فارس//كنتي فين فتون//عند مراتك فارس//نعم! فتون//مالك مستغرب ليه؟ عشان يعني مقولتليش انك متجوز عليا فارس//فتون انتي اتجننتي مرات مين واي اللي بتقولي ده فتون//فارس ياحبيبي متحاولش انا كده كده عرفت يعني مش بسألك فارس//انتي عوزه تجننيني فتون//لالا انت مش معقول بجد يابني بقولك مفيش داعي للكذب........ بدخل اوضتي بمنتهي الهدوء وانا بفكر هعمل ايه؟... هطلب منه الطلاق! وبنتي؟ حياتها هتمشي ازاي مينفعش تكبر وهو بعيد عنها.......أب كويس يمكن زوج سيئ كداب....قاسي...لكن اب حنين... فارس//فتون ممكن نتكلم بيدخل الاوضة وانا قاعده بمنتهى الهدوء مش بعيط مش مصدومة من خيانته ليا....انه استغفلني وعايش معايا وهو بيكدب.....عنيا بتيجي في عنية لدقايق.. دقايق بس كانت كفايه عشان كل حاجة بينا تعدي قدام عنيا زي سيناريو فيلم حزين لبطلة مغفله صدقت كلام البطل...صدقت وجوده المزيف....... فتون//لسه في حاجة نتكلم فيها فارس/انتي قابلتيها فتون//..........مكنتش متخيلة ان الشقة دي هتبقى حلوة كده لما شوفناها سواء مكنتش كده خالص فارس//انتي عرفتي البيت كمان فتون//مش انا اللي اخترته مش هعرف ازاي فارس//مش متجوزين بقالنا كتير فتون//ااه عارفة معاك بنت واحده بس فارس//.........لا هو فتون//بس هي لذيذه......تستاهل تحبها....انا حبيتها......ومبسوطه عشانك انك قدرت تتجوز حب عمرك فارس//شكلك عارفه تفاصيل كتيره بجد فتون//انما اللي لسه معرفتوش......ولا فهمته بجاحتك دي جايبها منين.......تسمي بنتي علي اسمها!! بص يا فارس انا معنديش طاقة نتكلم مع بعض كده كده مفيش حاجة تقولها وانا موقفتش اتخانق معاك لو سمحت سيبني لوحدي وياريت تنام في اي اوضه تانيه فارس//........هنام هنا علي الكنبه عشان هايا متاخدش بالها من حاجة فتون//لا....انا مش عوزه اشوف وشك وياريت تنسى اني موجوده شويه عشان كمان مش عوزه اسمع صوتك لاول مره في حياتي اتخلى عن الذوق في كلامي مع تجاهلي التام لاستغرابه من اسلوبي معااه....بيخرج وانا بغير هدومي بتجاهل اي شعور جوايا وانا بختار بيچامة مريحة...وبحط البرفيوم بتاعي علي السرير عشان يغطي علي ريحه البرفيوم بتاعه اللي موجوده في كل ركن في الأوضة......بقفل النور....وبفك شعري وانا بقعد علي السرير وعنيا بتقابلني في المرايا للحظات...... بفتح إضاءة خفيفة جمبي وانا عنيا عليا.......معقول هو شافها احلا مني!!.....اتجوزنا الاول....كل السنين دي ومقدرش يشوف فيا حاجة واحدة تخلي ينساها؟ مقدرش يشوفني انا!......كان عايش في خياله معاها شايفني هي....بيتمني وجودها هي....كان عاوزها اكتر من حبيبته.....وقدر يوصل للي عاوزه واتجوزها ليه ابقي انا الضحية؟!.....ليه اكون طرف تالت....هو اختارها واختار اللي يريحه......وانا كمان هختار اللي استاهله......واللي يليق بيا.....مش هزعل علي بُعده هو من الاول مكنش معايا......ولا يستاهل بتحرك من مكاني.....وبخرج شنطة كبيرة وببدا اشيل هدومه كلها من الدولاب....مش بعصبيه خالص بالعكس ببدا ارتبهم واحط البرفيوم في الشنطة واي حاجة بتاعته حتي الشوذات حطتهم لوحدهم.....اهم حاجة النظام برضو وبرفع شعري كالعاده وبخرج.....بشوفو قاعد معاها بيلاعبها....بيضحك كأن مفيش اي حاجه حصلت مبسوط من قلبه مش بيمثل انه مبسوط! فتون//فارس عوزاك ثواني ياحبيبي بيبصلي بأستغراب وانا ببتسم ابتسامة هادية طبيعيه كالعاده بدخل الاوضه وبيجي ورايا وبقفل الباب وبلاحظ نظراته اتجاه الشنطة فتون//اعتقد الوضع ده لازم يكون فيه حل ودي عشان هايا انا فكرت كتير ملقتش حاجة تشفعلك.....ملقتكش اصلا ولا لقيتك تستاهلني.....لكن بيني وبينك بنت....وعشرة واعتقد اننا اكبر من الاسلوب المتدني اللي يخليني اقولك هاخد بنتي فارس//انتي عوزه تطلقي؟ فتون//ايوة لكن هقعد انا في البيت وبالنسبة لهايا...شوفها براحتك.....لكن مش هتروح معاك عندها ولا حد هيعرف اننا منفصلين فارس//انتي شايفة ان ده حل اصلا؟ فتون//عندك حل تاني؟ فارس/ليه تطلقي اصلا فتون//؟؟؟؟؟؟؟؟؟؟؟؟؟؟؟؟؟؟؟؟؟ فارس//فتون بطلي تاخدي كل حاجة علي كرامتك الموضوع مفيهوش اي اهانه ليكي انا بحبها واتجوزتها ومقولتش ان هسيبك فتون//مش عارفة ليه حاسه انك بتعلي الضغط عموما يا فارس انا اللي مش عوزاك ولا طيقاك وبوفر عليك وبقولك روح عيش معاها براحتك انت مش مهم عندي لدرجه ان اضايق من وجودك معاها لا انا متبرعه بيك ليها.....وعوزة اطلق ده قرار مش هقدر ارجع فيه بصراحة فارس//ولا انتي مهمه عندي انا اللي فارق معايا بنتي فتون//وبنتي انا كمان وقولتلك شوفها براحتك من غير ما تعرف اي حاجه وشنطتك جاهزة مع محاولات كتيرة لانهاء الموضوع بشكل هادي وبعد دقايق من نظراته عليا بيدور في عنيا علي اي شعور بالحزن او الانكسار بيحاول يرضي غروره وان هو اللي ساب لكن مكنش عندي اي شعور اتجاهه افعاله ووجوده المنعدم خلاني اتعلمت البرود اتجاهه مكنتش حاسه بحاجه غير كرامتي اللي اتبهدلت معااه احترامي اللي مقدرش يقدمهولي....رغم ان دايما كنت بحترمه......مش هنكر ان جوايا وجع منه.....لكن مكنتش مستعده لاي لحظات ندم انه شاف وجعه في قلبي نغم//انتي متاكدة من قرارك ده يافتون فتون//انتي شايفة ان كان في حل تاني؟ يا نغم بقولك متجوزها ومخلف نغم//ما انتي كمان عندك ولاد فتون//ايوه بس هي اللي هو اختارها هي حبيبته نغم//فتون......انا فاهمه وضعك كويس لكن الحب مش كل حاجة مش لازم تكوني بتحبي عشان تكملوا انتوا بينكم بنت فكري تاني فتون//عندك حق....وانا من الاول اصلا مكنتش بحبه اعتقد انك عارفه ان جوازنا اصلا صالونات لكن اعتقد من حقي اتجوز شخص اقدر احترمه مش كداب.....مش بيحبني لكن ميبقاش قاسي جاف في معاملته ليا ياخد عدم حبه مبرر لخيانتي انا مش بحبه.....بس احترمته....مخونتوش....رغم انه مكنش موجود نغم//فاهماكي بس فتون//نغم.....انا خدت قراري خلاص نغم//المهم اي اخبار الشغل عندك ماشي كويس فتون//جدا الحمدلله نغم//ثواني هرد علي الموبايل بتبعد وهي بترد علي الموبايل وانا مش بهتم لسبب بعدها وبدخل المطبخ اجيب عصير وانا بهدى نفسي وبحاول افكر بشكل ايجابي في اللي جاي وان لازم اشوف حياتي أكيد مش هقعد ابكي علي الاطلال بفوق من تفكيري وباخد العصير وبخرج وبمشي اتجاه البلاكونة عشان اشوفها اتاخرت ليه نغم-خلاص يا هايا هجيلك لما انزل من عندها هايا=.................. ا نغم-هو فارس عندك؟ هايا=................ ا نغم- لما اجيلك نتكلم بتشوفني ولثواني ملامحها بتتغير......وانا نظراتي عليها ببرود شديد ببتسم.....لكن ابتسامة ما بعد الحقيقة ابتسامة خذلان من شخص عمري ما فكرت لثواني انها تكون كده..... فتون-كل ده العصير بره بترد عليا بتردد وهي بتحاول تفهم انا سمعتها ولالا مش قادره تستنتج من رد فعلي حاجة..... نغم-انا هنزل فتون=......تمام حبيبتي بخرج وبسيبها وبقعد قدام الشاشة وانا باخد العصير ونظراتي بعيد عنها....بتاخد شنطتها بترقب وبتنزل من غير كلام وانا.........بكون متعصبه من جوايا وبحس اني مغفله جدا واضح ان كان في حجات كتيره اوي بتحصل من ورايا وانا مش فاهمه حاجه بحاول مدخلش في افكار تتعبني اكتر.....عندي شغل مهم جداً.....بحاول اركن كل مشاعري علي جنب اكيد مش هيخسروني كمان شغلي! حلمي اللي فضلت سنين اعافر فيه لوحدي اكيد مش لما اوصل هضيعه!!!!! بدخل اوضه هايا وعنيا عليها بقفل الشباك كويس والستاره......بتأكد انهم متغطيه كويس.....بقفل النور وبخرج.....وبدخل اوضتي وببدا ارتب ورق الشغل واجهز التصميم المطلوب....بحاول اعمله احسن ما هو مطلوب عشان تكلفه التنفيذ تكون اقل......وتكلفه التصميم تكون اعلا واسم الشركة يتعرف بشكل اسرع كل طاقتي بتكون في الشغل لدرجة اني بنسي كل حاجة!.......والوقت بيعدى بسرعة جدا......وبكتشف ان الساعه بقت4الفجر؟؟ بسيب كل حاجة مكانها......ومش بقدر اشيل الورق اللي في كل مكان......وبقفل النور وبنام مكاني علي الأرض وانا عنيا للسقف بغمض عنيا ودموعي بتنزل وانا مرهقه نفسيا وجسدياا......غضبي منه اللي بحاول اتجاهله.....ونغم.....كل حاجة بتحصل حواليااا بترهقني من التفكير..... بخبط برجلي في الأرض.....وانا بعيط اكتر لانها وجعتني.....والوقت بيعدى وبنام يمكن عملولي شوية لغبطة لكن.....اكيد مش هتخلي انا كمان عني واسيبني اغرق للابد واساعدهم وابعد وحياتهم تكون كويسه وانا حياتي تنتهي عشانهم!! بفوق من نومي علي صوت المنبة بتحرك بكسل ووجع ضهري من نومي طول الليل علي الارض والصداع اللي جالي من العياط بخرج من الأوضة......وببدا اجهز الفطار ولبس لهايا اول مره اخدها معايا شغلي......مكنتش حباها تظهر مكنتش حابه حد يعرف عني حاجة خصوصا هي ولكن مكنتش هقدر اسيبها لوحدها او حتي مع حد وافضل اغلب الوقت بعيد عنها لكن بسمع صوت الباب بيخبط جامد..... بقلق وبقفل عليها باب الأوضة وانا بقرب من باب الشقه وبشوف مين بيخبط كده فتون//مين نغم//افتحي يافتون بسرعة انا نغم بفتح الباب وبتصدم من شكلها وهدومها اللي مليانه دم وللبنت الصغيرة اللي معاها!......عرفاها كويس نغم//فتون الحقيني بتدخل من نفسها بسرعة وهي بتقفل الباب...جسمها كله بيرتعش.....بتسند علي الباب بخوف بتعيط وفي ايدها بنت صغيرة......وانا عارفه ان البنت دي بنت فارس.....ببعد عنها وانا بقعد ونظراتي عليها......مستنية تتكلم لكن قبل ما اسألها بيبدا حد يخبط علي الباب بهمجية .....وهي بتخاف اكتر وبتبعد عن الباب وهي بتعيط... ونظراتها عليا مستنية مني رد او اي فعل ينقذها مكنتش فاهمه بيحصل ايه واي وراها جديد! ليه خايفة كده ومين اصلا جاي وراها وهي خايفه منه بقرب من الباب بهدوء غريب مش مناسب للموقف اللي انا فيه وبفتح الباب وانا من جوايا خايفة....مرعوبه تكون مشكلة كبيرة وهايا موجوده في البيت لكن بقرر افتح.....ومش بحاول اخليها تبعد او تدخل اي اوضه عشان في اسوء الاحتمالات اللي جاي عشانها ياخدها من غير ما يوصل ضرر لهايا او تشوف اللي بيحصل بيكون راجل واقف اول ما بفتح بيدور بعنيه علي نغم واول ما بيشوفها بيدخل بسرعة وهي بتبعد وهي خايفة ومرعوبه نور//انتي فاكرة نفسك هتعرفي تهربي مني نغم//نور......