الحب اللطيف لنور محمد الجزء الاول

خلصت اخر جمله بغيظ وغيره واضحه لاني فعلا حسيت بالغيره من نظرتها لفهد وبعدها وجهت نظري لفهد ولقيت ابتسامه كبيره مرسومه على شفايفه بسعاده الظاهر اني كشفت نفسي وغيرتي عليه قدامه علشان كده هو فرحان اوي وبيبص عليا بحب وانا اتغظت اوي في وقتها من نفسي ومن غبائي كمان فوجهت نظري بسرعه على مريم تاني باحراج  وقولت بتعب.._ مريم لو سمحتي انا تعبانه تعالي ساعديني ادخل غرفتي علشان اترتاح

مريم سمعت كلامي وقربت مني بسرعه وسندتني وانا قومت معاها وفهد لف بتجاه الباب وقال.._ تمام عن ازنكم انا همشي بقى دلوقتي ولو حصل حاجه رني عليا في أي وقت ياملك اوك

طلع فهد وانا بصيت في اثره بغيظ وتحدي وقولت في نفسي.._  تمام يادكتور فهد انا هعرفك مين هي ملك منصور كويس اوي

مره ساعتين وانا في غرفتي متسطحه على سريري بتعب وبفكر بحزن في فهد والي حصل معايا النهاردا بعد ماعرفت خبر خطبته من بنت عمه من وقتها وانا حاسه قلبي بينزف جوه صدري من الألم حقيقي خيانه الحب دي بتوجع اوي اوي سرحت في خيالي وانا بتذكر ايامنا انا وفهد سوى ووعده ليا ان بعد مااخلص جامعه هياجي يطلب ايدي من بابا فورا فبتسمت بسخريه بعدها  وقولت بدموع.._ انتي الي غبيه ياملك علشان علقتي قلبك بشخص بدون ماتعرفي مصيرك معاك هيكون ايه؟ ودي نتيجه غبائك انتي بس. بقى استحملي ألم قلبك ده كله لوحدك ياغبيه

كونت بكلم وبعاتب نفسي في نفس الوقت ودموعي لمعت تاني في عنيا من الوجع بس فجأه رن فوني فحملته بين ايدي اشوف مين لقيته رقم غريب فقفلت في وشه علطول لاني مستحيل اكلم حد معرفوش بس فضل الرقم يرن كتير فأصابني القلق يمكن حد يعرفني بيرن برقم تاني ومحتاج مساعده مني طيب ارد او لا فكرت وبعدها اخد الفون ورديت عليه  وقولت بقلق وخوف.._ الوو مين معايا؟

مره ثانيه بس وسمعت صوته وهو بيقول.._ ده انا يا ملك كونتي فين الوقت ده كله؟ ومردتيش عليا ليه؟ وكمان رقمي القديم حظرتيه من عندك ليه؟

سمعته وبعدها ابتسمت بغيظ وسخريه هو حقيقي بيسئلني انا عملت كده ليه؟ اكيد الاجابه واضحه جدا بس هقول ايه؟ الظاهر الدكتور مش بيفهم؟

عدا دقيقه كمان ورديت عليه بضيق وغضب وقولت.._ الاجابه واضحه زي الشمس يادكتور فهد انا مش عاوزه اتكلم معاك تاني وسبق وقولتلك قصتنا انتهت وانت الي نهيتها بايدك كمان

خلصت كلامي وانا بتنفس بغضب من بروده وطريقه كلامه الغير مفهمومه من نظري يعني هو متوقع اني افضل اتكلم معاه بعد ماخطب حتي لو بحبه اوي بس مستحيل اكلمه تاني بعد الي حصل

رد فهد وقال بحزن وتحدي.._ تمام ياملك انا هسيبك على راحتك دلوقتي بس صدقيني انا بحبك اوي ومستحيل اقدر ابعد عنك وهفضل معاكي حتي لو غصب عنك كمان ياملك

