زوجي العزيز عفواً لست قاتلة بقلم منال جميعى. الجزء الخامس

لم تدري بما تجيبه فكيف له ان يسأل مثل هذا السؤال من الأساس طال صمتها فصر…..خ فيها قائلا..انتي مابترديش عليا ليه

اسرعت مشيرة تجيبه قائلة..عايزها تقولك إيه بس مش قادرة تتكلم طبعا ولا تنكر عملتها السودة

صمتها اكد له كلام مشيرة فاسرع قائلا بإستنكار..ليه يا يمنى ليه استكترتي عليا الفرحة عايزة تحرميني من إحساس بقالي اد ايه نفسي احسه ومش طايل معقول الغيرة عمت قلبك للدرجةدي…طيب لما انتي غيرانة ومش مستحملة قولتيلي اتجوز ليه

ثم اردف قائلا بصوت اشبه بالصراخ..ما تردي عليا

ترقرقت الدموع في عينيها وهي تستمع لإتهاماته الظالمة حتي استطاعت أن تتحدث اخيرا قائلة..أنا يا عمرو أنا اقـ,ـتل ابنك  انت تصدق ان أنا اعمل كده  طيب ازاي كنت عايزة اقتـ,ـله وأنا اللي قلتلك اباركلها فالتليفون  وانت اللي قلتلي روحي زوريها

شعر انه تسرع في إتهامها فهدأ من نبرة صوته وهو يقول..امال إيه اللي انا شوفته ده

لم تمهلها مشيرة فرصة للرد فاسرعت تجيبه قائلة..متصدقهاش يا عمرو دي كدابة دي كانت عايزة تنزله عشان تنتقم مني عشان انا اول مشوفتها عرفتها وهددتها إني اقولك على الحقيقة اللي هيا مخبياها عنك

التفت إليها قائلا بشك..حقيقة إيه دي

اسرعت تطرق الحديد وهو ساخن فاردفت قائلة ..حقيقة انها على علاقة بعماد ابن خالها وانا بنفسي شوفتها قبل كده داخلة وخارجة من شقته اللي فوش شقتي القديمة على طول فالأوقات اللي مراته كانت فيها بره البيت وفكرت كمان اني اقول لمراته بس قولت بلاش اخرب عليها ودلوقتي لما شوفتها وعرفتها وقولتلها اني هقولك على الحقيقة قعدت تضر…ب فيا عشان تسـ,ـكتني وتنتـ,ـقم مني فابني وابنك اللي بقالك كتير بتحلم بيه ومستنيه ولو مش مصدقني تقدر تسألها إذا كانت راحت شقة عماد قبل كده ولا لأ وهي مش هتقدر تنكر ولا تقول عليا كدابة

شعر عمرو أن دماء جسده قد اند….فعت جميعها لتستقر في دماغه الذي صار عاجزا عن التفكير التفت إلى يمنى في محاولة منه للحصول على أمل أخير في ان يكون كل ما سمعه كذبا أو وهما أو ربما أضغاث أحلام  بادرها قائلا والشرر يتطاير من عينيه..يمنى انتي روحتي شقة عماد قبل كده

ازدردت لعابها بصعو…بة ثم قالت بخفوت..عمرو اديني فرصة بس افهمك

لم يمهلها وصر…..خ فيها قائلا..ردي عليا روحتي عند عماد قبل كده