رواية سجينه الماضي وانتقام الحاضر

بصدمه يعني انا مرميه بين حيطان السجن بقالي 15 سنه بعاني لوحدي وهما مبسوطين ولا كأنهم ف واحدة اتسجنت ظلم استولوا ع ورثني وضيعوا حياتي بسبب طمعهم سيرا انتي بتكدبي عليا صح مش معقول يكون عمي عمل كده قولي أن اللي حصل ده مش حقيقي. سيرا اخت عاليا كانت بتسمعها بدموع وصعبان عليها منظر اختها. سيرا: للاسف يا عاليا احنا الاتنين اتلعب علينا لعبه قذرة من عمك وعيلته وانا عايشه معاهم فجحيم وهما كمان اللي دبروا الكمين وبلغوا عنك. عاليا: بصدمه مش معقول حتي دي مدبرة طيب هما عملوا كده علشان الفلوس كان قلي وانا كنت هتنازل بس عمل كده علشان طمعه. سيرا : وهتعملي ايه دلوقتي أنا مش هعرف اعمل حاجه ومذلوله بيجي يرميلي كل شهر مبلغ يدوب يكفيني وانتي مسجونه و العمل دلوقتي. عاليا: بتوعد هندمهم ع كل حاجه ع كل دمعه نزلت مني وذل اتذليناه أنا وانتي هناخد حقنا وهخليهم يتمنوا الرحمه مش هيلقوها ابدا هي شركه بابا حصل فيها ايه . سيرا: مؤمن مستولي عليها ومش بيخليني ادخلها وبيديني شهريتي بالعافيه. عاليا……. فبيت كبير راقي كان قاعد علي رأس السفرة بيفطر ببرود وده بيكون سالم الحريري عم عاليا وأولاده كانوا قاعدين. سالم: سيرا فين مش باينه من اول النهار. مؤمن: بتزور اختها كالعادة المسكينه مفكرة أنها ممكن تطلع اختها من السجن باي طريقه دي ممسوكه بكميه كبيرة وخلاص مستقبلها ضاع بس اللي مش فاهمه انك خططت لكل ده احنا اه نفذنا معاك بس اكيد ف سبب غير اللي ف دماغك . سالم: كان لازم اعمل كده من الاول سليمان اخويا ساب ليهم فلوس كتيرة ف البنك وغير كده ورثهم واملاكه وبصراحه استخسرتهم ف بناته أنا المفروض اخد كل ده اخويا مكانش لازم يخلف عملت كل حاجه علشان ميجيبش عيال اجهضت مراته كذا مرة بس اللي معملتش حسابه أنه يسافر بلد تانيه لما عرف بحملها ويستني يرجع غير بعد ما بناته كبروا وبعدها عرفت أنه ساب كتير قلتله اخد نصهم مرضيش وقلت لبنته بعد وفاته بس هي قالتلي لا كان لازم اتصرف لبستها قضيه اتجار كوكايين والتانيه بعاملها بقسوة وذل وانت اخدت شركتهم. مؤمن: بس ورثهم ده كان كام وبعدين مش خايف تطلع وتنتقم مننا اكيد هتعمل كده. سالم: مش مهم هما كام المهم اني سيطرت ع كل حاجه وبعدين مش هتعرف تعمل حاجه هي ضعيفه طول عمرها. عند عاليا وسيرا سيرا: طيب هنعمل ايه انتي مسجونه وقدامك كتير وانا مش هعرف اعمل حاجه. عاليا: اللي مش تعرفيه واللي خلاني اجيبك هنا أن هخرج بعد اسبوع. سيرا: بفرحه بجد طيب ازاي وانتي واحده سنين كتيرة عاليا: هخرج حسن سير وسلوك نظرا لأن مش بعمل مشاكل وعملت استئناف واتقبل اني أخرج بدل المدة اللي عندي هطلع وانا هندم الكل ع اللي حصل بس المهم روحي انتي سيرا : حاضر ربنا معاكي همشي قبل ما يثور عمك عليا. عاليا رجعت زنزانتها وهي مهمومه قربت عليها تميمه كبيرة العنبر بالرغم انها واحدة غنيه وجات ظلم إلا أنها بيتعملها الف حساب بالرغم انها مسجونه ومفضله عاليا ع الكل. تميمه : اللي مضايق ست البنات كده مالك يا حبيبتي. عاليا حكتلها كل حاجه وهي مقهورة اوي وبتبكي وصعبت ع تميمه. تميمه : راجل خسيس يعمل ف بنت اخوه علشان فلوسها طمعه عماه فعمل فيكي ابشع حاجه علشان ياخد اللي هو عايزة بس ولا يهمك هتخرجي وتاخدي حقك تالت ومتلت. عاليا: ودي اعملها ازاي أنا صح وعدت اختي بس مش عارفه هعمل كده ازاي. تميمه: ولا يهمك عندي ليكي اللي يساعدك وتعملي اللي انتي عايزاه. عاليا: بجد ازاي ومين ده. تميمه……… سيرا رجعت من عند اختها ودخلت الفيلا وهي فاكرة أن عمها ف الشركه اتخضت من الصوت اللي نادي عليها وكان سالم. سالم: بغضب كنتي فين من اول الصبح مش لاقيتك ع الفطار وبقيتي تخرجي من غير إذن كمان ردي. سيرا: بخوف أنا مش فطرت علشان مش عايزة وبعدين والله استئذنت طنط نادين وقالتلي روحي وهتقلك وبعدين يا عمي دي اختي محدش بيسئل عليها غيري سالم: كدابه نادين مش قالتلي حاجه سئلتها عنك قالتلي معرفش مش شوفتها النهاردة اسمعي يا بت انتي هنا عايشه ف خيري باكلك وبشربك وبدفعلك فلوس جامعتك من فلوسي ف متنسيش نفسك . سيرا: كلامك غلط دي فلوسنا أنا وعاليا والمفروض تكون بتاعتنا وبتصرفنا احنا بس انت اللي مسيطر علي كل حاجه ومخلينا زي الشحاتين عندك انت مش هتذلنا باللي انت بتسميها فلوسك واخدتها مننا غصب ااااااه سالم كان بيسمع كلامها بغضب شديد وبعد ما خلصت كلامها ضربها قلم شديد وقعت بسببه ع الأرض بالم ومسكها من حجابها واتكلم بقسوة. سالم: بقسوة أنا مش ضربت حد ع ايده فاهمه اختك اتنازلت لورثكم ليا واه هذلكم انتي ف بيتي اعمل فيكم اللي انا عايزه. سيرا: ببكاء انت أحقر واحد شفته انت لا يمكن تكون عمنا انت شيطان ولازم تموت. سالم ضربها بالقلم تاني ومسكها جامد ووداها اوضه القبو ورماها فيه. سالم : بقسوة وجحود هسيبك هنا مع الفئران علشان تتعلمي تكلمي اللي مضايفك عنده ازاي وممنوع الاكل ليكي لاسبوعين فاهمه. سالم سابها ومشي وقفل عليها الباب بالقفل وهي جريت بسرعه وهي بتبكي وتترجاه يفتح الباب وهو واقف مستمتع بده وسامع بنت اخوه الصغيرة بتتذلل وتترجاه وهو ده اللي عايزه واتوعد الكبيرة أنه يجيبها هنا ويذلها أضعاف . عند عاليا وتميمه. عاليا: مين ده اللي هيساعدني يا ست تميمه تعرفيه واثقه فيه يعني تميمه: اكيد مصدر ثقه ده ابني وحيدي هخليه يساعدك في كل خطواتك ف الانتقام بس لازم تغيري من نفسك وتبقي واثقه ف نفسك اوي لانك دلوقتي جواكي جبانه مش هتقدر تواجه الغيلان اللي بره فاهمه سالم خرج من القبو قابله اللي ابتسم بنفس الابتسامه. مؤيد: مسكينه لعبت مع الشخص الغلط مترميها ف اي مستشفي مجانين وخلاص نقول إن هي مجنونه ونرشي الدكاترة جلستين تلاته كهربا وتنول اللي انت عايزه. سالم: تصدق فكرة والاتنين يبقو مسجونين ونخلص منهم زي ما خلصت ع اخويا ومراته. ف السجن عاليا كانت مع تميمه ف اوضه الزيارة مستنين حد عاليا بصت لتميمه واتكلمت. عاليا: ممكن افهم يا ست تميمه ليه صممتي اقابل ابنك معاكي دي زيارتك واكيد محتاجين تتكلموا مع بعض . تميمه: علشان تحكيله وهو يحاول يساعدك مينفعش اتكلم ف مشكلتك لازم تحكيها وبعدين ابني سمعته اشهر من نار ع علم. طيب انتي عارفه اني اشهر من نار ع علم ليه بتحاولي تشوهيها بكل شويه عايزاني. الاتنين بصوا للصوت وعاليا شافت شاب تلاتيني عريض وعيوني بندقي وطويل واستغربت من كلامه أن ازاي يكلم