سيد القمر الأسود بقلم زينب مصطفى الجزء الخامس

الفصل العشرين رفعت حبيبه عينيها برهبه وهي تنتبه فجأه على صوت عمر وهو يقول بغضب حاد.. =دي شركة فورمي للتصميمات..والا انا غلطت في العنوان.. وقف ياسر وهو يقول بهدوء =ايوه فعلا هي دي شركة فورمي للتصميمات ..اي خدمه ياافندم اقترب عمر من ياسر ثم مد يده محييٱ ومعرفا بنفسه بهدوء =عمر الرشيدي..صاحب مجموعة الرشيدي للمقاولات وحديد الصلب انتفض ياسر مرحبا وهو يمد يده لعمر =اهلا وسهلا يا افندم حضرتك مش محتاج تعرف عن نفسك .. ثم تابع باهتمام اتفضل معايا لاوضة المكتب التانيه تجاهله عمر وهو يجلس في مقابل حبيبه التي تجلس وهي تكاد تستشيط من شدة الغضب و يقول ببرود.. =مفيش لزوم المكان هنا كويس ..المهم خلينا نتكلم في الي انا جاي فيه جلس ياسر في المقعد المقابل له وهو يقول باهتمام .. =اتفضل يا افندم.. ده شرف كبير ان حضرتك شرفتنا بنفسك.. نظر عمر للمكان من حوله بتقييم وهو يقول بهدوء =انا سمعت كتير عن شغلكم من المدام و.... انتفضت حبيبه واقفه وهي تقاطعه بتوتر.. =ياسر ..مش تطلب لعمر بيه حاجه يشربها الاول.. انتفض ياسر واقفا وهو يقول بحرج... =عندك حق ..انا اسف جدا..قهوتك ايه يا عمر بيه تأمل عمر حبيبه بتسليه وهو يدرك مقصدها ثم قال بهدوء.. =ساده ..قهوتي ساده.. ياسر بابتسامه لبقه .. =طيب عن اذنك ثواني .. ثم خرج وتركهم لتنتفض حبيبه واقفه بغضب =ممكن تقولي انت بتعمل ايه هنا.. عمر بغضب مكتوم وهو يتجاهل سؤالها.. =انتي الي تقوليلي ايه الي مقعدك لازقه فيه بالشكل ده و قاعده لواحدك معاه ليه ..فين بقية الي شغالين معاكي .. حبيبه بارتباك وتحدي.. =وانت مالك اقعد معاه لواحدنا والا لازقه فيه انت ايه الي يخصك.. ارتفع صوت عمر وهو ينفجر غاضبا.. =بتقولي ايه ..طب قدامي على البيت ..والخرابه دي انا هاهدها على راسك وراس الي شغالين فيها واولهم البتاع الي كنتي قاعده جنبه شحب وجه حبيبه بشده وهي تدرك جدية تهديده فشعرت بالدوار يستولي على رأسها فحاولت التمسك بحافة المكتب وهي تهمس بخوف .. =عمر... انتبه عمر فجأه لهمسها ووجهها الشاحب ومحاولتها التمسك بحافة المكتب فتمسك بها يسندها وهو يقول بخوف وقد تناسى غضبه من شدة خوفه عليها .. =حبيبه مالك ..حاسه بإيه يا حبيبتي.. حبيبه بضعف وهي تسند رأسها للمكتب =مش عارفه مالي حاسه الدنيا بتدور بيا.. فتح عمر حقيبة الطعام الصغيره الخاصه بحبيبه واخرج منها زجاجة عصير صغيره فتحها وهو يقربها من شفتيها بتوتر. . =خدي .. حاولي تشربي العصير ده وهتبقي كويسه.. ثم قرب العصي بتوتر من شفتيها في حين ارتشفت حبيبه قليلا..قليلا. من العصير حتى اختفى دوار رأسها فإبتسمت بتوتر.. =خلاص الحمد لله انا بقيت كويسه تنهد عمر براحه ثم قال بهدوء =طيب لمي حاجتك اروحك علشان ترتاحي... ليتفاجأ بها تمسك يده فجأه برجاء وعينيها تلمتع بالدموع =علشان خاطر اغلى حاجه عندك يا عمر بلاش تعمل حاجه تئذي بيها الي شغالين هنا هما ملهومش دعوه بالمشاكل الي بينا وانا ماصدقت اشتغل حاجه بحبها وعاوزه انجح فيها.. ليرتفع صوت ياسر الذي دخل للمكان وهو يحمل صنيه يضع عليها فنجان صغير من القهوه.. =معلش ياعمر بيه إتأخرت عليك .. بس المكان لسه جديد ولسه معندناش حد في البوفيه.. ابتسم عمر وهو يرجع الى مقعده.. =مفيش مشكله كلنا كنا كده في الاول .. ثم نظر لحبيبه المتوتره بتطمين وهو يتابع بهدوء.. =المهم خليني اقولك انا جاي هنا ليه النهارده.. ياسر باهتمام وعقله يدرك اهمية العميل الذي امامه .. =اتفضل يا فندم احنا سامعينك.. وضع عمر قدم فوق الاخرى وهو يقول بهدوء.. =زي ما قلت قبل كده مراتي شافت شغل ليكم وكانت عوزاكم تنفذوا تغييرات الديكور الخاصه بالقصر بتاعي هنا في القاهره.. ياسر بسعاده وهو يشعر بعظم الفرصه التي بين يديه.. =ده شئ يشرفنا يا فندم..وتأكد اننا هنفرغ نفسنا له.. وقف عمر وهو يقول .. =عظيم.. عموما انا ليا طلب واحد وبعد كده كله هيبقى باختيار المدام.. ياسر باهتمام =اتفضل اطلب يا فندم . عمر بابتسامه هادئه وهو يغمز في الخفاء لحبيبه المتوتره بمكر =انا محتاج تحول تلات او اربع اجنحه من أجنحة القصر ..لاجنحه خاصه بالاطفال ..يعني مش نوم بس لا غرفة نوم والعاب و دروس..يعني اجناحه كامله فيها كل حاجه خاصه بالاطفال.. ابتسم ياسر بسعاده.. =ان شاء الله هننفذ لحضرتك اجمل اوض اطفال في العالم وحبيبه زميلتي هنا بتحب الاطفال جدا وهتبهرك بالتصميمات الي هتعملها ابتسم عمر وهو ينظر لحبيبه بتسليه يمد يده مودعٱ =انا متأكد من كده وعموما انا إديت لاستاذه حبيبه نمرة تليفون مراتي وهي الي هتكون على تواصل معاها وتتناقش معاها في كل التفاصيل .. ثم مد يده لحبيبه وهو يقول بابتسامه هادئه =بالتوفيق يا استاذه حبيبه ومستني اشوف ابداعاتك لان مراتي بتشكر في تصميماتك اوي حبيبه بضيق واقتضاب =ان شاء الله.. عمر بهدوء وهو ينظر لحبيبه بطريقه ذات مغزى =اسيبكم انا بقى عشان عندي ميعاد بعد عشر دقايق ثم تركهم بعد تبادل التحيه مع ياسر وتوجه للخارج .. تنهدت حبيبه وهي تتابع رحيله براحه ثم بدئت في جمع أشيائها بسرعه وقد فهمت من كلمات عمر انه ينتظرها في الخارج ويمهلها عشر دقائق للنزول ياسر بسعاده وعدم تصديق.. =مش ممكن انا مش مصدق نفسي دي القفزه الي كنت مستنيها ..الي هتدخلنا كل بيوت وقصور المجتمع المخملي .. دخلت ساره ومرام وهم يضحكون بمرح =احنا كنا واقفين بره بس مرضيناش ندخل علشان تتكلموا براحتكم معاه و اظن اننا كده بدأنا نحط رجلينا على اول درجه في سلم النجاح حبيبه بضيق وهي تتوجه للخارج =مش اوي كده يعني ماهو عميل زي اي عميل مرام بدهشه.. =مش اوي كده إزاي..انتي اكيد بتهزري والا عشان يبقى... سحبت حبيبه يد مرام مقاطعه وقالت وهي تتجه بها للخارج =تعالي عوزاكي في حاجه .. ثم اشارت لساره وياسر محييه.. =انا ماشيه يا جماعه سلام ..اصل قريبي مستنيني تحت هيوصلني بالعربيه.. وقفت مرام امام المصعد تستمع لحببيه ثم قالت بدهشه.. =يعني ياسر لسه ميعرفش ان عمر الرشيدي يبقى جوزك..