الحب اللطيف لنور محمد الجزء الاول
.._ ارجوكي ردي عليا بقى
كان الفون قدامي بيرن للمره الخامسه وانا ببص عليه بتجاهل وعتاب
.._ طيب والله ما هرد عليه لاني زعلانه منه اوي ها
فضل يرن كتير فصعب عليا في الاخر بصراحه لاني سبب الخناقه اللي حصلت بينا من الاول فمسكت الفون ورديت عليه.._ الوو
رد عليا بضيق.._ انا مش برن عليكي من بدري مش بتردي عليا ليه؟
رديت عليه بكذب.._ معلش كونت في الحمام ومش شفته افندم عاوز ايه؟
سمعت صوته اتحول لحزن وقال.._ ملك انا عارف انك زعلانه مني بس انتي كمان نكديه ومش بيعجبك حاجه ابدا
رديت عليه بحده وقولتله.._ تمام يافهد براحتك سلام عاوزه انام بقى
وقبل مااقفل سمعته بيقول بسرعه.._ طيب اسمعيني الاول انا مهما حصل بينا بس مش يهون عليا تنامي زعلانه مني ياملوكه خلاص انا اسف وحقك على قلبي انا ياست البنات
تبخر زعلي وضيقي منه كله في ثانيه وابتسمت بسعاده عارمه من حبه الكبير ليا لانه مهما حصل بينا من مشاكل هو مش بيهون عليه زعلي منه ابدا فقولت بكسوف.._ خلاص يافهد انا مش زعلانه تصبح على خير عاوزه انام
رد عليا بحب وقال.._ تمام وانتي من اهل الجنه ان شاء الله ياحبيبتي
قفلت معاه وانا فرحانه اوي وقومت زي المجنونه وانا بنط على سريري وببص على صورته في فوني بحب قد ايه انا بحبه لانه انسان لطيف جدا ويقدر يخطف قلب اي شخص بشكله الكيوت وحنيته الي تكفي الكون كله وكمان اهتمام الكبير بيا ده خطف قلبي من اول يوم شوفته فيه والله قعدت على سريري تاني وحضنت فوني بسعاده ونومت وانا بحلم بيه زي كل يوم
وتاني يوم صحيت بنشاط كبير وجهزت نفسي لجامعه الطب بتاعتي وطلعت اطمن على بابا واختي الصغيره وبعدها مشيت على الجامعه بسرعه .. وبعد ما وصلت الجامعه قابلت صديقتي المفضله طبعا على بوابه الجامعه فجريت اسلم عليها.._ طمطم حبيبه قلبي عامله ايه؟
ردت عليا فاطمه ببسمه.._ كويسه ياملوكه الحمد لله تعالي بقى بسرعه علشان محاضره الدكتور فهد هتبدأ دلوقتي
سمعتها واتحمست اوي لانه طبعا فهد ده نفسه حبيبي الي كونت بكلمه امبارح فجريت معاها على المدرج وقعدت على اول مقعد علشان اشوفه قدامي بوضوح .. وبعد دقايق دخل الدكتور فهد ببتسامته الساحره دي وانا قلبي بيدق بقوه وعنيا بقت بتخرج منها قلوب حمره من السعاده وبدء يشرح وانا مركزه اوي معاه حقيقي بعد ما اشوفه قدامي بلاقي نفسي بتأمل فيه بحب وهيام .. وبعد ما خلص شرح خرج من المدرج وانا لميت كتبي بسرعه وكونت هجري خلفه علشان اتكلم معاه بس وقفت على صوت صديقاتي البنات ورايا
وحده من صديقاتي البنات قالت.._ انتو سمعتو اللي حصل مع الدكتور فهد من كام يوم يا بنات
ردت بنت تاني.._ لا يا ريم حصل ايه؟
اجابت ريم وقالت.._ انا سمعت ان الدكتور فهد من كام يوم خطب الدكتوره نرمين بنت عمه
ردت البنت التانيه بحزن وقالت.._ بجد ياخساره دنا عيني كانت عليه والله بس اهو في الاخر كله نصيب برضو هنعمل ايه؟
وبعدها قعدو يتكلمو كتير ويضحكو مع بعض انا من صدمتي دموعي نزلت زي المطر. يعني ايه هو خطب بنت عمه من يومين! وازاي خبى عليا الخبر ده؟ يعني هو الفتره دي كلها كان بيضحك عليا بس! طيب ليه يعمل معايا كده؟ فضلت افكر اروح دلوقتي اوجهه واقوله الي سمعته ده وافهم منه الحقيقه. او اسكت واستني هو يقول من نفسه احسن. افكار كتير خطرت في بالي اعمل ايه؟ بس مقدرتش اتحمل اكتر فجريت على مكتبه بسرعه وانا دموعي ملت عنيا من الصدمه فدفعت الباب مكتبه بقوه وقهر ودخلت عنده
وقولت بدموع.._ صحيح اللي سمعته ده يادكتور فهد؟
نهض فهد بفزع من حالتي وقرب مني بسرعه وقال.._ مالك ياملك بتعيطي كده ليه؟ حصل ايه؟ معاكي علشان تعيطي بالطريقه دي! انا مش بحب اشوف دموعك دي ابدا ياملوكه
بعدت شويه عنه وانا بمسح دموعي بعنـ,ــ,ـف قدامه وقولت بضيق.._ لا فعلا يا دكتور عاوز تعملهم عليا تاني بعد ما عرف حقيقتك ياخاين مش كده
رد عليا بعدم فهم وقال.._ ملك حصل ايه؟ انا مش فاهم حاجه!