انت فاهم الموضوع غلط انا ماليش دعوة.......انا نور//هاتي البنت من ايدك بهدوء بدل ما افقد اعصابي اكتر بترفض نغم تديهاله....وانا بقف مكاني مش فاهمه حاجه.....مش فاهمه مين ده.....وليه عاوز البنت منها مكنش عندي نية اساعدها لاني كنت حاسة.....ان وراها مشكلة كبيرة وانها مش مظلومه.....لكن قررت اتدخل لما لقيت الموضوع غريب.......ويمكن مشكلتي مع ام البنت دي....لكن مش معاها هي فتون//انت يا استاذ انت داخل البيت بهمجية كأن مالوش صحاب....وعاوز تاخد البنت منها وانت مالكش صلة بيها اصلا للحظات او لثواني حسيت نظراته نارية عليا.....حسيت اني شوفته قبل كدا.....او شكلة مألوف بالنسبالي كلامي معاه كان بهدوء مش فاهمه جبته منين! بدات احس اني مريضه اثر صدمات وجالي تبلد اتجاه مواقف مينفعش اكون فيها هادية؟! لكن فهمتني ان لازم اكون هادية عشان الموضوع يتحل وان في فرق بين الهدوء والبرود نور//مفيش بيني وبينها صلة!!!........البنت دي بنتي فتون//بنتك!؟ نور//لا مش وقت انبهار نهائي بيقرب علي نغم وهو بيمد ايده عشان ياخد منها البنت ونغم بترفض بشده وهي بتقرب البنت منها وقبل ما اتدخل بينهم هايا خرجت من الأوضة وهي بتجري علياا......وانا اتصدمت انها خرجت....خوفت وقفتها ورايا.....وانا بقرب المسافة بيني وبين باب الشقة.....مع قراري ان مش هدخل بينهم....مهما حصل وفي اسوء الاحتمالات هسيب البيت كلة.....خروج هايا خلاني عاجزة عن كل شيء مقابل حمايتها....خوفي وقلقي عليها خلاني سكت.....مع خوفي ان تحصل حاجة اكبر من كده وهايا تشوفها هايا حساسة جدا.....اقل حاجة بتاثر معاها...بتخاف وانا مكنتش مهتمه لوضع نغم.......مكنتش اتخيل ان يجي يوم ومكنش مهتمه لحاجه بتحصل لصاحبة عمري؟.....وموقف زي ده!! مكنتش فاهمه اي حاجه......بس مكنش عندي استعداد اسأل كنت عوزه كل حاجة تنتهي بسرعة وانا مش هعرفها تاني ولا هدخلها بيتي نور//انا لحد دلوقتي بحاول اسيطر علي غضبي وان مقتلكيش مكانك هاتي البنت نغم//قولتلك مش بنتك انت مش بتفهم ليييييه ومع محاولات كتيرة انا نفسي استغربتها لصبره عليها واني لو مكانه ودي هايا كنت هاخدها حتي لو هتوصل الامور بينا لاكبر من كده بكتيرر وغالبا نظرتي مش بتستمر كتير........وبيفقد اعصابة وبيضربها في ايدها وهو بياخد البنت منها بحذر بيتحول......اعتقد مكنتش هصدق لو مشوفتش بعنيا انه نفس الشخص......بياخد البنت بحذر وهو بيقربها منه نظراته بتتغير في ثواني.......لحنيه غريبه....نفس الايد اللي ضربت نغم وانا متاكده ان ايدها اتكسرت بسبب الضربة العنيفه دي.... هي هي الايد اللي شايلة بنت وخايف عليها منه!!! بيحضنها وكانها جزء لا يتجزأ منه....كأن روحه كانت بعيدة ودلوقتي رجعت تاني.....دلوقتي قادر يعيش نور//حسابي معاكي مخلصش......اوعي تفكري انك خلصتي مني انا لسه هبدا معاكي......دلوقتي مش معاكي حاجة توقفيني بيهاا بيقرب من البااب وانا بشد بأيدي علي هايا ورايا وانا ببعد عن الباب نظراته بتقع علي هايا لثواني نفس الثواني اللي نظراتي عليه كانت قاتله......وانا ببعدها اكتر بيبتسم وبينزل من غير كلام......وانا بقفل الباب بسرعة وعنيا علي نغم.....جوايا غضب منها ومن تصرفاتها والمشكلة اللي كان ممكن تكبر وعواقبها تكون اسوء بكتير من دلوقتي فتون//في ثواني تفهميني كل حاجة قبل ما تشوفي وش مش هيعجبك البنت دي بنته بجد؟؟ نغم//............. فتون//ننننغم انطقي البنت دي مش بنت فارس نغم//.................. مش بترد عليا.....بتفضل ساكته.....بيقطع كلامي صوت موبايلي......رقم غريب مش بهتم في الاول....لكن مع تكرار الرن برد....... لثواني مش بكون عارفه اعمل اية!.......بخاف اسيب هايا مع اي حد وبخاف اخدها معايا بسيب الموبايل وانا بقعد مكاني كل حاجة بتعدى قدامي......كل السنين اللي عدت وانا بحلم بشركتي وشغلي....الايام اللي عدت وانا بلغى حجات كتيره عشان اوفر فلوس.....الايام اللي سهرت فيها كل حاجة فجاة اختفت......اتحرقت زي ما الشركة بعد ما اتعملت.....اتحرقت بيبلغوني ان حصل حريق......نغم بتنزل من البيت.... وانا باخد هايا وبنزل.....بوصل عند ماما وبسيب هايا وبوصل للمكان.....بعد ما كل حاجة خلصت.....مبني أسود....رماد.....مفيش ملامح اتحرق كله.....كأنه مكنش.....وكأنه كان شيء هش لدرجه انه يتبني في سنين وينتهي في ساعه المكان فاضي.....رجعت تاني اقعد في عربيتي عنياا علي المكان بحزن......اعتقد دي اول مره افهم فيها شعور القهر....اللي بيخلينا مش عارفين بيحصل ايه؟! دماغي بترفض الواقع.......عوزه انام!!!!! بسند راسي قدامي......باب العربية مفتوح.....بنزل الكابيشو اكتر علي وشي وانا بعيط......بحاول اهدى... افكر ممكن اعمل اي في المشكلة دي؟؟......كالعاده بركن الزعل علي جمب بحط كل حاجة حاسه بيها تحت رجلي بشكل بشع.....بشكل مؤلم بقفل باب العربية وبتحرك.....باخد هايا من عند ماما وبمشي بسرعة قبل ما تسألني عن اي حاجه.....وبرجع البيت هايا//ماما مالك فتون//ماليش ياحبيبتي تاكلي ايه سندوتشات بكرة للمدرسة؟ هايا//انا خايفة مش عوزة انزل المدرسة....فين بابا؟ فتون//......في شغل يا هايا مش هو قالك انه هيتأخر في الشغل المرادي هايا//ايوة بس فتون//خلاص يبقي بكره كلمية لو عوزة بدري عشان يعرف يكلمك هايا//بس عوزة اكلمه دلوقتي فتون//مينفعش يا هايا هايا//تصبحي على خير ياا ماما مش بيعجبها كلامي بتدخل اوضتها.....انا عارفة انها خايفة....وهتفكر في فارس عشان خوفها يقل ولثواني مكنتش فاهمه التناقض الغريب اللي يخليه يمثل لشخص آمانه وشخص تاني يقرف من اسمة؟ لكن افتكرت نور الشخص الهمجي اللي كسر ايد نغم كانت عيونه بتتكلم عن كل حاجة في قلبه للبنت الصغيرة...... فتون//هايا نمتي هايا//لا مش عارفة انام فتون//تعالي نامي عندي في الأوضة هايا//بجد ينفع؟؟؟ فتون//ايوه عا....... مش بكمل كلامي بتتحرك من سريرها بسرعة.....بتجري من قدامي وهي بتدخل الأوضة بتاعتي بقفل الانور وبدخل بعدها......بقفل نور الأوضة وبنام جمبهاا بتقرب في حضني وهي بتحكي عن نور.....سمته الذئب المغرور تشبيه بشخصيه كرتونيه بتخاف منها بتحكي لحد ما بتنام.......وانا مش بعرف انام بفكر كتير كتير جدا ممكن اعمل ايه!!......كل الشغل اللي كان مفروض يتسلم هعمل فيه ايه؟؟......لو قررت اعتزر عنه هدفع منين الشرط الجزائي؟؟ هدفع منين لكل ده! هعمل ايه في الشركة اللي بقت حيطان محروقه؟ والموظفين دول هياخدوا ازاي فلوسهم؟؟ حجات كتيره مكنش ليها غير حل واحد.....غير منطقي لكن مفيش حل تاني عشان كل حاجة ترجع زي الاول بتحرك براحه من جمب هايا وبخرج كل النسخ اللي كنت بحتفظ بيها في البيت وبسجل كل التصميمات المطلوبه وكل الشغل المطلوب سواء تخصصي او لا بتاريخ التسليم برتبهم وانا مقرره ان كل الشغل هيتنفذ في معاده رغم كثرة الشغل وصدمتي واحباطي وانا بسجل كل ده وانا واثقه ان كل ده مستحيل يخلص في وقت قليل إلا ان كنت بحاول اقولي ان كل ده هيعدي كده كده وكل حاجة هتتحل......ورغم ان كنت عوزه اعرف ده حصل ازاي.....لكن مكنش فيه وقت يا ابدا ادور في اسباب يا اشتغل فارس//هايا فين بتخض من صوته جدا مش بفهم هو دخل امتي وازاي وليه موجود دلوقتي اصلا فتون//انت جيت امتي واي جابك اصلا فارس//انا جيت وكنت عامل صوت عادي وناديت عليكي مكنتيش بتردي فتون//اي جابك دلوقتي اصلا فارس//هايا فين واي حصل الصبح بتحرك من مكاني بتجاهل وعدم اهتمام لكلامه كنت حاسه اني مش قادره حصلت حجات كتيره مره واحده.......مكنتش قادره استوعب كل الأحداث دي وراء بعض...... فتون//لسه فاكر عموما هايا جوه ادخلها كانت خايفة وعوزاك مش بيرد وبيدخل بسرعة للاوضه وهايا بتحس بيه وبتفوق بسرعة......وانا ببعد وبدخل البلاكونة.... مكنتش محتاجة غير هواء.......وللحظات بدات ارجع تاني لموضوع فارس......واستوعب كلام نور ازاي البنت دي بنته؟! ونغم ايه دخلها في الموضوع؟......ويعرفها منين؟ حجات كتيره كانت مجهولة بالنسبالي عليها علامة استفهام مكنتش فاهمه ليه اصلا نغم تعرف هايا؟؟واتفاجئت لما قولتلها ان فارس متجوز وكانت عارفة ومخبيه عليا! بدخل عشان اشوف هايا وبسمعها مع فارس ولثواني بدخل لعالم موازي وانا مش فاهمه ليه بتقولي يا ماما وبتقول لفارس يا بابي!!! مع ان فارس مش لايق علية يكون بابي خالص بسيبهم وباخد شال وبدخل البلاكونة تاني هايا//يا بابي ده راجل يخوف جدا ضرب طنط نغم جامد وكانت بتعيط.....وخد بنت معاه كنت خايفة ياخدني انا كمان من ماما فارس//متخافيش محدش يقدر كنت موته وانا مش هروح الشغل تاني كتير وهاجيلك زي الاول عادي بيحضنها ورغم انها كلمتني كتير....بتكلم فارس لكن بشكل مختلف....مستنية يطمنها كالعاده....يضفر شعرها وهي بتنام.....بيتحرك من جمبها براحه بحس بيه وهو داخل البلاكونة......وانا من جوايا حاسه ان يومي كفاية اوووي عليه لحد هنا فارس//مكلمتنيش ليه لما ده حصل فتون//ازاي البنت دي طلعت مش بنتك؟! فارس//انا بسألك سؤال.....لو كان حصل حاجة لهايا او الشخص ده خطفها بجد كان هيبقي الوضع ايه يا هانم فتون//هو كل ده مكنش هيحصل لولا وجود حضرتك وانت المفروض ترد عليا عشان الاجابة عندك كل ده حصل بسبب البنت اللي طلعت مش بنتك واستاذة نغم واخداها وجيالي كأني قاعده لمشاكلكم والحوارات الحقيرة اللي حواليكم دي كلها فارس//انا مش فاهم بتتكلمي عن مين بظبط فتون//معقول مدام هايا مقالتلكش ان بنتها مش معاها لو بنتها اصلا مش بيرد عليا....بيخرج الموبايل من جيبه وهو بيرن عليها وباخد بالي هو مسجل اسمها ايه......ولكن بتجاهل نهائي.....ولكن بعد ما بترد بفهم ان لسه في حجات تانية محتاجة اتجاهلها هايا//كنت لسه هكلمك ياحبيبي اتاخرت كده ليه قلقتني عليك فارس//متقلقيش مفيش حاجة لما اجيلك نتكلم....هي كايلا لسة سخنه؟ بستغرب طريقته معاها...كلامه عادي....لكن نبرة صوته مختلفه....عمري ما شوفته كده.....حنين مع هايا كنت بشوفو في دورة وهو اب.......اول مره اشوفو في دورة كحبيب.......بسمع صوت بنت بتعيط......وهو نظراته عليا قوية......كأني عدوته بيقفل معاها وهو مستني اتكلم......