رواية صغيرة في قبـ,ـضتي بقلم آية عيد الجزء السادس
الصوت كان جاي من المطبخ…. اتجه هناك بغضب، وشاف رنا بتحاول تجيب طبق من فوق لكن مش عارفة، وعمالة توقع في باقي الاطباق الكبيرة والكوبيات. كانت واقفة بركبتها علي الرخامة وهي بتحاول تجيب طبق معين.
قال بغضب:بتعملييي ايييه؟!
اتخضت وكادت ان تقع علي ضهرها، لكنه لحقها وشالها. ونظرت له بصدمة، وهو ينظر لها بحده. ونزلت بسرعة وخجل وهي تنظر للاسفل.
قال بحده:ممكن افهم بتعملي ايه؟! انا بقالي ست شهور اصحي كل يوم علي الكراكيب دي.
قالت بتوتر:ا اسفة.
قال بعصبية:اعمل ايه بأسفك دا.
قالت بحزن:كنت عايزة اجيب الطبق ال عليه وردة دا.
اتنهد بحده،وجاب هو الطبق، فا هو اطول منها…. وضعه علي التربيزة بحده وخرج.
وهي تنظر له بحزن قائلة :انا لازم اشوف حتة تانية اعيش فيها، وتكون بعيدة عن عمي برضوا.
نظفت المطبخ، وجهزت الفطار وحطته علي السفرة برا.
خرج من غرفته وهو يرتدي بدلته الرسمية ولونها بيشي.
نظرت للاسفل بحزن واحراج:ا انا همشي الليلة، وهرجع السكن تاني.
قال بجمود:مش قولتي عمك هياخدك، لو عيشتي هناك؟!
قالت بحزن:عارفة، بس يمكن هو خلاص، نسي الموضوع وهيسيبني في حالي.
نظر لها بهدوء :طالما عايز يجوزك ابنه، يبقي الحكاية فيها ورث… وبما انها فيها ورث، يبقي مش هيسيبك.
قالت بضيق:طب اعمل ايه… انا مينفعش اعيش مع واحد غريب، وغير كدا انت مش طايقني.
نظر لها قليلا وبعدها قال بهدوء:انا اسف…كنت صاحي مضايق… وطلعت عصبيتي عليكي، تقدري تقعدي هنا، لحد ما اشوفلك شقة مناسبة وتروحي تقعدي فيها. قالت بحزن:بس كدا كتير.
قال وهو يأخذ قطعة خيار:لا كتير ولا حاجة، ويلا انا اصلا عايش لوحدي وانتي مخلية للبيت صوت.
ابتسمت بخفة وهو اتجه ناحية الباب وقال:لو احتاجتي حاجة اتصلي عليا.
اومأت بابتسامة، وهو خرج… قعدت علي الكنبة بهيام، وهي بتفكر فيه.
قامت بسرعة وصدمة قائلة :لا، عيب… مينفعش كدا،ا انا هروح الجامعة احسن.
ولمت الفطار ،واخدت حاجتها وخرجت، قفلت الباب بالمفتاح، ونزلت ركبت تاكسي وهي تفكر به.
لم تكن تعلم بمن يقف بعيدا ويراقبها.
في قصر السيوفي. الباب اتفتح وخرج مصطفي وثرية ووراهم براء ال منزلة وشها في الارض بضيق.
ادم نظر لمصطفي،ومصطفي اومأ له بهدوء، وكأنه بيطمنه.
ادم نظر للمأذون:يلا يا شيخنا.
وقعدوا علي الكنبة،وقعدت براء… وادم ينظر لها وهي كانت بجانب مصطفي. والمأذون قاعد بين ادم ومصطفي، وخرج المنديل وبدأ يتكلم.
