عش العراب بقلم سعاد محمد سلامة الجزء الرابع

﷽ الرابع عشر ــــــــــــــ بمنزل ريفى متوسط مكون من دوران وضعت تلك الأم البسيطه صنيه صغيره،عليها كوبان من الشاى على منضده، وجلست على تلك الأريكه تبسمت على ذالك الذى يمدد جسده على الاريكه الغير منتبه لحديثها،لم ينتبه الإ حين وضعت يدها تمسد خُصلات شعره الطويله قليلاً. تبسم لها قائلاً:فين الشاى ياماما. تبسمت له قائله:اللى واخد عقلك الشاى أهو قدامك على الطرابيزه،بس جولى شارد فى إيه إكده يا نظيم. جلس نظيم مبتسمًا يقول:بفكر فى الدنيا. تبسمت إم نظيم قائله:مالها الدنيا يا ولدي. تنهد نظيم وهو يمد يده يأخذ أحد كوبي الشاى ووجهه ناحية يد والدتهُ. أخذت الكوب منه ببسمه،بينما مد نظيم يدهُ وأخذ الكوب الآخر وإرتشف منه قائلاً:لما كنت فى فرنسا كان بيبقى نفسى فى كوباية شاى زى دى من إيديكى يا ماما تعدل مزاجى وتدفينى فى ليالى الشتا. تبسمت له قائله:ربنا يعلم يا ولدى التلات سنين الآخرنين مروا عليا إزاى وإنت غايب،بس ها أديك رچعت بشهاده الدكتوراه، وكمان قرشين سترونا وسط خلق الله، تعرف أنا نفسى بجى تتچوز وأشوف ولادك إكده يملوا عليا الدار. تبسم نظيم يقول: شكلك يا أم نظيم إكده عندك ليا عروسه. تبسمت له قائله: ألف ومين تتمناك ياولدى كفايه شهادتك العاليه، ومعاك قرشين مسنود عليهم مع تدريسك فى الچامعه، مش هتعاود تدرس تانى فى الچامعه من أول السنه چنب المركز التعليمى اللى بتدى فى دروس. تبسم نظيم: فعلاً هرجع تانى أدرس فى الچامعه،البعثه اللى كنت واخدها عشان الدكتوراه خلصت،تعرفى ياماما وانا فى فرنسا إتعرض عليا أشتغل هناك فى بعض المعاهد التعليميه الخاصه ببعض الكورسات،بس طبعاً الجامعه هنا رفضت آخد أجازه،وأفضل هناك،كنت هاخد آجر كبير هناك. تبسمت ام نظيم قائله:رزجك يا ولدى هيچى لحد رِچليك فى أى مكان،وأها إحنا الحمدلله مستورين بيت وعندينا ومرتبك صحيح من الچامعه مش كبير،بس إنت بتجول إن المركز التعليمى اللى بنشتغل زين وبتاخد مرتب كويس . تبسم نظيم يقول:المركز ده فرع من مركز كنت بشتغل فيه فى فرنسا وله فروع كتير فى مصر،ولما عرفوا إنى من الصعيد أدونى إدارته غير التدريس فيه،يعنى المرتب مُضاعف. تبسمت والداته قائله:أها زى ما جولت لك يا ولدي رزجك هايچى لحد رچليك. تبسم نظيم يقول بتصديق:فعلاً كلامك صح يا ماما مين يصدق إن الولد اللى كانت أمه بتسترزق من بيع الدقيق والرز للناس،بقى دلوقتى دكتور فى الجامعه. تنهدت أم نظيم براحه كانها تنفض تعب السنين عن جسدها قائله:وإنت يا ولدى ساعدتنى كتير بتشتغل فى الصيف وفى الأچازات ووجت فراغك،كنت بتروح الشونه تشتغل باليوميه تشيل على كتافك أشولة الدقيق والقمح والرز. تبسم نظيم يقول:أنتى عارفه ياماما إنهم كانوا فى الأول لما كنت بروح الشونه عشان أشتغل مع الشيالين كانوا بيستضعفونى وبيشلونى الأشوله التقيله،لحد ما واحد من صحاب الشونه نفسها شافهم،ووقتها نده عليا،وسألنى ليه بشتغل شيال مع إن شكلى لسه صغير وسألنى على والدى..قولت له إنى إبن محمود بهنسى اللى كان رئيس عمال عنده قبل ما يتوفى، بشتغل علشان أصرف على نفسى وأنا بتعلم وقتها شكر فى سيرة بابا وعرض عليا إنه يتكفل بتعليمى كرامه لذكرى بابا،بس أنا رفضت بس هو وقتها قالى بتعرف فى الحسابات،قولت له أيوه انا شاطر فى المدرسه وبعرف أحسب كويس قالى يبقى بلاش تشتغل شيال وتهد صحتك وإنت لسه صغير،هتشتغل تحت إيد واحد من المحاسبين،تحسب له الاوزنه الموجوده عالشكاير والأشوله،وكمان هيبقى بمرتب ثابت كل شهر،والأيام اللى هتغيبها بسبب الدراسه والامتحانات مش هتتخصم من المرتب ده وفضلت أشتغل عنده لحد ما خلصت جامعه،بس بعدها لما إتعينت مُعيد سيبت الشغل فى الشونه دى،وبعدها إنقطعت صلتى باللى كانوا فيها،بعدها بكذا سنه سافرت فرنسا بعثه من الجامعه آخد الدكتوراه. تدمعت عين والداته قائله:عارفه الحكايه دى يا ولدى،بس أيه فكرك بيها دلوق؟ تبسم نظيم يقول:أنا عمرى ما نسيت فضل الراجل ده عليا،يمكن لو كنت فضلت فى وسط الشيالين كان مستقبلي إتغير لشكل تانى كان سماحهُ ليا بالغياب وعدم خصمهُ من أجرى فرصه إن أتفوق فى الدراسه،تعرفى لما مره سألته ليه بتعمل معايا كده...قالى والداك كان آمين وعمر ما عهدته نقصت بالعكس كان بيخاف على المال وبيراعى ربنا فيه،وحكى ليا على موقف بابا عمله،كان الدنيا مطرت وشكاير القمح كانت بره المخزن أمر العمال وساعدهم فى تدخيل شكاير القمح جوه المخزن،وكانت الكميه كبيره وقتها،واحد غير بابا كان ممكن ميعبرش ويرميها على العمال. تنهدت والداته بدمعه قائله:ده كله عارفاه يا نظيم،ربنا شايف ومطلع يا ولدى،على اللى عمل الطيب واللى عمل السوء، وبيرد الطيب والسوء،بس مجولتليش أيه اللى فكرك بالراچل ده دلوق. تبسم نظيم يقول:أنا عمرى ما نسيته ولسه فاكر إسمه لغاية دلوقتي...ناصر العراب. ......... ـــــــــــــــــــــــــــــــــــــــــــــــــــــــــــــــ بأحد المخازن التابعه لـ العراب كان حماد يجلس يتابع دخول تلك التوريدات الآتيه للمخزن، ويدونها... نهض واقفاً يمد يدهُ لمصافحة ذالك الذى دخل مع تلك البضاعه مبتسمًا يقول بنبرة تسليه: أهلاً نائل السنهورى، من زمان متقبلناش، من سنه تقريباً...من بعد طلاق هند وقماح. رد نائل وهو يمد يده يصافحه: فعلاً من بعد طلاق قماح وهند متقبلناش. رد حماد:مش عارف ليه الود يمكن يرجع تانى ويمكن نرجع نتقابل تانى كتير فى دار العراب،ولا مستحيل خلاص اللى كنت بتروح علشانها دار العراب راحت بعيد عن إيدك. رغم أن نائل يفهم فحوى حديث حماد عن زواج سلسبيل التى إختطفها قماح من أمامه، لكن إدعى عدم الفهم قائلاً:مين اللى كنت بروح عشانها دار العراب وراحت بعيد عن إيدى. رد حماد بتوريه: قصدى هند طبعاً،مش هى أختك وكنت بتروح دار العراب تزورها وتطمن عليها،خلينا فى شغلنا عندى خبر من رباح إنى أستلم منك الرز وأدخله للشونه...أكيد عارف الكميه اللى جاى بها،خلينا أثبتها فى الدفاتر.... فى تلك الأثناء رن هاتف حماد،أخرجه من جيبه ونظر للشاشه ثم لـ نائل وقام بالرد فى البدايه مبتسمًا بمزح ثم تحدث متعجبًا: بتقولى أيه يا زهرت قماح إنضرب بالرصاص ومين اللى ضࢪبته سلسبيل،ليه أيه اللى حصل بقولك إقفلى الموبايل وأنا هتصل على رباح أعرف منه خدوا قماح لـ مستشفى ايه، قماح إبن خالى وغالى ولازم أطمن عليه. أغلق حماد الهاتف ونظر الى وجه نائل المشدوه،تبسم فى داخله ولكن رسم أمامه التآثُر. تحدث نائل:سمعتك بتقول قماح إنضرب بالرصاص،وــ قاطعه حماد ينظر له بتسليه: يظهر عملت حسنه فى حياتك وربنا نجاك من من نبع المايه سلسبيل، زهرت بتقولى إنها ضربت قماح بالرصاص، يلا خلينا نخلص تسليم البضاعه وأنهض أروح المستشفى أشوف حالة قماح أيه. بينما نائل المذهول قال: طب وسلسبيل ليه هتضرب قماح بالرصاص؟ ردت حماد: معرفش زعلانه زهرت قالتلى المُختصر وبس، خلينا نخلص توريد البضاعه بسرعه. كان نائل يود معرفة القصه كامله لكن حماد نفسه لا يعرف الحقيقه، وإن كان لدى نائل شك يكاد يكون يقين أن سلسبيل غير قادره على إيذاء أحد،وبالأخص إن كان قماح،هنالك خطأ بالتأكيد. .........ـــــــــــــــــــــــــــــــــــــــــــــــــــــ بالعوده لدار العراب وقفت سلسبيل مذهوله وهى ترى قماح يسقط أمام ساقيها مُدرج فى دماؤه، دماؤه التى على يديها جزء منها، ومازال بيدها ذالك السلاح، إذن هى من أطلقت عليه تلك الرصاصه التى جعلته يجثوا مُمدًا أمام ساقيها، نظرت ليدها التى ترتعش،ولم تقدر فى التحكم بيديها وقع السلاح منها أرضاً، عقلها مذهول هى أصبحت قا,تله وقت,لت من؟ قماح إبن عمها، لا ليس هذه صفته الوحيده لديها قماح زوجها أيضاً، والد ذالك الجنين الذى ينبت بأحشائها هنا فقدت عقلها ولم تستطع السيطره على جسدها، إستسلمت لتلك الإغماءه تسحبها للهاويه... لولا إسناد ناصر لها لإرتمى جسدها أرضاً جوار قماح. قماح الذى ينزف يشعر بآلم يفتك بصدره لكن ليس فقط من تلك الرصاصه بل أيضًا من حديث سلسبيل الجاف، من أخفى عشقها بقلبهُ، ها هى تُجهر بكُرهه، أغمض قماح عينيه وإستسلم لتلك الدوامه تسحبه نحو الغياهب ولم يشعُر بإغماء سلسبيل. فزع النبوى وهرع الى جوار قماح كذالك هدايه، التى سحبت طرحه من على رأسها ووضعتها على صدر قماح تكتم إندفاع دماؤه كذالك محمد أخيه الأصغر، بينما تحجر قلب قدريه تتمنى الأسوء كذالك زهرت، بينما رباح هنالك شعور بآلم فى رأسه جعله ربما لا يشعر بـ قماح مثلما يشعر بآلم رأسه، وضع رأسهُ بين يديه يفركها بقوه حتى أنه شعر أن عينيه عليها غشاوه... إنشغل ناصر فى حمل سلسبيل بين يديه،وإنخلع قلب نهله عليها،وعلى ذالك المُمدد أيضاً،كذالك هدى الباكيه، أعطى الحل النبوى حين حاول حمل جسد قماح قائلاً:ساعدنى بسرعه يا محمد خلينا ناخد أخوك للمستشفى،بالفعل ساعدهُ محمد وحمل معه جسد قماح وخرج الأثنين من الغرفه بخطوات سريعه،وأعقبتهم هدايه حسب مقدرة سيرها،كذالك نهله وهدى خرجن خلف ناصر الذى يحمل سلسبيل الغائبه عن الوعى... بقيت تلك الحقودتان وبقلبيهما يتمنيان سماع الأسوء. ــــــــــــــــــــــــــــــــــــــــــــــ بالشقه التى تقطن بها همس خرجت من غرفتها تضع الطرحه على رأسها، بعد ان سمعت دقات جرس الباب المتلاحقه، شعرت بريبه للحظات حين رأت كارم لكن كارم لم ينتظر وأقترب منها ومسك يديها يقول بفرحه عارمه: برائتك ظهرت يا همس، العيله كلها عرفت حقيقة اللى حصلك. إرتعشت يدي همس بين يدى كارم وشعرت برهاب من مسكه ليديها، سحبتهما سريعاً، تبتلع حلقها وقالت بخفوف: بتقول أيه! برائتى ظهرت،طب إزاى!؟ شعر كارم بنغزه فى قلبه حين سحبت همس يديها من بين يديه،لكن تبسم يقول:سلسبيل هى اللى ظهرت برائتك،من الموبايل والميموري اللى كانت عليه. تعجبت همس قائله:موبايل مين وميموري أيه؟ سرد كارم لها عن تشغيل سلسبيل لهاتفها وذالك الميموري الذى سجل كل ما حدث لها ذالك اليوم التى إنتهكت فيه،رغم انه يشعر بنار بقلبه حين يتذكر صوت همس فى ذالك التسجيل. تعجبت همس،وتذكرت ذالك اليوم،هى كانت وضعت ذالك الميمورى بالهاتف كى يقوم بتسجيل المحاضره الثانيه لها والتى أُلغيت على آخر وقت،ونسيت أن تُخرج الميموري او حتى توقف التسجيل عليه،أجرجته بعد عدة أيام وتركته بأحد أدراج غرفتها،،وبعد ما حدث لها ذالك اليوم كانت تذهب للجامعه فقط كى تبتعد عن من بالمنزل وعن الحديث مع أختيها،كانت تائهه تشعر بنهايتها تقترب مع الوقت سيُكشف أمرها،حتى أنها لم تكن تتوقع ان تكون حامل لكن شكت بعد أن تغيرت طبيعة جسدها،آتت بذالك الاختبار الذى رسم آخر طريقها. أغمضت همس عينيها ودموعها تسيل،تشعر كآن كل الأسى التى عاشته ذالك اليوم يُعاد أمام نظرها مره أخرى،ضمت يديها على جسدها تشعر بخوف،لم تستطيع الوقوف على ساقيها،وهى تخشى أن تنهار أرضًا،بالفعل إنهارت ساقيها ووقعت جاثيه. إنخض كارم وجثى لجوارها ومد يده الذى تردد كثيراً أن يضعها على كتف همس،لكن حسم أمره ولف إحدى يديه على كتف همس التى إرتعشت وشعرت برهاب،حاولت الابتعاد عن يد كارم،لكن كارم تمسك بها قائلاً:همس أنا عمرى ما أقدر أئذيكى بخدش وكنت واثق من برائتك،آن الآوان إنك تتغلبى عالخوف اللى بقى ملازم ليكى،والمفروض ترجعى من تانى للعيله وزى ما عرفوا برائتك،يعرفوا إنك لسه عايشه. نظرت همس لـ كارم وقالت بنهى:لأ مش لازم حد من العيله يعرف إنى لسه عايشه مش هقدر أواجهم،ومش هتحمل نظرات الشفقه ولا الشمت من حد...أنا مرتاحه كده. قالت همس هذا وتحاملت على نفسها ووقفت على ساقها،وتوجهت تجلس على أحد المقاعد الموجوده بالمكان. نهض كارم واقفاً ينظر لـ همس قائلاً:مين اللى هيشمت فيكى يا همس،ومين قالك إنك هتلاقى شفقه،هتلاقى دعم من أخواتك،إنتى مشوفتيش شكل سلسبيل وهى داخله تقول إنها لقت برأئتك،كأنها لقت كنز،و... قاطعته همس قائله بحسم:أنا قولت مش هرجع يبقى خلاص،وكويس إنى برائتى ظهرت قبل ما أسافر. تفاجئ كارم يقول:هتسافرى! هتسافرى فين ومين اللى هيسمحلك تسافرى أصلاً. تحدثت همس بيأس:أنا خلاص إتفقت مع جدتي إنى هسافر وكمان كلمت عمى النبوى يجهزلى أوراق السفر وهسافر فى أقرب وقت. تعجب كارم يقول بذهول وهو يشعر بحريق فى قلبهُ: يعنى هتسافرى بعد خلاص ما ظهرت برائتك قدام العيله. ردت همس: حتى ظهور برائتى مش هيمنعنى من السفر قرار سفرى أنا وخداه من قبل برائتى ما تظهر. تحسر كارم يقول: ليه يا همس عاوزه تهربى، ليه مش عاوزه ترجعى تانى، همس القديمه كان نفسى إنتى اللى تحاربى وتظهرى برائتك بس إنتِ من البدايه إستسلمتى وحاولتى تنتحري كان الإنتحار عندك أسهل من تبرئة نفسك، زى دلوقتي كده الهروب والسفر عندك أسهل من أنك تواجهى الجميع وتقولى لهم أنا لسه عايشه. ردت همس بحده: كفايه يا كارم، أنا من البدايه محاولتش الإنتحار. تعجب كارم يقول: قصدك أيه إنك محاولتيش الأنتحار! ردت همس:أنا مكنتش أعرف إن السلاح فيه رصاص،لآن بابا دايماً بياخده معاه بس لما يكون مسافر بالليل،وبيقول إنه بياخدهُ بس للتهويش وحمايه مش أكتر بس عمرهُ ما أستعمله، والمسدس بيبقى فاضى وبياخد خزنة الرصاص معاه بس بتبقى منفصله عن المسدس، أنا كنت واخده السلاح أديه لبابا هو اللى يمو,تنى بيه ويخلصنى من الوجع اللى عايشه فيه، زمان كلمه سمعتها من جدى رباح بيقول لجدتى هدايه... المو,ت عند التعب راحه، وأنا كانت راحتى المو,ت، بس مكنتش قارده أخد الخطوه دى من الأول، كنت ضعيفه لو كنت قدها كنت قت.لت نفسى يوم ما إغتصبونى ومكنتش رجعت لدار العراب غير جث,ه، او حتى بعدها كنت روحت مكان مقطوع ومو,تت نفسى وكالتنى الكلاب والديابه، ختمت همس حديثها ببكاء... أنا جبانه يا كارم. جثى كارم على ساقيه أمام همس وقال: فعلاً إنتى جبانه يا همس، بس أنا مش هسيبك يا همس مش عاوزه تسافرى وتبعدى عن هنا، ومش عاوزه حد من العيله يعرف إنك لسه عايشه، أنا معنديش مانع بس معندكيش غير حل واحد مفيش غيره. ببكاء قالت همس: وأيه هو الحل ده؟ نتجوز. نظرت همس له بذهول، وقبل أن تتحدث تحدث كارم: مش عاوزه تسافرى، هنسافر سوا بس وإحنا متجوزين، ولو رفضتى، أنا بنفسى هقول للعيله إنك لسه عايشه، وقبل ما تهددينى إنى لو قولت لهم هتنتحرى، هقولك قبل ما تنتحرى هنتحر أنا كمان قبلك وهيبقى ذنبى فى رقابتك وخلينا بقى نتقابل فى جهنم سوا. ذُهلت همس، بينما تبسم كارم وقال: أنا فعلاً حاولت الإنت.