وانا مش فاهمه حاجه عشان اكلمه فارس//وبعدين مش عوزه تقولي حاجة فتون//انا مش عوزه اقول حاجة.....ومش فاهمه ولا متاكده من حاجه.......غير ان وراكم مصيبه بس انا متاكده جدا ان البنت دي هي هي البنت اللي كانت مع هايا لما روحت عندها مش بيهتم لكلامي وبيفسر ده غيرة......وانا مش بهتم لتفكيرة....بيدخل الاوضه تاني وبيقرر يقعد عشان هايا ....وانا بنام في اوضة هايا وانا حاسة ان كل حاجة مش طبيعية بشكل غريب نغم//انا روحت في داهية هايا//انتي مش قولتي ان انتي ونور بتحبوا بعض معقول يعمل كل ده نغم//هو انا بعد اللي حصل هيبص في وشي اصلا انا مش مكملة معاكي حاجة هايا//انتي مبدأتيش بمزاجك عشان دلوقتي متكمليش انا عوزة البنت دي مهما حصل نغم//انتي شيطانة.....اللي انتي بتلعبي بيها دي طفلة ما تقولي لفارس انك مش بتخلفي وخلاص هايا//تمام معنديش مشكلة ممكن اعرفه ان البنت دي مش بنته وانا مش بخلف........وكمان انتي عارفة هعمل ايه تاني تحبي تشوفي؟؟ «نغم» بنزل من عندها تايهه مش عوزه اعمل حاجة...لكن مش عارفة ممكن اعمل اية.....بحاول اكلم نور كتير مش بيرد.....الموبايل بيتقفل.....بقعد في الشارع وانا بعيط خايفة من اللي بيحصل مش عارفة نهايته ايه! الوقت بيعدى بسرعة جدا وانا مكاني......بفكر.... لحد ما بقرر اروح لفتون....مفيش حد تاني ممكن اروح عنده يمكن يساعدني....نور مستحيل يقبل يسمعني اصلا......بستني تحت البيت لحد ما فارس بيمشي وبقرر اطلع قبل ما اغير رآي وامشي.....امشي وانا هنفذ اللي هايا عوزاه «فتون» بسمع صوت الباب.....بتكون هي....بستغرب انها بنفس وضعها من امبارح...لكن اسوء....حالتها...لبسها اللي اثر الدم موجود فيه.....ملامحها اللي باين عليها انها كانت بتعيط.....بتدخل وانا بتاكد ان هايا نايمة وبخرج تاني اقعد معاها فتون//جاية ليه نغم//فتون انا محتجالك....نور مستحيل يسمعني حاولت اكلمة كتير فتون//نور ده اللي كسر ايدك؟يعني انتي تعرفيه؟ نغم//....اه اعرفه فتون//ده متجوز نغم//لالا مش متجوز فتون//واضح ان في حجات كتيره وراكِ يا نغم نغم//مش ورايا معملتش حاجه والله كله بسببها هي فتون//هي مين نغم//هايا....هي اللي خلتني اخد البنت ليها ومكنش ينفع اجيب بنت غيرها فتون//......مش فاهمه اي حاجه وانتي ليه اصلا تسمعي كلامها؟ نغم//........................ فتون//وانتي ازاي تسكتي نغم//هعمل ايه يعني لو حاولت اعمل اي حاجه كانت هتنزل الصور دي عادي مش هيفرق معاها حاجة فتون//فارس عارف؟ نغم//فارس عارف هايا الهادية الطيبة البنت المثاليه في كل حاجة....حبيبته.....ولا حتي يعرف انها هي اللي اتسببت في حرق شركتك فتون//اية!! نغم//هايا مريضة اقل كلمة ممكن اقولهالك عنها هي اسوء من كده بكتير....كانت غيرانه منك عشان فارس اتجوزك الاول ولحد دلوقتي منفصلتوش فتون//وفارس فاهم ان البنت دي بنته نغم//هي اصلا مش بتخلف فتون//ونور ده متجوز ازاي بتحبي نغم//لالا البنت دي مش بنته دي بنت اخته هي اتوفت اصلا وهي بتولد وهو اللي خد بنتها فتون//يعني انتي بجد خدتي البنت منه ؟ نغم//ايوة بس انا والله كنت مضطره اخدها هي كانت بتهددني وهي مش بتهدد بس انا متاكده انها ممكن تنفذ ده عادي فتون//وانتي بقي عوزه مني ايه؟.....انا مالي بكل ده مشكلتك معاها ومع نور نغم//فتون انتي صاحبتي الوحيدة و.. فتون//نغم.......انا وانتي مش صحاب انتي انسانة انانية استغليتي نور وخطفتي البنت اللي هو بيعتبرها بنته من بيته ومعملتيش حساب لمشاعره وهو مش قادر يوصلها وصدمته بعد ما وثق فيكِ وانتي اللي تعملي فيه كده كنت حاسة بغضب كبير اتجاها يمكن لاني حاسة بنفس الشعور بسبب هايا ولو ده حصل معايا وفجاة ملقتهاش كنت هعمل ايه؟!! نظراتها بتكون عليا وهي بتحاول تستعطفني اتجاها لكن كان جوايا نظرة استحقار لافعالها.....مكنتش شايفة منها اي مبرر يستحق..... نغم//والله العظيم غصب عني فتون//كنتي تقدري تعرفي حازم اخوكِ واعتقد انتي واثقه كويس انه مكنش هيسيبك وهتتحل بسهولة لو كان عرف.......كنتي تقدري تعرفي نور او تبلغي عنها كان ممكن تقوليلي قبل ما تعملي كل ده كان في حجات كتيره ممكن تعمليها......بس انتي اللي اخترتي مكنش عندي استعداد اساعدها كنت شايفة انها هي اللي اختارت طريقها.....كان في حلول كتيرة اكبرهم حازم اخوها....ولكن هي قررت تأذي الشخص اللي بتحبه.......وتاذي صحبتها نغم//طيب....كلمي بس نور خلي يكلمني انا مش عارفة اوصله خالص فتون//ليكي عين اصلا تكلمي؟! نغم//هفهمه بس ان كان غصب عني فتون//خدي الموبايل اكتبي رقمه وانا هبقي اكلمه بسجل الرقم بعدم اهتمام وانا مش حاسة اني عوزة اكلمه.....اصل هقوله ايه؟!......هو معااه حق....ورد فعله اقل رد علي اللي حصل..... قطع كلامنا صوت الباب.....ونغم بتقلق وكالعاده بفتح انا الباب....لكن بيكون فارس اللي بستغرب وجوده جدا دلوقتي لانه لسه نازل.... فارس//بنتي فين يا فتون فتون//نايمة جوه فارس//فتوووون مش قصدي هايا فتون//انت طلع عندك بنات تانية؟؟ بتكلم معااه بمنتهى الهدوء.....اللي استفزه جدا....كان واضح ان هايا فهمته اني خدت بنتها.....بيدخل...وهنا باخد بالي ان هايا موجودة اصلا...وكانت واقفه ورااه بتعيط...لابسة شال ومنطويه علي نفسها...ملامحها فعلا بريئه....لو مكنتش عرفاها كنت صدقتها!!! بتفضل بعيد لحد ما فارس بيخرج من الاوضة وهي بتجري تقف جمبه...وهي ماسكة ايده بخوف....وهو بيحاول يطمنها انه هيلاقي بنتها....وانا واقفه بتفرج ومن جوايا عالم موازي بيسأل.....ليه هايا مفكرتش تمثل قبل كده؟؟ فتون//هايا ياحبيبتي متقلقيش فارس مستحيل يسيب البنت هيجبها لو كانت فين وبعدين يافارس كده تتعبها اكتر وهي كل مره يبقي عندها امل تلاقي بنتها المرادي وبعدين تكتشف ان مفيش حد فارس//انتي متدخليش هايا//فارس لو سمحت ياحبيبي ممكن نمشي بيسمع كلامها!!...وبيمشي وهو نظراته عليا قوية كأني ضربتها....ونغم بتمشي بعدهم بهدوء من غير كلام وانا بدخل اوضتي......مكاني الوحيد اللي مش بمثل فيه....الورق في كل مكان....شغلي اللي راح ومحاولاتي فيه بائسه.....جسد مرهق وروح مستهلكة بتحاول تبني نجاح تاني وتصلح اللي اتكسر.....وهي لا تصلح لشيئ بنام علي الارض.....بحس اني محتاجه انام كتير اووي واني مرهقه ومش عوزة افكر.....مؤخرا بقيت انام كتير كرهي لفارس بيزيد....لكن لثواني بتقرب مني إبتسامة هدوء وانا شيفااه قدامي بيعيش نفس الاحساس مكنتش قادره اتوقع رد فعله لو عرف حقيقة هايا .....انا الحقيقة الوحيدة اللي كنت في حياته....كل ده هيعدى و دوره هيجي وانا اللي هتفرج ♡_♡_♡_♡ نور//انتي ازاي تيجي هنا نغم//حاولت اكلمك مش بترد نور//يبقي تيجي مكان شغلي نغم//نور اسمعني بس دقيقة واحدة أرجوك نور//اسمع ايه...نغم وفري كلامك انا عارف انتي جايه ليه.....وعلي فكرة انتي مش مظلومة في حاجة انتي غبيه نغم//عارف ايه....انت فاهم غلط بيبعد نظراته عني وهو بيحاول يهدى....بيقرب من درج المكتب وهو بيخرج منه ظرف ابيض كبير....وبيرمي قدامي.....قلبي بيدق بسرعة مكنتش فاهمه ايه ده! لكن كان عندي احساس قوي من جوايا بيعرفني هي ايه نور//افتحيه ولا مكسوفة تشوفي نفسك نغم//نفسي!!!!!!! نور//انتي ليه بتنبهري.....مش وقته يا ماما انا مش جايبلك بوكية ورد......دي صورك باخدها منه وبفتحها.....بتكون الصور اللي مع هايا وهو واقف بعيد بنفاذ صبر من هدوئي وانا بفتح الظرف بيحاول يتحكم في اعصابة.......برجع الصور تاني وانا ساكته نور//يااااااااااصبر ايوووب......مش عوزه تعرفي جبناها منين نغم//جبناها!!!! نور//بتنبهري تاني؟.....ااه معلش هي فعلا صيغة جمع اصل الصور دي لقيناها مع واحد اتقبض عليه النهاردة وما شاء الله معااه صور تاني اصل حضرتك من ضمن مجموعة كانت هتبقي عروسة الجنة بس ازاي تموتي ومين يجلطني نغم//مش فاهمه حاجه نور//في واحده اسمها هايا باعت الصور دي للراجل اللي اتقبض عليه....الراجل ده بقي اشتري صورتك ليه؟ نغم//ليه! نور//اصوت والم عليا الناس......هيكون ليه يعني عاشق سواد عنيكِ نغم//اللي باعتها اسمها هايا؟ نور//ما انا قولت انتي بتنسي بسرعة ليه نغم//اصل هايا دي اللي كانت عوزه بنتك..وكانت بتهددني بالصور دي لو مجبتلهاش البنت نور//عذر اقبح من ذنب....فتاخدي بنت مالهاش ذنب بدل ما تقوليلي انها بتهددك......انتي عارفة يا نغم انا ليه محطتكيش في السجن.....من غير انبهار بس عشان متعصبش.....ان العيب عليا ان اديكي الامان لدرجة في بنتي وتطلعي بالقرف ده ده مش معنااه اني مش هربيكِ.....لكن عوزك تتخيلي بقي ازاي نغم//يانور والله غصب عني....بلاش تعمل معايا كده حط نفسك مكاني لو نزلت صور زي دي هعمل ايه وبعدين هي مش هتأذيني لوحدي لو ده حصل حاول تفهمني انتوا ليه كلكم محدش قادر يستوعب موقفي انا غلطت بس أنا مكنش بمزاجي نور//نغم انتي ليه بتتعاملي علي اني بحبك؟؟؟ بلاش دور الضحية ده انا فعلا هساعدك بس مش عشانك....ده عشان شغلي...لكن مالوش داعي انك تمثلي انك هنا عشاني مش عشان مصلحتك نغم//نعم؟؟؟......نور مش معني اني بحبك ان هسمحلك تقول عني كده او تشوفني كده انا جيت هنا عشان افهمك اللي حصل عشان..........مكنتش عوزه اخسرك انما مصلحة اي اللي هحتاجها منك!!!! ومين دي اللي تربيها حقي انا اقدر اجيبه بيك او من غيرك يمكن انت متعرفنيش كويس بس لو عرفت هتزعل انا مش محتجالك......ولا انت تقدر تعمل معايا حاجة نور//ده اعتبره تهديد نغم//عتاب......افتكره كده....انا مش لاقيه حاجة اقولهالك يانور اصلا بس انا مش انانية....انت مكنتش مكاني عشان تفهمني....انا مكنتش هتأذي لوحدي يمكن لو كان كده كنت واجهت غلطي بنفسي نور//خلصتي ممكن بقي تقعدي وتحكيلي اللي حصل بالتفصيل بقعد وهو بيسألني عن حجات كتيره عن هايا وبيعرف قصة هايا وفارس وفتون.....وبيشخصها مع فارس جدا وكده كده هو مشخصها مع هايا بسبب بنته....لكن باخد بالي ان نظراته ليا مع الوقت بتزيد احتقار....او عدم توقع.....ورغم ان نظرته بتوجعني وبتحسسني ببشاعة الموقف بكمل كلامي وبقوله كل حاجة نور//اي القرف ده......انتوا ازاي كده نغم//هما....انا مالي بيهم نور//......فتون دي اللي كنتي في بيتها نغم//ايوه بيسألني عن عنوان هايا وبعدها بمشي.....