طيب وعمر مقلوش ليه وانتي كمان مقولتيش ليه. حبيبه بتوتر .. =عمر كان هيقوله وكان هيكسر الشركه على دماغه ويقفله الشركه عشان دخل ولاقاني قاعده جنبه ومفيش حد في الاوضه غيرنا.. بس انا اترجيته ميعملش حاجه والظاهر صعبت عليه فسكت ووافق بعد ما دبسني في اني اغير ديكورات القصر بتاعه رفعت مرام حاجبها بدهشه ثم ضحكت بمرح صاخب = يعني بيغير وكان عاوز يضرب ياسر ويهد الشركه على دماغه اومال كل حكتيلي عنه ده ايه.. مبيحبنيش بيكرهني ..بينتقم مني .. بيحب جيلان .. ثم تابعت بمرح.. =بت انتي باين هبله ومش عارفه تتعاملي مع المز ده كويس.. حبيبه بحزن.. =والله انتي الي هبله ومش عارفه حاجه..دا انا كنت خلاص هتطلق النهارده لولا جدته تعبت وجيلان حبيبة القلب نايمه قايمه في القصر وبتأمر وتنهي فيه كأنه بيتها مرام بغضب =ماهو من خيبتك ..سايبالها جوزك وبيتك وقاعده تعيطي وتنوحي زي الهبله نزلت حبيبه برفقتها من المصعد وقالت بتعب.. =يعني عاوزاني اعمل ايه ..اغصبه يحبني مرام بغضب =لا تعملي كتير وطالما المز بيغير يبقى بيحب..وطالما بيحب ويغير يبقى احنا هنسويه على الجانبين زي الحليوه الي مدوخني فوق ده ثم تابعت بثقه =الاتنين دول هيتربوا بس على طريقتنا اسمعي مش انتي قولتيلي ان جدته فكراكي حامل عشان كده باعته معاكي صندوق الاكل الي يجنن وكلنا كلنا منه ده .. حبيبه بعدم فهم .. =اه ليه.. ابتسمت مرام وهي تقول بخبث.. =طب اسمعيني ونفذي الي هقولهولك من النهارده هتواجهي و مش هتهربي في اوضتك وتستخبي وتخافي من مواجهة جيلان .. حبيبه بدهشه .. =اومال عوزاني اعمل ايه..اتخانق معاها.. ابتسمت مرام وهي تقول بخبث = لا دا انتي هتعملي كتير ومن غير خناق ولا حاجه..اقصد حبيبه الحامل هي الي هتعمل كتير.. ثم اضافت بمكر اسمعي بقى انتي هتعملي ايه بعد قليل .. فتحت حبيبه باب السياره ثم جلست بغضب بجانب عمر الذي قاد السياره وهو ينظر اليها ويقول بصرامه.. =لو عاوزه تكملي شغل معاهم يبقى لازم تحطي حدود في تعاملك خصوصا مع الي اسمه ياسر ده.. ابتلعت حبيبه ريقها بتوتر الا انها اجابت ببرود وهي تنفذ تعليمات مرام.. =انا مش فاهمه انت مكبر الموضوع ليه زميلي وكان بيشرحلي طريقة تطبيق الشغل على برامج التصميم إنت بقى ايه الي مزعلك في كده .. عمر بغضب شديد.. =زميلك ايه وزفت ايه الي تقعدي وانتي لازقه فيه بالشكل ده ..انت ناسيه انتي متجوزه مين.. حبيبه ببرود وهي ترقص بداخلها وهي تراه يغلي من شدة الغيره .. اه انت متدايق يعني علشان خايف حد يشوفنا و يعرف ان انا مراتك..عموما متخافش.. اولا انا مبعملش حاجه غلط وثانيا محدش يعرف ان انا مراتك وبعدين احنا خلاص هنتطلق يعني هبقى حره اعمل الي انا عوزاه.. تنفس عمر بغضب وهو يقول بهدوء خطر.. =يعني ايه تعملي الي انتي عوازاه مش فاهم.. ابتلعت حبيبه ريقها بخوف فاجابت بصوت مهزوز .. =قصدي واضح يعني هشتغل اسافر..اخرج..اتج... الا انه قاطعها بغضب مجنون.. تت..ايه يااختي..تتجوزي.. ليه متجوزه عيل سيس..انتي مش عارفه انا مين..دا انا عمر الرشيدي والا نسيتي ثم تابع بغضب مجنون وهو يقود السياره بسرعه متهوره يتنفس بصعوبه ..صدره يعلو ويهبط من شدة الغضب و يضغط على زراعها بقوه دا انا كنت اقتلك واقتله قبل حتى ما يفكر يبصلك اويلمس شعره منك مش يتجوزك ..ايه انتي اتجننتي وبتقولي اي كلام والا عشان ساكتلك وبقول مضغوطه إستحملها هتتنجنني وتهرتلي بكلام اقل حاجه في موتك.. بكت حبيبه وهي تقول بارتعاش وخوف حقيقي منه وهي تتأمل الطريق برعب .. =هدي العربيه ياعمر ..هتموتنا .. ثم تابعت برعب =انا مكنش قصدي اقول اتجوز..انا كان قصدي اقول اتجهز لفتح شركتي الخاصه بيا .. نظر عمر لها قليلا يتأمل رعبها الواضح بصدمه ثم توقف فجأه بسيارته على جانب الطريق ووضع رأسه على مقود السياره يحاول التنفس بهدوء والتحكم في غضبه وغيرته الشديده عليها.. ثم رفع رأسه فجأه ولف يديه حولها يحتضنها بتملك مجنون وهو يهمس لها بندم ويده تمسح دموعها بحنان.. =انا اسف يا حبيبتي .. متزعليش مني ..غيرتي عليكي دي غصب عني بتخليني مقدرش اتحكم في ردود افعالي .. ثم رفع يدها يقبلها بعشق شديد وهو يبتسم برجاء.. =عشان خاطري تاخدي بالك وتحطي حدود في المعامله مع زمايلك خصوصا الرجاله ..انا مسكت اعصابي بالعافيه لما شفتك قاعده جنبه ولوحدكم.. حبيبه بارتعاش وقد نست كل نصائح مرام لها =والله كان بيفهمني حاجات في برامج التصميم ... ثم تابعت بانكسار =انا مدرستش زيهم ولاعندي خبره والتصميم مش زوق حلو وموهبه بس لا دا علم وبرامج تصميم ودنيا كبيره انا مش هعرف اتعلمها لواحدي.. تناول عمر هاتفه ثم قبل يدها وقال بهدوء.. =امسحي دموعك يا حبيبتي انا هنفذلك كل الي انتي عوزاه ليتابع بتأكيد =مش مرات عمر الرشيدي الي تعيط علشان نفسها تعمل حاجه ومش قادره طول ما انا عايش اي حاجه انتي عاوزاها هاتم بمجرد رغبتك فيها.. لتقضي حبيبه الدقائق التاليه وهي تستمع اليه وهو يقوم بالحجز لها في برامج مفتوحه خاصه بتعليم فن الديكور في الجامعه الامريكيه والجامعه الالمانيه على يد اكبر الاساتذة المتخصصين في مجال الديكور.. ثم تلتها مكالمات منه لمدرسات كبيرات اتفق معهم على اعطائها بعض الدروس التي ستحتاجها للتعلم..حتى انتهى ثم قال بحنان =وبكده هيبقى معاكي كورسات اون لاين معتمده وهتتعلمي كل الي انتي عوزاه من غير مساعدة حد خصوصا ان في ناس متخصصه هاتيجي وتشىرحلك في البيت.. حبيبه بذهول .. =ببساطه كده.. عمر بهدوء.. =ايوه ببساطه كده زي ما انتي شايفه ..وياريت اي حاجه تعوزيها تطلبيها مني ولما ابقى افشل أحققهالك ابقي ساعتها اتصرفي براحتك ثم عاد وقاد السياره مره اخرى وسط نظراتها الحائره بعد قليل .. صعدت حبيبه الى الجناح الخاص بها بعد جلوسها قليلا مع جدة عمر ومرورها على المطبخ لتلقي عليهم ولاول مره بتعليماتها بنائآ على نصائح مرام اليها ..في حين توجه عمر الى غرفة مكتبه ليجري بها بعض الاتصالات الهامه .. لتبتسم براحه وهي تخرج من الحمام الملحق بالغرفه ثم تستلقي على الفراش وتغرق في النوم وهي تشعر بارهاق شديد.. لتمر عدة دقائق ويدخل عمر الى الغرفه بهدوء شديد ثم جلس بجانبها قليلا يتأملها بعشق دون ان يلمسها خوفا من استيقاظها ثم تنهد بحب وهو ينحني على جبينها يقبله بحنان و يتوجه الى الحمام يستحم ويرتدى ثيابه ثم اقترب من حبيبه مره اخرى وهي ماتزال نائمه وهمس باسمها بهدوء =بيبه..