رواية صغيرة في قبضتي بقلم آية عيد الجزء السابع والأخير
قال :ردي يا رنا…مينفعش تسكتي في اللحظة دي.
قالت بتوتر:ب بس…
قاطعها قائلا :مش بحبها….بحبك انتي.
اتصدمت اكتر وغصب عنها ظهرت ابتسامتها.
قال بابتسامة:تقبلي اكون جوزك وصاحبك واخوكي وابوكي، وكل حاجة في حياتك.
اخدت نفس وهي مبتسمة، عيونها دمعوا من فرحتها.
فجاة سمعوا صوت ادم من وراهم، لفوا وكان واقف واضع ايده في جيبه وبيبصلها وقال بهدوء:وافقي، دا بقاله فترة مش مركز في الشغل بسببك.
ضحك زين ورنا.
نظرت لزين وقالت:موافقة.
ابتسم وقرب منها عشان يحضنها بس ادم مسكه من ياقة بدلته من الخلف قائلا بصوته الرجولي :عيب يابني، مينفعش دلوقتي.
ضحك زين، ولف وحضنه بقوة، وادم بادله الحضن. ابتسم ادم بخفة قائلا في سره:بقوا فرحين.
…
بعد مرور شهر…في قاعة مشهورة وكبيرة وفخمة. كان يجلس زين ورن وسليم وجنا.
زين قرب من رنا وهمس:الف مبروك.
قالت بخجل :الله يبارك فيك، عقابلك.
نظر لها بضحك:عقبالك ايه!!! اومال انا بعمل ايه دلوقتي.
نظرت له :ردودي بقي يابا.
ابتسم بخبث:قلب البابا.
لم تمنع ابتسامتها من الظهور وسكتت.
عند سليم وجنا.
جنا:اتهد بقي، اهو اتجوزنا وخلصنا…مبسوط!
نظر لها مبتسما:الا مبسوط، دا انا طاير من الفرحة.
ابتسمت. وهو قال بخبث:محتاجك تعالجيني كل يوم يا دكتورة.
نظرت لها مبتسمة:وماله، في حقنة كدا طولها عشرة سنتي، هتنفع معاك.
نظر لها وبلع ريقه، بعدها قال:انا كفاية الشلفطة ال اخدتها من اخوكي ايام الخطوبة.
نظرت له بدلع:متزعلش يا حبيبي، هعوضك.
ابتسم ومسك ايدها وباسها وهي ابتسمت بحب، وسكتت.
امام القاعة، الذي تطل علي البحر، كان واقف ادم وشايل ألين، وجمبه براء الذي ترتدي فستان لونه موف بطرحة، وشكلها كالاميرات، كان بيأكل ألين ايس كريم، وبراء تنظر لهم مبتسمة.
قالت ألين:بابا، انا بحبك اوي.
قال بابتسامة هادية:وانا يا قلب البابا.
نظرت ألين لوالدتها:وبموت فيكي يا ماما.
ابتسمت براء ومسكت ايدها الصغيرة وباستها بحب.
مسكت ألين الايس كريم، وادم شد براء وقربها منه واخدها في حضنه وهو يلف زراعه حول خصرها.
نظرت له براء وابتسمت، قرب منها وباس رأسها قائلا وهو يبتسم بحب:عمري ما كنت هلاقي زيك سامحيني علي كل حاجة وحشة عملتها معاكي.
ابتسمت ابتسامتها البريئة، ووضعت رأسها علي صدره.
ألين:هو انتوا اتعرفتوا علي بعض ازاي.