حار بعد مو,تك يا همس، واللى منعنى وقتها قماح. نظرت له همس بذهول وقالت: قماح! تبسم كارم يقول: قماح... إبن الإغريقيه اللى ماما طول عمرها كانت بتكرهنا فيه اللى لما كنت بشوف نظرة عينك له كنت بكرهه، بس كنت غلطان قماح عمرهُ ما نظر ليكى، كنت بشوف نظراته لـ سلسبيل دايماً كان نفسى أقولك إنتى عايشه فى وهم، وكنت بسكت خايف تقوليلى أنا حره كنت منتظر تخلصى دراستك وكنت هفاتح جدتى إنى أتجوزك ووقتها كنت هاخد دعمها، بس النهارده مش هسكت يا همس ولا هستنى دعم من حد قدامك إختيار واحد،من الإتنين،يا نسافر مع بعض متجوزين ونبدأ حياتنا بعيد عن هنا،يا هفتش سر إنك لسه عايشه ونتحمل سوا النتيجه بعدها. ......ــــــــــــــــــــــــــــــــــــــــــــــــــــــــــ بمشفى خاص أمام غرفة العمليات جلست هدايه التى مازالت مُتامَسِكه،رغم تشتت عقلها وقلبها بين قماح الذى يُصارع المو,ت،وبين سلسبيل التي إنهارت فجأه،كانت تخشى تلك اللحظه،سلسبيل كانت تتحمل فوق طاقتها من معاملة قماح القاسيه لها،كانت تشعر بذالك رغم أن سلسبيل لم تبوح بذالك لأحد قبل الليله،رأت تلك العلامات الداميه بعُنق سلسبيل يوم مرض قماح غصت وقتها،ودعت لـ قماح أن تزول عنه تلك القسوه،كذالك رفض قماح لها أن تعمل بتلك اللهجه الحاسمه،قماح بدل أن يُظهر حُبه لـ سلسبيل دفنهُ خلف قسوته معها ولكل إنسان طاقة تحمُل وبلحظه قد يضرب بكل شى عرض الحائط،وقد كان براءه همس بدل من أن تُفرح العائله،قسمتها حين طلبت سلسبيل الطلاق من قماح على مرئ الجميع. كذالك كان النبوى يشعر بخوف أن يفقد قماح مره أخرى،لكن هذه المره مختلفه،المره السابقه كان بسبب جدته اليونانيه التى أخذته غصبًا بعد وفاة كارولين،كان لديه إحساس أن قماح سيعود بإرادته وقد كان،لكن هذه المره قماح يُصارع المو,ت،تذكر سلسبيل التى لم تتحمل رؤية قماح ينزف وفصل عقلها أيضًا،والتى كانت قبلها بلحظات تتمنى الطلاق منه،يبدوا أن للقدر أمر غريب. بينما نهله التى كانت جالسه تنظر لـ هدى التى تجلس جوار ناصر تضع راسها على صدره تبكى،لامت نفسها على ضعفها بلحظه كانت ستفقد إبنه أخرى لو لم تُصيب الرصاصه قماح وأصابت سلسبيل،كانت ستفقد عقلها بالتأكيد غير قادره على تحمُل ذالك الآلم مره أخرى، رغم أنها حقاً حزينه على إصابة قماح،لكن تذكرت سلسبيل حين سقط قماح أمامها،سلسبيل لديها مشاعر لـ قماح لكن قسوته معها جعلتها تكبت تلك المشاعر لكن حين رأتهُ بذالك المنظر لم تتحمل وغابت عن الوعى ناصر الذى يضم هدى،يشعر بالتوهه والوجع،التوهه من الحقائق التى ظهرت اليوم،براءة همس،وفشل زواج سلسبيل إعتقد أن قماح لن يقدر على إيذائها لكن كان مُخطئ فى ظنه قماح بدل أن يحتوى سلسبيل جعلها تشعر بالدونيه،لكن تأكد سلسبيل لديها مشاعر ناحية قماح ومعاملته الدونيه لها جعلها تخشى من إظهار تلك المشاعر وفضلت إنهاء ذالك الزواج الذى لم تكتسب منه سوا ذالك الجنين الذى ينمو بأحشائها. نهض الثلاث واقفين حين خرجت إحدى الطبيبات قائله: الحمد لله المدام كويسه وكمان البيبى بخير،بس واضح إنها تعرضت لضغط قوى وده السبب فى الإغماءه اللى كانت عندها،وكمان حالة ضعف واضح إنها كانت بطاوع نفسها ومش بتتغذى كويس فى الفتره الاخيره وبسبب الحمل آثر عليها،إحنا عطاناها مُهدئ وده مالوش تأثير عالحمل،وكمان ركبنا لها تركيبة محاليل تعويضيه بالڤيتامينات وبعض الأدويه التانيه،وهى نايمه دلوقتي وهتفضل نايمه لحد الصبح،وإن شاء الله تصحى كويسه. تبسمت هدى كذالك نهله وناصر الذى تحدث بعد ذهاب الطبيبه،خلوكم أنتم هنا جنب سلسبيل وأنا هروح أطمن على قماح. ردت نهله:ربنا يطمنا عليه هو كمان. نظرت هدى لـ نهله قائله:بعد اللى سلسبيل حكته لينا عن معاملته القاسيه لها،لسه بتتمنوا له الخير...أنا... قاطع ناصر هدى قائلاً:قماح قبل ما يبقى جوز سلسبيل هو إبن أخويا،ومهما كان اللى حصل بينه وبين أختك هو فى النهايه جوزها والازواج ياما بيحصل بينهم،واهو أنتى شوفتى بنفسك مقدرتش تشوفه مُصاب،وكمان قماح إبن عمك ومش لازم تتمنى له الشر. شعرت هدى بخزو وصمتت. أمام غرفة العمليات آتى محمد بزجاجة مياه وكوب،وسكب من الزجاجه فى الكوب وناولها لجدته... أخذتها منه هدايه إرتشفت بعض القطرات وأعطتها له مره أخرى،مازالت متامسكه،مر عليها الكثير من الازمات واجهتها بصدر رحب وتغلبت عليها لم تتمكن منها الأيام،لكن الآن أمام عاصفه قد تعصف بما ظلت تقوم بتدشينهُ وحمايته هو قوة وتماسُك إبنيها الآن هنالك عاصفه قويه قماح هو الوحيد القادر على التصدى،لها،ولكن كيف وهو بداخل تلك الغرفه يتصدى للمو,ت. بالفعل بداخل غرفة العمليات،كان الأطباء يقومون بإنتزاع تلك الرصاصه، بعد وقت وقف النبوى بلهفه حين رأى باب غرفة العمليات يُفتح لكن هدايه لم تقدر على النهوض، تحدث الطبيب: بصراحه بُنية المريض القويه ساعدتنا كتير،لأنه نزف دم كتير على ما وصل لهنا فى المستشفى،وكمان الرصاصه إستقرت فى مكان قريب من الرئه وده أكيد كان بسبب السلسه دى لأن هى اللى عملت كمانع فى توغل الرصاصه فى الرئه. نظر النبوى لذالك السلسال،هذا السلسال كان لـ كارولين هو أعطاها إياه وكان قلب مقسوم مكتوب عليه الشهادتين من ناحيه،ومن الناحيه الاخرى كان مكتوب عليه إسم كارولين بالهيروغليفى وإسم النبوى باليونانيه،تيقن أن قماح كان يحتفظ به ذكرى من والداته مد النبوى يدهُ وأخذ السلسال،بينما قال محمد:طب حالته عامله أيه دلوقتي؟ رد الطبيب:الحاله مش خطيره قوى بس طبعاً لازم الإحتياط هيفضل الليله فى العنايه المركزه وبكره إن محصلش إنتكاسه هيخرج لاوضه عاديه،ودلوقتي عن إذنكم لازم أبلغ الشؤن القانونيه فى المستشفى دى إصابة رصاصه تحدث النبوى:طب ممكن تنتظر بس لحد المريض ما يفوق وأكيد.... قاطع الطبيب النبوى قائلاً:متأسف دى إصابة رصاصه وفى مكان خطير وواضح انها كانت عن قُرب يعنى ممكن تكون محاولة قت,ل...عن إذنكم. غادر الطبيب،بينما شعر رباح الذى خف آلم رأسه بعد ان أخذ تلك الكبسوله التى أعطته إياها زهرت قبل أن يلحق بهم الى المشفى،شعر ببعض التشفى من إصرار الطبيب،فلو عُلم أن من أطلقت الرصاصه هى سلسبيل،سيتشفى بـ قماح زوجته تكرهه وأقدمت على قت,له،يكفى عليه أن يعلم أن زوجته تكرهه. .....ــــــــــــــــــــــــــــــــــــــــــــــــــــــــــــــ مرت تلك الليله وبزغ شروق يوم خريفى جديد بدار العراب قدريه حين علمت أن قماح قد نجى شعرت بالقهر كم تمنت أن يرحل هى تكره رؤيته،يُذكرها دائماً بغريمتها التى سرقت قلب زوجها،لكن مازال هنالك جانب جيد بما حدث بليلة أمس،لو وقع الطلاق بين قماح وسلسبيل،إنهارت أعمدة دار العراب والسبب هو إبن الإغريقيه،بداخلها تمنت أن تُصر تلك الحمقاء سلسبيل على الطلاق والأ تسمع لحديث هدايه. ..... وهنالك من تشعر بنشوه وهى تسرد لـ والداتها ما حدث بليلة أمس،لتقول عطيات: يعنى سلسبيل مكنتش تقصد تضرب قماح بالرصاصه هو اللى إتهجم عليها،بس سلسبيل طلعت كارهه قماح بالجوى،لما تطلب الطلاق جدام العيله إكده بس الخوف هدايه تأثر عليها وتخليها تشيل الطلاق من دماغها زى ما سبق وخلتها وافجت عالچواز. ردت زهرت:معتقدش هدايه هتعرف تأثر على سلسبيل المره دى،شكل سلسبيل مليانه من معاملة قماح الوحشه لها، دى هددته يا يطلقها ياتمو,ت نفسها،بس الغريب إن قماح شكله إتصدم لما سلسبيل قالت إنها لو مو,تت نفسها هتبقي بروحين. إنزعجت عطيات قائله:جصدك أيه من روحين،يعنى سلسبيل حِبله،دى تبجى مُصيبه،دى ممكن تبجى النقطه اللى تخلى قماح يتمسك بسلسبيل وميرضاش يطلجها. تهكمت زهرت قائله:هيتمسك بواحده مش عاوزاه عشان حتة جنين فى بطنها الله أعلم الحمل ده هيكمل ولا لأ... ماهى كمان أهى إترمت بعده وفى المستشفى، لما سألت رباح فى الموبايل قالى مرحش لعندها ولا يعرف عنها حاجه، كله اللى شافه ناصر راح لهم أطمن على قماح ورجع لعند مراته وبناته تانى ولسه قماح مرمى فى العنايه ردت عطيات:ياريت ما يطلع منها،وكمان سلسبيل تسجط،غُلبت أجولك بطلى مانع الحمل اللى بتاخديه وهاتى حفيد قبل سلسبيل،دلوق هى اللى هتتربع عالحجر،هدايه هتكبرها عالكل فى الدار إهنه،ويمكن على قماح نفسه. ردت زهرت بلامبالاه:ميهمنيش حمل سلسبيل لأنها مش هتسمع لـ هدايه وهتطلق من قماح،بقولك حطت السلاح على صدرها. ردت عطيات:ياريت كانت الطلجه صابت قلبها هى يمكن أقل ما فيها كانت خسرت الحمل،ناصر أخوى مش سهل يبان طيب وحنون بس جواها بركان وعشان بته ممكن يعمل أى شئ بالذات بعد ما ظهرت براءة المخفيه همس اللى غارت ياريت سلسبيل والمخفيه التالته يحصلوها عالقبر ،ناصر لو سمع لطلب سلسبيل وجتها ممكن ياخد كل أملاكه ويكتبها بأسم بناته الأتنين ووجتها سلسبيل بدل ما تبجى مرت قماح،تبجى شريكه له وميجدرش يسيطر عليها. تنبهت زهرت لذالك كيف عماها الحقد من سلسبيل وإعتقدت أنها تشفت فيها، لو حدث ما قالته والداتها ربما تتطلق سلسبيل من قماح ووقتها يعود الامل لـ والد نائل ذالك الطامع بها منذ البدايه. ...... ـــــــــــــــــــــــــــــــــــــــــــــــــــــــــــــــ بالمشفى بغرفة سلسبيل، بدات تصحو بعد زوال مفعول تلك الأدوية كانت تهزى بإسم قماح،الى أن فاقت وفتحت عينيها نظرت لجوارها كان يقف ناصر الذى تبسم لها بحب. تحدثت سلسبيل:قماح. تبسم ناصر:قماح بخير يا سلسبيل لسه النبوى قافل معايا الخط من شويه وجالى إنهم نقلوه لاوضه عاديه وهيفوق بعد شويه. أغمضت سلسبيل عينيها براحه هامسه:الحمد لله. تبسم ناصر وتذكر إصرار سلسبيل على طلب الطلاق بالأمس والآن أول ما فتحت عينيها سألت عن حال قماح،غريب هو الحب،لكن الكبرياء حين يتدخل قادر على قت.ل هذا الحب،وسلسبيل قماح جرح كبريائها رغم ما عرفه وسمعه من سلسبيل عن معاملة قماح السيئه لها لكن مازال بداخلهُ يتمنى الأ يُهدم هذا الزواج،لكن القرار الأخير لـ سلسبيل وسيساندها فيه مهما كان. ..... بخارج غرفة سلسبيل كانتا هدى ونهله آتيان معاً تقابلا مع حماد الذى قال بلهفه:سلسبيل إزيها يا مرات خالى،والله أنا أول ما عرفت اللى حصل جيت على هنا علطول،سلامتها. نظرت له هدى بنفور بداخلها تعلم انه كاذب ومُرائى يسير خلف هدف برأسه سابقاً كان يتودد لـ همس والآن يريد لفت نظرها، لكن هن كانتا يفهمانه، هو يسعى خلف ثروة والداهن، لكن كانت هدى تشفق عليه سابقاً لكن الآن تمقته بسبب طمعه، لكن هى ليست ساذجه. ردت نهله على حماد: سلسبيل الحمد لله كويسه كانوا شوية ضعف بسبب الحمل ومكنتش مهتمه بتغذية نفسها، بس الحمد لله كتر خيرك. رد حماد وعينيه على هدى: كتر خيرى ايه يا مرات خالى إنت عارفه غلاوة بنات خالى ناصر، سلسبيل زى زهرت أختى بالظبط. تحدثت هدى: أيوا بنات خالك ناصر زى أختك زهرت بالظبط، ودلوقتي عن إذنك لازم نروح لـ سلسبيل مفيش معاها غير بابا وزمانها فاقت، والدكتوره قالت بلاش تزحموا الاوضه، روح إطمن على قماح، أنا وماما لسه جاين من عنده، الدكتور نقله لاوضه عاديه، وفى اى لحظه هيفوق. شعر حماد بالغبطه من حديث هدى الجاف، لكن إبتلعه قائلاً: ربنا يقومها بالسلامه، هروح أطمن على قماح وأرجع تانى الشونه أنتم عارفين إننا فى موسم جني الرز ، ورباح مش هيقدر يتابع التوريدات لوحده، ومحمد لسه مش فاهم فى الشغل قوى، مره تانيه حمدلله على سلامة سلسبيل يا مرات خالى. أمائت له نهله رأسها، بينما قالت لـ هدى بعد أن غادر: ليه بتكلميه بخشونه كده، مش كتر خيره جاى يسأل على أختك. ردت هدى: ياريته ما جه ياريته يبعد عننا أنا بقيت بكره كل عيلة العراب واللى يقربوا لها، زى ما يكون بنات عيلة العراب ملعونين بالاغبياء. تبسمت نهله رغم عنها، من تلك الصغيره سليطة اللسان. ..... ــــــــــــــــــــــــــــــــــــــ بعد وقت فى نفس اليوم جلس النبوى جوار هدايه مُنهكاً يقول: الحمد لله الدكتور جال إن الخطر زال عن قماح وحالته إتحسنت، وكمان إتصلت على ناصر جالى إن سلسبيل كمان الدكتور كتب لها على خروج من المستشفى. تنهدت هدايه قائله: الحمد لله قدر ولطف. تنهد النبوى يقول: الحمد لله ربنا خفف القدر، بس اللى حصل ناسانى إزاى يا حچه توافقجى على طلب همس إنها تسافر بره مصر إزاى تأمنى عليها فى الغربه لوحدها. ردت هدايه: ومنين جالك أنى وافجت إنها تسافر بره مصر همس فى الأول والآخر بنيه،حتى لو بحالتها الجديمه مستحيل أوافج تسافر وحديها ، همس بحالتها دى ضعيفه أنا بس هاودتها، بس هنا هيبان حجيجة كارم جدامها، ومتوكده إنه مش هيوافج تسافر وحديها. تبسم النبوى بتفهم، كيف غفل عن عقل الحجه هدايه. .... بينما بغرفة قماح بعد وقت فى نفس اليوم، خرج الطبيب مبتسمًا يقول: المريض الحمد لله فاق، وتقدروا تشفوه بس بلاش زحام، ولا تتعبوه بالأسئله، هروح أتصل عالضابط المسئول عن التحقيق، واعرفه إن المريض يقدر يدلى بأقواله. تبسمت هدايه للطبيب دخلت هى والنبوى للغرفه، تبسموا حين وجدوا قماح يفتح عينيه... تحدثت هدايه: ألف سلامه يا ولدى كذالك تبسم النبوى وقال نفس الشئ، لكن فجأه رن هاتف النبوى... نظر للشاشه تعجب حين رأى من يتصل عليه.. إنها قدريه.. رد عليها ليتفاجئ أو بالأصح يُصدم وهو يسمع منها: ناصر أخوك ومرته وبناته خرجوا من البيت بعد ما خدوا شُنط هدومهم،حاولت مع ناصر بس هو مُصر . أغلق النبوى الهاتف ونظر الى هدايه التى قالت له: فى ايه اللى حصل تانى وجالتلك عليه قدريه خلى وشك سأم إكده. إبتلع النبوى ريقه وقال: قدريه بتقول إن ناصر خد بناته ومراته وسابوا دار العراب. كأنه أطلق رصاصه بقلب هدايه وكادت تختل لكن تماسكت ونظرت لـ قماح بلوم وعتب وقالت له: الحل فى يدك، رچوع ناصر تانى لـدار العراب فى يدك. أماء لها قماح بموافقه، لكن فى ذالك الوقت دخل أحد الضباط قائلاً: ممكن تسيبونى أنا والمصاب لوحدنا دقايق متخافوش مش هتعبه فى التحقيق. خرجت هدايه تستند على النبوى. بينما تحدث الضابط لـ قماح: فى البدايه حمدلله على سلامتك، وبعد ما الدكتور المسؤول عن حالتك قدم تقريره الطبى اللى ذكر فيه إن الرصاصه كانت من مسافه قريبه كانت تسمح لك تشوف مين اللى أطلق عليك الرصاصه، يا ترى شوفت اللى ضربك بالرصاصه. رد قماح: أيوا شوفته. طب هو شخص تعرفه، كان هذا سؤال الضابط أغمض قماح عينهُ جائت لخيالهُ سلسبيل، وإصرارها على الطلاق، وأيضاً معرفته بترك عمه وزوجته وبناته لدار العراب، بالتأكيد عمهُ يُساند سلسبيل، فتح عينيه لا يوجد حل آخر. أعاد الضابط سؤاله: إنت قولت إنك شوفت اللى ضرب عليك الرصاصه، تقدر تقول هو مين. رد قماح بهدوء عكس ثورة ضميرهُ لكن ليس هناك حل آخر ولا طريق آخر للضغط على سلسبيل غير هذا. تنهد قائلاً: اللى ضرب عليا الرصاصه... عمى ناصر العراب. ...... ﷽ الخامس عشر. ... ـــــــــــــــــــ لا أحد يعلم الى أين يأخذه القدر ومع