يلا ياحبيبي فوقي علشان تتعشي فتحت حبيبه عينيها وهي تقول بارهاق.. =مش عاوزه ..إتعشوا إنتوا .. عمر بتسليه.. =ناكل لواحدنا ازاي.. دا جدتي بتقول انك لاغيتي الاصناف الي كانت طلباها جيلان وطلبتي من السفرجي انه يعملك اصناف جديده .. احمر وجه حبيبه وهي تقول باحراج.. =اه اصل انا زهقت من الاصناف الي جيلان بتطلبها فقلت اجدد.. ثم تابعت بارتباك.. =بس لو انت عندك اعتراض انا ممكن اقوله يلغي الاصناف الي طلبتها وينفذ الاطباق الي جيلان طلبتها منه.. ابتسم عمر وهو يرفع الغطاء عنها ثم يرفعها ويجلسها فوق ساقيه وهو يهمس امام شفتيها بحب.. =انا قولتلك قبل كده وبقولك تاني دا بيتك تعملي فيه كل الي انتي عوزاه واحنا كلنا هنا ضيوف عندك..يعني حتى لو أكلتيني كل يوم عيش حاف..هبقى مبسوط وهبوس الايدين الحلوين دول بس المهم تفضلي جنبي.. وضعت حبيبه يدها على شفتيه تمنعه من تقبيلها وهي تقول باختناق.. =عمر..مينفعش..انت ناسي .. انت كنت هتطلقني لولا تعب ماما دولت .. دفن عمر وجهه في عنقها وهو يضمها اليه بتملك شديد .. ثم همس بندم ... =لا مش ناسي يا حبيبه..بس انتي كمان افتكري اني بقولك و للمره المليون في حاجات كتير انتي لسه مش فاهماها .. ثم رفعها برفق من فوق ساقيه وهو يقول بهدوء =يلا البسي واجهزي وانا هانزل اخليهم يجهزولنا العشا في الجنينه.. هزت حبيبه رأسها بموافقه ثم توجهت الى غرفة الثياب وبدئت في اختيار ثياب تليق بالمعركه التي ستشنها على غريمتها.. بعد قليل .. خرجت حبيبه من الحمام ووقفت امام المرٱه تتأمل باعجاب فستانها الاسود الضيق الانيق الذي يصل طوله الى ما فوق ركبتيها بقليل ويظهر ساقيها و جمال قوامها الرشيق ثم قامت بتمشيط شعرها الاسود الكثيف اكثر من مره حتى التمعت خصلاته وتهدلت بروعه خلف ظهرها وقامت بوضع مكياج متقن لوجهها تبعه عدة رشات من عطرها المفضل وهي تتمتم بتوعد =لما نشوف انا والا انتي يا بنت بتاعة الجيلاتي.. ثم قبلت نفسها في المرٱه وهي ترتدي حزاء اسود ذو كعب مرتفع تبعته بارتداء سلسال رقيق حول كاحلها واكتفت بارتداء خاتم ومحبس زواجها وهي تقول بقلق =لما اشوف نصايحك هاتوديني لفين يا ست مرام .. ثم تنهدت بتوتر وتوجهت للاسفل .. في الاسفل .. جلست جيلان التي ارتدت فستان اصفر طويل ضيق ذو شق طويل يصل لمنتصف فخذها بجانب عمر في الحديقه وهي تهمس له بضيق.. =انا مش فاهمه جدتك ايه دخلها بيك تطلق والا تتجوز هو انت لسه صغير عمر بصرامه =جيلان ..خدي بالك طريقة كلامك عن جدتي مش عجباني..وده ممكن يخسرك كتير مررت جيلان يدها باغراء على زراعه وهي تقول بارتباك =مش قاصدي يا حبيبي ربنا يعلم انا بحبها قد ايه بس لولا تدخلها كان زمانك طلقت الي اسمها حبيبه دي وارتحنا.. عمر بهدوء =وانا كمان اظن اني فهمتك ان موضوع حمل حبيبه ده كذب وان كلها شهر بالكتير وهاسفر جدتي عند اختها وساعتها هاطلقها يبقى ايه لازمته الكلام ده دلوقتي.. ابتسمت جيلان وهي تقترب منه محاوله تقبيله وهي تقول باغراء =متزعلش مني انت عارف انا بغير عليك قد ايه.. في نفس اللحظه ... دخلت حبيبه الى الحديقه وشاهدت بصدمه جيلان التي تحاول الاقتراب من عمر وتقبيله الا انها ابتسمت براحه وهي تشاهده يبتعد عنها ببرود وهو يقول .. =اقعدي يا جيلان وياريت تفتكري انا اتفقت معاكي عليه.. جيلان بتبرم وهي تعتدل في مقعدها باحباط = حاضر ..هاعامل ست حبيبه كويس لانها مش فاهمه انك هتطلقها وفاكره انكم خلاص اتصالحتم واحترم انها لسه مراتك علشان متزعلش و تمشي وجدتك تتعب ها كويس كده ..أديني حافظه كويس ضحك عمر وهو يقول ببرود .. =المهم انك تنفذي مش تحفظي.. ثم رفع عينيه التي التمعت باعجاب وحب وهو يرى حبيبه تتقدم منهم بثقه وهي تشع جمال وانوثه فهب واقفا ثم تقدم منها يحيط خصرها بزراعه ثم قرب منها المقعد الذي بجانبه فابتسمت حبيبه وقبلت وجنته وهي تقول برقه.. =شكرا يا حبيبي ..اسفه اني إتأخرت عليكم بس كنت بطمن على ماما دولت واطمن انها خدت دواها قبل ما تنام.. عمر باعجاب.. =ولا يهمك يا حبيبتي..دول كلهم خمس دقايق مش اكتر.. ثم مرر عينيه عليها باعجاب صارخ وهو يهمس بجانب إذنها.. =الفستان ده يجنن عليكي.. بس من غيره تجنني اكتر.. احمر وجه حبيبه وهي تهمس بخجل =عمر عيب كده ..والله اسيبك وامشي جيلان بحقد.. =ايه الفستان الجميل ده يا حبيبه بصراحه تفصيلته تجنن بس كان عاوز واحده ارفع شويه عشان ..يعني ..مبين ديفوهاتك.. احمر وجه حبيبه بغضب وحاولت انت تجيبها الا انها تفاجأت بعمر يرفع يدها ويقبلها وهو يقول بشغف جعلها تكاد تنفجر من شدة الخجل =ديفوهات ايه بس الي بتتكلمي عنها ..هو انا هيجنني الا الديفوهات دي نظرت حبيبه ارضا وهي تقول بخجل =هو..هو العشا إتأخر ليه .. ابتسم عمر بتسليه وهو يدرك شدة خجلها.. =الخدم جايين بالعشا حالا .. اعتدلت حبيبه بارتباك وهي تشاهد نظرات جيلان الحاقده لها والخدم يقومون برص اطباق الطعام على الطاوله.. جيلان بغضب وهي تنظر للطعام =اي الي انتوا حاطينه ده فين الاكل الي انا طلبته..انتوا بتتصرفوا من دماغكم والا ايه اندهلي السفرجي خليه يبجي هنا فورا ابتسم عمر بتسليه وهو يراقب حبيبه تقول برقه مستفزه =مفيش داعي يا جيلان ..انا الي غيرت المنيو بتاع العشا ..قلت نجدد شويه جيلان بتهكم غاضب =وانتي بقى الاكل اللوكل الي انتي طلبتيه ده بتسميه تجديد .. ابتسمت حبيبه وهي تضع الطعام لعمر في طبقه وتقول ببرود =احنا هنا بنحب الاكل اللوكل لما ترجعي بيتك ان شاء الله ابقي إعزمينا على الاكل الي مش لوكل اهو منك نتعلم.. جيلان بغضب .. =سامع يا عمر مراتك بتطردني.. عمر بهدوء =جيلان خلاص بلاش دراما زايده.. اقعدي كملي اكلك ..حبيبه اكيد متقصدش كده وبعدين الاكل حلو فعلا جربيه واكيد هيعجبك .. جيلان بغضب .. =لا انا معدتي مش واخده على الاكل ده انا طالعه انام احسن.. ثم تركتهم وغادرت غاضبه.. تابعت حبيبه انصرافها بتوتر وتوقفت عن تناول الطعام خوفا من رد فعل عمر الا انها انتبهت لعمر وهو يقول باهتمام =مبتاكليش ليه.. حبيبه بتوتر .. =مفيش بس انت ..