باخد باله من نظراته ليا قبل ما امشي...لكن بيبعد نظراته عني بسرعة وانا بمشي.... وانا مش عارفة اعمل اية..... وتايهه.... بحس بكل حاجة عملتها...فعلا كنت غلط!!!! هي مكنتش هتتردد تعمل اي حاجه وده اللي حصل.....عنيا بتيجي علي الظرف ودموعي بتنزل....بجري علي البيت....خايفة وتايهه.. حاسة اني بخسر والامر بيزيد سوء.....كنت فاكره ان هساعدها واخد صوري وخلاص كده.....طلعت كل حاجة أكبر مني.....بحس ان في حد ورايا وده بيزود خوفي وبوصل البيت بسرعة وانا بخبط جامد بسمع صوت حازم وهو بيزعق بسبب طريقتي....ولما بيفتح ملامحه بتتغير....بيكون واضح علياا الرعب جسمي كله بيرتعش....بدخل بسرعة وانا بحضن حازم بعيط وهو قلقان مش فاهم مالي ولا أنا عارفة اقوله ايه!!........بيحاول يهديني....لكن مفيش فايده خوفي بيزيد من كل حاجة......هقوله ايه وازاي! حازم مينفعش يمكن هما مافيش مقارنة بينهم وبينه بالنسبالي كان سهل اكلمهم نظراتهم وجعتني بس تهون لكن حازم مينفعش.......مينفعش نظراته ليا تكون زيهم مينفعش يكرهني.....كان هو نقطة النهاية لكل حاجة كنت عوزه اعرفه.....كنت حاسة اني لو قولتله انا هبقي كويسه وكل حاجة هتتحل.....هو هيطمني بوجوده فاهمه اني غلطت لكن مكنتش مستعده عقابي من اللي عملته يكون هو حازم//اهدى يانغم انتي قلقتيني جدا مش عارف افهم منك حاجة نغم//.....مفيش حاجة.....كان في حد بس ماشي ورايا عشان كدا خوفت حازم//ماشي وراكي ازاي شوفتي شكله نغم//لالا....ممكن يكون بيتهيالي اصلا انا بس عوزه انام ببعد عنه وهو عنيه عليا فاهم اني كدابة وانا مكنتش قادره افضل اكتر لان كنت هعرفه كل حاجة بدخل اوضتي وانا بحط الصور تحت المخده وبنام علي السرير وبتغطي.....وانا لسه بعيط مش عارفة اعمل اية حاسه ان لوحدي وكل حاجة ضددي.....بسمع صوت الموبايل بتكون هايا.....مش برد عليها لكن مع تكرار المكالمه بخاف وبرد هايا//مش بتردي ليه نغم//عوزة ايه هايا//انا هعمل محضر ان بنتي روح قلبي مخطوفه وعوزاكِ معايا هو انتي مش شوفتي بعينك ان فتون خطفتها؟؟ نغم//ايه!!! هايا//هستناكِ باي بتقفل معايا وانا لثواني بستوعب كلامها!!! بفتح موبايلي وببعت تسجيلات المكالمات بينا كلها لفتون وبعرفها توصلهم لنور لأني مش هعرف اوصله وانا مقرره ان مش هسمع كلامها تاني وبعد ماا حازم يعرف مش هيكون في حاجة ممكن اخسرهاا اكبر ولكن بكون متردده شوية.....صعب عليا اواجهه انا واحكيله كل حاجة...... بيقطع تفكيري هو...بيدخل وبيقفل باب الاوضه ورااه بيسيب الكوباية اللي في ايده جمبي وبيقعد قدامي وهو بيداري قلقه بإبتسامة وبيكون باين اوي انه فهم ان في حاجة انا خايفة اقولها حازم//عملتلك نعناع اشربي نغم//حازم هو انت ممكن تكرهني....يعني لو عملت حاجة انا غلطانه فيها هتبقي انت كمان ضددي ابتسامتة بتختفي....بيقلق اكتر وعنية بتركز معايا اكتر حازم//لو في مشكلة انا هساعدك يانغم متقلقيش انا هبقي مكان آمن ليكي حتي لو غلطانه وان اكرهك دي حاجة مستحيله اصلا نغم//انا خايفة احكيلك......مش عشان انا غلطانه انا فاهمه كويس اني غلطانه والله ومش عارفة اعمل اية كان غصب عني والله ياحازم انا مش وحشة كده حازم//طيب ايه اللي عملتيه....متخافيش قوليلي بحكيلة كل حاجة حصلت من الاول بالتفصيل....بحاول اتجنب عنيه نهائي....لكن....كان باين انه مصدوم... بيحاول يداري غضبه مني....مش عاوز يخوفني عشان اكمل كلام....لكنه مكنش مدرك اني دلوقتي مش خايفة من اللي عملته....انا خايفة لزعله هو ونظرته ليا بخلص كلامي وانا خايفة ارفع راسي وعنيا تقابله مكنتش عوزه اشوفو.......وهو مش بيرد عليا كنت واثقه انه مش طايقني.....موضوع فارس كان غير متوقع بالنسبالة.....وبعدين هايا واللي عملته كله برفع راسي وانا دموعي بتنزل.....بشوف نظراته لياا مش بيرد وقبل ما يقوم عشان يخرج بمسك ايده بسرعة وانا مش مستعده لكده......مكنتش مستعده ولا عوزة ده يحصل....بقف قدامه كمحاولة بائسه مني ان اقدر امنعه انه يخرج كده من غير ما يقول حاجة نغم//لا عشان خاطري...... حازم//................... نغم//عرفت ليه كنت خايفة اقولك حازم//المشكلة اني مش قادر اعملك حاجة عاوز اكسر دماغك دي....ازاي اصلا تعرفيه وتكلميه عادي كده.....وهايا دي مكنتش هتعرف تعمل معاكي حاجة لو مكنتش ادتيها انتي الفرصة بنفسك وفوق كل ده كنتي بتتصرفي من دماغك ومعرفتنيش كان بيتكلم وهو متعصب....صوته عالي.....رغم احتمالية ان اهل البيت زمانهم سمعوا....مكنش فارق معايا اوي كل اللي هيحصل لو عرفوا كنت عوزه افهم حازم بس ان مكنش قصدي اعمل كده نغم//طيب اعمل اللي انت عوزة انا عارفة اني غلطانه بس عشان خاطري انا كنت مستعده اسيب الموضوع يكبر اكبر واتحمل نتيجة غلطي مقابل انك متعرفش مش عشان اخبي عليك والله حازم//متنزليش من البيت لحد ما اتصرف بياخد موبايلي معاه وقبل ما يخرج من الأوضة بوقفه وانا بمسح دموعي وبحاول اهدى عشان اكلمة وهو بيقف مستني اتكلم نغم//انت عندك استعداد تقابل فتون؟ حازم//وفين المشكلة نغم//يعني عشان ممكن تكون....... حازم//نغم.....مش هيبقي في مشكلة لو قابلتها نغم//طيب......حازم حازم//ايه تاني نغم//انا اسفة.......انا.... حازم//نغم...نتكلم بعدين......ومتنيسش ان قولتلك متنزليش من البيت مهما حصل.....اوعي تنسي بيخرج وبسمع صوت الباب وبفهم انه نزل....وانا بقعد علي السرير.....بعيط.....من جوايا حاسة ان كل حاجة هتكون كويسة مكنتش قلقانه بسبب اللي عملته بعد ما عرفت حازم......لكن مكنتش عارفة ايه هيحصل بعد كده...هيفضل زعلان! طيب هيتجنب وجودي.....او رد فعله هتكون اكبر....مكنتش متوقعه اي حاجه لكن اخيراا بحس اني اتحررت من ضغط هايا وشرها ومن نظرات نور ليا النوم بيغلبني بحس ان مش قادره اقعد اكتر من كده بقالي كتير منمتش....عايشه في ضغط واختيارات اصعب من بعض...... بكون واثقه ان مقابلته لفتون هتكون ضغط عليه....لكن مكنش عندي حاجة اعملها......ودموعي زادت وانا بفكر هو هيحس بأيه لو شافها!......وهايا بنتها؟ ♡_♡_♡_♡ فتون//حازم! حازم//فاضيه نتكلم؟ فتون//ايوة ادخل حازم//هستناكِ في الكافيه اللي تحت مش بيستني رد.....بينزل وانا بستغرب وجوده!....مكنتش متخيله ان نغم هتعرفه حاجة...دقيقة وبنزل معايا هايا لكن بسيبها تلعب في مكان اكون شيفاها فيه....وهو بياخد باله منها حازم//بنتك! فتون//ايوه حازم//كبرت ربنا يخليهالك فتون//في حاجة يا حازم حازم//نغم عرفتني كل حاجة.....المهم دلوقتي ان هايا هتقدم فيكِ محضر انك خاطفه بنتها فتون//ايه!!! حازم//بنتها.......بنتك مش بنت نور....وقبل ما تسالي فارس اللي هيقدم البلاغ فتون//عموما مش فهماك حازم//يعني فارس عاوز يرفع عليكي قضية عشان ياخد البنت....وطبعا مش محتاج اوضح هي فكرة مين فتون//معلش يعني خدني علي قد عقلي هي استاذة هايا دي بتعمل كده ليه اصلا....عوزة ايه يعني حازم//هو انا عرفت انها بتروح لدكتور نفسي هي مش متزنه اصلا ممكن تكون بتكرهك او بتتسلا فتون//بتتسلا؟؟ حازم//ليه الاندهاش يعني انتي سايبه كل حاجة بتحصل في حياتك وجايه تندهشي علي انها بتتسلا وبعدين ده إفتراض يعني ممكن يكون عندها سبب فتون//وبعدين انا وفارس اصلا لسه منفصلناش حازم//فارس طلقك فتون//نعم!!!!!!!!! حازم//واضح ان مش هايا بس اللي في عالم موازي فتون//انت عرفت كل ده منين؟ حازم//اهو ده اغبي سؤال من ساعة ما شوفتك يعني شوفي كل الغباء اللي انتي فيه في كفه ودي لوحدها في كفه رابعه.......كان سهل ان اعرف كل ده يافتون فتون//ااااااااه تمام معلش هنجت ما انت مش بتقولي صباح الخير برضو......تمام كده كده كنا متفقين علي الطلاق....لكن هي هتستفاد ايه لما تاخد بنتي وفارس كده كده اختارها هي حازم//طيب....ركزي معايا واحده انتي تبقي ضرتها كانت هي وجوزك بيحبوا بعض وسابها فتره بسببك واتجوزك الاول......وبعدين يتجوزها وتكتشف انها مش بتخلف...في حين سبحان الله انتي مخلفه وهي لا وسبحان الله تطلع برضو مش متزنة نفسيا تفتكري بقي هتستفاد اية! فتون//اية!! حازم//معلش يعني انتي ليه سايبه بنتك بعيد ما هي يا واخده غبائك يا غباء ابوها في الحالتين غبيه... يافتون دي كرها ليكِ خلاها تحرق الشركة عشان تدمرك......تفتكري هتاخد فارس وتسيبك في حالك بقي كده مع بنتك زي الناس!!.....وهي مش بتخلف فتون//أستغفر الله العظيم يارب وطبعا فارس معندوش مشاكل خاالص يعمل كده وياخد البنت وهو واثق انها هتختاره هو عشان عارف انها متعلقه بيه بنفعل في كلامي وانا من جوايا فعلا خايفة ياخدها... هايا بتحبه وانا عارفة الاختيار بنا بالنسبالها هو....هتختاره من غير تردد......دموعي بتنزل...باخد منديل بسرعة وانا بحاول اهدى حازم//عموما انا هقابل فارس عشان هو ياغبي جدا لدرجة انه لحد دلوقتي مخدتش باله من اللي هايا بتعمله يا عارف كل حاجة وده بقي في كلام تاني فتون//هو نغم ممكن يحصلها حاجة او تتحبس معاها؟ حازم//لا أنا هتصرف..... فتون//بما انها قالتلك كل حاجة.......اكيد قالتلك علي اللي حصل بنا حازم//اااه اكيد فتون//نغم اختي يا حازم وانت عارف كده اللي بينا مش يوم ولا سنة.....عشان كدا صدمتي فيها كانت كبيرة.....خصوصا ان كان في حلول كتيره غير اللي عملته حازم//........اللي هي عملته غلط.....لكن مش عشان هي كده....عشان هي خافت الموضوع مش بسيط ولا سهل لما تتهدد بصور اكيد هيبقي كل اللي في بالها ازاي تاخدهم.......وانتي عارفة نغم لما بتتوتر او تخاف بالشكل ده دماغها بتقف فتون//انا هكلمها.....يعني بس شوية لاني دلوقتي مش قادره خالص لو ينفع انت تفهمها قصدي افضل حازم//انتي ايه تاعبك؟؟ بيبقي باين عليا اني دايخه.....مصدعة.....عوزة انام.. الطبيعي بتاعي لما يكون علياا ضغط كبير واضايق وانا دلوقتي مش بس مضايقة....انا خايفة....وشعور الظلم جوايا بيغلب اي شعور تاني....ده لوحده محسسني بكل شيء بشع في الدنيا......لدرجة ان بطني وجعتني!! فتون//لا مش تعبانه....انا بس بفكر هعمل ايه مع فارس حازم//متعمليش حاجة انا هتصرف معااه كده كده هقابلة...