الحب اللطيف لنور محمد الجزء الثاني
وصلت لسطح الجامعه في وقت قياسي ودقات قلبي بقت اسرع وانا بتنفس بعنف من الجري طبعا وفتحت الباب السطح بسعاده كبيره اوي
وبصيت قدامي بسرعه وانا متحمسه جدا لمفاجأته بس فجأه تصنمت مكاني بصدمه كبيره لما لقيت سطح الجامعه فاضي ومفيش حد ابدا موجود
تقدمت بتوتر وقلق وانا بنادي على فهد وفجأه سمعت صوت اغلاق الباب خلفي
فلتفت بسرعه وخوف لقيت زميلاتي في الدفعه متجمعين قدام باب الخروج بلعت ريقي بخوف وقولت: انتو بتعملوا ايه هنا في الوقت ده؟
قربت وحده منهم اسمها ريم وقالت: احنا هنا علشان نحتفل بيكي ياحبيبتي
انهت جملتها واشارت لبنتين منهم قربوا مني ومسكوني وانا دموعي نزلت برعب وانا بقول: ابعدو عني انتو عاوزين مني ايه؟
كونت بحاول افلت منهم بس للاسف مقدرتش عليهم لوحدي ودموعي ملت عنيا وريم قربت مني بغضب وقالت بحقد: بقى انتي يافقيره لفيتي على الدكتور فهد علشان تضحكي عليه لانه غني مش كده يابت
هزيت رأسي برفض وانا بقول بدموع: لا والله محصلش انا وفهد بنحب بعض ومن زمان كمان
بصت عليها بخوف وهي قربت مني اكتر ومسكتني من طرحتي بعنف وقالت: وكمان بتكذبي علينا بقى الدكتور فهد المصري يوم مايحب هيحب بنت فقيره زيك انتي يازباله
صرخت بألم قدمها ودموعي نزلت اكتر وقولتلها: ابعدي ايدك عني ياحيوانه فهد لو عرف هتندمي صدقيني
ضحكت عليا بصوت عالي وبعدها سابت طرحتي وقالت بسخريه: لا خوفت منك اوي يابت. بنات هاتو الدهان بسرعه ياله
ارتعبت من كلامها وقولت بتعلثم: دهان؟ دهان ايه؟
بصيت عليها بخوف وفجأه اجت بنت من خلفهم معها دلو دهان اسود في ايدها وقالت: اهو الدهان ياريم جبته من النوع الحلو كمان اقل حاجه هياخد معها شهر علشان تقدر تشيله من على وشها بعدين
قربت ريم واخدت الدهان منها بشماته وقربت مني وهي بتقول بتشفي: انا هعرفك مقامك فين؟ وازاي تضحكي على ناس المحترمه تاني ياجربوعه
ارتعش بشده في ايد البنات وهي قدامي وقولت بدموع ورعب حقيقي: لا ياريم ارجوكي لااا ابعدي عني وحيات النبي متعمليش كده لاااا
انفجرت في العياط لما هي قربت مني الفرشه بتاعه الدهان وانا غمضت عنيا برعب وحاولت كتير افلت منهم وانا بقاوم بدون فايده وفجأه وقفت ايد ريم في الهواء على صوت قوي وغاضب بيقول: ايدك بعيد عنها يازباله.
فتحت عنيا بصدمه لما سمعت صوته وبصيت قدامي بلهفه وانا بقول بدموع: فهد.فهد الحقني ارجوك
فهد وجه نظره عليا بخوف وتقدم شدني لحضنه قدامهم وقال بقلق وحنيه: انتي كويسه ياحبيبتي هم عملوا ليكي حاجه؟
هزيت رأسي في حضنه بخوف وانا بستمد الأمان والقوه منه وقولت: انا كويسه بس هم كانوا عاوزين.