اقصد يعني انت مش زعلان ان جيلان قامت من غير ماتاكل.. ابتسم عمر بعدم اهتمام =هي حره هو حد منعها تاكل .. ثم اشار لاحد الاصناف بمرح =تعالي بقى ناكل انا وانتي من البتاع ده اصل انا عيني فيه من اول ما اتحط ثم ابتسم وهو يقرب الطعام من فمها ويقول برقه =افتحي الشفايف الحلوين دول وكلي من ايدي.. فتحت حبيبه فمها بطاعه وبدئت في تناول الطعام من يد عمر الذي حرص على اطعامها وهو يستمع الى اخر اخبار عملها وهو يبتسم بحنان و يستمع اليها وهي تحكي له بحماس شديد .. في حين وقفت جيلان في شرفة المنزل تتابع مايحدث وهي تقول بغل شديد.. =البت دي لازم تختفي خالص انا مش هستنى لما تحلى في عنيه من تاني ثم تابعت بتفكير =بس المره دي لازم اعتمد على نفسي لا صادق ولا غيره ينفع اعتمد عليهم وانا عارفه انا هعمل ايه كويس .. ثم اتصلت باحدى صديقاتها وقالت بود مصطنع =فيفي..روح قلبي وحشتيني موت ثم تابعت بمرح زائف =وانتي كمان يا روحي وحشاني اكتر..بقولك مش عاوزه تكسبي شويةفلوس حلوين.. ابتسمت جيلان بحقد =هبعتلك صوره واسم لبت لوكل وبيئه كده عاوزه اربيها واعملها فضيحه تلزق في اسمها لحد ماتموت.. ابتسمت جيلان بقسوه.. =برافو عليكي زي الي عملناها لريم القاضي بالظبط..واصرفي ومتخافيش الجنيه الي هتصرفيه هدفعلك قدامه ميه.. ثم ابتسمت بسخريه سامه.. =اهم حاجه تختاري لها واحد وسيم وشكل مناسب علشان الناس تصدق انها خانت جوزها معاه.. ثم ضحكت بصوت عالي .. =اقولك ابعتيلي الصور وانا اختار منها الشاب الي هيقوم بالمهمه.. ثم ابتسمت وهي تقول بثقه.. =سلام يا فوفا..وهبعتلك كل بيانتها وصوره ليها وكمان مكان شغلها..علشان تقدري تبتدي علطول ثم اغلقت الهاتف وبدئت في استقبال صور لشباب عراه غايه في الوسامه وهي تحاول اختيار احدهم وتبتسم في شماته في الجانب الاخر.. دخلت حبييه بعد انتهاء عمر من الاستحمام الى الحمام الملحق بالغرفه وقامت بالاستحمام هي الاخره وارتداء قميص قطني مريح عليه رسومات لشخصيات كارتونيه محببه يصل لبعد ركبتيها واتجهت الى الاريكه لتعدها للنوم عليها لتتفاجأ بعمر ينام فوق الاريكه وهو يضع يده فوق عينيه حبييه برقه.. =عمر انت مش نايم على سريرك ليه.. فتح عمر عينيه وابتسم بنعاس.. =ايه ده هترضي عليا وتنيميني جنبك تراجعت حبيبه للخلف بتوتر.. =لا طبعا ..انا هنام لواحدي.. ابتسم عمر وهو يقول بأسف بتأمل ماترتديه بتهكم =خساره..طيب روحي نامي احسن شكلك بقميص ميكي ده بيغريني ان =انا انام جنبك و اخلصك منه نهائي.. نظرت حبيبه للقميص بدهشه وهي تدمدم بتبرم =ماله القميص ماهو حلو ومريح اهوه.. عمر بسخريه .. =مريح .. وكارتون وميكي وبطوط .. روحي نامي ياحبيبه واوعدك اقدملك في حضانه بكره بس يارب تقبلك بإلي انتي لابساه ده حبييه بغضب =في ايه ياعمر ماله القميص..والا لازم يكون عريان وقليل الادب عمر بتهكم = عريان وقليل الادب انتي بتتكلمي عن القميص والا حاجه تانيه.. اقولك القميص الي انتي لابساه يجنن ولا تزعلي.. ثم تابع وهو يضحك بمرح.. =الي يشوفك بالفستان الاسود والشعر المفرود والمكياج ميشفكيش وانتي لابسالي ميكي ماوس وعملالي شعرك ضفاير اتجهت حبيبه بغضب للفراش واستلقت عليه وهي تقول بضيق =والله انت بايخ وانا غلطانه اني اصلا بكلمك.. ثم مرت لحظات وهي تحاول النوم فلا تستطيع .. حبيبه بتوتر وهي تهمس بداخلها بتعب =انا عارفه اني مستحيل هعرف انام..وانا عارفه انه موجود معايا في نفس الاوضه لتتنهد بتعب وهي تتقلب اكثر من مره من ناحيه لاخرى في محاوله فاشله للنوم حتي شعرت به يستلقي فجأه بجانبها وهو يقول بحنان.. = ممكن حضن علشان اعرف انام .. حبيبه بتوتر =عمر احنا اتفقنا على ايه.. اقترب عمر منها ثم رفعها بين زراعيه وهو يدفن وجهه بعنقها ..ويقول باحتياج.. دا حضن صغنون يا بيبه ميئذيش حد ثم قربها منه بعشق اكبر =خمس دقايق بس يا حبيبتي وهقوم علطول .. ثم ضمها اليه بعشق ويده تمر على جسدها بتملك.. في حين اقتربت حبيبه منه تستنشق رائحته بقوه وهي تشعر بتثاقل رأسها و عمر يقربها اكثر اليه وهو يدلك جسدها برقه شديده يحاول إزالة التعب والارهاق عنها حتى تغلب النعاس عليها اخيرا وغرقت في بحور النوم وهي بين زراعيه.. في حين ضمها هو اليه بتملك وعشق شديد وغرق هو الاخر في النوم وهو يشعر براحه لتواجد اغلى مايملك بين ذراعيه #الفصل_الواحد_والعشرون بعد مرور يومين.. جلست حبيبه بجانب جدة عمر في الحديقه تتحدثان وتقومان بمشاهدة بعض تصميمات ملابس السهره.. لتقول الجده باعجاب وهي تتأمل الفستان .. =حلو اوي الفستان ده يا حبيبه واظن مناسب للحفله الي هتحضريها مع عمر.. اقتربت حبيبه تشاهد الفستان بلونه الرائع المتدرج وقصته المفروده وقالت باعجاب.. =فعلا حلو اوي يا ماما يجنن ..بس يا ترى هيلحقوا ينفذوا التعديلات الي هنطلبها عليه الا انها تفاجأت بألبوم التصميمات يخطف من بين يديها وعمر يقول بمرح.. =ممكن تفرجوني على الفستان الي هيجننكم ده.. ثم نظر الى الفستان وتأمله برفض ثم قال بغيره واضحه وهو يلقي الالبوم جانبا =مستحيل تلبسي الفستان ده ..دا عريان اوي وهيبين ايديكي وكتافك انتي نسيتي انك محجبه والا ايه غمزت جدة عمر لحبيبه في الخفاء تمنعها من اخباره عن التعديلات التي سيطلبون تنفيذها على الفستان ليناسب حجابها لتقول بمكر .. =ماله بس الفستان ياعمر انا شايفه انه مش مكشوف اوي وبعدين حبيبه حلوه وصغيره ومن حقها تشتري و تلبس زي الي في سنها.. عمر بغضب =وهو انا مانعها تشتري والا تلبس..ما تشتري وتلبس الي هي عوزاه بس في البيت..لكن بره في حدود وانا ماقبلش ان حد يشوفها كده .. حبيبه بغيره واندفاع.. =طيب ماهي جيلان بتلبس عريان وقصير ومشفتكش ولا مره اعترضت على لبسها.. عمر بسخريه غاضبه =يمكن مثلا..علشان جيلان مش مراتي ولاتقربلي حاجه.. نهضت حبيبه وهي تقول بغضب وغيره تتحكم بها هرموناتها المتأثره بالحمل .. =لا دا عشان انت متقدرش تتحكم فيها لكن انا بنسبالك لعبه بتحركها وتتحكم فيها زي ماانت عايز .. ثم اقتربت من الجده وقبلتها من وجنتها وهي تقول بغضب .. =عن إذنك يا ماما انا طالعه فوق ثم اسرعت بالمغادره قبل ان تنهار في البكاء امامه.. تابع عمر انساحبها الغاضب بدهشه ونظر للفستان مره اخرى وهو يقول بحيره.. =يعني بعيد عن ان انا رافض انها تلبس حاجه عريانه او ان حد يشوفها بحاجه مكشوفه بالشكل ده..