسلى لى شويه فاكهه فى طبق وهاتيهم. حاولت سميحه ضبط نفسها قائله:حاضر. ثم خرجت من الغرفه الى المطبخ. بينما جلست قدريه تشعر بالزهو والغطرسه،لكن فى نفس الوقت شعرت بالغيظ من تلك اللدغاء،التى تأتى إليها مره بالاسبوع كى تطمئن عليها وتهتم بطلباتها . همست قدريه بغِل: اللدغه أم نص لسان حاويطه فى الكلام كل ما أحاول أوقعها فى الكلام وأسألها عن أخبار دار العراب بترد عليا بالقطاره، مبعرفش آخد منها خبر واحد. بينما سميحه توجهت الى المطبخ وضعت تلك الحقيبه وآتت بأحد الأطباق ووضعت به بعض الفواكه وقامت بغسلها، تُلجم غضبها من طريقة حديث قدريه الفظه، وحدثت نفسها: والله لو مش وصايه جدتى هدايه ليا أتحمل طابعك الغلس أنا ماكنت جيت لك بس انا بسمع كلام جدتى هدايه يمكن تدعى ليكِ دعوه حلوه وتقبل ما أنى أشك إن اللى زى حماتى دى تدعى دعوه وتقبل دى لسانها بينقط سم. كادت سميحه تخرج من المطبخ لكن قبل ذالك بالصدفه تسمعت حديث حماد على الهاتف مع أحدهم كانت ستخرج بلا إهتمام لكن سمعت ذكره لإسم العراب، فتوقفت مكانها لتسمع ماذا يقول عن العراب سمعت تهكمه على عيلة العراب وأيضًا كان حديثه عن سلسبيل التى رفضت بيع تلك التماثيل،ساخرًا من غباء وتسلط قماح عليها. همست سميحه لنفسها قائله:صحيح قليل الأصل بتاكل فى خير دار العراب وبتجيب سيرتهم بالسوء،بس واضح إنك زى أختك الخسيسه،يظهر انها وراثه عندكم، بس أنا هطلع قدامه إزاى مش بعيد يشك إنى سمعت لكلامه، ويلفته. وقفت سميحه حائره تخشى دخوله الى المطبخ، فهى تكره نظرات عيناه الثاقبه والفجه، رغم انه لم يتعرض لها سابقاً لكن تشعر من نظرات عيناه أنه بلا أخلاق. أما حماد أغلق الهاتف ووقف يزفر نفسه بغضب وحقد وكان سيدخل للمطبخ لكن للصدفه نادت عليه عطيات فذهب إليها. تنهدت سميحه براحه وخرجت سريعاً من المطبخ وذهبت الى غرفة قدريه. قدريه التى إستقبلتها بضيق وتهجم قائله: ساعه على ما تغسلى الفاكهه،ولا توهتى فى الدار من وسعها. صمتت سميحه تنظر لـ قدريه هامسه لنفسها: والله الدار دى حاويه العقارب. نظرت لها قدريه بشر قائله:مبترديش ليه يا أم نص لسان؟ ردت سميحه:الوقت قربنا عالعصر ولازم أرجع قبل محمد ما يرجع للدار عشان يتغدا،سلاموا عليكم. قالت سميحه هذا ولم تنتظر رد قدريه وغادرت فورًا. بينما تهجمت قدريه. ..........ــــــــــــــــــــــــــــــــ بـ منزل الجزيره أغمضت سلسبيل عينينها وتنهدت بنشوه وهى تجلس بالحديقة تشعر بإنتعاش روحها وهى تستنشق عبق تلك الزهور الممزوج مع نسمات الهواء كذالك تستمتع بدفئ شمس الربيع تشعر بالسلام فى قلبها. تبسمت وهى تشعر بيدي صغيرها التى تسير على وجها ظنًا منه أنها نائمه يحاول إيقاظها، فتحت عينيها تنظر له ببسمه، وشعرت بيدي قماح التى وضعهما على كتفيها من الخلف،أدارت راسها تنظر له بإبتسامه. تبسم قماح وإنحنى يُقبل وجنتها ثم أخذ الصغير منها قائلاً: مش كفايه قاعده تحت الشمس؟ إبتسمت سلسبيل قائله: خلاص الوقت مر بسرعه بقينا العصر ولازم نرجع لدارنا دار العراب . تبسم قماح بعد أن أخذ الصغير من يدي سلسبيل ونظر له قائلاً بمُزاح: ايه رأيك يا ناصر بيه نرجع دار العراب ولا نفضل هنا فى الجزيره كمان الليله. رد الصغير بحركات يديه الذى يحاول العبث بوجه قماح ليس هذا فقط بل قام بلعق أنف قماح الذى تبسم له. نهضت سلسبيل قائله: أنا عن نفسى معنديش،مانع مستعده أعيش هنا طول عمرى كفايه الصفاء والهدوء ده، بس برضوا اللمه اللى فى دار العراب وحشتنى ولازم نرجع لهم من تانى. تبسم قماح وهو يلف يده حول خصر سلسبيل قائلاً: أوعدك من فتره للتانيه نجى نقضى هنا وقت جميل... بس المره الجايه هنبقى لوحدنا أنا وأنتى وبس، عشان ميبقاش فى عازول بينا. ضحكت سلسبيل على رد ناصر الذى قام بهبش وجه قماح. وقالت: واضح إن ناصر مش عاجبه أنك تقول عليه عازول. تبسم قماح وقبل يد صغيره ثم قبل وجنة سلسبيل يضم جسدها إليه،يشعر بدفئ العائله الذى إفتقدها يعود الى قلبه. ..... ــــــــــــــــــــــــــــ فى دبى عدل كارم تلك الوسائد خلف ظهر همس الجالسه على الفراش وجلس لجوارها يضمها لصدره. تبسمت همس على ملامح وجه التى مازالت يظهر على الخوف بوضوح وقالت بمرح حتى تُزيل ذالك الخوف عن كاهلهُ: إبنك شكله هيطلع شقى زيك على فاكر وإحنا صغيرين لما كنت بتكسر لسلسبيل التماثيل اللى كانت بتتعب فى تشكيلها. رغم رجفة قلب كارم وتلك اللحظات الصعب الذى عاشها قبل قليل لكن تبسم قائلاً بتبرير: أنا كنت بعمل كده عشان ألفت نظرك ليا كنت بحب أشاغبك لانى عارف إنك إنتى اللى هتتهجمى عليا عشان كسرت تمثال سلسبيل، سلسبيل مكنتش بتتكلم بس أنتى كنتى بتبقى زى المدفع،فاكر مره غرقتينى ميه بخرطوم الرى بتاع الجنينه وبعدها أنا أخدت دور برد وجدتى كانت بتسقينى مجموعة أعشاب عشان أخف بسرعه لان وقتها كنت فى إمتحانات نص السنه. ضمت همس رأسها لصدر كارم قائله:أنا كنت أشقى تانى واحده فى اخواتى،هدى شقيه،إنما سلسبيل واخده عقل جدتى هدايه اكتر،إنما هدى بقى دى الطايشه بتاعتنا. تنهدت همس تشعر بالحنين لأختيها الذى أصبح يراودها بشده الشوق لهن وسهمت قليلاً. شعر كارم من نبرة حديث همس أنها أصبحت تشتاق كثيراً لاختيها فقال بمفاجأه: همس أيه رأيك ننزل مصر الفتره الجايه . تفاجئت همس ونظرت لـ كارم قائله بإستوعاب: قصدك أيه بننزل مصر،وشغل المطعم اللى هنا،عاوز ترجع مصر بعد المطعم ما بدأ يشتغل كويس وبقى له زباين محترمين؟ رد كارم بتفسير: لأ طبعاً أنا مش قصدى إننا نزل مصر ونرجع نستقر هناك أنا قصدى ننزل مصر الفتره الجايه،أنا أرجع لهنا أتابع شُغل المطعم ،وأنتى تفضلى فى مصر لحد ما تخلصى بقية شهور الحمل وتولدى بالسلامه وترجعى لهنا تانى بالبيبى. ردت همس التى شعرت برجفه فى قلبها لكن حاولت المزاح:طب ليه لازمتها أيه الشحططه دى ما أفضل هنا واولد هنا،والولد ياخد الجنسيه الامارتيه،أنت عارف الجنسيه الامارتيه بقت زى المصباح السحرى للسفر لاى مكان دى بقت بتنافس جواز السفر الامريكانى،والشنجل الأروبى. تبسم كارم قائلاً:مش قصدى عالجنسيه الامارتيه دى سهله،أنا قصدى هناك هتلاقى اللى يراعكى طول الوقت. تبسمت همس قائله:هلاقى اللى يراعنى ليه أنا مالى أنا كويسه قدامك أهو،ولا علشان المغص اللى كان عندى من شويه،لأ إطمن اهو انت سمعت الدكتوره بنفسها طمنتنا البيبى بخير وان ده مغص عادى ومالوش أى خطوره عالحمل بيبقى يصيب الحوامل من فتره للتانيه،وبعدين سبق وقولتلك إبنك وارث الشقاوه من الجهتين. ضم كارم همس قائلاً:بصراحه أنا بعد ما شوفت وجعك بسبب المغص ده بقيت خايف المغص ده يرجع من تانى فى وقت أكون أنا مش فيه معاكِ وقتها هتعملى أيه؟ ردت همس: وليه تقدر البلا، الدكتوره قالت ده شئ عرضى مش لازم يرجع تانى...كارم بلاش تبالغ أنا بخير مكنش حته مغص اللى لسه مخوفك كده. رد كارم:همس أنا فعلاً خايف عليكِ،وفيها أيه لما تنزلى مصر الفتره الجايه،لحد ما تولدى. ردت همس:فيها إنك نسيت يا كارم،إنى فى نظر الجميع ميته. تنهد كارم يبتلع تلك الغصه قائلاً: همس أظن الكدبه دى لازم تنتهى بقى وتظهر الحقيقه إنك لسه عايشه،والكل يعرف بكده. إرتعشت همس وابتعدت عن حضن كارم بصمت. شعر كارم برعشة همس وجذبها لحضنه مره أخرى قائلاً:همس أظن أنك اتعالجتى ولازم تقدرى تواجهى دلوقتي،آجلاً او عاجلاً مسيرنا هننزل مصر ووقتها هيكون حاتمى اللقاء بينك وبين أهلنا ولا هتتنكرى قدامهم،طب هقولك على حاجه بابا قالهالى بعد ما بعتنا كسوة سبوع ناصر ابن سلسبيل،إن سلسبيل شكت إنك عايشه. لم تتعجب همس من ذالك وقالت: كنت متأكده أن سلسبيل هتشك فى كده،ناسى إن سلسبيل هى اللى ظهرت برائتى...صدقنى يا كارم أنا مشتاقه أنى أرجع من تانى وأعيش وسط أخواتى ونفرح ونلعب تانى زى ما كنا،بس خايفه من الصدمه لما يعرفوا إنى لسه عايشه،وبالذات من الصدمه على ماما مش متوقعه رد فعلها،يمكن يخيب أملى وقتها. رد كارم:ليه يا همس مرات عمى مفيش فى حنيتها وتواضعها. تنهدت همس:بس الحنيه زياده عن اللزوم أوقات بتبقى ضعف، ماما اوقات كتير كنت بحس انها سلبيه. تنهد كارم يقول:بالعكس أنا شايف مرات عمى أكتر واحده فى دار العراب إيجابيه،بابا قالى أنها ضر,بت قماح بالقلم عشان خاطر سلسبيل،لما أتجوز عليها. تعجبت همس وقالت بعدم تصديق:ماما ضر,بت قماح بالقلم،مستحيل،مش مصدقه. رد كارم: لأ صدقى يا همس،مرات عمى مش ضعيفه ولا سلبيه هى كل اللى عاوزاه أنها تعيش حياه هاديه،بدون مشاكل أو نزعات على أنها تستحوز على قيمه ومقام معين،زى..... صمت كارم يشعر بغصه،قبل أن يعطى لها والداته مثال على الأنانيه وحب الذات. شعرت همس بصمت كارم وعلمت انه يقصد والداته،فقامت بتغير مجرى الحديث: خلى أمر نزولى لمصر ده للوقت الله أعلم أيه الجاى لسه،أنا بعد اللى حصلى مكنتش مصدقه أنى أرجع طبيعيه تانى...والسبب فى رجوعى هو أنت يا كارم،صبرك ودعمك ليا خلانى قدرت أتخطى المحنه اللى كنت فيها،أنا بندم على إنى فى وقت كنت بضايق منك لما كنت بتحاول تقرب منى وأنا عايشه فى وهم كنت برسمه بغبائى،وكنت بحاول أتهرب منك،بس أنت كنت زى المغناطيس جذبتنى ليك،أنا بحبك يا كارم. قالت همس ذالك وقامت بحضن كارم قويًا. تبسم كارم وضمها أقوى حتى آنت من بطنها،وسمع ذالك الانين. فك كارم عناقه لهمس بخضه قائلاً: المغص رجع تانى. تبسمت همس قائله:لأ بس أنت حضنتنى جامد وناسى إنى زى البالونه المنفوخه وأنت زنقت على بطنى. تبسم كارم يلتقط نفسه قائلاً:أنا بقول أقوم أعمل لينا شوية فشار ونشوف فيلم كويس نسمعه سوا،أهو نتسلى فيه،أنا بصراحه كان نفسى نتسلى فى حاجه تانيه بس خلاص الدكتوره منعت التسليه دى شويه وغصب عنى لازم أستحمل من أجل عيون هاميس. تبسمت همس قائله:ليه مش هترجع للمطعم تباشر الشغل فيه؟ رد كارم:لأ قاعد معاكِ أنتى والأستاذ ناصر كارم اللى خضنا. تبسمت همس بقبول تشعر بسعاده رغم أن بها جزء ناقص لكن بداخلها أصبحت تريد أن تسمع لقول كارم وتعود لكن مازال لديها بعض الرهبه من المواجهه مع والدايها وأختيها،وماذا سترد عليهم حين يعاتبوها لما أرادت الإبتعاد عنهم...لكن ربما اللقاء قريب ووقتها يحدث ما هو مُقدر. .......ـــــــــــــــــــــــــــــــــــــــــــــــــــــــــــــــ بـ دار العراب مع نهاية وقت العصر دخل قماح يحمل الصغير وخلفه سلسبيل توجهوا الى غرفة هدايه مباشرةً دخل قماح. تبسمت هدايه قائله: ناصر حبيبى إتوحشتك جوى من إمبارح غايب عن نضرى. أعطى لها قماح ناصر أخذته منه مبتسمه ونهضت وفتحت أحد الادراج وأخرجت منه شئ...فى ذالك الوقت دخلت سلسبيل هى الأخرى تبتسم. تحدثت هدايه وهى تنظر الى وجوهم السعيده قائله: حمدلله عالسلامه،تعالى يا سلسبيل خدى ناصر شليه عشان أعرف اشبك له الحجاب ده فى هدومه. إقتربت سلسبيل منها وأخذت ناصر وحملته مبتسمه وهى ترى شبك هدايه لذالك الحجاب البسيط بملابسه،قائله: الحجاب ده دايماً تشبكيه فى هدوم ناصر اللى تحت،ده حجاب مبروك وهيحفظه. تبسمت سلسبيل قائله:حاضر يا جدتى. قبل أن يتحدث قماح،كان هنالك أصوات عاليه يأتى من الخارج،خرجوا سريعاً من الغرفه بإتجاه تلك الأصوات. .... بينما قبل قليل بشقة زهرت،وقفت أمام المرآه تضع بعض مساحيق التجميل على وجهها تُخفى آثار الصفعه الظاهره على وجهها،بالفعل أخفت تلك العلامات،ربما لوقت،لكن ماذا بعد ان تُزيل تلك المساحيق ستظهر تلك العلامات مره أخرة وربما يراها رباح ويسأل عن سببها وقفت تسب وتلعن فى ذالك الوغد نائل،ألقت ما بيدها على الأرض بعنفوان تزفر انفاسها الملتهبه بغضب،لثوانى،ثم نظرت الى ما كان بيدها و ألقتهُ على الارض،وبدأت فى الإنحناء وجَمعهُ مره أخرى،بالصدفه توجهت نحو زجاج الشُرفه تلتقط إحدى تلك الأشياء من على الارض،وإستقامت مره أخرى،وقع بصرها عبر زجاج الشرفه على سميحه التى تسير بالشارع تكاد تقترب من الدخول الى الدار،نظرت بغيظ وحقد كبير تلك اللدغاء تستحوز على قبول وترحيب الجميع بها منذ أن دخلت الى الدار تملك منها شيطانها فى نفس اللحظه إنها فرصتها،ألقت تلك الأشياء التى كانت بيديها أرضًا مره أخرى وخرجت من الشقه ومنها الى الأسفل،وقفت فى مدخل الدار الداخلى تنتظر دخول تلك اللدغاء كى تنفذ مُخططها الشيطانى. بالفعل دخلت سميحه الى الدار تعجبت من وقوف زهرت قائله: واقفه كده ليه؟ ردت زهرت بتهكم وجر آنين:واقفه مستنيه أشوف جمال خطوتك كنتِ فين لدلوقتى قربنا عالمغرب. ردت سميحه:أنا راجعه مش فايقه إبعدى عن طريقى. قالت سميحه هذا وأكملت سير،لكن زهرت توقفت امامها قائله: ومش فايقه لى ليه راجعه منين،يمكن من عند دكتورة النسا ولا حاجه...