تزوجت حبيبة اخي..بقلم اسراء هاني.الجزء السابع.

زادت من ضم كتفه على ص.درها و قالت .. ولا اي قوة في الدنيا ولا اي حاجة ممكن تبعدني عن حبك وحضنك

ربما اطمئن قلبه قليلا لكنه كرر السؤال خوفا .. يعني ايه اللي ممكن يخليكي تغيري فكرتك وتبعدي فكري شويا يا ندى عشان خاطري

ندى بقلق .. في ايه يا اسر هو في وحدة تانية ظهرت بابن تاني

ضحك بشدة عليها وقال..  لا يا روحي انا مليش غير ندى بنتي وندى مراتي وبس

نظرت للخوف بعينيه وقالت وهي تقبل باطن يديه .. احكيلي اللي مخوفك يا اسر يمكن اطمنك ونحل الموضوع مع بعض

جنون الحب تحاول بشتى الطرق الحفاظ عم من تحب لكنك من شدة حرصك قد تضيعه تغير كثيرا ليس بحبه بل زاد اضعاف مضاعفة ربما لو وزع حبه على بلاد لكفاها لكن تغييره كان بعصبيته توتره ومشغول طوال الوقت لكن ما أن اتت امامه ارتمي بحضنها ينسى كل شئ استيقظت لم تجده بجوارها كما اصبح اخر فترة تنهدت باستغراب وهمست بقلق … یا تری یا أسر اللي مغيرك مشغول في ايه كل ده

هبطت تبحث عنه بالأسفل كان مشغول عاللاب توب متعصب جدا نظرت اليه طويلا وكيف تبدل حاله و مزاجه مشت ناحيته بخطوات متأملة ملامحه التي تخفي وراءها شيئا اشتم عبيرها رفع عينيه ينظر اليها اغلق لاب توبه بقلق وابتسم لها بحب

قالت بعشق…مبقتش اصحى الاقيك في حضني بتتأمل فيا زي الاول انت ما بقتش تحبني ولا ايه

تأمل عينيها التي عشقها بشدة دون أن يتكلم فقط عينيه تخبرها انها جنونه وهوسه

تنهد ثم همس ..عارفة يا ندى كنت احضر أفلام واسمع قصص ازاي واحد ممكن يحب وحدة لدرجة الجنون يموت نفسه عشانها يعمل اي حاجة عشانها كنت اضحك عليهم أساسا اي وحدة كنت اعرفها كنت ازهق منها بساعتها ايه اللي ممكن يخليهم مجانين كدة

نظرت له بعشق وقالت … كمل يا روحي و دلوقتي ايه

سكت قليلا ثم قال . دلوقتي لقيت اللي كان يقولوا تافه بالنسبة للي بحس بيه لقيت انه مقدروش يعبروا عن حبي لا مجنون ليلي ولا عنتر وعبلة ولا حد

هبط قلبها بشدة من كلامه سرت بقلبها رعشة لذيذة قالت بعشق .. ليه كل ده معقول انا استاهل كل الحب ده

همس .. تستاهلي حياتي كلها خطفتي قلبي معرفش ليه مع اني شوفت أجمل الجميلات

قبضت بيدها على عنقه و قالت بحدة .. كل شويا شوفت وقابلت ومعرفش ايه عرفنا انك كنت عنتيل

اسر بصعوبة بسبب خنقها له .. قصدي انه مفيش زيك النكد بدمكم يا حواء