هي مش شايفه ان الفستان ده مينفعش للمحجبات يعني من الاساس المفروض هي الي ترفضه ابتسمت الجده وهي تنهض وتقول بهدوء =ماهي ياحبيبي كانت هتطلب من الاتيليه يظبطه ليها ويغطي الحاجات المكشوفه دي.. عمر بدهشه =طيب ليه مقالتش كده من الاول وليه زعلت اني قلتلها ان الفستان مكشوف ومينفعش تلبسه وهو بالشكل ده ربتت الجده على يده وهي تقول بتعاطف =معلش يا حبيبي غصب عنها هرمونات الحمل بتخليها متعرفش تتحكم في مشاعرها وبتضخم لها الامور.. ثم تابعت باهتمام =روح صالحها وراضيها بكلمتين و انا هادخل اوضتي ارتاح شويه .. تنهد عمر وهو يقول باستسلام.. حاضر ولما اشوف اخرتها ايه معاكي ومع هرموناتك يا ست حبيبه بعد قليل ... دخل عمر للغرفه ثم ابتسم بحنان وهو يجد حبيبه تستلقي على الفراش وهي تدفن وجهها بغضب في الوساده.. فاقترب منها ثم جلس بجانبها وهو يمرر يده على شعرها برقه و يقول بحنان شديد.. =ايه بس يا حبيبي الي حصل علشان تزعلي بالشكل ده.. الا انها تجاهلته وهي تضغط وجهها بقوهفي الوساده تحاول كتم صوت شهقاتها الا انها فشلت ليرفعها عمر عن الوساده بدهشه بعد ان استمع لصوت بكائها المكتوم وهو يقول بلهفه شديده.. =حبيبه انتي بتعيطي ..ايه الي حصل لكل ده يا حبيبتي.. ثم رفعها يجلسها بين احضانه ويده تمسح دموعها بلهفه وحنان يحاول استرضائها.. =خلاص يا حبيبتي لو الفستان عاجبك اوي كده انا هتصل بنفسي بالاتيليه اخليهم يقافلو الحتت المكشوفه فيه و... حبيبه مقاطعه بغضب.. =ليه.. عمر بصبر =هو ايه الي ليه .. مش فاهم سالت دموع حبيبه بالرغم عنها وهي تقول بألم =أقصد ..ليه عاوزني البس مقفول علشان بتغير عليا زي ما بتقول والا علشان جسمي مليان ديفوهات زي ما جيلان كانت بتقولي عمر بدهشه حقيقيه.. =جيلان ايه ... و ديفوهات ايه الي بتتكلمي عليها ثم تابع بجديه =ايه الكلام الفارغ الي انتي بتقوليه ده .. ديفوهات ايه الي هتخليني اغطي جسمك علشانها انتي اتجننتي والا ايه.... حبيبه باحتجاج باكي .. =انت عارف انا بتكلم عن ايه كويس وعموما انا كنت هقفل الفستان علشان انا محجبه ..مش عشان رائيك ولا رأي ست جيلان بتاعتك عمر بغضب =لااا...انتي اكيد اتجننتي انتي وهرموناتك الي بوظت دماغك ولازم افوقك من الاوهام الي ماليه راسك دي ..قومي معايا.. ثم سحبها من يدها لتجد نفسها تقف في مقابلته..يده تدعمها بقوه حتى لا تبتعد عنه او تسقط من محاولتها الغاضبه في مقاومته ثم رفعها سريعا بين زراعيه وهو يتجاهل احتجاجتها ومحاولتها الغاضبه في التملص منه وتوجه بها سريعا الى غرفة ملابسهم الخاصه حبيبه بدهشه وغضب .. =عمر انت رايح بيا على فين ..نزلني لو سمحت لتشهق مره اخرى بارتباك وهو ينزلها في غرفة تبديل الثياب المغطاه من جميع جوانبها بزجاج المرايا .. ثم أدارها اليه يتأمل وجهها بلوم ويبتسم بحنان وهو يمسح دموعها ويقبل عينيها.. =المفروض انتي اكتر واحده تكوني عارفه وواثقه انا بحبك وبغير عليكي قد ايه بجمالك ورقتك وطيبتك الزياده عن اللزوم.. ثم تابع بجديه حانيه =والمفروض برضه تكوني فاهمه انك في عنيا اجمل ست في الدنيا وان الديفوهات الخياليه الي مش موجوده ومخليكي تعيطي بالشكل ده ..حتى لو كانت موجوده هتفضلي برضه في عنيا اجمل ست في الدنيا.. ثم ضمها اليه بتملك وعشق جارف وهو يقول بجديه = لا الديفوهات ولا التجاعيد ولا حتى الشعر الابيض يفرق معايا ولا يقلل من حبي وعشقي ليكي وبتمنى من ربنا نعيش سوى وتفضلي معايا لحد ما اعيش معاكي كل تجعيده وشعره بيضه تطلعلك وتطلعلي.. ثم مرر يده بحنان على ملامحها التي تنظر له بدهشه من اعترافه الصادم وهو يقول بحب =ياريت تكوني فهمتي الي بحاول اوصلهولك وتشيلي من دماغك اي افكار ممكن تقلل او تشكك في حبي ليكي نظرت حبيبه له بارتجاف .. تحاول التحدث الا انها شعرت بالكلمات تهرب منها وهي تشعر ان كلماته الصادقه الجمتها فقررت الاعتزار عن رد فعلها المبالغ به .. =عمر انا اسف..ااه .. لتشهق برعب قبل ان تكمل جملتها وهي تشعر بيده تمتد بسرعه خاطفه الى مقدمة ثوبها تشقه بقوه الى نصفين ثم ينزعه عنها سريعا ويلقيه ارضا وهو يقول بجديه شديده.. =بما اني اعترفتلك خلاص على الي جوايا علشان اريحك.. فممكن دلوقتي توريني الديفوهات الي مخلياني مش عاوز ألبسك مكشوف.. صرخت حبيبه برعب وهي تجد نفسها تقف امامه شبه عاريه وصورتها تتكرر امامها وامامه على زجاج المرٱه لتشهق بصدمه وهي تلقي نفسها بداخل زراعيه تخبئ نفسها بداخل احضانه وهي تغلق عينيها بقوه وتقول بصوت باكي متقطع من شدة الصدمه والارتباك ... =انت...انت عملت ايه ..إزاي تعمل كده ..انت اتجننت.. انا عاوزه هدومي.. لف عمر زراعيه من حولها يضمها اليه بتملك شديد .. يكاد يخفيها فعليآ بداخل احضانه و يده تمر برقه على جسدها وهو يرفع وجهها اليه..ويهمس بأمر =إفتحي عنيكي يا حبيبه .. هزت حبيبه رأسها برفض وهي مازالت تغلق عينيها.. اقترب عمر من إذنها يهمس فيهم بجديه.. =هاتفتحي عنيكي يا بيبه..والا اكمل الي كنت بعمله.. شهقت حبيبه برعب وهي تشعر بيده تمر على القليل الباقي من ملابسها بتهديد واضح لتفتح عينيها وهي تقول بلهفه ورجاء.. =خلاص فتحت عنيا ..أهوه.. فتحت عنيا ..بس كفايه كده وسيبني عشان خاطري ضمها عمر اكثر اليه ويده تمر على منحانيتها بعشق متملك وهو يقول بتسليه.. =طيب والديفوهات..مش هتخليني أشوفها وأتأكد منها.. حبيبه بلهفه.. =انا..انا معنديش ديفوهات انا كنت بهزر معاك.. ابتسم عمر وهو يقبل شفتيها قبله رقيقه خاطفه.. =يعني انتي مكنتيش تقصدي اني عاوز البسك متغطي علشان انتي عندك ديفوهات..و مكنتش عاوز حد يشوفها حبيبه بارتباك وهي على وشك البكاء من شدة الحرج وهي تستشعر لمسات يده الجريئه المتملكه على جسدها.. =كنت بهزر ..وهزاري..هزار بايخ كمان ..انا..انا اسفه مط عمر شفتيه بتسليه.. =اسفه كده وخلاص.. حبيبه بارتباك وهي تستشعر لمسات اصابعه المتملكه على جسدها = طيب قولي عاوزني اعمل ايه ..وانا اعمله.. بس اخرج بره وسيبني البس هدومي.. ابتسم عمر بتسليه وهو يرى حرجها وارتباكها الواضح =عاوزاني اخرج واسيبك كده بالساهل..