عود ثقاب بقلم ندا سليمان الجزء الثاني عشر

مارثا طلبت من مريم وعمرو يستقبلوا معاها الساكنه الجديده وبالفعل فضلوا منتظرين لحد ماوصلت ، كانت ساكنه هنا زمان فمارثا ما اضطرتش تروح تجيبها من المطار لإنها عارفه البيت ، سلمت عليها مارثا بود وعرفتها على مريم ، سلمت على مريم بعدم اهتمام ، أما عن عمرو فنظراتها ليه ماكنتش طبيعيه ! مدت إيديها تسلم عليه بكل جرأه ومريم واقفه تقريبا في ريحة شياط طالعه منها عمرو مد ايديه سلم ع الهوا كنوع من انواع الهزار واعتذر إنه مابيسلمش على بنات ، تهللت اسارير مريم وفرحت من موقفه ، وهو لاحظ نظرات مريم ومن جواه اتبسط مارثا طلعت مع رزان توريها اوضتها ومريم لقت نفسها واقفه في الصاله لوحدها مع عمرو فطلعت على فوق جري بطريقه خلته يضحك على تصرفاتها الطفوليه ! قفلت اوضتها وهي مش مرتاحه للبنت دي ومش مرتاحه لنظراتها لعمرو ، بصت في المرايه : وانتي مالك يا ست مريم ما تتنيل تبصله ولا يسلم عليها وياخدها بالحضن حتى ،، ينهار مش فايت بالحضن :!!!! طاب ده انا كنت جبتها من شعرها المنعكش ده وقت,لته يووووه بقى انا زهقت طلعت الكتب وبدأت تشغل نفسها بمذاكرتها ..... ... هاله صحيت رقبتها تعباها ، كلمت علي لقت الموبايل مفتوح بس مابيردش عليها ، بعتتله رساله بتعتذرله فيها وبرده ماردش بل قفل الموبايل خالص ، وبعد ساعه لقته رجع البيت جريت عليه ضمته زاحها من حضنه بهدوء ودخل من غير كلام لأوضته ، دخلت وراه _حبيبي أنا عارفه اني غلطانه بس والله حصلت حادثه امبارح وغصب عني والله أنا أسفه _ وأنا ماقولتلكيش حاجه برافو عليكي ده واجبك يا دكتور _طيب إنت طلعت الشنطه دي ليه !!! _يعني مسافر مع صحابي يومين لشرم أريح اعصابي _طيب بس قاطعها : معلش يا دكتوره مش فايق اسمع أي حاجه نبقى نتكلم لما أرجع إن شاء الله فضلت متابعاه وهو بيجهز شنطته ومش عارفه تقول حاجه ولا لاقيه كلام تقوله حاسه إنها مهما قالت مش هيتقبل منها لذلك فضلت الصمت في الموقف ده .. ... سما طلبت من داليا تودعها في المطار ، راحت هي وعدنان مع بعض من الشركه يودعوا سما وعصام اللي راح يوصلها لنيويورك ، قعدت سما على جنب مع داليا وعصام لسه بيقنع عدنان يحصلهم : عمك ومراة عمك نفسهم يشوفوك _وانا والله نفسي اشوفهم اووي _طاب ما يلا يا عدنان تعالى معانا _لما اخلص من الصفقه اللي شغالين فيها دي هاخد اجازه محترمه عندهم _خلاص تمام انا شهرين كده وهرجع _نعم :!!! ماتستهبلش هو اقل من شهر والاقيك هنا ورانا شغل احنا مش فاضيين _ربنا يسهل يا ظالم يا مفتري سما: مش هوصيكي على عدنان يا داليا انا عارفه إنه اوقات بيبقى عصبي ومش طايق حد قصاده بس عشان خاطري استحمليه ده عدنان مفيش اطيب ولا احن منه في الدنيا _عارفه يا سما والله ماتقلقيش انا شايفه شغلي كويس اووي ) _واثقه من ده ، هتوحشيني _وانتي اكتر ، خدي بالك من نفسك وركزي في مذاكرتك _حاضر وصلت طيارتها ودعها عدنان هي وعصام ، وودعتها داليا وغصب عنها بكت مشيوا وعدنان طلع منديل وناوله لداليا : هي مش مهاجره على فكره كلها كام شهر وهتبقى عايشه معانا هنا على طول بعد ماتتجوز الاخ عصام _ان شاء الله _طيب بتعيطي ليه بقى خلاص ! _ غصب عني مابقتش بحب الوداع ، كرهته من كتر ما ودعت ناس بحبهم في حياتي ركب كالعاده لما تكون معاه جنب السواق وهي ورا ، رجعوا الشركه وهو بيفكر في جملتها ! نفسه يعرف كل كبيره وصغيره عن حياتها ، حاسس إن قلبها مكسور وجواها حزن كبير نفسه يعرف اللي جواها عشان يقدر يبدل كل لحظة وجع في حياتها لفرح ... أحمد صحي من الفجر ، صلي وقرا و رده واذكاره وبدأ يدعي ، مالحقش يخلص مراجعة الماده ولا هيلحق والدكتور مستحلفلهم يجيب إمتحان تعجيزي ومش هيزودهم عن مقبول ، اصحابوا كانوا مرعوبين بعد ما سمعوا كلام الدكتور إلا هو كان حاسس بإطمئنان لإنه هيتوكل على الله ويعمل إللي عليه وربنا وعده (( ومن يتق الله يجعل له مخرجا ويرزقه من حيث لا يحتسب عمل إللي عليه وواثق في ربنا ، بالتالي مش هامه كلام أي حد واثق إن محدش هيقدر يظلمه في وجود ربنا خلص دعاء وراجع شويه في الماده لحد ما جه ميعاد روحته للإمتحان ، لبس هدومه واتصل برقم ام البنت وهو مش عارف هيناديها بإيه !! ردت : السلام عليكم رد بإرتباك : وعليكم السلام ورحمة الله وبركاته ، أاااا أنا حضرتك فكراني _مين حضرتك _أااا عفوا يا آنسه انا اللي اول امبارح كانت والدة حضرتك تعبانه وقولتلك هكلملها دكتور و _أيوه أيوه افتكرت حضرتك أهلاً وسهلاً يا استاذ _أهلاً بحضرتك أنا كلمت دكتور وحجزت وانهارده ان شاء الله الساعه 4 هعدي على حضرتك في البيت وناخد الحاجه للدكتور _ربنا يكرم حضرتك والله مش عارفه اوفي حق حضرتك من الشكر ربنا يجازيك كل خير _ واياكم ، السلام عليكم ورحمة الله وبركاته _هنبقى في انتظار حضرتك إن شاء الله وعليكم السلام ورحمة الله وبركاته ... راح الجامعه ولقى اللي بيحاول يلم اي حاجه واللي بينسق الغش مع صحابه ، قابل صاحبه : السلام عليكم _وعليكم السلام ، بوز الاخص لسه معدي من شويه ورمى علينا كلمتين يتلفوا الاعصاب حسبي الله ونعم الوكيل فيه _سيبك من الدكتور وكلامه المهم انك عملت اللي عليك وربنا مش هيضيعك ابداً _يا رب _بقولك إيه بعد الامتحان ان شاء الله عاوزك معايا في مشوار كده ياتديني العربيه ياتيجي معايا ويستحسن تيجي معايا _خلاص تمام نتقابل بعد الامتحان ان شاء الله _ان شاء الله دخلوا الامتحان ، احمد اول ما استلم الورقه قرا الفاتحه وتمتم بالدعاء ، بص ع الورقه بوجه عام ولقى الحمدلله كل الاسئله سهله ، سمَّ الله وبدأ يحل اجابات نموذجيه خرج من الامتحان لقى الكل بيشتكي من صعوبته ويدعي ع الدكتور فشكر ربنا على توفيقه ليه خرج صاحبه : حسبي الله ونعم الوكيل فيه يا جدع يا رب يقعدله في عياله الذل ده _ماتقلقش ان شاء الله خير ، ربنا عدل ومش هيضيعنا أبداً _ ونعم بالله ، ها قولي بقى احنا رايحيين على فين ؟! _ هتيجي معايا بالعربيه ناخد ست مسنه لعيادة دكتور ايهاب ونستنى لما تخلص ونروحها _مين دي ؟! _ يعني في مره كنت ماشي وبنت استنجدت بيا مامتها كانت فاقده الوعي وكلمتلها دكتور ايهاب امبارح ها هتيجي ولا وراك حاجه ؟! _لا ورايا ايه يعني وبعد ام الماده دي مش مذاكر حاجه انهارده _طيب يلا بينا راحوا للبيت وكانت البنت وأمها في انتظاره ، دخل لأمها وأول ماشافته امطرته بالأدعيه على وقفته معاهم وقالتله انها كانت بتدعيله طول الليل ، ابتسم وشكرها ، بعدين نده لصاحبه شالوها للعربيه ، ركبت بنتها جنبها وراحوا ع العياده ، قعدوها ، أحمد طلب من الممرضه تبلغ الدكتور ودخلوها على طول ، دخلوا معاهم الكشف ، سلموا على دكتور ايهاب ، كشف الدكتور عليها ولقى إن تشخيص أحمد مضبوط ، والبنت لاحظت من كلامهم ان احمد دكتور فقدرت تفسر لنفسها اندهاشها من إنه أسعف أمها بمهاره ، كتبلها الدكتور على ادويه جديده وطلب يشوفها بعد اسبوعين ، دفع أحمد الكشف واشترالهم الدوا ووصلهم لحد البيت _متشكره جدا يا دكتور ممكن حضرتك تقولي دفعت كام في الكشف والدوا ؟؟ أحمد وهو باصص في الأرض : خلاص يا آنسه ااا _تقى _خلاص يا آنسه تقى بسيطه مش مستاهله _لا والله ابداً كفايه أووي كده على حضرتك _والله مش مستاهله فعلا ، المهم رقمي مع حضرتك لو حصلت اي حاجه او لاحظتي حاجه غريبه ع الحاجه بلغيني فورا _حاضر ان شاء الله _بعد اذنكم _اتفضل حضرتك ومتشكرين مره تانيه _ الشكر لله ، السلام عليكم _وعليكم السلام ورحمة الله وبركاته بعد ما مشي ابتسمت ، مش مصدقه إن لسه في رجاله في الزمن ده بالشهامه والنخوه دي :') دخلت تطمن على امها ولقتها لسه بتدعي لأحمد فأمنت على دعائها .... ركب العربيه مع صاحبه _بقولك يا احمد _خير يا دكتور هشام _انت وقعت ع الصاروخ ده فين _صاروخ ايه _الآنسه تقى _صاروخ لما يلهفك لم نفسك _لأ بجد والله مابهزر هي البت دي بشر !!! عيون ملونه وبيضه و قاطعه احمد بعصبيه : هشام احترم نفسك وماتخلنيش اندم اني جبتك معايا خليك راجل وأمين على حرمة بيوت الناس غض بصرك مش طالق بصرك لبنات الناس ، يا اخي ده انا اللي شفتها اكتر منك والله ما بصيت حتى لعنيها عشان الاحظ اللون ولا أعرف شكلها إيه ! _يا عم خلاص هدي اعصابك هي تخصك ولا إيه !! _بما إنها مسلمه يبقى تخصني فلم نفسك وبطل الأسلوب المقرف ده >.< _آسفين يا عم الشيخ ، هنروح على فين ! _ على البيت نريح شويه عشان نبدأ في الماده إللي عليها الدور يا كابتن _لا يا عم مش فاتح كتاب انهارده هاخده بريك ، هوديك ع البيت واطير انا وصل أحمد لبيتهم طمن أمه وكلم داليا طمنها ، بعدين دخل يريح شويه عشان يصحى فايق للمذاكره...... ... داليا راحت شغلها وحاسه بصداع شديد ، عملت كوباية نسكافيه ووقفت تشربها عند الشباك ، سمعت حد بيخبط فأذنت بالدخول : اتفضل اتسمرت مكانها : غمضت عيونها وفتحتها تاني يمكن دي تهيؤات لكن لما فتحتها لقتها حقيقه ،،ومن صدمتها وقعت كوباية النسكافيه في الأرض ... رجع بيتهم والفرحه مش سيعاه ، ولاده جريوا استقبلوه كالعاده وأمه وراهم : حمدا لله ع السلامه يا حبيبي راجع بدري إنهارده يعني _الله يسلمك يا أمي راجع بدري عشان أستعد للسفر وأجهز شنطتي _خير اللهم اجعله خير مسافر فين اسكندريه برده ؟؟ _لأ مفاااجئه _ يوه هي فزوره ماتخلص يا عادل رايح فين ! _رايح لداليا _انت بتتكلم بجد _أه والله صاحبي رايح مأموريه في مدينة جنب لندن ومش حابب يروح عشان مراته هتولد انتهزت الفرصه وطلبت أروح بالنيابه عنه اخلص شغلي واروح ازور داليا بما إني هكون في انجلترا _ يا ما انت كريم يا رب اخيراً حد هيروح يطمن قلبها ، داليا مش عجباني اليومين دول هي محتاجه تشوف حد مننا أحسن حاجه عملتها يا عادل يا حبيبي ربنا يباركلك ماتحاول ترجعها معاك يا عادل أبوك نفسه يشوفها أوي _ ماظنش هتوافق يا أمي لكن أنا هعمل إللي عليا وإن شاء الله توافق ، فين هنادي ؟؟ _جهزت الغدا ودخلت تريح شويه _طيب هصحيها نتغدى ونروّح احضر الشنط بقى ولو عاوزه تبعتي أي حاجه لداليا جهزيها من دلوقتي عشان طيارتي بكره ان شاء الله بالليل _طيب يا حبيبي حاضر _ولو كلمتي داليا اوعي تقوليلها أنا أول ما عرفت انهم وافقوا اسافر كلمت خالي ناصر وقولتله مايقولش لداليا عشان عاوز اعملهالها مفاجئه _حاضر تروح وترجعلنا بألف سلامه إن شاء الله جهز شنطته وأمها جهزت كل حاجه عاوزه تبعتهالها هي وأبوها وأحمد وتاني يوم في ميعاد الطياره وصله أحمد للمطار ، وصل هناك ، وخلص شغله وكله شوق يسافر لندن ، كلم خاله وراحلهم الصبح ، كان عنده أمل يلحق داليا قبل ما تروح شغلها ، وبما إنه مشتاق لحضنها قرر يفاجئها ويروح الشغل ، ناصر قبل ما يروح شغله وصله لحد شغلها ، انبهر بمنظر الشركه زي ما انبهر بالبلد من وقت مانزل من الطياره ، سأل عنها في الإستقبال وعرفوه مكان مكتبها ، وقف عند باب المكتب ومتشوق يعرف رد فعلها لما تشوفه ، رفع إيديه وخبط ع الباب وسمعها بتأذن بالدخول ، رسم ابتسامه صافيه على وشه وفتح الباب داليا راحت شغلها وحاسه بصداع شديد > عملت كوباية نسكافيه ووقفت تشربها عند الشباك ، سمعت حد بيخبط فأذنت بالدخول : اتفضل أول ما إتفتح الباب كانت متوقعه صفوت أو أي حد من زمايلها في الشغل آخر حاجه كانت تتوقعها إنها تشوفه إتسمرت مكانها وكانت فاكره تهيؤات من الصداع والإرهاق ، غمضت عيونها وفتحتها تاني لكن لقتها حقيقه ، وقعت كوباية النسكافيه من إيديها وهي بتهتف بإسمه في عدم تصديق : عادل هز راسه بأيوه ولسه مبتسم والدموع بدأت تتجمع في عنيه ، عاوزه تجري عليه لكن المفاجئه خلت رجلها تقف ، فضلت بصاله ودموعها نازله ، جري عليها ، ضمها لحضنه فتبتت في حضنه بكل قوتها وإنهارت لحظه خدتها من الدنيا ونسيت كل حاجه حوليها ، نسيت المكان والزمان في حضنه ، وكإنها دلوقتي ضامه أبوها وأمها وأخوها ، حست وكإنها ضامه مصر كلها ، فضل يربت على كتفها شويه ويمسح على راسها شويه عشان تهدى وهي مازالت ماسكه في حضنه بقوه وبتبكي قبل راسها وبكا ، ما اتكلموش ولا كلمه ، وأي كلام يعبر في حضرة دفا الأحضان هديت شويه ، قامت من حضنه وتأملته بحب ، رفعت إيديها وضمت وشه : عادل أنا والله العظيم ما مصدقه : قبّل كف إيديها وهو بيمسحلها دموعها : ومين قالك أنا عادل أنا عفريته إبتسمت : حمداً لله على سلامتك يا حبيبي _ الله يسلمك وحشتيني أووي _ تعالى أقعد قولي وصلت إمته وماما وبابا وأحمد وولادك ومراتك عاملين إيه ؟؟ مصر عامله إيه كل حاجه تمام ضحك : حيلك حيلك بالراحه عليا شويه قعدوا وحكالها عن مأمورية شغله ، وبلّغها سلامات أهلها وهي سانده راسها على كتفه عدنان لاحظ إن داليا أول ماوصلت ماجتلهوش كالعاده لا للدوا ولا الشغل ! اتصل بيها ماردتش ، إستغرب وقام لمكتبها ، خبّط ع الباب بهدوء مالقاش رد ، فدخل وإتصدم : ، لقى راجل قاعد وداليا قاعده جنبه وسانده راسها على كتفه !!!!!! ... رزان من وقت ما وصلت وهي بتتجنب مريم ، مريم حاولت كتير تتقرب منها على إعتبار إنهم هيسكنوا مع بعض فتره لكنها بتكلمها ببرود ومعندهاش قابليه تتعرف عليها ، لذلك مابقتش بتحاول معاها ، لكن إللي زود ضيق مريم منها هو تعاملها بكل جرأه مع عمرو ، وطريقة لبسها ودلالها عليه وأساليبها الواضحه للفت إنتباهه >. .< قامت من ع الأكل ، وسبقته للجامعه ، وصل مكتبه وكانت في إنتظاره ، بدأ كلام بخصوص الرساله كعادة كل يوم لكنّها ساكته وواضح إنها متعصبه فسأل : دكتوره مريم خير في حاجه _ لا خالص حضرتك شايف إيه! _ شايف إن حضرتك متعصبه ومش مركزه معايا خالص لو تحبي تاخدي بريك وبعدين نكمل ، أنا كده كده معنديش حاجه في الجامعه إنهارده غير رسالة حضرتك ، هنخلص شغل إنهارده وقت ما تحبي وأروّح مريم بسخريه : أه مستعجل أوي ع البيت _ عفواً بتقولي حاجه _ لأ وهقول ليه اتفضل حضرتك عشان ما اعطلكش ع البيت وإللي فيه فهم تلميحاتها ورد بخبث : ومالك متضايقه كده ليه : _ أنا !! وأنا هتضايق ليه إن شاء الله ! أنا عادي جداً أهه _ واضح : _ طيب لو تكرمت يلا نخلّص عشان أنا تعبانه وعاوزه أروّح أرتاح _ أوك وأنا كمان والله إتفضلي بصتله بضيق ، فتحت الكتاب والورق بعصبيه وبدأت وهو بيراقب تصرفاتها ويضحك ... خبّط ع الباب بهدوء مالقاش رد ، فدخل وإتصدم ، لقى راجل قاعد وداليا قاعده جنبه وسانده راسها على كتفه عادل لاحظ وجوده وغمز داليا فقامت ، وأول ما لقته عدنان وقفت : أيوه يا فندم إتفضل حضرتك فضل واقف مكانه وباصصلها بغضب ، منتظر منها تفسير ؟ لاحظت نظراته ليها ولعادل فإبتسمت : أعرّف حضرتك يا فندم أخويا عادل لسه راجع من مصر من ساعه تقريباً وحب يعملي مفاجئه فجالي الشغل هنا تنفس الصعداء : وإبتسم وهو بيسلم على عادل : أهلاً بحضرتك يا أستاذ عادل حمداً لله ع السلامه داليا : مستر عدنان مدير الشركه يا عادل وقف بإحترام وإبتسامه ودوده وسلم عليه : أهلاً بحضرتك يا أستاذ عدنان تشرفت إني قابلت حضرتك) وآسف لو عطلت داليا عن شغلها أنا دقايق وهمشي _ خدها معاك بقى هي أجازه إنهارده بصتله ومش مصدقه : أجازه _ أيوه تقدري تاخدي إنهارده أجازه عشان تقعدي مع عادل براحتك كده كده مفيش شغل كتير ورانا إنهارده ، شغل خفيف ممكن صفوت يقوم بيه) إلتفت لعادل : حمداً لله ع السلامه مره تانيه يا أستاذ عادل راح لمكتبه فنطت داليا من الفرحه ، لمت حاجتها ونضفت النسكافيه الواقع ع الأرض وقبل ما تمشي معاه راحت لعدنان مكتبه وشكرته على موقفه لإنها فعلاً كانت محتاجه أجازه تشبع فيها من عادل رجعوا البيت ، وعادل فتح الشنطه في أوضتها فشيرين نزلت وسابتهم يقعدوا مع بعض شويه ، إدالها كل الهدايا إللي أمه وأبوه وهنادي وأحمد باعتينها معاه وفضل يحكيلها عن مصر وعن أحوالهم وهي بتسمعه بحماس ، مسكت علبة البسبوسه إللي أمها بعتاها بفرحه زي الأطفال وعلى طول فتحتها وأول قضمه غمضت عيونها وراحت لعالم تاني وحياه تاني ، رجعت لكل لحظات طفولتها ، من صغرها بتعشق البسبوسه من إيد أمها ، بتاكل ودموعها غلبتها ، قرب منها عادل ، ضمها من كتفها وطبع قبله على راسها : وبعدين يا داليا ! لما إنتي مشتاقه لينا أوي كده مش عاوزه ترجعي ليه ؟؟! حرام عليكي أبوكي تعبان أوي من غيرك ونفسه حتى لو يشوفك مره ، إرجعي بقى يا داليا كفايه لحد كده غربه مسحت دموعها : هرجع يا عادل بس دلوقتي ماينفعش ، دلوقتي إحنا محتاجين كل قرش باخده من شغلي ، كمان صدقني أنا نفسياً لسه مش متقبله رجوعي لمصر من تاني ، أنا لحد دلوقتي بشوف كوابيس مرعبه ، لحد دلوقتي مش قادره أنسى بتناسى يا عادل لكن صعب أرجع مصر تاني دلوقتي وأنا لسه فيا ضعف ، أنا عاوزه أرجع قويه وأنا متأكده إني هزمت ضعفي للأبد ولحد ما ده يحصل مش ناويه أرجع _ حتى لو قولتلك أبوكي بيبكي عشان بس يشوفك ؟؟ _ أنا مفتقداه أكتر ما هو مفتقدني ، بس عشان خاطري ماتضغطوش عليا أنا هرجع لوحدي صدقني لسه محتاجه شوية وقت _ محتاجه أكتر من 7 سنين يا داليا ؟! _ عشان خاطري يا عادل بلاش تضغط عليا وغير الموضوع _ حاضر يا حبيبتي إللي يريحك إبتسمت : يلا بقى هسيبك تريح شويه عشان إنهارده مفيش قعاد في البيت هلففك لندن حته حته _ لأ هو مفيش وقت للنوم قومي إلبسي دلوقتي لإني مسافر بكره إن شاء الله _ نعم !!! إنت بتتكلم جد _ أه والله ما انا قولتلك المأموريه 3 أيام بس يوم ضاع في السفر والشغل ويوم هقضيه معاكي والأخير للسفر بقى عشان مايحصليش مشاكل بس في الشغل وإن شاء الله قريب دماغك الناشفه دي تلين ومانحتجش المعاناه دي عشان نشوفك وتشوفينا هه _ إن شاء الله طيب يلا إتفضل بره _ بتطردينا من أولها _ لا يا أخويا سيادتك في أوضتي عاوزه أغير _ إذا كان كده ماااشي غيرت هدومها وخرجوا يتفسحوا ، وبعد ما لفوا في أماكن كتيره أخدته حيث مكانها المفضل يشوفوا الغروب مع بعض ، وهناك في عربيته قاعد متابعها هي وأخوها ، وبيبتسم وهو شايف الفرحه في عيونها مش حابب ينزل من العربيه لتشوفه ، فضل مراقبهم لحد ما راحوا لشارع العرب فطلب من السواق يرجع ع البيت ........ رجعوا البيت وفضلوا سهرانين ، خايفيين عيونهم تغفل فيضيعوا لحظه واحده من غير ما يقعدوا مع بعض ، سابها شويه وقعد مع خاله وهي بدأت تجهز جوابات لكل واحد في البيت وتغلف الهدايا إللي إشترتها علشانهم إنهارده ، فكرت كتير في كلام عادل عن رجوعها لمصر يمكن تراجع نفسها وتمشي معاه لكن لسه مش حاسه إنها مرتاحه نفسياً ولا حاسه إن آن الأوآن . وهي بتحضر الحاجه رن موبايلها وكان علي ! من يوم ماكلمها آخر مره وهو بيحاول يكلمها تاني ومابتردش عليه ، آخر مكالمه خوفتها منه ولحد دلوقتي مش لاقيه تفسير لنبرة صوته وأسلوبه ولا لإحساسها بكده ، عملت الموبايل صامت وحطته في الدرج ، نامت الليله دي في حضن عادل وفضلوا يسترجعوا ذكرياتهم وأيام ما كانت وهم صغيرين تنام في حضنه ويحكيلها حكايات الأميرات ، فضلوا يرغوا لحد ما غلبهم النعاس وصحيوا الصبح للحظة الوداع ماكنتش عاوزه الوقت يمر ، كانت عاوزه الزمن يقف بس شويه عشان تشبع من حضن أخوها لكن للأسف اللحظات الحلوه في حياتنا دايماً بتمر بسرعه ..... ودعته بدموع طفله مش عاوزه تسيب أبوها يسافر ويبعد عنهم ، راحت معاه للمطار ولآخر لحظه كانت متبته في إيديه ومش عوزاه يمشي رجعت البيت من غيره وهي حاسه بوحشه وألم من تاني ، حمدت ربها إن إنهارده الجمعه لإنها مش مستعده للشغل ، فضلت طول اليوم ساكته ، كلمت نِهال فضفضت معاها شويه وقبل الغروب راحت لمكانها ، وكان هناك مستنيها في عربيته ، من كتر ما بقى مابيقدرش يعدي يوم من غير ما يشوفها في يوم الجمعه أجازة الشغل بيروح يستناها هناك كالعاده عشان يشوفها بس في عربيته من وقت ما اشتغلت معاه وهو بطل ينزل يقعد مكانه عشان ماتشوفهوش أو تكتشف حقيقة مشاعره ، شايفها وهي قاعده لوحدها بتبكي و للحظه كان هينزل يواسيها ، لمح واحده بتبيع ورود ، ندهلها ، إختار ورود وشارولها على داليا وطلب منها تديهم لها ، راقب من بعيد إبتسامتها لما خدت الورد وماتعرفش إن هو إللي باعته يطبطب عليها بيه فرح لفرحتها ، وأول ما قامت لجولتها في شارع العرب طلب من السواق يتحرك للبيت ........ ... داليا إتطمنت على وصول عادل بالسلامه وبعد ما قفلت مع أخوها لقت رقم غريب بيتصل من مصر ، ردت وكانت المفاجئه لما سمعت صوته : هو أنا يعني لازم أتصل برقم غريب عشان تردي يا داليا ؟! _ ع علي ؟! لا والله أبداً بس بس يعني عادل كان عندي هنا وانشغلت معاه شويه _ إيه ده عادل بجد جالك ؟ _ أيوه كان جاي تبع شغل وعدى عليا _ أه تمام إنتي كويسه ؟؟ _ أه الحمدلله وإنت ؟ _ والله مش عارف أقولك إيه صراحه ، سامحيني في اللفظ زفت _ لا حول ولا قوة إلا بالله خير الولاد حصلهم حاجه ؟؟ _ لأ كويسين الحمدلله ، كله تمام ماتقلقيش بس يمكن أنا حاسس إني مش مضبوط عشان مفتقدك أوي في حياتي _ ربنا يخليك شكراً يا علي _ إيه شكراً دي وأنا عاوزمك على كوباية شاي _ أمال أقول إيه يعني ! _ ولا حاجه يا داليا ولا حاجه ، المهم كل أمورك تمام ؟ _ أيوه الحمدلله _ طيب خدي بالك من نفسك ، سلام ما استناش ردها وقفل السكه ، وداليا زادت حيرتها ، مسكت موبايلها وكلمت عليا _ وأخيراً تكرمتي وكلمتيني يا ست داليا عاش من سمع صوتك _ يا سلام عى أساس إن إنتي إللي مقطعه الموبايل إتصالات بتسبّقي يعني قبل ما أهزقك _ أه صراحه بنقذ نفسي قبل ما تعاتبي لإن ليكي حق صراحه أنا وحشه أوي ومقصره _ ولا يهمك يا قلبي أنا مقدره انشغالك بالبيت والولاد ، هنا وهايدي ومصطفى كويسين ؟ _ أه الحمدلله يا قلبي وحشتيني أوووي _ إنتي أكتر ، بقولك إيه يا لولو أخبار علي وهاله إيه ؟ _ أمممم آخر حاجه أعرفها عنهم كانوا الحمدلله تمام وكويسين _ آخر مره كلمتيهم امته ؟؟ _ من شهرين كده _ شهرين ؟! إقفلي يا عليا بدل ما اخبطك بالكوبايه دي في وشك _ ههههههههههه والله الواد مصطفى كان سخن بقاله فتره وانشغلنا بيه _ سلامته يا قلبي إتكلموا شويه وقفلت معاها ومازالت في حيرتها ! نفسها تعرف السر ورا تغير علي بالشكل ده !!! ولحد ما تعرف قررت مش هترد على أي إتصال منه الفتره دي .... ... أحمد خرج من إمتحانه وراح على بيت تقى لوحده في ميعاد إستشارة دكتور إيهاب ، مارضيش ياخد هشام معاه بعد تعليقاته المره إللي فاتت ، أجر تاكسي ، أخد مامتها للدكتور ، الدكتور كشف عليها وطمنهم على الحاله الحمدلله ، ووصلهم أحمد للبيت وقبل ما يمشي حلفت عليه أم تقى يتغدى معاهم كنوع من أنوع رد معروفه ، رفض لكنّها صممت وفي النهايه وافق ، جهزت تقى الغدا لحد ما هو اتكلم مع أمها شويه اتعرفت عليه وعرفت انه في آخر سنه طب _تقى كان نفسها أوي تدخل كلية طب كانت من صغرها بتطلع الأولى ع المدرسه بس يا حبيبتي أبوها عمل حادثه ومات أيام امتحاناتها _الله يرحمه _دخلت كلية آداب اللهم صل ع النبي طلعت الأولى ع الكليه السنه إللي فاتت وسنه تانيه اهه لسه جايبه النتيجه من اسبوع والحمدلله برده طلعت الاولى _ما شاء الله ربنا يبارك لحضرتك فيها ويوفقها _يا رب تقى من ع الباب : الغدا جاهز يا ماما سندها أحمد للسفره ، قعد ياكل معاها وتقى مارضيتش تقعد معاهم ، خلص أكل ، شرب العصير واستأذن منهم يروح عشان يذاكر لإمتحاناته ووصاهم يكلموه لو احتاجوا أي حاجه ، مشي ومصحباه دعوات تقى وأمها ..... هاله حاولت كتير تكلم علي ومابيردش عليها ولما يرد بيكلمها ببرود ، يتطمن ع الولاد ويقفل ، بدأت تنسق مواعيد شغلها مع زمايلها عشان خاطره وعاوزه تصالحه لكن هو مش مديلها فرصه لده ، دي حتى مش عارفه هو فعلا في شرم ولا كان بيضحك عليها ، حتى أهله مايعرفوش عنه حاجه !!! علي بيحاول يرجّع داليا ، لحد ما قررت داليا تتجرأ وتكلمه بكل وضوح _على ممكن نتكلم بوضوح ومن غير لف ولا دوران إنت عاوز إيه بالضبط ؟؟ تغيرك ده مش مريحني _أممممم عاوزه الصراحه ؟؟ _ياريت _داليا أنا لسه بحبك أول ما سمعت جملته قامت مفزوعه من مكانها : إنت إتجننت يا علي _ إعتبريني مجنون أو إللي يريحك يا داليا بس أنا فعلا مش عارف أكمل من غيرك _وده من إمته إن شاء الله !!! إكتشفت فجأه كده !! على أنا حفظاك تلاقي هاله بس انشغلت عنك شويه فبدأت تملا الفراغ بس أنا هعطشك أكتر مش هرويك صدقني ! عارف ! مشكلتك انك طماع يا علي ، طماع اوي عاوز تاخد كل حاجه ، معندكش استعداد تعذر اللي قدامك لو انشغل عنك شويه ، في قانونك مش من حق هاله كإنسانه تنشغل شويه عنك لأ لازم تكون انت اول حاجه في حياتها دايماً ولو انشغلت عنك يبقى عقابها إنك تخونها بس اسفه يا علي ماعنديش استعداد اشترك في جريمه زي دي ، انا لو عاوزه ارجعلك كنت وافقت عليك من 7 سنين لكن انت مش نصيبي ليه مش قادر تفهم النقطه دي !! ليه تطمع مع ان ربنا رازقك بزوجه اي واحد يتمناها واطفال وعلم ومال بس انت اللي مايملاش عينك إلا التراب >.< ساكت يعني ؟ مش لاقي حاجه تقولها ولا مصدوم من رد فعلي !! _داليا إنتي ازاي بتفكري فيا بالشكل ده !!! _مش لاقيه أي شكل تاني أفسر بيه تصرفك يا علي ، إحمد ربنا ع النعم إللي رزقك بيها ، ولو فيه مشاكل بينك وبين مراتك اقعد معاها وحاولوا تصلحوا خلافاتكم ، هاله بتحبك بجد إنت وجعتها مره وسامحتك صدقني المره الجايه هيبقى صعب تسامحك وساعتها هتخسر كل حاجه يا علي فوق قبل ما يفوت الأوآن _شكرا ع النصيحه مع السلامه قفل معاها وهي حاسه بألم لحالته صعبان عليها إللي وصله وصعبانه عليها هاله ، كان نفسها هاله تكون صحبتها عشان تنصحها شويه وتحاول تصلح بينهم لكن الوضع حساس شويه بينها وبين هاله لذلك فضلت إنها ماتدخلش تدعيله وبس ولو حاول تاني هتكلم خالها هو يتصرف معاه ويعقله ، قامت اتوضت ، صلت ودعتله هو وهاله ربنا يصلح الأحوال بينهم علي بعد ما قفل معاها بكى ومش عارف ليه !!! مش عارف علشان قسوتها في كلامها ولا عشان واجهته بحقيقته لم هدومه ورجع القاهره بس راح على بيت أهله ، أمه حاولت تعرف كان فين أو إيه إللي بينه وبين مراته ماردش عليها ، دخل أوضته وقفل على نفسه ، بيفتح درج مكتبه واتصدم لما لقى دفتر مذكرات هاله وكإنه بيقوله فوق وإرجع لعقلك ، إتردد في ودنه كلام داليا : (( إحمد ربنا ع النعم إللي رزقك بيها ، ولو فيه مشاكل بينك وبين مراتك اقعد معاها وحاولوا تصلحوا خلافاتكم ، هاله بتحبك بجد إنت وجعتها مره وسامحتك صدقني المره الجايه هيبقى صعب تسامحك وساعتها هتخسر كل حاجه يا علي فوق قبل ما يفوت الأوآن فتح الدفتر وقرر يقراه عشان يحيي حب هاله في قلبه من تاني وبالفعل الدفتر لين قلبه شويه ليها ، أول ما صحي الصبح رجع بيته ولقاها مستنياه ، أول ما شافته واقف قصادها جريت عليه وهي بتبكي وتتأسفله :'( قبّل راسها وإتأسفلها على خيانته ليها من غير ماتعرف بيتأسفلها على إيه !!! ... عدنان رجّع لداليا كتاب ناقشها شويه فيه وأخد منها واحد غيره ، مع الوقت اتقربت منه أكتر ، بقى شخص غالي عندها ومن المقربين ، بقت حتى في يوم الأجازه بتشتاق تشوفه ويتناقش معاها في الكتب إللي بيقروها ، بتشتاق لإنسانيته وشهامته ، حتى عصبيته بقت بتشتاقلها مش عارفه تصنيفه إيه في حياتها تحديداً بس المهم إنه له معزه خاصه في قلبها ،،كانت في مكتبها ودخلت عليها واحده _أيوه يا فندم خير أقدر أساعد حضرتك بإيه ؟؟ وهي بتتأمل المكتب : صفوت قالي إنك المساعده والسكرتيره الخاصه لعدنان غريبه إنه عين سكرتيره عنده !! any way عاوزه أقابل عدنان استغربت من لهجتها وأسلوبها وإنها بتقول عدنان بدون ألقاب ! ردت : حضرتك ممكن نحدد موعد وسيبي رقم موبايلك أنا هبلغك بموعد المقابله _ Sorry أنا مش هستنى لما حضرتك تتصلي بيا _طيب خير اتفضلي حضرتك قوليلي عاوزه مستر عدنان في إيه وأنا هبلغه ؟؟ _Sorry برده دي امور شخصيه وخاصه ماتخصكيش يعني ردت بكل هدوء : اممم طيب والله اللي اعرفه حضرتك إن الأمور الخاصه مش في الشركه هنا لذلك تقدري حضرتك تكلميه في الموبايل وهو يبلغك بموعد للأمور الخاصه _إنتي إزاي تتكلمي معايا كده _ حضرتك أنا كلمتك بكل إحترام أنا بس بشوف شغلي وبقوم بواجبي _أمممم طيب اتفضلي بقى بلغي عدنان بيه وقوليله كريمان خطيبته بره داليا أول ما سمعت كلمة خطيبته اتصدمت : نعم : ؟ حضرتك بتقولي مين _زي ما سمعتي قوليله خطيبته وبعدين أنا بضيع وقتي معاكي ليه قالت جملتها وخرجت لمكتب عدنان وداليا فاقت من الصدمه وجريت وراها قبل ما تدخلّه ، لحقتها ووقفت عند باب المكتب : متأسفه حضرتك مش هينفع تدخلي دلوقتي ولو فعلاً خطيبته يبقى تقدري تتصلي بيه ع الموبايل الخاص _وإنتي مين عشان تقوليلي أعمل إيه وما أعملش إيه _يا فندم ياريت ماتعليش صوتك إنتي في مكان محترم وانا مازلت بكلمك بإحترام وقولتلك أنا بشوف شغلي بيشتغل في المكتب وسمع دوشه وصوت عالي بره ، كلم داليا ومابتردش ، قام فتح الباب وداليا كانت سانده عليه وساده طريقها فكانت هتقع سندها ، إعتذرت وقبل ما تتكلم لقته بيبص لكريمان بغضب شديد وصرخ في وشها : إنتي ليكي عين تيجي هنا >.< !! _ عدنان أرجوك بلاش إنفعال ، إديني فرصه وإسمعني ولو لمره واحده أرجوك _ الحيوانات أمثالك ماينفعش ياخدوا فرص تانيه يلا اطلعي بررره ولا استني! كلم الأمن وطلب منه يجي حالاً ، وصل مسؤول الأمن _ القذره دي لو لمحتها قدام باب الشركه مش بس تطردها لأ أطلبلها البوليس يلا خدها من قدامي حالاً كريمان : هنت عليك يا عدنان : _اخرسي اسمي انضف من إنه يجي على لسان واحده زيك يلااا بررره إلتفت للأمن : مستني ايه نفذ حالاً سحبها وهي مازالت بتبكي وتتحايل على عدنان يسمعها ، دخل مكتبه وهو مش قادر يتنفس ، فك الكرفته وأزار القميص ، فيه زغلله في عينه وتنميل في اطرافه ، حاسس إنه دايخ وهيفقد الوعي ، فجأه وقع ع الأرض لكن مافقدش الوعي لسه فايق وشايف قدام عيونه كل حاجه حصلت وكإنها بتتكرر قصاده دلوقتي ، سامع كل كلمه اتقالت ، جريت داليا عليه بخوف : مستر عدنان مالك : أطلبلك الدكتور ؟! مستر عدنان رد عليااا بصلها وسالت دموعه أول مره تشوفه بالضعف ده ، بكت لبكاه ومش فاهمه إيه إللي حصل لده كله مش فاهمه البنت دي عملت إيه خلّى حالته بالشكل ده !!! فاق وطلب منها كوباية مايه وهو بيمسح دموعه وقاعد ع الأرض ، ناولته المايه بسرعه ، شرب وطلب منها تقربله كرسي عشان يسند عليه ويقوم لإنه حاسس بدوخه ، حطتله كرسي سند عليه ووقف بصعوبة ، قعد ع الكرسي وطلب منها تخرج بره _طيب يا فندم نجيب الدكتور يطمنا عليك الأول _ ماتقلقيش أنا هبقى كويس إن شاء الله بس اخرجي ومش عاوز أي حد أيا كان يدخل عليا _طيب يا فندـ _دااااليا أنا دلوقتي في حاله من الغضب >.< مش عاوز أطلّع غضبي فيكي فأرجوكي اخرجي حالاً وماتدخليش حد عليا يلااا اتفضلي مشيت بإستسلام ولسه بتبكي على حالته ومش عارفه تتصرف :'( ، خرجت وقفلت باب المكتب زي ما طلب منها ، مسحت دموعها لما شافت صفوت جاي ناحيتها _خير يا أستاذ صفوت ؟؟ _مستر عصام اتصل بعدنان بيه ومابيردش وكمان حضرتك مابترديش عاوز حد منكم ضروري بخصوص فرع نيويورك _خلاص أنا هكلمه دلوقتي بس لو سمحت أي حد عاوز مستر عدنان خد منه الرقم ونبقى نتصل لما نحدد موعد وماتبعتليش حد عندي هو مستحيل هيقابل أي حد حالياً _طيب واجتماع الألمان ؟؟ _ معلش كلمهم وأجله مستر عدنان مش هيقدر يحضر أي اجتماعات دلوقتي _تمام يا فندم بعد اذن حضرتك _إتفضل دخلت مكتبها ولقت نفسها بتبكي مش عارفه ليه خافت عليه بالشكل ده ! ولا عارفه ليه بتبكي من الأساس بس دموعه إللي لأول مره بتشوفها أثرت فيها ووجعتها وبرده ماتعرفش ليه ؟!! لقت عصام بيتصل ردت عليه وطلبت منه يأجل أي شغل ويرجع لندن ، حكتله عن إللي حصل وأول ماسمع إسم كريمان جن جنونه وطلب من داليا تدخلّه الموبايل لعدنان حالاً ، قامت لمكتبه خبطت ماردش ، حاولت تفتح الباب ولقته قافله بالمفتاح ، بلغت عصام ، طلب منها تفضل جنبه وهو هيحاول يرجع في أقرب وقت ، بعد ما قفلت معاه فضلت قاعده في مكتبها رايحه جايه من القلق ، رن موبايلها وكانت سما ، عرفت إللي حصل لعدنان وبتطمن منها ، كدبت عليها و طمنتها عشان ماتفضلش قلقانه عليه ولقت نفسها بكل تلقائيه بتسألها : سما هي مين كريمان دي ؟؟؟ _ كريمان ؟! دي دي بصي يا داليا يعني بإختصار شديد كده ، كريمان دي كانت خطيبة عدنان وكان مكتوب كتابهم بس طلعت انسانه حقيره وخانته بس _ خانته ، طيب إزاي وليه _ ما أعرفش أي تفاصيل عدنان ماقالش لحد يعني حاجه بالتفصيل إنفصلوا وخلاص ، المهم طمنيني على عدنان أول بأول عشان خاطري والبت دي لو جت الشركه تاني أنا إللي بقولك أهه اطرديها _ما أظنش هتفكر تيجي هنا تاني بعد إللي مستر عدنان عمله فيها ! قفلت مع سما ، طلبت لمون وفضلت تخبط على باب مكتب عدنان لحد مافتحلها : انا مش قلت مش عاوز اشوف حد دلوقتي _أ أ أنا يعني قلقت لما حضرتك ماردتش ، أسفه ع الإزعاج إتفضل حضرتك كوباية اللمون دي وهمشي زفر بنفاد صبر ، أخدها منها وقفل الباب ، راحت لمكتبها ولسه إللي حصل شاغل بالها .... ... رجع عصام من الشركة بدري عشان يجهز للسفر ولقى سما في انتظاره _ عصام إنت لازم تسافر لعدنان _من غير ماتقولي أنا راجع بدري عشان أجهز للسفر بس بجد مش فاهم إيه الجبروت ده _ولا أنا فاهمه بجد إزاي عملت كده : وكانت عاوزه منه إيه تاني بعد إللي عملته ! بس إتوترت أوي ساعة ما داليا سألتني عنها وماعرفتش أقول إيه ! _ إوعي تكوني قولتيلها حاجه انتي عارفه عدنان ! _لا ماتقلقش قولتلها بإختصار إنها كانت خطيبته وخانته ومنعرفش الأسباب بقى وتوهت في الموضوع بس _طيب تمام ، ربنا يستر ، هطلع أجهز شنطتي طلع يجهز شنطته بعد ماحجز في أول طياره رايحه لندن .... ... بعد ما أخد منهاعصير الليمون قفل على نفسه باب المكتب بالمفتاح عشان محدش يدخل وخصوصاً داليا ، مش عاوز يطلع غضبه فيها وهو مش في وعيه ، فرد جسمه على كنبة الأنتريه إللي في مكتبه ، ندم إنه خلاها تشوف ضعفه ودموعه ، لكن لحظتها ماكنش بيفكر في أي حاجه غير إنه شافها قصاده أمه وطبيعي الضنا يبكي بلاخجل قصاد إللي إتولد من حشاها وهو حقيقي وقتها كان شايف أمه قصاد عينيه ، فبكى وكان محتاج لضمتها ، سمع صوت رساله في الموبايل كان هيطنش بس لما لمح إسم داليا فتحها بسرعه : أحياناً يبتلي الله عباده الصالحين ليصطفيهم ، فإصبر صبراً جميلا واعلم أن الله يخبئ لنا في الأقدار أشياءً إن علمناها بكينا فرحاً ، ثق بالله وتأكد أنك يوماً ما ستبكي فرحاً من فرط كرم الله ) ، الظهر أذن أخبر الأرض في سجدتك عما يؤلمك وتأكد أن صوتك سيصل لعنان السماء قرا رسالتها أكتر من مره وإبتسم وكإنها لبت ندا روحه فضمته بكلامها وطبطبت على قلبه ، مسح دموعه ، قام إتوضى وصلى الظهر ، أول ما سجد بدأ يبكي بإنهيار بين إيدين ربنا ويشكيله ع إللي في قلبه وهو بيدعي بحرقه ربنا يعوضه قاعده في مكتبها وصلها تقرير ع الموبايل إنه شاف الرساله ، مش عارفه عملت ليه كده ، ولامت نفسها إنه مايصحش فعل زي ده ، بس هي نفذت إللي جه على بالها بدون تفكير ، فكرت بقلبها قبل عقلها (( فكرت بقلبي وأنا قلبي ليه فكر في كده ؟! داليا إنتي ليه خايفه عليه بالشكل ده ، وبعدين مش شايفه إنه ماكنش يصح تبعتي الرساله ولا كان يصح تتعدي الحدود أصلاً غير إنه ماينفعش هو مديرك ، وبعدين تعالي هنا إنتي ليه إتضايقتي أوي كده لما قالت إنها خطيبته !!! داليا إنتي إيه إللي جرالك أوعي تنسي نفسك إستغفر الله العظيم ، أنا هقوم أحسن أصلي الظهر )) داليا لنفسها صلت الظهر ودعيتله ربنا يفرج كربه ويبدل كل حزن في حياته لسعاده ...~ ... جه وقت دفع الإيجار ، فتحت مريم شنطتها عشان تدفع وإتصدمت إن الفلوس إللي معاها قربت تخلص ، الفتره إللي فاتت إحتاجت مصاريف كتيره وإشترت كتب و ماكنتش واخده بالها إنها بتسحب من الفلوس إللي شيلاها للإيجار ، طلّعت كل الفلوس إللي معاها وبدأت تحسب إللي هتصرفه تقريباً أد إيه ولقت نفسها بعد شهر ممكن ما تلاقيش تاكل ! نظمت مصاريفها وقررت تطلب من مارثا إنها تأجل الإيجار للشهر الجاي ومارثا أكيد مش هترفض ، بس لحد ما تدبر حالها وتكلم حد يبيع شقتهم في مصر ويبعتلها الفلوس ، كلمت مارثا وبالفعل ماكنش عندها أي مانع بل عرضت على مريم مساعده ماديه ومريم رفضت ، تاني يوم وهي ع الفطار ، شكرت مارثا للمره التانيه لكن مارثا فاجئتها إن عمرو دفع إيجارها قبل ما يروح الجامعه ، لامت مارثا إنها حكتله ومارثا أكدتلها إنها ماقالتش حاجه هو إللي سمعهم وهم بيتكلموا ، إتعصبت وقامت من ع السفره بسرعه للجامعه ، دخلت مكتبه من غير ما تخبط _ أقدر أفهم إيه إللي عملته ده ؟! رد بهدوء : عملت إيه ؟! _ بأي صفه تدفعلي الإيجار أنا ماطلبتش منك تعمل كده بتتدخل ليه _ لإن دكتور فهمي موصيني عليكي ثم إنتي بنت بلدي ومغتربه بره _ بس ما طلبتش مساعدة حد _ وأنا مش منتظر تطلبي ، طيب خلاص إعتبريهم سلف وأبقي رديهم وقت ما تحبي إنهارت ع الكرسي : وقت ما أحب ؟! هو أنا بقى فيه حاجه في حياتي بعملها زي ما أحب ؟! هو أنا بقى عندي حياه أصلاً أنا متت من زمان _ إنتي إللي عاوزه تموتي نفسك يا مريم ، إنتي إللي بقيتي بتحبي الحزن والكآبه فعشتي فيهم ، إرحمني نفسك شويه بقى _ أنا ما اخترتش حاجه ولا كان بمزاجي ، كل حاجه حصلت فجأه كل حاجه جتلي فجأه وحياتي إتغيرت فجأه أنا تعبت :'( _ مريم إنتي أقوى من كده إنتـ قاطعته قامت وهي بتمسح دموعها : في ظرف شهر إن شاء الله الفلوس هتكون عند حضرتك يا دكتور ، بعد إذنك قالت جملتها وخرجت من المكتب ، قعد ع الكرسي وزفر بضيق ، نفسه يلاقي طريقه ترجع مريم بتاعة زمان ، نفسه يلاقي طريقه يحررها بيها من أسر كآبتها وحزنها ..... ... أحمد كان رغم إمتحاناته وإنشغاله بالمذاكره على طول يسأل عن أم تقى وعن أحوالها ويشتريلها الدوا ويعملها أي تحاليل وآشعه مطلوبه على حسابه ، متكفل براعيتهم فقط لله ، أما عن تقى فغصب عنها وبدون مقدمات حبت أحمد ، من وقت ما أنقذها وساعدها هي وأمها وهي شيفاه مثال للشهامه والرجوله إللي إتعدموا في زماننا لكن مع الوقت غصب عنها لقت الإعجاب تحول لحب ، ملهاش سلطه على قلبها عشان تمنعه لكنّها إتربت كويس وخوفها من ربها بيمنعها من أي محاوله للفت إنتباهه بل بالعكس وقت ما يتصل بتخلي أمها هي إللي ترد ووقت ما يجي البيت بتختفي في أوضتها وماتخرجش غير بعد ما يمشي ، وأحمد إنسان أمين على حرمة بيوت الغير وبيتقي الله في كل فعل وخصوصاً مع تقى وأمها ، لإنه حاسس إن ربنا بيستخدمه عشان يساعدهم ويقف جنبهم في عدم وجود راجل يحميهم ويتولى أمرهم . ساعات بيفكر في تقى ، لكن تفكير مختلف ، مش حب مجرد إعجاب بشخصيتها وقوة إرادتها ، فيها كتير أوي من داليا بل حاسسها نسخه منها ، كان قاعد بيفكر فيها في أوضته وإتصلت داليا وغصب عنه ندهلها بإسم تقى _ يا نهارك ملون بكل ألوان الطيف ومشتقاتها تقى مين يا ولا _ تقى ؟! وأنا جبت سيرة تقى _ لاااااا ده إنت في مرحله متأخره خالص تعالالي كده ، يلا إحكي بالتفصيل _ أحكي عن إيه يا داليا صلّي ع النبي إنتي ما صدقتي _ عليه أفضل الصلاة والسلام ، ها مين تقى خلّص يا ولا _ يا ربّي عليكي فظيعه : بس ما تفهميش غلط هه مفيش حاجه من إللي في دماغك _ ملكش دعوه بقى بإللي أفهمه إنت أحكي بس يلا توكل على الله حكالها عن تقى وأمها ومارضيش يحكي ع الحادثه إللي حصلت لتقى لسببين الأول إنه من وقت ما أنقذها وهو عاهد ربنا إنه مش هيحكي لحد أبداً عن إللي حصل وثانياً مش حابب يفتح لداليا السيره دي عشان ما تفتكرش الحادثه لذلك قالها إنه كان ماشي جنب بيتهم وإستنجدت بيه إلى آخر الحكايه _ كل ده وتقولي ما أفهمش غلط أنا فاهمه صح الصح كمان _ شوفتي بقى أهه أنا ماكنتش عاوز أحكيلك عشان كده _ تقدر ماتحكيش أصلاً _ صراحه لأ _ ربنا يباركلي فيك يا حبيبي ويرضى عنك ويجازيك كل خير بصي يا سيدي بقى أنا عاوزه أعمل للناس دي مرتب شهري ، يعني صدقه عن بابا عشان ربنا يشفيهولنا ويباركلنا فيه ، فكل شهر إن شاء الله مع مصاريف البيت هبعتلك مبلغ كده في ظرف ليهم تمام ؟ _ تمام يا حبيبتي ربنا يوسع عليكي في رزقك ويبارك فيكي _ أخبار الأجازه معاك إيه بقى والنتيجه إمته إن شاء الله ؟ إتكلمت معاه شويه وإتطمنت عليه بعدين قفلت ونامت عشان تصحى بدري لشغلها .... ... عدنان بدأ يرجع لطبيعته ولسه بيتبادل الكتب مع داليا ويناقشها فيها ، وجودها لوحده بمثابة دوا بيطيب جروح قلبه ، حاسس بصداع شديد فروح بدري وإتفاجئ بوجود عصام في البيت : إنت شرفت يا مرحبا يا مرحبا قام يسلم عليه وهو مستغرب لسه من شويه قبل ما عدنان يوصل كان متوقع إنه هيبقى في قمة غضبه وبدأ يدور على طرق يهديه بيها ويرتب كلام مناسب يقوله ! _إنت كويس يا عدنان ؟؟ _أنا كويس جدا الحمدلله _طااايب الحمدلله وفرت عليا الرغي إللي كنت محضره غمز لعدنان : الله يكرمها داليا قامت بالواجب ابتسم عدنان : الله يهديك ، المهم يا سيادة نائب المدير بما إنك رجعت إتفضل روح ع الشركه مكاني لإني مصدع جدااا ونفسي انام _أعوذ بالله أول ماتشوف وشي كده اعتبرني ماجتش يا اخي _ بقولك مصدع يعني وفر رغيك ده واكسب وقت كده كده هتروح يلا _ طيب يا سي عدنان أنا عارف كان إيه إللي جابني ضحك وهو طالع لأوضته ، غير هدومه ونام ... ... هاله رجعت تاني تهتم ببيتها وبطلت أي ورديات بالليل ، وعلي بيحاول يرجع زي ماكان لكن لسه كلام داليا مأثر فيه وواجعه ، ملاحظ محاولات هاله وتغيرها وبيحاول هو كمان يرجع زي ما كان ... ... طارق رجع من شغله ولقى البيت هادي ، مستغرب إن شيماء نامت بدري وما استنتهوش كعادة كل يوم ! دخل أوضة النوم ولقى شيماء نايمه فمشي على اطراف صوابعه ، غير هدومه ، رفع الغطا عشان ينام جنبها واتفاجئ ! حاطه ظرف مكان نومه ، مسكه وقرا المكتوب عليه على ضوء الأباجوره (( إلى بابا حبيبي )) ابتسم وتوقع داليا خلت أمها كالعاده تكتبله جواب ، فتح الظرف ولقى ورقتين ، مسك الأولى وقرا إللي فيها (( بابا حبيبي بعد السلام والتحيه ياريت تاخد بالك من مامتي وتستناني كلها 8 شهور وهاجي أسهركم طول الليل وازعجكم بصوتي وبعتلك مع مامتي أول صوره ليا ...بحبك يا اعظم بابا في الدنيا )) قرا الكلام أكتر من مره بذهول وبسرعه مسك الورقه التانيه ولقى صورة سونار لجنين ففهم ، بص على شيماء لقاها كانت عامله نفسها نايمه ، اتعدلت وقعدت ع السرير وهي بصاله ومبتسمه _إنتي حامل ؟ _أيووووه سجد شكر لله وهي وقفت فرحانه للفرحه إللي شيفاها في عيونه ، قام من سجدته وضمها لحضنه ، قبل راسها بحنان : ربنا ما يحرمني منك ابدا يا حبيبتي ويباركلي فيكي وفي المولود _يارب يا حبيبي _ عرفتي امته ؟ _ ما أنا حسيت بشوية تعب فروحت لمامتك انهارده وكنت شاكه وطلبت منها تيجي معايا للدكتور اكشف وطلعت حامل الحمدلله _يعني ماما عرفت ؟ _أول واحده ;) وفرحانه جدا _ربنا يديم علينا فرحتنا ويقومك بالسلامه يا حبيبتي _يا رب اخدها في حضنه وناموا وهم بيسترجعوا ذكرياتهم في ولادة داليا شيماء قررت تغامر وتحارب عشان تكسب قلب حماتها ، بقت تتحمل كلامها واسلوبها وتلميحاتها وتشاركها كل كبيره وصغيره في بيتها وتحسسها ان هي الكل في الكل والأساس في حياة ابنها ، ووقت ما شكت في الحمل عملت إختبار وعرفت إنها حامل بس حبت تشارك حماتها وتحسسها بأهميتها وأهمية رأيها .... ... حاسه الدنيا كلها فوق دماغها وحياتها ملغبطه ، سجنت نفسها جواها وضيعت المفتاح أو يمكن عارفه مكانه بس عامله نفسها مش واخده بالها لإنها إعتادت تعيش في السجن ده وإعتادت ع الحزن والدموع والكآبه ، الزمن والأيام مرت وهي عايشه جسد وبس ، روحها مدفونه مع خالد من 7 سنين ، ماشيه في الشوارع بلا هدف ، شوارع أول مره تروحها في مكان ماتعرفهوش ومش حاسه لا بخوف ولا وحشه أي خوف مش هيكون أكبر من الخوف إللي جواها ، بقالها كتير مابكتش بالحرقه دي ، كانت فاكره ان خلاص دموعها جفت وإحساسها بقى متبلد ، حاسه في اللحظه دي إنها محتاجه حد يضمها بقوه ، بصت حوليها وإستغربت إنها مشيت كل ده على رجلها من غير ما تحس ! قعدت قصاد النهر ودموعها سايله من غير صوت حاسه إنها تايهه وضايعه في وسط زحمة الحياه ، حاسه إن الدنيا كلها عباره عن قبر مدفونه فيه :'( عمرو بيتصل عليها من وقت ما سابته وهي بتكنسل عليه معندهاش رغبه في الكلام داليا راحت في ميعاد كل يوم لمكانها المفضل ، قعدت شويه تحاسب نفسها وتسترجع ذكرياتها كالعاده ، بتلتفت جنبها ، ولمحت وش مألوف ليها ثبتت نظرها وركزت في إللي قاعده على مسافه قريبه منها ، إتفاجئت وإتسمرت مكانها وهي بتمتم : مرييييم : هي شبه متأكده إن إللي شيفاها مريم لكن عقلها بيقولها مريم إيه إللي هيجيبها هنا ! قربت وإتأكدت إن هي ، جريت عليها ووقفت لما شافتها شارده ودموعها سايله قعدت جنبها ومريم شارده وماخدتش بالها إن فيه حد قعد جنبها من الأساس ! طبطبت عليها فإلتفتت مريم وأول ما شافت داليا إتفاجئت وبدون كلام أو تفكير إترمت في حضنها وبكت بحرقه : آآآآآآآآآآآآآه يا داليا آآآآآآآآآآه بكت داليا لبكاها وضمتها بقوه وهي بتطبط عليها، فضلت تبكي في حضنها لحد ماهديت ، قامت من حضن داليا وبصتلها : أنا عارفه إني إختفيت فجأه بس بس أنا برجوكي يا داليا ما تسيبنيش أنا بقيت وحيده في الدنيا دي وحاسه إني تايهه وضايعه أنا حاسه إني ميته ضمت إيديها بقوه وهي مبتسمه بود : ماتخافيش أنا جنبك ومش هسيبك إهدي عشان خاطري بقى طلّعت من شنطتها منديل مسحتلها دموعها وقبّلت راسها ، خدتها وراحوا أقرب كافيه طلبوا إتنين لمون وداليا لسه متبته في إيديها _ تعرفي يا داليا إن ربنا بعتك ليا من السما سبحان الله ، مشيت مسافه كبيره جداً على رجلي وأنا مش حاسه وأهه ربنا بعتني ليكي لإني فعلاً كنت حاسه من كتر الهم هتجيلي جلطه _ بعيد الشر عنك يا حبيبتي ربنا يحفظك من كل سوء ، طمنيني عليكي وعلى أحوالك إنتي إيه إللي جابك هنا أصلاً ؟ _ أنا هنا عشان رسالة الدكتوراه _ ما شاء الله تبارك الله أخيراً حققتي حلمك وسافرتي ربنا يوفقك _ بس شكلي كده هتخلى عن كل ده وأنزل مصر قريب _ يا ستير يا رب ، ليه بتقولي كده بدأت تبكي من تاني وحكت لداليا عن كل العذاب إللي شافته الفتره إللي فاتت وصراعاتها مع نفسها وإحساسها ناحية عمرو وأخيراً موضوع الإيجار والضائقه الماديه إللي عندها _ لا حول ولا قوة إلا بالله طيب تعالي نمسك حاجه حاجه كده بالراحه وماتقلقيش كل حاجه ليها حل بإذن الله هزت راسها بإستسلام _ أولاً بطلي عبط وكلام فارغ وتشيلي من دماغك فكرة رجوعك مصر من غير الدكتوراه دي _ خلينا واقعيين يا داليا أمال هصرف منين ده أنا فكرت أخلي حد يبيع بتنا إللي في مصر ويبعتلي الفلوس وبرده مش هتكفي المصاريف هنا والكتب غاليه جداً _ وليه يعني تفكري بغباء مش عشان شوكه دخلت في صباعك تقطعي الصباع كله ، ليه ما تفكريش مثلاً تشتغلي شغل تاني تصرفي منه على نفسك وعلى دراستك وتكوني منه كمان مبلغ يعيشك مستوره والحمدلله لما ترجعي مصر إن شاء الله بالدكتوراه ؟ إبتسمت بسخريه : هه قلبك أبيض وده مين إن شاء الله إللي هيشغلني عنده هنا وأنا يعتبر مش معايا شهاده محترمه لشغل محترم لإن شهادة مصر دي صراحه إكتشتفت إني أبلها وأشرب ميتها هنا ! _ مش لازم تشتغلي في مجالك ممكن تشتغلي شغل مش في مجالك ومحترم برده _ وده فين إن شاء الله ده! _ في شركة ( ........) فرع لندن _ هههههههههههههههههه داليااااا الله يخليكي أنا فيا إللي مكفيني بقولك الحاله زفت تقولي إشتغلي في شركة (....) وشركة international زي دي تفتكري هتقبل واحده زيي إزاي حضرتك !!! _ ملكيش دعوه إنتي بس وقولي موافقه تشتغلي فيها ولا عندك مانع ؟ _ داليا ربنا يكرمك ماتعقديها أكتر _ ردي عليا من غير كلام كتير بنفاد صبر : أكيد موافقه أشتغل فيها ده لو لقيت فرصه أصلاً _ إنتي عارفه عنوانها صح ؟ _ أيوه عديت من عليها كتير _ تمام أوي بكره إن شاء الله الساعه 9 الصبح تكوني هناك بكل أوراقك ، إسألي عن مكتب مساعدة المدير وسكرتيرته الخاصه وقدمي أوراقك هناك _ إنتي تعرفيها ؟؟ ضحكت داليا : حاجه زي كده ، إتفقنا ؟ _ إتفقنا _ كده حلينا مشكلة المصاريف والإيجار يعني تلات أرباع المشكله اتحل _ لأ تقصدي كلها خلاص ده لو ربنا أراد يعني واتقبلت) _ لأ لسه في مشكلتك إنتي بقى مع عمرو _ لأ عمرو ده إنسيه خالص أصلاً زمانه متجوز لإن آخر مره قريت خبر خطوبته وكان المفترض هيتجوز ويسافر على طول _ وهو لو متجوز عايش مع مارثا دي ليه ؟! ولو متجوز وعايش معاها برده فين مراته مش معاه ليه ؟! _ يمكن سايبها في مصر ! _ الكلام ده لو حد زي حالاتك كده جاي يعمل دكتوراه ويروح بلده لكن هو بيشتغل ومستقر ، طيب هي مارثا جابت سيره عن مراته قصادك ؟ _ خالص ولا كإنه متجوز أصلاً _ طيب فيه دبله في إيديه ؟ _ لأ _ يبقى ماظنش إتجوز يا مريم _ إتجوز أو لأ يا داليا أنا خلاص الموضوع ده شيلاه من دماغي إبتسمت داليا : كدابه _ وحتى لو يعني بفكر فيه غصب عني يعني هعمل إيه هروح أقوله إتجوزني مثلاً !!! ثم أنا فكرة الجواز دي مطيراها من حياتي _ عشان عبيطه ، مستغرباكـِ~ بجد ! حد يلاقي واحد بيحبه بالشكل ده ويبقى كده ! حرام عليكي إنتي معذباه شوفي بقالك كام سنه ومعذبه نفسك أكتر منه لحد إمته هتفضلي كده يا مريم !!! _ ممكن نغير الموضوع عشان خاطري وإحكيلي عنك بقى وعن أحوالك ؟ _ قبل ما أحكيلك هاتي رقمك وإياكـِ~ يا مريم تختفي تاني ولا تغيري الرقم >.< _ آخر مره خلاص والله ده أنا ماصدقت لقيتك يا داليا _ هاتي موبايلك أكتب الرقم بنفسي عشان مايبقالكيش حجه ضحكت وهي بتديهولها : إتفضلي يا ستي أهه مسكت داليا الموبايل وبسرعه دورت على إسم عمرو مالقتهوش كتبت حرف الـ D ولقتها مسجلاه بإسم دكتور عمرو كتبت الرقم على موبايلها من غير مامريم تحس وبسرعه قفلت الأسماء ورنت على موبايلها عشان تسجل الرقم وإدتلها الموبايل قعدوا يحكوا شويه عن دراسة مريم وحياتها وداليا ماكنتش بتتكلم حست إن مريم محتاجه تطلع إللي جواها فقامت بدور المستمع .. ودعتها وأكدت عليها تروح بكره الشركة وتقابل مساعدة المدير ........ مريم مشيت من عند داليا مبسوطه وحاسه براحه نفسيه بعد ما إتكلمت معاها وطلعت إللي جواها ، كمان مبسوطه إن داليا لق,تلها حل مع إنها حاسه مفيش أمل في موضوع الشركه ده ، بس إتوضت وصلت صلاة حاجه ودعت ربنا ييسرلها الشغل ده ويصلحلها الأحوال ..... داليا من وقت ما روحت وهي باصه لرقم دكتور عمرو ومش عارفه ناويه على إيه ، فكرت شويه وبعدين داست إتصال ! عمرو كان قلقان على مريم بسبب إختفائها من بعد ماكانت معاه في المكتب ، إتصل عليها كتير وكنسلت عليه ، قرر ينزل يدور عليها وقبل مايخرج لقاها داخله من الباب ، ومن غير كلام طلعت على أوضتها ، طلع هو كمان على أوضته ولسه بيفكر في حل لحالتها ، رن موبايله برقم غريب ! طنشه وبعد تاني رنه رد يمكن يكون حاجه مهمه أو خاصه بالشغل _ Hello ! _ دكتور عمرو ؟ إستغرب إن إللي بتكلمه عربيه : أيوه ، مين حضرتك ؟ _ السلام عليكم أنا داليا يا دكتور _ وعليكم السلام ، عفواً داليا مين حضرتك ؟؟ _ أنا صاحبة مريم _ أه بس إعذريني مش متذكر بالتحديد مين حضرتك ؟؟ _ صحبتها في مصر من 7 سنين ، سكتت شويه وبعدين كملت : إللي كانت رافعه القضيه على خالد !! _ آآآآه أهلاً بحضرتك يا أستاذه داليا أنا متأسف جداً والله إني ما افتكرتش في الأول ، بس هو رقم حضرتك يعني مش مصري _ أيوه أيوه أنا عايشه في لندن _ تمام ، حضرتك بخير ؟ _ الحمدلله _ والله حضرتك إتصلتي في وقتك أنا كنت عاوز اتكلم معاكي في موضوع ضروري يخص مريم _ وأنا كمان بتصل عشان موضوع يخص مريم ، حضرتك فاضي بكره إن شاء الله نتقابل ؟ _ تحت أمرك في أي وقت _ بكره إن شاء الله الساعه 4 مناسب ؟ _ أه مناسب ، تحبي نتقابل فين ؟؟ _ في كافيه ( ..........) تعرفه ؟ _ أيوه ، تمام إن شاء الله بكره هكون في الميعاد بالضبط ) _ إن شاء الله ، السلام عليكم _ وعليكم السلام ورحمة الله وبركاته قفل معاها وشكر ربنا وهو حاسس إن الحمدلله الحل جه وهو عارف مريم بتحب داليا وهتسمع كلامها ، حتى لو مش هتسمعه اهه لقى وسيط بينه وبين مريم بدل ما هي مش طيقاه أوي كده داليا قفلت مع عمرو ونزلت تحت لقت خالها بيلعب مع ولاده _ وأناااا عاوزه أركب على كتفك أنا كمان إشمعنه أنا _ أه وماله يا حبيبتي وهيبقى آخر مشهد للمرحوم _ هههههههههههه بعيد الشر عنك عوزاك في موضوع هام جداً وللغايه _ هام وللغايه وجداً كمان لا كده انا اتوغوشت ارغي ؟ _ الأول فاضي بكره إن شاء الله الساعه 4 تيجي معايا مشوار كده لحد كافيه ( ....) _ أمممم تمام ولو مش فاضي أفضيلك نفسي عادي مفيش مشكله _ تمام _ خير بقى فيه إيه ؟؟ _ أصل بإختصار كده يعني في مشكله كده بسيطه مع صحبتي وعاوزه أحلها وبما إني هقابل الطرف الآخر وهو راجل إذاً خالو حبيبي لازم يجي معايا _ أمممم ولو إني مافهمتش حاجه بس ماشي جاي معاكي وربنا يستر طبعت قبله على خده: حبيبي يا أبو النواصير _ بعد الكلمه دي تفتكري ممكن أوافق أجي معاكي أو أعرفك تاني من الأساس _ هههههههههههههه معلش عديهالي _ طيب نعديها وأمرنا لله ويلا بقى عشان عطلتينا مش شايفه الحلوين مستنييين إزاي _ أسفين يا باشا فين شيرين ؟ _ نايمه شويه في أوضتها _ تمام هطلع أنا كمان أقرا كتاب و أريح شويه بقى _ ماشي تصبحي على خير _ وإنت من أهل الخير ... تاني يوم الصبح دخلت داليا لعدنان ، وقّعلها على بعض الأوراق ، وبعد ما خلص _ مستر عدنان كنت عاوزه أقول لحضرتك حاجه وهو بيوقّع ع الورق : إتفضلي يا داليا خير ؟؟ _ حضرتك مارينا إللي كانت في قسم الـ Marketing وإتنقلت لفرغ نيويورك _ أه مالها ؟ _ مكانها فاضي وكنا هننزل إعلان يعني ع الموقع بتاعنا بس أنا عندي صديقه هتقدر تقوم بالوظيفه دي ، ودي مش واسطه والله حضرتك بس هي فعلاً جديره بالوظيفه وإنسانه جاده جداً وكمان مؤهلها عالي هي معيدة في كلية الهندسه في مصر وحالياً بتعمل دكتوراه هنا و قاطعها : تمام أنا واثق في إختيارك وإن همّك مصلحة الشركه ، لذلك إللي شيفاه صح إعمليه) _ متشكره جداً يا فندم أخدت منه الورق وجريت على مكتبها وهي بتحمد ربنا إنها مش هتخذل مريم والساعه 9 إلا ربع مريم كانت عند باب الشركه ، سألت في الإستقبال عن مكتب مساعدة المدير وطلعتلها وهي بتمتم بالدعاء ، خبّطت ع الباب ، داليا بصت في الساعه وإبتسمت : إتفضل ! دخلت مريم بتوتر : صباح الخـ .... داليا : إنتي بتعملي إيه هنا !!!! _ هههههههههههه أقدملك مساعد المدير وحضرتك تقريباً كده يعتبر إستلمتي الوظيفه _ إنتي بتتكلمي جد يا داليا : ؟! _ أه والله أنا لسه خارجه من عند المدير ووافق عليكـِ~ مبدأياً باقي بقى إنك تملي الأبليكيشن وأخليه يوقع وبعدين نروح لمدير الـ HR هيعمل معاكي مقابله بسيطه جداً وإن شاء الله تبدأي معانا إنهارده _ اللهم لك الحمد حضنت داليا : ربنا ما يحرمني منك أبداً أخدتها داليا ، خلّصت معاها كل الإجراءات وبعدين داليا طلبت من مريم ذوقياً تدخل تشكر عدنان ، خبطت داليا ع الباب ودخلت : حضرتك يا فندم مريم بره خلصت كل الإجراءات وحابه تشكر حضرتك بنفسها _ مريم مين ؟! أه صحبتك إللي قولتي عنها للوظيفه ؟؟ _ بالضبط كده _ تمام خليها تتفضل دخلت مريم وأول ما لمحها إفتكر إمبارح لما شافها مع داليا وإستغرب لما لقاهم بيبكوا ، دلوقتي يمكن الصوره وضحت بالنسبه ليه ، رحب بيها وبعد ما خرجت إبتسم وهو مبسوط أووي من حب داليا للخير وإنها دايماً بتساعد غيرها ، كل موقف وكل فعل بيزود إحترامه وحبه ليها . داليا أخدت مريم للبنات تحت عرفتهم عليه وفهمتها نظام شغلها وطلبت من سالي وصوفيا بما إنهم في نفس القسم معاها يفهموها الشغل وبالفعل في خلال ساعتين كانت مريم فاهمه النظام ، إستلمت مكتبها وبدأت فعلياً تشتغل..... مريم خلّصت شغلها ، كان يوم متعب بالنسبه ليها بس الحمدلله مر على خير ، شكرت داليا مره تانيه قبل ما تمشي ، داليا روّحت والساعه 3 ونص كلمت خالها في الشغل قالها تروح ع الكافيه وهيقابلها هناك ، وقد كان ، غيرت هدومها وراحت على هناك وكان خالها في إنتظارها ، عمرو وصل الساعه 4 بالتحديد ، ميز داليا من بعيد ، سلم عليها هي وخالها وقعد معاهم ، دقايق وخالها قام لتربيزه جنبهم وكإن عمرو ماصدق : _ خير يا أستاذه داليا ؟ حضرتك قابلتي مريم مش كده ؟ _ أيوه بس أنا عاوزه الأول أسمع حضرتك ، إيه الموضوع المهم إللي كنت عاوزني فيه ) _ أنا عاوز أتجوز مريم _ إللي أعرفه ومريم كمان تعرفه إن حضرتك كنت خاطب وإتجوزت وسافرت مع زوجتك ! _ لأ أنا خطبت أه لكن ما اتجوزتهاش مقدرناش نتفق مع بعض ، ففسخت خطوبتي واستقريت هنا بس _ أممممم تمام إتفضل حضرتك كمل كلامك _ بس هقول إيه تاني معنديش غير إني عاوز حضرتك تساعديني بأي طريقه إني أرجعلها ثقتها في نفسها وفي الحياه من تاني ، حاسس إن مريم تايهه وبتضيع نفسها بنفسها _ ماتقلقش هترجع إن شاء الله أنا طلبت حضرتك عشان أتأكد لو فعلاً لسه لحد دلوقتي عاوز تتزوج مريم _ مفيش لحظه مرت في حياتي ما اتمنتش فيها الأمنيه دي وعندي أمل وواثق في ربنا _ وربنا مش هيضيعك أبداً ما تقلقش المهم إنت ماتقولهاش حاجه ، سيبها بس ترتب أمورها الفتره دي ، هي إنهارده الحمدلله بدأت شغل في الشركه إللي أنا بشتغل فيها _ شغل ليه : طول ما أنا موجود جنبها ماتحملش هم في الدنيا !!! _ معلش سيبها على راحتها حالياً مااظنش هتتقبل منك أي مساعده ، وأنا جنبها لحد ما إن شاء الله ترجع مريم القديمه ولو كنت خير ليها ربنا يجعلكم نصيب في بعض _ يــــا رب ، بجد متشكر جداً يا أستاذه داليا _ العفو يا دكتور مريم دي أختي ومستعده أعمل أي حاجه عشان ترجعلها الضحكه من تاني _ إن شاء الله _ هستأذن حضرتك بقى نمشي عشان خالي وراه مشوار ضروري _ إتفضلي حضرتك ومتشكر مره تانيه _ مع السلامه _ مع السلامه وقفوا فوقف خالها معاهم : فرصه سعيده يا دكتور عمرو _ أنا أسعد ~ ~ ~ مشيت داليا مع خالها وهي مبسوطه جداً إنها إتأكدت من مشاعر عمرو وهتفضل ورا مريم لحد ما تعقل وترجع زي ما كانت وأحسن ... أحمد خرج هو وأصحابه يتفسحوا شويه ، كانوا قاعدين ع الكورنيش لما هشام فجأه وقف : إيه ده إيه ده إلحق يا أحمد مش إللي ماشيه هناك دي الصاروخ كل أصحابه إلتفتوا ناحيتها وصفروا وهو بصله مش فاهم قصده ، غمز هشام : تقى واحد من صحابهم : إوعي الحته دي تبعك يا أبوحميد ولا إيه _ بس يا جدعان لحسن وشه إحمر ههههههه وقف أحمد بعصبيه ، مسك هشام من ياقة قميصه وصرخ في وشه بغضب : أنا مش قولتلك تحترم نفسك وماتجيبش سيرتها تاني وقفوا أصحابهم يحجزوا ومش فاهمين حاجه هشام : إنت بترفع إيديك عليا يا احمد هي حصلّت !! ساب ياقة القميص بصلهم بقرف : هعصب في نفسي ليه !! قال بيقولوا عليكم صفوه جتكوا القرف قال جملته ومشي ع البيت ، حس بغيره شديده عليها ، مش مجرد غيره على واحده كده وخلاص لأ حس بغيره عليها زي ما بيغير على داليا ، حس بغيره كإنها حد يخصه ! و في اللحظه دي أول مره يحس إن عنده رغبه في الزواج منها ، بس رجع يفوق نفسه ، هيخطبها إزاي وهو ماحلتهوش حاجه !!! لازم الإستغفار وفضل يدعي ربنا بتيسير الحال ، قرر يشيل الموضوع ده من دماغه في الوقت الحالي .. بعد مرور شهور ومريم ماشيه في شغلها كويس جداً وحالتها المادية إتحسنت وداليا ونِهال بدأوا يساندوها ويساعدوها ترجع من تاني وهي بالفعل بدأت بالتدريج تبعد عن الكآبه وتقبل على الحياه بإشراق وأمل ^_^ وكل فتره عمرو يسأل داليا كلمت مريم في موضوعه ولا لأ تطلب منه يصبر ويستنى شويه ، كانت هتكلمها بس نِهال طلبت منها تأجل الموضوع ده شويه على الأقل لحد ما تاخد الدكتوراه وتحس بإستقرار نفسي .... داليا إتقربت جداً من عدنان ، مابقوش مجرد مدير وسكرتيره ، مابيتعدوش الحدود لكن فيه إحساس كبير بالثقه والأمان ، خلال الشهور دي قروا كل كتب ريان المصري سوا وناقشوا كل جزء فيها ، وكتب تانيه كتير إقترحها عدنان وقراها مع داليا ، بقت بتفهمه في الشغل من مجرد النظره قبل ما يطلب تكون ملبيه مازال بيكبر جواها إحساس إنه شخص عزيز وغالي عندها جداً بس مش عارفه تصنف نوع إحساسها بيه !!!! ... الحاله الماديه لأهل داليا الحمدلله إتحسنت جداً ، أحمد إستلم شغل في المستشفى ومازال بيساعد تقى وأمها بإحترام من غير ما يتعدى الحدود مع تقى ولا بيحاول يلفت إنتباهها ولا حتى بيرفع عينه من الأرض في وجودها رغم إنه من جواه منتظر يكون نفسه عشان يتقدملها ، وداليا بقت كل شهر تشيل جزء من مرتبها ، بتحوش عشان نفسها تفتح عياده لأحمد ، ماقالتش عن المفاجئه دي لحد غير نِهال عشان تسألها عن الأسعار وكل التكاليف لفتح عياده ، قربت تكمل المبلغ ونفسها يكمل قريب ، زي ما نفسها تفرح بأحمد ، في مره طلبت منه تكلم تقى يمكن تحتاج حاجه في الكليه او شرح أي ماده بما إن داليا درست في نفس الكليه وعامله دكتوراه كمان ، كلمتها وإرتاحتلها جداً ومن وقتها وهم أصحاب ، تقى بتستشيرها في كل كبيره وصغيره في حياتها وإعتبرتها أختها ، داليا حساها مناسبه أوي لأحمد وكمان رغم انها ماصرحتش بس حساها مياله ليه وكل ما تفاتحه في الموضوع يقولها مش دلوقتي لازم أكون نفسي الأول ، عرضت عليه مساعده ورفض ، لذلك بتحاول على أد ما تقدر تكمل مبلغ العياده بسرعه يمكن يحس إنه كون حاجه في حياته و تفرح بيه هو وتقى قريب سما خلّصت إمتحاناتها وقبل ظهور النتيجه كان عصام بيتفق هو وعدنان مع أبوها على ميعاد الفرح ، من وقت ما سافر نيويورك لإتفاقات الفرح وهو مسلم الشركه لداليا ، شايفه شغلها كويس جداً لكن حاسه بإحساس غريب ! مش حابه تيجي الشركه وحاسه بخنقه في غياب عدنان أول ما يتصل بيها يتطمن ع الشركه تطير مـ الفرحه لما تشوف إسمه ، رغم إن كل كلامهم عن الشغل بس وجود أي حاجه منه بتطمنها وتحسسها بالأمان ، خرجت مع مريم ونِهال عشان يختاروا معاها فستان لفرح سما ، إتغدوا سوا وبعدين مريم سابتهم ومشيت عشان وراها مذاكره ، نِهال لاحظت شرود داليا _ داليا ! ..................... _ داليااااااااااااااا !! _ هه بتقولي حاجه ؟ _ لا ده إنتي مش هنا خالص !!! إللي واخد عقلك _ معرفش يا نِهال معرفش مالي بجد لأول مره مش عارفه أحدد فيا إيه ولا عارفه أصنف إحساسي !!! _ إحكيلي يمكن أقدر أساعدك _ بصي إللي هو ماكنتيش طايقه إنسان وفجأه كده بقيتي ماتطقيش يومك وهو مش فيه ، يبقى مجرد إسمه أو صوته أو أي حاجه منه تخلي قلبك كده ينبض بطريقه غريبه عارفه اللي هو بصي إنتي فهماني صح _ ههههههههه أه كملي _ يعني مش عارفه بقى أنا مش مضبوطه وخلاص _ أمممممم متضايقه لغياب عدنان وحاسه إن الشركه ملهاش طعم من غيره ولا الشغل ولا حياتك صح _ الله ومين جاب سيرة عدنان دلوقتي _ عيونك :')) التصنيف سهل أوي يا داليا إنتي عرفاه كويس جداً بس مش عاوزه تواجهي نفسك بيه _ مش فاهمه _ إنتي بتحبي عدنان وقفت مصعوقه : نِهال إيه إللي بتقوليه ده بصت نِهال حوليها ومسكت داليا من إيديها : أقعدي طيب هتفرجي علينا الناس _ نِهال لأ طبعاً أنا ... عدنان لأ لأ مستحيييل _ ومستحيل ليه ! _ لإن لإن ماينفعش _ وإيه إللي خلاه ماينفعش يعني ! في أي قانون _ نِهال ممكن نغير الموضوع أو نقفله خالص أحسن >.