تزوجت حبيبة أخي..بقلم اسراء هاني.الجزء الاول.
سارة .. هو اتعمد يخرج لما انا جيت صح
أحمد.. لا هو قال قبل شويا هراجع الورق واسلمه ضروري
سارة .. هو في حد في حياته
أحمد .. احم مش عارف اسأليه
خرج سامر من المكتب وراح قعد في الكافيه ومسك هاتفه ينظر في صورها وهو بيردد.. وحشتيني
في الشركة ذهب عمر الشركة وهو يرتدي بدلة كحلي وقميص ابيض دخل المكتب وهو بيبتسم وعينيه تبحث عنها واول ما شافها قال.. صباح الخير
اسراء .. صباح النور
عمر .. احم ممكن تبعتيلي القهوة
اسراء .. أكيد يا فندم
فجاة دخل محمد .. صباح الخير
افتاجأت اسراء من وجوده وقالت .. اهلا يا حبيبي بس غريبة يعني انك جاي هنا قولي انت جاي تعمل ايه
محمد .. تصدقي عرفت جديد انك بتشتغلي عند عمر
اسراء .. وانت تعرفه منين بقى
محمد .. ده صاحبي ودفعتي بس شاب ناجح ودغري ومحترم
اسراء .. ازاي صاحبك ويبقى محترم
محمد بضحك .. بقى كدة طيب لما اخرج هبقى اوريكي
خرج عمر من مكتبه وشافها تضحك معاه بشدة فقال بغيرة ووجهه قلب الوان .. اهلا محمد مقولتش يعني انك جاي
محمد وهو بيمسك ايدها ويضغط عليها .. جيت اشوف الغلسة دي وأصبح عليك ربنا يكون فعونك انا بجد مش عارف انت ازاي متحملها
اسراء .. بقى كدة انا مش فاهمة يا استاذ عمر حضرتك ازاي مصاحب أشكال زي دي
محمد .. أشكال ايه يا حبيبتي عموما ماشي حسابي معاكي بعدين
عمر كان بيشيط من جواه لان حركاته معها بتقول انهم عاشقان فهل اخطأ في اختياره هنا تبدلت ملامحه وقال بجدية..اتفضل يا محمد ولو سمحتي يا اسراء اطلبي لنا اتنين قهوة
اسراء .. حاضر
دخل عمر المكتب وفي رأسه الف سؤال.. محمد قعد وقال له.. ازيك يا بوص ما شاء الله شركتك جميلة جدا دايما متألق
عمر .. ميرسي يا صاحبي
محمد .. مقالتش البنت المفعوصة انك مديرها كنت وصيتها عليك
عمر بضحك مصطنع .. ربنا يخليهالك بس اسراء مقالتش انها مرتبطة
محمد باستغراب .. مرتبطة مين قال انها مرتبطة
عمر .. احم قصدي انك يعني تبقى خطيبها او جوزها
محمد بضحك..يا راجل انا متجوز ومخلف
عمر..اومال ايه اوعى تكون بتضحك عليها
محمد وهو يضحك بقوة..لا انت فهمت غلط بس دي قلبي من جوة لو كانت تجوزلي كنت اتجوزتها من زمان
عمر بغيظ .. ومتجوزلكش ليه
محمد..انت بجد متعرفش انها اختي
عمر بفرحة.. اختك
محمد .. اه اختي الصغيرة حتة من قلبي
عمر وقلبه يرقص فرحا .. يا جدع نورت الشركة والله