مينفعش .. ثم رفع وجهها اليه وهمس امام شفتيها =صالحيني الاول علشان انا حاسس انك جرحتي مشاعري.. وانتي عارفه قد ايه انا مشاعري رقيقه ضربت حبيبه قدمها في الارض باحتجاج.. =عمر .. انا عارفه انك بتتسلى و بتتريق عليا .. ثم تابعت برجاء =ابوس ايدك سيبني بقى واخرج عشان البس هدومي .. مش انا اعتزرتلك خلاص.. ابتسم عمر بمرح وهو يقبل شفتيها برقه ثم رفعها مره اخرى بين زراعيه وهو يقول بعشق.. =اعتزارك مرفوض ..ولازم أشوف الديفوهات دي بنفسي ..اصل قلبي حاسس انها حاجه خطيره جدا .. ثم عاد بها الى الغرفه ووضعها على الفراش واستلقى بجانبها يحتضنها متجاهل ضجيج احتجاجها الصاخب .. وهي تحاول الابتعاد عنه بارتباك وخجل الا انه اعادها الى احضانها بسهوله وهو يقترب من شفتيها ويهمس بتوعد.. =خلينا نشوف الديفوهات الوحشه دي الي خلت حبيبي يعيط بالشكل ده .. حبيبه باحتجاج =عمر... قربها عمر منه بشده وهو يقول بعشق جارف =قلب عمر ودنيته الي متساويش حاجه من غيرك.. ثم مال عليها يقبلها برقه شديده سرعان ما تحولت الى جوع ولهفه شديده وهو يلتهم شفتيها بعشق شديد في اليوم التالي... جلست حبيبه الى مكتبها تستمع باهتمام الى حديث ياسر الذي يكاد ينفجر من شدة شعوره بالاثاره... ياسر بسعاده.. = انا مش مصدق نفسي .. مش مصدق اننا اشترينا كراسة الشروط و هندخل خلاص مناقصة القريه السياحيه نوبيات في الساحل.. ساره بعمليه.. = اهدى بس يا ياسر وفكر كويس ..لو فعلا كسبنا والمناقصه رسيت علينا ..هنقدر ننفذها ونصرف عليها والا لاء خصوصا ان ده شغل كبير واول مره ندخل فيه.. مرام بتشجيع وهي تستشعر تراجع حماس ياسر.. = طبعا هنقدر ..بصوا احنا كلنا مش هناخد مرتبات ولا ارباح شغلنا الاخير وكمان الي فهمته من كراسة الشروط ان لو المناقصه رسيت علينا هنقبض مبلغ كويس في الاول نبتدي بيه الشغل وبعد كده هنتصرف من الدفعات الي هناخدها..وكلنا مش هناخد اي مكسب الا في الاخر خالص لما نكون سلمنا القريه.. ابتسم ياسر بحماس شديد ثم أمسك بيدها فجأه ورفعهم يقبلهم وهو يقول بحماس.. =صح يا مرام انتي اكتر واحده فهماني وفاهمه انا بفكر ازاي وبكده يبقى حققنا انا وانتي اول جزء من احلامنا.. ابتسمت مرام بسعاده وتفهم وهي تراه يترك يدها ويتنحنح بحرج .. وهو يحاول السيطره على مشاعرهوهو يقول بأمل =ها يا جماعه ..نكمل والا بلاش ونخلينا في شغل التصميمات الصغيره.. ابتسمت حبيبه بحماس وهي تعلم اهمية ربح المناقصه بالنسبه لمرام وياسر .. ا= نا معاكم وان شاء الله هنكسب المناقصه.. ساره بحماس مماثل.. = وانا كمان معاكم ..وهنكسب ونكسر الدنيا.. اشارت مرام لهم بالصمت وهي تخرج للخارج = إستنوا يا جماعه ..الظاهر في حد جه بره.. ابتسم ياسر وهو يقول براحه.. =حبيبه عاوزين نراجع الشغل بتاع قصر الرشيدي دا مهم اوي..انا عملت شوية تصميمات وعاوز اراجعهم مع تصميماتك ونشوف هنختار ايه نعرضه عليهم وننفذه ابتسمت حبيبه برقه.. = انا جاهزه تحب نبتدي دلوقتي.. الا ان مرام قاطعتهم وهي تقول بتبرم = في واحده بره عاوزه تقابلك انت وحبيبه يا ياسر .. ياسر بتساؤل.. =واحده مين..مقالتش اسمها.. مرام بضيق واضح. =اسمها فيفي ..ومرضيتش تقولي هي عاوزه ايه ..طلبتك انت وحبيبه بالاسم.. اشار ياسر لحبيبه وهو ينظر لمرام بدهشه لتغيرها المفاجئ.. = طيب انا هاروح اشوفها عاوزه ايه..يلا يا حبيبه تعالي معايا.. ثم غادر الغرفه في حين مالت حبيبه على مرام تسئلها بدهشه .. =مالك وشك مقلوب ليه مرام بغيظ = روحي وانتي تشوفي بنفسك.. والا اقولك ..انا جايه معاكي مش هسيبه مع الهشك بشك دي لوحدهم.. انفجرت حبيبه وساره في الضحك في حين قالت مرام بغيظ =هاتيجي والا هتقعدي تكملي ضحك معاها.. مسحت حبيبه عينيها وهي تحاول السيطره على ضحكاتها .. =طبعا جايه..يلا بينا نشوف الهشك بشك الي عصبتك دي.. ثم توجهت معها الى احدى غرف المكتب الغير مستخدمه والتي تتميز بالاناقه ولا تستخدم الا في مقابلة الزبائن اصحاب الشأن.. لتجد ياسر يجلس على احد المقاعد في حين تجلس في مقابلته سيده في الاربعينيات من عمرها طويله ذات قوام ممشوق وشعر طويل اشقر مصبوغ.. ترتدي حذاء مرتفع ذو كعب رفيع و ثوب ابيض قصير جدا عاري ذو حملات رفيعه ضيق يبرز منحنايتها ولا يترك شئ للتخيل .. وقف ياسر وهو يشير لمرام وحبيبه بالدخول.. ثم اشار للسيده باحترام.. = مدام فيفي ..دي حبيبه زميلتي المسئوله عن التصميمات.. ومرام المسئوله عن الجزء العملي من الشغل.. ابتسمت فيفي وهي ترمق حبيبه باهتمام وتقييم ثم قالت برقه وهي تشعل سيجار رفيع وتضعه بين شفتيها المصبوغتان بلون احمر قاني.. = اهلا وسهلا..انا كنت لسه بشرح حالا لبشمهندس ياسر ..إني انا عندي نادي صحي كبير وكنت عاوزه اعمله ديكورات شامله.. ولما شفت الشغل الي عمله بشمهندس ياسر مع انسه حبيبه عجبني جدا .. وقلت اني اخيرا لقيت الي هينفذولي الشغل الي نفسي فيه ياسر بثقه.. = ان شاء الله هتلاقينا عند حسن ظنك .. ابتسمت فيفي برقه وهي ترمق ياسر باغراء وتقف وهي تقول بابتسامه رقيقه = انا متأكده يا بشمهندس والا مكنتش جيتلكم.. ثم اخرجت بطاقه من حقيبتها و اقتربت من ياسر حتى كادت تلتصق به وهي تقول بدلال .. = دا الكارت بتاعي عليه تليفوناتي وعنوان المكان ..ياريت تشرفني انت وأنسه حبيبه علشان تعاينوا المكان قبل ما تبتدوا تشتغلوا في التصميمات.. اختطفت مرام البطاقه من يدها وهي تبتسم برسميه.. = ان شاء الله كلنا هانيجي وهنعاين المكان مع بعض.. رفعت فيفي حاجبيها بدهشه ثم ابتسمت بسخريه.. =تشرفي يا حبيبتي..المهم عندي ان الشغل الي انا عوزاه يطلع زي ما انا عاوزه بالظبط .. ثم حملت حقيبتها وهي تقول بهدوء.. = سلام يا جماعه..هستناكم بكره عشان تبتدوا الشغل بسرعه.. تحرك ياسر معها حتى الباب الخارجي للشركه..وهو يتحدث معها عن التفاصيل تتابعهم عيون مرام التي تكاد تنفجر من شدة الغيظ.. في المساء.. جلست حبيبه على الفراش وهي تفرد كميه كبيره من الاوراق والمستندات امامها وتنظر الى جهاز الحاسوب الخاص بها تحاول بجد دراسة مشروع المناقصه التي يحاولون الفوز بها وهي تحاول تطبيق القليل مما تعلمته من دروس خاصه بالتصميمات ولكنها فشلت في النهايه من احراز اي تقدم لتقول بيأس.. =انا مش فاهمه اي حاجه..