اتغظت اوي من تمثيله ورده البارد عليا فقولتله بعصبيه.._ حصل ان انت يا دكتور يا محترم كونت بتضحك عليا بس والدليل انك خطبت بنت عمك من كام يوم وخبيت عني الخبر ده لان كل حبك ليا طلع كذب ووهم بس
بصت عليه بدموع ولقيته بدء التوتر والقلق يبان على ملامحه وبعدها قال.._ ملك اسمعيني انا بحبك والله وحبي ليكي حقيقي ومش بكذب عليكي ابدا
سمعته بصدمه وانا مش مصدقه اللي قاله ده؟ لاني توقعت انه يكذب الخبر! مش يقول بيحبني بعد كل اللي عرفته عنه فتعصبت اوي منه وصرخت في وشه بغضب.._ بس خلاص مش عاوزه اسمع منك كذب تاني انت شخص خاين وكذاب. خونتني وخطبت بنت عمك وضحيت بحبي ليك بكل بساطه حتي مش فكرت تقولي الحقيقه! خلاص كل حاجه بينا انتهت وعلاقتنا كمان ومش عاوزه اتكلم معاك تاني ابدا
خلصت كلامي وطلعت من مكتبه وانا منهاره وقلبي بينزف من الألم والوجع الي بشعر بيه في الوقت ده. الشخص الوحيد الي حبيته في حياتي وعرفت يعني ايه معني الحب معاه هو بس. الشخص ده نفسه ضحك عليا وخطب وسابني بكل بساطه كده بعد كل الحب الي كان بينا وكلامنا لبعض أن نفضل سوى لمدى الحياه كله اتبخرت في دقيقه بعد الخبر الحزين ده .. نزلت على السلم وانا بجري مش شايفه قدامي من دموع عنيا وفجأه اختل توازني ووقعت من على السلم بقوه على رجلي فضرخت بعنـ,ــ,ـف من ألـ,ــ,ـم رجلي وقولت.._ ااااااااااه
فجأه لقيت زمايلي كلهم اتلمو عليا وانا بعيط في الارض من بألم وهوب وانا منهاره من العياط لقيت شخص شالني على ايديه بسرعه وخوف وهو بيجري بيا لخارج الجامعه زي المجنون مسحت دموعي بإيدي وانا عاوزه ابص عليه واعرف مين هو الشخص ده؟ وبعد ماقربنا من بوابه الجامعه وضح قدامي شكله كويس كان الدكتور فهد نفسه الشخص ده وكانت علامات الخوف والقلق مرسومه على وشه كأنه شايل طفلته وبيجري بيها وصلنا لعربيته بسرعه وفتح الباب ونزلني في العربيه بحنيه وخوف وبعدها ربط ليا حزام الامان وانا بعيط بألم وعيوني موقفتش دموع وفهد عنيه مصوبه عليا بخوف وقلق فتوجه بسرعه لجهه التانيه وساق العربيه بسرعه كبيره اوي وبعد وقت وقف قدام مستشفي كبير
انا عمري ما شوفت في جماله قبل كده او وقفت قدامه حتي في حياتي فبصيت عليه بزهول واعجاب ولقيت فهد نزل بسرعه ووقف قدامي فتح باب العربيه وكان هيمد ايده تاني علشان يشيلني بس انا شاورت بايدي ليه بسرعه وقولت بدموع وغضب.._ ابعد عني انا كويسه وهمشي لوحدي
قولت كده لفهد بس انا طبعا بكذب لان رجلي كانت بتوجعني اوي بس انا ليسه زعلانه ومتعصبه اوي منه وكمان لانه حرام يقرب مني وهو مش يقربلي حتي فقررت اتحمل على نفسي وانزل وفعلا خطيت برجلي بره العربيه وانا ببص على ملامح فهد الي واضح عليا الخوف والقلق عليا وهو واقف قدامي ثابت بس وبعدها خطيت برجلي التانيه بس اول ماوقفت عليا صرخت بقوه لاني حسيت بوجع رهيب في رجلي وقولت.._ ااااااه لا رجلي مش هقدر امشي عليها من الألم لا