من سيتقابل وقد يُغير مساره. تجول محمد بسيارته بين الطُرقات يشعر بآسى بعد أن سَخِر منه رباح وقام بذمه أنه مازال مبتدأ لم يتعلم كيفية سير العمل وفضل وميز حماد عليه بالخبره،كان يشعر بالدونيه أخيه بدل أن يُساعده على إتقان العمل قام بنفيه وإستغل غياب والده الذى يجلس جوار قماح بالمشفى،كان يتجول بلا هدف كأنه ينفض عنه ذالك الإحساس البغيض،للحظه فكر عقله وتذكر تدخين رباح للسجائر، قرر الإتيان بعلبة سجائر والتدخين قد يُنفث عن غضبه بها،توقف بالسياره أمام أحد البقالات المتوسطه وترجل من السياره ودخل الى تلك البقاله كانت بداخل تلك البقاله فتاه ليست صاحبة جمال فتان خمرية البشريه بملامح وجه صغيره، حتى جسدها متوسط الطول وليست مُمتلئة الجسد طولها مع حجم جسدها يعطيها جسد مناسب ليست ثمينه، لكن لديها لسان يفوق جسدها عشرات المرات . كانت تلك الفتاه تتحدث مع البائع تقوم بالفصال معه فى الشراء لاحظ أنها تُخرج لسانها عند نُطق حرفي السين والصاد،تنطقهما "ثاء"،واضح أنها لدغاء. تقول:بث (بص) يا عم نثيم (نسيم) انا خدت عشر كيلو رز ومعاهم سبعه كيلو دقيق قمح وتلاته دقيق دره، هو ده حسابك وكفايه إنى محسبتش أجرة التوكتوك اللى هروح بيه المفروض كان يبقى عليك. رد نسيم: توكتوك أيه يا "سميحه" الحساب ناقص أصلاً عشره جنيه، يا بنتى أنا صاحب بقاله على قدى مش فاتح فرع لسوبر ماركت كارفور... هاتى العشره جنيه والمسيح الحى أنا مديكى البضاعه بتمنها اللى جايه ليا بيه، طب أجولك نقسم البلد بينا هاتى خمسه وخليلك خمسه اللى مش هتركبى بها توكتوك أنا ألف مره أجول للست "فتحيه" بلاش تبعتك تاخدى منى حاجه إنتى بتناهدى معايا وبتفاصلى فى حق باكو اللبان،وأنا مبقاش فيا حيل كبرت عالمناهده بتاعتك دى ، أنا جايل لـ فتحيه تتصل عليا أو حتى تبعتلى أى حد من الشارع وأنا هبعتلها اللى عاوزاه لحد باب الدار. زغرت له سميحه قائله:قصدك أيه يا عم نسيم يعنى مش عاوز تشوف وشى،أنا كان قلبى حاسس من زمان إنك مش بتحبنى وأنت اللى معصى الواد كيرلوس إبنك ابو عيون إزاز عليا ومش عاوزه يتجوزنى. ضحك نسيم قائلاً:يا بتى كيرلوس ميجوزش ليكى،إنتم مش على مِله واحده،إنتى ناسيه إنك مسلمه وهو مسيحى. تبسمت سميحه قائله:مش عيب يا عم نسيم الواد كيرلوس ابو عيون إزاز يعمل زى عمر الشريف لما أسلم علشان يتجوز فاتن حمامه، هى فاتن حمامه أحسن منى فى أيه، إن كانت هى سيده الشاشه العربيه،أنا سيدة خط الصعيد الأولى...وهيبقى عندى آتلييه لصناعة الخزف. ضحك نسيم قائلاً:قصدك القُلل اللى بتبيعها لـ إستير على إنها فازات آثريه،غير أنها بترشح المايه،ولا الماجات كمان اللى بتفرقع من الميه السخنه. ردت سميحه:أى فخار بيرشح مايه،ده صحى عن ماية التلاجات،وكمان قولتها بلاش تغلى الميه قوى قبل ما تفرغها فى المج. رد نسيم:آه الفخار بيرشح،بس دى مش بترشح دى بتسرسب المايه فى مفيش قبل ما نشرب منها تكون فضيت،عيب فى الصانعه. ردت سميحه بإستهجان:عيب فى أيه! الصانعه لأ بقى أنا مُتمكنه فى صناعة الخزف،بس بصراحه إستير بخيله وعاوزه الرخيص وكل حاجه على قد تكلفتها...هو فى قُله النهارده بإتنين جنيه إلا ربع،أقل قُله بخمسه جنيه والمج النضيف بعشره جنيه،بس أنا براعى العِشره وإننا جيران...يلا كفايه رغى يا عم نسيم ماما زمانها إستغيبتنى،أقولك خد خمسه جنيه أهى ،وهاتلى كارتونه جامده تستحمل أحط فيها الدقيق والرز وأشيلها على راسي. رد نسيم:هتشيلى على راسك ليه مجيبتيش شنطه معاكى كنتى شيلتيهم بين إيديكى. ردت سميحه:لأ إيدى تخدل وتوجعنى على ما أوصل،يلا خلصنى وشوف الزبون اللى واقف ده عاوز أيه. آتى نسيم بكارتونه وضعها على طاوله أمامه ووضع بها الأرز والدقيق. نظرت سميحه لـ محمد قائله:ساعدنى يا أخ أحط الكاتونه دى على دماغى بدل ما أنت واقف بقالك ساعه تتسمع على كلامنا. إقترب محمد وقام بمساعدتها بوضع الكارتونه فوق رأسها،تلامست أطراف أناملهما،شعر محمد بكهرباء تنغُز فى قلبه،بينما سميحه إستدارت ومدت يدها أخذت أحد البرطمانات قائله:البرطمان ده خلاص مفيهوش غير كم كرملايه،هاخده أتسلى فى الكرمله وانا بخبز وأدكن البرطمان لما نعمل مربة الارنج أبقى أخزنها فيها ومتخافش نايبك محفوظ يا عم نسيم. تحدث نسيم:كم كرملايه أيه يا سميحه هاتى البرطمان وأما يفضى أبقى خديه. ردت سميحه:لأ أنا خلاص اخدته،سلام بقى هبقى أجيب لـ إستير كم رغيف عيش بنى زى هو اللى بتحبه. تهكم نسيم:إستير بتحب عيش الرده إنما إنتى بتضحكى عليها بالعيش بتاعك مصبوغ دقيق أبيض باللون البنى . ردت سميحه:يا عم هى إستير بتركز فى اللون إنما الطعم عندها مالوش لازمه،يلا وآه قبل ما أمشى قول لـ استير،الدراسه هتبدأ الاسبوع الجاي،أنا مش عاوزاها تعملى سندوتشات لانشون وسجق سمعت انهم يفرموا فيران مع اللحمه،أقولك قولها تعملى سندوتشات جبنه رومى وحلاوه طحنيه بس بالمكسرات اللى الواد كيرلوس ابو عيون إزاز بياكل منها... يلا أهى آخر سنه وأتخرج وأرتاح من الدراسه وأنطلق نحو المستقبل. تبسم نسيم لها وقال:كل سنه وانتى طبيه بمناسبة رجوع الدراسه،سلميلى على فتحيه. غادرت سميحه المكان،غير منتبه لـ نظرات محمد الذى ود السير خلفها ومعرفة مكان منزلها،لا يعرف السبب لما أراد معرفة عنها الأكثر تلك المشاغبه شغلت عقله،جعلته يتصنم مكانه غير منتبه لـحديث نسيم الإ حين قال له: أستاذ حضرتك عاوز أيه. إنتبه محمد ونظر لـ نسيم ود سؤالهُ عن تلك الفتاه ومعرفه الأكثر عنها،لكن خشي أن يُسئ نسيم الظن به،تحدث محمد: كنت عاوز تشكيلة حلويات مع بعضها شوية كرمله على لبان وبونبونى. تبسم نسيم وقال:الكميات عاوز قد أيه. رد محمد:ممكن تملالى برطمان من بتوع الحلويات اللى قدامك ده. تبسم نسيم وبدأ بوضع تلك السكاكر وملئ له أحد البرطمانات،ومد يدهُ له بها وقال له قيمة الحساب. أخرج محمد حافظة ماله وأخرج بعض المال،وأعطاها،لـ نسيم الذى تبسم قائلاً:المبلغ المطلوب أقل من كده بكتير مش معاك فكه. رد محمد:لأ للأسف. تبسم نسيم وبدأ فى إعطاؤه باقى ماله وقال له:حضرتك أول مره أشوفك هنا،أكيد عابر طريق...الحلويات دى واخدها لعيالك مع إن شكلك صغير على إنك تكون متجوز. تبسم محمد:فعلاً أنا مش متجوز، والحلويات دى واخدها لنفسى أتسلى بها فى الطريق، سلام. أخذ محمد برطمان السكاكر وغادر البقاله، وعاد لسيارته وضع البرطمان جواره على المقعد، نظر له مبتسمًا ووفتح إحدى قطع الحلوى يمضغها وهو يتذكر تلك المشاغبه اللدغاء بنفس اللحظه تذكر أنه كان ذاهب لشراء السجائر يُنفث عن غضبه بدخانها ها هو عاد بالحلوى، وذهب غضبهُ، لا يعلم ما سبب ذالك بداخله تمنى رؤية تلك المشاغبه مره أخرى،بل مرات . .... ـــــــــــــــــــــــــــــــــــــــــــــــــــــــــــــــ آتى الليل بفُندق بمدينة بنى سويف. بأحد الغرف تمددت سلسبيل على الفراش تشعر بضعف تحدثت هدى لها قائله: أول مره فى حياتى أبات بره دار العراب ماما عمرها ما سمحت إن واحده فينا تبات بره الدار حتى لو عند أى حد من قرايبنا حتى رحلات المدارس والجامعه ممنوع فى أماكن بعيده. تنهدت سلسبيل قائله:ليه كذا مره سافرنا نصيف او نتفسح وكنا بنبات بالأيام بره دار العراب. ردت هدى:بس كنا بنبقى عارفين إننا راجعين تانى لـ دار العراب،المره دى بابا قال هنعقد فى الاوتيل كم يوم على ما يدبر لينا بيت نعيش فيه...بصراحه متوقعتش إن بابا يوافقك ويسيب دار العراب حتى ماما كمان معترضتش زى عادتها على حاجه واحده فينا عاوزها. ردت سلسبيل وهى تُغمض عيناها،أنا كمان إستغربت وكنت متوقعه تعترض،بس يمكن لما لاقت بابا وافق وافقت وخلاص،أنا حاسه بشويه إرهاق،خفضى نور الأوضه وسيبنى أنام. ردت هدى:لو حاسه بتعب أنادى لبابا يرجعك للمستشفى تانى. ردت سلسبيل:لأ أنا كويسه مش تعبانه كل اللى حاسه بيه شوية إرهاق وعاوزه أنام يمكن من تأثير الادويه اللى أخدتها،طفى النور وتصبحى على خير. أطفئت هدى انوار الغرفه الأ من نور ضعيف،ثم صعدت الى الفراش المُمده عليه سلسبيل ونامت جوارها جذبت الغطاء عليهن قائله: وأنتى من أهل الجنه إنشاء الله هتصحى كويسه. أستسلمت سلسبيل للنوم كآنها تريد الغياب عن الوعى وتنسى أنها كادت أن تُصبح قاتله شعرت براحه حين علمت أن قماح قد فاق وأصبح بحال أفضل. ...... بغرفه أخرى بنفس الفندق. بكت نهله. إقترب منها ناصر وأمسك يدها قائلاً: ليه بتبكى يا نهله. ردت نهله: ببكى على ضعفى، اللى كان هيضيع منى بناتى واحده وراء التانيه فى الأول خسرت همس، وسلسبيل كمان كنت فى لحظه هخسرها، عقلى بيشت لما بفكر إن الرصاصه كانت ممكن تصيبها وتمو,ت هى كمان جدام عنيا جلبى مكنش هيستحمل أفجد بت تانيه من بناتى، حتى لما ربنا نچاها والرصاصه صابت قماح مقدرتش تصلب طولها وأغمى عليها... قد ما فرحت ببراءة همس قد ما قلبى إنخلع لما شوفت وعرفت قسوة قماح على سلسبيل اللى كانت بداريها جدامنا لحد مافاض بيها، أنا لما أمى هدايه جالت إن قماح عيتچوز من سلسبيل فرحت وجولت واد عمها وأكيد مش هيعايرها بـــ همس بس كنت غلطانه كنت هستنى أيه من واحد زى قماح إتچوز وطلق مرتين قبل أكده، إزاي مفكرتش فى أكده. ضم ناصر نهله قائلاً: أنا عندى إحساس مؤكد قماح بيحب سلسبيل، أنتى مشوفتيش ملامح وشه لما سمع طلب رچب سلسبيل لابنه،بس مستغرب ليه عاملها بالجسوه دى،حتى سلسبيل نفسها عندها مشاعر ناحية قماح،وأها شوفتى بنفسك مجدرتش تتحمل منظرهُ وهو عايم فى دمه وعقلها فصل حتى أول ما فاجت كان أول حاجه قالتها سألت على قماح. تنهدت نهله بحزن قائله: أول مره أسيب دار العراب من تلاتين سنه من يوم ما أتجوزنا، حاسه بغُربه وضياع. تنهد ناصر هو الآخر قائلاً:تعرفى إن إستغربت إنك معترضيش لما سلسبيل طلبت إننا نسيب الدار مش قادره تتحمل تجعد فيها. ردت نهله:أنا نفسى إستغربت إزاى قبلت إنى أسيب دارى،بس سلسبيل كانت أول فرحتى...وراحتها تهمنى. تنهد ناصر ببسمه يقول:لسه فاكر يوم ولادتها ولما شيلتها أول مره حسيت إنى ملكت سعادة الدنيا كلها،كانت فرحه إتشوقنا ليها سنين. عادت تدمع عين نهله قائله بندم:لما خلفت التلات بنات حسيت إن قدريه فرحانه،كنت بأسى عليهم عشان ميبقوش زيي ضعاف،كنت ببقى مبسوطه لما يعارضونى ويجولك يطلبوا منك توافق على حاجه أنا رفضتها،حاولت أربطهم بيك عشان ميحسوش بالضعف،يحسوا إن وراهم سند،أنا أتربيت يتيمه وكنت أنا وأختى وأمى لوحدنا،شوفت أمى كانت فى بيت العيله خاضعه لقرارات غيرها،فاكره مره جدتى كان عمى جايبلى عريس يخلفنى وياريته كان فيه ميزه،خوفت وجتها جدتى توافق عليه وتدمر حياتى معاه،بس هى اللى رفضته عارف لو جدتى وافقت عليه أمى مكنتش هتعترض،أنا دايماً جوايا خوف عِشت بيه فى بداية جوازى منك رغم إننا إتجوزنا عن حب،بس كنت خايفه. نظر ناصر لها بتعجب قائلاً:كنتى خايفه من أيه؟ ردت نهله:لما حصل وإتقدمتلى زمان،عمتى سألت عنك،وجالوا لها الحچه هدايه شديده جوى،غير ولدها الكبير متجوز مرتين،وقتها عمتى لمحتلى أنى ممكن إنت كمان مع الوجت تتجوز عليا مره تانيه،بس أمى جالتلى فى إيدك تكسبى الحچه هدايه،كلمة حاضر بتريح خليكى تحت جناحها ،ورغم أنى كنت بحبك وعارفه إنك بتحبنى،بس دخل لجلبى الخوف ده،ولما دخلت دار العراب وغبت فى حكاية الخِلفه،حتى لما خلفت البنات وراء بعض ،كنت بخاف إنك فى لحظه تجولى هتجوز عشان أخلف ولد يشيل إسمى ويحفظ مالى. نظر لها ناصر يقول: بس إنتى كنتى عارفه إن مفيش فيكى عيب وتقدرى تخلفى،العيب كان فيا من البدايه...وأنا اللى كنت محتاج لشوية علاج،وأنتى أستحملتى ده معايا كله وصبرتى وعمرك ما حسستينى إن فيا عيب، ييجى بدل ما أكفئك أروح أتجوز عشان أخلف ولد،لو كان مكتوب لى خلف الولد كان هيبحى منيكى يا نهله،إنتى رفيقة عمرى كله شيلى الوهم ده من دماغك،وعاوزك تعرفى حاجه واحده النبوى لما أتجوز على قدريه مكنش عشان يكسرها او يقل من قيمتها،النبوى معرفش العشق غير مع إم قماح،قدريه من يوم ما دخلت دار العراب كانت فاكره هتاخد السيطره من أمى وتبجى هى الكبيره وكلمتها المسموعه،كان فى إيديها تاخدها بس هى أختارت الطريق الغلط،بتكبُرها بالذات لما خلفت رباح،أول ولد يكمل نسل العراب،فكرت انها بكده خلاص ملكت اللى قدامها،الراجل مننا بيبقى محتاج الست تكون ضل له مش يبقى هو ضل لها،كانت بتتعمد تجيب المشاكل مع أمى ومع ذالك أمى كانت بتفوت لها كتير،بس كبرها زاد وكانت عاوزه تدخل فى شغلنا كمان وتعمل نفسها فاهمه فى كل شئ،أبويا كان شديد قوى على فكره وكان بيكره اللى مينفذش كلمته وقدريه كانت بتعانده دايماً،دى وصلت بها مره قالت لابويا إنت راجل كبرت وخرفت المفروض يحطوك فى الخانكه،وده كان سبب اول طلاق بينها وبين النبوى،بس أمى وقتها قالت ولدنا ميترباش بعيد عننا وغصبت عليه رجعها،وياريتها بعدها عقلت،لأ فضلت بنفس الطباع،بس النبوى كان قابل كارولين صدفه وعشقها ولما قال لأمى فى الاول أعترضت وبالذات ان كارولين لا من بلدنا ولا على دينا الأسلامى،بس لما شافتها أول مره قلبها إنشرح لها،ووافقت يتجوزها،ودخلت كارولين لـ دار العراب وكانت عكس قدريه عاوزه العيله تكبر ويبقى بينها الحب،أمى هى اللى علمتها مبادئ الدين والصلاه،وخدتها لشيخ الجامع وأسلمت بإرادتها،وإتفقهت فى الدين،وهى اللى كانت بتطلب منه يعدل بينها وبين قدريه،رغم قلبه الميال لها،مان بيحاول يعدل بينهم،بس قدريه كانت بتفتعل المشاكل معاكى ومع كارولين كان جواها حقد من قربكم من بعض،وحاولت تخوض فى شرف كارولين وده السبب فى طلاقها التانى،بس وقتها كانت خلفت التلات ولاد،ولنفس السبب أمى خافت وضغطت عالنبوى يرجعها، حتى كارولين لما ماتت حقد قدريه مماتش معاها وأهو من وقتها النبوى مسك نفسه عشان ولاده يتربوا فى دار العراب،وقال كفايه قماح إتاخد بالغصب وكان عايش طول الوقت متشوق ليه،قماح لو مكنش عاوز يرجع لهنا مكنش حد هيقدر يجبره يرجع،ولما رجع أمى فرحت بيه وكمان النبوى إتردت له الحياه من تانى،رغم انه عمرهُ ما فرق فى معاملته بين ولاده،بس قدريه زرعت فى قلب رباح كُره كبير ناحية قماح،وعنده غِل منه،رغم إن قماح ورباح دارسين فى نفس الجامعه ونفس التخصص،بس قماح عنده ذكاء فطرى قدر يطور ويكبر إسم العراب عكس رباح مبفكرش غير إنه يعارض وخلاص،حتى جوازه من زهرت كان غصب عن أمى بس فى الآخر طاوعته، رغم قماح فشل فى جوازتين قبل كده بس كان عندى أمل أنه يحتوى سلسبيل ويقدرها،بس للأسف كنت غلطان ودلوقتي اللى سلسبيل هتقرره أنا هوافقها عليه حتى لو مش مقتنع بيه،رغم إنى كنت بشوف سلسبيل بتحاول دايماً تتجنب المكان اللى فيه قماح بس متأكد كان جواها مشاعر لـ قماح بتخاف منها، بس هو خذلها بمعاملته العنيفه لها،قماح وسلسبيل بينهم خط واصل فاكر لما كان معندهاش تمن سنين وقالتلى إنها حلمت برجوع قماح لهنا تانى،رغم أنها معرفتوش غير من صوره وهو صغير بس يوم ما رجع ملامحه كانت إتغيرت عن الصور فاكر أنها عرفته قبل ما يقول هو مين،ودخلت جرى على أمى وقالت لها قماح رجع يا جدتى زى ما قولتلك إنى شوفته فى الحلم . ـــــــــــــــــــــــــــــــــــــــــــــــ...... بالمشفى. كانت هدايه رغم كِبر سنها لكن رافقت قماح وكان معها النبوى،الذى طلب منها العوده الى المنزل،لكن قالتها له لن تعود قبل عودة ناصر وزوجته وإبنتيه.