واكيد هيجي لما هايا تتحبس دي ماشاء الله مصايبها كتير بنتكلم عن تفاصيل مختلفه لحد ما بيجيله مكالمة وبيستأذن وبيمشي وانا باخد هايا وبطلع بيتي تاني بدخل المطبخ وبعمل قهوة وبتاكد ان باب الشقة مقفول كويس وبدخل البلاكونة....... وانا بفكر..... معقول فارس ممكن يكون حقير كده لدرجة انه يكون عارف كل اللي هي بتعمله؟ كان جوايا شعور قوي ان ممكن يكون عارف وساكت او بيساعدها احتمال مش بعيد عن فارس انا عارفة انه بيحبها جدا لكن ممكن توصل للدرجه! طيب وانا!......مقدرش يحبني الحب اللي يخليه بس يتعامل كويس؟! مكنش شايف وجودي!.......وواخده مبرر للخيانه... ولمعاملتة السيئه....وجوده المنعدم.... يعني كل يوم بيدخل البيت بيتمني وجودها هي.... كان عاوز يسمع صوتها هي.....هي اللي تهتم بيه..... حتي في السكوت كان عاوز يحس بوجودها هي كنت طيف لعدم وجودها......او هي كانت موجودة حتي في غيابها.....انا اللي مكنتش موجودة في حضوري بحس ان أفكاري تعبتني......بتوجع قلبي ببطء... يمكن عمري ما قدرت احبه......لكن ليه!.....احترام وجودي كان صعب اوي كده....انه يفهم اني مراته كانت بتعجز عقله ان مش هي اللي مكاني؟؟؟!!! بحس بدوخه وان بدات اصدع من التفكير....وقبل ما بدخل اوضتي.....بيوقفني صوت هايا وهي مشغولة باللعب لكن مهتمه تسأل هايا//بابا هيجي امتي؟ فتون//هكلمه واقولك هايا//.....هو عمو اللي قابلتي من شويه ده مين؟ فتون//شغل......كان عاوز شغل ليه بتسألي عنه هايا//عادي.....فضول بسيبها وبدخل الاوضة....وأنا عنيا علي اللاب وكمية الشغل اللي ورايا.......بعمل قهوة تاني...وبجيب هايا جمبي...وببدا اشتغل.....وانا مش قادره....معنديش طاقة...... ♡_♡_♡_♡ «حازم» كنت فاكر نفسي لو شوفتها مش هحس بحاجه وانها كانت ماضي وانتهي.....لكن وقفت قدام نفسي وكدبها لما شوفتها قدامي.....مشاعري متغيرتش مفيش حاجة اتغيرت ولا حبي ليها قل.....كل حاجة زي ما هي ويمكن دلوقتي وحشاني اكتر..... اكتشفت ان مكنتش ناسي....انا كنت بتأقلم علي حياة هي مش موجودة فيها.....لدرجة اني نسيت اخلي حد غيرها يدخل حياتي......النهاردة بس كنت بحمد ربنا انها متعرفش حاجة عن حبي ليها وإلا كانت فهمت نظراتي وعنيا اللي فضحتني....صوتها ملامحها......كل حاجة فيها كانت مطفية بسبب الحزن دموعها اللي نزلت قدامي....بسببه كانت كفايه واعتقد ان موقفي مبقاش ضدد هايا واللي عملته مع نغم بس......كمان فارس.....محتاج يتعلم الادب نور//حازم باشا بنفسه عندنا بدخل مكتبة بهدوء....وانا من جوايا مش طايقه ولكن مكنش ينفع ياخد باله ان نغم قالتلي عنه حاجة لذالك بحاول اتحكم في اعصابي.....وبقعد من غير كلام حازم//الراجل اللي اتقبض عليه النهاردة ومعااه صور البنات ده قال حاجة نور//.........!!!! وانت عرفت قضيته منين ده انت ليك حد من البنات دي؟ حازم//ياريت ترد علي قد السؤال ياا نور انا اكيد مش جاي عشان تسألني فرق الرتب يبني وبين نور كبير.....وجودي في مكتبة فعلاً غريب...اعتقد مكنش ده هيحصل لو مكنش الموضوع بالنسبالي مسألة شخصية....وبما ان نغم مكنتش معرفااه انا بشتغل ايه...ولا يعرف اني انا اخوها لذالك اخر حاجة كان ممكن يتوقعها اني جاي هنا بسببها نور//الملف بتاعه اهو....هو اعترف من غير ما حد يكلمه اصلا وقال عن واحده اسمها هايا وانها هي اللي ادته صور بنت منهم حازم//والباقي؟ نور//من شخص تاني وقال اسمه برضو حازم//يعني هايا دي ادته صور بنت واحده نور//ايوه......بس الصور مش موجودة..وقعت كنت عارف انه بيكدب.....وعارف ان نغم خدت الصور لكن مكنتش واثق في كلامه.....او ان يكون في نسخه تانية للصور... حازم//انت مستني ايه بقي عشان تقبض عليها نور//مستنيها.....لا متبصليش كده والله مستنيها هي جايه لوحدها دلوقتي حازم//انت مين شغلك ظابط نور//التنسيق الله يسامحه بيقطع كلامنا صوت موبايلي بتكون نغم....بخرج وانا برد عليها.....وبيكون باين انها كانت نايمة وبتعيط رغم قلقي....وانها فعلا عرفت تاثر عليا.....لكن مكنش ينفع الموضوع يعدى....مينفعش اللي عملته اتجاوز عنه وكل مصيبه منهم اكبر من التانية نغم//انت فين؟ حازم//عوزة ايه....يعني انا اخد منك الموبايل تاخدي موبايل ماما نغم//اتأخرت فبسألك بتزعق ليه حازم//طيب لسه بدري عشان اجي يا نغم نامي نغم//هستناك عشان تقولي عملت ايه حازم//نغم هي هايا ازاي كدبت علي فارس؟ مكنش واخد باله انها بتكدب او في حاجة غلط نغم//لالا هي كانت معرفاه انها حامل وكانت ناوية تجيب اي بنت صغيرة لسة مولوده وتربيها هي ولما عرفت مني ان اخت نور ولدت بدات تهددني عشان اجبلها البنت خصوصا ان اخته ماتت اصلا وهي بتولد حازم//وفارس صدق انها ولدت فجاة كده ومكنش باين علي بطنها انها مش حامل؟ نغم//حازم انت في عالم موازي ياحبيبي موضوع بطنها ده سهل جدا ولما معاد ولادتها الطبيعي لو كانت حاما جه هي عملت نفسها تعبانه وكده كده كانت الدكتورة اللي معاها بتساعدها في كل حاجة وقالت انها هتولد وانا جبت وقتها البنت حازم//والدكتوره بتساعدها ليه؟ نغم//نفس السبب اللي كنت بساعدها عشانه حازم//هي كمان......طيب يا نغم نغم//حازم....متعندش وتتاخر لحد ما انام حازم//سلام بقفل معاها وبرجع تاني لمكتب نور وباخد بالي من بنت قاعده وبستغرب وجود بنت زيها في المكان ده واضح انها بنت ناس....ملامحها هادية واعتقد الطف من التواجد هنا! حازم//دي اختك؟ نور//.......معلش ما انا كمان كنت زيك...دي هايا حازم//دي؟؟؟ نور//مع الاسف حازم//وفارس؟ نور//هي كلمته وجاي حازم//انت ليه محسسني اننا رايحين ساعة كورة وبنتجمع؟؟ نور//اقعد بس وصل على النبي عم إبراهيم هيجيب شاي دلوقتي ♡_♡_♡_♡ نغم//ماما انا هنام ولو حازم جه وانا نايمة صحيني فيروز//هو في حاجة يانغم مضايقة حازم منك نغم//............ايوه فيروز//حصل ايه بقي....مش هيزعل منك إلا لو عملتي حاجة كبيرة نغم//لالا مفيش حاجة كبيرة ولا حاجة انتي عارفة مش بلاقي حاجه اعملها بنكش فيه فيروز//تنكشي فيه ويزعل فتنامي معيطه بالشكل ده وتفضلي قاعده مستنياه؟.......عموما ماشي لو جه هقولك ده لو مكنتيش صاحية اصلا بدخل وبسيبها وانا بهرب من نظراتها ليا قبل ما احكي كل حاجة وبدخل اوضتي.....فعلا مش بقدر انام وبفضل قاعده مكاني.....بحس ان كل حاجة حواليا بتخنقني وجودي لوحدي بيخليني افكر كتير بقعد مع دماغي وده اكبر عقاب ممكن اتعرضله بحس ان هتجنن وانا دماغي مش سيباني في حالي بفكر في كل حاجة عملتها.....ونور.....وفتون صاحبة عمري اللي خسرتها....وحازم اللي قدر يتأقلم علي حياته بصعوبة بعد جواز فتون وانا رجعته تاني للماضي بفتكر اليوم اللي قالي فيه انه بيحبها وقد ايه كان مبسوط......كان بيحكيلي عنها كتير.....وانه مستني يتخرج عشان يعرف يتقدملها...... البنت الوحيدة اللي حبها......يمكن معرفتش اشوفو كده تاني لحد دلوقتي..... انا خليته يرجع تاني يقابلها......كنت بلعن نفسي وغبائي اللي دايما بيعمل مشكلة....فكرت كتير في شعورة وقتها لسه فاكرها ولالا....قدر يتخطي بجد؟ ولا بيحبها وانا خليته يشوفها..... ونور.....غلطت لما كنا نعرف بعض....اكيد كسرت الثقة اللي بيني وبين حازم....وكده كده علاقتنا مش هينفع تكمل.....دموعي بتنزل....مكنتش حابه تكون دي النهاية لكن.......اذيتهم كلهم فيروز//نغم.....صاحية؟ نغم//ايوه يا ماما في حاجة! فيروز//انتي بتعيطي؟؟؟؟؟ نغم//لا ياحبيبتي ده انا مصدعة بس شوية فيروز//انتي فيكي ايه يانغم انا سيباكِ لحد ما تتكلمي براحتك لكن واضح ان في حاجة كبيرة نغم//يا ماما..... فيروز//نغم انتي في حد في حياتك؟! نغم//حد ازاي يعني؟ فيروز//يعني بتحبي حد؟ نغم//لا......اكيد لو في حد كنت عرفتك فيروز//متاكدة نغم//ايوة فيروز//طيب..... بتخرج وبتسيبني.....وانا بتغطي في محاولة للنوم بحمد ربنا ان الموبايل مع حازم....عشان لو هايا فكرت تكلمني.....بنام تاني.....شعوري بالهدوء والراحه ان كل حاجة هتتحل كان مخليني عوزه اعيط!!.....أخيراً خلصت منها.... ♡_♡_♡_♡ فارس//اي الهبل اللي بتقوله انت وهو ده.......هايا مستحيل تعمل كده حازم//هو ايه اللي مستحيل دي تسجيلات بصوتها فارس//سهله يعني ممكن تكون فيك نور//لا ده انت في مرحلة متاخرة جدا الله يعين حمزة//هو احنا لسه هنقنعك.....تمام هي فيك واحنا بنكدب ولو فكرت تقرب من فتون وبنتها هخلي الاسفلت ينسي وشك......انا اصلا مش طايقك تخيل بقي لو قررت اتسلا بيك فارس//ده اعتبره تهديد؟ حمزة//ليه تعتبره هو فعلا كده......بقولك ايه شكلك بيقول انك عاوز تتحبس مع حبيبة القلب صح فارس//تحبس مين انت متخلف ولا دماغك تعبانه بيقرب نور من فارس وهو بيحاول يداري علي اللي قاله او يخلي يسكت وانا بفضل قاعد مكاني نور//لااا اهدى كده وصل علي النبي في قلبك عشان كده انت هتودينا كلنا في داهية واحنا مش بنكدب....البنت اللي كنت فاهم انها بنتك دي بنتي انا اصلا....وممكن تعمل تحليل بمعرفتك عشان متقولش بنكدب هتفهم انها مش بنتك سهله بيتعصب من كلام نور جدا ونظراته بتتغير بينا وبين هايا اللي واقفه بعيد وهو مش فاهم حاجة ومش عاوز يفهم ولا يصدق عنها حاجة فارس//انتوا عوزين تجننوني ازاي مش بنتي...اومال انتي ازاي كنتي حامل...طيب لو هي مش بنتي...بنتي الحقيقة فين؟ نور//ما هو مفيش حقيقه ولعبة هو مفيش حمل اصلا مراتك مش بتخلف فارس//نعم!!! نور//هو ليه كل ما اكلم حد يندهش هو انا قناة الحياة بيبعد عننا وبيقرب من هايا اللي بتكون قاعده بعيد نظراتها بارده.....مش بتتحرك من مكانها.....بينزل فارس لمستواها وهو بيمسك ايدها وانا صبري بينفذ.... غضبي اتجاه بيزيد اكتر وبحس انه يستاهل كل حاجة بتحصل دلوقتي.....اقرب حد هو اللي كذب عليه ساب كل حاجة عشانها.....وهي سابته في خذلانه وصدمتة لوحده فارس//هايا.....الكلام ده بجد البنت دي مكنتش بنتي؟ هايا//لو قولتلك انهم كذبين هتصدقني فارس//ايوة دموعها بتنزل وهي بتسألة.....نظراتي عليها بستحقار شديد لكن مش بتستمر كتير وبتتحول لدهشه او استغراب بعد ما دموعها فجاة بتختفي وبتضحك بشكل غريب.....وهي عنيها علي فارس....بتلمس وشه بأيدها وانا بتأكد انها مش طبيعيه هايا//بس أنا مع الاسف عملت كده...... فارس//ليه......كدبتي عليا ليه هايا //عشان بحبك....