سمعته والدم غلي في عروقي من الغضب وكونت جاهزه ارد عليه برد هيجرحه اوي بس وقفت فجأه على صوت مريم وهي بتصرخ بصوت عالي من غرفه بابا  فقومت من على السرير بفزع وانا بتسند على الحيطه جنبي علشان اخرج واول ماوصلت لغرفه بابا دخلت بسرعه وصرخت بخوف وانا بجري تجاهه لما لقيت بابا وقع على الارض تحت سريره ومريم جنبه بتبكي بقوه  فقربت منهم وانا جسدي كله بيترعش برعب على بابا ووصلت ليه ومديت ايدي على جسده وانا بهز فيه بخوف ودموع وبقوله.._ بابا رد عليا ارجوك يابابا رد عليا

كونت بحاول افوقه وانا منهاره ومريم جنبي كمان منهاره زيي باظبط وفجأه سمعت صوت الباب بيتفتح ودخل هو جري عليا بخوف فصوبت نظري تجاهه وعنيا غرقانه دموع وقولته بنهيار.._ فهد.فهد ارجوك الحق بابا بسرعه ارجوك يافهد

وفي ثانيه لقيت فهد قرب من بابا وانا جنبه وقاس نبضه وبعدها قال بقلق.._ ملك نبضه ضعيف جدا ولازم نلحقه على المستشفي فورا احسن نخسره

سمعته وانا قلبي هيقف من الخوف وهزيت رأسي بسرعه ودموع وانا عنيا بقت زي الشلال من الخوف على بابا وهوب لقيت فهد شاله بسرعه وجري بيه لخارج الشقه وانا قومت وحاولت اجري وراه بس مقدرتش من ألم رجلي فقولتله بسرعه.._ فهد خد بابا بسرعه على المستشفي وانا هحصلك فورا

اللتفت فهد تجاهي قبل ما يخرج من باب الشقه وقال.._ لا انتي افضلي هنا علشان رجلك واختك كمان مينفعش تفضل لوحدها وهي بالحاله دي وماقلقيش بباكي في عنيا ياملك

خرج فهد بسرعه وهو شايل بابا وانا رجعت تاني جنب مريم وحضنتها بدموع وقولت.._ اهدي ياحبيبتي بابا ان شاء الله هيكون بخير ادعي ليه بس يامريومه

فضلت جنب مريم لغايه الصبح واحنا على نفس الحال ده وانا قلبي هيقف حرفيا من الخوف والقلق على بابا وفجأه لقيت فهد رن عليا ففتحت بسرعه وسمعت صوته وهو بيقول.._ ملك انتي كويسه طمنيني عليكي وعلى اختك كمان

رديت عليه بسرعه وقولتله.._ انا تعبانه اوي يافهد من الخوف على بابا هو كويس دلوقتي مش كده ارجوك طمني عليه المهم

اجاب فهد بتوتر وقال.._ متقلقيش بباكي ان شاء الله هيبقى كويس المهم انتي خدي بالك من نفسك ومن اختك كمان وانا هبعت شخص يقف على الباب الشقه علشان يحرسكم لحد ما اطمن على بباكي هنا وهاجي بنفسي اطمن عليكي ياملك اوك

هزيت رأسي بالموافقه وكأنه قدامي شايفني وقولتله.._ حاضر هعمل كده بس خد بالك كويس من بابا يافهد ارجوك