كانت تجلس على فراش آخر بالغرفه مضجعه على بعض الوسائد ،بينما كان النبوى ساهدًا يشعر بخواء لاول مره يشعر بفقد ناصر،ناصر مُحق فيما فعل لو كان مكانه وعرف عن سوء معاملة إبنته لكان فعل كل ما تطلبه منها،حائر أيذهب لأخيه ويقول له أن إبنته الاخرى مازالت حيه،وأن يعود للمنزل مره أخرى وسيفعل كل ما تريده سلسبيل حتى لو أصرت على الطلاق سيجبر قماح على طلاقها،قماح ذالك الطير الذى عاد لعُشه بعد غياب ماذا حدث له فى تلك السنوات الذى كان فيها بعيداً أكسبته كل تلك القسوه فى قلبه جعلته يقسو على إبنة عمهِ،ليست فقط إبنة عمه،بل عشق قلبه العيون تبوح بمكنون القلب،قماح يعشق سلسبيل لما عاملها بهذا الجفاء جعلها تنفر من حياتها معه،زوجتيه السابقتين لم تنفرن من زواجه منهن بل كُن على إستعداد لتقبيل يده من أجل إبقائهن على ذمته. بينما قماح الذى يُغمض عيناه رغم آلم جسده لكن هنالك آلم أقوى يشعر به ماذا سيكون رد فعل سلسبيل حين تعلم بإتهامه لـ عمه بأنه هو من أطلق الرصاصه،سلسبيل أعلنت له كُرهها،لكن فى نفس الوقت أعلنت أنها تحمل برحِمها جنين منه،كيف هذا وتلك العلبه الدوائيه الذى رأها وواجها بها منذ أيام وتعصب عليها بسببها وطلبت وقتها الطلاق لأول مره،سلسبيل كانت تعرف أنها حامل قبل لقائهم الحميمى الأخير الذى عصف بكل شئ،ندم قماح يسأل نفسه ما السبب وراء ذالك العنف الذى كنت تمارسه على سلسبيل،لما هى بالأخص كنت عنيف معاها ليه لما كنت بتقرب منها كنت بتفتكر أسوء سنين عشتها فى عمرك...سلسبيل هى الحاجه الوحيده اللى كانت فى الماضى لما بتفكر فيها كنت بتحس بشوق إنك ترجع تانى لهنا،ولما رجعت لهنا ليه كنت عاوزها بعيده عنك وحاولت تنساها بس مقدرتش،كانت قدامى قريبه وأنا اللى كنت ببعدها عنى ،ليه لما فى لحظه حسيت إنها ممكن تبقى لغيرى خوفت ووافقت على قول جدتك،رغم إنى عمرى ما لمحت لها إنى عاوز أتجوز سلسبيل،ليه يا قماح،إعترف. جاوب عقلهُ:عشان ماما كانت بتحبها عارض قلبه:كداب مش ده السبب الوحيد الجواب إنك بتحبها مقدرتش تدخل لقلبك غيرها حاولت وفشلت. تنهد قماح بآهه خافته. ذهب إليه النبوى قائلاً:قماح إنت موجوع أتصل عالدكتور. رد قماح:لأ يا بابا أنا كويس بس إتحركت حسيت بشوية وجع بسيط. تبسم النبوى له قائلاً:الحمد لله إصابتك مكنتش خطيره،بس مقولتليش قولت أيه للظابط فى التحقيق،أصل أنا قولت له أن ناصر كان بينضف السلاح وطلقه خرجت بالغلط. صمت قماح ، أنقذه من الرد صوت طرق باب الغرفع. نظر النبوى للفراش التى تضجع عليه هدايه وجدها تمسك مسبحتها،سمح لمن يطرق الباب بالدخول،كان الطبيب المباشر له ومعه إحدى الممرضات. ......ـــــــــــــــــــــــــــــــــــــــــــــــــــــــــــــــ إنتهت ليله أخرى وآتى صباح آخر بالفندق جلس ناصر مع زوجته وإبنتيه يتناولون طعام الفطور بالغرفه الخاصه به هو ونهله كانوا يشعرون بالوحده والغرابه رغم أنهم كانوا أحياناً لا يجتمعون معاً بوجبة الفطور،لكن ليس هنالك مذاق لشئ تحدث ناصر: فى عندنا بيت صغير فى بنى سويف قريب من المقر كنا عاملينه زى إستراحه لو حد من الأدارين اللى فى القاهره بات هنا لأى ظرف طارئ،هبعت حد ينضفه ونروح نعيش فيه الفتره دى على ما أشوف بيت أوسع مش معقول هنعيش فى الاوتيل ده كل إتنين فى أوضه كده زى سكن التلامذه. تبسمت سلسبيل وكذالك هدى التى قالت:كان نفسى أدخل جامعة القاهره وأعيش فى سكن الجامعه،بس ماما رفضت وقتها. تبسمت نهله قائله:وكنتى هتدرسى أيه فى القاهره مش موجود هنا،وبعدين إنتى مبتعرفيش تعملى أى حاجه خالص إزاى كنتى هتعيشى لوحدك فى القاهره،كُلى من سكات. أثناء ذالك رن هاتف ناصر،أخرجه من جيبه،ونظر لمن يتصل عليه ثم نظر لهن قائلاً:ده المحامى الخاص بالمقر هرد عليه. بالفعل رد عليه لكن إستغرب قول المحامى له قائلاً: طب وليه إستدعونى تانى للتحقيق مش قدمت أقوالى قبل كده،عالعموم نتقابل فى القسم بعد ساعه. تعجبن الثلاث وقالت نهله:خير سمعنا من ردك عالمحامى إنهم إستدعوك للقسم. رد ناصر:معرفش السبب المحامى بيقول يمكن شوية إجراءات،يلا أنا شبعت هقوم أقابل المحامى،وبعدها هطلع على الشُغل،وأشوف إن الاستراحه جهزت النهارده نروح نعيش فيها،يلا أشوفكم المسا. تبسمن له،لكن سلسبيل لا تعلم لما شعرت بوجود خطبٍ ما خلف إستدعاء والداها،نهضت من على طاولة الطعام قائله شبعت،فى ليا علاج هروح الأوضه التانيه أخده. نهضت نهله قائله: لازم زى الدكتوره ما قالت تحافظى على أكلك وعلاجك، خلينى أجى معاكى للأوضه التانيه. ردت سلسبيل:لأ متتعبيش نفسك أنا هروح أخد العلاج وأرجع لهنا من تانى. شعرت نهله بغصه من رد سلسبيل شعرت أنها مازالت غاضبه من سلبيتها معهن،لكن الحقيقه كانت عكس ذالك. دخلت سلسبيل الى الغرفه وأخرجت هاتفها،وقامت بالإتصال على رقم هذا المحامى فهى تعاملت معه سابقًا حين كانت تذهب للتدريب بالمقر مع بعض المحاسبين وهى طالبه ولديها معرفه سابقه به فهو ساعدها فى إستخراج بعض الاوراق الثبوتيه ذات مره. بالفعل رد عليها المحامى،بعد السلام والترحيب. سألته سلسبيل:ليه إستدعوا بابا فى القسم،مش سبق وقدم اقواله. إرتبك المحامى وقال:أنا معرفش السبب أنا لسه داخل القسم ولسه هعرف السبب. شعرت سلسبيل بربكة المحامى وقالت له:بس أنا متأكده إنك تعرف سبب إستدعاؤ،ياريت بلاش لف ودوران. رد المحامى:بصراحه قماح بيه إتهم ناصر بيه إن هو اللى ضرب عليه الرصاصه. ذُهلت سلسبيل،للحظات،لكن تهكمت فماذا تتوقع من قماح غير السوء. تحدثت للمحامى:طيب وبعد ما إستدعوا بابا للقسم ممكن أيه اللى يحصل. رد المحامى:ممكن يتحول للنيابه والنيابه ياأما تخرجه بكفاله أو تتحفظ عليه...ده إتهام مباشر قماح بيه بس هو اللى يقدر يسحب إتهامه. زفرت سلسبيل نفسها بغضب قائله:تمام شكراً لتوضيحك الآمر ليا. أغلقت سلسبيل الهاتف والقته على الفراش بغضب كبير،وقالت: قماح لسه مستمر فى جبروته،بس انا هعرف إزاى اوقفه عند حدهُ. قالت سلسبيل هذا وأخذت هاتفها وحقيبة يدها وغادرت الفندق تعرف الى أين تتوجه. .........ــــــــــــــــــــــــــــــــــــــــــــــــ بينما أغلق المحامى هاتفه، وقام بالإتصال على قماح قائلاً له: مدام سلسبيل لسه قافله معايا وعرفتها بإتهامك لناصر بيه إن هو اللى ضرب عليك الرصاصه. رد قماح: تمام كويس، دلوقتي قفل المحضر زى ما إتفقنا سلام. أغلق قماح الهاتف ونظر لوالده مبتسماً يقول: المحامى إتصل على عمى وقاله على الاستدعاء، وكمان زى ما توقعت سلسبيل إتصلت عالمحامى تعرف منه سبب إستدعاء عمى، وقالها على قولت له عليه. تبسم النبوى يقول: تفتكر هايجى بفايده وعمك ومراته وبناته هيرجعوا لدار العراب من تانى. رد قماح بثقه: متأكد قبل المسا عمى هيرجع هو وهما لدار العراب من تانى. تبسم النبوى يقول: أتمنى ده اللى يحصل، وياريت يكون ده فرصه تانيه لك مع سلسبيل وتصلح اللى عملته معاها وخلاها تطلب الطلاق قدام العيله كلها. أماء قماح رأسه دون رد وتذكر حديثه للضابط بالأمس بعد أن فاق وأدلى بإفادته، فلقد أخبرهُ النبوى سابقاً عن ما قاله فى محضر التحقيقات هو وعمه، أن الرصاصه خرحت من السلاح بالخطأ أثناء تنظيف ناصر للسلاح وأصابت قماح الذى كان يجلس معه وقتها وأنه ليس هنالك نية ق.تل بل خطأ غير مقصود،وهذا هو السبب الحقيقي خلف إستدعاء ناصر للقسم من أجل إنهاء المحضر بصفة أن الرصاصه خرحت من سلاح مُرخص بإسم ناصر. تحدث النبوى: جدته روحت البيت بالعافيه بعد ما الدكتور قالها إنك ممكن تخرج بكره من المستشفى وتكمل علاجك فى الدار، أنا عندى مشوار مهم هروحه دلوقتى وهرجعلك بعده هتصل على محمد يجى يقعد معاك لحد ما أرجع. رد قماح: لأ مالوش لازمه خلى محمد يشوف شغله أنا كويس وإن إحتاحت حاجه هطلبها من الاستقبال. رد النبوى:تمام أنا مش هغيب،وهخلص مشوارى بسرعه وأرجعلك. تبسم قماح له وهو يقبل رأسه ثم غادر. تنهد قماح بغصه،يشعر بالوحده،تذكر والداته حين كان يمرض كانت تظل جواره بالفراش حتى يشفى الآن هو مريض وبالمشفى وحده. لكن لم يظل وحيد كثيراً، حين سمع صوت فتح باب غرفته ودخلت آخر شخص كان يتوقع أن تأتى الآن او بالأصح لم يكن يريدها أن تأتى من الأساس، تحدث متعحبًا: هند! نظرت له هند بإشتياق قائله: حمدلله على سلامتك يا قماح، نائل لسه قايلى من شويه ومستحملتش وجيت لك هنا فورآ. إعتدل قماح على الفراش مضجعاً على بعض الوسائد. وقال لها: متشكر مكنش له لزوم تجى. ردت هند: قماح إنت عارف غلاوتك عندى. إنت عارف إنى لسه... قاطعها قماح بإقتضاب: مالوش لازمه حديثه ده دلوقتى إحنا خلاص قصتنا خلصت وسبق وقولتلك أتمنى ليكى السعاده كل اللى بينا دلوقتي شغل وبس. تدمعت عين هند وأقتربت من الفراش كثيراً لكن قبل أن تعود للحديث فوجئت حين فتحت سلسبيل باب الغرفه ودخلت بتعسُف لكن تفاجئت سلسبيل بوجود هند تقف قريبه من الفراش الذى يضجع عليه قماح، نظرت لهما بإستهزاء، ثم نظرت الى هند بإستحقار قائله بحده: إطلعى بره. نظرت لها هند رغم غيظها لم تبالى وظلت واقفه ببرود. تحدثت سلسبيل بآمر: قولت إطلعى بره وخلى عندك كرامه شويه. نظرت هند الى قماح علها تجد منه رد آخر يساندها أو يدعم بقائها أمام سلسبيل، لكن خاب أملها حين رأت عين قماح التى لمعت وهو ينظر الى سلسبيل، شعرت بخزو، حاولت اخفائمها وقالت: الحمد لله أطمنت علي قماح إنه بخير، قالت هذا ونظرت لقماح قائله:هبقى أتصل أطمن عليك. لم يرد قماح عليها، عيناه مُنصبه على سلسبيل لكن تعجب حين لاحظ ذالك الأصق الطبى الصغير الموضوع على كف يدها من الخلف، ود معرفة سبب وجوده. شعرت هند بنار حارقه بقلبها بالأضافه الى غيره وكُره لـ سلسبيل وخرجت من الغرفه. ذهبت سلسبيل خلفها وأحكمت غلق الباب، ثم نظرت لـ قماح قائله: غرضك أيه من إتهام بابا يا قماح، أنا اللى ضربتك بالرصاصه مش بابا. رد قماح: أنا اللى إيدى ضغطت عالزناد وضربت الرصاصه يا سلسبيل. نظرت له بغيظ قائله: طب ليه أتهمت بابا إن هو اللى ضربك بالرصاصه. صمت قماح. إغتاظت سلسبيل من صمته قائله: أقولك أنا ليه، عشان أجيلك وتساومنى إنى أتراجع عن الطلاق. رد قماح ببرود:مش بس تتراجعى عن الطلاق،ترجعى إنتى وعمى ومرات عمى وهدى مره تانيه لدار العراب. تهكمت سلسبيل ضاحكه:لأ الطلبات كتير المره دى،وده مين اللى هيوافق عليها،أنا ولا بابا اللى إتهمته. رد قماح بثقه:لو أنتى وافقتى على الرجوع لدار العراب عمى هيوافق ومش هيمانع القرار ليكى. ردت سلسبيل:أنا بكرهك يا قماح فى حياتى مشوفتش شخص عنده غرور وعنجهيه قدك،مفكر أنك تقدر تمشى غيرك على مزاجك،بفرض أوامرك عليه. رد قماح الذى شعر بغصه من قول سلسبيل أنها تكرهه: القرار فى إيدك يا سلسبيل،تراجعك عن الطلاق ورجوعكم البيت من تانى قصاد إنى أسحب إتهامى لعمى. ردت سلسبيل: وهتعيش بالغصب مع واحده بتكرهك رد قماح ببرود عكس نار قلبه: عادى مقدرتش أعيش قبل كده مع اللى حبونى وكانوا يتمنوا منى بس كلمة حب. ردت سلسبيل: لسه عند رأيي فيك إنت إنسان مريض ومحتاج علاج نفسى. تبسم قماح بصمت أغاظ سلسبيل التى قالت بإستسلام خادع: تمام يا قماح، هتراجع عن طلب الطلاق وهنرجع من تانى لدار العراب، بس متحملش إنك تفرض عليا أى حاجه بعد كده، وأول حاجه أنى هشتغل زى ما كنت عاوزه،ومش هتقدر ترفض تانى ، وجوازنا هيستمر فقط منظر مش أكتر، إنت كده كده كرهتنى فى الرجاله، وأهو إسمى قدام الناس إنى متجوزه من قماح العراب، مش هيضرنى فى حاجه. قالت سلسبيل هذا وغادرت الغرفه تصفع خلفها الباب بقوه، بينما قماح رغم شعوره بالآلم مما قالته سلسبيل لكن قال: أهلاً بحفيدة وخليفة الحجه هدايه عن حق. ...... ـــــــــــــــــــــــــــــــــــــ بالكافيه المملوك لـ كارم. تبسم النبوى له بعد أن أخبره عن تحسن حالة قماح. تبسم كارم يقول: الحمد لله عدت على خير، أنا مقولتش لـ همس على إن عمى ساب دار العراب، ولا حتى إن قماح خد رصاصه فى صدره، قولت بلاش لحالتها تسوء أكتر وتفكر أن ظهور برائتها السبب. تبسم النبوى: كويس إنك مقولتلهاش همس فى حالتها دى محتاجه أخبار كويسه تشجعها تعدى المرحله دى، ها قولتلى إنك أقنعتها أنك تسافر معاها، يا ترى قررتم هتسافروا فين؟ رد كارم: دبى، تواصلت عالنت مع سمسار بيشتغل فى مجال العقارات وطلبت منه يشوفلى شقه وكمان هناك فى كافيهات ومطاعم قولت له يشوفلى كافيه أو مطعم صغير كده هناك أشتريه وأشتغل فيه. تبسم النبوى يقول: طب كويس وقالك ده يخلص فى قد أيه. رد كارم: السمسار قالى فى خلال شهر بالكتير، وده اللى خلانى أستعجل، لازم قبل ما نسافر أنا وهمس نكتب كتابنا هنا، وتسافر على إنها مراتي. تبسم النبوى يقول: دى سهله إبدأ إعمل فحوصات الجواز ومتلش هم المأذون ولا ولى العروسه ولا الشهود. رد كارم: أنا مش شايل هم ده كله، أنا اللى شايل همه هو همس نفسها، خايف تتراجع، همس كل شويه بقرار، غير عندها فوبيا لو راجل قرب منها حتى بدون قصد مفيش غيرك إنت الوحيد اللى بتثق فيه. رد النبوى: وده دورك دلوقتي، همس بعد ما فاقت من الغيبوبه خافت منى أنا كمان، بس مع الوقت قدرت أحول خوفها ده وأقرب منها لحد ما رجعت تثق فيا من تانى. ...... ﷽ السادس عشر ــــــــــــــــــــــ بدار العراب. تفاجئت قدريه من دخول هدايه على العاملات بالمطبخ قائله: واحده منيكم تطلع عالسطح تدبح ديكين بلدى، وتسويهم جوى. نهضت قدريه التى كانت تجلس بين الخادمات تتأمر عليهن رسمت الحُزن وهى تنظر لـ هدايه قائله: إزي قماح النهارده،أنا كنت هاجى إمبارح أطمن عليه،بس النبوى قالى أنه الحمد لله فاق بس الدكتور مانع الزياره. ردت هدايه بنزق:آه نحمد ربنا قماج جوى وربنا نجاه وإنشاء الله بكره ولا بعده بالكتير هيخرج من المستشفى،مالوش لازمه زيارتك... قالت هدايه هذا ونظرت للخادمات،وقالت لهن:زى ما جولت واحده تطلع تنقى ديكين بلدى وتدبحهم وتسويهم وأنا هروح مجعدى ولما ناصر بيه ومرته ووالبنات يرجعوا جولى لـ ناصر بيه يجينى المجعد. قالت هدايه هذا وغادرت تاركه تلك الحقوده متعجبه تقول لنفسها،وليه عقربه،طالما جالت إكده ييجى ناصر راچع من تانى،كيف جدرت تخليه يرجع تانى كان نفسى دار العراب تتهد على دماغك .... ـــــــــــــــــــــــــــــــــــــــــــــــــــــــــــــــ بالفندق عادت سلسبيل حين دخلت الى الغرفه وجدت هدى ووالداتها جالستان تخدثت نهله: سلسبيل خرجتى فين ناسيه كلام الدكتوره إنك لازم ترتاحى. ردت سلسبيل: أنا كنت بتمشى شويه إنتى عارفه إنى مش بحب الرقده فى السرير. تنهدت هدى قائله: طب ليه مقولتيش ليا كنا إتمشينا سوا. ردت سلسبيل: كنت محتاجه أتمشى لوحدى،ودلوقتى سيبونى لوحدى أنا حاسه بشوية إرهاق، محتاجه أنام هترتاح شويه على بابا ما يرجع . مساءً رغم أن سلسبيل لم تنام وظل فكرها مشغول تشعر بمقت من ذالك الزواج كانت تريد إنهاؤه هى تشعر كآنها مُقيده بأغلال قويه حتى حين حاولت فك تلك القيود لجمها قماح بإتهامه لوالدها بأنه هو من قام بإطلاق الرصاصه عليه،تعلم أنها تستطيع الأدلاء بأقوالها وتعارضما قاله قماح،لكن قماح قادر على الثأثيرفى الآخرين وجعلهم يمتثلوا لقوله،حتى جدتها هو قادر على إقناعها بسهوله،ليس أمامها إختيار آخر الآن،عليها الإمتثال لطلب قماح والعوده لـ دار العراب وتكملة هذا الزواج،لكن ليس كما يريد هو بفرض هيمنته عليها،إنتهى ذالك،الآن هى من ستتحكم بحياتها معه،عليها التفكير فقط فى شيئين هما ذالك الجنين الذى ينموا برحِمها ومستقبلها التى سبق ورسمته لكن زواجها من قماح آجل الخطوه الأولى وهى أن تعمل،وسيحدث ذالك،قماح هو من بدأ بالإبتزاز والتجبُر وما ستفعله هو رد فعل. فاقت سلسبيل فى شرودها حين دخلت هدى للغرفه قائله: سلسبيل إنتى صاحيه؟ إعتدلت سلسبيل على الفراش قائله:أيوا صحيت من شويه،بابا رجع،ولا لسه؟ ردت هدى:رجع من شويه وقال كويس إننا لسه مطلعناش هدومنا من الشنط،الأستراحه اللى قال عليها جهزت. نهضت سلسبيل وقالت:بس إحنا هنرجع دار العراب من تانى. تعجبت هدى من قول سلسبيل وقبل أن تسألها كانت خرجت من الغرفه وذهبت الى الغرفه الأخرى،دخلت بعد ان طرقت الباب وخلفها هدى...المتعجبه من قول سلسبيل. تبسم ناصر لها وقال بحنان: ماما جالتلى إنك كنتى حاسه بشوية إرهاق نايمه وهدى كانت جايه ليكى تصحكى،إزيك دلوق،عارف إنك مش مرتاحه فى نومة الأوتيلات دى،الاستراحه خلاص العمال نضفوها وبجت چاهزه خلونا ننزل تتعشى فى مطعم الاوتيل وبعدها نروح للإستراحه أهى تلمنا على ما أشوف لينا بيت مناسب. ردت سلسبيل:بس إحنا عندنا بيت مناسب يبقى ليه نسيبه ونعيش فى الأستراحه. لم يفهم ناصر ولا نهله فحوى حديث سلسبيل،الأ عندما قالت هدى: سلسبيل قصدها إننا هنرجع دار العراب من تانى. تعجبت ونهله وكذالك ناصر الذى قال:مش فاهم قصدكم وضحوا شويه. ردت سلسبيل:دار العراب هو بيتنا يا بابا،ولازم نرجع له تانى،حضرتك لك فيه زى عمى النبوى بالتمام،يبقى ليه نسيب بيتنا ونعيش فى الأستراحه،وكمان هناك هنلاقى راحتنا أكتر من الأستراحه...وكمان جدتى هدايه وحشتنى. رغم تعجب ناصر من تغير سلسبيل لقرارها بترك دار العراب لكن داخله سعيد،فحقاً إستوحش والداته،ربما كان تسرُع منه حين إستجاب لطلب سلسبيل بترك دار العراب،لكن حالتها كانت لا تسمح بالمجادله أو الرفض منه،هو طاوعها رغم عدم إقتناعه،لكن أراد أن ترتاح نفسياً بعد ما حدث. بينما نهله قالت:مش كان طلبك نسيب دار العراب. قاطعتها سلسبيل:كنت مضايقه،بس خلاص بقيت كويسه ودارنا أولى بينا سواء من الاوتيل او حتى الاستراحه اللى بابا بيقول عليها... خلونا نرجع لدارنا من تانى رد ناصر:فعلاً دار العراب دارنا،بس ليه غيرتى رأيك فجأه كده. ردت سلسبيل:مفيش،بس فكرت وعقلى هدانى إنى أنا أتسرعت لما طلبت الطلاق من قماح كان وقت غضب منى،وكمان مكنش لازم نسيب دارنا لأى سبب،كفايه أسئله وخلينا نرجع لدارنا من تانى يا بابا. تبسم ناصر وإقترب من سلسبيل وضمها قائلاً: نرجع دارنا يا سلسبيل تأكدى أنا دايماً هكون سندك فى أى قرار تاخديه. تبسمت له سلسبيل وقالت:ليه المحامى كان عاوزك تروح له القسم الصبح. رد ناصر بصدق:كانوا عاوزين يقفلوا المحضر بسبب إن السلاح اللى إنضرب من الرصاصه اللى جت فى قماح منه. رغم أن سلسبيل لم تصدق ذالك لكن قالت:كانوا عاوزينك عشان كده بس؟ رد ناصر بتعجب:وهيكونوا عاوزينى فى أيه تانى،قفلت أنا والمحامى المحضر،وبعدها روحت المستشفى إطمنت على قماح وكنت فى المقر بباشر شوية أعمال،ولما العمال اللى أمرتهم بتنضيف الاستراحه جالولى إنها بجت چاهزه چيت عشان أخدكم،بس أها إنتى عاوزه نرچع دار العراب خلينا نرچع من تانى لدارنا. بداخل سلسبيل شك فى قول والداها،هو يُخفى عليها مساومة قماح وإتهامه له بمحاولة قت.له كى لا يُزيد فى مقتها له لكن لا بأس علبهم العوده الى دار العراب .... ـــــــــــــــــــــــــــــــــــــــــــــــــــــــــــــــ بعد وقت كانت صدمه بالنسبه لـ زهرت و رباح حين دخل ناصر وخلفه نهله وبنتيه، الى المنزل. تحدثت لهم إحدى الخدمات بترحيب: ناصر بيه الدار نورت برحوع أهلها عجبال قماح بيه يرجع بالسلامه يارب، الست هدايه كانت جايلالى لما ناصر بيه يرچع خليه يچيلى مجعدى. تبسم ناصر يقول: الحجه هدايه قلبها دليلها، هروح لها. بالفعل ذهب ناصر الى غرفة هدايه دخل ناصر نهضت هدايه من على سجادة الصلاه تنظر له وهو يقول: حرامً ياأمى لكن صفعه...عناق...نظرات لوم وعتاب... صفعه قويه... على وجه ناصر من هدايه جعلته ينظر لـ هدايه بذهول. عناق...جذبت هدايه ناصر تُعانقه بقوه نظرة عتاب من ناصر لـ هدايه وقال:أول مره فى حياتى تمد إيدك عليا. نظرة لوم من هدايه لـ ناصر وقالت له:عشان متفكرش إنك كبرت عليا وتعمل حاجه من غير سبب وتمشى وراء عيله صغيره،وتسيب داري وتبعد عنى من غير ما تفكر فى حالى من بُعدك. تحدث ناصر:أيه اللى عملته من غير سبب قصدك إنى أخدت مراتى وبناتى وسيبت الدار عشان سلسبيل لو كنت عارضتها يمكن كانت نفسيتها تعبت أكتر وحصلها حاجه هى أو الجنين اللى فى بطنها. ردت هدايه:أيوه،بدل ما كنت تعقلها بطاوعها على خراب عشها. تبسم ناصر بتهكم قائلاً:خراب عِشها،فين عِشها ده يا أمى،قماح مقدمش لـ سلسبيل غير الوجع سواء كان فى المعامله أو المعايره كمان،كنت مفكر إنه هيصون بنتى ويحتويها بس كنت غلطان،خلانى أحس عملت ذنب كبير لما مسمعتش لرأى سلسبيل من الأول. ردت هدايه:المجوزين ياما بيحصل بينهم يا ناصر،سلسبيل مش سهله وعندها جُدره(قُدره) جواها تجدر على جبروت وبرود قماح،وتحولهم بس هى اللى غالب عليها شعورها إنها إتغصبت على جوازها من قماح. رد ناصر بتبرير:مش سلسبيل اللى غلطانه يا أمى معاملة قماح معطاش لها فرصه تقرب منه،عالدوام معارض حتى إنها تشتغل بدون ما يقول سبب مقنع،قماح كمان كان يقدر يكسب سلسبيل بالراحه واللين مش بالآمر والعنف،ناسى إنها حفيده الحچه هدايه تبسمت هدايه قائله:يبجى ندى لهم فرصه تانيه ونبدأ من چديد،مش نجطع الوصل بينهم وتطاوع بتك وتسيب دارها،تشمت قدريه وزهرت فيها،حفيدة الحجه هدايه لازمن تكون صلبه ومتكسرش بسهوله. بينما بخارج غرفة هدايه آتت قدريه هى الاخرى ليست متعجبه من رجوع ناصر وزوجته وبنتيه،صدقت هدايه حين قالت فى وقت سابق أنهم سيعودوا قبل نهاية الليله وها هم عادوا بالفعل لبتهم كانوا سُحقوا قبل العوده لهنا،لكن رسمت بسمة الأفعى وقالت بعتاب جائر وهى تنظر لـ سلسبيل: أنا زعلانه منك يا سلسبيل،يعنى كده من أول خلاف بينك وبين قماح،تطلبى الطلاق،لأ ومش بعد اللى حصل وكنتى هتم,وتى قماح لولا ربنا نجاه كنتى تعقلى كده لأ تسيبى الدار. ردت سلسبيل:كانت غلطه وخلاص أهو أدينى رجعت تانى لدار العراب وندمت إنى إتسرعت فى طلب الطلاق وعلى قولك مش من أول خلاف بينى انا وقماح أطلب الطلاق وأسيب دار بابا قبل بيتى،وانا محستش براحه بره دار العراب،هطلع شقة بابا أرتاح يلا ياهدى نطلع. رغم شعور زهرت بالبغض من سلسبيل،لكن قالت: مش تستنوا نتعشى سوا،إنتى دلوقتي بتاكلى لاتنين،لتوقعى من طولك تاني. رد رباح ساخراً:لأ سلسبيل لما وقعت من طولها مكنش بسبب الجوع،كانت خايفه على قماح. ردت سلسبيل عليه:فعلاً كنت خايفه على قماح مش جوزى وأبو الجنين اللى فى بطنى،غير قبل ده كله إبن عمى زيك بالتمام،يعني قماح يبقى أخوك حتى لو مش شُققه أب وأم واحده،بس فى النهايه قماح يبقى أخوك ومن دمك،يلا يا ماما يلا يا هدى نطلع ووبابا يبقى يحصلنا. تبسمن لها نهله وهدى وصعدن معها الى شقة والداها لكن قبل أن يغلقن الباب خلفهن تفاجئن بإحدى الخادمات تحمل صنية طعام قائله: الوكل ده الحجه هدايه أمرت بيه يجهز عشان الست سلسبيل ترُم عضمها وتتقاوت بيه هى واللى فى حشاها ربنا يكملها وتجوم بالسلامه بحچرها ملان ويكون صبى بأذن الله. أخذت نهله منها الصنيه قائله:صبي أو بنيه المهم الخلقه التامه ويچى بالسلامه،تسلمى. دخلت نهله بالصنيه ووضعتها على السفره قائله:يلا تعالوا يا بنات نتعشى، كادت سلسبيل أن تعترض لولا دخول ناصر قائلاً: أنا طول اليوم مدوقتش الذات ولو مأكلتيش هبات جعان،يلا أنا شامم ريحة الوكل وجوعت أكتر،واضح من ريحة الأكل إنها فراخ بلدى من اللى بتربيهم الحجه هدايه ودول مبيطلعوش غير للغالين،ومين أغلى عليها من نبع المايه الصافى. تبسمت له سلسبيل الحائره،كانت تعتقد أنها أنهت تلك المرحله بحياتها،بعد أن تركت الدار بالأمس ها هى تعود مره أخرى لها ......ــــــــــــــــــــــــــــــــــــــــــــــــــــــ بعد قليل غفت عيون سلسبيل لترى بغفوتها طفله صغيره تحبِي على يديها وساقيها تتجه نحو وقوفها جثت سلسبيل على ساقيها تفتح ذراعيها لتلك الطفله الصغيره تنظر إقترابها منها وتأخذها بين يديها تضمها لقلبها، إنتظرت أن تقترب منها، حتى أصبحت أمامها، لكن الطفله لم تتجه إليها بل مرت من جوارها وتركتها تنظر فى أثرها، رأتها تتجه الى مكان مُظلم لكن فجأه حين أقتربت الطفله من المكان هنالك من أنار الضوء نظرت سلسبيل لمن أنار الضوء تفاجئت من ذالك الواقف يبتسم للطفله المُقبله عليه وجثى هو الآخر لها يستقبلها بين يديه، لكن رأت إمرأه أخرى خلف قماح الذى نهض يحمل الطفله، مدت المرأه يدها للطفله تريد إقتناصها من بين يدي قماح، لكن الطفله مانعت وتمسكت بـ قماح،كذالك قماح تمسك بالطفله، وإبتعد عن تلك المرأه وإقترب من مكان جثوها، ومد إحدى يديه لها كى تنهض، نظرت سلسبيل للطفله ثم ليد قماح دون شعور منها وضعت يدها بيد قماح ونهضت تنظر للطفله، التى تُجلجل ضحكتها البريئه فى المكان، تبسمت سلسبيل بتوق لحمل تلك الطفله، فوجئت بقماح يُعطيها لها ببسمه. أخذت سلسبيل منه الطفله وضمتها تستنشق عطرها البرئ تقبل وجنتيها بشوق. فجأه إستيقظت سلسبيل دون سبب فتحت عينيها تتذكر ذالك الحلم، سأل عقلها من تلك الطفله التى كانت بالحلم، ولما حَلمت بها الآن، أتكون حامل فى فتاه، لا ليس هذا تفسير تلك الرؤيه تذكرت حين سمعت جدتها ذات مره تقول البنت فى الحلم.. دنيا جديده تسأل عقل سلسبيل هل بعودتك لـ دار العراب ينتظرك مع قماح دنيا جديده. ..... ـــــــــــــــــــــــــــــــــــــــــــــــــــــــــــــــ بشقة رباح الغل والحقد ليس فقط فى قلب زهرت بل رباح أيضًا جلس على الفراش يضع رأسهُ بين يديه يُدلكها بأصابعه عل هذا الصداع يذهب عنه. صعدت زهرت على الفراش وجلست خلفه تُدلك له كتفهُ بدلال قائله: مالك يا حبيبى هو الصداع رجعلك تانى ولا أيه مش كان خف شويه. رد رباح المستمتع بتدليك زهرت لكتفيه: مش عارف ليه رجع تانى وبقى أقوى، حتى علبة الحبوب اللى جيبتيها لى قربت تخلص. ردت زهرت: ليه بسرعه كده، إنت عارف الدوا ده مستورد وغالى، وياريته غالى بس ده شاحح فى الصيدليات، أنا دوخت على ما صاحبتى دبرت لى العلبه دى واللى طلبته أديته لها قولت صحتك عندى أغلى. جذب رباح إحدى يدي زهرت من على كتفه وقبلها قائلاً: حبيبتي ربنا يخليكي ليا. تبسمت زهرت بنشوه قائله: ويخليك ليا، أنا عارفه سبب الصداع ده دلوقتي أيه، أكيد زعلان إن قماح وسلسبيل هيخلفوا قبلنا، قالت زهرت هذا ورسمت التآثر والدموع الكاذبه والخداع الذى يقع فيهم رباح بسهوله قائله: والله كنت بمو,ت وقولت للدكتوره حياته هو أهم منى، كفايه أنه حته منك كانت بتنبض جوايا. إستدار رباح لها وضمها قائلاً: أنتى عندى أهم من أى حاجه تانيه فى الدنيا حتى لو عشت من غير ولاد عمرى كله. تبسمت زهرت بنصر وهى تحتضن رباح قائله:لأ الدكتوره قالتلى إنى كويسه والإجهاض مأثرش علي الرحم وممكن بسهوله أحبل تانى،نفسى فى ولد يكون بحنيتك عليا. شعر رباح بغشاوه تجتاح عيناه حاول مقاومتها هى وذالك الالم الذى يشتد مع الوقت، تراخت رأسهُ على كتف زهرت التى شعرت بذالك وتبسمت قائله: شكلك الصداع تاعبك، خلينى أجيبلك حبايه من الدوا، خدها ونام هتصحى كويس، أكيد ده بسبب إرهاقك فى الشغل، قماح إتصاب فى وقت هجمة الشغل فى الشون، والشغل مله بقى مرمى عليك، بس إياكش بعد ده كله يقدروا تعبك شويه. رغم آلم رأس رباح لكن إمتثل لقولها، شعر بضعف حين تسحبت من بين يديه،وكاد يسقط برأسه على الفراش لكن تماسك بوهن يغتاظ من ذالك الصداع.. عادت زهرت له بذالك الدواء وأعطت له حبتين قائله:خدلك قرصين أهم يساعدوك على الراحه بسرعه بالفعل أخذ منها الحبتين وإبتلعهما دون رشفة مياه وإرتمى بجسده يتمدد فوق الفراش مُغمض العينين . تبسمت زهرت بداخلها،رباح الآن طوع يدها لو طلبت منه أى شئ سيفعله،وبالفعل قالت له: رباح إنت نمت ولا أيه؟ رد رباح:لأ بس حاسس بدوخه من الصداع،دلوقتي يروح. تبسمت زهرت وقالت:كنت عاوزه أطلب منك طلب بس شكلك تعبان خليه لبعدين أهم حاجه ربنا يشفيك من الصداع ده. رد رباح:أطلبى يا زهرتى. تبسمت زهرت وقالت:أنت عارف إن بابا عيان بصدره وكنت حاجزه له عند دكتور صدر شاطر وكنت هاخده ونروح له،بس الحجه هدايه منعتنى من الخروج من الدار بعد كده غير بإذنها وأنت عارفنى مش بحب المشاكل،بس هى مش بتشطر غير عليا وأهو أنت شايف بعنيك،عمك ومراته وبناته،إمبارح سابوا الدار والليله رجعوا تانى بمزاجهم،لازم يكون لك كلمه قدامها،أنا مراتك إنت وإنت اللى تحكم عليا مش هى . رد رباح: تمام يا روحى بعد كده لما تحبى تخرجى وهى رفضت إتصلى عليا. تبسمت زهرت بظفر قائله:وانا كنت هخرج أروح فين،كنت هتفسح ولا هعمل شوبينج،أنا كنت هاخد بابا المريض للدكتور يمكن يجعل الشفا على إيده،وكمان فى حاجه كنت عاوزه أطلبها منك بس مكسوفه. رد رباح بأستفسار :مفيش بينا كسوف وقولى عاوزه أيه. ردت زهرت:كنت عاوزه مبلغ كده لزوم علاج بابا بفكر أدخله مستشفى خاصه يهتموا شويه بعلاجه،انت عارف حالته الماديه،وحماد مش مخلى عن يدهُ،كل مرتبه ضايع على علاح بابا. رد رباح:وده سبب لكسوفك،قد أيه المبلغ اللى عاوزاه عشان المستشفى دى. ردت زهرت:معرفش لسه،أنا قولت أقولك قبل ما أدخله للمستشفى. رد رباح:بسيطه هكتبلك شيك بمبلغ حطيه فى حسابات المستشفى وإن أحتاجتى أكتر متنكسفيش تطلبى منى حاجه،فى النهايه باباكى جوز عمتي. تبسمت زهرت وآتت بدفتر الشيكات الخاص بـ رباح وأعطته له قائله:بلاش تفقط المبلغ سيبه مفتوح أمضى بس عالشيك،وكمان الورقه دى إيصال ضمان أنا جيبته من المستشفى إن بابا يدخل المستشفى على حسابك الخاص. بالفعل قام رباح بالأمضاء على الشيك كذالك الإيصال دون حتى قرأة محتواه،وبعد ذالك شعر بنُعاس إستسلم له قصراً بينما تبسمت زهرت بظفر وقالت بفحيح: الشيك ده و وصل الأمانه اللى مضيت عليهم،بكده أبقى ضمنت أطلع من عيلة العراب بمبلغ محترم يقهرهم. ...... ــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــ بعد مرور أسبوع. بمنزل.. نظيم صباحً تبسمت والداته تقرأ الماعوذتين من ثم قالت: النهارده أول يوم فى الدراسه،كل سنه وأنت طيب. تبسم نظيم يقول: وأنتى طيبه يا ماما، أمال فين لدوغه، مش هتروح الجامعه ولا أيه. ردت التى آتت من خلفه قائله: ولا أيه، طبعاً النهارده أول يوم فى العوده للجامعه لازمن أروح أقابل أصحابى. تبسم نظيم قائلاً بتريقه: أثحابى، مش عارف ليه يارب يوم ما رزقتنى بأخت طلعت لدغه،معظم اللى بيبقوا عندهم لدغه بتبقى فى حرف الراء إنما إنتى لدغه فى حرف السين والصاد. ردت سميحه بتفاخر: عشان تعرف إنى متميزه حتى فى اللدغه، بالك العظماء هما اللى عندهم اللدغه بتاعتى، عندك محمد عبد الوهاب كان ألدغ زيي كده، هما المبدعين كده لازم يكون عندهم شئ يتميزوا بيه. ضحكت والداتها قائله: المبدعين والمتميزين دول إنتى مش منهم، أنتى فاشله بإمتياز، ونصابه. ضحك نظيم قائلاً: الست إستير جابت طقم الفخار اللى انتى بيعتيه لها كله مشرخ، وبيشر ميه، يا بنتى أنتى طالما هاويه صناعة فخار روحى أى مركز تعليمى. ردت فتحتيه: يا بنى هى مش هاويه ولا عندها حتى موهبه، هى عاوزه تنصب عالناس فى فلوس وخلاص، وإستير الغلبانه الوحيده اللى كل مره توقع فى فخها وتشترى منها، بالك اللى بيشتري منها مره مش بيشترى تاني، مفيش غير استير، معرفش زى ما يكون ساحره لها. تبسم نظيم يقول: لأ مش ساحره لها ياماما، إستير بتخاف منها، خايفه تبلغ عنها أنها حفيدة إستير بولانسكى اليهوديه اللى كانت فى مسلسل رأفت الهجان. ضحكت سميحه قائله: فعلاً، هى إسمها إستير بولس ناقص لانسكى، أنا مش عارفه أيه الناقص بصراحه، بحاول أطور من نفسى، هو العيب عندى فى الفينشج. ضحكت فتحيه قائله: العيب من البدايه مش فى الفنشينج زى ما بتقولى، أنتى بسبب الفخار ده طفشتى برج الحمام اللى كان عندنا. ردت سميحه: كل همك الحمام، ما هو اللى طفس وكان بينقر فى الفُخاريات اللى بصنعها، يعنى أقول للزباين أيه فازه بمنقار الحمام، وبعدين إحمدى ربنا إن الحمام طفش أصلاً، ربنا رايد متاكليش شئ من حرام. ضحك نظيم يقول: وأيه هو الحرام ده بقى يا لدوغه. ردت سميحه بثقه: مش الحمام بياكل من الغيطان وكمان بياكل من عالاسطح بتاعة الناس،ده مش سرقه. عقل نظيم حديث سميحه فى رأسه وقال: تصدقى ياماما صح كلام لدوغه، أنا لما كنت بشتغل فى الشونه، كنت أوقات بصفر أطير الحمام والعصافير، ربنا يعوض عليكى، يا ماما. ضحكت فتحيه قائله: يارب، يلا أقعدوا ا أفطروا، قبل الأكل ما يبرد، وبعدها توكلوا على الله. تبسموا لها وجلسوا أرضاً، حول منضده صغيره يتناولون طعام الفطور، بمشاغبه بين نظيم وسميحه... وبسمة فتحيه عليهم. بعد قليل نهض نظيم يقول: الحمد لله شبعت، ألحق بقى أروح الجامعه عندى المحاضره الأولى، أدعيلى ياماما. قال هذا وإنحنى يُقبل رأس فتحيه. نهضت سميحه هى الاخرى تتحدث والطعام بفمها، وأنا كمان خدنى فى سكتك وصلنى لجامعتى، حتى أتفشخر قدام صحابى إن أخويا عنده عربيه،وكمان أذل الواد كيرلوس اللى مفكر الموتوسيكل بتاعه ده طياره نفاثه . تبسمت فتحيه قائله: طب إبلعى الاكل الاول وبعدها إبقى أتكلمى، وماله موتوسيكل كيرلوس مش كتر خيره أوقات لما كنتى بتتأخرى فى الجامعه بتتصلى عليه يجى ياخدك، عمرهُ أتأخر عنك. ردت سميحه: أنا ندله، وقررت أتغر وأتكبر عليه، بعربية نظيم، وبعدين خليه هو فى مذاكرته السنه دى عنده شهاده، وبعدين كفايه رافض،يأسلم زى عمر الشريف عشان يتجوزنى،وبيقول مش عاوز لدوغه. ضحك نظيم قائلاً: يعنى العيب فى اللدغه، بسيطه نقطع الحته الزايده فى لسانك، يمكن يرضى. ردت فتحيه: والله لو قطعت لسانها كله هتفضل لدغه وكفايه رغى، يا نظيم دى ما بتصدق حد يسحبها للرغى، هتتأخر، وأنتى خدى العيش بتاع إستير معاكى فوتيه على نسيم فى البقاله. تبسم نظيم يقول: العيش البنى بتاع إستير، والله إستير دى هتدخل الجنه بسبب مقالبك فيها، زمانها بتقول كان يوم أسود يوم ما ولدت ماما فيكى. تبسمت فتحيه تقول: لأ دى بتحبها جوى. تبسمت سميحه بدلال قائله: أنا لذيذه وأتحب أصلاً. تبسم نظيم يقول: أحب أنا البنات الواثقه فى نفسها دى، يلا يا لدوغتى الصغيره، عشان الوقت، بلاش أتأخر كده أول يوم دراسه. غادر الإثنان وتركا فتحيه تنظر فى أثرهما مبتسمه تنهدت براحه، هذان الإثنان تعبا مثلها لاتنسى هذه الصغيره التى كانت تحبي وقت وفاة والدها هاهى الآن كبرت وأصبحت شابه، مرحه حقًا ليست متفوقه بالدراسه لكن لديها هدف بحياتها تُريد بناء شخصيه خاصه بها. ......... ــــــــــــــــــــــــــــــــــــــــــــــــــــــ أمام تلك البقاله مثل كل يوم منذ أسبوع يأتى صباحً يتمنى أن يُصادفه الحظ ويراها مره أخرى، يُفكر أن يذهب يسأل عليها ذالك البائع، لكن كان يتراجع بآخر لحظه، فماذا سيقول له، إذا سأله لماذا تسأل عنها، لكن ربما يرأف لحاله القدر اليوم ها هى تنزل من تلك السياره تحمل بيدها شنطه منزليه متوسطه وتدخل الى محل البقاله، مبتسمه لم تنتظر كثيراً بسبب زامور تلك السياره التى ترجلت منها قبل دقيقه يبدوا أنه يقوم بإستعجالها، بالفعل عادت لكن كادت أن تصتدم بتلك الدراجه الناريه، لكن تفادها سائق تلك الدراجه مبتسمًا نظرت له سميحه قائله: جرى أيه يا كيرلوس جواز ومش عاوز تحوزنى ورضينا بيها لكن كمان عاوز تخبطنى بالموتوسيكل بتاعك وأبقى مكسحه وتوقف حالى. تبسم كيرلوس لها قائلاً: صباح الخير يا لدوغه كويس إنى قابلتك ماما باعته ليكى السندوتشات دى وبتقولك فين العيش البنى مش خبزتوا إمبارح؟ ردت سميحه: العيش مع عم نسيم وهات السندوتشات، بس أيه إنت مش رايح المدرسه ولا أيه. رد كيرلوس: مدرسة ايه أنا فى ثانويه عامه، بناخدها دلوقتي من منازلهم مش بنروح المدرسه الأ مرتين،مره نكتب الأستمارات،وأيام والامتحانات، أدعيلى من قلبك، نفسى أبقى زى نظيم وأدخل حاسبات ومعلومات وأبقى مُبرمج وأخترق الشبكات العالميه. تبسمت سميحه: ربنا يحققلك أملك هات السندوتشات وخلينى أروح لـ نظيم قبل ما يسيبنى وامشى ووقتها نفيش غيرك توصلنى. تبسم كيرلوس: لأ بالسلامه يا لدوغه. تبسمت له وعادت الى سيارة نظيم. بينما محمد تعجب هذا كيرلوس التى تحدثت عنه، أنه فتى صبى يبدوا بوضوح بالكاد أكمل السادسه عشر من عمره، لكن هى قالت عنه أبو عيون إزاز، عيناه عاديه لكن يرتدى نظارات نظر، فهم قصدها العيون الزجاج هى تلك النظارات، تبسم محمد فتلك اللدغه تبدوا عِشريه وتحب المرح... لكن من الذى ركبت معه السياره، لم يُفكر كثيراً وسار خلف السياره يرى الى أين تذهب، توقفت السياره أمام إحدى الجامعات ترجلت سميحه من السياره وألقت قُبله فى الهواء لمن كان معها بالسياره، شعر محمد بإنزعاج من ذالك أيكون لديها حبيب، او خطيب... سأل محمد نفسه: لماذا إنزعجت من ذالك، أنت رأيتها مره واحده فقط وأثرت على عقلك أصبحت طوال الاسبوع المنصرم تأتى الى ذالك المكان يوميًا تنتظر رؤيتها، أليست هذه حماقه منك.... جاوب عقله: بل هذا قمة الحماقه، عليك الأنتباه لنفسك قبل أن تسير بطريق لا تعلم بدايته من نهايته. ...... ـــــــــــــــــــــــــــــــــــــــــــــــــــــــــــــــ بجامعة هدى بأحد المدرجات كانت هدى تجلس جوار صديقتها فوق أحد المدرجات ظهرها لمقدمة المدرج، كانتا تتحدثان بمرح مع بعض زملائهم، يتحاورون عن ما فعلوه بالأجازه الصيفيه، وكيف قضوها بين مرح وعمل ولهو والبعض منهم فى أخذ بعض الدورات تساعده فى إتقان البرمجه، تنبهوا حين دخل ذالك المدرس الجديد وأعتدلوا فى أماكنهم، لكن هدى مازالت تعطى ظهرها له. تحدثت زميلتها لها بصدمه: هو بصى كده!.... إستدارت هدى واقفه تنظر أمامها إنصدمت هى الأخرى حين رأت نظيم، الذى وقع بصرهُ عليها تبسم بداخله لكن أخفى ذالك قائلاً: معاكم دكتور نظيم بهنسى، هكون معاكم إنشاء الله السنه دى، تقدروا تعتبرونى أخوكم الكبير وأى حد يوقف قدامه معلومه وعاوز لها تفسير أنا طبعاً مش بأدى أى معلومه ببلاش كله بتمنه. تبسموا له، بينما هو قال: طبعاً بهزر انا عارف إن نُظم الحاسوب والبرمجه بحر كبير،وأنا شخصياً فى بعض الداتا ممكن أكون مش مُتقنها أى طالب يوقف قدامه معلومه يقدر يسألني، ودلوقتي، خلونا فى المحاضره. بدأ نظيم فى شرح بعض النماذج لبعض نظم البرمجه، كان يشرح ببساطه تُشبه شرحه فى ذالك المركز التعليمى التى تذهب إليه، يبدوا أنه شخص لديه ضمير فيما يُقدمه للأخرين، قارنت بينه وبين بعض المدرسين الآخرين، والذى يكون إعتمادهم فى شرح الكورسات الخارجيه فقط بينما بالجامعه مجرد حضور روتينى لا أكثر، لفت ذالك إنتباهها، بعد وقت إنتهت المحاضره غادر نظيم المدرج، سمعت همس الفتيات عن ذالك الأستاذ الجديد وعن وسامته، وعن بساطته وتلقائيته، لكن سخرت هدى منهن قائله: فى أستاذ جامعه يجى للجامعه بترننج سوت فين وقار الأستاذ، والله أنكم تافهين... قالت هذا ونهضت تخرج من المدرج لديها شعور لا تعرف سبب لضيقها حين تحدثن الفتيات بإعجاب بـ نظيم وشخصيته البسيطه. سارت بين أروقة الجامعه دون إراده منها لا تعرف كيف توجهت الى غرفة أعضاء التدريس، وقفت بمدخل الغرفه جالت عيناها بالغرفه تبحث عن من، لا تعرف ما هذا الشعور هذه ليست أول مره ترى نظيم لكن اول مره تسمع مدح الفتيات به، او ربما ليست أول مره سابقاً صديقتها مدحت بوسامته وجاذبيته لكن كان هذا مُزاحً منها لا أكثر تفاجئت بمن خلفها يتحدث: لو سمحتى يا آنسه هدايه ممكن توسعى من على الباب عاوز أدخل للاوضه. تجنبت هدى له.. حتى دخل تحدث لها قائلاً: على فكره مواعيد الكورس هتتغير من أول الأسبوع الجاي، هتبقى مناسبه مع مواعيد المحاضرات. أمائت هدى رأسها صامته. تبسم نظيم يقول: بدورى على دكتور معين... هنا فى أوضة أعضاء التدريس،ولا دخلتى هنا بالغلط. تلبكت هدى وقالت: لأ مش بدور على حد معين ولا مربع، فعلاً دخلت هنا بالغلط. قالت هدى هذا وخرجت من الغرفه... بينما تبسم نظيم هامسًا، بنت العراب شكلها قويه. بينما هدى سارت تشعر بغيظ قائله: شخص بارد وأنتى يا هدى غبيه أيه اللى وداكى أوضة أعضاء التدريس، بقى أنا مش طيقاه فى الكورس اللى شهرين، إزاى هقدر أستحمله سنه بحالها، يارب يرفدوه. تبسمت لها صديقتها التى آتت لجوارها تلهث، روحتى فين يا هدى بعد ما خرجتى من المدرج، أنا لفيت مبنى الجامعه عليكى، ومالك مضايقه كده ليه، البنات بتهزر، بس بصراحه عندهم حق، معظم الدكاتره اللى درسوا لينا قبل كده كانوا بيبقوا كبار شويه فى السن، إنما نظيم قريب لينا فى السن وتفكيره كمان زينا بسيط ومش معقد زى الدكاتره التانين. نظرت لها هدى بإستهجان وقالت:واضح إن تفكيرك سطحى زى البقيه، أنا خلاص النهارده اول يوم فى الدراسه ومكنش فى غير محاضره واحده، همشى سلام. ...... ــــــــــــــــــــــــــــــــــــــــــــــــــــــ بدار العراب ليلاً بالصدفه تسمعت قدريه على حديث النبوى على الهاتف لم تستطيع تفسير شئ من حديثه سوى: أنا أتفقت مع المأذون على آخر الشهر ده نكتب الكتاب جهز أنت الأوراق المطلوبه بقى قبل الميعاد ده مش عاوزك تتأخر على الميعاد اللى إتفقت مع المأذون عليه ومتحملش هم الشهود كمان. قال النبوى هذا وأغلق الهاتف مبتسماً، بينما إشتعلت نيران بقلب قدريه،هل سيتزوج عليها مره ثانيه،بعد كل هذه السنوات يُعيد نفس فعلته القديمه وتُفاجئ به يدخل عليها بزوجه أخرى كما فعل بالماضى لكن لا لن تسمح بذالك مره ثانيه وستمنع تلك الزيجه لو إضطرت للقت.ل مره أخرى. .... ـــــــــــــــــــــــــــــــــــــــــــــــــــــــ بشقة سلسبيل. بغرفة النوم. شعر قماح النائم بيد سلسبيل التى وضعتها على جبهته ومسدت بين خُصلات شعره، فتح عيناه ونظر لها مبتسماً، ردت عليه ببسمه رقيقه إنت صاحى يا قماح. تبسم لها وجذبها عليه ونظر لشفتاها قائلاً: صحيت لما لمستى بإيدك شعرى، تعرفى إن ماما لما كنت ببقى عيان كانت بتنام جانبى وتعمل كده. تبسمت له سلسبيل برقه. جذبها قماح عليه ودون تفكير قبلها بهدوء وعشق، شعر بها تبادله القُبلات، جذبها أكثر عليه ونزع عنها ملابسها وبدأ فى تقبيلها يديه تسير على جسدها برفق شعر بسلسبيل تذوب معه فى الغرام. ....... ﷽ السابع عشر ــــــــــــــــــــــ بغرفة هدى كانت تجلس على الفراش ممده ساقيها وتضع عليهم، حاسوبها تقوم بتطبيق عملي بعض نُظم البرمجه التى سبق ودرسته بذالك الكورس، تذكرت ذالك الخطأ التى فعلته تلك المره جعل الحاسب التى كانت تعمل عليه أطلق إنذار خطأ، على ذكر هذا الخطأ تذكرت نظيم وعادت برأسها حديث زملائها وإعجابهن به سواء بشرحهُ البسيط أو وسامته ولباقته، لما شعرت بغيظ منهن، جاوب عقلها: أكيد بسبب عدم إستظرافك له. نهرت نفسها لما تفكر في هذا الغبي بالنسبه لها منذ أن رأته أول مره، بالمصعد، أغلقت الحاسوب وقالت لنفسها، شكلى بدل ما كنت هسهر أطبق عملى اللى أخدته سواء فى المحاضره او الكورس، هفكر فى الغبى نظيم اللى مفكر نفسه "محمود الخطيب" على الاقل محمود الخطيب بيلبس بدل رسميه مش زى الغبى ده اللى مفكر الجامعه نادى رياضى وجاي بترننج سوت. أنام أحسنلى وبكره بالنهار أبقى أطبق عملى. وضعت هدى الحاسوب على طاوله جوار الفراش وتمددت على الفراش،لكن هذا الأحمق سكن تفكيرها الى أن نعست بعد وقت ليس بالقصير. ... على الجهه الأخرى،كان نظيم بغرفة نومه نائم على فراشه يضع يديه أسفل رأسه يتنهد لكن فجأه آتت لخياله تلك صاحبة الوجه الضحوك،تنهد قائلاً:هدايه ناصر العراب تبسم حين تذكر ردها عليه فى الجامعه حين أحرجها،ونظرتها المذهوله حين رأته بالمدرج يعطى لهم المحاضره، لكن فجأه زالت بسمته ونهر نفسه قائلاً: فوق يا نظيم إنت مين وهى مين،مهما وصلت وبقيت دكتور جامعه،بس فى النهايه أنت نظيم بهنسى اللى كنت شغال عامل عند باباها،كمان هى واضح عندها شوية غرور بلاش تنجرف لطريق نهايته معروفه،إحنا مش فى زمن القصص الخياليه. ..... ـــــــــــــــــــــــــــــــــــــــــــــــــ بشقة سلسبيل لم يكُن ما يشعر به قماح حلم، كان حقيقه سلسبيل بين يديه يُقبلها يديه تدمغ جسدها لكن إنقلب كل ذالك بعد أن شعر برفض سلسبيل لتلك المشاعر التى تُسيطر عليه يود قُربها والفرار معها من ذالك الواقع الذى تفرضه عليه،شعر بنفورها وجمودها ليس هذا فقط بل دفعها له وقولها: كفايه يا قماح،إبعد عنى مبقتش قادره أتحمل لمسك ليا متنساش إنك لسه موجوع فى صدرك.. بلاش تخلينى أستغل وجيعتك وأبعدك عنى. رفع قماح جسده قليلاً من فوق سلسبيل ونظر لعينيها ورأى بهم نظره جديده، نظرة برود رفض وتحدى. تنحى عنها نائماً فوق الفراش، لملمت سلسبيل ثيابها ثم نهضت من على الفراش، ولم تنظر إليه وكادت تخرج من الغرفه لكن توقفت لثوانى تستمع لحديث قماح الجاف: مفكره بأسلوبك ده تمنُعك عنى إنى هطلقك، غلطانه يا سلسبيل، أنا ممكن مع الوقت أزهق ومش بعيد أتجوز عليكى لكن عمرى ما هطلقك يا بنت عمى. ضحكة سخريه من سلسبيل التى مازالت تعطيه ظهرها ثم قالت: ده اللى متوقعاه من البدايه يا إبن عمى، الصفه الوحيده اللى هتفضل بينا هى إننا ولاد عم وبس. رد قماح بغضب حاول الأ يُظهره: والجنين اللى بطنك ده مالوش صفه رابطه بينا...