وهوب في ثانيه لقيت فهد كان شالني بسرعه وخوف قبل مااعترض تاني حتي وجري بيا لداخل المستشفي وانا كونت في عالم تاني من ألم رجلي ودموعي نزلت زي المطر على وشي حقيقي مكنتش حاسه بأي شئ غير الألم ده بس في وقتها .. وصل فهد لعياده الدكتوره ودخل بسرعه وحطني على السرير قدامها وقال بقلق.._ لو سمحتي يادكتوره هي وقعت على رجلها بقوه ومن وقتها بتعيط من الألم شوفي حالتها بسرعه ارجوكي
سمعت كلامه وابتسمت بسخريه من بين دموعي هو بيتكلم عليا باطريقه دي كده ليه؟ اكون بنت اخته وانا معرفش! بصراحه طريقته دي دايقتني اوي بس حسيت بالسعاده كبيره كمان من خوفه عليا قد ايه هو شعور جميل فعلا لما تلاقي شخص بيخاف عليك بطريقه الجميله دي .. شوفت الدكتوره بعدها قامت وبدءت تكشف على رجلي وانا بعيط من الألم ليسه وفهد واقف جنبي بتوتر وخايف عليا اوي فقال لدكتوره بقلق وخوف.._ هي كويسه ياكتوره مش كده طمنيني عليها لو سمحتي بسرعه
ردت عليه الدكتوره وقالت.._ متخفش يافندم ده إلتواء بس في القدم وانا هعالجه فورا بس استحمي شويه معايا يأنسه
بصت عليها بخوف وبعدها وجهت نظري لفهد بدموع وانا نفسي امسك ايده في الوقت ده لاني محتاجه احس بالامان في وجوده جنبي وقتها حسيت اني ليسه طفله صغيره وعاوزه امسك ايد بابا بقوه وستمد القوه والامان منه علشان الخوف الي في قلبي ده كله يتبخر بسرعه بس مقدرتش اطلب منه كده لاني ليسه زعلانه اوي منه مره دقايق وانا ببص عليه بتركيز وليسه الدموع في عنيا فقرب مني فهد كأنه فهم نظرتي دي ومسك ايدي بحنان علشان يطمني بوجوده جنبي وانا غمضت عنيا اول ما الدكتوره مدت ايدها على رجلي وضعطت عليها بقوه فصرخت انا بألم كبير وضغط على ايد فهد بقوه وبعدها سمعت صوته الحزين وهو بيقول.._ معلش انا اسف ياملوكه استحملي معلش
فتحت عنيا وبصيت عليه لقيت عنيه لمعت الدموع فيها لاول مره اشوف عينيه الجميله دي فيها دموع كده ركزت في عينه وسرحت اوي فيها حتي خلصت الدكتوره ولفت رباط طبي على رجلي وقالت.._ كده تمام خلصنا بس هي محتاجه ترتاح وممنوع تمشي عليا لمده اسبوع على الاقل وهتبقى كويسه اوي ان شاء الله
فهد شكر الدكتوره وبعدها شالني تاني لاني مش هقدر امشي فعلا على رجلي من الألم طلعنا من العياده وانا مكسوفه اوي والناس حولينا بتبص على شكلنا كده مع بعض فخبيت وشي في حضنه وانا هموت من الكسوف وقتها حسيت بدفئ وأمان عمرى ماحسيت بيه قبل كده في حياتي وسمعت دقات قلبه كمان كان سريعه جدا وانا وقتها حسيت ان قلبي هيقف وهو بيدق زي طبول الحرب في استعدادها للهجوم. وصلنا للعربيه ونزلني بحنيه برضو وركب هو كمان بسرعه وانا طول الطريق كونت بنظر من شباك العربيه جنبي علشان اتجنب ابص عليه او اتكلم معاه لاني ليسه زعلانه اوي اوي منه