أيه خايفه تكونى عاقر،بقالك كم شهر متجوزه ومحبلتيش. رد سميحه بغضب:أوعى لمعنى كلامك كويس منين عرفتى إنى عاقر،وأهو انتى قولتيها بقالى كم شهر،إنما انتى قربتى على سنتين متجوزه ويادوب لسه حامل جديد... أما أبقى يعدى عليا سنه من غير ما أبقى حامل وقتها أبقى أقلق، وسعى من سكتى أنا راجعه مصدعه. تعصبت زهرت ولم تتجنب من أمام سميحه،بل و إدعت سقوطها أرضًا ومدت يدها تدعى أنها تستند على سميحه التى للحظه خشيت عليها،لكن ذُهلت حين صرخت زهرت وظلت ممسكه بيد سميحه وهى تجلس أرضًا تقول: إبعدى عنى حرام عليكي أنا حبله بتضر,بينى عاوزه تسقطينى. آتت على صريخ زهرت نهله أولاً ثم قماح وخلفه سلسبيل وهدايه،وأيضاً بعض النساء العاملات بالمنزل، كانت الصدمه لهم،زهرت شبه نائمه على الأرض وسميحه تمسك بيدها، تملك الشيطان من زهرت أكثر تقول برجاء: أبعدوها عنى،ضر,بتنى بالقلم وزقتنى على الارض وكانت عاوزه ترفصنى فى بطنى تسقطنى،كل ده بسبب غيرتها منى. تلجم عقل سميحه من تلك الخبيثه الكاذبه،وجال بصرها لوجوه الموجودين بالمكان تهز رأسها بنفى أن هذا لم يحدث. ذهبت إحدى الخادمات الى زهرت وحاولت مساندتها حتى تقف،بدموع التماسيح سندت زهرت عليها...وإستقامت تعدل حجاب راسها تقول: شوفى أثار إيديها معلمه على وشى،ورقابتى دى حاولت تُخنقنى،ليه وليه بقولها خفى رجلك من المرواح عند عمتى قدريه وبلاش تنقلى لها سر الدار هنا. عقل سميحه لا يستوعب كل هذا لكن بلحظه تجمعت شجاعتها قائله: كدابه يا زهرت منين جالك إنى كنت عند عمتك قدريه، إنتى قولتى لى أنى كنت عند الدكتور علشان أعرف إن كنت عاقر أو لأ. بجباحه ردت زهرت:أنا هقولك عاقر ليه،وعرفت إنك كنتى عند عمتى من ماما لسه قافله معايا الموبايل،قولت أحذرك،لكن أنتى إتهجمتى عليا... وعندى إستعداد أحلف عالمصحف بكده. ردت سميحه: وأنا كمان هحلف عالمصحف إنك كدابه وإنى مقربتش منك وكل ده تمثيل. تهجمت زهرت قائله: أيه اللى تمثيل علامات صوابعك اللى على وشى ولا اللى على رقابتى... وظاهره أهى. قبل أن تدافع سميحه عن نفسها تحدثت هدايه بحزم للشغالات: كل واحده تروح تشوف شغلها الرجاله زمانهم على وصول٠ ثم نظرت لـ سميحه وزهرت _وأنتم الاتنين حصلونى عالمندره حالاً. تحدثت سلسبيل: مش معقول كدب زهرت، أنا مصدقه سميحه ردت نهله: وأنا كمان مصدقه سميحه، زهرت خبيثه، اقولك ملكيش دعوه هما سلايف مع بعض والحجه هدايه هتحل المشكله. ردت سلسبيل: تمام، أنا هطلع أغير لـ ناصر. تبسمت لها نهله وهى تُقبل يد الصغير قائله: إتوحشتك كتير أوعى تكون نسيتنى . تبسم الصغير لها وألقى بنفسهُ عليها. تبسم قماح وسلسبيل التى قالت بمرح:طب طالما بعتنى بسهوله كده خليك معاها بقى. تبسمت نهله لها قائله: ناصر ده روحى،إطلعى انتِ وقماح غيروا هدومكم وانزلوا فى هنا غيارات لـ ناصر هغيرله أنا. تبسمت سلسبيل وقماح بموافقه وصعدوا الى شقتهم. دخلت سلسبيل وخلفها قماح... وقفت سلسبيل تقول:معرفش غرض زهرت أيه من اللى عملته مع سميحه،سميحه رغم معرفتى بها من مده مش طويله بس قلبها أبيض متعملش كده...إنما زهرت طول عمرها قلبها أسود وحقوده. رد قماح:أهو أنتى قولتيها زهرت قلبها اسود وحقوده ويمكن إستفزت سميحه وخرجتها عن شعورها. تعجبت سلسبيل قائله:قصدك أيه،يعنى انت مصدق إن سميحه تضر,ب زهرت لأ وكمان كانت عاوزه تسقطها،عن تجارب سابقه مع زهرت مستحيل أصدق كدبتها دى. إقترب قماح من سلسبيل ووضع يديه حول خصرها قائلاً:أنا لا مصدق زهرت ولا مكدب سميحه الموضوع مش فارق معايا من اساسه،أنا بقول طالما مرات عمى خدت ناصر معاها يبقى نستغل الفرصه دى. أنهى قماح حديثه وهو يُقبل وجنتي سلسبيل ينزع الحجاب عن رأسها يُسدل بيديه شعرها ثم قبل عُنقها. تبسمت سلسبيل بترحيب ونظرت لعين قماح للحظات قبل أن تخفض عيناها خجلاً،ثم إبتعدت عن قماح وذهبت الى غرفة النوم،وخلفها قماح،ليعيش الاثنين لحظات عشق بعد قليل نامت سلسبيل بظهرها على الفراش تتنهد بقوه. إقترب قماح منها وجذبها لصدرهُ قائلاً:أيه سبب التنهيده دى؟ ضمت سلسبيل نفسها لصدر قماح وإقتربت براسها من عُنقه تستنشق بأنفها عطرهُ قائله: هتصدقنى يا قماح لو قولت لك معرفش سبب للتنهيده دى. تبسم قماح قائلاً:بس أنا عارف سبب للتنهيده دى،أقولك بسبب ناصر مش هنا ومزعجناش وإحنا مع بعض زى ما بيعمل دايمًا،ما يصدق إنى أقرب منك زى ما يكون بيغير عليكى منى ومش عاوزنى أقرب منك خايف نجيب له أخ يستحوز معاه شويه عالدلع والأهتمام. ضحكت سلسبيل قائله:يمكن برضوا بس أكيد لسه بدرى على ما يجى له أخ وهو لسه عمره يا دوب شهوووور. توقفت سلسبيل تفكر ثم قالت: قماح أنا مش باخد أى مانع حمل إزاى فاتت عليا دى. ضحك قماح قائلاً:واضح إن ناصر مش هيفضل وحيد لفتره طويله وهيجى له أخ أو أخت بسرعه. تبسمت سلسبيل قائله:قماح انا ملاحظه إنك نفسك أخلف تانى بسرعه ليه؟ تبسم قماح قائلاً:أنا عاوز يبقى ليا عيله صغيره معاكِ يا سلسبيل،أنا طول عمرى اللى فات كنت بحس إنى وحيد،ومتقوليش عندك تلات أخوات،آه أخواتى بس مش شُققه غير أنى عشت لفتره بعيد،ومش عاوز ناصر يحس بوحده زيي. تبسمت سلسبيل وهى تضم قماح قائله:ودلوقتي لسه عندك إحساس إنك وحيد؟ ضم قماح سلسبيل قائلاً:لأ معاكى أنتِ وناصر اللى بيسهرك طول الليل حسيت بالعيله اللى كنت بتمناها. بعد قليل وقفت سلسبيل تعدل من هندامها أمام المرأه،نظرت لإنعكاس قماح قائله:زمان ماما قالت طلعوا فوق يغيروا هدومهم ونسيوا نفسهم. تبسم قماح قائلاً:لأ أطمنى ناصر طول ما أنتى بعيده عنه بيبقى هادى. ....... ــــــــــــــــــــــــــــــــــــــ حل المساء، بـ دار العراب بشقة زهرت قامت بجمع ملابسها ووضعت مصوغاتها الذهبيه كلها بها تفاجئ رباح الذى دخل الى الشقه من وقوف زهرت وخلفها تلك الحقيبه قائلاً: رايحه فين بشنطة هدومك دى؟ ردت زهرت:انا ماشيه هسيب دار العراب،انا بعد اللى حصلى واللى جدتك عملته فيا مستحيل أفضل هنا فى الدار دى،يا أنا يا سميحه اللدغه. رد رباح:مش فاهم أيه اللى حصل؟ ردت زهرت:أحكيلك اللى حصل. سردت زهرت له كذبتها وما حدث من تهجم سميحه عليها بالض,رب،ومساندة هدايه لها عليها حين دخلن خلفها الى غرفتها فلاشـــــــ..باك دخلت هدايه وجلست على مقعد بالغرفه،دخلت خلفها سميحه مباشرةً تبكى وتوجهت اليها وإنحنت تُقبل يديها قائله: والله يا جدتى ما حصل وأتهجمت على زهرت بالكلام ولا مديت أيدى عليها،ولا حتى كمان بنقل أسرار الدار لحماتى،انتى اللى بتؤمرينى اروح ازورها والله انا بتحمل وجودى عندها بالعافيه،دى بتعاملنى على إنى شحاته وشغاله عندها،بس بتحمل زى ما قولتي لى قبل كده،زهرت بتفترى عليا ونقرها من نقرى من يوم ما دخلت لـ دار العراب. بكت زهرت هى الاخرى قائله:وانا هحط نقرى من نقرك ليه انا زيي زيك هنا، وهفترى عليكى ليه،يعنى هكون انا اللى ضر,بت نفسى،ووقعت عالأرض. ردت هدايه:بس مفيش واحده فيكم تتكلم قبل ما أجول لها.. قالت هدايه ونظرت لوجوه الاثنتين،أستشفت من مهن الصادقه ومن الكاذبه،وقالت: زهرت أنتى بتقولى إن سميحه بتنقل اسرار دارنا لـ قدريه أيه دليلك على كده،نقلت لها أيه؟ إرتبكت زهرت قائله بتعلثم:معرفش،ماما هى اللى قالتلى أحذرها،عمتى قدريه محروقه بعد طلاقها ونفسها تتشفى فى عيلة العراب...وسميحه هى الوحيده اللى بتروح لها،أنا رغم انها عمتى،بس أنا اختارت أصون سر دار جوزى. تهكمت هدايه قائله:وانت سيد من يصون السر،انا عندى ثقه فى سميحه وزى ما جالت أنا اللى بسمح لها تروح لقدريه،لكن إنتى خرجتى الصبح من الدار من غير أذنى،روحتى فين ورجعتى طلعتى على شجتك طوالى؟ إرتبكت زهرت قائله بدموع:انا كنت بزور قبر بابا،جالى فى الحلم بيعاتبنى،إنى مش بزور قبره واقراله الفاتحه ترحمه. تهكمت هدايه قائله:تجدرى تقرى له الفاتحه وتوصله من أى مكان وليه مجتيش تاخدى إذن منى أنا مش قايله مفيش واحده تخرج من الدار بدون إذنى؟ ردت زهرت:طب ما سلسبيل بتخرج بمزاجها. ردت هدايه بحزم: مقالكيش صالح بسلسبيل بتخرج لشغلها فى المقر بإذن جوزها،إنما أنتى بتخرجي بمزاجك بدون إذن حتى رباح...دلوق اللى حصل ينكفى عليه خبر،وايًا كان أنتى الصادقه أو سميحه،الموضوع خلص ولو إتكرر بعد إكده هيكون ردى عليه مش هيسرك يا زهرت. شعرت سميحه بإنشراح فى قلبها وقبلت يد هدايه قائله: والله أنا من يوم ما دخلت لدار العراب وحتى من قبل ما أتجوز محمد حبيت كل اللى فيها وعمرى ما فشيت سر حتى لماما نفسها،حتى هى مش بتسالنى أصلاً... وانتى شايفه معاملتى مع كل اللى فى الدار. قاطعتها هدايه قائله:جولت كفايه عاد يلا كل واحده منيكم تطلع شجتها تغير خلجاتها رچالتكم زمانهم على وصول...واللى حصل ممنوع أى راچل يعرفه . نظرت زهرت لهدايه بغل ولسميحه أيضاً وخرجت ببركان فى عقلها هدايه أنصفت سميحه عليها. توقفت هند من سرد ما حدث لـ رباح بنحيب دموعها الخادعه،قائله:أنا عارفه إن جدتك طول عمرها بتكرهنى ومكنتش موافقه على جوازنا،بس اللى حصل النهارده يأكدلى إنى ماليش مكان هنا،دى نصفت اللدغه عليا،أنا قبل ما أكون مرات حفيدها كنت بنت... توقفت زهرت لثوانى ثم قالت:طبعاً كانت هتحبنى وانا ابقى بنت بنت جوزها،اكيد ده سبب الحقد جواها ليا... أنا ماشيه علشان ترتاح. أمسك رباح يدي زهرت قائلاً:لو فى واحده لازم تمشى من الدار فهى سميحه مش أنتى يا زهرت. قال رباح هذا وترك الشقه متوجهاً لأسفل بزوبعه... دخل الى غرفة المعيشه كانت هدايه تجلس مع النبوى ومحمد وناصر وكذالك قماح،كاد يتصادم مع دخول سميحه نظر لها بحقد قائلا بتهجم: طبعاً مبسوطه إن جدتى نصفتك على زهرت بعد ما كنتى عاوزه تسقطيها،بترسمى دور البراءه وأنتى واحده حقيره ملهاش اصل وإندست وسطنا. إنصدمت سميحه من تهجم رباح عليها الذى كاد ان يمد يدهُ عليه لولا أن أمسك محمد يدهُ قائلاً: أوعى تمد ايدك على مراتى،وكلامك الغبى ده هتغاضى عنه بس عشان خاطر إننا اخوات،مراتى مش حقيره ولا ملهاش أصل،متفرقش فى أصلها عن مراتك زهرت،بل هى عندها اللى يميزها و مش عند مراتك. تهكم رباح قائلاً:وايه اللى يميزها عن مراتى؟ رد محمد:عندها حب وإحترام لكل اللى فى الدار،وقبل من كده رضا فى قلبها،مش طماعه زى مراتك. رد رباح:ومراتى بتكرهكم،ولا كانت إطمعت فى ايه؟ نهض النبوى قائلاً:حلو قوى وقوفكم قدامى زى الديوك كده،أيه النسوان هتوقع بين الاخوات. رد رباح:مش النسوان اللى وقعت بين الاخوات إنت اللى وقعت بينهم من الأول لما كنت بتفضل واحد عالتانى فى المعامله. ذُهل النبوى ودون إراده منه كانت صفعه قويه على وجه رباح. نهض ناصر وقماح نظر رباح لـ النبوى قائلاً:أنا هاخد مراتى ونسيب دار العراب. إنصدم النبوى من قول رباح السفيه،وقال له بتوعد: لو خرجت من الدار تنسى إنك من عيله العراب. رد رباح بإستعجال:وأنا هتبرى من عيلة العراب كلها. ذهب ناصر وامسك يد رباح قبل ان يخرج قائلاً له: وحد الله يا رباح اللى حصل شيطان. رد رباح:الشيطان دخل من سنين لما راح اتجوز على أمى وجابلها ضره وفضل إبنها عليا،أنا ساكت بس خلاص إنتهى. قال رباح هذا ونفض يد ناصر،ووجد زهرت امامه بحقيبة ملابسها،قال لها: كويس إنى جبتى شنطة هدومك خلينا نمشى من هنا،بعد كده إنسى عيلة العراب. بالفعل خرج رباح ومعه زهرت من الدار. جلس النبوى يشعر بآلم فى صدرهُ نادمًا ربما ما كان عليه صفع رباح،لكن هذا ما حدث. بكت سميحه التى تظن أن ما حدث بسببها،صعدت الى شقتها وخلفها محمد. بينما حل الصمت والنظرات بين قماح وناصر،وهدايه التى قالت: بنت عطيات لعبت لعبتها وفكرت إنها كسبت تبجى غلطانه،وعلى رأى المثل خيرًا تعمل شرًا تلجى،بس الخير مش بيروح،ورباح هيرچع من تانى لإهنه ويعرف إن ولد العراب لازمن يرچع راچل جبلها مش حُرمه اللى تسمم أفكاره. ..........ــــــــــــــــــــــــــــــــــــ بشقة محمد وسميحه. دخل محمد وجد سميحه تبكى بهستريا،وهى تضع ملابسها فى حقيبة ملابس. نظر لها محمد قائلاً: بتعملى أيه يا سميحه؟ صمتت سميحه وهى مازالت تبكى وتضع ملابسها بالحقيبه. أمسك محمد يديها قائلاً بتعصب: بقولك بتعملى أيه؟ ردت سميحه ببكاء:بلم هدومى عشان امشى من هنا انا اللى دخلت دار العراب فرقتها. رد محمد:سميحه بلاش تعصبينى، أنتى مش السبب،السبب عقل رباح الغبى واللى زرعت فيه ده من الاول كانت ماما وجت زهرت كملت عليه،سميحه أنتى مش السبب إنتهينا. ردت سميحه بدموع:والله يا محمد انا ما لمست زهرت ولا قربت منها،دى بتقولى يا عاقر. تبسم محمد وهو يضم سميحه:أنا عارف معدنك من معدن زهرت يا سميحه،ومتأكد من نضافة قلبك،بلاش تخلى سواد قلب زهرت يدمر حياتنا،مكانك هنا غصب عن اى حد،ومش الخلفه هى اللى هتحدد مكانتك هنا،لان مكانتك عاليه عندى يا لدوغتى. قال محمد هذا وضمها قوياً لصدره،كذالك سميحه ضمت محمد ومازالت تبكى. بينما قال محمد بمزح:كفايه دموع على قميصى بقى،ولا اقولك انا هقلع القميص وأبكى عليه براحتك طالما . تبسمت سميحه بصمت تحاول تجفيف دموعها بيديها. ضمها محمد قائلاً:بحبك يا لدغه. ........ ـــــــــــــــــــــــــــــــــ بشقة سلسبيل إبتعدت سلسبيل عن جسد قماح تنظر له قائله: قماح هسألك سؤال ولو مش عاوز تجاوب براحتك. نظر لها قماح ببسمه قائلاً: والسؤال ده مكنش ينفع تسأليه وأنتى فى حضنى. تبسمت سلسبيل بخجل قائله: إنت بتكره رباح؟ هز قماح رأسه بنفى وهو مازال نائمًا على ظهره قائلاً: لأ عمرى ما كرهت رباح، بالعكس أنا بشفق عليه. نظرت سلسبيل لـ قماح بذهول. بينما أسترد قماح حديثه: رباح كان عنده حظ ومميزات فى حياته أكتر منى،بس هو اللى سلم دماغه لغيره يسمع منه ويأثر عليه... وهو بيزرع الحقد فى قلبه واللى حصل النهارده كان آخر دليل على غباؤه اللى خسرهُ،بس متأكد بابا قادر يرجعه لعقله تانى،بس قبلها هيأدبه كويس. ردت سلسبيل بسؤال مختصر: زى أيه المميزات اللى كانت عند رباح مش عندك. رد قماح بغصه: كفايه كان عنده أُم، حتى لو كانت شخصيتها سيئه زى قدريه، كفايه آخر الليل كان بيلاقى أُم تدخل تطمن عليه، ولما كان بيوقع بيلاقى إيد تساعده يوقف و تطبطب عليه، أنا أتحرمت من أمى وبعدها محستش بأى حنان حتى لما رجعت تانى لـ هنا كنت بقيت شاب. ردت سلسبيل: وجدتى حنيتها مكنتش كافيه ليك. هز قماح رأسه بنفى قائلاً: جدتى فعلاً كانت بتحاول تعوضنى فقد أمى،بحنيتها بس محدش يقدر يعوض مكان الأُم يا سلسبيل... زى ناصر كده رغم إنك طول اليوم بتبقى بعيده عنه وهو مع جدتى بيبقى هادى معاها و وقت ما بترجعى أنتى وتاخديه فى حضنك بيدلع عليكِ ويشاغب معاكِ عارف إنك هتتحملى دلعه ده وكمان بتبتسمى له جواه يقين أن حبك له مكانه خاصيه له لوحدهُ محدش بيشاركهُ فيه. تبسمت سلسبيل قائله: بس أنا أكيد مع الوقت هخلف غيره وهياخد فى قلبى نفس مكانته. تبسم قماح قائلاً: أهو قولتى نفس مكانته يعنى مش هيبقى فى تفرقه فى مشاعرك له وبين أخواته فا بالتالى مش هيحس أنه ناقص عن غِيرهُ،الأم بتعرف توزع حنانها وأحتوائها بين أولادها بالتساوى. تبسمت سلسبيل وهى تنظر لـ قماح بصمت شعرت بذالك الفقد الذى شعر به قماح بعد أن فقد والداته عانى بسن صغير من القسوه فأكتسبها كى يستطيع التكيُف مع المُحطين له. تبسم قماح وفتح ذراعيه لـ سلسبيل التى فهمت أن قماح يريدها أن تعود تنام بحضنهُ مره أخرى. إستجابت سلسبيل وعادت تنام فوق صدره تضمه بيديها،ردًا على ضم قماح لها بقوه بين يديه،ثم قبلت وجنته مبتسمه قائله: أنا بحبك يا قماح. تبسم قماح وضمها أقوى بين يديه وهو يستدير بهم ينظر لشفاها وبلا إنتظار قبلها يستقى من شفاها نبع يروى قلبهُ بقُبلات عاشقه ولمسات شغوفه، ترحب بها سلسبيل بل وتريد المزيد منها تشعر بالتميُز وهى بين يديه. ........ ــــــــــــــــــــــــــــــ بعد مرور عشرون يوم. بتلك الشقه التى يقطن بها زهرت ورباح مؤقتًا صداع يفتك برآس رباح، يبحث مثل المجنون عن حبه من ذالك الدواء لكن ليس موجود،شعر بخيبه،ونظر الى زهرت التى دخلت عليه قائله بإستهجان: فى ايه مالك زى المجانين كده. رد رباح الذى يمسك راسه بيديه:علاج الصداع خلص. ردت زهرت ببرود:وانا هعملك إيه؟ رد رباح:قولى لصاحبتك اللى كانت بتجيبه ليكى وهاتى منها. ردت زهرت ببرود وسخريه:وتمنه هدفعه لها منين،الفلوس اللى كانت معانا خلصت،لو كنت سمعت كلامى وصرفت الأشياك اللى كان النجار بيكتبوها باسمك كان زمان معاك فلوس تجيب دوا الصداع بتاعك،لكن أنت خوفت يقولوا عليك حرامى اهو فى الآخر طردوك من غير ولا مليم. رد رباح: زهرت مش وقته دماغى هتتفرتك،خدى اى حتة صيغه بيعها وهاتى الدوا وصرفى نفسك بيها دلوقتي. ردت زهرت بسخريه:وبعد ما يخلص تمن حتة الصيغه أبيع غيرها لحد ما الصيغه كلها تخلص. رد رباح بعصبيه:لأ قبل ما تمن حتة الصيغه يخلص هكون اتصرفت وبلاش كلام كتير. ردت زهرت: تمام هاخد طقم دهب من اللى عندى وهنزل ابيعه،لحد ما اشوف آخرتها. قالت زهرت هذا وأخذت إحدى علب الذهب الخاصه بها وخرجت من المنزل. .......ــــــــــــــــــــــــــــــــــــــــ بـ مخزن قديم يُشبه الوكر مُدنس دخل حماد تبسم له الآخر قائلاً بتهكم: من زمان مجتش لهنا قولت يمكن توهت عن المكان، أيه فكرك الليله بالمكان ده، ايه الشوق حدفك، بس من شكل ملامح وشك إنك مضايق عالآخر. رد حماد: مش فايق لتريقتك يا نائل، كفايه الغبى رباح من يوم ما ساب دار العراب، وخالى ناصر أستلم الشغل مكانه ومبقتش عارف أشتغل، وأنسى انى اعرف ادسلك البضاعه بتاعتك فى البضاعه بتاعته، شوفلك طريقه تعرف توصل بيها بضاعتك للزبون بتاعها. ...... ـــــــــــــــــــــــــــــــــــــــــــــــــــــــــــــــ بالمقر دخلت سلسبيل الى غرفة قماح سمعته يتحدث على الهاتف، لاحظت توتره حين دخلت عليه فجأه كما انه اختصر فى الحديث مع من يتحدث اليه وانهى الإتصال. تحدثت قائله: كنت بتكلم مين. رد قماح: ده واحد من التُجار. ردت سلسبيل : أنا خلصت شغلى، مش نرجع بقى الدار. رد قماح: لأ أنا عندى لقاء مع تاجر اللى كنت بكلمه عالموبايل، أرجعى انتى مع السواق وانا هروح اقابل التاجر وارجع بعدها. تبسمت سلسبيل قائله: ومين التاجر ده...ممكن اجى معاك وبعدها نرجع سوا للدار. رد قماح بتسرع: لأ،إرجعى انتى للدار ده تاجر لسه هتفاوض معاه وممكن حديثنا ياخد وقت، إرجعى انتى مع السواق، وانا هخلص معاه وهحاول متأخرش. شعرت سلسبيل بشئ غريب، وقالت: تمام اشوفك فى الدار. نهض قماح وذهب بإتجاه وقوف سلسبيل وقام بتقيبل وجنتيها مبتسمًا. تبسمت سلسبيل وغادرت وهى تشعر بشئ فى صدرها. بعد قليل أمام أحد الكافيهات القريبه من المقر نزلت سلسبيل من السياره ودخلت الى الكافيه إنصدمت وهى ترى قماح يجلس على أحد الطاولات، وبصحبته آخر من كانت تتوقع شعرت بنغزه قويه فى قلبها قائله: هند! .......... ﷽ الثالثه والثلاثون _ـــــــــــــــــــــــــــــــــــــــ قبل وقت. بأحد محلات الصاغه. وضعت زهرت ذالك السوار على تلك الطاوله أمام صاحب المحل الذى رحب بها بحفاوه هو على درايه بمن تكون... تبسم لها قائلاً: بصراحه أنا مش فاكر إسم حضرتك، بس أى حد من طرف الحجه هدايه صورته مش بتروح من دماغى، عندنا تشكيله أطقم دهب مودرن ومميزه متأكد هتعجب حضرتك،وكمان عندنا تشكيلات كلاسيكيه،متأكد أذواقنا هتعجب حضرتك. تنحنحت زهرت ورسمت الحرج قائله:أنا فعلاً الحجه هدايه تبقى زى جدتى انا مرات رباح العراب حفيدها،بس انا مش جايه أشترى دهب،أنا جايه أبيع الأسوره دى. تعجب الصائغ وقال:أنا تحت أمرك، ،الحجه هدايه مش زبونه مميزه،دى صاحبة مكان حتى شبكة أحفادها بتجى هنا تشتريها،يعنى الأسوره طالعه من عندى هنا من المحل. ردت زهرت:عشان كده لما فكرت ابيعها جيت لهنا،ممكن تفصلى تمنها لو سمحت. رد الصائغ:تحت امرك. قال هذا ووضع الاسوره على ميزان الذهب ثم قال لها مقدارها بالجرام. تحدثت زهرت:تمام تقدر تحسب تمنها. رغم تعجب الصائغ لكن قال لها ثمنها. قالت زهرت:تمام هاتلى الفلوس. اعطى الصائغ المال لـ زهرت التى اخذته منه وذهبت من أمامه دون جدال معه كثير. لكن تلاكعت قليلاً بالمحل،وتسمعت الصائغ وهو يتصل على هدايه يُخبرها ببيع زهرت لتلك الأسوره تبسمت بظفر،فهى أتت لذالك الصائغ تعلم أن له تعامل مباشر مع هدايه وبالتأكيد سيخبرها نجح الجزء من تخطيطها، بالتأكيد هدايه ستضعط على النبوى كى يُرجع رباح الى الدار والعمل مره أخرى. عادت زهرت للشقه بعد وقت لم تتفاجئ حين دخلت بـ رباح الذى أقبل عليها متلهفاً يقول: جبتى الدوا. ردت زهرت: لأ الاسوره اللى بعتها يادوب دفعت للبواب إيجار الشقه وجبت شوية خضار وفاكهه،والمبلغ اللى فاض يادوب يقضينا مصاريف كم يوم. تعصب رباح قائلاً: مش عاوز أتسمم، بقولك الصداع هيفرتك راسى،اقولك هاتى المبلغ اللى فاض معاكِ وانا انزل أى صيدليه أجيب الدوا ده. إرتبكت زهرت قاىله:قولتلك إنه دوا مستورد وغالى وقليل الصيدليات اللى بيبقى موجود فيها،حتى صاحبتى سافرت تتفسح كام يوم فى الغردقه. تعصب رباح وبدأ يض,رب رأسه فى الحيط قائلاً: حاسس إن نفوخى هيطير منى، شوفى حل إتصلى على صاحبتك وقولى لها تبعتلك الدوا بأى تمن. خشيت زهرت من حالة رباح وضر,به لراسه بالحيط،فتحت حقيبتها وأخرجت منه علبه دواء قائله: أنا دورت عالدوا فى كذا صيدليه،بس فى صيدليه. قاطعها رباح وإستدار لها بلهفه قائلاً:لقيتى الدوا. ردت زهرت:لأ،بس الصيدلى قالى إن ده دوا بديل للدوا التانى،بس الماده الفعاله فيه أقل، ومش عارفه هيجيب معاك مفعول ولا لأ. خطف رباح علبة الدواء من يد زهرت وتناول أكثر من قرص منه وأبتلعهم حتى من دون ماء...وظل لدقائق حتى شعر براحه قليلاً،هدأ الصداع لكن لم يزول...لكن إستطاع رباح التحكم فى نفسه وقال: بس علبة الدوا دى مش كامله دول ميكملش عشر حبايات. ردت زهرت:ما هو الصيدلى قالى إن الدوا ده بديل فانا قولت بلاش اجيب العلبه كامله قولت كفايه كم قرص،يهدوا الصداع لحد ما صاحبتى ترجع تانى...هو مش الدوا ده هدى الصداع عندك. رد رباح:الصداع هدى شويه صغيرين. تنهدت زهرت براحه،وقالت:هروح أدخل الاكياس دى المطبخ واعملك كوباية قهوه،يكون الصداع راح عالآخر. دخلت زهرت الى المطبخ ووضعت تلك الأكياس على طاوله المطبخ،ووقفت تزفر انفاسها،تلعن ذالك الحقير نائل فهى أتصلت عليه ولم يرد عليها وبعثت له برساله وطلبت منه ذالك الدواء لكن رد عليها بالشراء بذالك الثمن المبالغ فيه أوالرفض...فذهبت الى منزل والداها ودخلت خِلسه الى غرفة أخيها دون أن يراها أحد وبحثت بين اغراضه ووجدت ذالك الدواء وأخذت منه القليل وآتت به لـ رباح ربما يكون له نفس التآثير عليه ويهدأ من آلم رأسه حتى لو قليلاً هى لديها تأكيد أن هدايه ستفعل أى شئ يُرضى رباح من أجل أن تُعيده الى دار العراب مره أخرى،بأقرب وقت. ....... ـــــــــــــــــــــــــــــــــــــــــــــــــــــــــــــــ بـــــــــــ دار العراب بغرفة هدايه كانت تجلس تحمل ناصر على ساقيها... دخلت عليها عطيات وألقت السلام. ردت هدايه عليها السلام ثم قالت لها: أقفلى باب المجعد وتعالى أجعدى چارى إهنه عالكنبه. شعرت عطيات بوجود خطبٍ ما،أغلقت باب الغرفه ثم ذهبت للجلوس جوار هدايه، ومدت يدها تشاغب الصغير التى تحمله هدايه، لكن الصغير كان بمزاج سئ وبكى. تحدثت عطيات: ماله ناصر شكله مش مفرفش إكده. ردت هدايه: مفيش هو كان سخن شويه ونهله خدته للدكتور وهيبجى زين، وانا مش مشيعه ليكِ عشان إكده. ردت عطيات: لأ ألف سلامة لـ ناصر، ربنا يزيح عنه، خير لما شيعتى لى أنا سيبت اللى كان فى يدي و چيت طوالى. نظرت لها هدايه قائله:مش خير يا عطيات،بتك مش هتچيبها البر. إرتجفت عطيات قائله: عملت أيه زهرت، أنا من يوم ما سابت الدار حتى مش بكلمها عالتلفون، وجولت لها حديتى إمعاكِ كوم ورجوعك لـ دار العراب كوم تانى،ومن يوميها مجاطعه الحديت وياها. نظرت لها هدايه إستشفت كذبها قائله:كلمتين ورد غطاهم يا عطيات،زهرت هى اللى لعبت فى دماغ رباح وكبرت فى دماغه انه يسيب الدار،ودلوق لازمن ترجع لأهنه هى ورباح. ردت عطيات:والله أنا.... قاطعتها هدايه قائله بحسم وتوعد:تلات ايام لو رباح وزهرت مرجعوش لإهنه الدار أنا هعرف أرچع رباح إزاى،بس وجتها وزهرت مش هتخطى دار العراب تانى،غير مش هبجى عالسر الجديم وهفتشه. إرتعشت عطيات قائله:جصدك أيه بالسر الجديم؟ ردت هدايه:السر اللى داريته حتى على چوزى وورط ابنى فى چوازه من قدريه عشان أتستر عليكِ وجتها...وكذبت الكذبه زمان وجولت إن حماد واد سبع شهور. أرتعشت كل أوصال عطيات...وظلت صامته. بينما بكى ناصر،نهضت هدايه به قائله:دلوق لازمن زهرت ترچع لإهنه،هما تلات ليالى يا عطيات وبعد إكده.... صمتت هدايه وهى تحاول إسكات الصغير،لكن مازال مستمر فى البكاء مما جعلها تتجه ناحيه باب الغرفه وفتحته وقبل ان تنادى على نهله وجدت سلسبيل تتجه إليها بلهفه وأخذت منها ناصر تجث جبهته. بينما نهضت عطيات التى ترتعش وحاولت السير بأقدام واهيه، ثم أستأذنت للمغادره. نظرت لها هدايه قائله: فكرى فى حديتى زين يا عطيات. امائت لها عطيات برأسها وغادرت الدار تشعر ببروده فى جسدها. اما هدايه نظرت لوجه سلسبيل الذى يظهر عليه القلق قائله:هيبجى زين. ردت سلسبيل:ليه متصلتوش عليا من وقت ما تعب؟ انا سألت ماما عليه الضهر قالتلى انه كويس وهى كانت بيه وقتها عند الدكتور،وحالاً لما جيت بسألها عليه قالتلى أنه معاكى وأنه كان سخن شويه . ردت هدايه:متجلجيش يا بنتى جوى إكده،كيف الدكتور ما جال لـ نهله انه هيسنن هو كده طلوع أو سِنه. ردت سلسبيل: بس هيسنن بسرعه كده ده لسه مكملش اربع شهور ونص. ردت هدايه ببسمه: مستعجل يا بتى هتجولى أيه، بس فين قماح مجاش إمعاكى ولا أيه؟ ردت سلسبيل بغصه: لأ عنده ميعاد مع تاجر وراح يقابله. ردت هدايه: يرجع بالسلامه ومتوفق. صمتت سلسبيل تنظر لطفلها لا تعلم سبب لتلك الغصه التى بقلبها أهى بسبب مفاجأتها بمرض طفلها ام بسبب ما رأته قبل قليل فلاااااشـــــــــ باك. أثناء عودة سلسبيل بالسياره مع السائق، آتى لهاتفها رساله، أخرجته من الحقيبه وفتحت الرساله، وكانت عباره عن صوره لـ قماح يجلس وجواره هند باحد المطاعم، وأتت رساله أخرى بإسم الكافيه. للحظات شعرت سلسبيل بنغزه فى قلبها ثم قالت للسائق: لو سمحت غير الطريق للكافيتريا اللى على اول شارع المقر. فعل السائق كما أمرته وذهب بها الى ذالك الكافيه نزلت من السياره ودخلت الى مدخل ذالك الكافيه لكن تلجمت ساقي سلسبيل على آخر لحظه قبل أن تدخل الى الكافيه، شعرت بحرقه فى قلبها لماذا أتى قماح للقاء هند ولما كذب حين قال لها أنه سيلتقى بأحد التجار. عادت سلسبيل ولم تدخل الى داخل الكافيه وفضلت العوده، ربما فسر لها قماح ذالك لاحقًا، لا داعى للإستعجال. عوده. عادت سلسبيل من ذالك الشرود على بكاء صغيرها ويد الخلف تأخذه منها. نظرت سلسبيل خلفها،ثم تركت الصغير. تحدثت هدايه قائله:قماح سلسبيل لسه واصله من شويه كانت بتجول إنك كنت مع تاچر،ربنا وفجك. نظر قماح لـ سلسبيل وإبتسم وأماء برأسه،وقال: ماله ناصر معكبس ليه؟ ردت هدايه:هو سخن شويه. إنخض قماح قائلاً:طب وليه ماخدوهوش للدكتور. ردت هدايه:نهله خدته،وجال لها أنه هيسنن،بلاش القلق اللى على وشوشكم ده. ...... ــــــــــــــــــــــــــــــــــــــــــــــــــــــــــ مساءً بتلك الشقه إستقبلت زهرت على والداتها قائله: أهلا يا ماما. ردت عطيات بنرفزه: لا أهلاً ولا سهلاً أنا مش جايه أضايف، أنا جايه لك فى كلمتين تسمعيهم وتنفذيهم من غير أى أعتراض، عشان مصلحتك. تهكمت زهرت قائله: وإيه هما الكلمتين المهمين قوى اللى خلوكِ تجى لهنا عشان تقوليهم. ردت عطيات وهى تتلفت حولها قائله: فين رباح؟ ردت زهرت: رباح نايم، خير. ردت عطيات: وهيجى من الخير، قولتلك خروجك انتى ورباح بالطريقه دى دار العراب كان غلط من الاول كان فين عقلك، حتى لو رباح أتهور كان لازمن تهديه، العقربه هدايه شيعت لى وروحت لها، وقالتلى، هما تلات أيام لو رباح وزهرت مرجعوش لدار العراب، هترجع رباح بس قبل منها هتخليه يطلقك. تهكمت زهرت بغيظ قائله: العقربه بتهددك وأنتى خوفتى منها، رباح مستحيل يسمع كلامها ويطلقني وبالذات وانا حامل فى إبنه. ردت عطيات:بلاش تتغرى،هدايه مش سهله وسهل تنفذ حديتها وتخلى رباح يطلجك بالتلاته كيف قدريه إكده... إتحدتى مع رباح وأقنعيه يرجع دار العراب حتى عشان مصلحة ولدك اللى فى حشاكِ. ردت زهرت بعند:مش هرجع قبل ما تجى هدايه لهنا تعتذر منى. تهكمت عطيات ساخره تقول:هدايه،،،تجى لهنا عشان تعتذر منك أنتى،يظهر الحبل أثر على عقلك،بلاش غرور،واستهدى بالله وارجعى انتِ ورباح،قبل تلات ليالى. ردت زهرت بعناد:مستحيل،لازمن عالاقل خالى النبوى بجى لهنا وهو اللى يطلب مننا نرجع دار العراب. قبل ان تتحدث عطيات، تحدث رباح الذى أتى الى مكان وقوفهن: زى زهرت ما قالت، لازم بابا يجى لهنا ويطلب مننا نرجع لدار العراب، غير كده مستحيل إرجع لدار العراب. نظرت له عطيات قائله: بلاش تركبوا راسكم، وتدوا فرصه للمخفيه سميحه وغيرها يوسوسوا فى دماغ الحجه هدايه والنبوى أخويا النبوى اخويا أكتر حاجه يكرها العناد معاه. رد رباح: قولت مستحيل نرجع قبل ما بابا يجى بنفسه لهنا ويطلب أننا نرجع ومش بس كده، لا كمان يرجعلي صلاحية التوقيع من تانى. تهكمت عطيات قائله:أنا هسيبكم تفكروا فى مصلحتكم،بس نصيحتى لكم،بلاش عند وطاطوا للموجه دى تعدى،النبوى والحجه هدايه مبيحبوش اللى يتحداهم...أنا ماشيه قبل الوجت ما يتاخر،فكروا زين فى مصلحةولدكم اللى لسه فى علم الغيب...ومن قبل مصلحته مصلحتكم أنتم كمان. أغلقت زهرت باب الشقه خلف والداتها تنظر لـ رباح وقالت بآستفزاز: لو رضخنا ورجعنا لدار العراب تانى من نفسنا وقتها هيبيعوا ويشتروا فينا، إحنا مش أقل من عمك ناصر إشمعنا لما خد مراته وبناته وساب الدار متأكده أن خالى النبوى هو اللى ضغط عليه وقتها وخلاه رجع تانى للدار، ولا عشان خاطر الست سلسبيل، هما أحسن مننا فى إيه. عاود الصداع يضر,ب رأس رباح مره أخرى وقال بموافقه: خلاص قولت مش راجع قبل ما بابا بنفسه يجى لهنا بنفسه يطلب أننا نرجع معاه، هروح اخد قرصين من الدوا، الصداع رجع اقوى تانى. ....... ــــــــــــــــــــــــــــــــــــــــــــــــــ بـ دار العراب تقلب قماح فى الفراش مد يدهُ يجذب سلسبيل لحضنه لكن تفاجئ بعد وجودها بالفراش، إستيقظ ونظر بالغرفه على ضوء ذالك الضوء بالخافت سلسبيل ليست موجوده كما أن ناصر ليس بمهده، نهض من على الفراش وخرج من الغرفه ذهب الى غرفة المعيشه مباشرةً بسبب ذااك الضوء المُنبعث منها، وجد سلسبيل تجلس بالصغير المستيقظ وبيدها جهاز تحكم التلفاز بيدها،تشاهد أحد قنوات الكارتون. تبسم قماح قائلاً: ناصر جاى على مزاجه يسهر قدام النلفزيون. لم تنتبه سلسبيل لحديث قماح بسبب شرودها جلس قماح لجوارها ووضع يدهُ على كتفها قائلاً: سلسبيل . إنتبهت سلسبيل لـ قماح. تبسم قماح قائلاً: أيه مركزه قوى كده مع الكارتون ، لدرجة إنك مأخدتيش بالك إنى بكلمك. ردت سلسبيل: يمكن، بس أيه اللى صحاك دلوقتي، الساعه مقربه على أتنين بالليل. رد قماح وهو يلف يده حول كتف سلسبيل يضمها لجسده: أنا كنت نايم بس بتقلب ملقتكيش جانبى عالسرير حسيت إنى بردت صحيت قولت أكيد ناصر مسهرك جانبه كالعاده بس أستغربت لما ملقتكيش فى الأوضه. ردت سلسبيل:ناصر كان بيزوم قولت ليصحيك أخدته وجيت قعدت بيه هنا وأهو يظهرانشغل شويه مع الكارتون وهدي. نظر قماح لناصر وتبسم قائلاً له بمرح: حتة سنه هتطلع لك مدوخ الكل معاك، حتى مامتك مسهره مش عارف إن عندها شغل بكره ولازم تكون فايقه له. نظرت سلسبيل لناصر قائله: أنا مش هروح المقر بكره، هفضل هنا مع ناصر، قلبى مش هيكون مطمن عليه طول ما هو بعيد عنى. تبسم قماح وقبل يد صغيرهُ قائلاً: كنت هطلب منك تفضلى هنا معاه، بس مرضتش قولت لا تفسرى طلبى بغرض تانى. نظرت سلسبيل لـ قماح قائله: وايه الغرض التانى اللى هفسره؟ رد قماح: انى بحاول أفرض عليكِ إرادتى وإنى مش عاوزك تشتغلى. نظرت سلسبيل لقماح بإستغراب قائله:وإنت مش عاوزنى أشتغل،وأرجع اقعد فى الدار تانى؟ ضم قماح سلسبيل للحضنه وقام بتقبيل شفاها ثم ترك شفاها ينظر لعيناها قائلاً:. بالعكس أنا عاوزك تشتغلى معايا فى المقر كفايه إنك بتبقى قدام عنيا معظم الوقت. تبسمت سلسبيل لقماح قائله:بس انا مضطره أخد أجازه عشان ناصر بيه،ماما مش عارفه ليه حاسه انها تعبانه من فتره وبتحاول تدارى حتى إمبارح كانت قاعده معايا أنا وهدى وجت توقف داخت وقعدت تانى واحنا إتخضينا عليها،بس هى قالت لينا انها كويسه،بس لما وقفت مره واحده حست بدوخه بسيطه،حتى هدى بعدها قالتلى أن الموضوع ده اتكرر مع ماما أكتر من مره قدامها وكل مره بتبرر أنها دوخه عاديه،حتى بابا قال لها تروح تعمل فحص طبى قالت له الأمر مش مستاهل،بس انا وهدى قلقانين عليها. رد قماح:يمكن زى هى ما بتقول أمر عرضى لاى سبب بلاش تتوهمى. تنهدت سلسبيل قائله:ياريت يكون وهم،وماما تكون بخير. تبسم قماح:إن شاء الله،ناصر شكله هينام. نظرت سلسبيل نحو ناصر قائله:أكيد هينام بسبب مفعول العلاج. نهض قماح ومد يده لـ سلسبيل يبتسم قائلاً:طب طالما ناصر هينام خلينا إحنا كمان نرجع لأوضة النوم. تبسمت سلسبيل ووضعت يدها بيد قماح ونهضت هى الأخرى وتوجهوا نحو غرفة النوم. بعد قليل وضعت سلسبيل ناصر بمهده ثم توجهت نحو الفراش، تبسمت لقماح الذى فتح لها ذراعيه وبلا تفكير ألقت نفسها بين ذراعيه، تشعر بإنتشاء من قُبلاته ولمساته لها، ليغفوا قماح بعد ذالك بينما سلسبيل لم تغفوا ظلت تنظر له تشعر بحِيره. ....... ـ.... ــــــــــــــــــــــــــــــــــــــــــــــــــــــــــــــ بعد مرور ثلاث أيام. صباحً بـ دار العراب. تألمت سلسبيل بخفوت قائله: آه. نظر لها قماح قائلاً: فى أيه؟ تبسمت سلسبيل قائله: إبنك فرحان بالسِنه اللى طلعت له بعد غُلب وعضنى وانا برضعه. تبسم قماح وأخذ ناصر المبتسم منها قائلاً: فرحان إنك عضيت ماما، ده جزائها بعد سهرها معاك الايام اللى فاتت، طب عقابًا لك بقى انا هاخد ماما معايا النهارده للمقر وهتسيبك هنا. كأن الصغير فهم حديثه وأقترب من وجه قماح وقام بمحاولة عضه من خده. تبسم قماح كذالك سلسبيل التى قالت: يظهر زى جدتى ما بتقول، سنته بتاكله وفرحان بها. تبسم قماح وقال: هنزل بـ ناصر تحت على ما تغيرى هدومك ونفطر وبعدها نروح المقر سوا. تبسمت سلسبيل له بموافقه. بعد قليل نزلت سلسبيل الى شقة والداها ودخلت الى غرفة هدى، تبسمت حين وجدتها تجلس على مكتبها تقوم بتدوين شئ ما تحدثت قائله: صباح الخير. رفعت هدى رأسها مبتسمه تقول: صباح النور، فين ناصر؟ ردت سلسبيل: مع باباه خده ونزل لتحت، بس انتى بتعملى ايه بدرى كده؟ ردت هدى: ده بحث طلبه دكتور الماده، ولازم أسلمه النهارده. تبسمت سلسبيل بغمز قائله: ومين دكتور الماده دى بقى أوعى يكون نظيم اللى كان هنا إمبارح كنتى طلبتى منه يساعدك... مش هيتأخر. تبسمت هدى قائله: بلاش غمز عالصبح مش نظيم هو اللى طالب البحث ده دكتور تانى. تبسمت سلسبيل لكن وقع بصرها على حاسوب آخر جوار حاسوب هدى، تحدثت بإستفسار: الابتوب التانى ده بتاع مين؟ ردت هدى: آه ما انتى مأخدتيش بالك غير من نظيم اللى كان هنا إمبارح، كمان الغبى المتسلق حماد، وجاب الابتوب بتاعه بعد ما ڤيرسته له، بس إتلخمت فى البحث ، أخلص بس البحث وأدعبس فى الابتوب بتاع حماد. تبسمت سلسبيل قائله: هتشوفى موزز حماد، يلا بلاش اعطلك هنزل أفطر وبعدها هروح المقر مع قماح، الحمد لله ناصر بقى بخير والسِنه طلعت وكمان عضنى،كنت هقولك تنزلى معايا بس شكلك مش فاضيه يلا سلام بلاش أعطلك. تبسمت هدى قائله: عقبال بقية طقم السِنان. تركت سلسبيل هدى ونزلت لأسفل، ودخلت لغرفة السفره، والقت الصباح على الموجودين، ثم تناولت الفطور مع العائله ثم تركت ناصر مع والداتها، لكن أثناء خروجها من المنزل بصُحبة قماح فى السياره فجأه شعرت بدوخه، أغمضت عيناها ورأت دماء تسيل أمامها، وطفلها يد تأخذه عنوه وبعدها يختفى. فتحت عيناها ووضعت يدها على كتف قماح الذى إنخض قائلاً: سلسبيل مالك وشك مخطوف كده ليه؟ ردت سلسبيل تحاول نفض ذالك الشعور السئ عن قلبها: مفيش بس يمكن من سهرى مع ناصر الايام اللى فاتت حاسه بشوية إجهاد. رد قماح: خلاص خليكِ النهارده فى البيت أرتاحى. ردت سلسبيل: لأ خلاص أنا بقيت كويسه، ومش مستاهله دى كانت دوخه بسيطه وخلاص راحت. رد قماح: تمام بس بلاش تجهدى نفسك فى الشغل، وأى وقت تحسى بتعب أتصلى عليا،أو أرجعى للدار فوراً. تبسمت سلسبيل بإيماءه، ثم قالت: طب سوق بقى خلينا نروح للمقر أهو لو حسيت بتعب وانا هناك فى أوضة نوم هناك أنام فيها براحتى، زى ليلة العاصفه لما الطريق أتقفل واتحبسنا هناك ونمت بهدومك. تبسم قماح بغمز قائلاً: فكره برضوا أحنا نِبات الليله فى المقر، وأهو أعرف أستفرد بيكِ بعيد عن الأزعاج اللى اسمه ناصر. تبسمت سلسبيل قائله: وقتها أنا اللى هزعجك، المره اللى فاتت كان لسه جوايا، المره دى قلبى هيبقى متاخد عليه. تبسم قماح يقول:ناصر بقى إزعاج فى أى مكان. ....... ـــــــــــــــــــــــــــــــــــــــــــــــــــــــــــ قبل الظهيره بقليل. أستيقظت زهرت على يدي رباح الذى يوقظها بقوه قائلاً: زهرت أصحى دماغى هتتفرتك. إستيفظت زهرت بسأم وضجر قائله: وانا هعملك أيه، مش معاك الدوا اللى جبته لك من تلات ايام. رد رباح: قصدك الكم قرص دول خلصوا، قومى اتصلى على صاحبتك شوفيها يمكن رجعت من السفر. ازاحت زهرت غطاء الفراش قائله بضيق: حاضر هقوم أتصل عليها، بس أعمل حسابك إن الفلوس اللى باقيه معايا من بيع الاسوره، متكفيش حق علبة الدوا، لازم تتصرف بعد كده. رد رباح:حاضر هتصرف،بس هاتيلى الدوا بسرعه راسى خلاص هتنفجر. توجهت زهرت الى هاتفها،واخذته قائله:هنا مفيش شبكه هطلع اكلمها من البلكونه. وقفت زهرت بالشرفه تنظر الى الشارع تفكر ماذا تفعل،أتذهب الى ذالك الوغد نائل وتطلب منه ذالك الدواء،جاوب عقلها: وليه لا هروح له فى مكان شغله وبسهوله أساومه، أن أفضح أمره هو وابوه فى تجارته فى المخدرات ووقتها مش هيقدر يأذينى. بالفعل دخلت الى الغرفه قائله: كلمت صاحبتى وهى رجعت من السفر، وقالتلى هتقابلنى بعد ساعه ونص. تنهد رباح قائلاً: طيب بسرعه البسى وروحى لها هاتى منها الدوا. ردت زهرت: حاضر هاخد دوش وبعدها هروح لها. ...... ـــــــــــــــــــــــــــــــــــــــــــــــــــــــــــــــ بعد الظهر بالفعل ذهبت زهرت الى مكان عمل نائل لكن قبل ان تنزل من سيارة الأجره رأت خروج نائل بسيارته، أمرت سائق السياره بتتبع سيارته الى أن وقف أسفل إحدى العمارات الراقيه، ظلت تنتظر بسيارة الاجره. بينما نائل صعد الى شقة هند الموجوده بتلك العماره. فتحت له هند قائله: بقالى ساعه متصله عليك إيه اللى اخرك كده. رد نائل:كان فى بضاعه بندخلها للمخزن خير عاوزه أيه. ردت هند: عاوزاك تساعدنى ووقتها أنت هتستفاد. رد نائل بسؤال: أساعدك فى ايه وهستفاد أيه؟ ردت هند: أنا فكرت فى خطه تخلى سلسبيل هى اللى تبعد عن قماح وميبقاش قدامها غيرك تلجأ له. تهكم نائل قائلاً: وده إزاى بقى، هتسحرى لها... ولا هتهدديها. ردت هند: زى ما قولت هتهددها. تهكم نائل قائلاً: وههددها بأيه، عندك ليها سيديهات. ردت هند: فعلاً هتهددها بسيديهات، وقبل ما تتريق سيبنى اكمل للآخر وبعدها أبقى أتكلم. رد نائل: كملى، اما اشوف اخرة هوسك بقماح. ردت هند: أنت مش كان نفسك تتجوز من سلسبيل، وقماح هو اللى خطفها من قدامك، لو سمعت كلامى ونفذت اللى قولتلك عليه بأكدلك سلسبيل هتكون لك وبمحض إرادتها، او غصب عنها... بص يا نائل عشان مفيش وقت،سلسبيل على وصول فى هنا فى الصاله كاميرة مراقبه مخفيه فى النجفه بتسجل صوره بس أنا على سلسبيل وقولت لها انى وقعت فى الحمام ورجلى تقريباً إنكسرت وكمان زودت انى مجروحه فى أيدى وبتنزف كمان وطلبت منها المساعده، بحجة إنى ماليش حد ألجأ له، وطبعاً هى ساذجه وصدقت كلامى وهى تقريباً زمانها على وصول، أنا هخرج دلوقتى من الشقه، وسلسبيل طبعاً هتجى وانت اللى هتفتح لها، هى هتتفاجئ بيك طبعاً فأنت تقول لها إنى جوه فى أوضة النوم، وأنت كنت جاى بالصدفه تزورني أخوه يعنى، وتاخدها لاوضة النوم، وبعدها بقى أنت عارف هتعمل أيه، والكاميرا اللى هنا فى الصاله طبعاً هتسجل دخول سلسبيل لاوضة النوم بإرادتها... يعنى لو أتكلمت هى اللى هتبقى خسرانه. نظر نائل لها بذهول من ذالك المُخطط الشيطانى، لكن وافقها فكل ما يهمه هو ان يلوذ بـ سلسبيل. ...... ـــــــــــــــــــــ بالمقر. شعر قماح بالقلق على سلسبيل بسبب دوختها صباحُ، فقام بالإتصال على هاتف مكتبها رد عليه احد زملائها، وقال له انها غادرت المكتب بعد ان آتى لها إتصال هاتفى... شعر بقلق أن يكون هذا الاتصال من الدار، فقام بالإتصال عليها لكن لم ترد عليه. تعجب قماح وشعر بالقلق، وأرسل لها رساله مُختصره: سلسبيل إنتى فين؟ ... فى نفس الوقت كانت سلسبيل بالسياره وسمعت رنين الهاتف، نظرت له وعلمت ان قماح هو من يتصل عليها، وترددت فى الرد عليه الى أن إنتهى الاتصال، سمعت صوت رساله، فتحتها وقرأت محتواها، للحظه فكرت أن ترد عليه وتقول له أنها ذاهبه الى شقة هند لمساعدتها بعد أن اتصلت عليها قبل قليل... ولم ترد عليها فأرسلت لها صوره ليدها وهى تنزف دمًا، وأيضاً ساقها التى لا تقدر على الوقوف عليها، لكن خشيت ان يراها قماح مصابه بهذا الشكل ويشعر بالندم والآسف عليها وانه هو السبب فى جفاء والداها عليها وتركها وحيده... فضلت عدم الرد. ........ ــــــــــــــــــــــــــــــــ بـــــ دبى بمكتب الاداره الخاص بالمطعم لم ينتبه كارم الى أنه ترك باب المكتب موارباً. رد على من يطلبه بالهاتف وهو يعطى ظهره للباب : أخيراً فضيت وإتصلت عليا، أنا قولت نستنى بقالى تلات أيام بتتصل مش بترد عليا. رد عليه الآخر: مشاغل والله حتى انا بكلمك وانا فى العربيه قولى أحوالك أيه. تبسم كارم قائلاً: أنا بخير. رد عليه الآخر: يارب دايماً، وقولى ايه أخبار همس. رد كارم وهو لم ينتبه لدخول همس الى المكتب: همس بخير يا عمى. تحدثت همس من خلفه قائله: بتكلم مين يا كارم. إستدار كارم ونظر لـ همس بتفاجؤ وتلجم لسانه. بينما قال له الآخر: هكلمك تانى بعدين يا كارم. أغلق كارم الهاتف وهو مازال ينظر الى ملامح همس المترقبه لجوابه. واعادت سؤالها: كنت بتقول لمين همس بخير يا عمى. للحظه تردد كارم، لكن حسم أمره قائلاً: وهو انا ليا كم عم يا همس مفيش غير عمى ناصر. إرتجفت همس قائله: قصدك مين، بابا! رد كارم: أيوا يا همس عمى ناصر يعرف إنك عايشه. ...... ـــــــــــــــــــــــــــــــــــــــــــــــــ أمام تلك العماره الذى يقطن فيها رباح نزل ناصر من السياره، وصعد الى شقته قام برن الجرس، سُرعان ما فُتح الباب. وقف ناصر مصدومًا من ملامح رباح الواهنه حتى انه كان يربط رأسه بقطعة قماش، ليس مصدومً من هذا فقط، بل من لهفة رباح حين قال له برجاء: عمى،أنا محتاج لفلوس ضرورى أرجوك يا عمى،أدينى فلوس ومستعد أعمل اى شئ أنت عاوزه حتى لو قولت لى أرجع خدام فى دار العراب. قال رباح هذا وانحنى يُقبل يد ناصر الذى فرت الدمعه من عينيه، وأخرج حافظة ماله، لم ينتظر رباح، بل خطفها من يدهُ ودخل الى داخل الشقه بغرفة النوم آتى بتلك العلبه الدوائيه، وخرج مُسرع وخلفه ناصر، الى أن دخل الى إحدى الصيدليات، وأعطى العلبه الدوائيه الى الصيدلى، يأتى له بمثلها، بالفعل أعطى له الصيدلي مثيل لها، فتح رباح العلبه سريعاً وتناول بعض الاقراص، لكن لم يزول الصداع، صرخ رباح على الصيدلى وكاد يضر,به قائلاً بتهجم : إنتى بتكذب عليا الدوا ده مغشوش. تعجب الصيدلى من ذالك،وحاول الدفاع عن نفسه، لكن كان الاكثر تعجبًا هو ناصر الذى علم الى ماذا وصل إبن أخيه وهو يحاول الفصل بينه وبين الصيدلى تأكد من ملامح وجهه وتآلم متيقنًا رباح مدمن! ...... ــــــــــــــــــــــــــــــــــــــــــــــــــــــــــــ وصلت سلسبيل الى العنوان التى أملته عليها هند بالهاتف وقفت أمام الشقه وكادت أن تضع يدها على جرس الباب لكن فوجئت ان باب الشقه موارب، أعتقدت ان ربما هند تحاملت على نفسها وفتحت لها الباب، دفعت سلسبيل باب الشقه ودخلت لبضع خطوات لتقف متصلبه فى مكانها وهى ترى نائل غارق بدماؤه. ....... ـــــــــــــــــــــــــــــــــــــ الرابعه والثلاثون ـــــــــــــــــــــــــــــــــــــــــ بـ دبى لم تقدر همس على الوقوف على ساقيها وكادت تسقط أرضًا، لكن تلهف كارم عليها سريعًا وقام بإسنادها الى أن جلست على أحد المقاعد، نظر لها بخوف قائلاً: همس خلينى أخدك للدكتور. ردت همس بخفوت: لأ أنا كويسه بس هاتلى مايه ريقى ناشف. إتجه كارم سريعاً الى ثلاجه صغيره بمكتبه وأتى بزجاجة مياه وكوب صغير ملأهُ من الزجاجه ووجه ناحية همس التى رفعت يدها كى تأخذهُ منه وضعت يدها على الكوب لكن لم تستطيع التحكم فى إمساك الكوب بسبب رعشة يدها ظل كارم ممسك بالكوب وقربه من شفاه همس التى إرتشفت منه القليل ثم الى عادت براسها للخلف رفعت عيناها تنظر لـ كارم قائله بخفوت تعيد سؤالها: قولت إن بابا يعرف إنى لسه عايشه ومين تانى يعرف إنى عايشه،ماما تعرف؟ جلس كارم لجوارها يضمها لصدره: لأ مفيش غير عمى اللى يعرف بابا قاله قبل ما نكتب الكتاب،وهو شبه يوميًا بيكلمنى وبيسألنى عنك يا همس وبطمنه،حتى هو عارف أنك حامل وفرحان جداً. تعجبت همس لا تعرف أى شعور يضغى عليها، شعور الفرحه أن والداها يعلم أنها مازالت حيه أم شعور بالغبطه، ولماذا أخفى كارم عليها هذا، نظرت لكارم وقبل أن تتحدث جاوب كارم: عمى شافك قبل ما نسافر يا همس وقتها كنتِ نايمه بعد ما أنهارتى لما سمعتى صوت ماما فى الشقه، وبسبب الدكتوره حذرتنى إنى أقولك وقتكا، ويمكن لو مش الصدفه إنك سمعتينى وأنا بكلم عمى مكنتش هقولك، همس أظن كفايه بقى نخبى إنك عايشه. نظرت همس له بدموعها التى تسيل وجسدها المرتعش وقالت بتشوق: وبابا كان رد فعله أيه، أوصفلى رد فعله لما شافنى. تبسم كارم يسرد لـ همس ذالك اللقاء السابق فلاشــــــــ باك قبل كتب كتاب همس بعدة ساعات صباحً بدار العراب بغرفة هدايه. دخل النبوى وقف قليلاُ مع هدايه يتهامسان الى أن دخل ناصر،قائلاً:صباح الخير،واحده من الشغالين جالتلى إن الحجه هدايه عاوزانى فى مجعدها خير يا أمى. تبسمت هدايه قائله: خير يا ولدى أتأكد إن باب المجعد مجفول زين. ذهب ناصر نحو باب الغرفه وأغلقه جيدًا يقول: الباب مقفول زين، خير يا أمى؟ ردت هدايه: خير يا ولدى تعالى چارى إهنه. جلس ناصر جوار هدايه من ناحيه ومن الناحيه الأخرى جلس النبوى. نظرت هدايه الى النبوى ثم الى ناصر الذى لاحظ نظراتهم لبعض بترقُب و قال بإستفسار: خير يا أمى،بتبصوا لبعض إكده ليه؟ ردت هدايه:بص يا ولدى قبل أى شئ لازمن تعرف إن اللى حصل مكنش بإرادتنا أحنا عاملنا اللى شوفناه صالح. تحير ناصر قائلاً:خير يا أمى جولى وبلاش مقدمات كتير. تنهدت هدايه قائله:همس... شعر ناصر بغصه قويه ودمعت عيناه. شعر النبوى بغصة أخيه وقال:همس عايشه يا ناصر. نظر ناصر نحو النبوى بدمعه يعتقد أن أخيه أخطأ فى الكلام،لكن رأى بسمة أخيه كذالك نظر ناحية هدايه رأى بسمه طفيفه على شفاها، فقال بآسف كان نفسى همس تكون عايشه وتسمع برائتها وكان نفسى أجول لها إنى كنت واثق إن عمرها تكون خاطيه،دى بنتى وأنا عارف أنا ربيتها إزاى؟ رد النبوى:تقدر تقول لها الحديت ده يا ناصر،همس لساتها عايشه،وقبل ما تستعجب هقولك السبب أن همس عايشه لحد دلوق هى الحجه هدايه. نظر ناصر بذهول ناحيه هدايه ورأى تلك البسمه على شفاها وقالت بتأكيد:سامحنا يا ولدى إحنا عملنا اللى فيه الصالح لـ همس وجتها هحكيلك الحكايه من لحظه ما دخلت أغسل همس،كان لساتها فيها الروح بتنبض بس كان الأمل ضعيف خوفت أوهم جلبك بالكدب والنبوى هو اللى ساعدنى وخد همس للمستشفى وأكدوا نفس الشئ الامل فى نجاتها ضعيف لكن ربك كبير خلق لها عمر تانى تعيشه. ذُهل عقل ناصر ونهض واقفًا يقول:أنا مش فاهم حاجه يا أمى،همس عايشه،طب لو صحيح عايشه هى فين،جوليلى وأنا أروح أچيبها. تدمعت عين هدايه قائله:إجعد يا ولدى وبلاش تتهور عشان صالح همس هحكيلك حكاية اللى حُصل. هدأ ناصر وجلس جوار هدايه مره،أخرى... سردت له ما تمر به همس من رُهاب منذ أن عادت للحياه تخشى أن يقترب منها أحد،وأنها قالت لهم لو علم أحد أنها مازالت تعيش ستنهى حياتها هذه المره. بكى ناصر،لكن كان بكاؤه بفرحه يشعر كآن جزء من روحه كان مسلوب و عاد إليه ، نهض واقفًا خدنى لعندها يا نبوى متأكد همس لما تشوفنى مش هتخاف منى وأنا هقدر أرجعها لهنا تانى، أقولك قولى عنوانها فين وانا أروح لها. رد النبوى: بلاش الحماسه تاخدك يا ناصر، تفتكر أنا وأمى وحتى كارم محاولناش معها، همس كانت هنا فى فرح سلسبيل لو كانت عاوزه تفضل هنا كان سهل علينا، وجتها نكشف عنها. تعجب ناصر قائلاً: كارم عارف أن همس عايشه، وهمس كانت هنا فى الدار، وأنا ونهله وأخواتها إزاى منعرفش، سلسبيل كان قلبها حاسس بوجود همس حواليها يوم فرحها هى قالتلى إكده، غير إنها بتقول إن همس لما بتجى لها فى الاحلام بتبقى عايشه. تبسم النبوى قائلاً: أنا بطلب إيد همس منك يا ناصر، أنا مكنش ينفع أكتب كتابها النهارده من غير إنت ما تبقى عارف وتوافق على طلب كارم يتجوز همس... همس وافقت على كارم هنكتب الكتاب النهارده وهيسافروا بكره دبى. تدمعت عين ناصر قائلاً بوجع: بتجول ايه،هيسافروا؟ رد ناصر: أيوه،الدكتوره جالت إن سفر همس فى الفتره دى ممكن يساعدها تخف بسرعه، وكارم جهز كل شئ فى دبى. تنهد ناصر قائلاً بحسره: بنتى عايشه وأنا آخر من يعلم، وكمان هتتجوز وتسافر وأنا آخر من يعلم وكل ده بسبب انها خايفه تشوفنى. وضعت هدايه يدها على كتف ناصر قائله: الدكتوره اللى بتعالجها جالت أنها مع الوجت هترجع تانى زى سابج عهدها، بلاش يا ولدى تحزن إكده إدعى لها، وكارم طول عمره بيريدها وهو اللى جدر يجنعها أنه توافج عالچواز منيه، وهددها أنه هينتحر زيها. تبسم ناصر بدمعه قائلاً: يارب ترجع همس كيف الاول، بس أنا عاوز أشوفها حتى لو من بعيد. نظر النبوى لـ هدايه التى حاولت إقناع ناصر و قالت: بلاش يا ولدى جلبك ممكن يخونك ووجتها مممكن تنتكس حالة همس دى بصعوبه على ما قربت من أخوك حتى كارم نفسيه. رد ناصر:متخافيش يا أمى مش هقرب منيها بس أشوفها. رد النبوى:تمام يا ناصر،همس وكارم بعد كتب الكتاب هيسافروا للقاهره عشان طيارتهم بكره الصبح،شوفها من بعيد. تبسم ناصر بإنشراح وتقبل أن يرى همس من بعيد وذهب الى تلك العماره التى أملى عليه النبوى عنوانها،ظل بالسياره ينتظر نزول همس ومعها كارم لكن ربما لحُسن الحظ،أثناء إنتظارهُ رأى قدريه تدخل الى العماره وخاول الاتصال على النبوى، لكن لم يرد عليه، فكر فى الصعود الى العماره، لكن رأى خروج النبوى ومعه قدريه منها مع النبوى،شعر بالسوء ظل واقف لوقت قلبه حائر،أيصعد ويعلم ماذا حدث،أم يبقى فى إنتظار نزول كارم وهمس،لكن الوقت لا يمر حسم أمرهُ وصعد ليحدث ما يحدث،لن يترك همس تنفذ وعيدها هو قادر على إحتوائها،فتحت له المرافقه لـ همس وتعجبت كثيراً،لكن فى ذالك الوقت خرجت الطبيبه من احد الغرف وبرفقتها كارم،الذى تعجب كثيراً حين رأى عمه،من ملامح وجهه أيقن أن عمه علم بأن همس مازالت تعيش،وكان التأكيد حين إقترب ناصر من الطبيبه قائلاً برجفه: همس مالها. ردت الطبيبه:وحضرتك مين؟ رد كارم:ده عمى،ويبقى والد همس. ردت الطبيبه:همس عندها شبه إنهيار عصبى سبق وحذرت بلاش نضغط عليها،أنا اديتها حقنه مهدئه هتنام لوقت طويل النوم هيساعدها أنها تتخطى الحاله دى،وزى ما قولت قبل كده بلاش ضغط على أعصابها،وأنا هتابع حالتها مع الدكتوره اللى فى دبى. رد كارم وهو يوصل الطبيبه الى باب الشقه:تمام متشكر جدا يا دكتوره إنك جيتى بسرعه. ردت الطبيبه بعمليه:ده واجبى،واتمنى حالة همس تتحسن فى أقرب وقت. غادرت الطبيبه الشقه،عاد كارم لعمه الذى دخل مباشرةً الى الغرفه الموجوده بها همس،كم تآلم قلبه وهو يراها نائمه ملامح وجهها مسؤمه لكن فى نفس الوقت إنتعش قلبه،وأقترب منها على الفراش وقبل جبينها بدمعه. تبسم كارم قائلاً: كنت متأكد أنا بابا هيقولك على كتب كتابى أنا وهمس. رد ناصر: همس طول عمرها كانت هشه كانت أضعف بناتى رغم شقاوتها بس كانت هشه سهل كسرها، انا عرفت إنكم هتسافروا دبى. رد كارم: فعلاً وللاسف هضطر أخد همس وهى نايمه ونسافر القاهره دلوقتي عشان نلحق الطياره بكره الصبح. نظر ناصر لـهمس وعاود تقبيل جبينها ثم نهض قائلاً: توصلوا بالسلامه، هبقى أتصل عليك أطمن على همس. تبسم كارم وهو يتجه الى الفراش يحمل همس بين يديه ثم خرج من الشقه ونزل الى تلك السياره التى كانت أسفل العماره، وضع همس بها، ثم وقف يبتسم لعمه الذى قال له برجاء: همس أمانتك يا كارم بلاش تخذلنى زى قماح ما خذلنى مع سلسبيل، همس مش هتستحمل بعد كل ده. رد كارم: أنا مش زى قماح ياعمى رغم انى عارف إن قماح من جواه ندمان... همس هى حياتى اللى رجعتلى من تانى ومستحيل أفكر انى أخذلها وأطمن. عودهـــــ،،، عاد كارم من سرده للماضى على دموع همس التى شعر بها على صدره. رفع رأسها يقول:هاميس خلاص لازم تعود من تانى وسط عيلتها اللى كانت هى بسمتها. أمائت همس رأسها بموافقه. ......