وليه كنتى بتهتمى بيا الأيام اللى فاتت؟ وضعت سلسبيل يدها على بطنها وردت وهى مازالت تُعطيه ظهرها:للآسف،بس ده لسه فى عِلم الغيب،ياعالم يكمل ويجى للحياه ولا أيه لسه اللى هيحصل،وسبق وقولتلك إهتمامى بيك إنسانيه فى الأول والآخر إنت إبن عمى، نسيت أقولك إنى إتفقت مع بابا إن طالما حالتك الصحيه إتحسنت من بكره هنزل أنضم للمحاسبين فى المقر بقولك للعلم فقط، تصبح على خير،يا إبن عمى. غادرت سلسبيل الغرفه وتركت قماح يشعر بغضب جم،سلسبيل أعلنت التحدى معه،فى نفس الوقت شعر بغصه من تبدلها هكذا حين إقترب منها،فهى طوال الأيام الماضيه تولت الإعتناء به،حقًا لم تكن تنام لجوارهُ على الفراش، لكن هو ظن أنها تفعل ذالك من أجل أن تُعطى لزواجهما فرصه أخرى، لكن يبدوا أنه مُخطئ فهى قالت أن ذالك إنسانيه وأنه إبن عمها كم يبغض تلك الكلمه حين تقولها . بينما سلسبيل ذهبت الى غرفة المعيشه،جلست على إحدى الأرائك،تشعر بنغزات فى قلبها وضعت يدها على بطنها،قماح قال ما صفة هذا الجنين الذى ينبت برحِمها،تعلم أنه حلقة وصل بينهم،رغم معاملة قماح السىيئه لها منذ بداية زواجهما،لكن ذالك الجنين الذى برحمها لم تستطيع أن تكره وجوده كان سهل عليها إجهاضه والتخلص من أى رابط يربطها بـ قماح ويظل الرابط الوحيد هو أنهم أبناء عم فقط،لكن لا تعلم لما حين عرفت بوجود هذا الجنين تضاربت مشاعرها بين الفرح والحزن،كانت تود أن يجدها هذا الجنين سعيده حين تشعر به وهو برحِمها،لكن هذا لم يحدث والسبب هو غطرسة وعنجهية وقبل ذالك عنف قماح معها. ..... ــــــــــــــــــــــــــــــــــــــــــــــــــــ قماح الذى بغرفته يسترجع ماضى طفل بالعاشره بدأ يرى قسوة من حوله، فلاشــــــــــ،،، بــــــــــاك. كآن الحياه حين تنقلب وتعطى وجهها السئ تزيد من القسوه. بعد وفاة والداته بعدة أشهر، كانت تهتم به هدايه وتراعيه فى تلك الفتره،كان يرى الفرحه والشمت فى عين قدريه،ونهرها له فى الخفاء لكن لم يكُن يبالى بذالك كان فى المقابل هدايه وجدهُ وكذالك النبوى،يُظهرون له المحبه،كذالك عِمه ناصر وزوجته لكن تبدل ذالك أيضًا،حين فوجئوا بدخول جدة قماح اليونانيه وبصُحبتها رجُل كهل،به ملامح من والداته الراحله،عرف أنه خاله هو رأى له صورًا سابقاً،وكان معهم مترجم خاص ورجل يبدوا من زيهُ دبلوماسى وبعض رجال الشرطه. تحدث أحد رجال الشرطه:معانا أمر بتسليم الطفل قماح النبوى العراب لــ جدته السيده "إليخاندرا مونتيس" بصفتها حاضنه له وده قرار من المحكمه اليونانيه أنها الأحق بحضانة طفل بنتها اللى توفت من عدة شهور. إنخض الجميع كيف حدث هذا وكيف حصلت تلك المرأه على حضانة قماح بتلك السهوله. رفض قماح ذالك وذهب الى حضن جدته هدايه التى ضمته وقال:لأ أنا عاوز أفضل هنا مع جدتى هدايه وبابا،كمان بنت عمى سلسبيل ماما كانت بتحبها،ماما مش كانت بتحب الست دى لا هى ولا الراجل اللى معاها ولا بتحب اليونان،ماما كانت بتحب هنا وأنا عاوز أعيش هنا. ذهب ذالك الكهل الذى كان معهم وقام بشد قماح قوياً من بين يدي هدايه،التى فلت منها قماح بصعوبه،وقامت بحذبه مره أخرى تحتضنه، تفوه ذالك الكهل ببعض الكلمات باليونانيه،ترجمها لهم المترجم قائلاً: هما معاهم أمر واجب التنفيذ بأخد الطفل قماح كونه حفيد الست إليخاندرا مونتس. تعجب النبوى قائلاً:إزاى وأمتى طلع الأمر ده،وإزاى متعرفش قبل كده. رد المترجم:ده أمر من المحكمه اليونانيه بصفة إن والدة الطفل ده تحمل الجنسيه اليونانيه يحق لـ جدته اليونانيه أخد حضانته طالما هى عندها الصلاحيات الكامله،زى الأهليه العقليه وكمان الماديه،ودول شرطين يتوفروا فى جدته،ده أمر إلزامى من السفاره اليونانيه بمصر،بتسليم الطفل قماح النبوى العراب لجدته السيده إليخاندرا مونتس. رد ناصر: طب لو رفضنا تسليم قماح أيه اللى هيحصل. رد المفوض من السفاره: وقتها هندخل فى نزاع، وده طبعاً بعد تسليم الطفل لـجدته اليونانيه أولاً. رد النبوى: مستحيل أسلم أبنى ليهم أنا عندى يقين إن الست دى غير مؤتمنه على إبنى، إذا كان مراتى نفسها كانت شبه قاطعه علاقتها بيهم من بداية جوازنا. رد المفوض:إحذر من طريقة حديثك ممكن يتاخد عليك إنك بتسب السيده إليخاندرا،مفيش طريق دلوقتي غير تسليم الطفل للسيده إليخاندرا وبعدها تقدر تلجأ للمحكمه سواء اليونانيه أو المصريه،لكن دلوقتي معانا أمر واجب التنفيذ،بتسليم الطفل،ولو حضرتك رفضت هتضطر لاخده بالقوه... من فضلك مش عاوزين الامر يتصعد لخلاف بين الدولتين. رد الجد:يتصاعد وماله بس مش هنفرط فى ولدنا يتربى بعيد عنيننا وسط ناس أغراب منعرفش أصلهم من فصلهم. رد المفوض بتهكم:وإبنك بيتجوز من اليونانيه مكنش يعرف أصلها من فصلها،بلاش الطريقه دى أنا لغاية دلوقتي مش عاوز أصعد الأمور،الطفل والدته يونانيه وبالتبعيه لولدته بيحمل جنسيتها والأحق بيه جدته اليونانيه،دلوقتي مفيش قدامكم طريقه غير تسليم الطفل لجدته،وتمضوا على أمر التسليم ده. رد ناصر:ممكن نتفاهم براحه مع السيده إليخاندرا يمكن نتوصل لحل سلمى يرضى جميع الاطراف. رد المفوض بعد ان تحدث الى إليخاندرا قائلاً: السيده إليخاندرا بترفض أى حوار،وهى عاوزه طفل بنتها كذكرى لها من بنتها اللى توفت بعيد عنها وأدفنت فى أرض غريبه ولم تستطيع وداعها الوداع الأخير. تهكمت هدايه بين نفسها وقالت:الوداع الأخير وده من ميتى. بينما قال النبوى بإستماته:أنا مستحيل أسمح أبنى يبعد عنى،ومستعد أدفع للست دى أى مبلغ تطلبه وفوراً. رد المفوض:دى تعتبر رشوه،من فضلك يا حضرة الضابط نفس القرار اللى فى الاوراق معاك. رغم عدم إقتناع الضابط بذالك لكن جذب قماح قوياً من يد هدايه التى كان قماح يتشبث بها،يدي هدايه أصبحب خاويه،فى لحظات أخذت تلك الغريبه ومن معها قماح وغادروا المنزل،ذهب خلفهم النبوى،لكن صعدوا بالسياره سريعاً قبل أن يأتى بسيارته كانت سيارتهم أختفت من على الطريق أمامه،شعر النبوى بفقد جزء كبير من قلبه،توالت الأيام وقبل أن يأخد النبوى قرار بضم قماح له كان سافر مع تلك العجوز والكهل الآخر لتبدأ رحله من الآلم والحرمان،كآن القدر يعاقبه على ماذا لا يعرف... تلك العجوز إليخاندرا من قدمت دعوه ضمه بأوراق ثبوتيه مزوره أنها تمتلك الأهليه والقدره الماليه ما كانت سوا إمراه عجوز تهوى الكحوليات تتجرعها بشراهه،وذالك الوغد المدعو خاله ما كان سوى مُخنث يهوى القمار وفتيات الليل وليس هذا فقط كانت هنالك زوجته التى ليس لديها أى مبادئ هى الآخرى،علم سبب طلبهم لحضانته بعد ذالك،كان هو المال،إبتزاز النبوى مقابل أن يرى طفله كان عليه دفع الفديه لهم،كانوا يتمسكون بحضانته بشراسه بسبب تلك الاموال التى كان يُرسلها لهم النبوى مقابل سماحهم له برؤيته بين الحين والآخر مره فى العام تقريباً... تذكر تلك المدرسيه الشعبيه التى كان يذهب إليها ومعاملة باقى زملائه له بالأخص حين عرفوا أنه ليس يونانياً وكذالك يحمل ديانة الإسلام بدأ الأضهاد من بعض زملائه العنصرين له،سواء كان بالذم او أحيانًا بالضرب، الضرب الذى تكاتل عليه أكثر من فتى وقاموا بضربه بعد خروجهم من المدرسه وأحدى الضربات أصابت عنقه بعنف خلفت آلم قوى،حين عاد للمنزل لم يجد من يهتم به أصيب بالحمى لليالى لكن وسط تلك العتمه تعرف على صديق كان هو الآخر يتيم يعيش مع جدهُ الضرير تقبله دون عنصريه وقام بمصادقته كان خير صديق إعتنى به وبدأ فى علاجه حسب خبرته الصغيره مر وقت وبدأ قماح يكبر أصبح بالسادسه عشر. رأى زوجة خاله تلك اللعوب تتودد الى صديقه تريد اللهو معه،ذالك الذى بالكاد أصبح صبي،تريد أخذه للرذيله معها،رفضها صديقه مرات،فبدات برمي شباكها على قماح نفسه،كانت تتعمد أن تتعرى أمامه كى تُثيره لكن هو كان يمقت منها ويشعر بالنفور وكان يبتعد عن المنزل لأيام وليالى أحيانًا كان يُفضل المبيت بالشارع عن الذهاب الى المنزل والتصادم مع تلك العاهره،حتى جدته لم تكن تسأل عنه،كل ما يُهمها المال كى تاتى بالكحوليات،كان مبدئها أعطنى المال وافعل ما تشاء، كان هو وصديقه يتشاجران مع من يحاول العبث معهم من أبناء الحى المتسكعين، لكن حين أصبح قماح بعمر السابعه عشر ربما شاء له القدر أن يُغير مصيرهُ يعود لموطنه،ربما ينتظره مستقبل أفضل عن هنا باليونان ربما مع الايام بسهوله ينضم لهولاء المتسكعين وينتهى به الحال بسكين مثل،صديقه الذى كان يشاركه الآلم والحرمان حين تكاتل عليهم بعض شباب الشارع المتسكعين وقاموا بضربه هو وصديقه الذى أخذ سكين بمقت,ل أثناء مشاجرتهم الأثنين معهم بسبب أضهادهم لهم،كان آخر حديث صديقه له...إنت عديت سن الستاشر سنه وتقدر تتحكم فى حياتك...عُد لبلدك عُد لهتان الأثنتين التى كنت دائماً تحكى لى عنهن تلك المرأه الحنون جدتك،وتلك الطفله الصغيره لابد أنها أصبحت فتاه صغيره الآن،كانت هذه آخر أقوال صديقه له قبل لفظ نفسه الأخير،إتخذ بعدها القرار،لن يبقى هنا ويصبح متشرد ومتسكع وينتهى به الآمر إما بفراش زوجة خاله،أو قتيل على يد أحد المتسكعين...حسم أمرهُ،وتسأل عن مكان السفاره المصريه باليونان،وأخذ أوراقه التى تثبت أنه لديه الجنسيه المصريه وأنه بلغ السادسه عشر من عمرهُ وبقانون اليونان لديه الحق فى السفر لأى مكان حتى دون إذن والدايه أو من يتواصى عليه، عاد الطير الذى أُسر قهرًا لسنوات عاد لعُشه مره أخرى، لم يشعر بمصر بغُربه بل إنتماء، وحدث عكس ما حدث بالماضى...مثلما أخذوه عنوه عاد برضاه... كانت من فتحت له باب المنزل هى سلسبيل التى قاده قلبه لها وقال:إنتى نبع المايه الصافى. للحظات إرتجفت سلسبيل قبل أن تدخل الى غرفة جدتها تلهث قائله:قماح رجع يا جدتى زى ما قولتلك إنى شوفته فى الحلم. خرجت هدايه الى بهو المنزل،وجدت صبى يافع أمامها يبدوا نحيل،بسرعه كانت تضمه قائله: كنت متوكده الطير لازم يعود لعِشه،واد العراب رچع من تانى لعِشه. من فرحة هدايه سجدت أرضًا، بينما آتت على صياح سلسبيل كل من قدريه ونهله،التى تبسمت له ورحبت به. لكن قدريه تغابن وجهها فهى تمقته بشده وعودته مثل اللهب فى قلبها،لكن أمام هدايه رسمت البشاشه ليست البشاشه فقط،بل إقتربت منه وحضنته قائله:ولدى عاد من تانى. بينما نهله صافحته فقك،سلسبيل ذهبت خلف جدتها تنظر له فقط لم تتحدث له،لكن شعرت بنظرة عيناه لها كان بها شئ غريب لا تفهمه. عوده للحاضر... زفر قماح نفسه بغضب حين تذكر الماضي الذى خلق منه ذالك القاسى الذى أصبح عليه، حتى تلك القطعه التى كانت مازالت بقلبه لينه إنتهت حين دخل الى عالم الأعمال،لكن هنالك قطعه أخرى بقلبه كان يخشى أن يظهر لينتها، عشقه لـ السلسبيل... التى فقدها بقسوته عليها حين إمتلكها، لكن مازال هنالك أمل واهى. ...... ــــــــــــــــــــــــــــــــــــــــــــــــــــــــ بشقة النبوى بغرفة النوم كان النبوى نائم على الفراش وقدريه تتسطح لجواره مستيقظه تشعر بلهيب فى قلبها بعد أن تسمعت على جزء من حديثه على الهاتف.. كم تود الفتك به الآن شار شيطانها عليها قت,لهُ،كما يقول المثل جنازته ولا جوازته،لكن لو قت,لته سيستريح،هى تريدهُ أن يشعر بالآلم مثلما سقاه لها يومً حين دخل عليها بالاغريقيه وقال أنها زوجته... على ذكر تلك الاغريقيه تذكرت حين سكبت لها الزيت على سلم المنزل لتنزلق ساق كارولين وقتها وتسقط على درجات السلم متأثره بقوه تنزف بشده،لكن أنقذها النبوى وقتها الذى عاد بالصدفه للمنزل واخذها للمشفى،لتلد طفله متوفاه،ويستمر النزيف على كارولين ويصحب ذالك إرتفاع فى درجة حرارة جسدها أدت لوفاتها بعد وفاة طفلتها بعدة أيام متأثره بحمى نفاس،لكن بالأصل هى قت,لتها بسكب ذالك الزيت على السلم ،كم تشفت قدريه فى مو,تها وقتها،كُسر قلب النبوى مثلما كسر قلبها يوم ان تزوج عليها،لكن اليوم لن تنتظر أن يدخل عليها بزوجه أخرى فكر عقلها لتهتدى لشئ عليها مراقبه تحركات النبوى وستعرف أين يذهب ووقتها ستدخل وتمنع تلك الزيجه،لابد أن تبحث عن شخص يراقب تحركات النبوى ويخبرها بها أولاً بأول. ..... ـــــــــــــــــــــــــــــــــــــــــــــــــ باليوم التالى... صباحً أمام شقة ناصر أثناء نزول سلسبيل السلم تبسمت هدى وهى تنظر لـ سلسبيل قائله: أيه الشياكه والاناقه دى عالصبح خلاص هتستلمى الشغل فى المقر النهارده. ردت سلسبيل: آه خلاص قماح صحته بقت كويسه، وكلها كم يوم ويقدر هو كمان يرجع لشغله، وأنا إتفقت مع بابا ياخدنى معاه. تبسمت هدى: مبروك يا بشمحاسبه، أبقى أفتكرى أختك الغلبانه فى كم جنيه كده من مرتبك. تبسم لها ناصر قائلاً: اللى يسمعك يقول ناقصك حاجه. تبسمت هدى قائله: ناقصنى عربيه خاصه بيا مش اقف قدام الجامعه أستنى السواق عشان يجى ياخدنى، بعد المحاضرات... أنا بعد ما أخلص كورس نظم البرمجه هروح أى مدرسة سواقه وأتعلم السواقه وأطلع رخصه وأترحم من إنتظار السواق. ضحك النبوى الذى كان صاعدًا كى يطمئن على قماح قبل أن يذهب للعمل وقال: العربيه هتبقى هديتى ليكى بعد ما تخلصى دراسه وتتخرجى من الجامعه ويبقى عندنا مبرمجه شاطره. تبسمت هدى له قائله بتذمر مرح:لسه هستنى ده كله،طب ما تعتبر الهديه دى لـ سلسبيل وأشترى ليا عربيه خاصه زيها،ولا عشان هى مرات إبنك لها مَعَزه خاصه. تبسم النبوى قائلاً دون قصد منه:أنتم التلاته عندى مَعَزه واحده وبعتبركم بناتى،بس بصراحه سلسبيل زايده فى المَعَزه عنكم شويه،دى نبع المايه خليفة الحچه هدايه. شعرن هدى وسلسبيل بغصه فهن أصبحن إثنين،كذالك ناصر شعر بغصه وتدمعت عينيه، لاحظ ذالك النبوى خلف بسمتهن وصمت أخيه،كم ود أن يرأف بقلب أخيه وقلبهن ويخبرهن أن الثالثه مازالت تعيش لكن هى تختار أن تكون بنظر الجميع ميته لا يعلم سبب لذالك. بعد قليل كان قماح يقف بشُرفة شقته،رأى ذهاب سلسبيل مع عمه فى سيارته،تنهد بسأم كان يود أن تبقى لجواره مثل الأيام السابقه...