انا كان مالي ومال المناقصات والعقد دي كلها ..انا اخري اشتري كرسي يليق على سجاده مش مناقصات وكلاكيع.. رفع عمر حاجبه بدهشه بعد دخوله الى الغرفه و مشاهدته لها تكاد ان تغرق وسط الاوراق المتناثره على الفراش وسماعه لها وهي تتحدث مع نفسها بضيق.. فقام بخلع جاكيت بدلته واقترب منها يقبل وجنتها و يقول بمرح.. =اي يا حبيبي حابسه نفسك في الاوضه من ساعة ما رجعتي من الشغل ليه..وايه الورق دا كله.. حبيبه بضيق.. =دا ورق مناقصه المفروض ندخلها ومحدش فينا كلنا عنده خبره ومش عارفين نقارن بين المصروفات والي هنكسبه علشان منطلعش خسرانين من المناقصه دي.. ثم تابعت وهي تتأمل الاوراق بضيق.. =فكل واحد هيحط تصور وفي النهايه هناقش كله ونختار التصور الاحسن.. بس زي ما انت شايف..انا فشلت فشل زريع وحاسه اني مش فاهمه اي حاجه.. ابتسم عمر وهو يقول بحنان.. =وعشان كده متغدتيش لحد دلوقتي وحابسه نفسك هنا من ساعة مارجعتي.. ثم مال عليها وقبل وجنتها وهو ينهض .. =انا هدخل اخد حمام على السريع.. وارجعلك حالا نحل مع بعض اللغز الكبير ده.. ثم اشار لها وهو يقول بمرح =بس خلي حد يطلع لنا الغدى هنا لاني هموت من الجوع.. بعد قليل.. استلقى عمر بجانبها بعد ان انهى حمامه وارتدى ملابس منزليه مريحه وهو يقول باهتمام.. =وريني كده الاول كراسة الشروط .. ثم بدء بقرأتها باهتمام..وهو يوجه لها العديد من الاسئله ويدرس الاوراق التي امامه .. ثم بدء في الشرح لها بجديه وهدوء اكثر من مره دون ان يشعر بالملل حتى بدئت في استيعاب قليلا ..قليلا ما يشرحه لها حتى انتهوا من اعداد نقاط واضحه وقويه سيقوموا بالبناء على اساسها مع ساره المحاسبه الخاصه بشركتهم .. فصفقت حبيبه بيدها بطفوليه وهي تقبل وجنته بسعاده .. =واخيرا فهمت اللغوريتمات دي بتتكلم عن ايه..ربنا يخليك ليا يا حبيبي ..انت احسن مدرس في العالم.. ثم تابعت بسعاده =انا هاتصل بيهم علشان اطمنهم .. ثم تناولت هاتفها وبدئت تتكلم مع مرام وهي تحدثها بحماس شديد ثم تابعت =كلمي انتي ياسر وساره وعرفيهم لحد ما اقابلكم بكره.. ثم تابعت براحه =ماشي يا حبيبتي مع السلامه.. ابتسم عمر بسعاده وهو يتأمل فرحتها الطفوليه .. ثم نهض فجأه يلملم الاوراق و يزيل جهاز الحاسب الخاص بها وهو يقول باهتمام.. =يلا بقى يا حبيبي خلصنا شغل يبقى تدخلي تاخدب دوش وتتغدي علشان ترتاحي شويه قبل حفلة بليل.. ابتسمت حبيبه وهي تقبل وجنته وتقول بطاعه .. = حاضر يا حبيبي .. ثم دخلت الى الحمام وهي تدندن بسعاده.. بعد قليل .. جلست حبيبه بجانب عمر الذي قال بجديه.. =مينفعش كده يا حبيبه ..انتي مكلتيش حاجه.. هزت حبيبه رأسها برفض.. =والله انا مش بتدلع ياعمر بس حقيقي انا مش قادره وشكل الاكل قلب معدتي مش عارفه ليه.. تنهد عمر بضيق ثم حملها بين زراعيه..وهو يقبل وجنتها بحنان.. = انا مصدقك يا حبيبتي..بس مينفعش تفضلي يوم كامل من غير اكل انتي كده ممكن تتعبي حبيبه بتردد طيب ممكن اكل اي حاجه حادقه جبنه او مخلل ..اي حاجه من دي يعني.. سحب عمر الهاتف واتصل سريعا على المطبخ وأمرهم باحضار بعض انواع الجبن و قد قاموا بتلبية طلبه سريعا ..ليعود اليها ويجلس بجانبها وهو يقول باسترضاء وهو يتناول قطعه من الجبن =بصي انا هأكلك بنفسي ومش عاوز اي اعتراض ثم تناول قطعه من اللحم بالشوكه وقربها من فمها وهو يقول باهتمام انتي هتكلي معلقه من الاكل ده ووراه تاكلي حتة جبنه علشان تضيعي طعم الاكل الي مش عاجبك.. حبيبه برفض .. بس... عمر بصرامه شديده يحاول بها ترهيبها حتى تستجيب وتأكل دون اعتراض.. مفيش بس..بطلي دلع وافتحي بوقك.. فتحت حبيبه فمها بطاعه وتناولت الطعام تحت ضغط خوفها منه في حين حرص عمر على وضع القليل من الجبن في فمها وراء كل ملعقة طعام حتى يزيل الطعم من فمها.. حتى انتهت من تناول الطعام .. وعمر يقول برضا وهو يمسح فمها بمنديل ثم يحملها للفراش.. = اهو كده كويس .. أدينا كالنا و محصلش حاجه ودلوقتي بقى حاولي تنامي وترتاحي ساعه والا اتنين قبل حفلة بليل.. ثم قبلها من وجنتها بحنان وهو يغلق الضوء ويضمها بحمايه اليه و رأسها يستريح على زراعه و اصابعها تمر في خصلات شعرها بحنان شديد.. ضمت حبيبه نفسها اقرب اليه وعمر يقول بهدوء وهو يدلك اكتافها برقه محاولا بعث الراحه في جسدها =مقولتليش ..عملتي ايه في الشغل النهارده.. في حاجه جديده غير موضوع المناقصه.. ابتسمت حبيبه براحه وهي تقص عليه احداث يومها كما عودها دائما..فمن اول يوم لها في العمل وحتى الان وهو يحرص وبشده على ان تعتاد على ان تقص له كل احداث يومها في العمل وبالتفصيل.. عمر بجمود =وهاتروحوا امتى تعاينوا النادي الصحي ده.. حبيبه بنعاس.. =هنروح بكره انا ومرام وياسر.. ضمها عمر اليه بشده وهو يقول بحمايه.. =ماشي يا حبيبتي ..نامي انتي دلوقتي علشان تقدري تقومي مرتاحه.. ابتسمت حبيبه وهي تدفن وجهها في صدره وتستسلم لنوم مريح في حين ظل هو بدون نوم وعقله يعمل في كل الاتجاهات.. في المساء .. وقفت حبيبه امام المرٱه تتأمل نفسها برضا وقد ارتدت الفستان الذي اختارته بعد ان قام المصمم باجراء بعض التعديلات عليه ليناسب ارتدائها للحجاب.. ثم ابتسمت برقه وعمر يقترب منها ثم يقبلها وهو يقول بحنان.. =زي القمر يا حبيبتي بس ناقصه حاجه واحده.. شهقت حبيبه باعتراض وهي تتراجع للخلف وتقول برفض وهي تراه يفتح صندوق مجوهرات صغير ويخرج منه طقم من الماس المرصع بالياقوت .. =انا مش هلبس مجوهرات ..كفايه اخر مره والي حصل فيها.. اقترب عمر منها ثم قال بجديه.. =وايه الي حصل اخر مره ومخوفك اوي كده.. التمعت عيون حبيبه بالدموع وهي تقول باختناق.. =انت عارف ايه الي حصل والي جيلان عملته فحتى لو كنت مش مصدقني فأنا.. عمر بهدوء .. =ومين قال اني مش مصدقك.. حبيبه بدهشه وغضب =يعني ايه مش فاهمه ..ولما انت مصدقني كنت بتعمل فيا كده ليه اقترب عمر منها وهو يتجاهل حديثها ويقول بهدوء =البسي المجوهرات يا حبيبه وكفايه كلام في الموضوع ده لحد كده حبيبه بتحدي =مش لابسه يا عمر ولو عاجبينك اوي البسهم انت.. اقترب عمر منها وهو يقول بهدوء خطر.. =بتقولي ايه..لو مش عاجبني اعمل ايه.. حبيبه بارتباك وخوف.. =انا مقصدش..