< بقولك إيه إنتي مش كنتي من شويه مش عاوزه تتأخري على جوزك وولادك يلا نمشي عشان حاسه إني تعبانه _ أمممم شامه ريحة هروب ! _ نِهال أنا بجد حاسه إني تعبانه وكمان ورايا شغل كتير الصبح بدري _ أمممم طيب يلا بينا بس للحديث بقيه هه مشيت داليا ومن وقت ما سابت نِهال وهي شارده ، بتفكر في كلامها ! راجعت كل تصرفاتها مع عدنان ومشاعرها من وقت ما شافته لحد دلوقتي ولقت إن مفيش تفسير مناسب غير تفسير نِهال ! رغم إنها جربت المشاعر دي قبل كده مع علي لكن حاسه إنها أول مره تجربها ، شايفه إن عدنان إنسان مفيش زيه ، بالعكس شايفه فيه صفات أحسن من علي بكتير ، لأول مره تلاقي نفسها بتفكر في عدنان بالشكل ده من غير ما تمنعها وفجأه فوقت نفسها على كابوس الحادثه : ضحكت بسخريه وهي بتكلم نفسها (( قلبك أبيض أوي يا داليا حب إيه بس إنتي عبيطه !!!! ده مديرك هو أه بقى قريب منك ومابيعتبركيش سكرتيره عنده لكن لأ ده مايديلكيش الحق إنك تسرحي بخيالك أوي كده ، بعدين حتى لو كان بيبادلك نفس الشعور ده لو يعني تفتكري بعد ما يعرف إللي حصلك هيرضى بيكي ! ههههههههه ماتضحكيش على نفسك وتقولي أه إذا كان إبن خالتك إللي من أهلك وكان حب عمرك باع كل السنييين دي في لحظه واحده تفتكري عدنان إللي لسه يادوبك عارفك من شهور وكل تعاملاتكم شغل وبس هيرضى بحاجه زي دي !!!!! بطلي هبل وفوقي ماتنسيش القاعده إللي حفظتيها لنفسك من 7 سنين إنتي مابقتيش تنفعي لا لحب ولا للجواز فردت ضهرها ع السرير ، طردت كل الأفكار دي من دماغها وحاولت تنام ، لكن ماقدرتش ، دموعها سالت ، كورت نفسها في وضع الجنين وفضلت تبكي وتكتم صوت بكاها في المخده عشان محدش يسمعها ... عدنان مبسوط لعصام وسما ومبسوط إنه وسط أهله بس حاسس إن حته منه تايهه عنه كل شويه يتصل بحجة الإطمئنان ع الشركه رغم إنه متابع معاها مش شايل إيديه بالكامل من الشغل بس عاوز يحس بوجودها ، مش قادر يستحمل أكتر من كده ، عاوز يرجع لندن عشانها ، قدر يقنعهم يبقى الفرح في لندن بما إن عصام وسما هيعيشوا هناك ، وبعد موافقتهم على طول أخد عصام ورجعوا بحجة التجهيز لحفل الزفاف أول ما نزل من الطياره بص لعصام _ بقولك إيه أنا هروح ع الشركة عشان أشوف الشغل بقى وكده ونتقابل بالليل إن شاء الله عشان نشوف هنعمل الحفله في أي قاعه عصام وهو بيغمزله : تشوف الشغل برده وأنا أقول الواد مستغربه مستعجل عشان فرحي لأ وبيقنعنا نعمله هنا ، وأتاري القلب مشتاق ضحك عدنان : الله يهديك مش هرد عليك _ ومش هتعرف ترد عشان كلامي صح _ طيب إمشي يلا بدل ما أخبطك بالشنطه إللي في إيدي دي راح ع الشركه ، دخل مكتبه وكان متوقع داليا هناك لكن مالقهاش ،كلمها وقالتله إنها في مكتبها وماتعرفش إنه رجع ، كانت قاعده شارده في المكتب وعيونها لسه حمرا من بكا الليله إللي فاتت خبط عدنان ودخل لما أذنتله ، أول ما لمحها حس إن أنفاسه ودقات قلبه كل حاجه ملغبطه أو يمكن كانت ملغبطه ودلوقتي إتعدلت ! مش عارف تحديداً المهم إنه وقت ما بيشوفها بيتلغبط كيانه ، داليا أول ما شافته واقف قصادها وقفت من مكانها وهي بصاله بإندهاش ، دقايق مرت عليهم والصمت هو سيد الموقف صمت مليان بضجيج وحيره وأشواق !! فاقت داليا إتنحنحت : إحم إحم حمداً لله على سلامة حضرتك يا فندم _ هه الله يسلمك يا داليا ، توقعت هلاقيكي في مكتبي ! _ محدش يقدر ياخد مكان حضرتك يا فندم في غيابك حضرتك كنت موجود معانا بالفعل ومتابع الشغل أو بأول إبتسم : شكراً يا داليا ، إنتي كويسه ؟؟ _ الحمدلله بخير وحضرتك وسما ؟؟ _ أه الحمدلله بخير وسما خلاص كلها يومين وجايه إن شاء الله عشان تجهيزات الفرح ، عقبالك إن شاء الله ^^ حست جملته الأخيره غريبه إتلغبطت بعدين ردت : شـ شكراً يا فندم ، إتفضل حضرتك ودقايق وهتكون كل التقارير على مكتبك راح مكتبه وهو حاسس إن داليا فيها حاجه مش طبيعيه وكمان عيونها واضح عليها أثر البكا ، إستنى لما جتله المكتب وسأل : داليا فيه حاجه ؟؟! _ لا أبداً يا فندم _ حاسس إن فيكي حاجه ؟؟ حد ضايقك ؟؟ _ لا أبداً يا فندم بس يعني يعني كنت مشتاقه لأهلي شويه _ طيب لو حابه تاخدي أجازه وتنزلي مصر معنديش مانع ردت بإنفعال من غير ما تحس : لأ لأ طبعاً أنا مستحيل هرجع مصر إستغرب من رد فعلها وحس إن فيه حاجه مخبياها : طيب براحتك ! كنت عاوز أطلب منك طلب ؟ _ خير يا فندم ؟ _ عاوز كل كتب ريان المصري إللي قريناها ، فيه جمل كنت معلم عليها ونسيت أنقلها فمعلش هاتيهم تاني أنقل المقتبسات وأرجعهم _ مفيش مشكله يا فندم حاضر بكره إن شاء الله هجيبهم لحضرتك تاني يوم جابتله الكتب لكن مازالت على حالها ، وعدنان بدأ يقلق مش مستحمل يشوف الحزن ده في عيونها ونفسه يفهم سر حالتها ، وكل ما بيسألها بتنفي إنها متضايقه وعلى طول تغير الموضوع ! سما رجعت لندن وبما إن داليا بقت أقرب صديقه ليها فتعبتها في اللف وآخر التجهيزات ، إتعرفت داليا على أم سما وأبوها وحبوها جداً ، وخلاص بدأ العد التنازلي والفرح بعد يومين أم سما هي إللي مربيه عدنان ، دخلت عليه أوضته وكان بيقرا كتاب _ أقعد معاك شويه ولا هعطلك ؟؟ _ يا سلام تعالي يا ست الكل هو أنا أطول إتنحنحت ففهم إنها عاوزه تقول حاجه _ قولي يا أمي كلي آذان صاغيه _ من الآخر كده أنا نفسي أفرح بيك وأشوف ولادك قبل ما أموت _ بعد الشر عنك يا أمي أوعي تقولي كده تاني إللي ربنا رايده هيكون _ ونعم بالله ، طيب بص أنا صراحه يعني عجباني صاحبة سما _ مين _ صحبتها إللي بتشتغل مديرة أعمالك داليا ضحك عدنان وقبل راسها _ شفت أهه وشك نور وضحكت يبقى دي علامة الرضا وخير البر عاجله ^^ _ عاجله إيه بس يا ست الكل إنتي فاكره الموضوع بالبساطه دي ! _ وليه مايكونش بالبساطه دي هي هتلاقي أحسن منك فين ! إتنهد : لأ من ناحية أحسن فهتلاقي كتير ما شاء الله بس الأمر ماينفعش يتاخد بسرعه اوي كده ! _ طيب تحب أربط معاها كلام كده او ألمح _ لا يا أمي عشان خاطري لو بجد بتحبيني ماتعمليش كده _ بس يا حبيبي _ عشان خاطري بقى سيبيني على راحتي وماتقلقيش قريب جداً إن شاء الله هتفرحي بيا وبعيالي وعيال عيال عيالي كمان _ يا رب يــا رب سما في أوضتها ماسكه الصور إللي جمعتهم من يوم ما اتولدوا وبتبكي ، سندت راسها ع السرير ورجعت فلاش باك ليوم ما كانوا قاعدين سوا _ ساره إحنا بنعمل كل حاجه سوا تقريباً إحنا نسخه وصورتها في المرآيه إيه رأيك كمان نتجوز راجل واحد وأهه أبقى أنا ضرتك أحسن ما تيجي واحده غيري يعني وتخطف سليم _ إمشي يا بت هو انا يعني عشان أعرفك من يوم ما اتولدت يبقى تتجوزي خطيبي معايا لا وبتتفولي إنه يتجوز عليا طاب ده انا كنت أشرب من دمه _ هههههههههههه طول عمرك متشرده ، قال وأنا إللي كنت ناويه لو إتجوزت عصام قبلك أجوزهولك _ لأ عصام دماغه طاقه مش لوني خالص : كفايه عليا سليم بالدنيا _ خلاص يا حاجه كنت بهزر البت صدقت وبعدين ما تقوليش على حبيبي دماغه طاقه لو سمحتي _ أسفين يا ختي ، بت يا سما ! _ هااا عاوزه إيه ! _ إيه رأيك نعمل فرحنا في يوم واحد ؟ _ والله فكره ياريت بس قولي لعدنان بقى يقنع بابا لإنه كان رافض الخطوبه أصلاً وكمان عاوزني أستنى لماااا إن شاء الله أخلص دراسه خالص قولي لعدنان زي ما وافق سليم يتجوزك وتكملي دراسه معاه يقنع بابا ماينفعش يعني يفرقوا التوأم في يوم زي ده _ يا سلاااام لو ده يحصل ونلبس فساتين شبه بعض زي ما دايماً بنلبس هدومنا زي بعض _ إصحابنا هيعلقوا نفس التعليق (( حتى في يوم فرحكم إرحمونااااا )) ههههههههههههه بصت في عيونها بعمق وإبتسمت ، وقفت وحضنتها : عارفه يا سما أنا مابحبش حد في الدنيا دي أدك ونفسي نفضل طول العمر سوا _ بيقولوا البنت لما تتجوز بتتغير على أصحابها وأهلها هتتغيري عليا يا ساره خبطتها على كتفها : بطلي عبط هتغير على نفسي إزاي ! _ توعديني تفضلي دايماً جنبي لآخر يوم في عمري _ أوعدك يا زقرده بدأ جسمها يرتجف وهي سامعه الضحكات في ودانها ، ولسه كإن الموقف قدام عنيها ، إفتكرت آخر كلام قالتهولها ساره لما كانت في المستشفى وتبتت في إيدها وهي بتردد بضعف : وعدتك أفضل جنبك لآخر يوم في عمرك يا سما بس ماقدرتش أوفي بوعدي غصب عني إحنا روح واحده وأنا عاوزه روحي تفضل مبسوطه أوعي تزعلي أو تسمحي للحزن يدخل قلبك عشاني ، خدي بالك من عدنان يا سما ، عدنان وصيتي ليكي أنا خايفه عليه أوي من الصدمه ، عدنان تعب كتير في حياته ، كان نفسي أفضل جمبه وأشوفه مبسوط ، خليكي جمبه دايماً ، وماتقلقيش أنا هفضل جمبك ، وقت ما تحبي تشوفيني بصي في مرآيتك هتلاقيني وقفت من سريرها للمرآيه ، بصت فيها ، إبتسمت وهي شايفه ساره ، قربت من المرايه وحاولت تحضن نفسها ، إنهارت ع الأرض : أنا محتاجالك أوووووي يا سااااره يـــــــــــــــــــــــا رب سمعت أمها صوتها ودخلت عليها لقتها في الأرض ، ضمتها لحضنها وبتحاول تهديها : كفايه يا سما ، كفايه يا حبيبتي هو ده وعدك لساره ! مش وعدتيها مش هتزعلي أبداً ولا تسمحي للحزن يدخل قلبك وبعدين هي مش قالت خدي بالك من عدنان إنتي كده هتوجعي قلبه وهو مش ناقص وجع كفايه عشان خاطري يا قلب أمك _ ساره وحشتني أوي يا ماما بعد بكره هيبقى يوم فرحي من غيرها ، مش هنتجوز في يوم واحد ولا نلبس فستان واحد زي ما اتفقنا مش هنرمي الورد لبعض أنا عاوزه ساره ياماما انا محتجالها أوووي _ إدعيلها يا حبيبتي ، إدعيلها تكون في مكان أحسن من هنا _ يــــــــــــــــــا رب قومتها أمها من ع الأرض نامت ع السرير في حضن أمها وهي بتمسح على شعرها وتقرالها قرآن .. مر يوم الحنه وتوديع العزوبيه بحفله ممتعه جداً من صحاب سما وعصام ، سما كانت بتضحك وتهزر بس داليا حاسه بحزن ساكن عيونها سألتها عن السبب وسما بررت إنه من الإرهاق والسهر ، نفس الحزن ده قرأته في عيون أم سما و عيون عدنان وهو مبتسم بس إبتسامه مكسوره في حاجه مخليه فرحتهم ناقصه وعيونهم ماليها الحزن إيه هي ماتعرفش !!! مر اليوم على خير وأخيراً جه يوم الفرح سما قبل ما تروح الفندق خلت السواق يعدي على داليا الأول وراحوا سوا ، داليا ساعدتها في ترتيب حاجتها وقعدوا يشربوا عصير لحد ماتوصل إللي هتعملها الميك أب _ ما شاء الله الفستان يجنن هتبقى قمر انهارده يا سمسم إبتسمت سما : عقبالك يا حبيبتي _ سما إنتي فيكي حاجه مش مضبوطه مالك عيونك فيها حزن في حاجه مضيقاكي لو فيه مشكله قولي نحلها سوا ! اتنهدت بحرقه : هي كمان كانت بتفهم في لغة العيون كويس أوي وخصوصاً عيوني _ هي مين مش فاهمه ! طلعت من تحت الهدوم سلسله متعلقه في رقبتها فتحت القلب إللي فيها وورتها لداليا ، بصت ولقت صوره بتجمعها هي وبنت تانيه : ما شاء الله جميله خالص مين إللي معاكي دي _أختي التوأم ساره الله يرحمها انقبض قلب داليا ، هي عارفه كويس أوي يعني إيه تفارق أحبابك ! يعني إيه تتحرم منهم في وقت فرحتك ووقت حزنك ماتلاقيهمش يطبطبوا عليك ويواسوك :'( بس إللي يشوف بلوة غيره تهون عليه بلوته ! على الأقل هي تقدر تسمع صوتها وتشوفهم وممكن في يوم ترجع لحضنهم تاني لكن صعب تشتاق لحد خلاص مابقاش موجود في الحياه ، لإنك خلاص دفنت الأمل في إنك تلاقي في يوم حضنه بجد معاه في نفسه التربه إلتمعت عيونها ومالقتش حاجه تقولها افضل من كلام الحضن انسابت دموع سما وداليا بتطبطب عليها قامت حضنها وهي بتمسح دموعها وتبتسم : تعرفي يا داليا من يوم ما سابتني وأنا مابصاحبش حد ولا بدخّل حد جديد في حياتي بس انتي فيكي منها كتير أوي ، تشبهي لطيبة قلبها كانت دايماً تفهمني من عيوني ولما تلاقيني متضايقه ومفيش كلام تقوله بتحضني كانت بتقول دايماً إن افضل معبر هو الحضن عشان بيخلي دقات القلب هي اللي تتكلم وتطبطب ، الحضن احتواء وحصن منيع ضد جيوش الوجع والهم اللي بتحتلنا ابتسمت داليا وهي بتمسح دموعها ، ضمت إيديها وضغطت عليهم بحنان يبقى لازم تفرحي انهارده عشان خاطرها أكيد كانت هتبقى مبسوطه انهارده وعوزاكي تبقى مبسوطه _ الحمدلله على كل حال _الحمدلله اتشجعت سما تقولها عن عدنان اخدت نفس عميق : داليا كنت عاوزه اقولك على حاجه _قولي يا حبيبتي _ بصي