زوجي العزيز عفواً لست قاتلة بقلم منال جميعى. الجزء الاخير
كان جالسا على الأريكة وممددا قدمه على الطاولة أمامه بينما تمددت هيا على الأريكة ووضعت رأسها على قدميه وهو يلعب بخصلات شعرها حين تحدثت قائلة..بقولك إيه يا حبيبي أنا عايزة اسافر إسكندرية عشان اطمن على يمنى وأشوف القضـ,ـية وصلت لحد فين
أجابها قائلا بإبتسامة..يا حبيبتي مش انتي بتطمني عليها من أسماء بالتليفون واكيد لو فيه حاجة جديدة هتبلغك بيها
شيرين..أنا لازم أشوفها بنفسي واطمن عليها
ثم اردفت برجاء.. عشان خاطري يا عصام
عصام..يا شيرين يا حبيبتي مش احنا اتفقنا إننا نسمع كلام الدكتورة ونهدى ونرتاح الكام شهر اللي فاضلين دول لحد ما تقومي بالسلامة وبعدها يا ستي روحي أي مكان زي ما انتي عايزة وبعدين مش كفاية الشغل كمان عايزة تسافري
شيرين بإستسلام..أمري لله انت فعلا عندك حق بس أنا كان نفسي اطمن على يمنى
قطع حديثهم صوت جرس الباب فقالت شيرين بدهشة.. غريبة مين اللي ممكن يزورنا دلوقتي
بادلها عصام دهشتها قائلا..مش عارف
شيرين بتساؤل..هو انت مستني حد
هز رأسه نافيا..لأ بأقولك إيه ادخلي انتي جوه وأنا هشوف مين
دخلت شيرين وقام عصام ليفتح الباب ليفاجأ بأخر شخص يمكن توقعه ظل محدقا فيه بدهشة دون أن يتحدث فبادره هو قائلا..ازيك يا عصام
أجاب وهو مازال على دهشته..الحمد لله
استطرد كلامه قائلا..ممكن أشوف شيرين
عصام..أيوه طبعا اتفضل البيت بيتك
أدخله عصام إلى الداخل ثم نادى شيرين لتخرج بعد لحظات ثم تتجمد في مكانها وهي تراه واقفا أمامها يرمقها بنظرات ملئها الشوق واللهفة شلت المفاجأة لسانها للحظات كانت كفيلة بأن يسبقها هو قائلا..ازيك يا شيرين
شيرين..الحمد لله
اقترب منها ثم ارتمى في أحضانها قائلا..وحشتيني أوي يا شيرين
تفاجأت من فعلته ولكنها شعرت بالحنين إليه فهمت أن تعانقه هي الأخري إلا أن يديه اللتان يقبض بهما عليها ارتخت فجأة ليسقط مغشيا عليه لم تشعر بنفسها وهي تصرخ قائلة..الحقني يا عصام
بعد محاولات متكررة منهما نجحا أخيرا في إفاقته فتح عينيه بتثاقل ليصطدم بنظراتها القلقة والمتلهفة تحدث قائلا بوهن..متخافيش يا شيرين أنا كويس
لكنه سرعان ما انفجر في البكاء قائلا ..كل حاجة راحت يا شيرين خلاص كله راح البورصة خربت بيتي وخسرت كل فلوسي ويا ريت على كده وبس لكن المصيبة الأكبر ان
عند هذا الحد لم يستطع أن يكمل كلامه شعر أن الكلمات توقفت في حلقه استأذن عصام قائلا..طيب عن اذنكم انا داخل جوه عشان تاخدوا راحتكم