سكت عن الكلام وانا منهاره في حضنه من الخوف وهو وجه نظره للبنات قدامه وقال بغضب: انتو كلكم هتندموا على ده صدقوني والجامعه دي مش هتدخلوها تاني الا على جثتي
ارتعبو كلهم من صوته وتهديده قدامهم وقالت ريم بخوف منه: دكتور فهد احنا بس بنهزر معها والله مش اكتر و
قاطعها صوت فهد وهو بيصرخ فيها بغضب: امشي من قدامي فورا انا مش برجع في كلامي اوعدكم ان مفيش جامعه طب هتقبل بيكم تاني في مصر كلها ياله غورو من وشي
جرو من قدامه برعب منه وفهد اخدني ونزلنا تحت وبعدها جاب ليا عصير علشان اهدي
وقال بقلق وخوف عليا: بقيتي احسن دلوقتي ياقلبي او ليسه
هزيت راسي ليه بهدووء وقولت: بقيت احسن علشان انت معايا
ابتسم فهد وقعد جنبي واخدني في حضنه وقال بحب: وانا طول مانا بتنفس وقلبي بيدق هفضل جنبك العمر كله ومش هبعد عنك ابدا ياحبيبتي
ابتسمت بحب في حضن فهد وفضلنا على الحال ده وقت وبعدها قال بفهد: ياله نمشي ياملك لأن الوقت اتاخر اوي
بعدت عنه بهدووء ومشينا سوى وبعد ماركبت العربيه قولتله بتسائل: فهد ممكن اعرف انت كونت فين من الصبح؟
رد عليا فهد بعد ماركب العربيه جنبي وربط ليا حزام الامان وقال: كونت في الشركه ياقلبي علشان حصلت مشكله هناك فروحت علشان احلها وبعد مارجعت لقيت فاطمه صحبتك على بوابه الجامعه وهي قالتلي مكانك فين
تهندت براحه وانا بشكر ربنا ان فهد اجه في الوقت المناسب ولحقني منهم وبعدها بصيت في ساعه ايدي
وشهقت بصدمه وقولت: ياخبر ابيض ده الوقت اتاخر اوي زمان مريم قلقت عليا اوي قدام المدرسه اطلع بسرعه يافهد علشان نلحقها
انطلق فهد بالعربيه بعدها الي مدرسه مريم واول ماوصلنا هناك لقناها قفلت ومفيش حد موجود
فدق قلبي بخوف وقلق عليها وقولت: مريم فين؟ انا كلمتها تستناني هنا بعد المدرسه!
لف فهد وجهه تجاهي وقال بحنيه علشان مخفش اوي عليا: متقلقيش ياملك اكيد هي استنتك كتير وبعدها خافت لوحدها فأخدت تاكسي للقصر انا متأكد زمانها في القصر دلوقتي اهدي
زفرت بقوه وانا بدعي ربنا يطلع كلام فهد صحيح وبعد وقت وصلنا للقصر وانا خرجت جري على غرفه مريم
اطمن عليها واول مادخل عندها لقيتها قاعده على السرير وفي ايدها كتاب وهي بتبص قدامها بشرود
تهندت براحه وقربت منها وحطيت ايدي على كتفها بحنيه وقولت: الحمد لله اني اطمنت عليكي ياحبيبتي كده يامريم تاجي لوحدك وبدون ماتقولي ليا قلقتيني عليكي اوي
فاقت مريم على صوتي وقامت بسرعه حضنتني بخوف وقالت: انتي كونتي فين ياملك؟ انا خوفت اوي هناك لوحدي. لولا وجوده هو كونت هضيع فعلا وقتها
سمعتها وبعدت عنها بصدمه وقلق وقولتلها: قصدك مين يامريم؟ وحصل معاكي ايه هناك؟
ردت عليا مريم بتوتر وقالت:
تهندت براحه وقربت منها وحطيت ايدي على كتفها بحنيه وقولت: الحمد لله اني اطمنت عليكي ياحبيبتي كده يامريم تاجي لوحدك وبدون ماتقولي ليا قلقتيني عليكي اوي
فاقت مريم على صوتي وقامت بسرعه حضنتني بخوف وقالت: انتي كونتي فين ياملك؟ انا خوفت اوي هناك لوحدي. لولا وجوده هو كونت هضيع فعلا وقتها
سمعتها وبعدت عنها بصدمه وقلق وقولتلها: قصدك مين يامريم؟ وحصل معاكي ايه هناك؟