والدته بالشكل ده. تميمه: بردو مصمم انك مش تصدقني طيب براحتك بس المرة دي عايزة مساعدتك مش انك وحشتني يا اياد. اياد قعد ببرود قدامهم وبصلهم من غير اهتمام وبص لعاليا واتكلم . اياد: ببرود خير ومين دي. تميمه: دي عاليا سليمان الحريري وهي هنا مسجونه ظلم. اياد: سليمان الحريري مش ده اللي اخوه سالم الحريري صاحب اكبر شركه اغذيه عاليا: اه وهو اللي جابني هنا وعايزة اخد حقي. اياد: تاخدي حقك من عمك ليه لبسك تهمه مثلا ورماكي هنا. عاليا: مظبوط هو عمل كده وانا عايزة اخد حقي وفلوسي اللي مستولي عليهم. اياد: كلكم بتقولوا كده علشان تداروا علي مصايبكم مش بعيد انتي اللي البوليس كشفك ف اللي بتبيعيه ويتقولي كده وخلاص علشان تشوهي سمعه عمك وخلاص. اياد قال كلامه وبص لوالدته اللي راحت بنظرها بعيد عنه. عاليا: بغضب أنا مش اسمحلك تقول كده اسمعني عمي لبسني قضيه كوك ورماني هنا واستولي علي فلوسي وشركتي وبيذل اختي كل يوم علشان طمعان وبس ست تميمه جابتك علشان تساعدني بس هي شكلها غلطت لما قالتلك لانه شكلك قليل الذوق مش محترمني ولا حتي محترم مامتك بس نصيحه دور وراه هتلاقي بلاوي كبيرة واوي. عاليا مشت وخدت تميمه معاها اللي كانت ساكته ومش اتكلمت حتي لما كانت عاليا بتتخانق مع اياد أما اياد ف كان متعصب لأن اول مرة حد يكلمه كده بالرغم أن بيحب مامته وفرح لأنها طلبته يشوفها بس اللي عملته مخلي بينهم سور عالي وعمره ما هيتهد قام ومشي وقرر يدور ورا سالم الحريري. أما سالم كان لسه حابس سيرا ومش مبالي بصراخها ولا حتي قلبه رق كل اللي بيعمله بس بيودي ليها اكل زي المساجين وقرر ينفذ خطته عند عاليا قعدت قدام تميمه اللي ساكته ومش اتكلمت ابدا. عاليا : ست تميمه احكيلي مش بتعبريني بنتك قولي وفضفضي ليا ليه ابنك بيكرهك كده تميمه…….. اياد قرر يدور ورا سالم واكتشف بلاوي كتير أهمها أن بيصدر اغذيه فاسدة ويتاجر فالممنوع وقرر قرار. ومر اسبوعين وسالم كان بيدي حبوب هلوسه ف الاكل لسيرا والاعراض بانت عليها بسرعه بقت تهذي ومش حاسه بحد واياد كان بيدور ورا سالم واكتشف حاجات كتير وقرر يعمل زيارة للسجن مرة تاني أما عاليا كانت بتحاول مع تميمه أنها تتكبم ف موضوعها وهي مش راضيه أو هي مش عارفه بتقول ايه عاليا قررت تسيبها لغايه ما تقول لوحدها وبعدها جانبهم زيارة واتضح أنه اياد تميمه مش قابلته بس عاليا قابلته. عاليا: اظن قلت انك مش هتيجي تاني ايه اللي غير رايك بالسرعه دي . اياد: باستغراب والدتي فين مجاتش ليه عايز اشوفها . عاليا: وانت متوقع بعد اللي قولته ليها اخر مرة عايزة تشوفك تاني عمتا هي تعبانه شويه وجيت مكانها خير كنت عايز حاجه. اياد: قررت اساعدك ف اللي عايزة تعمليه عاليا: والسبب وبعدين ايه اللي جد علشان تيجي وتقول انك موافق . اياد: ف أن عمك بيشتغل ف الأعمال المشبوهة والاغذيه الفاسدة وشركتك هي الستار اللي بيعمل فيها كده ف أنا جاي اني موافق اساعدك. عاليا: بصدمه انت بتتكلم بجد عمي بيقتل ف الناس دي تبقي مصيبه كده أنا اختي ف خطر أنا لازم اطلع من هنا حتي لو ههرب. اياد: اقعدي ومش تقولي الكلام ده النقض اللي عملتيه علشان تخرجي عمك عرف بيه ووقفه بس أنا عملت واحد تاني وتقدري تخرجي بعد يومين وساعتها تقدري تنتقمي واساعدك لأن والدتي طلبت مني ده وبس. عاليا قامت بثبات بس من جواها كانت مقهورة من أفعال عمها اللي اعتبرته ف يوم اب ليها. عاليا: شكرا ليك عن اذنك وياريت ايا كان والدتك عملت ايه سامحها لأنها من الزيارة اللي فاتت وهي ساكته اياد: انتي متعرفيش عملت ايه وياريت مش تتدخلي اللي بينا مصلحه وبس وهي انك تاخدي حقك وبس. عاليا: بغضب براحتك بس لو حصلها حاجه او ماتت اللي هيخسر هو انت وهتندم ندم كبير؛ وحاجه تاني عمي مش بيحب الخسارة يعني لو اخدت منه كام صفقه بس أو أحبطت شويه تهريب من اللي بيعمله ساعتها هيعمل اي حاجه ابدا بشركتي وحاجه تاني ولاده ع طول ف البار انت وشطارتك بقي. عاليا مشت وسابته وهو كان ثابت مكانه مش قادر يسامحها ع اللي عملته والدته عملت شئ بشع مش قادر يبصلها ولا يسامح قام مشي وراح شركته وطلب من السكرتيرة أنها تبعت ثائر. ثائر: أوامرك يا اياد بيه خير. اياد: ثائر الشغل ع كبير هيشتغل عايزك تكون جاهز تمام. ثائر: بابتسامه تمام يا باشا خير تؤمرني بايه. اياد…… اياد: سالم الحريري بيلعب تحت الطربيزة عايز اعرف بيشتغل لصالح مين واي عمليه يعملها لازم تبوظ اي صفقه تبقي لينا فاهمني. ثائر: بابتسامه فاهم يا اياد بيه هنرجع للشغل القديم من تاني حاضر. اياد: وريني هتشتغل ازاي يا سالم وانا اللي كنت عايز اعمل صفقه بيني وبينك ماشي هندمك علي خداعك ده. أما سالم كان بيحضر لعمليه جديدة لو ظبطت هتنقله لمكان تاني خالص وهتخلي الكل يعمله الف حساب ومن ناحيه تانيه سيرا مش كانت حاسه بالدنيا ولسه محبوسه وبتهذي بكلام مش مفهوم ومؤيد كان بيتابعها وهي بتدبل يوم عن يوم بغل لأنها رفضته لما قرر يتجوزها ويسيطر ع ورثها بس طلعت ذكيه ورفضته مؤيد دخل ليها بابتسامه خبث وغل وهي كانت بتهذي. مؤيد: بخبث شوفتي وصلتي لايه عاجبك حالك وانتي ميته بالحياة كده قولتلك تتجوزيني وانا هحميكي من ابويا ولسه عند طلبي اتجوزيني يا سيرا وهنمشي من هنا وهحميكي أنا بحبك. سيرا: بتوهان وضحك هستيري طول ما انا عايشه مش هتجوز واحد زيك حتي لو موتوني انت عايزني علشان تذلوني وتكسروني اكتر ومش هيحصل وافتكروا انكم هتذلوا قدام عاليا لما تخرج. مؤيد: بضحك الظاهر أن عقلك خف اوي وبتحلمي بحاجه مستحيله يا سيرا عاليا عمرها ما هتطلع هتعفن ف السجن وانتي هتبقي ليا باي طريقه. مؤيد خرج وسابها وهي حاولت تخرج وراه بس زقها لدرجه اغمي عليها وقرر أنه يبعتها المستشفي يكملوا عليها هناك أما اياد ف كان بيعمل اي حاجه علشان خروج عاليا والمرة دي النقض بتاعها اتقبل وهي كانت فرحانه أنها هتخرج بس ف نفس الوقت زعلانه علشان الست اللي ساعدتها. عاليا: برضو مصممه مش تحكيلي يا ست تميمه مينفعش كتر الكتمان بيموت وانا مش عايزه ده انتي مش ليكي غير ابنك هو محتاجك ابنك بيحبك والله. تميمه مش نطقت بحرف كل اللي قالته كلمه واحدة وبس. عاليا: بصدمه ايه. تميمه: أنا قتلت جوزي يا عاليا قتلته وانا مش ندمانه ولو جه الزمن بيا هقتله تاني. عاليا: بصدمه ايه قتلتيه طيب ليه لا ده كدب اكيد صح انتي لا ممكن تعملي كده طيب ده بسبب ايه ايه اللي عملوا خلاكي تموتيه. تميمه: بدموع ياااه عمل ايه قولي مش عمل ايه خيانه وذل واهانه وضرب بطريقه وحشيه رغم أنه كان راجل غني بس كان مريض اتجوزني صغيرة ومن اول يوم اهانه وضرب وحاجات بشعه كتير موتني بالحيا ولما عرف اني حامل مكانش همه ابدا ابقي بخير ولا لا المهم يجي الواد اللي يشيل اسمه واملاكه كلها كان بيشغلني زي الخدم مع اني والله حبيته بس التمن كرامتي تتهان تعبت منه اوي وف مرة قالي أنه هيتجوز ويرميني ف الشارع ثورت ف وشه لأول مرة ادافع عن حقي ضربني كتير وكان هيموتني مش دريت بنفسي غير وانا مدخله السكي”نه ف قلبه بس المشكله اياد شاف كل حاجه وبقيت ف نظره واحدة قاتله مش مهم المهم اخد حريتي اللي كان سالبها مني. عاليا كانت بتسمع قصتها بدموع كتير ومش مصدقه أن الست اللي الكل بيعملها الف حساب جواها قهر وحزن الدنيا كله سمعتها للآخر ومش اتكلمت كل اللي عملته قربت منها وحضنتها قوي عاليا مش عرفت تتكلم بس ردت بالحضن يمكن وجع قلب تميمه يهدي وهي كانت بتبكي بصوت عالي عاليا سابتها لغايه ماهديت وتميمه بصتلها. تميمه: أنا عايزة اوصيكي علي اياد خلي بالك منه هو ملهوش حاجه والمفروض تقعدي معاه ف الفيلا بس أنا بعتله جواب وشرطت عليه أنه يتجوزك لو هتقعدي معاه ومش عايزاكي ترفضي ده بس لحمايتك لو عمك فكر يعمل حاجه تمام اعتبريها اول طلب اطلبه منك ومش ترفضيه ارجوكي وحبيه يمكن تلاقي عوضك ف ابني . عاليا مقدرتش ترفض واومئت بالموافقه وبعد يومين عاليا خرجت وشمت هوا الحريه بعد سنين اخيرا بصت قدامها لقته مستنيها وبيبصلها واخدها معاه فيلته ولقت المأذون وتممه إجراءات جوازهم ف وجود شهود وبعد ما مشيوا فضلوا ساكتين واياد اتكلم. اياد: اوضتك هتكون جنب اوضتي داده وداد هتوريها ليكي تعاملنا هيكون عادي وافتكري أن جوازنا مؤقت يعني مستحيل احبك. عاليا: وانا لا ممكن احبك انت أنا هنا ف مهمه محددة هنهيها وهطلع من حياتك بكرة الصبح هروح لعمي وهاخد اختي . اياد: ببرود تمام البيت كله تحت تصرفك بس الجناح الأيمن مش تقربي عليه. عاليا: تمام اي أوامر تانيه تحب تقولها ولا امشي. اياد مش رد عليها ومشي من قدامها أما هي راحت مع وداد ودخلت اوضتها. وداد : لبسك يا هانم عاليا: اولا انا اسمي عاليا مش هانم وتقولي عاليا بعد كده مش بحب الرسميات وبعدين انتي وانا ارتحتلك هتبقي صحاب. وداد: بابتسامه اكيد ده يسعدني. تاني يوم مؤيد جاب ممرضين من المستشفي ياخدوا سيرا وكانت بتصرخ وهما بياخدوها وبتقولهم يسبوها وكانت بتهذي كتير سالم ومؤيد كانوا بيبصولها بابتسامه خبيثه وقسوة ومنظرها وهما بياخدوها كان عاجبهم اوي اتصدموا من اللي حصل . عاليا: بصدمه ايه اللي بيحصل هنا سيبوها واخدتها منهم. سيرا: عاليا عاليا خليهم بسيوني هيموتوني وجوه كانوا بيعذبوني. عاليا: بدموع اهدي اهدي أنا هنا محدش هيقربلك طول ما انا موجودة تمام عاليا بصت لعمها بشر وقربت منه. عاليا: انت تعمل ايه اي حاجه الا انك تبعت اختي مستشفي فاهم. سالم: بصدمه انتي خرجتي ازاي. عاليا: قدر رپنا واعتبرني كابوسك من النهاردة. عاليا: بصدمه ذهان انت بتقول ايه وده حصلها ازاي. الدكتور: بعمليه اكيد كانت بتاخد حبوب ف الاكل او الشرب اياد بيه أنا هعمل التحليل الازم وابلغك ف اسرع وقت . اياد: اكيد هستناك اتفضل انت شكرا ليك الدكتور مشي وعاليا كانت بتبكي ع اختها الوحيدة وبتحضنها. اياد: اهدي هتكون كويسه وهتتعالج تمام . عاليا: بس دي مش بتتكلم ولا بترد عليا سيرا كلميني قوليلي حصل ايه هناك سيرا ردي سيرا كانت باصه للفراغ مش بتتكلم ولا حاسه بحد مش عملت حاجه غير أنها بكت بصوت عالي. عاليا: ببكاء مش هسئلك خلاص اهدي وحياتي عندك اهدي بطلي بكاء ارجوكي طيب اتكلمي طيب . اياد: الظاهر انها مش حاسه بحد ولا عارفه هي بتبكي ليه خديها اوضتك ترتاح وانا هروح الشركه. عاليا قامت وخدت اختها تهديها واياد راح الشركه وبيفكر ف سالم واللي عمله ف اخت عاليا فاق لنفسه وابتدا يشتغل ف الصفقات المهمه دخل ثائر واتكلم. ثائر: بعد اذنك يا اياد بيه ممكن شويه من وقتك. اياد: خير يا ثائر وصلت لحاجه طمني. ثائر: سالم الحريري داخل مناقصه كبيرة حاطط فيها نص فلوسه ودي مع جواد اكمل الورداني وحش السوق الأوروبي. اياد: مش ده اللي ليه شركات ف ايطاليا والمانيا واللي واخد الجنسيه الايطالي بس ايه اللي وصلوا لسالم. ثائر: اللي اعرفه ان جواد كان بيدور ع شريك مناسب ومرساله كان بيدور علي شخص مناسب ورشحوله سالم الحريري . اياد: بابتسامه طب ده حلو ده المناقصه دي ترسي عليا وجواد يبقي ف ضيافتي الايام دي اتواصل معاه وبلغه بده ف حاجه تاني. ثائر: شحنه اغذيه فاسدة هتتسلم بعد تلات ايام هتروح كندا . اياد: يتبلغ عنها ف نفس اليوم أو قبلها لازم المناقصة والتهريب يضيعوا منه. ثائر: تمام يا فندم اللي أمرت بيه هيحصل . عند سالم كان ف مكتبه وهيتجنن ايه جمع بنت اخوه ب اياد الجابوري ومش هيهدي غير لما يعرفه أو يمسك حاجه ع اياد يعتبرها بالنسبالي تهديد لازم يدور وراه مؤيد دخل عليه واتكلم بعصبيه. مؤيد: أنا مهيمنيش هي خرجت أو هربت اللي يهمنا دلوقتي اياد الجابوري وعلاقتهم ببعض واتعرفت عليه ازاي واتجوزها امتي وسيرا لازم ترجع لاني هعرف اتعامل معاها واخد منها نصيبها ف الورث لازم نعرف. سالم: مش دلوقتي معانا مناقصه وتهريب لازم نركز عليهم الاول ونفضي لعاليا واياد فاهم مؤيد المناقص والتهريب مش يضيعوا ابدا لأننا هنخسر كتير فاهم. مؤيد: فاهم مش هيضيعوا. بعد اسبوع واحد من رجاله جواد وصل مصر وكلم اياد فيديو واعتذرله عن عدم مجيه واياد قاله أنه لازم يكون بينا شغل والمناقصه هترسي عليه مش ع سالم واتفقوا ع شويه حاجات ويوم المناقصه سالم خسر نص فلوسه قدام اكمل اللي حضر المناقصة بثقه وكسبها بكل سهوله وسالم كان هيتجنن أن ازاي ده حصل وجواد بلغه بعدم شراكته معاه وف يوم التسليم جه إبلاغ البوليس أنه فيه عمليه تهريب اغذيه فاسدة بتتكلم والعمليه فشلت وسالم كسر مكتبه من الغضب كل ده تحت أنظار اياد وعاليا. عاليا: مش هسئلك عملت كده ازاي بس برافو عليك قدرت تخسره كل حاجه واحبطت عمليه تهريب شكلك ذكي. اياد: مش تستقلي بيا أنا أقدر اعمل اي حاجه المهم اخبار اختك ايه بقت احسن. عاليا: زي ما هي الدكتور مش بلغك بحاجه تاني. اياد: ذهان وهلوسه بس لسه ف أوله يتلحق يتعالج لو وديتها مستشفي. عاليا: لا أنا مش هوديها مكان اخاف يوصلها ويعمل حاجه فيها. اياد: تمام حاجه تاني . عاليا: بصراحه عايزة اتكلم معاك شويه. اياد: بخصوص ايه ولا مش يتأجل. عاليا: بخصوص مامتك انت ليله موت والدك كنت فاهم غلط. اياد: بغضب وايه عرفك يموت والدي اه اكيد هي الفت قصه من عندها وقالتهالك. عاليا: انت فاهم غلط هي كانت ب اياد: ولا كلمه اسكتي مش عايز اسمع الموضوع ده مش تتدخلي فيه. عاليا: لا هدخل علشان دي مامتك وتعبانه بسبب شكك فيها لانك فاهم كل حاجه غلط. اياد: بغضب بقلك اسكتي واياكي تجيبي سيرة الموضوع ده تاني فاهمه. اياد كان ماسكها بعنف وزقها ع الأرض بغضب وقسوة وسابها ومشي وهي كانت بتبكي. جه اتصال وهي قامت ردت لما ردت سمعت اخر حاجه تتوقعها. عاليا: ايه مستحيل. عاليا جاتلها مكالمه من السجن وبلغوها أن تميمه ماتت بسبب ازمه قلبيه ولازم يستلموا جثتها عاليا كانت مصدومه وبتبكي واللي هاممها هو اياد ازاي هتقوله الخبر ده قفلت المكالمه وليست اسود واستنته ورجع بعد تلات ساعات شافها لابسه اسود والدموع ف عينيها واستغربها لأنها كانت لابسه دريس سماوي وحجاب هادي اياد: انتي غيرتي هدومك ليه وبتبكي قوي حصل مع اختك حاجه هي كويسه. عاليا كانت واقفه بتبصله بدموع ومش عارفه تقوله ازاي. اياد: انت قلقتيني خير ف ايه لو كنت انا السبب ف ده أنا اسف اني مديت ايدي عليكي. عاليا مش اتكلمت وهو قلق بس لازم تقوله صحيح هينهار بس لازم يعرف. عاليا: اختي كويسه بالنسبه للبكاء بتاعي ف عايزة اقولك حاجه بس خليك قوي اياد: خير أنا سامعك قولي. عاليا: اياد البقيه ف حياتك وشد حيلك انت هتبقي اقوي والله وهتعدي المحنه دي وانا معاك اياد: باستغراب أنا مش فاهم حاجه بتقولي الكلام ده عاليا: بتردد كلموني من مستشفى السجن وبلغوني أن والدتك مات”ت شد حيلك . اياد سمع كلامها بتوهان وصدمه ومش مصدق كلامها. اياد: انتي بتقولي ايه ده كدب هي صح زعلانه مني بس مش هتهزر الهزار البايخ ده . عاليا: دي الحقيقه انا اسفه . اياد جري بسرعه ع السجن وعاليا راحت وراه ودخلوا مستشفي السجن وشافوها وهي متغطيه والممرض قالهم أنها سكته قلبيه بسبب الزعل . اياد: بدموع ماما قومي ارجوكي أنا آسف أنا مش هزعلك تاني والله ولا هتهمك انك قتلتي ابويا مش هعمل كده بس قومي أنا كنت هزورك واصالحك بس بالله عليكي قومي متوجعنيش اكتر من ما أنا موجوع ارجوكي أنا آسف . عاليا: ببكاء اهدي يا اياد ارجوك. اياد: ببكاء ملحقتش اصالحها واقولها اللي ف قلبي ناحيتها. عاليا: اهدي ارجوك هي ف مكان احسن وهي مسمحاك والله بس اهدي لازم نرجع بيها علشان نتدفن. الممرض: أنا اسف اني قاطعتكم بس هي سابت دول معايا جوابين لكل واحد. عاليا: شكرا يالا يا اياد نعمل تصريح الدفن. اياد قام وهو مش قادر يمشي يطلع تصريح دفن والدته اللي ماتت وهي اكيد زعلانه منه وعاليا كانت مسنداه ومش بتسيبه خلص الإجراءات وهو مش قادر ومنهار من جواهر بس بحاول يبان قوي عمل جنازة لامه ومشي فيها بكل شموخ وقلب مفتت ميه حته ومنهار اوي وعاليا كانت بتستقبل الستات ف العزاء وطول التلات ايام عاليا مش سابته لوحدوا ابدا وطول ثعدته وهو ف اوضه والدته مش بيتحرك ابدا وحاسس بالذنب دخلت عاليا عليه. عاليا: هتفضل لغايه كده امتي هي ماتت وارتاحت بس انت لازم تبقي قوي أنا عرفتك مده قصيرة ومن كلامها عليك انك مش ضعيف ابدا . اياد: اللي مزعلني أنها ماتت وهي زعلانه مني ومش مسمحاني أنا ظلمتها كتير ودلوقتي افتكرت كلمتك لما قولتيلي اني هندم ياريتني سمعت كلامك وصالحتها . عاليا: خد ده جوابك اللي سابته ليك اقراه وفوق لنفسك وهي مسمحاك عمرها ما زعلت منك ابدا. اياد:اكيد لازم تبقي قوي علشان مصلحتك وبس صح. عاليا: مصلحتي قصدك ايه. اياد……. اياد: قصدي انك مش عايزاني ازعل ع امي واتفرغ بس للانتقام من عمك وابنه وبتقولي انك بتحبيها وانتي مش هامك غير مصلحتك وبس اقلعي وش البريئة ده ووريني اصلك وبعدين تستني ايه من واحدة رد سجون زيك انتي. عاليا مش استحملت كلامه واهانته ليها والدموع ف عينيها وضربته بالقلم واتكلمت. عاليا: بزعيق أنا مش من النوع ده ولا عمري فكرت ف نفسي ولا ف مصلحتي ابدا أنا غلطانه اني فكرت فيك اصلا خليك كده ومش هسئل فيك تاني وبعدين محدش قالك تتجوز واحدة رد سجون كنت رفضت طلب مامتك من الاول تمام أنا مش هقرب منك تاني ومش عايزة مساعدة حد وانت خليك ندمان ع فراقها وانت اصلا السبب يا اياد كنت صدقتها من الاول كان زمان مكانش ده حالها. اياد مش استحمل كلامها وبصلها بغضب شديد وضربها بالقلم من كلامها اللي مش استحمله . عاليا: من غير تأثر مش هعاتبك علشان ضربتني لاني اتعودت علي كده وشكرا ع ضيافتك ليا انا واختي. عاليا سابته ومشيت من قدامه واياد قفل الباب بعصبيه وزعل هو مش عارف ليه عمل كده بس مش استحمل كلامها وقرر يعتذرلها تاني يوم أما عاليا راحت اوضتها وفضلت تبكي بحرقه لانه ظن فيها ظن سوء بس قررت انها مش هتقعد وهتمشي من بكرة سيرا صحيت وبصتلها. سيرا: عاليا هو انتوا كنتوا عاملين عزا ليه وبسعاده هو عمك مات صح وارتحنا منه. عاليا: لا مش مات يا سيرا والدة جوزي هي اللي ماتت . سيرا: بس لازم هو يموت علشان نخلص من شره هو دمر حياتنا وموت اهلنا علشان املاك بابا الكتير وسجنك علشان ياخد ورثك من بابا زي ما عمل معايا. عاليا: بصدمه ها وانتي عرفتي ازاي كل ده يا سيرا. سيرا: هو اللي قالي أنه ده السبب وراء معاملته لينا لازم ناخد حقنا باي شكل صح. عاليا: بهدوء اكيد اهدي يالا ونامي . سيرا نامت تاني بس نبهت عاليا علي موضوع ورثها اللي محطوط ف البنك وعمها معرفش هو فين لانه ف البنك المركزي البرازيلي وبما أنها عندها الجنسيه البرازيليه تقدر تسحبهم وهي ف مكانها تاني يوم عاليا عملت اتصالاتها وحولت فلوسها علي البنك المصري بأمان من غير ما معلومه توصل لعمها وحطتهم ف مكان امان هي تعرفه رجعت من برة قابلت اياد بصتله ببرود ومشت من قدامه وهو ناداها. اياد: استني عندك . عاليا: ببرود خير ف حاجه تاني نسيت تقولها . اياد: كنتي فين. عاليا : وبصفتك مين تسال السؤال ده ممكن افهم. اياد: بصفتي جوزك يا هانم. عاليا: ع الورق وبس متنساش ده وبعدين مهتم برد السجون ليه يا اياد بيه. اياد: عاليا أنا آسف علي كلام امبارح صدقيني مكانش قصدي. عاليا: مش هتفرق صدقني انت صح عن اذنك. عاليا مشيت وهو يصلها كتير ونادي منتصر السواق. اياد: منتصر تعالي هنا منتصر: باحترام نعم يا فندم. اياد: كنتوا فين ومش تقولي قالتلك متجيبش سيرة متكدبش. منتصر: بابتسامه من غير ما تقول حاجه حضرتك أنا كنت هقولك بعد ما خرجت هي استئذنتها اعمل حاجه ودخلت استفسرت عن اللي بتعمله. اياد: وعرفت ايه بقي. منتصر: والدها كان حاطط ورثها ف البنك البرازيلي بما انهم واخدين الجنسيه البرازيليه وقدرت بسهوله تحولهم وراحت النهاردة كملت الإجراءات ونقلتهم ف مكان تاني. اياد: تمام روح يا منتصر وشكرا ليك. اياد اعجب بذكائها وأنها امنت فلوسها من عمها ف الوقت ده ثائر اتصل بيه . اياد: فيه جديد . ثائر : حاليا عليه ديون واللي بيوردله الاغذيه الفاسدة غضبان عليه بس هيحاول يكسب النهاردة صفقه الشركه البرازيلي. اياد: شركه برازيلي ثائر الفوج ده تجيبهم عندي أنا عارف مين هيقنعهم نكون مع بعض عند سالم كان ف مكتبه مقهور من الخسارة اللي خسرها دخل مؤيد عليه وبلهقه قالوا لقيتها. سالم: هي ايه دي اللي. لقيتها يامؤيد. مؤيد: بخبث …. سالم: بتتكلم جد مؤيد: عرفت الخبر اللي هيقضي علي اياد ده نهائي وسمعته هتبقي ف الأرض. سالم: ايه هو قولي بسرعه. مؤيد: والدته كانت مسجونه بتهمه قتل باباه واخدت خمسه وعشرين سنه وكان مقاطعها لغايه ماتت امبارح. سالم: بخبث لو كلامك ده لو اتعرف واتنشر سمعته هتبقي ف الأرض بقولك ايه الخبر ده تبعته لاي جريدة كبيرة بس من غير ما حد يعرف انت مين عايز فضيحته تبقي مسمعا مؤيد: اكيد وهيبقي مش عارف يرفع رأسه ونقدر ناخد عاليا وسيرا تاني. سالم: بمناسبه عاليا عايزها باي طريقه اخويا كان كاتب لها فلوس كتيرة حبها هنا عايز اعرف وداهم فين. مؤيد: هيحصل هروح أنا الشركه اشوف الشغل عند عاليا كانت ف أوضتها وبتفكر ف مؤيد وهتعمل ايه معاه بس قررت انها مش ترمي عليه واحدة من الأماكن اللي بيروح لها هتخليها واحدة من الشركه وهي عارفه مين هتعمل كده واتفقت معاها قبل ما ترجع البيت اتصلت عليها واتكلمت. عاليا: ريم نفذي النهاردة حاولي تخليه يوقع علي الورق فاهمه. ريم: حاضر هحاول النهاردة. اياد دخل عليها وهي قفلت الفون وبصلها كتير واتكلم. اياد: ايه خطوتك الجايه ناويه ع ايه. عاليا: مش ناويه علي حاجه مش هعمل غير كده بحلك من وعدك معايا. اياد: يعني ايه عايزة تسبيني دلوقتي وف محنتي دي. عاليا: ما انت كويس اهو وبعدين انت مش محتاجني معاك . اياد: وضحي كلامك يا عاليا ناويه ع ايه بالظبط. عاليا: طيب أنا هقولك نطلق وحقي هعرف اجيبه وهقدر علي عمي وابنه هعمل اي حاجه علشان أظهر براتي. اياد: وده هتعمليه زي ما حولتي فلوسك من غير ما هو يعرف. عاليا: بغض النظر علي مين قلك بس اه هعمل كله لوحدي ياريت تجيب المأذون النهاردة وننهي كل حاجه اياد: بس أنا محتاجك يا عاليا أنا لسه مش اتعافيت من موت امي وكمان اتضح اني كنت ظالمها قريت رسالتها والواضح اني كنت غبي لما ظلمتها كتير ومش عارف أكفر عن ذنبي ازاي وان ابويا هو الشخص اللي المفروض اخاف منه أنا مش عارف اتصرف ازاي. عاليا: بهدوء أنا هبقي معاك لغايه ما تعدي محنتك وانا اخد حقي وبعدها كل واحد فينا ينفصل بهدوء. اياد: تمام. سالم نشر الخبر والكل كان بيتكلم عنه والصحفيين جم عند بيت اياد يستفسره منه وثائر جاله بسرعه. ثائر: اياد بيه فيه صحفيين كتير برة وعايزينك. اياد: صحفيين جايين ليه أنا هشوفهم خليكي هنا. عاليا: لا هاجي معاك نشوف في ايه. اياد وعاليا خرجوا للصحفيين اللي كانوا عاملين جدل كبير وواحد من الصحفيين سأله. الصحفي: اياد بيه صحيح مامتك كانت مسجونه وقتلت والدك ادهم بيه. اياد وعاليا اتصدموا لأن اياد كان مكتم ع الخبر ده ومش عارف اتعرف ازاي وعاليا بصتله وهمست. عاليا: عمي اكيد دور وراك كتير وهو اللي عمل كده. عاليا: بقلق اكيد عمي عملها ودور وراك وعرف اللي كنت مخبيه هتعمل ايه دلوقتي هتخرج من الموقف ده ازاي اي كان قرارك أنا معاك. اياد بصلها بامتنان وبصلهم بابتسامه واتكلم. اياد: بابتسامه ده صح والدتي كانت مسجونه بالقتل بس كان دفاع عن النفس وانا كنت صغير ف الوقت وكنت فاهم أنها قتلته بسبب شئ تاني بس كنت غلطان وانا بقولها دلوقتي أنا ندمان اني كنت ظالمها وماتت وهي زعلانه مني اخدته اللي السبق الصحفي خلاص اتفضلوا مش عايزة اشوف حد ثائر طلعهم برة. عاليا واياد دخلوا جوه وسابوا الكل يتكلم واياد كان مش عارف يعمل ايه ولا يتصرف ازاي ف اللي حصل بس عاليا اتكلمت. عاليا: أنا بعتذر منك مش عارفه ازاي عمي قدر يجيب المعلومه واكيد هو السبب في تسريب المعلومه دي للصحفيين بس الاكيد أنه عمل كده علشان يخليك مش عارف نرفع راسك وسط الناس وسمعتك تبوظ صدقني أنا هحل المشكله دي خلصوا كلامهم وسمعوا صوت ضحك وراهم. سالم: بضحك بصراحه مقدرتش استني يوم كمان علشان اشوف وانت مش عارف تداري علي موضوع والدتك ده ازاي وجيت اشوف بنفسي شكلك هيكون عامل ازاي. عاليا: يعني انت السبب صح. سالم: اه أنا وهخبي ليه علشان تعرفوا تتحدوني ازاي وانت تسخر مني ازاي وعايز اقولك كمان اني سمعتك هتبقي ف التراب كمان اسبوع لما يعرفوا انك متجوز واحدة رد سجون مش تستاهل اصلا. اياد مسكه من باقه القميص واتكلم بغضب كبير اياد: أنا هندمك ع اللي عملته ده وازاي تلاعبني واللي يلعب ضدي يخسر وكتير اوي انت جاي هنا ليه دلوقتي. سالم: تطلق اللي وراك دي وتديهاني هي واختها هما مش ليهم غيري وانا عايزهم علشان فيه مصلحه بينا عاليا: أنا مش جايه معاك ولا هطلق قول عايز ايه ودلوقتي. سالم: كده تمام فلوسك اللي مخبياها فين عايزك تتنازلي عنهم والا فضيحتكم انتوا الاتنين هتبقي مسمعه فاهمه ولا لا. عاليا: ببرود ميهمنيش تعمل ايه وفلوسي مش هتطولها ابدا مش عايز تضمها مع باقي فلوسك مش هخليك تلمحهم ابدا ومش هقول هما فين واطلع برة انت مش تستاهل تبقي عمي اصلا . سالم: طيب هوريكي هتجبيهم ازاي وهندمك ع كلامك ده فاهمه سلام. سالم مشي وهو متعصب من كلام عاليا بس كان مبسوط وهو شايف اياد الجابوري اللي الكل بيعمله الف حساب مش عارف يعمل ايه ف الخبر اللي اتنشر. أما ف الشركه ريم كانت بتدلع ع مؤيد وهو وقع من اول لحظه وطلب أيدها للجواز وهي رفضت وقالتله يمضي الورق ده وكان من ضمن الاوراق ورق تنازل من سالم عن ورث سيرا لأختها الكبيرة وهو وقع من غير ما يقرأ حاجه وهي خرجت وابتسم بحب ليها لأنه شاف نصه الحلو واللي هيخليه يبطل اللي بيعمله ريم بعتت الورقه لمحامي موثوق تعرفه كويس وثق الورقه وبقت ورقه رسميه بالتنازل ده وبعتتها لعاليا اللي ابتسمت لما عرفت أن الجزء الاول من خطتها نجح واياد جه