وغيرت عليك منها وانها تجيب بنت وانا لا.....عشان متسبنيش فارس//كده بتحبيني هايا//انت شايف اية؟ فارس//ونغم هايا//فارس ياحبيبي.....انا هددتها وكنت فعلا مستعده انزل الصورة دي....وانا اللي حرقت شركة فتون.....بس عشان انا كنت غيرانه منها عليك خدتك مني...وقدرت تجيب بنت وانا لا.....وانت مطلقتهاش فارس//فتعملي كل ده......وبعدين انتي اللي خدتيني منها انا متجوزها هي الاول هايا//وكنت بتحبني قبلها وهتتجوزني انا.....وسمعت كلام مامتك وسبتني وهي اللي خدت مكاني فارس//قولي انك بتكذبي كمان دلوقتي وانك معملتيش كده... هايا//..............لو ده كله حصل فهو بسببك فارس//مش بسببي....انتي اللي مريضة....حتي دي كنتي مخبياها عني هايا//مريضة!!!!!! انت فاكرني مجنونة! انا كده بسببك لما سبتني.......ولما رجعتلي كنت خايفة تسيبني وده برضو حصل بسببك وبعدين انت فاكرني هسيبها في حالها وهي وخداك مني وكمان بتخلف وانا هفضل طول عمري مش بخلف بتبعد ايده عنها وهي منفعله.....صوتها بيعلاا نظراتها بتتغير اتجاه فارس.....دموعها بتنزل جسمها كله بيرتعش.....رغم كل حاجة بتحصل دلوقتي..باخد بالي انها بتوجعه!!!! وانه مش قادر يشوفها كده ولا مصدق ان كل حاجة وصلت هنا!! فارس//بس انا كنت هقبل بيكِ حتي لو مش هتخلفي مكنتش مستني منك حاجة كنت بحبك وبس هايا//ولما انت بتحبني سبتني ليه.....متقولش حاجة عشان مفيش عذر هسمعه منك فارس//وحالنا دلوقتي عاجبك! هايا//لا يا فارس....لكن لو مش هتبقي حبيبي انا ومعايا يبقي مش هتخرج من هنا وترجعلها تاني بيستغرب من كلامها وبيضحك بستهزأ وكأنه بيقوله انها لحد دلوقتي مش قادره تفهم....لكن بتفهم هي حاجة تانية وهي انه مستحيل يرجعلها....دموعها بتنزل اكتر......ونظراتها بتيجي عليا انا ونور لثواني وبتنزل عنيها للارض وهي بتوجه كلامها لفارس هايا//.......يمكن وجعتك....بس وجعي كان اكبر بتقرب منه وانا ونور قاعدين مكانا وانا بتخنق من كلامها المريض....... هايا//ودلوقتي بتكرهني صح فارس//.............. بتحضنه قدامنا.....وهو مش بيبعدها عنه!!! فارس//لا يا هايا......مش بكرهك بحس ان في ميااة متلجه نزلت عليا وان محتاج برشام ضغط.......وباخد بالي من نور وهو مش قادر يخبي نظراته ولا انا عارف ده نجلده يمكن يتوب ولا نعرضه علي دكتور نفسي باخد بالي من ملامحه بتتغير.....في وجع غريب باين علي عنيه.......بيبعد عن هايا مسافة بسيطة لحد ماا عنيه بتقابلها......لكن مش بيتكلم...... هايا//انا اسفة...... اسفة علي ايه!!!! بيقع قدامنا.......وبناخد بالنا انها قتلته! بتنزل لمستواه وهي بتضحك!......بتلمس وشه وهي فكراه نايم!!!!!.......وبتبدا تعيط تاني وهي حاطه ايدها مكان الدم.....بتحضنه وهي مش عوزاه يموت!!!! مش فاهم هي ازاي مشاعرها بتتغير كده في ثواني؟ نور بينادي علي حد ياخدها بسرعة وبعد معاناه معاها قدر ياخدها.......مكنش ينفع معاها غير انها تتحبس لوحدها....وطلبنا الاسعاف لفارس....بعد ما اكتشفت انه لسه بيتنفس....من جوايا مكنتش شايف انه يعيش دي حاجة كويسة...... حازم//انا همشي.....وهبقي اكلمك نور//انت مهتم ليه بالموضوع ده بسيبه وبمشي.....مكنتش طايق اتعامل معااه....اليوم كله كان بيمثل ضغط عليا بكل الأشخاص اللي اتعاملت معاهم.......وكل حاجة نغم حكيتهالي..... بركب عربيتي وانا بفكر هعمل ايه مع نغم!! موضوع نور لوحده ده قصة طويلة.... كنت واثق فيها.. ومتاكد انها هتحكيلي لو حصل حاجة...ازاي تتعرف عليه عادي ومن ورايا وتعرفه طول الفترة دي وانا حتي مش واخد بالي........وانها تدي فرصة لهايا تصورها.....لو من البداية عملت حدود وانها في بيت حد متعرفوش مكنش ده حصل والبنت اللي خدتها..........وانها تكذب عليا....حجات كتيره كانت شغاله في دماغي......كل موضوع منهم بيكبر اكتر مع التفكير واسئلة اكتر بتظهر قدامي برجع البيت.....بقف تحت لثواني وانا عنيا علي شباك نغم اللي واضح انها قافله النور.....وبفهم انها نامت..... بقفل العربية وبطلع وانا بدعي مقابلش حد.....خصوصا هي......لكن بفتح الباب وبلاقي فيروز مستنياني؟ فيروز//اتأخرت ليه حازم//كان عندي شغل فيروز//تعاله عوزاك بدخل معااه وانا متوقع سؤالها.....اكيد خدت بالها من نغم....بتقفل الباب وبتقعد وهي عنيها عليا بغضب فيروز//ممكن افهم بقي في ايه اختك مالها حازم//مالها يا امي هو حصل حاجة فيروز//انا اللي بسأل وبطل اسلوبك ده نغم بيحصل معاها ايه يا حازم انا واثقه انك عارف كل حاجة حازم//هعرف ايه ياست الكل مفيش حاجة صدقيني لو كان في حاجة كنت عرفتك او علي الاقل هتاخدي بالك فيروز//حازم انا بصدقك لو اكتشفت انك بتكذب ونغم في مشكلة او في حاجة ومخبينها عني....متزعلش بتخرج وانا بقفل باب الاوضة بتاعتي وبغير هدومي... وانا مستغرب ان نغم لحد دلوقتي مجتش....كنت متوقع انها تيجي.......بقرر انام....لكن دماغي بترسم سيناريوهات كتيره......انا نفسي بستغرب اي الافكار دي؟؟؟؟؟؟؟............بقوم بملل بفتح الباب....لكن بلاقيها قدامي.....ومن جواياا نظرة داخليه لنفسي بأن دراما اوڤر الحقيقي نغم//انت كنت خارج؟ حازم//عادي كنت خارج اشرب...عوزة حاجة؟ نغم//.....عملت حاجة؟؟ حازم//..............الموضوع خلص ياانغم روحي نامي نغم//بالسرعة دي خلاص كده!! حازم//اااه بالسرعة دي فعليا مش بيكون انتهى......هايا لسة في البداية وممكن تجيب سيرتها عادي......كل حاجة لسه منتهتش باخد بالي من استغرابها......ومن نظراتها....بتحاول تستنتج اي حاجه حازم//لو مش عوزة حاجة تانية روحي نامي نغم//قابلت فتون حازم//بتسألي ليه بتدخل وهي بتقفل الباب.....وبتقعد علي السرير وهي مستنيه احكيلها......وانا بقعد علي كرسي المكتب بعدم اهتمام نغم//من غير تفاصيل انا عوزة أعرف حاجة واحده حازم//................ نغم//لسه بتحبها حازم//نغم........انا مش بحب الأسلوب ده وانتي عارفة متتصرفيش كأنك معملتيش حاجة نغم//بس أنا مش بتصرف علي اساس كده انا عوزة أعرف حاجة وسألتك حازم//انتي مجنونة مين دي اللي لسه بحبها انتي عارفة عدا كام سنة....دي واحده متجوزه ومعاها بنت نغم//كداب عينك بتقول انك بتحبها لسه حازم//نغم انا مش طايقك اصلا قولتلك الموضوع خلص وخلاص اتحل روحي نامي وياريت تتجنبي كلامك معايا اليومين دول عشان انا ماسك نفسي عنك بالعافية وعاوز اقتلك نغم//انا غلطانه ان قولتلك حاجة حازم//نعم يختي غلطانه؟؟؟ ليه كنتي مستنيه تقوليلي لما اجي اطلعك من الحبس ولا ايه! نغم//اه غلطانه عشان انا قولتلك متعملش زيهم وفهمتك اني عارفة اني غلطانه وده حصل غصب عني حازم//ونور كان غصب عنك؟! كنتي مرتبطه بيه غصب نغم//مكنتش مرتبطه بيه....ومكنتش بكلمه اصلا انت فاهم غلط حازم//وليه اصلا يعرفك من البداية لييييه نغم//كنت هقولك والله انه حاول يكلمني حازم//هااا وبعدين مقولتليش ليه نغم//ما كل ده حصل بقي ومعرفتش هو قالي.... حازم//قاااالك ايه بتتخض من صوتي وانا بكون قاصد الفت انتباها انها متقولش حاجة تعصبني عليها.....اي عنف في الموقف ده بالذات مش هيكون حل......بالعكس هتكون في سلبيات كتيرة.....كنت بحاول اخد موقف معاها ونفس الوقت متحسش اني بقيت بالنسبالها منطقة خطر في شغلي بشوف حجات كتيرة جدا......لو كان حد قالي عليها كنت قولت ده كداب مستحيل يكون في كده........يمكن ده من الأسباب اللي خلتني متصرفش معاها تصرف سريع مش حاسب عواقبه ايه نغم//خضتني يااحازم قولتلك متزعقش في وشي مش بحب كده.........هيكون قال ايه يعني قال انه عاوز يتقدملي........هو مش عارفك اصلا......ده يأكدلك ان مكنتش بكلمه مثلا حازم// يعني مش يأكد انك كنتي خايفة يطلع عارفني! نغم//اوووف بقي.... حازم//نغم روحي نامى نغم//مش هكررها تاني صدقني ولو في حاجة هقولك حازم//روحي نامي........انا ادتك ثقه مره وكنت بصدقك ولا كنت بدور وراكِ ولا بشك ان ممكن تعملي حاجة من ورايا واكتشف كل ده! نغم//وانا اللي جيت قولتلك معرفتش من حد تاني حازم//جيتي تقوليلي بعد ايه!!!.......وبعدين عاوز افهم يعني لو كل ده مكنش حصل مكنتش هتقولي علي نور اصلا وزمانك لسه مخبيه...... نغم//قولتلك ان كنت هقولك حازم//نغم......قولتلك روحي نامي ♡_♡_♡_♡ الوقت بيعدي بسرعة وبركز مع الشغل وبنسي اني مش قادره......للحظات بوقف وانا عنيا علي هايا اللي نامت.......وانا.....بعيط......ضغط رهيب من كل مكان... مش هنكر اني قلقانه علي هايا.....وان فارس ممكن يعمل كده بجد او اسوء.....بتحرك من مكاني...بشيلها وبحطها في السرير.....بحضنها وبنام....مش باخد وقت عشان انام.....في ثواني بكون نمت.....دماغي بتقف عن التفكير وبترحمني شوية لكن بفوق علي صوت موبايلي......بتحرك بتعب وانا باخد الموبايل بيكون رقم نور......وبعرفه بما اني سجلته لما نغم ادتهولي.....بستغرب جدا من مكالمته لكن برد عليه نور//حضرتك مدام فتون؟ فتون//ايوة نور///انا الظابط نور من قسم ## فتون//في حاجة؟ نور//فارس اتومني الأحداث تكون وضحت اكتر نور//هايا اللي قتلته فتون//...........هايا؟؟؟ نور//واضح انها مش متزنه خاالص....هتتعرض النهاردة علي دكتور نفسي... فتون//تمام نور//بعد اذنك فتون//صحيح يانور.....بنتك اسمها اية؟ نور//شمس بيمشي.....وانا بقعد علي اول كرسي قدامي....مكنتش عارفة ازعل عليه...... ولا كنت شمتانه فيه....كنت بفكر بس في بنتي!!.....هتعمل ايه هقولها ازاي؟ خصوصا اني عارفة قد ايه هي متعلقه بيه؟ لكن انا مكنتش زعلانه بالعكس حسيت ان موته كان رحمة ليه وانه كان محتاج يعيش شوية عشان يتعذب لكن بفهم ان موته مش رحمة بالنسباله....لسه هيتحاسب علي حاجة انا مش مسمحااه عليها... هو لسه بيبدا منتهاش موته كان رحمة ليا انا....رحمة لقلبي وحياتي اللي باظت بسببه.....كرامتي اللي اخيرا مبقاش في حد في حياتي معتبراها مساحته الشخصية.....عدم وجودة المفاجئ عقلي مكنش مستوعبه....لكن قلبي كان فاهمه ....بتحرك بتعب مؤخرا بقيت مش قادره اعمل حاجة ولا عوزة.....بخلص الورق المطلوب كله عشان الدفن.....وبقرر ارجع البيت اغير هدومي وباخد مفتاح عربيته من نور......