رد فهد بهدووء وقال.._ حاضر ياحبيبتي سلام

قفلت مع فهد وصحيت مريم علشان نفطر سوى لاننا مأكلناش حاجه من امبارح من بعد الي حصل مع بابا مر الوقت وعدا اسبوع كامل وانا واختي مريم واحدنا في الشقه وفهد كل يوم يرن يطمن عليا انا ومريم اختي ويطمنا على بابا. وكمان كان في شخص الي اتكلم عليه فهد دايما واقف قدام باب الشقه زي البودي جارد واي طلب بنطلبه بينزل هو ويجيبه وكمان كان يبعد حد مع اختي مريم لغايه المدرسه علشان يفضل معاها يحرسها وانا فضلت في الشقه مطلعتش الاسبوع كله بسبب ألم رجلي بس بعد مرور الاسبوع ده بقيت كويسه الحمد لله وقررت اخرج اشوف بابا بدون مااقول لفهد كونت عاوزه اعملها ليه مفاجأه  وفعلا طلعت بدون ماالحارس ده ياخد باله مني وركبت تاكسي وبعد وقت وصلت للمستشفي وانا دقات قلبي بقت زي الطبول مش عارفه ده خوف او قلق دخلت وسئلت على غرفه بابا وجريت بسرعه عليها لاني مشتاقه اشوفه اوي فات اسبوع كامل وانا مشوفتش فيه وجه بابا قد ايه واحشني اشوفه واحضنه كمان بقوه لانه بنسبالي مش بابا بس لا  هو بابا وماما وصديقي وقت حاجتي ليه في حزني من الدنيا كلها  دخلت غرفه بابا وانا قلبي بيدق بقوه وعنيا مصوبه على السرير قدامي قربت منه وشلت الغطاء بسرعه وفرحه بس كل فرحتي اتبخرت لما ملقتش حاجه على السرير فرجعت للخلف بخوف وقلق وعقلي بقى بيعرض سيناريوهات كتير على حاله بابا بس انا هزيت رأسي بالرفض وقولت بصوت مهزوز من الخوف.._ لا مستحيل اكيد بابا نقلوه في غرفه تاني بس ايوه هو في غرفه تاني وانا هخرج علشان اشوفه فورا

وفعلا خرجت زي المجنونه وانا بعيط بخوف وعدم تصديق فضلت اجري لغايه ماوصلت لاخر الممر قدامي  ولقيت فهد هناك قاعد قدام غرفه وهو حاطط ايديه على وشه وكأنه بيعيط فتقدمت بتجاهه وانا جسدي كله بيترعش بخوف  وقولتله بقلق.._ فهد انت كويس وكمان بابا كويس مش كده

سكت وانا منتظره رده علشان يطمني على بابا اكيد بابا كويس بس هو بيهزر معايا دلوقتي. بس حالته دي قلقتني اكتر وقلبي بقى بيدق بقوه من الخوف فصرخت فيه بقوه وقولت.._ فهد رد عليا ارجوك انا قلبي هيقف والله من الخوف على بابا هو كويس مش كده رد عليا بسرعه

وبعد ماخلصت كلامي وانا بتنفس بخوف وصوت عالي  رفع فهد عنيه تجاهي ولقت لونها بقى احمر من العياط وقال بصوت مهزوز وتعبان.._ انا اسف ياملك اسف صدقيني حاولت كتير حاولت كتير والله بس قضاء ربنا كان اكبر مني ادعيله بالرحمه ياحبيبتي ده الي نقدر نعمله ليه دلوقتي

سمعته من هنا وحسيت قلبي هيقف من هنا حرفيا ولقيت نفسي بترنح وخلاص هقع على الارض من الصدمه بس فهد لحقني بسرعه ووقعت وبعدها قال فهد بلهفه وخوف عليا.._ ملك انتي كويسه مالك ردي عليا ارجوكي انتي كويسه؟

كونت بسمعه وانا في دنيا تاني من الصدمه بابا سابني سندي وقوتي في الدنيا مات وسابني انا واختي لوحدنا طب حلاقي مين دلوقتي ابكي في حضنه وقت زعلي وحزني؟ حلاقي مين اول ماافرح اجري على حضنه هو اول واحد واحكيله على فرحتي دي؟ بابا هو كل عيلتي صحيح انا خسرت ماما زمان بس كونت صغيره ووقتها لقيت بابا هو عوض ربنا ليا من بعدها  بس دلوقتي بابا كمان مات وسابني لمين في الدنيا بعد ربنا يكون سبب وياخد باله مني انا واختي الصغيره كمان كونت منهاره اوي وانا بشهق بقوه في حضن فهد وهو كان بيضمني بقوه وخوف علشان اهدى وبيهمس بدموع وحزن عليا.._ ملك اهدي انا معاكي ياحبيبتي وصدقيني هفضل معاكي دايما ومش هسيبك ابدا انتي مش لوحدك ياملك انا جنبك وسندك العمر كله بس اهدي ارجوكي ياقلبي

نزل كلامه ده زي دواء على قلبي وفجأه حسيت نفسي بهدى ولقيت الدنيا ظلمت قدامي وغبت عن الوعي