ــــــــــــــــــــــــــــــــــــــــــــــــــــــــ بشقة هند وقفت سلسبيل مصدومه متصنمه مكانها لم تقترب من من جثة نائل المطعون لآكثر من طعنه بجسده ينزف بغزاره. قافت من تلك الحاله على هند التى دخلت الى الشقه ورأت أخيها بهذه الحاله الدمويه،فصرخت قوياً،وأقتربت منه وحاولت الحديث إليه بإستجداء،لكن هو كان فارق الحياه،نهضت من جواره وأمسكت سلسبيل من يديها تصرخ عليها تتهمها بق,تل أخيها ليس هذا فقط بل قامت بقول أنها على علاقه غير شرعيه بأخيها نفت سلسبيل برأسها ذالك الكذب،لكن فى ذالك الحين كان قد تجمع سُكان العماره عليهن ومنهم من قام بالاتصال بالشرطه التى آتت بعد وقت قصير،ووقفت تعاين موقع الجريمه،ثم قامت بالقبض على سلسبيل بعد إتهام هند لها. ....ــــــــــــــــــــــــــ..... بتلك الصيدليه حاول ناصر التحكم فى هيستريا رباح الذى يصرخ من رأسه تدخل بعض الموجودين وقاموا بمساعدته بتلجيم حركة رباح، وقام الصيدلى بإعطاؤه حقنه مهدئه جعلته يسترخى نائمًا ثم أخذه ناصر وتوجه الى أحد معامل التحليل الخاصه وقام بعمل تحاليل شامله له... وهو مازال نائم، ثم أخذه وتوجه الى دار العراب وهو لديه يقين أن رباح مدمن، وعليه بدأ العلاج فوراً، وهذا بالفعل ما سيفعله، لكن عليه الرجوع بـ رباح الى الدار أولاً، من أجل ضمان عدم حصوله على تلك المواد المُخدره. ...... ـــــــــــــــــــــــــــــــــــــــــــــــــــــــــــــــ بعد قليل بـ مركز الشرطه كانت سلسبيل بغرفة التحقيقات يوجه لها تهمة ق,تل نائل بناءً على إتهام هند التزمت سلسبيل عدم الرد على الاتهام وطلبت أن تحدث أحدا عبر الهاتف... بالفعل سمح لها الضابط بإجراء مكالمه هاتفيه... قامت بطلب والداها لكن لم يرد عليها، فطلبت طلب رقم آخر وقامت بالإتصال عليه ورد عليها وتحدثت: عمى أنا سلسبيل ، أنا محجوزه فى القسم؟ تعجب النبوى وهو ينهض سريعًا من على مكتبه قائلاً: خير، محجوزه فى قسم أيه، وأيه سبب حجزك. ردت سلسبيل بإسم القسم المحجوزه فيه ثم قالت: نائل إتقت.ل وهند بتتهمنى إنى أنا اللى قت,لته. تعجب النبوى قائلاً: مش فاهم وأنتى مالك بـ نائل وهند ليه بتتهمك بق,تله. فى نفس اللحظه تحدث الضابط لـ سلسبيل قائلاً: كفايه كده يا مدام مسموحلك بمكالمه قصيره ممنوع تحكى كتير قصاد اللى بتكلميه. أمائت سلسبيل للضابط ثم أكملت حديث لعمها قائله: بتصل على بابا مش بيرد عليا. من فضلك يا عمى ساعدنى،وبلاش تقول لـ قماح. قالت سلسبيل هذا وأغلقت الخط بينما رد النبوى:ألو ألو سلسبيل. فى ذالك الوقت كان يدخل قماح الى غرفة والده وسمع قوله لأسم سلسبيل. نظر له النبوى صامتًا. تحدث قماح:سلسبيل فين خرجت من المقر بطلبها عالموبايل مش بترد عليا،وحضرتك كنت بتقول ألو يا سلسبيل قولى هى فين؟وليه خرجت من المقر قبل ميعادها. إرتبك النبوى وقال:يمكن خرجت لحاجه مهمه،وموبايلها فصل. رد قماح وهو يستشف من وجه أبيه الكذب قائلاً: بابا قولى فين سلسبيل،متأكد أنك عارف هى فين، هى كانت معاك عالتليفون. رد النبوى: مش وقته لازمن أمشى عندى مشوار مهم دلوق. وقف قماح امام النبوى قائلاً: فين سلسبيل يا بابا. نظر النبوى لملامح قماح للحظات خشي أن يُخبر قماح ما قالته له سلسبيل عله يُسئ الظن بها دون إستبيان لما حدث، وأيضاً بسبب طلب سلسبيل التى قالته له. فقال بتتويه:هى كانت بتكلمني والخط قطع يمكن فى مكان مفيش فيه شبكه،سيبنى ألحق مشواري،وحاول تتصل عليها يمكن ترد عليك. قال النبوى هذا وترك قماح الذى لديه يقين أن والده خرج لأمر بشأن سلسبيل...فتعقب والده. بينما خرج النبوى مُسرع وفتح هاتفه أجرى إتصالاً مختصر:عاوزك تقابلنى فوراً قدام القسم ده. لم ينتبه النبوى لـ قماح الذى تعقبه بسيارته الى ان توقف أمام أحد أقسام الشرطه. تفاجئ النبوى حين رأى نزول قماح من سيارته ثم أقترب من مكان النبوى الذى وقف أمام القسم ينظر الى مكان وقوف المحامى الذى قال له أنه كان قريب من قسم الشرطه،ذهب النبوى للمحامى،وخلفه قماح. صافح النبوى المحامى وقال له: سلسبيل بنت أخويا محجوزه فى القسم بقضية قت,ل،ده كل اللى عرفته من إتصالها عليا. تفاجئ قماح الذى سمع حديث والدهُ مع المحامى حين أصبح ثالثهم...تركهم ودخل فورًا الى القسم تفاجئ بخروج هند وعلى ملابسها دماء حين رأته اقتربت منه بدموع قائله بكذب: سلسبيل قت,لت نائل،ق,تلته عشان ما يفتش العلاقه القذره اللى كانت بينهم. ذُهل قماح قائلاً بدفاع عن سلسبيل:بلاش كذب يا هند،وخرجى سلسبيل من دماغك سبق وقولتلك خلاص حكايتنا إنتهت وإن اللى بينا هو الشغل وبس. تهكمت هند بدموع قائله:أنا مش بتهم سلسبيل بكذب تقدر تقولى أيه اللى وداها للشقه اللى إنت أشترتها ليا،وكمان نائل أتقت,ل فى الشقه دى؟ رد قماح بثقه:أنا واثق من سلسبيل أكيد فى حاجه غلط. قال قماح هذا ونظر لدخول المحامى،فققال له:أنا عاوز تطلع النهارده سلسبيل من القسم. رد المحامى:أنا هدخل أشوف محضر التحقيقات وهشوف ابعاد القضيه. استأذن المحامى ودخل الى غرفة التحقيقات،بينما هند كانت تبكى بهستريا،الى أن آتى والداها الذى ذهب اليها،يستمع الى كذبها وهى تؤكد أن سلسبيل هى من قت,لت نائل. ترك هند والداها وذهب الى مكان وقوف قماح والنبوى قائلاً بتوعد:بشرفى قبل ما أخد عزا إبنى هتكون سلسبيل سبقاه للقبر. رد قماح بقوه:لما تثبت الجريمه على سلسبيل إبقى إحلف بشرفك،أنا واثق فى مراتى. رغم شعور النبوى بالآسى على سلسبيل لكن دخل له شعور بالفرحه،قماح دافع عن سلسبيل. بعد قليل خرج المحامى وذهب الى مكان وقوف قماح والنبوى قائلاً بسوء: للآسف مدام سلسبيل المشتبه فيه الوحيد،والقضيه لبساها. رد قماح قائلاً:قصدك أيه مستحيل متأكد أن سلسبيل بريئه. رد المحامى:كل الادله ضد مدام سلسبيل،الحسنه الوحيده فى القضيه إن سلاح الجريمه مفقود،غير لسه تقرير البصمات موصلش للنيابه،ولما سألت مدام سلسبيل قالتلى أنها مقربتش من جثة القيل ،بس وجودها فى مكان الجريمه إدانه قويه لها وكمان فى إتهام مباشر من أخت القتيل لها بوجود علاقه بينها وبين القتيل. رد قماح:قصدك أيه؟ تحدث النبوى قائلاً:أنا عاوز أشوف سلسبيل. رد المحامى:أنا جبت لحضراتكم أذن أنكم تقابلوها إستثناء فى أوضة التحقيقات والمقابله تكون قصيره. رد النبوى: تمام أنا داخل لها وأنت يا قماح مش هتدخل معايا. رد قماح: اسبقنى انت يا بابا هتفاهم مع المحامى يشوف طريقه يخرج بها سلسبيل على ذمة القضيه. ذهب النبوى وظل قماح مع المحامى الذى قال له: شوف طريقه تخرج سلسبيل بها من هنا، اى كفاله أنا مستعد أدفعها حتى لو مليون جنيه، سلسبيل مش لازم تبات هنا فى القسم. رد المحامى: خروج مدام سلسبيل صعب أنا عرضت الكفاله ووكيل النيابه رفض، كل اللى أقدر أعمله أنى أجيب لها إستثناء الليله وتبات فى أوضه هنا فى القسم قبل تحويلها بكره على السجن. إنصدم قماح قائلاً: قصدك أيه هى كده الجريمه لبست سلسبيل، فين دفاعك، قولى أنك مش قد القضيه، أنا على إستعداد دلوقتي أجيب بدل المحامى عشره. رد المحامى: أنا عاذر حضرتك، بس زى ما قولتلك موقف مدام سلسبيل ضعيف، حتى أجوبتها عالأسئلة وكيل النيابه مش مُقنعه، حتى لما سألها عن وجودها فى الشقه دى، جاوبت وقالت انه كان إتصال هاتفى بينها وبين مدام هند، ووكيل النيابه أمر بتتبع المكالمات، ونفس الوقت مدام هند قالت إن تليفونها كان مفقود وهى غيرت رقم تليفونها من مده قصيره. ذُهل عقل قماح ما يقوله المحامى صحيح هند غيرت رقم هاتفها وهذه ما جعلهُ رد عليها حين هاتفته قبل أيام لعدم معرفته بالرقم الجديد. ....... ــــــــــــــــــــــــــــــــــــــ بينما فى غرفة التحقيقات دخل النبوى متلهفاً نحو سلسبيل التى أقتربت منه قائله: عمى... بابا فين أتصلت عليه مش بيرد عليا. حضن النبوى سلسبيل قائلاً: أنا معاكى، منفعش مكانه. ردت سلسبيل: مش قصدى يا عمى. رد النبوى: قوليلى أيه اللى حصل وأيه اللى وداكي لشقه دى. ردت سلسبيل: هند أتصلت عليا وطلبت مساعدتى. تعجب النبوى قائلاً: كده وضحت ممكن هند تكون هى اللى ق,تلت نائل، وطبعاً أستغلتك عشان تشيلى القضيه،كبش فدا. ردت سلسبيل بذهول: مش معقول يا عمى، قصدك إيه بإن هند ممكن تكون هى اللى تكون قت,لت نائل! مستحيل ده أخوها الوحيد. رد النبوى: مفيش حاجه مستحيل يا سلسبيل، أنتِ غلطى كان فين عقلك إزاى توقعى فى فخ هند بالسذاجه دى... ...إحتمال القضيه تتحول لقضية شرف،بسبب إتهام هند ليكِ إنك كنت على علاقه بـ نائل. ذُهلت سلسبيل تشعر بخذو وظلت صامته لثوانى ثم قالت: وقماح صدق الكدبه دى؟ رد النبوى: مش قماح المهم دلوق المهم التحقيقات المحامى واقف بره مع قماح يشوف طريقه إنك تخرجى بكفاله على ذمة القضيه، بس بيقول موقفك صعب جداً. تدمعت عين سلسبيل، وهى تنظر الى باب الغرفه الذى فُتح، ليدخل قماح التى تدل ملامحه على الغضب الشديد. بينما النبوى شعر برجفة سلسبيل حين دخل الى الغرفه. بينما قال قماح: سيبنى مع سلسبيل يا بابا وأرجع أنت للدار، أكيد زمان الخبر إنتشر وهيوصل، ولازم حد يطمن اللى هناك عالمدام. من نبرة صوت قماح شعرت سلسبيل بأن قماح ربما يُصدق إتهام هند. بينما النبوى قال بسؤال: وإنت هتعمل أيه؟ رد قماح: أنا هفضل هنا مع المدام. نظر النبوى لملامح سلسبيل التى تشعر بالخيبه، ونظر الى ملامح قماح الخائفه، لكن يُخفيها خلف نبرة صوته القاسيه... وهو على يقين أن قماح لن يترك سلسبيل فقال: تمام هرجع للدار وهحاول أطمنهم وهكون معاك على إتصال. غادر النبوى الغرفه وترك قماح وسلسبيل سلسبيل التى شعرت من نظرات قماح أن ساقيها أصبحت هُلام، فجلست على أحد المقاعد. نظر لها قماح قائلاً: أيه اللى وداكِ الشقه دى؟ ردت سلسبيل: هند أتصلت عليا حتى بعتت لى صور لها، أنا مكنتش هروح لها بس هى إستنجدت بيا، وأنا قولت إن باباها غضبان عليها و.... لم تُكمل سلسبيل حديثها حين قاطعها قماح قائلاً: هند هى وباباها أتصالحوا، عندى يقين إنهم حتى مكنوش متخاصمين من أساسهُ. تعحبت سلسبيل. تحدث قماح بتهكم: سلسبيل العراب اللى الكل بيشكر فى عقلها وحكمتها وقعت فى فخ زى العيال الساذجه. ردت سلسبيل: أنا مش ساذجه، أنا لو ساذجه كنت أتهمتك أنك عاوز ترجع هند بعد ما شوفتك معاها فى الكافيه اللى قريب من المقر من كم يوم، وقبلها لما كنا فى المكتب وقولتلى روحى انتى مع السواق، وأنا هقابل عميل، وقبل ما أوصل للدار يجيلى رساله من هند أنكم مع بعض فى الكافيه. تهكم قماح قائلاً: أنا فعلاً قابلت هند فى الكافيه ده، بس بصفتها عميله هند رجعت تشتغل تانى مع باباها حتى سابت الشقه اللي كنت جايبه لها ورجعت لبيته تانى، وأنا طلبت منها بعد كده ياأتعامل مع باباها أو أخوها ياأما هنهى تعاملنا معاهم نهائى، وطبعًا وافقت إنى بعد كده أتعامل مع أخوها... اللى حضرتك متهمه بق,تله لأ ومش بس كده كمان إنك كنتِ على علاقه بيه...ليه قبل ما تخرجى من المقر متصلتيش عليا تقوليلى على اتصال هند بيكِ. تحدثت سلسبيل بخفوت: خوفت تحس بالندم إنك السبب فى بُعدها عن أهلها، وقولت.... قاطعها قماح قائلاً: قولتى أيه يا سلسبيل... قوليلى أعمل أيه القضيه لبساكِ، حتى لو هند فعلاً كانت محتاجه مساعده كان بسهوله تتصل بأى مستشفى أو دكتور يجوا لها لحد الشقه، ليه... ليه... ليه...، قوليلى حل دلوقتي التهمه بسهوله ممكن تتحول لقضية شرف. ردت سلسبيل بإستعلام: وأنت صدقت إنى ممكن أكون على علاقه بــــــ.... لم تُكمل سلسبيل إسم نائل حين جذبها قماح من يدها لتقف ويقوم بحضنها قويًا يقول: سلسبيل أنا عندى ثقه فيكِ لا متناهيه، لكن هند وقعتك فى فخ أثبتت إنك ساذجه ومتأكد ان معاها دليل برائتك وهتساوم بيه. ضمت سلسبيل قماح قائله بإستفسار: قصدك أيه إن هند ممكن تطلب منك أن ترجعها لذمتك قصاد برائتى... ولا ممكن تطلب منك تطلقني؟ لم يرد قماح وضم سلسبيل قويًا. ضمته سلسبيل قائله:والله أنا دخلت الشقه فوجئت بـ نائل بينزف حتى ملمستوش. رد قماح وهو يحتضن سلسبيل:أنا متأكد من برائتك يا سلسبيل،وبتمنى تظهر الحقيقه بسرعه وتأكدى إن مش هسمح بدخولك السجن ساعه واحده. ..... ـــــــــــــــــــــــــــــــــــــ بـ دار العراب. الخبر السئ لا ينتظر كثيراً دخول ناصر بـ رباح الذى يحمله إثنان من الحرس وخلفهم كان ناصر، رأتهم هدايه من شباك غرفتها فإنخلع قلبها، وخرجت مُسرعه تستقبلهم على الباب الداخلى. قائله بلهفة قلب: ماله رباح؟ رد ناصر: هقولك بعدين يا أمى بس وسعى للرجاله تدخله للدار فى أوضته القديمه. فسحت هدايه مكان لدخول الرجلان اللذان يحملان رباخ وأدخلوه الى الغرفه، ثم خرجا. نظرت هدايه لـ ناصر الذى قال لها: عندى شبه تأكيد رباح مدمن، هتصل على حداد يجى يركب لشباك الأوضه دى حديد قبل ما يفوق من تأثير المُخدر، والباب يتقفل عليه بالمفتاح لحد ما نتيجة التحليل تطلع بكره، رغم أن فى دكتور أكدلى إدمانه وقالى على إسم مركز لعلاج الإدمان وكنت هاخده عليه مباشرةً بس قولت أستنى تأكيد التحاليل عشان أخدها بالمره معايا وأنا موديه لمركز علاج الادمان يبقى عندهم علم بعلاجه من الماده المدمن عليها. تعذب قلب هدايه قائله: كنت شاكه بس كنت بكدب نفسى، رباح ضيع نفسه بجوازه من زهرت هى فين؟ رد ناصر:معرفش لما روحت له الشقه كان لوحده. كآن المصائب لا تآتى فرادى دخول النبوى بنفس الوقت، إقتراب نهله من مكان وقوف هدايه وناصر الذى سأل النبوى قائلاً: مالك جاى منين دلوق؟ رد النبوى: جاى من قسم الشرطه سلسبيل متهمه فى جضية جتل نائل إبن رجب السنهورى. كانت صدمه أهلكت قلب نهله الذى لم يتحمل حين سمعت قول النبوى، لتقع أرضًا لا تشعر بشئ سوا ضباب أسود يجذبها لتغلق عينيها تستلم لغيومه السوداء. قبل لحظه كان هاتف هدايه يعلن إتصال فتحت الخط ترد لكن قبل أن ترد على من يتصل كانت صرخة هدى التى آتت ورأت إنهيار والداتها بهذا الشكل المُفجع. سمعت همس صرخة هدى فإرتجف قلبها وتحدثت: جدتى قوليلى فى أيه ردى عليا، لكن الهاتف كاد يسقط من يد هدايه لولا تلقفته سميحه وردت هى على همس قائله بدموع ودون وعى منها: مرات عمى نهله وقعت من طولها. إرتجفت همس قائله: ماما... مالها.. ردى عليا. تعجبت سميحه من رد همس قبل أن ينقطع الأتصال. فى نفس الوقت بـ دبى قالت همس لـ كارم الواقف جوارها بلهفه: أنا لازم أنزل مصر دلوقتي سميحه بتقول إن ماما وقعت من طولها. ...... ﷽ الخامسه والثلاثون ـــــــــــــــــــــــــــــــــــــــــــــــــــــــ. بتلك الشقه دخلت زهرت وأغلقت الباب خلفها تلهث كآنها كانت تركض لآميال، دخلت مباشرةً الى الحمام، قامت بخلع ثيابها وفتحت صنبور المياه ووقفت أسفله لم تشعر إن كانت المياه بارده أو ساخنه كل ما تريده أن تغسل دماء ذالك الحقير نائل من على يديها لكن كآن دماؤه إلتصقت بها قامت بحك يديها ببعضهما قويًا لوقت كلما تنظر ليدها كانت ترى أن مازالت الدماء عليها،أغلقت صنبور المياه وآتت بإحدى المناشف وقامت بتنشيف يديها،ثم نظرت لها،هنالك أثار دمويه عالقه بيدها هكذا هُيئ لها،شت عقلها وكادت تصرخ،لكن تلجم صوتها بداخلها، عاودت فتح صنبور المياه ووقفت أسفله مره أخرى تسيل المياه فوق رأسها كآنها تُمحى ما حدث قبل وقت حين تتبعت نائل الى تلك الشقه فلاشــــــــــــــــــ،، باك بمجرد أن نزل نائل من سيارته علمت أنه آتى لـ هند فكرت وحسمت أمرها وقالت لنفسها: كويس أكيد جاى لهند أنا أطلع أعمل إنى كنت جايه أزورها صدفه، وأنتهز أى فرصه وأطلب منه إسم الدوا الحقيقى أو حتى آخد منه علبه أهى تهدى عقل رباح شويه. بالفعل نزلت من سيارة الأجره وأعطته حسابه، لكن قبل أن تتحرك من مكانها رأت هند تخرج من العماره تتوجه الى سياره كانت بإنتظارها وإنطلقت السياره سريعًا... للحظات فكرت زهرت بالعدول عن الصعود للشقه، لكن ساقها شيطانها لمعرفة لماذا غادرت هند وليس معها نائل، حسمت أمرها وصعدت الى الشقه لكن قبلها وضعت على وجهها نقاب كان معها بالحقيبه، صعدت بالمصعد الكهربائى الذى توقف أمام الشقه، خرجت منه وتوجهت الى باب الشقه، قرعت جرس الباب، وللعجب فُتح الباب سريعًا، كآنه كان ينتظر خلف الباب نظر نائل لـ زهرت بتفاجؤ وصدمه رغم أنها تضع نقاب على وجهها لكن تعرف عليها بسهوله مالمعتاد فى لقائتهم السابقه، لكن هذه المره لم يستقبلها بترحيب كما كان يفعل فى السابق، قال لها: زهرت أيه اللى جايبك هنا. تهكمت زهرت قائله: أكيد مش جايه عشانك وسع من قدام الباب خلينى أدخل بدل من وقفتنا كده قدام الشقه قصاد سكان العماره يقولوا أيه؟ رد نائل: مقدرش أدخلك الشقه يا زهرت أمشى هند مش هنا، خرجت ومش هترجع دلوقتي. ردت زهرت بضحكه ساخره: أيه هند كانت هتبقى بينا مِحرم، وسع يا نائل خلينى أدخل، أنا مش خايفه منك بسبب آخر مره لما حاولت تقت,لنى، أنا عاوزاك فى كلمتين وبعد كده أنسى إنى أعرفك تانى، كل واحد فينا الأفضل له ميعرفش التانى لو قابله فى سكه. تنهد نائل وتنحى لدخول زهرت حتى تقول ما عندها وتغادر سريعًا قبل أن تصل سلسبيل. دخلت زهرت وخلفها نائل بعد أن أغلق باب الشقه ونظر لمكان وقوف زهرت قائلاً: خير أيه الكلمتين اللى هتقوليهم، ياريت بسرعه مش فاضى. جالت عين زهرت بأرجاء المكان قائله: وراك أيه، ولا مستنى ضيوف مهمين. رد نائل بفروغ صبر: زهرت بلاش كلام كتير، أنا بصراحه مكنتش متوقع نتقابل تانى بعد آخر مره. ردت زهرت: بعد ما حاولت تقت,لنى، عالعموم مش ده المهم عندى، أنا محتاجه علبة دوا من اللى كنت باخدهم منك قبل كده، أو قولى على أسمها ومكان آمن أجيبها منه. تهكم نائل قائلاً: والمقابل قصاد علبة الدوا أيه. ردت زهرت: مفيش مقابل أعتبرها هديه، او مكافأة. سخر نائل ضاحكًا: مكافأة نهايه الخدمه، لأ يا عزيزتى مفيش حاجه ببلاش، أظن ده كان القانون السايد بينا من أول معرفتنا ببعض. أقتربت زهرت من نائل تسير بدلال فاجر: وماله التمن اللى عاوزه، بس محتاجه علبتين مش واحده وتقولى إسمه أيه. نظر نائل لسير زهرت بفجور أمامه، ولم يهتز قائلاً: مش وقته هنا خالص يا زهرت أنا بقول أمشى دلوقتي ونتقابل فى الشقه القديمه بعد ساعتين حتى أكون جهزت ليكِ الدوا ، إنما دلوقتي أنا منتظر ضيف مهم،وزمانه على وصول. ردت زهرت: لأ أنسى الشقه القديمه دى خلاص، قولت إحنا اللى بينا إنتهى، وياترى مين الضيف المهم ده اللى بتوزعنى عشانه، ولا تكون ضيفه جديده بس مش دى شقة هند اللى قماح إشتراهالها تعويض عن طلاقها. فى تلك اللحظه كانت زهرت اصبخت مُلاصقه لجسد نائل تقوم بأغواؤه، ببعض القُبلات السافره على وجنتيه، تظن أن مكرها القديم سينفع معه... لكن نائل قام بدفعها بقوه وأبعدها عنه بكسحه قويه جعل زهرت ترتد للخلف، وخبطت يدها بطبق فاكهه كان موضوع على إحدى الطاولات بالمكان به بعض الفاكهه وسكين صغيره،لمعت السكين بعين زهرت... لكن قالت لـ نائل:نائل متأكده إن الضيف اللى هتقابله دلوقتي هى ست. رد نائل ببرود: ست.. راجل مالكيش فيه قولتلك عاوزه الدوا قابلينى بعد ساعتين ودلوقتي لازم تمشى قبل وصول الضيف. قال نائل هذا ومسك زهرت من عضد يدها قائلاً بنفاذ صبؤ: أمشى دلوقتي بقى. فى تلك اللحظه مدت زهرت يدها على تلك السكين الصغيره،أخذتها،ونفضت يد نائل بقوه قائله: إزاى تسحبنى بالطريقه دى ناسى إنى حامل. رد نائل:زهرت بقولك إمشى دلوقتي،ولو عاوزه هبعتلك إسم الدوا عالموبايل أو قولى لى عنوان السكن وأنا هبعتلك علبه لهناك زى قبل ما كنت قبل كده ببعتلك فى دار العراب عن طريق المشتروات اللى كنتِ بتشتريها لك من عالنت وأبعت شخص من عندى يوصلها على انه مسؤل توصيل للمنازل. ردت هند:زاد عندى الفضول أعرف مين الضيف،ولا الضيفه دى لا تكون.....سلسبيل! تعلثم نائل قائلاً:أيه الجنان ده،وسلسبيل أيه اللى هيجيبها لهنا،متنسيش زهرت كانت ضرتها. دخل الى زهرت يقين أن نائل ينتظر سلسبيل...فقالت: الله أعلم يمكن عاملين لها فخ إنت وهند،هند عقلها هيشت من يوم قماخ ما طلقها تانى،وعدوتها الاولى هى سلسبيل. رد نائل:بلاش جنان وامشى يا زهرت دلوقتي بقولك،بدل ما أغير رأيى ومبعتش ليكِ علبة الدوا،وأسيب رباح اللى ممكن فى نوبة جنان منه ينحج فى اللى فشلت أنا فيه ويق,تلك. قال نائل هذا وأمسك زهرت من عضدها وسحبها قويًا هذه المره، لكن زهرت نفضت يده قائله: نفسى أعرف سلسبيل عامله لكم أيه تفرق أيه عن غيرها قماح يبيع الدنيا عشان خاطرها، وأنت كنت هتق,تلنى بسببها. رد نائل: سلسبيل فيها اللى عمره ما كان عندك. ردت زهرت: قصدك الفلوس وإسم العراب. رد نائل: لأ مش الفلوس ولا إسم العراب، عارفه أيه اللى عندها مش عندك.... نظرت زهرت لـ نائل تنتظر جوابه الذى قاله: عندها الشرف اللى إنت متعرفهوش،من بداية علاقتى بيكِ كنتِ سهله ورخيصه بتجرى وراء هدف واحد بس،وقصادحصولك عليه كان كل شئ مباح عندك حتى إنك تفرطى فى شرفك، وتتجوزى وتخونى جوزك برضو بسبب لهاثك وراء سطوة الفلوس...إنت أقذر ست شوفتها فى حياتى،كان فى إيدك فرصه تنضفى بعد جوازك من رباح اللى معرفش كذبتى عليه إزاى ومقدرش يكتشف إنه مش أول راجل يلمسك، بس إنتى كنتى حابه تعيشى فى الوحل،دلوقتي أمشى مش عاوز أشوف وشك تانى،لآن المره الجايه أوعدك مش...... صمت نائل بعد شعورهُ بألم قوى بسبب إختراق سكين لجانبه ،ترك عضد زهرت التى تملكها الشبطان جعلها فى غير وعيها،بينما نائل وضع يده على جانبه متأثرًا بألم قوى يحاول كتم نزيف دمه،لكن زهرت باغتته بطعنه أخرى وأخرى وأخرى جعلته يجثو أرضًا بدماؤه المتناثره بينما هى تهزى وتسب قدرها الذى أوقعها فى براثن ذالك الوغد، وهى تطعنه طعنه خلف أخرى...فاقت بعد أن رأت جثو نائل بجسده أرضًا ممدًا ينزف،كانت السكين مازالت بيدها إنحنت تنظر له بتشفى قائله: إنت كنت الشيطان اللى غاونى من الأول وضحك عليا بإسم الحب،تستاهل القت,ل... قالت هذا وزفرت نفسها ثم عاوت الحديث بعدما شعرت بفداحة ما فعلته ونهضت قائله:إنت متستاهلش أتهم فى ق,تلك،أنا لازم أمشى بسرعه. كانت السكين مازالت بيد زهرت،وضعتها بحقيبة يدها وتوجهت ناحية باب الشقه وفتحته لكن لسوء الحظ رأت وقوف المصعد الكهربائى فى إنتظار فتح بابه،دخلت سريعاً لم تنتبه أنها لم تغلق باب الشقه جيدًا خلفها،توجهت الى المطبخ هى آتت الى تلك الشقه سابقًا ورأت وجود باب للمطبخ بالتآكيد يفتح على سلم آخر،بالفعل كما توقعت هو سُلم حديدى صغير،يصل للدور الأرضى على شارع آخر خلفى،خرجت زهرت من البنايه،وأشارت لسياره أجره وغادرت المكان،وعادت الى تلك الشقه. عوده...... بعد قليل شعرت زهرت أنها هدأت قليلاً خرجت من أسفل المياه وإرتدت مئزر الحمام وخرجت الى غرفة النوم وألقت بجسدها فوق الفراش تفصل عن الواقع بغفوه، حتى أنها لم تلاخظ عدم وجود رباح. ...... ـــــــــــــــــــــــــــــــــــــــــــــــــــــــــــــــ بـ دار العراب حمل ناصر نهله وتوجه سريعًا الى سيارته بالخارج ووضعها بها، صعدت معه كل من هدى الباكيه، وكذالك سميحه التى تبكى أيضًا، إنطلق ناصر سريعاً بالسياره. بينما حين حاول النبوى اللحاق بناصر أمسكت يدهُ هدايه قائله: خليك إنت هنا عشان رباح قرب يفوق، وكمان أحكى لى سلسبيل مقبوض عليها ليه؟ تعجب النبوى قائلاً بلهفه: رباح إهنه هو فين، ماله يفوق من أيه!؟ ردت هدايه بغصه وسردت له ما أخبرها به ناصر. تآلم قلب النبوى. ربتت على كتفهُ هدايه قائله: وسلسبيل؟ سرد لها النبوى عن إتهامها بقضية ق,تل نائل؟ ردت هدايه بشفقه: جلب نهله مستحملش يا كبدى، ربنا يرآف بيها. رد النبوى: يارب، ويرآف بينا كلنا مش عارف أيه الشر ده كله اللى حصل لـ دار العراب. رغم آلم هدايه لكن قالت بصبر:شر و خير يا ولدى كله هيمر. .....ـ دخل النبوى للغرفه الموجود بها رباح مع ذالك الحداد الذى يضع للشباك مجموعة حدائد تجعل من الصعب الخروج منه ثم غادر وترك النبوى ينظر لـ رباح النائم كآنه بملكوت آخر ولم يستيقظ على تلك الأصوات، تآلم كثيراً الى ما وصل إليه رباح، جلس على أحد المقاعد، يتسأل مالذى جعله يذهب الى تلك المواد المُخدره... كيف سار بهذا الطريق الذى يعلم أن نهايتهُ هى ليس فقط دمار العقل،بل دمار الحياه كلها. بعد وقت قليل، بدأ رباح يربش بعيناه يصحو الى أن أستيقظ يشعر بآلم برأسه، وضع يديه حول رأسهُ يُدلها بأصابعه، لكن سمع صوت النبوى متهكمًا: صح النوم أخيراً صحيت؟ نظر رباح الى ناحية صوت النبوى وقال بتفاجؤ: أنا فين، أزاى جيت لهنا آخر حاجة فاكرها إنى كنت فى الصيدليه مع عمى و.... توقف رباح عن الحديث بسبب قول النبوى: قصدك كنت هتكسر الصيدليه، من أمتى وأنت بتتعاطى مخدرات. إنصدم رباح قائلاً: مخدرات! أنا عمرى ما تعاطيت مخدرات. نهض النبوى من مكانه وتوجه الى الفراش وأمسك رباح من فكيه قائلاً: كداب،قولى من أمتى،وأيه اللى خلاك تتعاطى مخدرات. نظر رباح الذى بدأ يشتد وجع رأسهُ:قولتلك أنى مش بتعاطى مخدرات ولا ده السبب الجديد اللى هتضر,بنى عشانه. تدمعت عين النبوى قائلاً بحده:ياريتنى كنت ضر,بتك من زمان يمكن كنت فوقت من الأكاذيب اللى عشت فيها. تلاقت عين رباح مع عين النبوى المدمعه وقال:أكاذيب...أيه الاكاذيب دى،إنت يا بابا اللى كان عندك تفرقه بينى وبين قماح من صغرنا... ودلوقتى أنا لازم أرجع للشقه زمان زهرت رجعت بالدوا. رد النبوى بسؤال:دوا أيه اللى ژهرت هترجع بيه؟إنت عارف إنت هنا بقالك كام ساعه زهرت حتى مسألتش عنك بإتصال على موبايلك،قولى دوا أيه؟ رد رباح:دوا باخده للصداع. تنبه النبوى قائلاً:مش ده الدوا اللى كنت هتكسر الصيدليه عشانه؟ رد رباح:الصيدلى هو اللى عطانى دوا غلط. رد النبوى يشعر بحسره:الصيدلى مش غلطان،إنت اللى غلطان يا رباح،سلمت عقلك لأكاذيب من البدايه،وصلتلك إنك بقيت مدمن. رد رباح بعدم تصديق:مدمن برضو،بقولك ده صداع عادى. رد النبوى:مش صداع عادى يا رباح إنت كنت بتاخد نوع مخدرات،معرفش إزاى وقعت فيه،لو واحد جاهل كنت هديك عذرك. رد رباح:برضو مخدرات مستحيل،ده دوا مستورد زهرت بشتريه ليا من صيدلانيه صاحبتها. رد النبوى:زهرت كمان هى اللى بتشتريه لك،قولى إسم الدوا ده أيه،ومتقوليش الاسم اللى كان عالعلبه اللى كنت هتضر,ب الصيدلى بسببها. فكر رباح بتذكر لكن لم يتذكر شئ،وبدأ يشتد عليه الصداع... نهض من على الفراش قائلاً: لازم أرجع للشقه. نهض النبوى وأمسك يدهُ قائلاً بحسم وحزم:مفيش خروج من الدار يا رباح. نظر له رباح بصدمه قائلاً:هتحبسنى هنا،ليه محبستنيش قبل كده وسيبتنى أطلع من الدار أنا ومراتى حتى محاولتش تقولى بلاش و... رد النبوى:مكنتش هتسمع كلامى،بس النهارده مش هتطلع من الدار قبل ما نتيجة التحاليل اللى شبه ظهرت تتأكد ووقتها هتدخل مصحه للعلاج من المخدرات. رد رباح:مصحة أيه،اللى أدخلها سيبنى يا بابا. قال رباح هذا ونفض يد النبوى بقوه مما جعل النبوى كاد يختل توازنه لولا أن سند على الحائط لم يبالى رباح وذهب بإتجاه باب الغرفه وحاول فتحه لكن لم يستطيع فتحه حاول أكثر من مره،وبدأ يدخل فى حالة هيستريا... نظر بإتجاه النبوى قائلاً برجاء: أفتح الباب يا بابا،أرجوك خلينى أروح الشقه زهرت زمانها رجعت بالدوا،دماغى هتتفرتك. رد النبوى:لأ مش هسيبك تضيع نفسك أكتر من كده،زهرت ضعيتك يا رباح. وضع رباح يديه حول رأسه قائلاً بآلم:زهرت هى أكتر واحده تهمها راحتى وبدور على اللى يريحنى. رد النبوى:زهرت أكتر واحده أذتك يا ولدى عشان تسيطر على عقلك بكدبها. ذهب رباح لمكان النبوى وجثى أمامه على ساقيه قائلاً:زهرت عمرها ما كدبت عليا،هى الوحيده اللى بتحبنى،أبوس رجلك يا بابا أفتح الباب لازم ارجع للشقه. جثى النبوى جوار رباح يضع يديه فوق يديه التى على رأسهُ قائلاً: سيبتك قبل أكده رجعت لى مدمن مستحيل هسيبك تانى يا رباح وهتتعالج غصب عنك،وأول شى لازم تتعالج منه هى زهرت. رد رباح:زهرت لأ مقدرش أعيش من غير زهرت. رد رباح:هتقدر تعيش من غيرها،كانت غلطتى من الأول مكنش لازمن أسيبك تتجوز بنت عطيات،اللى ڛممت عقل بنتها بطمعها وجشعها. رد رباح برجاء،حاول مهاودة النبوى حتى يتركه يذهب: طيب يا بابا،مش هروح لزهرت،بس أفتحلى الباب عشان أخرج من هنا أنا أتخنقت. رد النبوى:لأ مش هتخرج يا رباح غير على جثتى. نظر رباح لوالده ورأى التصميم بعينيه فقال بتحدى: بلاش تفتح الباب،هخرج من الشباك. قال هذا ونهض يفتح شيش الشباك،لكن تفاجئ بتلك الأسياخ الحديديه الموضوعه على الشباك،حاول كسرها،لكن بدأت قواه تخور وعقله يشت من قوة الآلم عاد الى النبوى،راكعاً أمامه يستجديه قائلاً: أبوس رجلك يا بابا،أفتحلى الباب. جثى النبوى لجواره وقام بضمه على صدرهُ قائلاً: أنا وأنت مقفول علينا الباب من بره يا رباح أنا ممعيش المفتاح. رفع رباح رأسه ونظر الى وجه النبوى رأى تلك الدمعه التى شقت عينه،تعجب منها وتعجب أكثر من حضن النبوى له هذه أول مره يشعر بحضن النبوى له...هدأ قليلاً يلهث ضمه النبوى مره ثانيه قائلاً: مش هسيبك تضيع منى يا رباح. رد رباح:أنا مفرقش معاك يا بابا سيبنى أخرج. ضمه النبوى بقوه قائلاً:مين اللى قالك إنك متفرقش معايا،إنت إبنى البكرى وأول فرحه دخلت قلبى لما شيلتك بين إيديا قولت سندى فى الحياه. عاد رباح ينظر لـ النبوى متعجباً يقول:إنت عمرك ما حبتنى، طول عمرك بتحب قماح أكتر منى،كنت بتكرهنى زى ما كنت بتكره ماما. رد النبوى بنفى:أنا عمرى ما كرهتك يا رباح،قدريه زرعت فى دماغك كدبه،وجت زهرت كملتها،أنت فى قلبى زيك زى قماح وكارم ومحمد،مفيش واحد فيكم يزيد او ينقص فى محبته فى قلبى عن التانى،إبعد الكدبه دى عن راسك،أنتم الاربعه عندى واحد،ولادى وضهرى وسندى وعوضى فى الحياه،واللى هتدعولى وأنا فى قبرى. رد رباح:بعيد الشر عنك يا بابا،أنا والله عمرى ما كرهتك وكان نفسى تحضنى،زى ما حضنت قماح يوم ما رجع لهنا تانى. حضنه النبوى قائلاً:قماح أخوك يا رباح عمره ما حطك فى دماغه،إنت اللى كنت مصور لنفسك أنه بيكرهك. شعر رباح بدفئ فى قلبه لاول مره يشعر أن النبوى يحبه،لكن زاد آلم رأسه وقال: سيبنى أخرج يا بابا واوعدك أرجع تانى بكره أنا وزهرت لهنا. رد النبوى:مش هتخرج يا رباح. شعر رباح بهياج لكن ضمه النبوى قائلاً بقوه: مش هسيبك للضياع تانى يا رباح. .....ـــــــــــــــــــــــــــــ بأحد المشافى الخاصه. أمام غرفة العنايه المركزه. وقف ناصر يحضن هدى الباكيه،يشعر بآلم قوى حائر من كل إتجاه لا يعرف شئ عن سلسبيل سوا انها محجوزه بالقسم على ذمة قضية ق,تل،وبين هدى التى بين يديه تبكى بشده،ورفيقة دربه التى بدل ان يجدها تسانده ها هى تزيد من آلمه بمكوثها بين يدى الأطباء،أخرج هاتفه وقام بإتصال على قماح يستفهم منه رد عليه قماح وسرد له القصه من بدايتها وكيف وقعت سلسبيل بفخ مُحكم، وقال له بالنهايه: المحامى جاب لـ سلسبيل إستثناء تبات فى أوضه فى القسم وأنا هفضل معاه لحد الصبح لحد ما تتعرض عالنيابه بكره وتأكد أنى مش هسمح سلسبيل تتسجن إطمن يا عمى. شعر ناصر بهدوء قليلاً من ناحية سلسبيل وأغلق الهاتف،رأى خروج أحدى الممرضات،التى تلهفت هدى عليها سأله: أرجوكِ طمنينى على ماما. ردت الممرضه:أنا للآسف معرفش حالتها بالظبط،بس أطمنى وتفائلى خير،لازم أروح أجيب أدويه وأرجع بسرعه عشان المريضه. تركتها هدى وعادت لحضن ناصر تبكى. تنهد ناصر قائلاً:نهله هتبقى بخير،نهله مش ضعيفه زى ما أنتم مفكرين عنها،هتقاوم وترجع لينا،بس قولى يارب وادعى لها. تنهدت هدى قائله:يارب،سلسبيل؟ رد ناصر:قماح هيبات معاها فى القسم لحد الصبح وأدعى لها هى كمان. تنهدت هدى باكيه تقول:أيه اللى حصل يا بابا فجأه بعد همس الدنيا أسودت فى عينى. رد ناصر وهو يضم هدى:ده أختبار من ربنا. ردت هدى:ده إختبار صعب قوى يا بابا. رد ناصر بمواساه: عارف إنه إختبار صعب بس لازم نكون قده ونتغلب عليه. ...... ـــــــــــــــــــــــــــــــــــــــــــــــــــــــــ بـ دبى أغلق كارم هاتفه ونظر لـ همس قائلاً:. أتصلت على صديق ليا، ودبر لينا تذكرين سفر لمصر فى طياره هتقلع بعد ساعتين، يعنى هنوصل مصر قبل الفجر. ردت همس: تمام هدخل أحضر لينا شنطه صغيره. رد كارم: لأ خليكِ مرتاحه وانا اللى هحضرها. ردت همس: مش هرتاح غير لما أطمن على ماما، إتصل على بابا. طاوع كارم همس وقام بالإتصال على ناصر، لكن لم يرد عليه الهاتف يعطى مشغول. أغلق كارم الهاتف قائلاً: أتصلت عالخطين بتوع عمى بيدوا مشغول. تنهدت همس قائله: يارب أشفى ماما. ........ ــــــــــــــــــــ ب قسم الشرطه كانت سلسبيل نائمه على صدر قماح الجالس يسند ظهره على تلك الأريكه، سحبتها غفوه لترى صغيرها يد تمتد له وتأخذهُ عنوه من هدايه، حاولت هدايه التمسُك به بقوتها لكن كانت تلك اليد الأخرى أقوى منها وإختطفت الصغير من هدايه بعد أن قامت بإيذائها هى الأخرى. صحوت سلسبيل فرعه وإنتفضت من على صدر قماح، الذى أعتدل فى جلسته قائلاً: مالك يا سلسبيل؟ ردت سلسبيل: ناصر إبنى معرفش ليه حاسه إن فى حاجه هتحصل وتبعدنى عنه، يمكن القضيه هتثبت عليا وأتسجن. رد قماح وهو يضم سلسبيل لصدره: قولتلك مش هسمح بسجنك ساعه واحده... ومتأكد أن برائتك مش هتاخد وقت وتظهر. ضمت سلسبيل قماح قائله بتمنى: معتقدش هند قدرت توقعنى فى فخ مُحكم معرفش إزاى صدقت كدبتها عليا. تنهد قماح يشعر بالندم هو السبب كان خطأ منه حين رد هند مره أخرى حين سار خلف غرورهُ، وبدأ يدفع ثمن ذالك الخطأ. ..... ـــــــــــــــــــــــــــــــــــــــ.... الجشع والطمع حين بتملكون من إنسان فرصه كبيره للثراء السريع حتى إن كان من الحرام علم حماد بمق,تل نائل وإنشغال والداه فى ذالك،ذهب الى ذالك المخزن الذى يعلمه جيدًا تسحب دون أن يراه أحد من العمال،ودخل الى غرفه،بها باب سرداب صغير فتحه بتلك المفاتيح الذى قام بعمل نسخه عليها سهوا من نائل ذات مره أثناء إنسطالهم معًا، دخل إليه،إبتسم بنشوه وهو يرى تلك البضاعه موجوده به،بضاعه تسوى ملايين قام بحمل جزء منها وخرج كما دخل دون أن يراه أحد فى الجميع مشغول بمقت,ل نائل...لكن لم يتوقع أن هنالك كاميرا بالسرداب تسجل بإستمرار. .......ــــــــــــــــــــــــــــــــــــــــــــــ إنقضت تلك الليله الطويله وسطع نهار آخر بالنيابه بعد التحقيق مع سلسبيل، مازالت كل حيثيات القضيه ضدها رفض النائب العام إخلاء سبيل سلسبيل والأمر بحبسها على ذمة القضيه لمدة أربع أيام والتجديد مره أخرى إذا إستدعى الأمر. وقف قماح مع المحامى كاد ينهرهُ لكن قال المحامى: متأسف لو حضرتك عندك شك فى مهارتى تقدر تستشير محامى تانى بس صدقنى مش هيقدر يعمل حاجه تانيه،مدام سلسبيل دلوقتي هتخرج من أوضة التحقيقات وتترحل على سجن المركز...هحاول مع معارفى إنى آمن لها.... قاطع المحامى هند التى آتت لمكان وقوفهم قائله:.إتأكدت من أخلاق سلسبيل اللى فضلتها عليا،أهى إتثبتت التهمه عليها،قاتله. رد قماح على المحامى قائلاً:تمام إعمل الازم. غادر المحامى بينما نظر قماح لـ هند قائلاً: متاكد من براءة سلسبيل،قولى لى هتساومينى بأيه. إرتبكت هند وقبل أن ترد آتى لـ قماح إتصال هاتفى،رد عليه وسمع لحديث الآخر ثم قال بإختصار: تمام أعمل اللى قولتلك عليه،ومش عاوز أى غلط. أغلق قماح الهاتف ونظر الى هند،فى تلك اللحظه،كانت سلسبيل تخرج من داخل غرفة التحقيقات وبيدها أصفاد نظرت لها هند بتشفى،بينما سلسبيل شعرت بغصه فى قلبها وشعور آخر لا تعرفه حين رأت هند جوار قماح ببنما قماح تضايق بشده من تلك الاصفاد التى بيد سلسبيل. ....... بعد قليل على الطريق بسيارة الترحيلات الخاصه بالشرطه تحدث أحد الجالسين جوار السائق له: وقف شوف أيه اللى عالطريق ده،هو فى تجديدات عالطريق ده،إحنا مش جاين من عليه الصبح كان عادى،فجأه كده قالوا يعدلوه،والله يبقى كويس الطريق ده على ما بنخلص من مطباته مببقاش حاسس بضهرى،ربنا يتوب علينا. توقف السائق بالفعل نزل الجالس وذهب الى مكان تلك العمال،لكن تفاجئ أن العامل ملثم،وقبل ان ينبه السائق ان يعود،كان يرش على وجهه رذاذ جعله يغيب عن الوعى فوراً كذالك حدث مع السائق أخذ أحدهم تلك المفاتيح الخاصه بصندوق سيارة الترحيلات الخلفى،وقام بفتح الباب وفاجئ الشرطى الجالس برش نفس الرذاذ عليه ثم قال:.إنرلى يا مدام سلسبيل بسرعه. تعجبت سلسبيل وظلت جالسه. لكن عاود ذالك الملثم قائلاً: إنزلى يا مدام سلسبيل مفيش وقت معانا، ظلت سلسبيل جالسه، لكن صدح هاتف ذالك الملثم، نظر لشاشته وأعطى الهاتف لـ سلسبيل التى ردت عليه ثم نهضت ونزلت من سيارة الترحيلات لكن توقفت قليلاً الى أن فتخ لها الملثم تلك الأصفاد التى بيدها،بمفاتيخ الشرطى المرافق لها، ثم توجهت الى تلك السياره التى كانت تنتظرها على الطريق المقابل فتح لها الجالس بالسياره الباب،دخلت سلسبيل الى السياره تقول: ليه هربتنى يا قماح؟ شدها قماح قوياً يحضنها قائلاً:.قولتلك مش هسمح بسجنك ساعه. تبسمت سلسبيل،بينما إبتعد قماح عنها قائلاً:لازم نمشى من هنا،المخدر مدته دقايق قبل ما يفوق رجال الشرطه. ردت سلسبيل:هروبى مش هيضعف موقفى فى القضيه ويثبت عليا التهمه. رد قماح:برائتك هتظهر بس وانتى بره السجن،مش جواه. .........ــــــــــــــــــــــــــــــــــ عصرًا بالمشفى خرج ناصر ومعه هدى من غرفة العنايه بعد أن قاموا بزيارة نهله الغائبه عن الوعى.. تحدث ناصر للطبيب المرافق لهم قائلاً: هى هتفوق أمتى؟ رد الطبيب:الحمد لله الحاله إستقرت دى ذبحه فى القلب مش سهله بس ربنا ستر،مؤشراتها الحيويه بدأت تستجيب،ومتوقع تفوق فى أى وقت. تبسمت هدى كذالك ناصر بينما غادر الطبيب وجلس الاثنان أمام غرفة العنايه لم تتفاجئ هدى بذالك الزائر الذى أقترب من مكان جلوسهم فهو منذ الفجر وهو معهم بالمشفى بعد أن أبلغته سميحه بالصدفه،هاتفيًا، مد يده لهما بصنيه عليها اكواب قائلاً:أنا جبت لينا قهوه معتقدش فى نفس للأكل. تبسم ناصر قائلاً:تسلم يا نظيم مش هنسى وقفتك دى معانا من قبل الفجر وأنت هنا. رد نظيم:انا معملتش حاجه تستاهل وبتمنى ربنا يشفى مدام نهله فى أسرع وقت. آمن على قوله ناصر، وكذالك هدى التى بداخلها شعور مميز من وجود نظيم معهم بالمشفى. جلس ثلاثتهم بتناولون القهوه فى نفس الوقت دخلت همس الى الممر الموجود به غرفة العنايه وقع بصرها على والداها الجالس وجواره هدى بالمنتصف قائله بلهفه، ولوعه وترقُب: بابا! فى نفس اللحظه نهض ناصر واقفًا يقول بلهفه وحنان: همس... حبيبتى بلاش تجرى يا روحى قطع ناصر هو تلك المسافه بينهم بثوانى كانت همس قابعه بين يديه يضمها قائلاً: كنت متأكد أن دعاء الحجه هدايه وهى ساجده بتصلى اللى سمعته بنفسى فى الشقه ليلة سفرك أنتِ وكارم ربنا هيستجاب ليه وهترجعلك من تانى روح همس الجميله. تبسمت همس قائله: ماما؟ رد ناصر:هتبقى بخير. نهضت هدى بذهول رغم أن همس مُنقبه لكن ذالك الصوت تعلمه جيداً، مستحيل أن يكون هذا حقيقى! جلست هدى مره أخرى تشعر بزلزلة ساقيها. لكن نهضت مره أخرى حين رفعت همس النقاب عن وجهها وتركت حضن ناصر وتوجهت لـ هدى قائله: هاميس رجعت تانى للحياه يا هدى، أنا حقيقه مش حلم ولا خيال من بتوع البت سلسبيل. بسرعه كانت هدى تحضن همس بقوه قائله: مكنتش بصدق سلسبيل لما كانت بتقولى إن عندها إحساس إنك عايشه وإنك هتدخلى علينا فى أى وقت مستحيل إنتِ إزاى لسه عايشه. تبسمت همس بينما قالت هدى بذهول وهى ترى كارم جاء خلف همس: كارم كمان معاكِ! .......

مقالات ذات صلة

عشق الثعبان بقلم منة أحمد الجزء الخامس

نيران الحب والانتقام بقلم GOLDEN TEARS الجزء السابع

أحببت العاصي

مع وقف التنفيذ بقلم دعاء عبد الرحمن الجزء الرابع

رواية حب فوق الغصون بقلم سارة نيل الجزء الأول

وجع الهوى بقلم إيمي نورالجزء الثاني

اترك تعليقاً إلغاء الرد