تزوجت حبيبة أخي..بقلم اسراء هاني.الجزء الاول.
محمد .. بنورك بس قولي اذا عملت اي حاجة وانا اكسر دماغها
عمر بنفسه .. دي قطعت قلبي من الخوف الحمد لله جت سليمة
اسراء .. القهوة يا فندم
عمر .. اقعدي يا اسراء ده اخوكي مفيش حد غريب
اسراء ..انا زهقانه منه في البيت عشان اقعد معاه هنا كمان
محمد بضحك..بقى كدة وحياتك لاكلك بس تروحي
وقام من مكانه جري وراها فجرت منه ووقفت ورا عمر وضغطت بايدها على كتفه نزل عيونه وبص لايدها وهي على كتفه غمض واخد نفس عميق حس بقلبه بيدق بسرعة وجسمه اتخدر ودرجة حرارته عاليه لانها اول لمسه بينهم وعندها عرف فعلا انه يحبها وعايز يرتبط بيها
عند سامر كان نايم ومتأخر دخل أحمد يصحي فتح الستاير وقرب منه علشان يصحيه
سامر.. حاضر يا حبيبتي
أحمد .. حبيبتك
سامر .. سبيني يا قلبي نايم شويا ولا اقولك تعالي في حضني
وسحب ايد أحمد وكان في حضنه فأحمد حب يعاكسه وقال له.. اما انك واحد … قولي اجي فين يا محترم
سامر اتخض واتقلب من على السرير وسأله بصوت مضطرب.. انت مين
أحمد .. انا اللي كنت عايزني اجي في حضنك
سامر .. يخرب بيت فصلانك يا اخي اما كان حتة حلم اتمنيت يكون حقيقي
أحمد .. حلم من اللي بالي بالك صح ولا حلمت بيا
سامر بضحك .. لو كنت حلمت بيك فـ ده هيكون كابوس مش حلم
أحمد بعصبية مصطنعة.. طيب قوم يا حلو علشان انت تأخرت واحنا عندنا اجتماع عموما انا هسبقك على هناك بدل ما انا وانت نبقى متأخرين. سلام يا محترم.
سامر فاق وبص للساعة لقى نفسه اتأخر دخل الحمام ولبس بسرعة وخرج بسرعة وركب عربيته وساق بسرعة فالوقت دا تليفونوا رن مد ايده عشان يجيبه وقع منه فالدواسة وطى راسه عشان يجيبه مأخدش باله من العربية اللي جاية قصاده ومنتبهش الا بعد فوات الاوان وهي بتخبطفيه وقلبت عربيه بيه….يتبع..