ردت عليا مريم بتوتر وقالت: اهدى ياملك انا كويسه الحمد لله اهدي وهحكيلك كل حاجه حصلت معايا اسمعي بقى
قعدت معاها على السرير وهي بدئت تحكي
خلصت مريم المدرسه وبعدها وقفت تستناني قدام المدرسه زي مااتفقت معاها انا الصبح فضلت وقت كبير على الحال ده والطلاب كلهم مشو
والمدرسه كمان فقلت فقلقت مريم عليا اوي وقررت تكلمني في الفون بس اول ماطلعته تطلب رقمي لقت شخص سحبه منها بسرعه
وقال بمعاكسه: ايه ده القمر بينور في الظهر كده والدنيا نور
بصت عليه مريم بخوف وقالت: لو سمحت عاوزه الفون بتاعي
قرب منها شاب تاني معاه وغمز ليها وقال: حاضر ياقمر تعالي خديه بنفسك اهو
توترت مريم منهم وخافت اوي فسابتهم وجرت بسرعه وهما جرو وراها
فقال شاب الاول: طب فونك ياعسل ليسه معايا اقفي هدهولك
جرت مريم بكل قوتها وهي بتعيط بخوف منهم وفجأه لقت طريق فدخلته بسرعه علشان تهرب منهم
بس للاسف لقت نهايه مسدوده وقفت وهي بتترعش من الخوف والشباب قربوا منها بأنفاس متقطعه
فقال الشاب بتعب: كده ياجميل نفسنا يتقطع وراكي بس كله يهون لاجل عيونك القمر دول
مريم بدموع: لو سمحتو ابعدو عني انتو مش عندكم اخوات بنات
ضحك شاب وقال: لا انا من ملجئ ياعسل
وقال الشاب التاني بسخريه: وانا اخواتي كلهم ماتوا من زمان ياقمر ها هتاجي معانا باذوق احسن او
مريم انهارت من الخوف وفجأه بقت تصرخ بقوه علشان حد يلحقها منهم
بس احد الشباب قرب منها بغضب ورفع ايده علشان يضربها وهي حطت ايدها قدام وجهها بخوف منه وفجأه لقته صرخ بألم
ففتحت عنيها لقت شاب طويل وعريض واقف قدامها مثل الجدار الحامي لها
وسمعت صوته بيقول: احسن ليكم اختفوا من قدامي او هعمل معاكم الصح
بلعو ريقهم قدامه بس تقدم شاب منهم وقال: اطلع منها انت ياشبح البت دي تخصنا
ضحك بقوه وقال: طيب انا هعد لثلاثه لو لمحت ظلكم قدامي هعمل معاكم السليمه تمام
بصو الشباب لبعض بتوتر بعد مابدء يعد وفعلا خلص عد وبعدها شمر اكمامه وقرب منهم بخبث
وقال: استعينا على الشقا بالله
مسك اول واحد وضربه لغايه ماوقع على الارض وبقه بينزف دم والتاني خاف منه فجرى على صاحبه وشده بسرعه
وقال: احقك عليا ياباشا ياله يابني بسرعه من هنا
جرو بسرعه من قدامه وهو التفت لمريم خلفه لقاها بتعيط بعنف فقال بتوتر: انتي كويسه ياأ
وقبل مايخلص جملته مريم حضنته بخوف وهي بتشهق وادم اتصدم منها وبقى قلبه بيدق بقوه من لمستها ليه
وبعد دقيقه اخدت مريم بالها فبعدت عنه بأحراج وهي بتمسح دموعها: انا اسفه بس كونت خايفه اوي مقصدش صدقني اعمل كده
بص ادم على ملامحها من قريب وركز في عنيها البريئه وقلبه بقى يدق اقوي ونفسه بقى عالي وقال: احم حصل خير المهم انتي كويسه؟
مريم بدموع: ايوه كويسه الحمد لله بس فوني اخده معاه الحرامي
ابتسم ادم على برائتها وقال: متزعليش هجبلك غيره واحلا منه وعد
مريم بخجل: شكرا على المساعده انت اسمك ايه
ادم ببسمه: ادم عماد المصري اكيد شوفيني ابن عم فهد جوز اختك
مريم ببرائه: ايوه شوفتك كتير اوي انا اصلا كونت براقب تصرفاتك من بعيد لبعيد كده علشان ملك حظرتني منك
