رحم للايجار بقلم انجي الخطيب الجزء الخامس
البارت الخامس
نرمين غرزت ضوافرها في ضهره وهي بتستسلم بالكامل لشغفه اللي بيزيد مع كل ثانية، أنفاسهم بقت حامية ومسموعة في صالة الفيلا الواسعة، وطارق مابقاش قادر يسيطر على جنونه بيها، شالها بين إيديه بكل خفة وهي لسه متعلقة في رقبته ورجليها لافة حوالين وسطه، وطلع بيها على جناحهم الخاص وهو بيبو*سها في كل حتة في وشها ورقبتها.
دخل الأوضة ورزع الباب برجله وقفله بالمفتاح، ونزل بيها على السر*ير الواسع، وبص في عينيها الدايبة وقال بنبرة مليانة تملك وعشق: “وربي في سماه.. ماليش عين ولا قلب يبص لغيرك، أنتي اللي بتشعللي النار في جسمي يا نيمو.”
نرمين ماردتش بكلام، شدت قميصه بكل قوتها لدرجة إن الزراير اتقطعت واترمت على الأرض، ودفنت وشها في صدره العر*يان وهي بتتنفس عِطره اللي بيسحرها، وبدأوا يعيشوا ليلة تانية من ليالي عشقهم المجنون، ليلة كانت بترد فيها نرمين ملكيتها لطارق بكل جرأة وأنوثة، وطارق بيثبتلها إنها الست الوحيدة اللي قدرت تروض الأسد اللي جواه.
تاني يوم بالليل، نادين نزلت وهي لابسة فستان سواريه مكشوف وضيق جداً على الآخر، وحاطة ميكب كامل وجريء، كانت واقفة في الريسبشن بتعدل شعرها ومستنية طارق، ملامحها كان فيها نظرة انتقام وكبرياء وعايزة تعوض كسفة امبارح.
صوت كعب عالي ورقيق بدأ ينزل على السلم، نادين لفت برأسها عشان تشوف، وهنا الصدمة لجمتها من تاني. نرمين كانت نازلة زي الملكة، لابسة فستان أسود قطيفة طويل وضيق مجسم كل إنش في جسمها المرسوم، ومفتوح فتحة هادية من عند الساق مبينة رجليها بنعومة، وعاملة شعرها الناعم لورا، وحاطة روج أحمر ناري طابق على شفايفها المثيرة.
وراء نرمين مباشرة، كان نازل طارق وهو لابس بدلة سودا شيك جداً من غير كرافتة، وفاتح أول زرارين من القميص، وعينيه منزلتش من على نرمين، كان باصص لضهرها ولجسمها بنظرات كلها عشق ورغبة، كأنه مش شايف حد تاني في الوجود.
نادين وقفت مكانها، وشها اصفر والغل هيموتها، وقالت بنبرة حاولت تداري فيها صدمتها: “أوكي.. وأخيراً نزلتم، السواق بره مستني عشان نروح السهرة في ‘المارينا’.. جاهز يا طروقة؟”
طارق نزل من على السلم، وبدل ما يروح لنادين، راح لنرمين ومسك إيدها وباسها قدام نادين بكل رقة، ولف دراعه حوالين وسطها المنحوت وضغط عليه بخفة وهو بيبص لنادين ببرود: “إحنا جاهزين يا نادين.. بس ياريت في المكان هناك، تفتكري كويس وأنتي بتتكلمي إنك مع طارق الشاذلي وحرمه.. بلاش حركات كندا دي هناك عشان برستيچنا في وسط الناس.”