مره ثلاث ايام وانا ليسه في المستشفي افتح عيني الاقي مريم جنبي بتعيط وترجع ليا ذكره وفاة بابا دموعي تنزل تاني واغيب عن الوعي في اليوم الرابع فتح عنيا ملقتش مريم جنبي حتي فهد الثلاث ايام الي فاتو مشفتهوش ابدا ياتري راح فين وسابني وانا في امس الحاجه ليه دلوقتي جنبي اتخلى عني بالسهوله دي وسابني هنا لوحدي غمضت عنيا بألم وانا حابسه دموعي الي بقت زي اللهب من نار الي جوايا وفجأه لقيت الباب اتفتح ودخلت مريم منه جري وحضنتني بدموع وهي بتقول.._ ملك الحمد لله انك فوقتي اخيرا انا كونت هموت بدونك والله انتي اخر شخص باقي ليا في الدنيا من بعد ربنا ياملك ارجوكي ارجعي ليا بقى

سمعتها ودموعي نزلت بغزاره على حالتها قدامي انا ازاي كونت انانيه كده ونسيت انها بحاجه كبيره ليا في الوقت ده جنبها انا حقيقي كونت انانيه جدا بس خلاص انا هسيب حزني كله علشانها لاني بقيت المسئوله عنها من بعد بابا الله يرحمه وفي الليل رجعت انا ومريم تاني لشقتنا والجيران اجو علشان يقدمو العزاء وانا دخلتهم بكل احترام وحاولت اتماسك والبس قناع القوه قدامهم علشان اختي مريم وبقيت كل شويه ابص على باب الشقه بلهفه وانا نفسي اشوفه  اربع ايام مره ومفيش خبر عنه. حتي هو مرنش يطمن عليا ازاي كده لدرجه دي فهد نساني؟ مشو الجيران بعد وقت  وانا قعدت جنب مريم وهي ارتمت في حضني وهي بتعيط بقوه وبتقول.._ وحشني اوي ياملك بابا وحشني اوي اوي ونفسي اشوفه مره وحده بس

ضميتها لحضني بقوه وانا بقول بدموع بحاول احبسها جوه عنيا قدامها.._ ادعيله بالرحمه يامريومه بابا بقى في مكان احسن من هنا بكتير هو مش هيسيبنا ابدا لان حبه ووجوده الحقيقي جوه قلوبنا وهيفضل معانا للابد يامريم اهدي ياحبيبتي اهدي

كونت بطمنها وبطمن نفسي وقلبي معاها حتي سمعت صوت الباب فبعدت مريم عني بخوف وقالت.._ ملك مين ممكن ياجي لينا في الوقت ده

قومت ورديت عليها بهدووء.._ اكيد حد من الجيران يامريم اهدي انا جنبك ياحبيبتي

ابتسمت مريم ليا بثقه وانا توجهت وفتحت الباب وقلبي بيدق بخوف صحيح انا قولت كده علشان اطمن مريم اختي بس انا حقيقي بقيت بخاف من صوت الباب وخصوصا وانا معرفش ليسه فهد راح فين وسابني كده الفتره دي كلها

وبعدها بصيت قدامي عليهم وانا ببلع ريقي بخوف حقيقي اكتر اشخاص بيكرهونا وبيحقدوا علينا في الدنيا كلها وهما عمي وعيلة بابا كلهم حمحمت بخوف وتلعثم وقولت.._ اهلا ياعمي عامل ايه حضرتك

ابتسم ليا عمي بسمه مستفزه وبعدها قال.._ كويس كويس اوي يابت اخوي ايه هتسيبي عمك واقف كده على الباب كتير

بعدت من قدام باب الشقه وانا بقول.._ لا طبعا اتفضل ياعمي البيت بيتك نورت

دخل عمي وفجأه لقيت ابن عمي المستفز كمان بيدخل خلفه اكتر شخص مش بطيقه في الدنيا كلها وفي الصالون كونت انا واختي مريم قاعدين على الكنبه قدام عمي وابن عمي الي اسمه طه في صمت وبعدها قاطعت الصمت ده وانا بقول: اهلا ياعمي نورت وشرفت بس خير ايه سبب قدومك هنا كده فجأه  رد عمي ببرود وقال.._ مفيش ده بيت اخوي اجي وقت ما انا عاوز يابت اخوي مش كده والا ايه