هو أصل يعني ع ـــ سمعوا خبط ع الباب قامت داليا تفتح وكانت اللي هتعمل الميك اب ، لذلك سما غيرت رأيها وداليا انشغلت في مساعدتها وما سألتش .....! ... ساب عصام نايم شويه ونزل يتمشى في الفندق ، قعد في مكان هادي ، رجّع ضهره لورا وسند راسه ع الكرسي في محاوله للإسترخاء ، غمض عيونه وشاف نفسه وهو متمدد ع الشيزلونج وبيقرا كتاب في أوضته ، خبّط الباب ودخلت قبل ما يأذنلها بالدخول : أنا قلت أكيد لسه مانمتش وبتقرا كتاب ساب الكتاب إتعدل ، قعد وهو مبتسم : لا ناصحه يا ست سوسو فرد دراعه بحنان : تعالي جريت بشقاوه على حضنه <3 حوطتها بدراعه : هااا هاتي ماعندك ! _ إحم إحم _ أيووووه المقدمه دي بتقول إنك ناويه تصدعيني بخطاب _ لا والله ده هم كلمتين وهقوم على طول بس بعد ما اخد منك كلمه طبعاً _ أمممم طاب قولي كلي آذان صاغيه _ بص بقى ، بما إن يعني سليم قالك نتجوز وأكمل دراسه معاه وإنت وافقت ممكن تقنع عمو عشان سما وعصام _ أممممم بصي هو الموضوع صعب بس مفيش حاجه تطلبها دلوعة قلبي وأقولها صعب أوامرها تتنفذ وبس وأنا يعني عندي في الدنيا كام ساره وسما _ هم واااحد ضمته بقوه : يعني أقدر أقول للبت سما إن خلاص فرحنا هيبقى في يوم واحد ؟؟! _ أمممم أفكر خبطته على كتفه : يا سلااااام _ طاب خلاص بالراحه ، قوليلها يا ستي وبقلب جامد كمان _ ييييسسسسسس فليحيا عدنان حامي الديار _ ههههههههههههه حامي الديار! أه بني عبس وجو أفلام الجاهليه ده يبقى بدأتي تخاريفك يلا يا ماما مش فاضيين _ كده يعني ماشي طاب ده الموضوع ده كله عشانك انت وبس تخيل كده معايا يوم الفرح لما تدخل وإنت ماشي كده في النص وعلى يمينك أميره بالفستان الأبيض وعلى شمالك أميره تانيه برده بنفس الفستان كده وإنت ماشي بـ بـ إسمها إيه !!! _ إيه قصدك فخر مثلاً أو أنفه أو إيه عايزه تقولي إيه _ بص مش لازم ألاقي كلمه حسني هه حاسس _ هههههههههههههههه أه خلاص حسيت _ شفت بقى إن أنا قلبي عليك وعاوزه أتجوز أنا واختي في يوم واحد بس عشان تبقى إنت مبسوط إزاي _ يا سلام على الطيبه والبراءه يا سلاااام ، يلا بقى سحبتي الأكسجين إللي في الأوضه _ كده ماشي ماشي ، أنا هتكرم وأمشي دلوقتي بس بكره تندم يا جميل بكره أتجوز وأسيب البيت وتستمنى بس لحظه كده لأ لحظه إيه فيمتو ثانيه كده أقعدها معاك وأشاكسك ولا هعبرك ساعتها سالت دموعه وهو مغمض عيونه : صدقتي يا ساره ودلوقتي مش لاقي حتى أقل من الفيمتو ثانيه أشوفك فيها وأقعد معاكي لو كنت أعرف إن هيجي اليوم ده ماكنتش سيبتك تخرجي من حضني لحظه .... لفوا شعر سما وحطولها ماسك على وشها ، بصت لداليا ولاحظت إنها زهقت : دودو ممكن يا حبيبتي لو عاوزه تنزلي تتمشي إنزلي كده كده لسه مطولين وأنا هسترخي شويه عشان تعبانه لحد ما الماسك ده ينشف وكإنها ما صدقت : ماشي يا سمسم هنزل بس أتمشى شويه عشان ضهري وجعني من القاعده وهجيلك غمضت سما عيونها واسترخت شويه وداليا نزلت تتمشى تحت ، إتمشت شويه وفجأه لمحت عدنان قاعد على كرسي قريب منها ، ماقدرتش تمنع دقات قلبها من سرعتها ولا قدرت تمنع عيونها وملامح وشها من الإبتسام ) ، كشرت فجأه ونهرت نفسها (( إيه إللي بتعمليه ده يا ست داليا هو ده إللي اتفقنا عليه! مش قلنا نشيل الحاجات دي من دماغنا وبعدين ماينفعش تبصيله وتكزي فيه كده استغفر الله العظيم )) وقبل ماتمشي لمحت دموعه نازله وملامح وشه بتتحول واضح إنه مغمض عيونه وبيعاني أو شايف كابوس ، نسيت نفسها ، مشيت خطوتين ناحيته وبعدين وقفت (( وأنا مالي وأنا يعني هعمله إيه !! طيب يا ترى إيه إللي حصل وضايقه كده معقوله يكون هو كمان بيبكي لنفس سبب زعل سما وبكاها !! أكيد عشان ساره لإن مامة سما كمان كان باين عليها الزعل إمبارح ربنا يرحمها ويجعل مثواها الجنّه )) رجعت مكانها وقبل ما تطلع بصت عليه ومش عارفه تعمل أي حاجه مفيش في إيديها حاجه تعملها ومش عارفه تقول لسما تخفف عنه لإن فيها إللي مكفيها !! طلعت قعدت جنب سما وفضلت تدعيلهم ولسه حاسه بضيق علشانه ، خرجت في البلكونه وبصت ناحيته لقت عصام واقف معاه فإتطمنت شويه إنه هيبقى جنبه ويخفف عنه ! جهزت سما وداليا كمان لبست فستانها وخمارها ووقفت تتأمل سما بفرحه : ما شاء الله تبارك الله عليكي ربنا يحفظك ويديم الحب والود بينكم يا حبيبتي إبتسمت سما : يعني بجد حلو كده ؟ _قمررر ما شاء الله ربنا يحرسك _ يا رب وعقبالك يا حبيبتي سمعوا خبط ع الباب ، داليا : شكل العريس وصل فتحت الباب وإرتبكت لما لقت عدنان واقف قصادها ، وشها إحمر وبصت في الأرض وهو أول ما اتفتح الباب وشافها قصاده اتمنى في اللحظه دي لو كانت حلاله عشان يضمها ، لفت إنتباهه أناقتها وفي نفس الوقت ماهماش فرح ولا حفله وفضلت محافظه على إحتشامها و إحترامها ^^ ، ابتسم لما اتكسفت وبصت في الارض ، إتنحنح وسأل : هي سما خلصت ؟؟ _أيوه _طيب قوليلها تستعد عشان عمي واقف في انتظارها يعني والحفله هتبدأ تحت _ حاضر هي خلاص جاهزه ومنتظره دخلت داليا وهي بتفرك إيديها من التوتر : باباكي منتظر بره يا سما يلا نزلتلها داليا الطرحه على وشها ، خرجت لقت ابوها واقف عند الباب مبتسم وعيونه مدمعه وواقف جنبه عدنان طبع ابوها قبله على جبينها ومسكها من ايديها عشان يسلمها لعريسها مشيت معاه خطوتين ورجعت بصت لعدنان : مش هتسلمني لعريسي مع بابا يا عدنان إبتسم وعيونه لمعت ، مشي جنبها وهي حاضنه دراع أبوها والفرحه مش سيعاها وعدنان ماشي جنبها ، سمع في ودانه همسها (( تخيل كده معايا يوم الفرح لما تدخل وإنت ماشي كده في النص وعلى يمينك أميره بالفستان الأبيض وعلى شمالك أميره تانيه برده بنفس الفستان كده وإنت ماشي بـ بـ إسمها إيه !!! _ إيه قصدك فخر مثلاً أو أنفه أو إيه عايزه تقولي إيه _ بص مش لازم ألاقي كلمه حسني هه حاسس _ هههههههههههههههه أه خلاص حسيت _ شفت بقى إن أنا قلبي عليك وعاوزه أتجوز أنا واختي في يوم واحد بس عشان تبقى إنت مبسوط إزاي )) همس : كان نفسي أوي أبقى مبسوط إنهارده وباصص بفخر يا ساره مش عيني وقلبي مكسورين على فراقك بص على يمينه يمكن يلاقيها ماشيه جنبه أميره بفستانها الأبيض لكن للأسف لقى فراغ وفجأه مشيت داليا على يمينه بمسافه فإبتسم ومسح عيونه قبل ما دموعه تنزل نزلوا و سما حاضنه دراع ابوها وعدنان ماشي جنبها وداليا وراها ماسكه طرف الفستان وعصام واقف في آخر السلم وماسك بوكيه ورد ، بيبصلها وعيونه مدمعه ، بيشتم في إللي عمل السلم طويل أوي كده :D مش قادر يصبر لحد ما ينزلوا وتبقى حاضنه دراعه هو حضن بيحمل كل المعاني واهمها انه هيبقى ابوها واخوها وكل ما ليها وسندها في الدنيا دي واخييررا نزلوا من ع السلم واول ما ابوها وعدنان سلموهاله رفع الطرحه من على وشها ، طبع قبله على جبينها ولقى نفسه بيضمها نسي كل الناس إللي حوليه ، ضمها بقوه ومش مصدق ان انهارده أخيرا يوم فرحهم فضلوا اصحابه يصفروا والكل بيصقف وعدنان باصللهم وبيضحك بفرحه عشانهم لا إرادياً بص على داليا ولقاها ضامه إيديها وبتضحك والفرحه باينه على وشها وبكل تلقائيه برده عنيها دورت عليه وأول ما جت في عنيه بصوا في الأرض في اللحظه دي قرر مش هيستنى أكتر من كده ، إنهارده هيعترفلها بكل حاجه ويقولها كل إللي مخبيه عنها ويطلب إيديها للزواج ، بدأت الحفله ، وداليا صدعت شويه من الدوشه فخرجت بره القاعه ، واقفه في مكان هادي وعدنان بيدور عليها جوه عشان يعترفلها ويرتاح بقى مابقاش قادر يستنى أكتر من كده مالقهاش في القاعه ولمحها واقفه بره ، راح ناحيتها ووقف فجأه (( إنت فاكر الموضوع بسهوله كده يا عدنان !! ولما تصدمها بالحقيقه إللي مخبيها عنها يا ترى هتتقبلها وتتقبلك على كده !!! طيب وهي ذنبها إيه ؟!! هي أكيد تستاهل الأحسن مني ألف مره ، لكن إللي متأكد منه إن محدش هيبقى زيي في الدنيا دي ! طيب أقولها إني عاوز أتجوزها ولو وافقت أحكيلها ؟! لأ من حقها تعرف قبل ما تاخد قرارها ، صدقني يا عدنان مش ده الوقت المناسب إتنهد بحرقه ورجع عن قراره ، لف تاني ودخل القاعه لكن روحه لسه واقفه هناك ضامه روحها وصلوا لآخر فقره في الفرح ، وقفت العروسه بضهرها ومسكت البوكيه وإترصوا بنات الفرح وراها منتظرين ترمي البوكيه ، بصت سما وراها مالقتش داليا واقفه وسط البنات لقتها واقفه على جنب وبتتابعهم مبتسمه ، بصت قدامها وإستنت لما خلص العد التنازلي 5 4 3 2 1 0000 إستعدوا البنات ولكنها مارمتش البوكيه ، لفت وراحت لداليا والكل مستغرب وقصادها وإدتلها البوكيه هديه ، وداليا واقفه مذهوله ، أخدت منها البوكيه وحضنتها وعدنان واقف بيبصلهم ومبتسم خلص الفرح وودعوا العروسين ،مشيوا المعازيم وفضلت داليا واقفه مع أمها بتطبطب عليها وتواسيهاجه عدنان ضمها وفضل يشاكسها لحد ما ضحكت ، حوطها زوجها بدراعه وأخدها ع العربيه ، بص عدنان لداليا : إنتي هتروحي إزاي ؟؟ _ إتصلت بخالو وهو أهه جاي في الطريق _ طيب تمام هستناه معاكي لحد ما يجي _ لأ ما تتعبش نفسك أكيد مجهد من ترتيبات الفرح تقدر تروّح وأنا هستنى هو أكيد قرب يوصل _ ماطلبتش رأيك على فكره ولا بعزم عزومة مركبيه أمر غير قابل للنقاش إبتسمت : خلاص إللي يريحك قصدي إللي يريح حضرتك يعني _ إدخلي أقعدي في العربيه لحد ما يجي وأنا هشم شوية هوا هنا _ لأ أنا مش عاوزه أقعد مرتاحه كده ) باصه في الأرض وبتقاوم نفسها من إنها تبصله فجأه كسر حاجز الصمت : تعرفي يا داليا إنك بتفكريني بأغلى إنسانه عندي أو نقول أغلى إتنين عندي واحده أمي والتانيه داليا : ساره مش كده ؟! إلتفتله : أيوه ) عرفتي منين ؟ _ سما حكتلي عنها وكانت كل شويه تقولي إنتي فيكي كتير أوي من أختي التوأم ساره بس واضح إنها كانت غاليه عند الكل ومحبوبه _ كانت عباره عن براءه وطيبه ونور ماشي ع الأرض هي إللي خلتني أقتنع إن الموت بيختار الطيبين لإن الدنيا دي ما تستاهلش ناس زيهم يعيشوا فيها _ واضح إنها كانت غاليه عندك جداً ( ومن جواها شكت إنه كان بينه وبين ساره دي حاجه )) _ كانت أغلى عندي من نفسي ماكنتش مجرد أختي وبس كانت أختي وأمي وأعز أصحابي _ (( أخته ؟! أمال سما بتقول أختها التوأم إزاي أنا مش فاهمه حاجه ؟! مش وقت تسألي يا داليا )) ربنا يرحمها هي ومامتك ويجعل مثواهم الجنه _ يا رب _ أهه خالو وصل هناك أهه وقف ناصر عندهم بالعربيه ، نزل سلم على عدنان وشكره وداليا كمان شكرته ، ركبت مع خالها ورجعوا ع البيت .....

مقالات ذات صلة

رغم فارق السن بقلم هاجر الجزء الأول

عرف صعيدي بقلم تسنيم المرشدي الجزء الأول

خلخال حليمة بقلم آية عرفات الجزء الأول

أحببت الوريث الجزء الثاني

جوازة بدل بقلم سعاد محمد الجزء السابع

ملح بطعم السكر بقلم سلمى سمير الجزء الثاني

اترك تعليقاً إلغاء الرد