تزوجت حبيبة أخي..بقلم اسراء هاني.الجزء الاول.
عمر بخضة .. تعالي يا غلسة دايما تعمليها فيا
مسكها وصار يزغزغ في جسمها وهي بتضحك بصوت عالي.. بس بس خلا انا اسفة مش هعيدها
عمر .. ماشي المرة دي سماح
ندى .. يلا احكي
عمر .. احكي ايه
ندى .. سرحان في ايه
عمر بخجل .. في ايه
ندى .. يا رب يكون اللي في بالي مظبوط
عمر .. وايه اللي في بالك يا ام لسانين
ندى .. وحدة بنت صح احكيلي شكلها ايه عندها كام سنة عرفتها ازاي احكي اقولك قوم نتقدملها
عمر وهو يضحك بقوة .. نتقدملها كمان خلاص بقى في وحدة وهنتقدملها كمان
أم عمر .. انت عارف يا ابني انه دي امنيتي اجوزك واشوف عيالك
قام عمر من مكانه باس ايدها وجلس بجانبها حبيبتي .. ايه قومك وانتي تعبانة
أم عمر .. انا كويسة بس قولي انك نويت
عمر .. ان شاء الله يا أمي بس خليني اتأكد من اني بجد عايزها
أم عمر .. اذا البنت كويسة ايه المانع
عمر .. ما هو انا هتأكد من كل حاجة بعدين هقولك يلا يا أمي نتقدم لها
أم عمر.. يا رب يا ابني يا قلبي يا رب
عمر .. يلا بقى تصبحوا على خير
عمر دخل ينام وكان من جوا مبسوط انه ممكن فعلا ينوي يتجوز بعد ما سنه عدى ال٣٠
ندى .. يا ما نفسي اشوفها اللي خلتك تغير رأيك بعد كل السنين دي
أم عمر .. انا كنت يئست من ساعة ما نور ماتت وهو قافل قلبه ورافض الزواج نهائي
ندى .. ان شاء الله هيتجوز ونفرح بيه
أم عمر .. أن شاء الله هو واخوه سوا يارب
ندى.. يا رب يا أمي
احمد .. ايه يا ابني
سامر .. ايه في ايه
أحمد.. ما انت شايف البنت هتمو….ت عليك وبتتشقلب قدامك وانت ولا هنا
سامر .. بنت مين
احمد .. سارة ولا عامل نفسك مش واخد بالك
سامر بضحك .. يا راجل ما تاخدها انت
أحمد .. يا ريت بس هي مش شايفاني خالص
سامر بجدية .. انا مش شايف ولا هشوف غيرها وكلها شهرين انزل اكتب كتابي اتجوزها واجيبها هنا جنبي أكمل العقد براحتي
أحمد بتنهيدة .. اممم طيب بس حن على البنت دي على ما تروح تتنيل تتجوز
سامر .. لا طبعا مش انا اللي اعمل كدة ليه اخليها تتعلق فيا وانا ولا عمري هأفكر اتجوزها
أحمد .. انت حر
دخلت سارة المكتب لانها بتشتغل معاهم في نفس المكان وقالت وهي بتبص لسامر ..صباح الخير
سامر رد وعينه على الورق.. صباح النور
و مسك الورق وخرج بحجة تقديمه للمدير وفالوقت دا لاحظ أحمد حزنها الشديد .. احم اعملك نسكافيه معايا