اللي بكتشف من الورق اللي فيها انه كان هيكتب كل حاجة بأسم هايا مراته.... شركته... حتي شقتي كان هينقلها باسمها هي!!!......لكن ملحقش يسجل الورق.... برجع البيت.....بدخل المطبخ وانا في ايدي الورق... بحرقه....وانا جوايا كره كبير لفارس...كرهته واتعصبت لدرجه اني حسيت ان حتي قلبي مش مستحمل وجود شخص زيه باخد موبايلي بتردد......وبفكر اكلم نور.....لكن بحس ان مينفعش مش هقدر اكلمه......مهما كان هو مين عشان اطلب منه حاجة اكيد هتكون سخفيه اوي بقرر اكلم حازم.....برتاح للفكرة اكتر......بحس انه هيفهم موقفي.....لان فعلا مكنتش قادرة.... يمكن في العام غريب بالنسبة للناس....لكن بالنسبالي مكنش غريب....مكنتش لاقيه صفة احضر بيها... ومكنتش قادره......كنت محتاجة انام.....احتياجي للنوم كان غريب جدا لكن كان بالنسبالي رحمة من الواقع حازم//السلام عليكم فتون//وعليكم السلام انا فتون يا حازم شكلك كنت نايم حازم//لالا معاكي في حاجة حصلت؟ فتون//هو شكلك متعرفش....بس هو فارس اتوفي في المستشفى نور كلمني الصبح حازم//البقاء لله فتون//وانا خلصت الورق اللي كان مطلوب....لكن يعني معلش لو ممكن اطلب منك طلب حازم//اكيد فتون//انا كنت هرجع المستشفى تاني عشان الدفن بقي وكل ده بس انا مش عوزه احضر يعني لو... حازم//تمام تمام فهمتك مفيش مشكلة انا هتصرف وهنزل انا فتون//معلش ياحازم لو انت مش فاضي مفيش مشكلة حازم//لالا مفيش حاجة عيب الكلام ده.....احنا اخوات لو عوزتي حاجة كلميني... بقفل معااه.....بقرر اسيب هايا عند ماما وبنام.....لكن قبل ما النوم بيجي.....دماغي مش بترحمني....بعيط مش فاهمه ليه وعلي ايه بظبط.....قلبي بيوجعني... بصدع...الارهاق بيكون باين عليا.....بنام أخيراً بصعب علي نفسي والنوم بيشفق علياا وبنام..... ♡_♡_♡_♡ حازم//ادخل بكون عارف انها نغم.....بتدخل بهدوء بتقعد وهي متبعاني بعنيها وانا بلبس الساعة وباخد المفاتيح عشان انزل.....لكن بستني تتكلم نغم//رايح فين حازم//فارس مات.....هروح عشان هنستلمه من المستشفى ويدفن....وبعدها هروح القسم هايا النهاردة هتتعرض علي دكتور نفسي نغم//.........مات! ازاي حازم//هايا اللي قتلته......متسأليش ازاي مكنتش حابب انها تعرف تفاصيل....وكنت واثق انها هتسأل.....رغم انها بتخاف وهتتخيل سيناريوهات كتيره لدرجه تخليها تحلم بيها!!!!!.....وبرضو بتسأل نغم//انا عوزة اجي معاك حازم//نعم! تيجي فين نغم//مش قولت انك هتشوف هايا.....عوزة اجي معاك حازم//هعتبر نفسي مسمعتش حاجة نغم//حازم انا فاهمه سبب رفضك لكن انا عوزة اشوفها.....لو سمحت حازم//انتي عوزة تدخلي مكان زي ده انتي مجنونة ياا نغم مستحيل..... نغم//ما انت هتبقي معايا هو انا هبقي لوحدي حازم//نغم متحاوليش مش هتيجي محاولتش افكر في الموضوع لثواني وكان رفضي رفض تام مش محتاج نقاش.....مكنتش متخيل ان اخدها معايا قسم!!......هي مكنتش متخيله سوء الوضع بما انها بعيد جدا عن المستوي ده لكن انا كنت عارف نغم//حازم انا بكلمك متسبنيش وتمشي حازم//عشان انتي مش عوزة تفهمي المكان ده مش مناسب ليكِ يا نغم مينفعش تدخلي نغم//يوووه يا حازم ما انت معايا حازم//هو انتي فاكره ان لازم حد يضايقك؟! كفايه اصلا كلامهم العادي....حبيبتي دول مش الفئه اللي انتي بتقابليها خاالص فرق المكان بيختلف وفرق الرتبه بيختلف مش في المكان بس كمان في اخلاقهم نغم//حازم.....لو سمحت افهم اسبابي انا....عوزة اتخطاها من حياتي.....كانت هوايتها في الحياة تهددني وتخوفني وتستمتع اوي بكده كأني لعبه في ايدها مش قادره اعترض علي حاجة.......مش حابه اعيش دلوقتي دور الضحية اللي بتستخبي من عنيها....صدقني ده هيفرق اوي معايا لو شوفتها.....ومش فارق معايا اني هدخل مكان مكنتش احب ادخله نهائي حازم//نغم انتي مش ضحية.....ولا كنتي لعبه في ايدها انا فاهمك بس انتي كمان افهميني انا اكيد في سبب قوي مخليني مش حابب نهائي انك تيجي او تتواجدي في مكان زي ده.....انا كنت فيه وكان في يوم شغلي واكيد فاهم المكان ده اكتر.....ممكن تحصل اي حاجه وانتي معايا المكان ده مش كافيه ده مليان مجرمين نغم//مش همشي من جنبك.....وعد هفضل زي خيالك بس عشان خاطري افهمني لو حد كان بيعاملك بأسلوب قاصد بيه يزلك او يكسر كبريائك....فعلا قد يمسك ايدك اللي بتوجعك.....هتقدر تتجاوز كل ده بسهولة!! حازم عشان خاطري انا تعبت من اقناعك حازم//نغم......خمس دقايق لو مكنتيش خلصتي لبس همشي بتجري علي اوضتها وانا بقعد مكاني بعدم اقتناع... مكنتش حاابب ابدا انها تيجي......لكن مكنتش برضو حابب تفضل خايفه منها علي طول....انهم يتقابلوا هتكون نقطة نهايه لحجات كتيرة عند نغم.....خوفها هينتهي.....هتحس ان حقها رجع...مش هتفكر كتير تاني.....هتكون تجربة وانتهت نغم//خلصت حازم//انتي كنتي مجهزة لبسك ولا اية بتلبس فعلا بسرعة باخدها وبننزل بعد اقناع رهيب لفيروز ان مفيش حاجة وان هاخدها تتمشي عشان بتنام كتير الفتره دي.... نغم//هو الاول هتروح المستشفى صح حازم//ايوة.....لما نوصل متنزليش من العربية واقفلي الشباك وانا هكون جمبك اصلا نغم//ماشي...... حازم//واعتقد ان مش محتاج اقولك انك كبيرة بما فيه الكفاية عشان تعرفي الفرق بين الصح والغلط وايه مينفعش يتعمل بتسكت وهي بتتوقع انا قصدي ايه.....وفعلا بيكون كلامي عن نور.....اللي كده كده بتلكك عشان اضربة او اعلمه الادب......معصبني بشكل مخليني بفكر في اي حاجه الا هو....لان معتقدش اني ضامن نفسي لفترة طويلة ♡_♡_♡_♡ بينزل من العربية....وانا بفضل مكاني بقفل الشباك اللي جمبي.....وهو بينزل....بيختفي عن عيني....منكرش ان قلقت اني مش شيفاااه.....خوف بسيط كان في قلبي حاولت اعمل اي حاجه اتسلا بيها.....فتحت موبايلي اللي كان في عربيته.....وبدات العب عليه بحاول اشتت انتباهي مش عوزه اركز مع حد......مش قادره ابص للناس... حسيت ان في عالم تاني جوه المستشفى غير اللي بره نهائي.....عالم تاني لما بنركز معااه بنحس اننا في رفاهيه بزياده لدرجه اننا بعدها بنبدا نحقر من اسباب احزانا......وان كل حاجة اصلا كويسه بس احنا اللي بقينا متعودين علي النعمه بزياده لدرجه اننا نسينا انها نعمه اصلا وشايفنها روتين ممل عادي..... بيرجع حازم ومش بحس بالوقت لاني بشتت تفكيري في اي حاجه وبيركب العربية......وباخد بالي من في عربية تانية ورانا......وبعرفها....بعرف صاحبها للحظة بحس بقلبي اتشد للحظات....مكنتش فاهمه ده خوف....ولا مكنتش مستعده اشوفه.....مكنتش فاهمه بس حسيت ان قلبي دق بسرعة... بدأت افكر هو دلوقتي شايفني ازاي؟....اكيد واخد احقر انطباع عني..... نغم//ايدك دافيه بتلكك وبيكون باين اووي......بمسك ايده....وبكون خايفه من جوايا......او متوتره.....مش عوزاه يشوفني بفكر نفسي ان كده كده مش هنتكلم ولا هنختلط ببعض.....وان حازم موجود وخلاص انا رايحه عشان هايا وبس ولثواني بيجي في بالي سؤال....لو نور اللي مكان حازم كنت هقلل توتري بوجوده؟؟......او علي الاقل لو مسكت ايده واحنا متخانقين....وانا رفعالي الضغط هيبقي رد فعله اية؟؟ حازم//متنزليش من العربية بينزل وبفضل انا في العربية....بحس انها بقت بيتي التاني....بشوفهم وهما بيخرجوا فارس من عربية الاسعاف.....وفي راجل بيفتحلهم بوابه وحازم بيختفي من قدامي وبيدخل معاهم و......بيعدي وقت مش طويل....كنت متوقعه هياخد وقت اطول وبشوف حازم خارج نغم//لحقت؟ حازم//انا لسه مش مقتنع علي فكرة وشكلي هروحك نغم//يلاا يا حازم امشي ربنا يهديك ♡_♡_♡_♡ بفوق من نومي.....بشوف الساعة مش بيكون عدا وقت طويل....بتحرك بتعب وبقوم....باخد موبايلي عشان اكلم حازم لكن....بتردد ان ممكن يكون مشغول او.....مش عارفة بس كنت حاسه انها هتكون بايخه لكن بكلمه بسرعة قبل ما افكر اكتر حازم//كنت لسه هكلمك.....انا روحت المستشفى خلاص وخلصنا فتون//معلش يا حازم عارفة اني ازعجتك حازم//مفيش ازعاج ولا حاجة..... فتون//هي هايا كده نظامها ايه حازم//هتتعرض علي دكتور النهاردة.....بس جميع الأحوال ياا هتاخد اعدام لان هي دلوقتي معاها قضية قتل فوق كل اللي هي عملته......ياا هتتحول لمستشفي امراض عقلية جميع الأحوال ميته فتون//تمام بقفل معاااه......وانا محرجه جدا من سخافة طلبي منه لكن مكنتش فعلاا هقدر اروح.....بدخل اعمل سندوتش وبغير هدومي وانا مقرره انزل شركة فارس..... واعتبرها تعويض سخيف عن اللي عملته هايا بما انه سبب دخولها حياتنا.......بجهز اللاب بتاعي و ورق كل التصميمات اللي نسختها اتحرقت يمكن هو مقدمش حاجة في حياته ليا تخليني احتاج دقايق زعل عليه.......ولا حتي في موته....بالعكس موته كشف ليا نيه حقيرة كان ناوي يدمرنا اكتر بيها ويحط نفسه واحنا معاااه....في ايد واحده مختلة عقليا ♡_♡_♡_♡ نغم//مفيش ازعاج خااالص ولا حاجة كنت بقلد طريقته وهو بيكلمهاا وانا بضحك....وهو بيفهم قصدي ونظراته بتكون علياا بعصبيه حازم//يابنتي هضربك نغم//مشوفتش شكلك انت خااالص وهي بتكلمك ده لو حد معانا وميعرفش اللي فيها كان فهم انك بتحبها حازم//يخربيييييتك بحب مين بت انتي مجنونة نغم//عيني في عينك كده والله كذاب حازم//انزلي يابت يلاااا بنوصل وبنزل معااه وبسم الله الرحمن الرحيم بشوف واحد شكلة اقل ما يقال عنه قاتل....في ايده كلابشات وظابط بيخبطه علي ضهره عشان يركب.... حسيت ان الخبطه وجعتني انا...وهو ولا تاثر نهائي بمسك ايد حازم واناا ماشيه بحذر ده طلع اسوء من كل توقعاتي......بندخل وبنمشي في ممر طويل بشوف اطفال صغيرة ايدهم فيها كلابشات برضو وبتصدم قلبي بيوجعني عليهم....لحقوا يعملوا ايه دول؟؟ نغم//هي الاطفال دي هنا ليه؟! حازم//اكيد عاملين حاجة او كانوا مع حد واتاخدوا معااه نغم//يعني بيتحبسوا بجد حازم//ليه مندهشة انتي متعرفيش الاحداث؟ نغم//متوقعتش ان فيها السن ده حازم//واصغر كمان عادي رغم اني جيت هنا قبل كدا بس مكنتش واخده بالي من كل ده....حسيت اني دخلت مكان مختلف نهائي يمكن من توتري وقتها مكنتش واخده بالي من حقيقة المكان........اللي اعتقد لو حازم عرف اني جيت هنا هتكون دي نقطة نهايه مفيهاش سماح بنقرب من مكتب نور وانا بدعي من جوايا انه يطلع رايح مكان تاني......وحاسة اني بقدم رجل وبأخر التانية........