سكريبت شاكر وفريدة بقلم زينب سعيد القاضي
شاكر:بس انا اهم من ده كله خليكي قاعدة معايا.
فريدة :فعلا انت أهم من ده كله يا حبيبي بس انا تعبانة فعلا ومحتاجة ارتاح.
شاكر :ماشي يا فريدة قومي نامي براحتك.
فريدة :طيب تحب اعملك قهوة او حاجة تشربها.
شاكر:لا روحي نامي شكرا.
فريدة:تصبح علي خير.
شاكر:وأنتي من أهله..
مشيت فريدة وقعد شاكر زعلان .
………
في الصباح.
حضرت فريدة الفطار وأخدت ولادها ودتهم الحضانه ورجعت راحت تصحي شاكر.
فريدة:أصحي يا علي يلا يا حبيبي عشان تفطر وتروح الشغل.
شاكر صحي وقعد علي السرير :الساعة كام ؟
فريدة :الساعة تسعة يا حبيبي.
شاكر:تمام.
بعد شوية.
شاكر قعد علي السفرة وفريدة علي مكنة الخياطة.
شاكر:فطرتي ؟
فريدة:اه يا حبيبي أفطر انت الف هنا علي قلبك.
شاكر:هو كل يوم اكل لوحدي ؟
فريدة:غصب عني والله يا حبيبي الولاد مش بياكلوا من غيري.
شاكر:وأنا جوزك يا هانم يعني المفروض ابقي اهم من شغلك وعيالك وكل حاجة.
فريدة:انت بتقول ايه يا شاكر طيب اهم من شغلنا حاضر لكن اهم من ولادك الي هما حتة منك بدل ما تبقي فرحان بده تبقي مضايق.
شاكر:افرح بايه يا هانم وانا اخر إهتمامتك يا هانم ؟
فريدة:انت بتهزر صح ؟
شاكر قام وقف: لا مش بهزر بتكلم جد ولا أقولك أنا ماشي بدل حرقة الدم.
……..
في المحل.
دخل شاكر لقي مروة واقفة بتشتغل مع الشباب .
صبح عليهم:صباح الخير.
الشباب :صباح النور.
شاكر :الشغل أخباره ايه ؟
آحد الشباب احمد:تمام يا أستاذ شاكر الشغل كويس جدا.
شاكر :طيب الحمد لله
احمد:بس في طلبيات كتير علي الموديل الجديد الي مدام هناء أعلنت عنه.
شاكر:تمام هي شغالة عليه وقريب جدا هينزل.
احمد:طيب كويس جدا.
شاكر بص لمروة:اية يا مروة ساكته ليه ؟
مروة:احمد قال كل حاجة يا فندم .
شاكر:بقي كده تمام انا رايح مكتبي لو فيه شغل أو حاجة جديدة بلغوني.
احمد :تمام يا استاذ احمد.
……….
في المساء.
شاكر رجع البيت لقي فريدة قاعدة مستنياه لابسة فستان حلو.
شاكر:سلام عليكم.
فريدة:وعليكم السلام يا حبيبي .
شاكر:انتي خارجة ولا ايه ؟
فريدة:لا يا حبيبي قاعدة مستنياك.
شاكر :بجد ؟ ده أيه الرضا ده كله يا هانم من امتي ؟
فريدة:من دلوقتي.
شاكر:لا كتر خيرك يا هانم الإهتمام مش بيطلب.
فريدة:في ايه بس يا شاكر قولي ايه الي يرضيك.
شاكر:مش عايز حاجة منك انا رايح أتخمد.
فريدة:أستني يا شاكر انا عايزة أفهم فيك ايه ؟ ايه الي مغيرك كده من ناحيتي .