ضحك ادم على كلامها وقال: من بعيد لبعيد ماشي يااختي اطلعي قدامي على العربيه نرجع القصر احسن الوقت اتأخر
مريم ببسمه: حاضر ياله بينا
طلعت قدامه وادم بص على اثرها باستغراب من كميه البرائه الي عندها وابتسم وهو بيتذكر كلامها قدامه ومشي وراها بهدووء ورجعوا القصر سوى
خلصت مريم من سرد الحكايه قدامي وانا كونت متعصبه منها علشان قربت من ادم اخو نرمين بس اخدها في حضني بسرعه وانا بطمن قلبي عليها
وقولت: حصل خير المهم انك بخير ياقلبي
مريم ببرائه: انا كويسه اوي متقلقيش ياملك عليا
بعدت عنها وقولت بهدووء: عارفه يامريومه انك قويه اوي بس عاوزه منك تسمعي كلامي ومش تكلمي ادم اخو نرمين تاني ممكن
مريم بتوتر: حاضر ياملك
وفي الجهه في غرفه ادم على مستلقي على سريره وفي ايده فون مريم فاتحه على صورها مع صدقاتها ومع اختها ملك ومع ابوها المتوفي وهي فرحانه وبتعمل تعابير بوشها مضحكه وكان شكلها جميل وبريئ اوي
ضحك ادم على شكلها وبتسم بهيام لما افتكر قربها منه وقلبه بقى يدق بسرعه كبيره فحط ادم ايده على قلبه يتحسسه بغرابه وفجأه
دخلت اخته نرمين بقوه وقالت: ها عملت الي قولتلك عليه ياادم
اتنفض ادم منها وحط الفون جنبه بسرعه وقال بخضه: في ايه يانرمين حد يدخل على حد كده في باب نخبط عليه الاول
نرمين بأسف: معلش اسفه مكنتش اقصد ها المهم عملت ايه؟
ادم بضيق: عملت وكل حاجه تمام متقلقيش
نرمين بفرحه: تمام ياحبيبي دلوقتي وقت الخطه التانيه ماشي
ادم: حاضر يانرمين متقلقيش ممكن بقى تخرجي عاوز انام
نرمين بسعاده: ماشي ياادم تصبح على خير
ادم بضيق: وانتي من اهله
خرجت نرمين فتهند ادم بضيق منها ورجع على سريره تاني وفتحه على صوره مريم وقال بهيام: جميله وبريئه اوي
وفي مكان تاني **
_حاضر ياماما هدور تاني على الدواء متقلقيش مش هرجع غير وهو معايا سلام
قفلت مع مامتها وقالت: وبعدين ياربي انا دورت في كل مكان عنه اروح فين تاني
عدت الطريق وهي سرحانه وفجأه لقت عربيه قربت منها: ااااه مش تحاسب ياتور الطريق قدامك كبير اهو
خرج من العربيه بضيق: مين ده التور يابت
رفعت نظرها ليه بصدمه: الدكتور فهد هنا
رد عليا: نعم ياختي
قامت فاطمه بألم وقالت بفرحه: دكتور فهد ملك عامله ايه طمني انا رنيت عليها كتير مردتش
مالك ببرود: انا مش الدكتور فهد
فاطمه بحده: نعم مش الدكتور فهد امال واقف بتتكلم معايا ليه
مالك بضيق: انتي مجنونه يابت انتي الي بتكلميني مش انا
فاطمه ببلاهه: مش مهم طيب انت مين اصلك شبه الدكتور بفهد اوي
مالك حط ايده في جيب البنطلون بتاعه بسخريه وقال: انا اخوه البشمهندس مالك
فاطمه سابته وركبت العربيه بتاعته ببرود وقالت: تمام مش هتفرق تعال يا (ب، م) وصلني عند ملك علشان اطمن عليها
مالك بص عليها بزهول وركب العربيه جنبها وقال: (ب، م) قصدك ايه يابت
فاطمه ببلاهه: قصدي البشمهندس مالك ده اختصاره اسمك انا بحب اعمل كده
مالك بضيق: بت اخرجي من العربيه انا مش ناقص جنان على المسا
فاطمه بتعجب: ايه ده في مهندس محترم يقول كده لأنسه رقيقه زيي
مالك ببرود: ايوه فيه اطلعي بره انا مش فاضي عندي شغل
فاطمه بعند: تمام وانا مش هخرج غير عند ملك صحبتي