سلسبيل أعلنت التمرد ولا شئ سيخضعها الآن. ......ــــــــــــــــــــــــــــــــــ عقب الظهر بالشقه التى تقطن بها همس. تحدثت بفرحه عارمه:يعنى سلسبيل حامل؟ رد كارم:أيوه،جدتى هى اللى قالتلى،وكمان قالتلى أنها كانت متأكده أنها حامل من مده قبل سلسبيل يمكن من قبل سلسبيل ما تعرف إنها حامل. رغم فرحة همس لكن شعرت بغصه فى قلبها وصمتت لدقائق،عاودت لها ذكرى إكتشاف أنها كانت حامل،وما حدث بعدها،أغمضت عينيها تحاول كبت تلك الدمعه والغصه بقلبها. تحدث كارم الذى تعجب من صمت همس فجأه: لأ وكمان أيه جدتى بتقول أنها متأكده إن سلسبيل حامل فى ولد وهيكون أول من يحمل چينات العراب صرف،سواء أب أو أم. تبسمت همس وقالت:تعرف أنا كنت وعدت سلسبيل أعمل كسوة سبوع أول طفل لها على إيدى،شُغل هاند ميد. تبسم كارم لها:وقدامك الفرصه والوقت لسه بدرى أستغليه وقبل ما تولد سلسبيل تكونى خلصتيه لها. تبسمت همس قائله:فعلاً لسه وقت،هبدأ أشترى المستلزمات اللى محتاجه لها.... فجأه صمتت همس وتذكرت أنها بنظرهم ميته،وقالت بغصه: بس دلوقتي مينفعش، أنا فى نظرهم ميته،وكمان هسافر بره مصر. رد كارم:فى إيدك ترجعى تانى لهم يا همس. ردت همس بتعسف:قولتلك قبل كده مش عاوزه أرجع وأشوف نظرات الشفقه من حد. رد كارم:خلاص يا همس بسيطه وقتها ممكن نبعت كسوة السبوع هدية ولادة سلسبيل. تبسمت همس تحدث كارم:همس أنا خلاص تواصلت مع السمسار فى دبى وتممت معاه شره الكافيه وكمان شقة صغيره كده على قدنا،وكمان حجزت تذاكر السفر على آخر الشهر وقولت لـ بابا وهو قالى إنه إتفق مع المأذون وحدد ميعاد كتب كتابنا على آخر الشهر ده وكمان حجزت ميعاد سفرنا هيبقى تانى يوم للميعاد اللى بابا حدده. تبسمت همس بغصه وقالت: يعنى لسه قدامك فرصه تتراجع. رد كارم:همس إنتى عارفه إن حلم حياتى يجمعنى معاكى بيت واحد. نظرت له همس تشعر برهبه بداخلها تخشى ذالك اليوم الذى يُغلق عليها وعلى كارم باب واحد،وبالأكثر إذا كان فى بلد أخرى. بينما كارم شعر بنظرات همس المتوجسه لديه هو الآخر خوف من ذالك الرُهاب الذى لدى همس حين يقترب منها. ......ــــــــــــــــــــــــــــــــــــــــــــــــــ بعد مرور أسبوع عصراً كانت مفاجأه وفاة والد زهرت قبل ثلاث أيام يقولون الجنازه حاره والميت ليس سوى شخص فاقد الأهميه لكن لابد من إجادة تمثيل مظاهر الحزن، بعزاء النساء بداخل المنزل، البسيط دخلت سلسبيل بصُحبة نهله، ذهبت الى مكان جلوس عمتها وقامت بأداء واجب العزاء لها، رغم شعور عطيات بالبُغض من سلسبيل لكن تداركت أمرها وتقبلت منها العزاء، ذهبت سلسبيل بعد ذالك الى زهرت وجلست جوارها، تقوم بتعزيتها، شعرت زهرت بالبغض ودت لو قامت بطردها وان تقول لها بعد ماذا أتت ملكة العراب لتعزيتى اليوم هو اليوم الثالث لـ وفاة أبى،لكن صمتت خشيه من حديث الناس أنها تغار من سلسبيل. لكن هنالك ما حدث هو دخول تلك الفتاه مع والداتها ذهبت مباشرةً الى مكان جلوس زهرت، زهرت التى نهضت لها وقامت بحضنها بود تحدثت الاخرى قائله: البقيه فى حياتك يا زهرت، عارفه إنى أتأخرت على ما جيت أقدم واجب العزا، بس أنا كنت بتابع الشغل مع بابا ونائل وعارفه إننا فى موسم توريد الرز. ردت زهرت: كفايه إتصالك عليا يا هند، طول عمرك صاحبة واجب، تعالى إقعدى جانبى. بالفعل جلست هند جوار زهرت الناحيه الاخرى شعرت سلسبيل بالبُغض من الأثنتين لكن كانت بين النسوه هدايه،التى نهضت من مجلسها حين رأت دخول هند وإستقبال زهرت لها وتوجهت الى مكان جلوس سلسبيل.. التى وقفت لها بتلقائيه.. وضعت هداية يدها على كتف سلسبيل ونظرت لـ زهرت الليله تالت يوم للعزا كفايه كده يا بتى وإرجعى لدارك وچوزك. مثلت زهرت الدموع بحُرقه قائله:أنا طول ما أنا هنا حاسه بنفس بابا جانبى. تحدثت عطيات ببكاء هى الأخرى:حديت الحچه هدايه صحيح يا زهرت لازمن ترچعى دار چوزك بكفاياكى عاد الحزن فى القلب والروح،واللى راح كان غالى،بس بيتك و چوزك لهم حق عليكى عشيه تروحى دارك. امائت هدايه عينيها ونظرت لـ سلسبيل قائله: يلا يا بتى مش جدمتى واچب العزا لعمتك وسلفتك،خلينا نرچع دارنا. بالفعل هاودت سلسبيل هدايه ومسكت يدها وخرجن من منزل والد زهرت وخلفهن نهله،لكن كادت هدايه أن تتعرقل فى حصوه كبيره على الأرض أثناء سيرها،وكادت أن تقع أرضاً،لولا أن تمسكت سلسبيل بها،ليس سلسبيل فقط بل يد أخرى مسكت يد نظرت هدايه لتلك اليد وسرعان ما سحبت يدها قائله:تسلم رد عليها وعيناه تنظر لـ سلسبيل:ألف سلامه عليكى ياحچه هدايه. ردت هدايه التى لاحظت نظرات نائل لـ سلسبيل:تسلم يا نائل،يلا يا سلسبيل الحمد لله ربنا ستر وموقعتش جدام الخلق. بالفعل سارت سلسبيل جوار هدايه،وخلفهن نهله،لكن مازالت عين نائل تُتابع أثر سلسبيل،غير منتبه لتلك الحقوده زهرت التى رأت الموقف صدفه من شباك منزل والداها،ليزداد حقدها على سلسبيل. بعد وقت فى نفس اليوم وقفت عطيات تلوم زهرت:مكنش لازمن توجفى وتحضنى هند ناسيه إن هدايه كانت بين الحريم،كان لازمن تعملى حساب لوجود سلسبيل متنسيش إن هند تبجى طليجة قماح. ردت هند بلا مبالاه:أهو قولتى طليقه،يعنى اللى المفروض كانت تخزى هى سلسبيل لأنها هى اللى جت بعدها،وبعدين هند كانت صاحبتى،وإتصلت عليا عزتنى قبل كده،إنما الملكه سلسبيل إتنازلت وعفرت رجلها بشوية تراب فى آخر يوم للعزا،جايه فض مجالس يعنى...ناسيه إنى قبل ما أكون سلفتها،إن بابا يبقى جوز عمتها،كان المفروض تقعد جانبى تاخد عزاه،لكن مين يتكبر...بعد ما بقى لها كلمه وإشتغلت وقماح نفسه إستسلم للامر بسهوله معرفش إزاى بعد ما كان معارض،طبعاً لازم يتنازل بعد ما عملوا حركه وسابوا الدار. ردت عطيات:بلاش تاخدى صف هند على سلسبيل بلاش تكسبى بُغض هدايه،هدايه من الأول مكنتش مرحبه بهند،وهند كانت بتعمل معاها مشاكل. ردت زهرت:نفس ما بتعمل معايا،ناسيه انها وافقت عليا بالغصب بعد إصرار رباح عليا،ماما بلاش تخافى من هدايه،رباح بقى زى الخاتم فى صباعى خلاص. .....ـــــــــــــــــــــــــــــــــــــــــــــــــــــــــــــــ بعد مرور ثلاثة أسابيع. صباحً بشقة سلسبيل دخلت الى غرفة النوم كعادتها مؤخرًا تأخذ ملابس لها من الدولاب وتذهب الى الحمام ترديها... لكن فى ذالك الوقت أثناء دخولها،تفاجئت بوقوف قماح نصف عارى يرتدى ملابسه،تجاهلته كعادتها وتوجهت ناحية الدولاب وفتحت إحدى الضلف وأخرجت ملابس لها. تحدث قماح: مفيش صباح الخير. ردت سلسبيل بإفتضاب:صباح الخير...سخرت بداخلها،كم مره سابقاً قالت لـ قماح صباح الخير وكان يستخسر الرد عليها،هو الآن من يطلب منها قول صباح الخير. سارت سلسبيل لكن وقع منها أحدى قطع ملابسها، قبل أن تنحنى وتأتى بها،إنحنى قماح وألتقطها،ثم مد يده بها لـ سلسبيل... تعجبت سلسبيل لكن مدت يدها تأخذ منه قطعة الملابس،لكن قماح تعامل بمكر وتمسك بقطعة الملابس وشاغب سلسبيل التى تذمرت وشدت قطعة الملابس من يد قماح...لكن مازال قماح متمسك بالقطعه بشده،مما جعل سلسبيل حين رجعت للخلف كادت تقع،لكن جذبها قماح من خصرها عليه حتى توازن وقوفها، نظرت سلسبيل له وقبل أن تدفعه عنها ضمها قماح قوياً بين يديه و إلتقط شفاها بقُبله قويه متشوقه لكن ليست عنيفه كاقُبلاته السابقه لها،دفعته سلسبيل بيدها سريعاً لكن قماح تمسك بها بين يديه،لكن سلسبيل دفعته أقوى وقالت: من فضلك عندى شُغل فى المقر مش فاضيه لحركاتك الفاضيه دى. تراخت يدي قماح عن سلسبيل، تسحبت من بين يديه وأخذت من يده قطعة الملابس وغادرت الغرفه بضيق. بينما تبسم قماح يشعر بزهو هو كان يتشوق لشفاه سلسبيل. سلسبيل التى خرجت من الغرفه وذهبت الى غرفه أخرى وإرتدت ملابسها،ثم توجهت الى المرآه كى تُعدل حجابها،لاحظت إحمرار شفتاها من قُبلة قماح،شعرت بضيق قائله بسخريه:حلوه اللعبه الجديده اللى بيلعبها قماح العراب مفكر إنى معرفش بزيارات هند السنهورى له فى المقر،شكلها عاوزه توصل الود القديم. بينما بخارج الغرفه تحدث قماح:سلسبيل إن كنتى خلصتى لبس خلينا ننزل،علشان أنا اللى هوصلك النهارده معايا. فتحت سلسبيل باب الغرفه قائله:والسواق راح فين. رد قماح:معرفش الحجه هدايه قالت لى من بالليل أبقى أخدك معايا فى عربيتى عشان هى هتحتاج للسواق من بدرى. تعجبت سلسبيل وقالت:خلاص هروح مع بابا أو عمى. رد قماح:سلسبيل بلاش إعتراض فاضى،عادى أنك تروحى للمقر معايا فى عربيتى. ردت سلسبيل:فعلاً عادى،هعتبرك زى السواق بالظبط،حتى السواق رغاي،إنما إنت صامت. تبسم قماح لها دون رد،وأشار لها بيده لتسير أمامه وبالفعل سارت وهو خلفها يبتسم. .....ـــــــــــــــــــــــــــــــــــــــــــ ظهرًا بشقة همس جلست هدايه تقرأ الماعوذتين بعد أن وضعت خبيرة التجميل بعض اللمسات البسيطه على وجه همس،أصبحت أجمل بملامح مازالت بريئه. إنتهت الخبيره،أعطتها هدايه رزمه من المال وغادرت،بينما قالت همس: مش عارفه كان لازمتها أيه الكوافيره دى يا جدتى،كل الحكايه كتب كتاب عالضيق. تبسمت هدايه قائله:ولو زينة الصبايا لازمن يظهر جمالها الليله،وكارم يشوف جدامه جمر بدر منور،لو بيدى كنت زرغطت وعملتلكم فرح كبير تحلف بيه البلد بحالها. ردت همس بغصه:فرح،طب كفايه يا جدتى،أنا لو مش إصرار كارم عمرى ما كنت وافقت أتجوزه وأربط حياته بيا بعد اللى حصلى. ردت هدايه:نصيحه منى يا بتى عارفه اللى مريتى بيه كان صعب وواعر،بس جدامك فرصه جديده إستغليها،بلاش تضيعيها من يدك،ربنا مد فى عمرك وعطاكى فرصه تانيه لهدف هو الوحيد اللى يعلمه. ......ـــــــــــــــــــــــــــــــــــــــــــــــــــــــــــــــ بالمقر دخلت سلسبيل الى أحدى غرف المقر مع عبد الحميد، تفاجئت بجلوس قماح مع هند يتحدثان شعرت بنغزه فى قلبها لكن سُرعان ما نفضت عن رأسها. تحدث قماح وعيناه تنظر الى سلسبيل: أنا كنت طلبت من الأستاذ عبد الحميد يعملى كشف حساب بتوريدات الحج رجب السنهورى ومدام هند هى المسئوله عن التعامل معانا...ياريت يكون كشف الحساب جاهز. رد عبد الحميد: كشف الحساب جاهز، سلسبيل عملته وأنا راجعته من وراها وبصراحه مفيهوش أى غلطه،وده الملف اللى فيه كشف الحساب،سواء التوريدات اللى وصلتنا من الحج رجب،وكمان المبالغ اللى دفعناها تحت الحساب قبل كده، وكمان المبلغ المطلوب مننا دفعه،وأنا جايب معايا سلسبيل علشان لو أحتاجت أى توضيح،لأنها هى اللى عملت كشف الحساب ده من البدايه للنهايه فهى أدرى بكل تفاصيل كشف الحساب. شعر قماح بالغيره من نداء عبد الحميد، لـ سلسبيل دون لقب يسبق إسمها بينما شعرت هند بالكراهيه نحو سلسبيل بسبب مدح عبد الحميد بعملها وليس هذا فقط بل هنالك أقوى من ذالك نظرات إعجاب قماح لها، مازالت عيناه تلمع ببريق خاص حين يرى سلسبيل أمامهُ. تحدث عبد الحميد:وجودى هنا مالوش لازمه سلسبيل معاها كل المعلومات الماليه الازمه،وكمان عندى شوية تقفيلات عالحسابات لازم أعملها،خلاص إنتهينا من الموسم ولازم نظبط حسابتنا قبل السنه ما تنتهى. تحدث قماح:تمام يا أستاذ عبد الحميد، تقدر تروح تشوف باقى أشغالك وتسيب سلسبيل هى توضح لينا كشف الحساب. غادر عبد الحميد، وبالفعل جلست سلسبيل بالصدفه جوار قماح،بدأت فى سرد محتويات كشف الحساب،بالكامل وتوضيحه بمهاره،جعلت قماح يشعر أنه كان مُخطئ حين لم يحسب لقوة ورجاحة عقل سلسبيل حساب وحاول طمس شخصيتها. بعد قليل دخل عليهم بالغرفه النبوى مبتسماً،لكن حين وقع بصرهُ على هند إختفت بسمته،وقال:قماح أنا خارج دلوقتي عندى مشوار مهم. نهضت سلسبيل قائله:عمى كنت محتاجاك فى حاجه مهمه. وضع النبوى يده على كتف سلسبيل قائلاً:بعدين باللليل لما أرجع للدار،دلوقتي عندى مشوار مهم... يا أميرتى ردت سلسبيل ببسمه: تمام لما ترجع المسا. تبسم النبوى وغادر الغرفه كذالك قماح آتى له إتصال هاتفى فأعتذر للرد وتجنب بعيد عنهن، لكن كانت عيناه على سلسبيل نظرت هند لـ سلسبيل بغيره ساحقه قائله: واضح إنك بتخططى الفتره الجايه تاخدى مكانه كبيره بإدارة حسابات العراب ،بس يا ترى كشف الحساب الخاص بينا وقع تحت إيدك صدفه ولا بقصد منك. ردت سلسبيل: أنا مكانتى فعلاً كبيره كفايه إنى بنت ناصر العراب وحفيدة الحجه هدايه،وعندى كرامه ومش بجرى وراء شخص رمانى من حياته،بقيت بشوفك كتير،سواء فى عزا جوز عمتى وكمان هنا فى المقر. ردت هند بوقاحه:ناقص تشوفينى فى دار العراب من تانى. نهضت سلسبيل وقالت:وماله أنا قولت من البدايه عديمة الكرامه. فى ذالك الأثناء عاد قماح وقال:خلونا نكمل بقية كشف الحساب. ردت سلسبيل:انا وضحت النقط المهمه فى الكشف واللى فاضل شغل إدارى مش من إختصاصى،عن أذنكم،الأستاذ عبد الحميد بقى يعتمد عليا كتير. غادرت سلسبيل الغرفه وتركت هند مع قماح.. تحدثت هند: سلسبيل عندها غرور كبير معرفش إنت متحمله إزاى أكيد بسبب إنك بتحبها. رد قماح بهدوء:ده مش غرور ده ثقه فعلاً أنا بحب سلسبيل. .....ـــــــــــــــــــــــــــــــــــــــــــــــــــــــ بدار العراب بعد قليل ردت قدريه على هاتفها لتسمع من يقول لها:النبوى بيه دخل العماره إياها اللى سبق وقولت عنوانها لحضرتك،بس مش لوحده كان معاه واحد من شكل لبسه أنه مأذون وكمان إتنين تانين . ردت قدريه: تمام أغلقت قدريه الهاتف قائله: مستحيل تتجوز عليا مره تانيه يا نبوى، لو إضطريت أقت,ل عروستك قدامك. .........

مقالات ذات صلة

قـ,ــ,ـاسي ولكن عاشق لميادة مصطفى الجزء الثالث

رحم للايجار بقلم انجي الخطيب الجزء الأول

قطة في وادي الذئاب بقلم إسراء عبد القادر الجزء الأول

تزوجت حبيبة اخي..بقلم اسراء هاني.الجزء الاخير.

نار الصعيد بقلم نور الشامي الجزء الثاني

جاريتي بقلم سارة مجدي الجزء الثاني

اترك تعليقاً إلغاء الرد