لكن بيدخل فعلا مكتبة... نور//كويس انك........ بيرفع راسه وبيشوفني.....لكن بتجاهل نظراته كأن مفيش حاجة.....كأني اول مره اشوفو.....وانا من جواياا دقات قلبي حاسه انها مسموعه لكل اللي في المكان حازم//هايا اتعرضت علي الدكتور ولا لسه نور//......لسة كمان ساعة بقعد وانا مش مهتمه لحاجه.....تعبيراتي طبيعيه جدا كاني في صالة بيتنا مثلا مكنتش حاسة ان ينفع دور الضحية المغلوب علي امره دلوقتي خااالص نور//هي الانسة من اهل هايا؟ سؤاله خبيث....عاوز يعرف انا ليه مع حازم....نظرتي عليه بيفهم منها اني فهمااه ومش مهتمه......وهو بيفهم ليه حازم ادخل في الموضوع ده وعرف قضية هايا منين.... حازم//لا......ركز في شغلك واضح اني مكنتش انا بس اللي فهماااه وفاهمه سؤاله حازم كمان محبش يريحه ولا يعرفه حاجة.....بيخرج بعدهاا من المكتب وبفضل انا وحازم بس بفتح معااه كلام علي طول قبل ما يتكلم هو وبقرب اقعد علي الكرسي اللي قدامه..... نغم//حازم.......عارفة انه مش وقته نهائي بس معلش خدني علي قد عقلي كل الطرق تؤدي الي فتون عادي جداً......انت لسه بتحبها صح حازم//انتي عوزه ايه بظبط وشغاله الحاح فوق دماغي ليه بنفس السؤال نغم//عوزة اعرف كنت فكراك هتحكيلي من نفسك بس اراك صامت حازم//وبعد ما احبها يعني نغم//تجوزهاا بقولها بحماس جدا وانا مصدقت نطق....هي كده دايما الخطط الناجحه بتكون في المكان الغلط حازم//انتي من كتر ما قعدتي مع هايا شكلهاا طبعت فيكِ انتي مجنونة نغم//ليه لا عشان اتجوزت يعني؟ حازم//عشان معاها بنت مثلا نغم//فين مشكلتك عشان اكون فاهمه في حجات كتيره ممكن تيجي في بالي حازم//اولا هفكر في فتون بس و رأيها لو كانت لوحدها....... كان الامر هيكون متوقف عليها هي بس انما هي معاها بنتها يعني هفكر فيها وفي بنتها وبنتها كانت متعلقه بابوها.....مش هتتقبل وجودي هتحس ان خدت مكان ابوها وهتكرهني نغم//دي صغيرة يا حازم مش هتشخصها معاك كده حازم//نغم ياحبيبتي الحب مش كفاية عشان يتأسس بيت في عوامل تانية اهم......وفي حالتنا دي بنتها من ضمن الأولوية دي لو قررت اتجوز فتون يبقي قررت اكون اب لبنتها....يعني مينفعش بنتها تكرهني او تحس ان فجاة في غريب معاها كلامه بيكون منطقي جدا وصح خصوصا اني عارفة قد ايه هايا متعلقه بفارس صعب تحس ان ينفع حد ياخد مكانه او تقتنع بعدم وجوده نغم//تفتكر حتي لو فتون وافقت وكان معاك فرصة تخلي البنت تحبك.....انت اصلا هتحبها وهي مش بنتك حازم//........لو ده حصل هتكون بنتي فعلا بما اني انا اللي مربيها.....ولو قررت اكون جزء من حياتها حتي لو مكنتش بحبها ده ميمنعش انها بقي ليها حق عندي بيدخل نور وبيقطع كلامنا......باخد بالي من نظراته علياا بعصبيه ونظراته لحازم.....بحس ان الكراسي مش مريحه وباخد بالي ان كل ده عدا وقت قليل من الساعة.....بتحرك وبقعد علي الكنبة اللي كانت قدامي ونور بياخد ورق وبيخرج تاني....... نغم//انا بدات ازهق حازم//وانا صدعت بيكون فعلا حوالينا دوشة ناس بتزعق.....بتعيط.... اصوات كتيرة متداخلة وكتيرة حقه يصدع بصراحة بيقعد جمبي وهو ماسك موبايلة بستغل فرصة انه بيكلمني دلوقتي عادي وبسند راسي علي كتفه وانا عنياا علي موبايله.....وكأني عوزة اتفرج معاه عشان زهقانه نغم//ايه كل القتل ده.....مبسوط بالفلم؟ بيبصلي بطرف عنيه وهو فاهم اني بتلكك عشان اكلمه او عوزة استنتج هو دلوقتي بنتكلم عادي ولا لسة! نغم//بتبصلي كده ليه علي فكرة بقيت خطر عليا انت فاهمني بزياده مش بيرد.....وانا من الزهق ببدا افكر ازاي اخلي هو وفتون يتجوزو!؟؟؟ لكن بتكون في مشكلة بسيطة جدا وهي اني انا وفتون مش بنتكلم اصلا......بيدخل نور وانا مش واخده بالي لكن بيقطع تفكيري صوت درج المكتب اللي بيقفله جامد وبتخض حازم//في ايييه هو انا ناقص صداعك انت كمان بيعدى الوقت اخيرا وبعد ما هايا بتتعرض علي دكتور بتخرج عشان ترجع الحبس تاني...وانا بقابلها ببتسم وانا مستغربه اني مبسوطه فيهاا.....مش العادي بتاعي ان اشمت في حد.......لكن بفتكر كل حاجة عملتها معايا مواقفها الكتير وكل حاجة حصلت بسببها خوفي كل يوم وانا رايحه انام ان يكون بكره اسوء يوم في حياتي وتنفذ تهديدها بجد بتعدي من جمبي وحازم بيحط ايده علي كتفي عشان يبعدني مسافة عنهاا وانا اخيراا بقفل صفحتهاا حازم//نمشي بقي كفاية كده نغم//كفاية جدا بنتحرك فعلا عشان نمشي......وانا مبسوطه جدا مش عارفة الحقيقة هي عقوبتها هتكون اية....لكن مبسوطه نغم//انت هتبقي بابا واو اووي يا ياحازم بيبصلي وهو بيبتسم بقلة حيلة مني ومن افكاري اللي لا تتناسب مع الموقف نهائي ولا المكان بقرر اروح لفتون بعد اقناع رهييييب في حازم بيوصلني....وبتاكد انها فوق وبيمشي بعدهاا بحس ان لازم اتجاوز المسافة اللي بقت بينا عشان اقدر اخليها تاخد بالها من حازم.....لان في الطبيعي مستحيل يتقابلوا ان يكون في تعامل بينهم تاني ♡_♡_♡_♡ نغم//اخيرا بخبط بقالي ساعة فتون//ادخلي بتدخل وبتقفل الباب بكون مستغربه شوية وجودها وطريقة تعاملها......كنت متخيلة ان التعامل بينا هيقف فتره شوية علي ما نبدا نتعامل مع بعض تاني لو حصل اصلا بتقرب وهي بتحضني ويمكن ده زود استغرابي اكتر لكن بكون مبسوطه انها عملت كده يمكن لان مكنش عندي طاقة لاي حاجة ولا كنت هقدر اصلح علاقتنا ببعض نهائي......بكون مبسوطه انها هي اللي عملت كده ورفعت عني عناء الموقف نغم//انا اسفة يا فتون ممكن اخسر اي حد الا انتي مع الاسف يعني لو علياا كان نفسي اخنقك فتون//وانا اسفة اني قررت ابعد ومساعدكيش بس... نغم//بس بس مالوش داعي الكلام ده ولا عوزة افتح الموضوع ده نهائي انا قفلت صفحته ورمتهاا بنقعد مع بعض بنتكلم كتير بحكيلهاا اني نزلت شركة فارس وحولت شغلي عليها وقررت اكمل فيها لحد ما اظبط شركتي تاني.....بقولها عن اللي فارس كان ناوي يعمله.....بنتكلم كتير اوي في حجات كتيره لدرجه الوقت بيتاخر وبننسي نفسنا خااالص وانا بنسي نفسي وبحس ان كل حاجة بدات تتحل تدريجا ودي فكرة بتريحني جدا وحازم بيجي ونغم بتنزل وهي بتعرفني انها هتجيلي بكرة......بتعدي الايام وبكون احسن بكتير جدا وشغلي كمان بقي احسن نفسيتي بدات ترجع زي الاول شوية بحس ان بدات اخد نفسي نغم//فتون....كنت عوزه اسألك عن حاجه فتون//اسألي نغم//اي رأيك في حازم فتون//رأي ازاي نغم//اصل انا مش هشوفو وحش بما اننا اخوات وانتي عارفة انه غالي عنده طبيعي هيكون مثالي في عنيا لكن عوزة اشوفله عروسه ومش عارفة تفتكري مناسب للجواز ولا نسيبه احسن فتون//انتي اكيد عرفااه اكتر لكن انا شايفة ان ليه اصلا لحد دلوقتي مش متجوز وانه كويس جداً مفيهوش سبب للرفض نغم//يعني توافقي تتجوزي؟ بسيب اللي في ايدي وانا عنيا عليها بصدمة.....حازم فعلا كويس لكن انا خلاص فكرة الجواز دي مش في بالي نهائي تاني.......باخد الموضوع معاها بهزار وبسكت......لكن مع الايام كل يوم بتفتح الموضوع معايا اكتر......وبتحاول تفهم سبب رفضي وتقنع فيا وبعد الحاااااح فظيع بوافق انه يجي مع نغم يقعد شوية.....كنت حابه اشوف هايا رد فعلها عليه كشخص عادي جاي عندنا زيارة ايه وبعرف من زيارته ان هايا دخلت مستشفى امراض عقلية وان حالتها في تدهور سريع جدا بسبب قتلها لفارس «بعد مرور سنة» فتون//حازم......انا نسيت شنطة في البيت حازم//مفيش مشكلة نرجع نجيبها بسرعة معانا وقت بنتجوز من غير دوشة......بهدوء كتب كتاب بسيط وبنقرر نعمل عمرة مع بعض لكن بعد ما بنتحرك بفتكر اني نسيت شنطة في البيت وبعد تردد بالغ...بعرفه وبتفاجئ نوعا ما من رده وبنرجع تاني بالعربية بسهولة بيكون الفرق واضح جدا بينه وبين فارس....بنقل من شقتي لبيته هو......بحس ان فيه راحه وهدوء بشكل غريب كل ركن في المكان مش بيفكرني بذكرة مؤلمة او دوشة...... بحس ان مساحته آمانه جدا.....وجوده قادر يطمني من غير تصنع او مالغة حياة طبيعيه مش بتحاسب فيها الغلط فيها مسموح عادي.....عادي انسى الشنطة هنجيبها من غير خناق وقضيه وتعبيرات تعصب بيقف قدام البيت....باخد منه هايا اللي بقت لازقه فيه طول الوقت.....رغم عدم حبها في البداية مكنتش متقبلاه نهائي......لكن مع الوقت قدر يخليها تحبه نوعا ما اكتشفت ان تعلق هايا بفارس كان تعلق خوف وقلق.....بسبب غيابه المفاجئ عنها....هو كان مفهمها اني شريرة وانها مش هتكون في آمان غير معااه عشان كده كانت حباااه هو بس بتقلق من عدم وجوده لكن حازم حبته بختيارهاا......وحبتني بسببة!!! بتقلد طريقته في معاملتي علاقتنا بقت احسن بيجيب الشنطة وبيحطها في العربية وبنتحرك تاني ولحسن الحظ مش بنتاخر......واخيرا بيتحقق حلمي بدعيله كتير اووي لدرجه اني بنسي ادعي لنفسي!! وبفتكر واحنا راجعين الاوتيل خلاص! حازم/فتون//اووووف انا نسيت ادعي لنفسي بنقولها مع بعض وانا لثواني دماغي بتعمل ايرور وهو بيضحك وهايا مش فاهمه حاجه بس كالعاده بتضحك علي ضحكته بتعدي الايام بسرعة وبقي يتعمد يسمعني انه بيدعيلي واعتقد فرحتي كانت باينه اوي لدرجة مكنش في مجال اني اداريهاا........ ومع الاسف بتخلص الايام وبنرجع البيت.......رغم ان مكنتش عوزة امشي خاالص بس لما بدخل بحس ان البيت كان واحشني..... وبحس ان قلبي دلوقتي غير قبل كدا اتجااه حازم وفكرة اني طلعت الحب الأول والحالي دي طلعت فكرة حلوة....... وبعد زيارات كتيرة من نور بعد ما عرف اننا رجعنا والحاح علي حازم عشان يوافق عليه ويتجوز نغم حازم برضو بيكون رافض ونغم مش بتحاول تدخل بكون فاهمه انها فعلاً بتحب نور....لكن سايبه الموضوع لحازم فتون//حازم كفاية كده الواد اتربي سبع مرات حازم//يارب يتربي مليون اعمله ايه انا اصلا مش هوافق بتعدي الايام بين محاولات اقناع مني ومن نور واستسلام تام من نغم وبعد الحاح بيوافق. وبتصدم انه وافق حتي نور مش بيصدق ونغم رغم عدم تدخلهاا مش بتقدر تداري انها مبسوطه حازم//عقبالك يااا بسكوتي.....بس وقتها بقي مش هوافق بجد وهضربه هو واهله فتون//طيب جهز نفسك بقي يمكن ترفض مرتين حازم//مرتين ازاي؟ فتون//مش متاكده بصراحه انت اللي هترفض ولا هتترفض انت وابنك الله اعلم حازم//لحظة بدات افهم فتون//انا حامل تمت
