تزوجت حبيبة اخي..بقلم اسراء هاني.الجزء الخامس.

كانت تجهز لفرحها غير مصدقة انها ستتزوجه حتى وان لم يحبها يكفي انها بقربك وستفعل المستحيل حتى يحبها ارتدت فستان طويل على قد جسمها بالظبط اختارته مغلق حتى لا يتضايق من لبسها القصير وضعت القليل من المكياج ورفعت نصفه والنصف الاخر ينزل على ظهرها كانت مثل حورية البحر

ارتدت ندى فستان نفاش بلون الاوف وايت ووضعت مكياج هادئ بعد أن الحت عليه ليوافق وارتدت حجاب كان ينتظرها على أحر من الجمر فكلها ساعات فقط وتصبح في حضنه نزلت من عالسلم وهي خافضة رأسها حتى شاهدها لم يصدق عينيه فعندما تحب ترى حبيبتك أجمل البشر حاول أن يتماسك لكن دموعه تساقطت بشدة اقتربت منه تزيل دموعه أمسك يدها يقبلها بشدة

آسر .. أجمل وحدة شافتها عيني

حملها ودار بها وقت طويل حتى كادت أن تفقد وعيها

آسر .. ماتيجي نروح ونسيبهم يروح الفرح لوحدهم

عمر .. ما تظبط ياد كلها ساعتين وتكون ملكك وخلاص

آسر .. مش قادر انت مش شايف دي حورية هاربة من البحر

عمر .. تصدق دي قمر ١٤ بس ما يغركش القمر ده بكرة تقول عمر قال

آسر بتمثيل القلق .. قصدك ايه قولتك اخلع

عمر .. انفد بجلدك احسن لك

ندى .. تخلع فين انت اتدبست واللي كان كان

آسر بضحك .. احلى تدبيسة في حياتي يارب اتدبس بكدة ١٢ عيل تخلفيهم زيك كدة

ندى .. ايه ١٢ عيل ده مني لوحدي

آسر .. لا ياروحي ما انا هتجوز اربعة

مسكته في رقبته بيدها تخنقه

ندى .. تتجوز ٤ قولتلي

آسر .. الحقني يا عمر ده كان عندك حق النجدة

عمر .. ربنا يرحمه ده كان راجل طيب الفاتحة

الجميع .. هههههه

نزلت بفستانها الابيض وهيئتها المثيرة وهي تتمنى ان يكون سعيدا برؤيتها مثل سعادة آسر وضعت يدها على قلبها وتنهدت : احساس صعب اوي تعشق واحد قلبه مع حد غيرك يارب يحبني ويحس بيا يارب

وقفت بجانبه وكان يتكلم مع آسر لم ينتبه له أشارت له ندى بعينها أن ينظر بجانبه. التفت ينظر إليها لم يستطيع ان لا ينبهر بجمالها كانت جميلة جدا جدا ملامحها الناعمة وبشرة حليبية ظل ينظر إليها ولم يتكلم يتمعن عيون عشقته بجنون وهو عشق غيرها تمنى في قلبه لو عرفها قبل ذلك تبادله هي النظرة بعشق أشد تود لو تضعه في قلبها لا يؤذيه أحد

ندى .. احم احم ايه رأيك في هبوش يا عمور

عمر .. هيا فين بقى هبوش حد يندهلها جايبلي حورية وتقولولي هبوش دي هاربة منين