قولت بسرعه وخوف.._ اكيد ياعمي البيت بيتك

كمل بحزن مزيف وقال.._ تمام اولا البقاء لله يابتي في ابوكي كلنا في البلد زعلنا عليه قوي قوي والله

نظرت ليه بسخريه وانا بقول في نفسي.._ اه زعلتم عليه فعلا ياعمي بأمآره انه تعبان من خمس شهور والا حد منهم اجه يطمن عليه حتي ياشيخ روح منكم لله كلكم

كمل عمي كلامه ببرود وقال.._ بس انا يابتي اجيت هنا دلوقتي علشان انتو من دمنا ولحمنا برضو وميصحش نسيبهم كده في بلد الكبيره دي لوحديكم

كونت ببص عليه بغيظ وكره كبير لانه اكتر شخص بيكرهنا كان بيكره امي الله يرحمها لانه كان زمان بيحبها اوي بس هي حبت بابا واختارت تتجوزه هو علشان كده فضل يملئ في قلب جدي وباقي العيله على بابا وماما لغايه ما بابا سابلهم البلد كلها وجه نعيش هنا في القاهره  ودلوقتي لما بابا مات الله يرحمه هما اجو طامعنين فينا وفي الشقه دي كمان بس انا مستحيل اسيب شقه بابا وطلع منها لانها فيها ريحته هو وماما كمان فقولتله بهدووء.._ متقلقش ياعمي انا كبيره واقدر اخد بالي من نفسي ومن اختي مريم كمان وانت ارجع البلد وقولهم ان ابنهم معاه بنات بمين راجل

رد طه ولد عمي بغضب وقال.._ ايه الحديت الماسخ ده كيف نسيب حرمتين لوحديهم هنا والعماره دي مليانه شباب يابوي

رد عمي بدعم لكلام ابنه.._ اهدي ياطه الحديت دي مش هيحصل واصل ادخلي يابتي لمي خلجاتك انتي واختك هترجعي معانا دلوقتي البلد احنا كله عندنا الا العار يابت اخوي

كونت هرد عليه بس لقيت اختي بتترعش جنبي من الخوف واحنا دلوقتي لوحدنا ومش هنقدر عليهم فنزلت دموعي بحسره وانا بقول في نفسي.._ فينك يافهد دلوقتي ارجوك انا بحاجتك جنبي اوي فينك

وبعد وقت لميت هدومي انا ومريم وعنيا بقت زي الشلال من الدموع وصوره بابا وجنبه صوره ماما قدامي وانا بعيط على فراقهم وبقول.._ مش عاوزه اسيبكم والله مش هقدر اعيش بعيد عنكم يارب تحصل اي معجزه دلوقتي مش عاوزه اسيبهم يارب

طلعت انا ومريم في ايدي وشنطتي في ايدي التانيه لقيت عمي قدام الباب وابن عمي قرب اخد الشنطه مني وانا ببص على شقتنا بدموع  وفجأه سمعت صوت طه الغاضب بيقول.._ انتو مين ياجدع منك ليه وسعو من طريقي احسن ليكم

بصيت تجاه الباب بلهفه لقيت طه واقف وقدامه شابين ضخمين اوي زي البودي جارد ووحد منهم قال بحده.._ الخروج ممنوع البيه فهد أمر بكده

سمعته وقلبي دق بقوه هو قال البيه فهد مش كده اخيرا هشوفه تاني بصيت تجاه الباب بلهفه كبيره وطه كان واقف قدامهم بغضب كبير حتي سمعت صوته الي دب الأمل في قلبي تاني جاي من بره وهو بيقول.._ برافو عليكم يارجاله عاوزكم تفضلوا هنا على الباب لغايه ما اطلب منكم الانصراف تمام

هز البودي جارد رأسهم ليه باحترام وقالو في نفس واحد.._ تحت امر يافهد بيه

دخل فهد قدام عمي وطه بثقه كبيره وقعد على الكنبه قدامهم وحط رجل على رجل بتكبر وقال.._ اهلا نورتو بيتي المتواضع ياجماعه

عمي بص عليه بزهول وتقدم بغضب وقال.._ بيتك مين ياجدع انت ده بيت اخوي انت عتخرف تقول ايه؟