من وراها لاقاها مبتسمه وسئلها. اياد: ف ايه مبتسمه كده ليه حصل حاجه تاني. عاليا: ها ولا حاجه مش تشغل بالك انت قولي هتعمل ايه ف اللي حصل النهاردة اياد: مش عارف متلخبط ومشتت ومش عارف اتصرف ازاي إذا المستثمرين الكبار رفضوا الشغل معايا تاني. عاليا: مش تقلق كله هيتحل ولو ع المستثمرين وضحلهم الأمور وهما اكيد هيفهموا. اياد: اكيد بس قوليلي كنتي مبتسمه ليه عملتي حاجه تاني عاليا: بابتسامه لا متشلغش بالك المهم انت عن اذنك. عاليا سابته وخرجت من الاوضه وهي مقررة أنها مش هتقوله علي اللي مخططاله دي حربها وهتكسبها لحالها وبعدها تبقي تنفصل عنه أما اياد كان مستغرب هي بتخطط لايه ومش عايزة تقول وهو بيفكر حاله اتصال من صاحبه مراد الرويعي. اياد: اهلا يا مراد خير. مراد: انت كويس صح أنا عارف انك كنت تتمني أن المعلومه دي مش تتسرب اكيد عم البنت اللي اضطريت تتجوزها. اياد: اه هو حد من المستثمرين عرف. مراد: أنا بكلمك علشان كده مارك هنري طالب يشوفك هو مش عايز تيجي ايطاليا هو جاي اسبوع مصر وعايز يتكلم معاك . اياد: طيب معرفتش هو مضايق أو لا. مراد: معرفش شكله عادي وقال إنه عايز يقابلك اياد: تمام يجي اي وقت اياد قفل معاه وهو مش قادر يصدق أنه هيخسر أكبر مستثمر للشركه صحيح دي أمه بس شغله هو تعب فيه . عند سالم كان بيرقص علي انغام اغاني هادئه من الفرحه والفضيحه اللي عملها ل اياد وغير كده هو عارف أن المستثمرين بتوعه هيتخلوا عنه. سالم: مش قادر استني أو اسمع خبر أنه خسر المعركه دي اكيد الكل هيسيبوا وانا هشتري شركته تبقي من ضمن شركاتي . وهو بيتكلم دخل عليه مؤمن ومعاه واحدة وشكلها مش يدل علي انها بنت ناس ابدا. سالم: مين دي وداخل بيها كده ليه هي حصلت تعمل قذارتك دي ف بيتي انطق. مؤيد: أنا معملتش حاجه غلط أنا اتجوزتها. سالم: بصراخ اييه اتجوزتها جايبلي واحدة من الشارع علشان تاخد فلوسك وتقولي متجوزها وانتي اطلعي منها يالا دانيا: ببرود وهدوء اولا اتكلم معايا باحترام فاهم مش عايزة اعلي صوتي عليك علشان انت اكبر مني ثانيا أنا واحدة محترمه وجدا ايه مش سمعت عن فاروق المغربي وهو عارف بجوازي واتجوزنا امبارح كمان وابنك كان بيشتغل معانا الفترة اللي فاتت. سالم: بصدمه فاروق المغربي صاحب اكبر شركات الطيران اللي ليها فروع ف هولندا واسبانيا. دانيا: اه . سالم: بطمع يا اهلا وسهلا وف نفسه دي هتبقي اكبر استحواذ ف حياتي افوق من عاليا بس. ومؤيد اخد مراته وطلعوا الاوضه وهو مبسوط لان معاه صيدا كبيرة وهتنقله لوضع تاني كان بيبصلها بخبث وهي مش مدياه اهتمام. مؤيد: اوعدك أنك هتبقي اسعد زوجه ف الدنيا وعلشان أنا بحبك؛ كان هيقرب منها بس صدته واتكلمت ببرود دانيا: بعد عني متقربش مني انت فاهم. مؤيد: باستغراب حصل ايه بس ما كنا حلوين ايه اللي زعلك. دانيا: ايه اللي زعلني ابوك يا بيه اللي كان فاكرني واحدة من الشارع اسمع احنا رضينا بيك علشان الشغل معاك وبس وانا واحدة محترمه وبلغ ابوك بده فاهم . مؤيد: طيب اهدي ممكن ونتكلم بهدوء. دانيا: بعصبيه بلا اهدي بلا قرف بعد عني انت مش هتيجي ناحيتي انت فاهم وروح نام ف اوضه تانيه أنا مش ف الموود بتاعي روح الاوضه التانيه وابقي علم ابوك يا بيه ها اني مش جايه من الشارع أنا واحدة ابوها الناس كلها تتمني تشتغل معاه دانيا سألته وراحت الحمام غيرت هدومها وخرجت لاقته لسه واقف مكانه واتكلمت بعنجهيه. دانيا: انت لسه واقف زي الصنم كده روح من هنا مش عايزة اشوف وشك ف الاوضه دي مؤيد: انتي بتتكلمي كده ليه ما كنتي كويسه. دانيا: كنت قبل ما ابوك يعكرلي مزاجي ويالا اطلع من هنا. مؤيد معرفش يتكلم ف طلع وراح اوضه تانيه وهي بصتله بابتسامه شماته ونصر وطلعت فونها وثواني وصلها صوت الطرف التاني. دانيا: الجزء الاول من الخطه تم وطردته من الاوضه كمان ها اي اللي ف بالك تاني. عاليا: خليكي ع الوضع ده وعامليهم بتعالي وقرف دانيا أنا معتمدة عليكي وتجيبي ليا كل اخبارهم فهماني. دانيا: بابتسامه فاهمه متخافيش هسويهم ع نار هاديه. عاليا: تمام هقفل أنا. دانيا قفلت الموبايل وراحت تنام علشان تبدأ معاهم من بكرة واللي هتعمله فيهم مش هين ابدا. تاني يوم اياد راح شركته علشان يعمل المقابله مع المستثمرين بتوعه وصل وصاحبه قرب منه. مؤيد: اخيرا وصلت مارك مستنيك من بدري وشكله مش مبشر اصلا. اياد: مش تقلق أنا هسيطر ع الوضع. اياد دخل مكتبه لقي مارك قاعد ببرود وبيشرب قهوته واياد قرب منه وقعد قدامه. اياد: صدقني مكنش المفروض اني اخبي انت شغال معانا من ايام ابويا ارجوك متخليش موقف زي ده يهدم اللي بنيناه سوا ارجوك. مارك: مش بايدي انت خبيت موضوع مهم بنسبالك كده احنا مضطرين نسحب تعملاتنا معاك ومفيش حل غير كده. اياد: ليه ده ماضي وانتهي هتحاسبوني علي غلطه خبيتها وبعدين دي والدتي وكانت مظلومه ودلوقتي ماتت أنا كنت مداري عن الموضوع بس سالم الحريري هو اللي نشر الموضوع ده. مارك: مش موضوعنا تعاملاتنا هتسحب من عندك وهنتعامل مع سالم كده كده احنا اتكلمنا معاه وهو مرحب بده. عاليا: بس افتكر حضرتك بعد ما تشوف الملف ده هتغير رايك وقوي كمان . مارك: انتي مين وازاي دخلتي وعايزة ايه. عاليا: أنا زوجه اياد اما بالنسبه ف عايزة ايه ف أنا جايه اوريك الراجل اللي عايز تتعامل معاه علي حقيقته. مارك: قصدك ايه بكلامك ده. عاليا: قصدي ف الملف ده شوفه ونتكلم بعدين. مارك شاف الملف اللي كانت عاليا مترجمه انجليزي واكتشف بلاوي كتيرة من الاغذيه الفاسدة والسلاح ومارك بصلها. مارك: انتي جبتي ده منين وعرفتي عنه كل ده امتي. عاليا: علشان هو عمي وهو من الأصل راجل طماع رماني ف السجن سنين علشان فلوسي ولو اتعاملت معاه انت بنفسك هتوقع ونفوذك هتروح معاك وهتبقي ولا شئ قدامه عايز تسيب اياد اللي تعاملاتكم مع بعض وشغلكم مضمون وتروح لشخص انتهازي وبيحتال ع الكل جاوبني كلنا بنلغط ووالدته ست كويسه دخلت السجن ظلم برضه ها قولت ايه. مارك: تمام وانا مصدقك مش هسيب اياد علشان واحد زي ده انا كنت شاكك فيه وتعامله مش مريح وبشكرك انتي كمان عندك زوجه كويسه يا اياد حافظ عليها. أما عند مؤيد صحي وافتكر أنه ف اوضه تانيه فوق ونزل لقي والده بيفطر ومراته مش موجودة. مؤيد: هي دانيا منزلتش لسه. سالم: مش شفتها بس قولي اتعرفت عليها ازاي وأبوها ثروته قد ايه. دانيا: وانت بتسئل عن ده كله ليه متشوف ابوك يا مؤيد وقله مش يدخل ف اللي مش يخصه