خفقات قلب يأبى النسيان بقلم سما سعيد الجزء الثاني
انزلها برفق ومن ثم طبع قبلة رقيقة على جبينها ونظر الى عينيها وقال……..
الف مبرووك ياعروستى
مها بخجل …..الله يبارك فيك يااسر
امسكها من معصمها وتوجة بها الى الاريكة واجلسها وجلس بجوارها
نظر اليها اسر بحب وقال……..اخيرا يامها اخيرا بقيتى مراتى
تعرفى انا سعيد اد اية
وانا كمان سعيدة جدا يااسر …….قالتها وهى تنظر الى اسفل
اقترب منها اكثر ورفع وجهها لتنظر الية وقال…..طب بصة لتحت لية بصيلى انا
رفعت عينيها ونظرت الى عينية وجدتة يقترب ليقبلها
فنهضت مسرعة وقالت متلعثمة….
انا ,,احنا مش هنتفرج ع السويت الاول
ضم اسر شفتية ونظر اليها وهو يرفع احد حاجبية وقال…….
اممممممم اوك ماشى واردف بمكر……تعالى افرجك على اوضة النوم
لاءءءء ,,,,قالتها مها بأندفاع
نهض اسر عن الاريكة ومن ثم قال….الله مش انتى بتقولى فرجنى ع السويت
مها بتلعثم…….اوك بس هو ممكن ادخل اغير هدومى الاول ,,,
واردفت برجاء…..من فضلك
اسر مبتسماً ……ياسلام ع الادب عينية ياقمر اتفضلى بس متتاخريش علية
دلفت مها الى غرفتها بالفندق وبدأت بتبديل ملابسها وازاحت مكياجها نهائياً
وبعد دقائق خرجت الية فنظر اليها غير مستوعبا وقال ………
اية اللى انتى لابساة دة انتى رايحة تصلى العيد
ابتسمت مها وقالت …..اية فية اية؟؟
اسر بتذمر…هو اية اللى فية اية انتى لابسالى اذدال صلاة يوم دخلتنا
مها ……ايوة علشان نبدأ حياتنا بركعتين الاول علشان ربنا يكرمنا ويرضى عنا
يلا بقى روح بدل هدومك واتوضى عقبال ما افرد سجاد الصلاة
اسر بود …فى دى عندك حق ثوانى وجايلك ودلف الى غرفتهم
وابدل ملابسة وتوضأ استعداداً للصلاة
“لابد من اقامة ركعتين لله عز وجل لتجعل الطمأنينة
والهدوء يسود جو هذه الليلة ويبارك لهم الله فيها وفى عشرتهم”
وبعد ان صلى اسر بها ركعتين وكان هو الامام
جلس مقابلها ووضع يدة على رأس زوجتة وبدأ بقول هذا الدعاء
(اللهم إني أسألك من خيرها ومن خير ما جبلت عليه
وأعوذ بك من شرها ومن شر ما جبلت عليه)
واقترب وقبل جبينها ونظر اليها وقال ..جعانة تحبى تاكلى
اومأت مها براسها ايجاباً
فنهض اسر ومد يدة وساعدها على النهوض
ومن ثم قال لها ادخلى غيرى هدومك وتعالى ناكل سوا
نظرت مها الى ثوبها وقالت…..ماانا غيرت اهو
ضحك اسر وقال ….احنا هنقضى الليلة باذدال الصلاة ولا اية