وفجأه قطع الصمت الرهيب ده صوت فهد وهو بيقول بقلق.._ ملك انتي كويسه دلوقتي والألم خف او ليسه
سمعته وحاولت كتير اتجاهل كلامه بس بسبب وقفته معايا مقدرتش اعمل كده فقولتله.._ بقيت دلوقتي كويسه الحمد لله وممكن توصلني بدون كلام لو سمحت لاني مش عاوزه اتكلم معاك تاني
قولت كده ونظرت جهة الشباك جنبي بحزن فوقف فهد العربيه على جنب الرصيف ولف وجهه ليا وقال بحزن.._ ملك ممكن تبصي عليا عاوز اتكلم معاكي خمس دقايق بس لو سمحتي
سمعت صوته كان حزين جدا وكأنه بيعيط كمان فبصيت عليه بصدمه لما لقيت عينه فيها دموع كتير وهو بيمسحهم بسرعه علشان ميبنش ضعيف قدامي وقولتله بصدمه.._ فهد انت بتعيط؟
ابتسم بحزن وقال.._ ملك صدقيني انا بحبك اوي وخبيت عنك بسبب مشاكل حصلت معايا. بس تتحل باذن الله وانا هقولك كل حاجه حصلت والله
سمعت كلامه وبقى قلبي وعقلي في حيره اصدقه او لا وبعدين حتي لو عنده مشاكل وهو بيقول بيحبني يعني لازم يكون عنده ثقه فيا اكتر من كده ويحكيلي وانا اكيد هقف جنبه واساعده بأي طريقه بس كلامه ده حسيته قله ثقته فيا وفي حبي ليه فقولتله بحده.._ فهد انت لو بتحبني بجد يبقى لازم تقولي الحقيقه كامله وانا هقف جنبك لو كانت الحقيقه ايه؟ بس بكلامك ده تقصد انك مش بتثق في حبي ليك يافهد ودي اخر فرصه ليك عندي قول مشكلتك ايه؟ وانا اوعدك هقف جنبك ضد العالم كله لاني بحبك بجد يافهد
بصت عليه وانا منتظره رده كان نفسي يثق فيا بجد ويحكيلي كل الي في قلبه بس للاسف لقيته بص قدامه وشغل العربيه وساق بصمت وانا دموعي نزلت تاني بحزن لدرجه دي انا مش محل ثقه عندك يافهد كل حبي ده ليك مش محل ثقه عندك! فعلا انا كان عندي حق لما قولت انك شخص كذاب وخاين علشان كده مقدرتش تقول حاجه دلوقتي قدامي وبتتهرب مني كمان
بعد وقت وصلنا قدام العماره بتاعتي وقف فهد العربيه وانا فورا فتحت الباب علشان اخرج بس لقيته جري عليا بسرعه وقال بخوف.._ ملك استني انا هشيلك علشان رجلك ليسه.
وقبل ما يكمل جملته قاطعته بغضب وقولت.._ شكرا مش محتاجه شفقه منك تاني وكمان لو سمحت عاوزه اعرف تمن الكشف بتاعي كام؟ لاني مش بحب اخد صدقه من حد
بصت عليه ببرود لقيت الصدمه احتلت عينيه وقال بصدمه وحزن.._ ملك انتي بتقولي ايه؟ شفقه! انا مستحيل اشفق عليكي بالطريقه دي ابدا! انا عملت كده لاني بحبك وخايف عليكي اوي. وبعدين فلوس كشف ايه الي بتتكلمي عنها؟ لدرجه دي بتعتبرني غريب عنك ياملك!