سالم: لا مش تفهمي غلط بس علشان لو حبيت نعمل شغل مع بعض وكده . دانيا: لا مش هيشتغل معاك علشان عنده ناس اكبر منك يشتغل معاها ومش هيفضي ليك اصلا ف طلع الفكرة من دماغك. سالم: شوف مراتك يا مؤيد وعرفها تتكلم معايا ازاي أنا سالم الحريري اللي الكل بيعمله الف حساب دانيا: وايه يعني مش حاجه مهمه ف البلد علشان الكل يعرفك لازم تبقي معروف وبالقوي كمان وانت عقل ابوك ويبعد عن ف اللي دماغه. سالم اتعصب منها وابنه ساكت وشايف ده كله جات رساله لسالم واتعصب منها ورمي الفون ع الأرض . سالم: ازاي ده يحصل كل حاجه بتبوظ. مؤيد: حصل ايه تاني. سالم: مارك هنري رفض تعامله معايا وهيفضل مع اياد اللي انا سربتله خبر والدته ولسه عايز يشتغل معاه اكيد عاليا أنقذت الموقف مؤيد لازم تخطف سيرا أنا نعرفهم ازاي يتحدوني. اياد: شكرا ع اللي عملتيه النهاردة انتي انقذتي الشركه من أنها تضيع وكمان خليت سمعه والدتي كويسه. عاليا: مش تشكرني ده واجبي أنا مش هرضي انك تتضر بسببي واو من عيلتي عمي أنا هعرف اتصرف معاه اياد: تمام مش هتقوليلي بردو بتعملي اي من ورايا أو بتخططي لايه. عاليا: أنا هسيبك دلوقتي علشان شغلك ومش هعطلك عن حاجه. عاليا كانت هتخرج من المكتب مراد دخل عند اياد وشاف عاليا. مراد: اي ده هو جالك ضيوف تاني ولا ايه مستثمرة جديدة. اياد: لا دي المدام بتاعتي يا مراد عاليا. مراد: اهلا بيكي مبسوط اني اتعرفت علي زوجه صاحبي. عاليا: بابتسامه هادئه شكرا عن اذنكم أنا هامشي شويه وهروح البيت. ف فيلا اياد سيرا صحيت وكانت متحسنه شويه وبطلت تشوف الهلاوس وحست أنها عايزة تتنفس شويه ونزلت الجنينه بس لفت نظرها بنت صغيرة بتبكي ومحدش من الحرس شافها. سيرا: مالك حد زعلك ولا ايه احكيلي. البنت مش اتكلمت ابدا بس سيرا حست بحاجه بتترش عليها وفقدت الوعي واخدوها من غير ما حد يشوفها وحطوها ف عربيه سودا وودوها مكان بعيد . عاليا بعديها بساعتين وصلت البيت وراحت الاوضه تتطمن ع اختها مش لقتها ف اوضتها دورت عليها ف الفيلا والجنينه ملهاش اثر قلقت عليها وسالت الحرس. عاليا: عصام شوفت اختي ف الجنينه النهاردة. عصام: لا يا هانم ملمحنهاش هنا ومحدش راح ناحيه البوابه هو حصل ايه. عاليا: ف اني مش لاقياها ولا ليها اثر راجع الكاميرات عايزة اشوفها. عاليا شافت الكاميرات ولقت سيرا قاعدة ف الجنينه وراحت ناحيه بنت صغيرة وف ثواني اتخطفت. عاليا: بزعيق شوفت انتوا نايمين واختي اتخطفت ممكن تقولي كنت فين بسببك هي اتخطفت. عصام: أنا آسف يا مدام انشغلنا بموضوع ونسينا نحط حد ع البوابه. عاليا سألته وهي متعصبه واتصلت باياد واياد رد عليها وحكتله وهي منهارة وقلها أنه جاي بسرعه. اياد: حصل ايه يا عاليا مش لاقيه اختك ازاي. عاليا : ببكاء معرفش أنا رجعت مش لقيتها ف اي مكان ولما رجعت الكاميرات لقيتها اتخطفت والحرس قالوا إنهم مشافوش حد انا خايفه عليها. اياد: اهدي هنلاقيها متخافيش ممكن. ف مكان بعيد كانت مربوطه ونايمه من غير ما تحس بحد ابتدت تفوق ومش شايفه كويس بعدها بشويه ابتدت الرؤيه توضح ولقت مؤيد قدامها ومعاه مسدس وبيبصلها كتير نظرات مش مفهومه. سيرا: انت جايبني هنا ليه ومكتفني بالطريقه الوحشيه دي فكني. مؤيد: مش سمعتي كلامي واديكي النتيجه متكتفه قدامي سيرا: فكني يا مؤيد وبلاش تمشي ورا ابوك انت من جواك واحد كويس بس افكار ابوك مسم”مه عقلك فوق قبل ما تخسر كل حاجه وتن”دم بعد فوات الاوان مؤيد: اسكتي ما انتي السبب قولتلك تتجوزيني واحميكي من شر ابويا بس لا انتي رفضتي وخليتي نفسك ف موقف لا يحسد عليه خلاكي واحدة مجنونه واضطريت بسببك اتجوز واحدة من اول يوم بتعاملني بتعالي أنا مش عندك كنت ف نفسي انتقد تصرفات ابويا معاكم واللي عملوا فيكم وخلاني ادور ورا اياد جوز اختك واعرف سره ونفضحه بس اياد طلع نفسه من الورطه دي بمساعدة عاليا ومش قدامنا غيرك انتي علشان تيجي عندنا استحملي بقي. سيرا: انتوا ناس مريضه مفيش حد ف الدنيا بيعمل كده ف اهله ابدا انتوا ناس عمتكم الطمع والسلطه وبس. سالم: القطه الصغيرة بقي ليها لسان بتتكلم بيه أنا هعرف اخرسك ازاي واه أنا واحد طماع مش يهمني غير السلطه وبس يعني مشاعر الناس ف داهيه ودلوقتي نتصل باختك علشان اشوف هتنقذك ازاي. سيرا: أنا بكرهكوا وهتندموا. سالم ومؤيد سابوها بعد ما كمموا بقها وطلعوا من المكان اللي هما فيه وروحوا البيت ودانيا كانت ف انتظارهم . دانيا: ممكن اعرف كنت فين وسبتني لوحدي أحنا لسه عرسان ومينفعش تسيبني حتي لو كان شغل مع باباك انت مش متجوزني علشان تسيبني. سالم: بقولك ايه يا بنت المغربي انتي مش هتتحكمي فينا فاهمه وده ابني مش هتمنعيني منه دانيا: وايه كمان يا سالم بيه ها وبعدين دلوقتي مؤيد شغله مش هيكون معاك تاني هيكون مع ابويا وكنت مستنيا حضرته علشان أقوله أن هيكون دراع ابويا اليمين بس الظاهر انك مش هتنولها طول ما انت مع ابوك خلاص اكلم بابا أقوله اديها لابن عمي عن اذنكم مؤيد: ايه استني انتي بتتكلمي جد صح هكون مساعد ابوكي دانيا: كنت بس دلوقتي مش هتطولها عن اذنك. مؤيد: استني يا دانيا نتفاهم بس؛ بص لباباه بغضب وعصبيه منه ؛ شفت لما بمشي وراك بخير ازاي سبت سيرا وانت خليتها مجنونه ودلوقتي خطفتها ورحت معاك هناك علشان احرسها واخدتني من وسط مراتي علشان اللي ف دماغك يتنفذ وبس ودلوقتي خسرت عرض كبير كان هيفرق معايا وضيعته من ايدي اسمع أنا مش هطيعك مرة تانيه وانتقامك ده اعمله لنفسك وسيبني هروح اصالحها. سالم: اه روح وراها ع الأقل تبقي ف صفنا لما تتكلم مع ابوها عليا ونبدا الشغل. مؤيد: انت مش هتشتغل معاه وكفايه بقي ابعد عني. أما عاليا كانت قاعدة بتبكي واياد جنبها بيواسيها ومش عارفه تعمل ايه وهي متاكده أن عمها ورا الموضوع اياد راح غرفته شويه يعمل حاجه وجاي وعاليا جالها اتصال من سالم سالم: اتصلت عليكي علشان اعرف هتعملي مع خطف اختك عاليا: انت السبب صح اختي فين يا عمي مدخلش خلافاتنا ف اختي هي ملهاش دعوة شوف انت عايز ايه وانا هعمله سالم: اممم تعجبني نبرة الرجاء دي فيكي تجيبي بكرة الفيلا ومعاكي تنازل عن ورثك بورق موثق فاهمه ولو بلغتي اي حد اختك هتموت فاهمه عاليا: بدموع وتردد حاضر اللي انت عايزة فلوس الدنيا مش تسوي المهم اختي. سالم: كده انتي بتسمعي الكلام بكرة الساعه سبعه ف الليل مش تتاخري أما مؤيد راح لدانيا يصالحها ويعتذر منها أنه سابها ومش فرحته بالخبر الحلو