ابتسم فهد بثقه قدامه وقال.._ تمام احب اعرفك بنفسي الاول انا الدكتور فهد المصري واكيد حضرتك تعرف مين هو فهد المصري

بصيت على عمي لقيت علامات الاستفهام بقت مرسومه على وشه فضحكت عليه بخفوت واجه طه جنبه وقال.._ ايوه يابوي انا اعرفه ده ابن المصري صاحب مصانع وشركات المصري للادويه قريت عليه قبل كده

رد عمي باحترام.._ معليش يابيه الي مايعرفك يجهلك احنا منقصدش حاجه واصل بس

قاطعه بفهد بتكبر.._ منغير بس انت تاخد ابنك ده دلوقتي وتتفضل بره من هنا بدون نقاش

رد طه بغضب.._ انت كيف هتكلمنا كده ده بيت عمي واحنا هنا علشان ناخد بنات عمي ونرجوا بيهم البلد علطول

ضحك فهد عليه بثقه واخرج ورقه من جيبه وقال بسخريه.._ وانا طبعا هسيبك تأخد مراتي مني بكل بساطه مش كده

عمت الصدمه المكان كله واولهم انا هو قال مراتي والا انا بيتهيئلي بس من الفرحه لا هو قال مراتي فعلا انا متأكده بصيت عليه بصدمه وفرحه ولقيته وضع الورقه على الطربيزه الصغيره قدامه بثقه وكمل كلامه.._ المدام ملك فهد المصري زوجتي على سنه الله ورسوله والقسيمه قدامهم اهه

كلنا بصينا على القسيمه بصدمه بس انا كونت هطير من الفرحه بصراحه ولقيت عمي قرب ومسكها بعدم تصديق وقال بزهول.._ اييه وكيلها منصور القناوي كيف حصل ده؟

اجابه فهد ببرود.._ ايوه وكيلها عمي منصور الله يرحمه انا اجوزتها منه قبل وفاته بيوم

وقعت القسيمه من يد عمي وانا عنيا دمعه بفرحه بابا الله يرحمه منساش يأمن عليا قبل مايموت الله يرحمك ياحبيبي وبعدها لقيت ملامح عمي كلها اتغيرت ومسك يد ابنه طه بغضب وخرج من البيت وهو هيفرقع حرفيا  وانا اول ماشفتهم خرجو جريت بفرحه على فهد ومسكت ايده بقوه وامتنان كبير وانا بقول.._ شكرا يافهد شكرا اوي انك لحقتني انا واختي منهم شكرا اوي

ابتسم فهد على سعادتي وقال.._ انا وعدتك ياملك اني هفضل معاكي وسندك العمر كله ومش هيفرقنا غير الموت بس ياقلبي

ابتسمت بدموع الفرحه وانا في حضنه وبعدها بعدت عنه بهدووء وقولت.._ فهد القسيمه دي حقيقيه وبابا الله يرحمه الي جوزني ليك مش كده

ابتسم فهد على ملامحي الطفوليه وقال.._ اكيد ياقلبي عمي منصور الله يرحمه قبل موته بيوم انا كونت جنبه بتكلم معاه وحكتله علي علاقتي بيكي وقد ايه انا بحبك اوي وعاوز اطلبك منه ولما هو شاف حبك الواضح في عنيا وافق وانا جريت جبت المأزون وكتبت الكتاب علطول ياملوكه

ابتسمت بسعاده كبيره اوي ان اخير ربنا جمعني مع الي بحبه وبعدت عن شر عمي وعيله كلها

بصيت على مريم قدامي لقتها بتفرك اديها بتوتر وخوف فقولت ليها ببتسامه.._ تعالي ياحبيبتي هنا جنبي انتي اختي وحته مني يامريم ومستحيل اسيبك ابدا

جرت مريم وحضنتني بفرحه كبير وفهد كان بيبص عليا بحب وانا بادلته النظره بحب وقولتله.._ فهد ممكن اعرف انت كونت فين الفتره الي فاتت دي بعيد عني؟

فهد توتر من سؤالي وبص قدامه بشرود وقال.._ كونت في شغل مهم بس ياملك وكان لازم اخلصه الاول وبعد ماخلص رجعت ليكي فورا

ابتسمت بتفهم وقولت.._ تمام يافهد