نظرت ليه بضيق وانا بفتكر اللي حصل بينا من شويه في العربيه وسكاته قدامي وقله ثقته فيها. فقولتله بقوه.._ ايوه بعتبرك غريب لانك كمان بتعتبري غريبه عنك يافهد فلو سمحت قولي دفعت كام؟ وانا هرجعهم ليك فورا وكده يبقى احنا صافين مع بعض وكل واحد يروح في طريقه احسن
خلصت كلامي وبصيت عليه ببرود وتحدي وفجأه لقيت ملامحه كلها اتحولت لغضب وقرب مني وهوب لقيته شالني بسرعه على ايديه وانا انصدمت منه وفضلت اضربه بقوه على صدره علشان ينزلني تاني وقولتله بغضب.._ فهد نزلني وابعد عني ميصحش كده انت قدام العماره بتاعتنا يا فهد اعقل ونزلني بسرعه انا بقيت كويسه وهمشي لوحدي والله
بصيت على ملامحه بخوف بس لقتها متغيرتش ابدا وطلع بيا على العماره وانا خايفه اوي حد من الجيران يشوفنا كده يفكر في حاجه بينا او بنعمل حاجه غلط فضلت اتحرك بعنـ,ــ,ـف علشان يسيبني انزل بس هو كان ثابت زي الجبل ومش اتأثر ابدا واول ماوصلنا لاول سلم العماره قولتله بضيق وهمس.._ فهد ارجوك كفايه كده ونزلني هنا انا خايفه حد يشوفنا مع بعض من الجيران وتحصل مشكله ارجوك
طلع فهد على اول سلمه من السلم ورد عليا بهدووء.._ اهدي ياملك انتي مش هتقدري تمشي على رجلك في الوقت ده وشقتك في الدور الثالث وحتي مفيش اسانسير هنا في العماره يعني مستحيل توصلي لهناك لوحدك انا هوصلك وهنزل علطول تمام اهدي بقى ارجوكي
بصت على ملامحه الهاديه من قريب وشكله الكيوت اوي ده وسرحت فيه تاني حقيقي الشخص ده لما بيقرب مني انا بسرح فيه في عالم تاني مش عارفه هو ازاي بيعمل فيا كده وانا مش قادره اقاوم سحره اللطيف ده
طلع فهد وانا في عالمي الخاص عالم مفيش فيه غيري انا وهو بس وصل فهد عند باب شقتنا وانا ملحظتش اصلا امتي طلعنا بالسرعه دي فرجعت من عالمي الخيالي بسرعه تاني وبصيت على وجهه لقيته بينهد بهدووء والعرق بارز في جبهته فميدت ايدي على جبهته بحركه لا اراديه مني ومسحت عليها بحنيه
وفهد بص عليا بنظره حب وانا كمان سرحت في نظرته دي لوقت مفقتش منه غير على صوت فتح الباب قدامنا
وصوت اختي مريم الصغيره وهي خارجه تجاهنا بتقول بقلق.._ حاضر بابا هنزل اشوف اتأخرت كده ليه نام انت ومتقلقش
انتبهت لصوتها ونظرت تجاهها بسرعه وهي وقفت قدامي قالت بقلق.._ ملك كونتي فين الوقت ده كله؟ وفجأه اخدت بالها من وجود فهد قدامها فكملت بصدمه: وايه الي بيحصل هنا؟ مين الجدع ده كمان ياملك
احرجت جدا من سؤالها وانا بحاول اجمع اي كلام علشان اقوله ليها بس لقيت فهد رد مكاني بسرعه وقال بابتسامه.._ اهلا يأنسه مريم انا اسمي فهد الدكتور فهد في الجامعه الطب بتاعته ملك اختك
بصيت على فهد بصدمه من كلامه ووجهت نظري لمريم بتوتر بس لقتها ابتسمت وقالت بسرعه.._ اهلا وسهلا يادكتور نورت اتفضل ادخل
خلصت كلامها وبعدت من قدام الباب وانا بصيت عليها بصدمه هي بس اخدت بالها انه دكتور بتاعي؟ ومش لاحظت انه شايلني قدامها ازاي كده؟ هي البنت دي عبيطه او هبله انا عاوزه اعرف بجد
كونت بفكر في الكلام ده وانا مصوبه عيني عليها بغيظ وفهد دخل الشقه وتوجه للكنبه قدامه في الصالون ونزلني بحنيه عليها ووقف تاني مكانه
وقال لمريم.._ انا اسف يا أنسه مريم لو اجيت كده بدون دعوه بس كانت في حاله طارئه قدامي
قال كده لمريم وهو عنيه مصوبه عليا وانا ببادله النظره بضيق وسمعت مريم ردت عليه بسعاده وقالت.._ لا عادي يا دكتور حصل خير بس بابا ليسه اخد العلاج ونام جوه يعني فأسفه مش هقدر اضيف حضرتك حاجه في الوقت ده
ابتسم فهد ليها وقال.._ عادي يا أنسه حصل خير ابقى مره تاني انا بس طلعت علشان اوصل الأنسه ملك لهنا لان رجلها اتصابت ومش هتقدر تمشي عليا فلو سمحتي خدي بالك منها الفتره دي اكون ممنون اوي ليكي
مريم سمعته وبعدها أخيرٱ بصت عليا بخوف اختها المسـ,ــ,ـكينه بعد الوقت ده كله اخيرا لاحظت وجودي وانا خلاص كونت حاسه نفسي مش موجوده قدامها اصلا فقربت مني بخوف وقالت.._ ملك حبيبتي انتي كويسه دلوقتي انا اسفه مأخدش بالي من حالتك دي والله
رفعت عيني ليها بسخريه وقولت.._ لا فعلا يامريم وانتي هتاخدي بالك مني ازاي؟ وانتي من اول ماسمعتي صوت فهد مشتلتيش عنيكي من عليه ياست مريم