بتاعها وهي مش راضيه تسمعله. دانيا: مؤيد مش تحاول المنصب راح لابن عمي وخلاص طول ما انت ماشي ورا ابوك وهيخليك تحت ومش هتطلع ابدا ف قولي هتفضل مع ابوك وتخليك تحت خالص ولا تبقي معايا وتكون فوق اوي. مؤيد: لا مش هبقي مع ابويا تاني أنا هسمع كلامك من النهاردة دانيا: بابتسامه برافو خد العصير ده عملته ليك مخصوص. فاوضه اياد كان سامع كل حاجه والظاهر أن مراته وقعت نفسها ف مشكله ومش هينفع يسيبها. وعاليا حضرت الاوراق المطلوبه وتوكيل التنازل عن ورثها علشان تديه لعمها هي خلاص مش باقيلها حاجه غير اختها هما اذوها بس هي هتنهي الاذي ده تاني يوم عملت كام مشوار يخصوا ورق الورث وكل ده كان مراقبها اياد وساكت وع بليل جهزت كل حاجه واستعدت علشان تروح وقفها اياد وهي ع السلم. اياد: انتي رايحه فين دلوقتي رايحه لعمك صح قررتي تسمعي كلامه المرة دي وتروحي لفخ هو عامله ليكي. عاليا: انت بتراقبني وبعدين ملكش حق تتدخل في اموري أنا كل اللي يهمني اختي وبس اللي مش ليها ذنب ابدا ان يكون عمها واحد مبعرفش الرحمه تغور الفلوس بس المهم اختي بعد عني. اياد: مش هتروحي مكان يا عاليا أنا خايف عليكي ارجوكي خليكي هنا واختك هجيبها. عاليا: بعد عني قلتلك متدخلش ف اموري فاهم أنا وأنت مفيش حاجه بينا علشان تساعدني هخلص اللي بعمله ده وننفصل فاهم بعد. عاليا مشيت من قدامه وهو مش عرف يوقفها بس طلع وراها وهي وصلت بيت عمها اللي كان ف استقبالها. سالم: بابتسامه اهلا يا بنت اخويا ف بيتي جبتي اللي قولتلك عليه ولا حياه اختك مش مهمه. عاليا كانت مش مركزة معاه وكانت بتبص ع البيت اللي باظ بسبب عمها والدفا والفرح اللي ف البيت راحوا مش شايفه غير ك”ره وبس اتنهدت بصوت مسموع وبصتله. عاليا: ولا عمره هيكون بيتك ده هيفضل بيت ابويا واحنا أصحابه اللي طردت”نا منه فاهم سيرا فين. سالم: مش قبل ورق التنازل تديني الورق اللي يثبت انك متنازله عن ورثك كله اختك تكون ف حضنك. عاليا: تمام هديهولك بس قبل ما اعرف حاجه بس سالم: واللي هي ايه . عاليا: انت بتكرهنا ليه ابويا كان بيحبك اوي عاملك كويس بس انت مصنتش ده كنت بتغير منه هو انت فعلا قتلته. سالم سمعها وضحك عليها ولما خلص بصلها. سالم: بابتسامه اممم اه عملت كده ومش ندمان. عاليا: بدموع طيب ليه عملك ايه خلاك تقت”له بد”م بارد ده اخوك الوحيد. سالم: اخويا الوحيد اخويا الوحيد ده ابويا كان بيفضله عليا فرق ف المعامله بينا من واحنا صغيرين علطول كان بيقارني بيه خليك زي اخوك شوف اخوك عمل ايه اعمل زييه دائما سليمان سيلمان كأنه مفيش غير سليمان ف الدنيا جربت اعمل حاجه صح بس ابويا برضو معجبهوش الموضوع ومعدلش بينا بعد ما م”ات اداله نصيب كبير وانا شويه فتافيت سليمان قلي نشتغل ونكبرهم مع بعض بس هو رفض قلتله اديني نصيبي الشرعي قلي بالنص انت مش هتعرف تحافظ عليهم كرهت*ه اكتر واكتر كنت بحاول ااذيه ف شغله كان بيحب المشكله عرضت عليه اخد ورثي تاني ووعدته اني مش هضيعه هشغله رفض بحجه أنه بيحمي الفلوس دي واني لسه مش قدها. مش سابلي فرصه غير أنه يم”وت ف اليوم ده انا فكيت الفرامل كان راجع من الشغل والعربيه اختل توازنها وخبط ف عربيه نقل كبيرة وم”ات حاولت اخد فلوسه تاني واكتشفت أنه كان كل حاجه لأولاده واه أنا اللي حطيت الك”وك ف العربيه وبلغت عنك واتحبستي واختك خليتها معايا وعاملتها اسوء معامله وخليتها من غير ما تعرف تتنازل عن ورثها. عاليا : بدموع ياااه كل الغ”ل والس”واد ده فيك انت خليت ايه للناس التانيه غل”ك وصلك لقت”ل اخوك ودم”رت مستقبل بناته علشان بس الفلوس والغيرة انت لا يمكن تكون شخص كويس ابدا انت تستاهل الم”وت. سالم: اخرسي وبلاش كلام كتير وهاتي الورق خلينا نخلص. عاليا طلعت الورق ورمته ف وشه . عاليا: خد ده اللي انت عايزه ياريت تبقي مبسوط بطمع*ك ودلوقتي فين اختي. سالم: هبعتهالك بس لما تموت”ي مفضلش بس غير انكم تموتوا علشان محدش يسئلني عليكم تاني. سالم كان رافع المسدس عليها وهيض”رب طل”قه بس ف طل”قه من مس”دس تاني خرجت وإصابات ايد سالم ودي كانت من البوليس ومعاهم اياد اللي كان خايف عليها. اياد حضنها واطمن عليها والشرطه مسكت سالم بعد ما سمعت كل حاجه. عاليا: ازاي عرفت مكاني وجبت البوليس معاك. اياد: حاطط جهاز تتبع ف شنطتك وكمان كلنا سمعنا كل حاجه بسبب الميكروفون اللي ف لبسك ده . عاليا: أيوة بس معرفتش مكان سيرا انا خايفه عليها. دانيا نزلت من فوق وقالتلهم مكانها ووصلوا المكان وجابوها وكانت خايفه. سالم اتحبس واتحول وللمحكمه واتحكم عليه بالاع”دام واتبرأت عاليا من تهمه الك”وك واخدت حريتها الكامله ورجعت كل حاجه لاصلها البيت والشركه ومجموعه شركات عمها باعتها أما مؤيد ف اتقبض عليه بتهمه أنه شريك أبوه ف كل جرائمه ودانيا سافرت برة البلد بعد ما أطلقت من مؤيد بحكم المحكمه . سيرا: اخيرا خلصنا من الكابوس ده ومش همبقي تحت رحمه حد صح. عاليا: أيوة كل حاجه انتهت وحقنا رجع واخيرا وعمك اخد جزائه. سيرا: طيب احنا هنفضل هنا ولا ايه. عاليا: اه الشركه أنا صفيتها وهنروح هولندا ونبدا من جديد سيرا: طيب وجوزك هيرضي بده هو ساعدك ف الموضوع ده وبعدين شكله بيحبك. عاليا: حبيبتي اللي بينا كان مصلحه جواز وبس هو ساعدني مش اكتر وبعدين احنا هنطلق النهاردة ونروح هولندا علطول. اياد: ومين قال إنكم هتسافروا أنا وقفت إجراءات السفر بتاعتكم عاليا: ومين سمحلك بكده بصفتك اي بالظبط اياد: بصفتي جوزك ومش موافق ومش هطلق”ك علشان بحبك يا عاليا عايزك جنبي عاليا: وانا مش عايزة ابادلك الشعور ده انا اسفه يا اياد جايز ف يوم يمكن ارجع واعطي لقلبي فرصه ليك بس أنا مش ببادلك شعورك ده دلوقتي. اياد: خلاص مش تبادليه هستناكي بس مفيش سفر وشركتك وقفت تصفيتها وهولندا هنطلع ليها إجازة. سيرا: خلاص يا عاليا شكله بيحبك اوي اديله فرصه خلينا نعيش مبسوطين. عاليا اختارت أنها تقعد ف مصر بس قلبها مش مفتوح ل اياد يمكن ف يوم تحبه بس ف الوقت الحالي لا بس الاهم أنهم ف سلام واحترام متبادل بين عاليا واياد وعايشين بعيد عن شرور الدنيا . تمت

مقالات ذات صلة

ورقة جواز عرفي الجزء الثاني

سيد القمر الأسود بقلم زينب مصطفى الجزء الخامس

كوخ باخر المدينة بقلم ساره محمد الجزء الأول

صفقة زواج بقلم سهام صادق الجزء الثاني

اللصة بقلم منة فوزي الجزء الأول

رحم للايجار بقلم انجي الخطيب الجزء الرابع

اترك تعليقاً إلغاء الرد