زوجتي العمياء بقلم نورهان لبيب الجزء الثاني
كانت تفكر هل تتبع كلام شريف وينتظر حتى تخلصها فرح من مريم أم تبدأ هى خطتها
كاميليا :أوف أنا مش عارفة أعمل إيه أستنى الزفته فرح دى تنفذ ولا أعمل أنا إللى بفكر فيه بس أنا لو
استنيت فرح يبقى بضيع وقت وأنا عايزه اخلص من
مريم بأى شكل بدل ما تفوق وجاسر يصلح علاقته بيها وتجيب ليها عيل يشارك ابنى فى فلوسه اه أنا هنفذ إللى فى دماغى
أخرجت كاميليا هاتفها واتصلت بأحد الرجال التى تثق بهم والذين ينفذوا لها المهمات التى تكون فى
مصلحتها فأتى لها الرد من الجه الأخرى فكان يدعى
محروس
كاميليا :الو يا محروس إزيك عامل إيه
محروس :أنا بخير يا ست هانم
كاميليا :بقولك إيه يا محروس كان فيه طلب صغير هطلبه منك ولو نفذته هيبقى ليك مكافئه كبيرة عندى
محروس بطمع:أنتى تؤمرى يا هانم وأنا أنفذ
كاميليا بخبث:وده العشم بردوا يا محروس بص فى واحده أنا عايذه أخلص منها يا محروس
محروس:أخلص منها للأبد ياهانم ما تخفيش هو محروس عمره خذلك فى حاجة
كاميليا :بصراحه لا بس أنا عايزه نفسها الأخير يطلع
قدامى يعنى تخطفها مفهوم يا محروس واه هى فى
مستشفى الصياد والتنفيذ دلوقتى أنا عايزه أخلص
منها بسرعة
=================================
فى مكتب صالح
كان يجلس صالح على رأس مكتبه وامامه شريف
ومهاب كلا منهم يجلس على طرف بينما يتبادلون
النظرات فيما بينهم يريدون معرفة سبب هذا الاجتماع العاجل
صالح :أنتوا طبعاً عايزين تعرفوا أنا جمعتكم النهارده ليه صح
مهاب:أكيد حضرتك
صالح :أنا هقولكم بما ان جاسر غايب الفتره دى عشان تعب مراته فلازم إحنا إللى نشيل الشغل
وعشان الأيام الجاية فترة حرجه وخاصة وأحنا داخلين
صفقات كبيره ومهمه فالتعليمات إللى هقولها لازم تتنفذ واللى هيفكر يتخطاها هقصيه تماماً من الشركة أنتوا فاهمين
شريف/مهاب:فاهمين يا فندم
صالح :يبقى تسمعوا أى ملف هتوقعو عليه هيجى ليا أنا قبل ما يروح قسم التنفيذ وكمان مش
عايز توقعوا على أى ورقه ولو صغيره من غير
ما تجيلى الشركات إللى بتعاقد معاها أنا إللى هقابلهم الأول قبل ما نوقع معاهم فاهمين يا
أساتذة يا ريت كلامى يتنفذ من غير ولا كلمه
زياده يلا روحوا على مكاتبكم
خرج الجميع وهم يستعجبون من التعليمات المفاجئه التى طرأت على رأسهم الأن ولكنهم
نفضو هذه الأفكار وتوجهوا إلى مكاتبهم وبعد
مرور ساعة استدعى صالح وفاء المساعدة الخاصة
به واعطاها مجموعة أوراق