بس انا مش عاوزه البس مجوهرات ويتقطعوا زي الي قبلهم والا يضيعوا دا انا كان قلبي هيقف من كتر الرعب وانا بلم في في العقد من على الارض ثم تابعت باحتجاج وهي تراه ينظر لها ببرود =تقدر تقولي كنت هعمل ايه لو فص او حته منه ضاعت او ملاقيتهاش أدارها عمر و بدء في وضع القلاده الماسيه حول عنقها وهو يقول بصرامه مقصوده .. =البسي يا حبيبه ..والي يتقطع يترمي واشتريلك الف غيره..ومش عاوز اسمع بعد.كده اي اعتراض على حاجه انا شريهالك ثم وضع الخاتم في يدها ثم السوار ثم رفع وجهها العابس اليه وهو يقول بهدوء.. =الي حصل ده ميتكررش تاني .. وحوار هتموتي من الرعب علشان عقد والا خاتم ضاع او اتكسر دا تمحيه من جواكي خالص.. انا بجيب المجوهرات دي لمجرد انك تتزيني بيها وهي والي اغلى منها كمان ميساووش عندي لحظة رعب بتحسيها عشان حاجه هايفه زي كده.. ثم اشار لها بغضب .. =اتفضلي قدامي علشان منتأخرش.. وقفت حبيبه بدون ان تتحرك.. ثم قالت باعتراض =عمر .. الا انه تجاهلها وخرج دون ان يلتفت اليها.. ضربت حبيبه قدمها في الارض وهي تقول بغضب.. = أوف .. كل حاجه لازم تتم زي ماهو عاوز وانا مش من حقي حتى اعترض .. ثم تنهدت بغضب وتبعته بسرعه الى الاسفل.. نزلت حبيبه الى الاسفل فوجدت جيلان تقف بجوار عمر وهي ترتدي فستان زهبي قصير جدا ومثير وترفع شعرها في قصه جميله عصريه وهي تنمسك بزراعه وتميل عليه باغراء.. لتشتعل حبيبه بالغيره الا انها كبحت جماح نفسها وهي تقول بغضب مكبوت =انا خلصت .. لسه قدامكم كتير.. نظرت جيلان لها بغضب وكره وهي تتأمل جمالها واناقتها الواضحه في حين قال عمر ببرود =اتفضلوا العربيه جاهزه.. توجهت حبيبه للسياره الا انها تفاجأت بجيلان تميل عليها وهي تقول بكراهيه واضحه =انا شايفه انك لبستي طقم مجوهرات جديد ايه محرمتيش من المره الي فاتت والا مش هامك و فكراه عقد من ابو تلاته جنيه.. من الي متعوده تلبسيه وعادي انه يتقطع او يضيع.. ثم تركتها واسرعت بالذهاب خلف عمر قبل ان يلاحظ تحدثها معها في حين وقفت حبيبه وهي تشعر بالغضب والتوتر يستولي عليها وهي تمرر يدها على العقد بتوتر و تفكر جديا في خلعه والذهاب بدونه..الا انها تراجعت وهي تلمح عمر يرمقها بغضب .. فأسرعت بالذهاب الى السياره التي وقف عمر بجوارها في انتظار مساعدتها للصعود للسياره.. بعد قليل .. وصلت حبيبه برفقة جيلان وعمر الى الحفل ووقفت بجانبه تستمع اليه وهو يتحدث مع بعض رجال الاعمال في حين تعرفت هي الى زوجاتهم وعقدت عدة صداقات معهم لتقول احداهم بمرح.. = بم انك مهندسة ديكور فلازم تعزمينا عندك ونشوف الديكورات والتغييرات الي نفذتيها في القصر يمكن نقلدك ونعمل زيها جيلان بحقد.. مين قالك ان القصر في حاجه هاتتغير انتي مش عارفه التحف والانتيكات الي فيه تساوي قد ايه ..علشان اي حد يغيره حبيبه برقه.. معلش ..اصل جيلان بتموت في الانتيكات والتحف بس انا للاسف لاء بحب اعيش في بيت مبهج ومريح مش متحف..وعشان كده دايما انصحها انها تشتري تحف وتحطها في فيلتها علشان تحس انها مرتاحه ..اصل الناس ازواق وكل واحد بيحب يبقى بيته مناسب لزوقه ومرتاح فيه .. ابتسمت السيده وهي تنظر لجيلان التي امتقع وجهها من شدة الغضبوهي تقول برقه عندك حق وانا كمان زيك بحب البساطه ومبحبش التحف الكتير خصوصا لو فيه اولاد.. مالت جيلان على اذن حبيبه وهمست بتهكم .. اولاد ..اظن عمر مستحيل يسمح يكون له اطفال منك كده والا ايه يا حبيبه.............هانم صمتت حبيبه دون ان تجيب وقد امتقع وجهها وهي تتزكر فجأه انها قد توقفت منذ مده عن تناول حبوب منع الحمل التي كتبتها لها الطبيبه بناءٍ على طلب من عمر.. لتقضي الباقي من الوقت دون ان ترى او تسمع مايدور حولها وعقلها يدور في اتجاه واحد ماذا لو كانت قد حملت بالفعل دون ان تشعر...كيف ستتصرف وكيف ستواجه عمر وكيف ستكون ردة فعله خصوصا وهو قد اخبرها صراحة انه سيخيرها مابين الاجهاض وبين حرمانها من طفلها للابد ان اصرت على الاحتفاظ به.. لتهمس لنفسها بخوف وهي تجري حسابات معقده في رأسها.. اكيد.....اكيد انا مش حامل بلاش خوف يا حبيبه انا مش حامل لتتابع وهي تحاول طمأنة نفسها من بكره هشتري حبوب منع الحمل وهاخدها من تاني.. ثم همست بتأنيب وغضب من نفسها إزاي كنت غبيه ومعملتش حسابي .. ثم نظرت لعمر بخوف وهي تتخيل ردة فعله ان علم انها لا تتناول وسيله لمنع الحمل او ان اسوء كوابيسها قد حدث و انها قد حملت بالفعل... لتهمس برعب وهي تكاد ان تنهار =انا لازم اروح للدكتوره بكره.. لتلتقي عينيها الخائفه بعينيه المتسائله..وقد شعر بخوفها بدون ان تتحدث فاقترب منها وقد نسى غضبه منها وقال باهتمام =مالك يا حبيبه في حاجه يا حبيبتي ابتسمت حبيبه بارتعاش ثم قالت بخفوت وهي تنظر للارض ترفض النظر اليه =مفيش حاسه اني تعبانه شويه لف عمر يده حول خصرها وقربها منه وهو يقول بلهفه .. =تعبانه حاسه بايه.. حبيبه بهمس .. =مفيش بس حاسه اني دايخه شويه.. اشار عمر لجيلان للانصراف ثم قال باهتمام = طيب يلا بينا نروح ..يمكن محتاجه ترتاحي.. ثم غادر الحفل وتوجه بها الى السياره وهو يسندها ويلف خصرها بزراعه ..وسط نظرات جيلان الحاقده بعد قليل .. جلست حبيبه بجوار عمر وهي تشعر بانقباض وخوف الشديد فأغلقت عينيها وهي تسند رأسها على كتف عمر بتعب وكادت ان تستغرق في النوم الا انها فتحت عينيها فجأه وهي تقرر مصارحته بمخاوفها فهي لن تستطيع الصبر حتى تتأكد من عدم حملها او ان تعيش في دوامه من الخوف فيكفيها ما مرت به في السابق .. فهمست بخوف ورجاء =عمر انا كنت عاوزه اقولك على حاجه .. مال عمر يستمع اليها ثم قال باهتمام =في ايه يا حبيبه قلقتيني حبيبه بارتعاش وهي تنظر الى الجيلان التي تجلس وهي صامته تحاول الاستماع الى حديثهم الهامس.. = لما نوصل هبقى اقولك.. عمر بقلق.. =انا لسه هستنى لما نوصل اتكلمي يا في ايه .. حبيبه بهمس =مفيش بس..اقصد ..ان انا يعني نسيت اخد حبوب منع الحمل ضيق عمر عينيه ثم قال بهدوء حذر = قصدك انك نسيتي تاخديهم النهارده.. هزت حبيبه رأسها وهي تقول بشحوب =اقصد ..اني مخدتهمش من مده علشان احنا كنا .. انفصلنا وكنت فاكره انهم ملهمش لازمه اخدهم بعد كده عمر بغضب =يعني انتي تقصدي اننا من يوم مارجعنا لبعض وانتي مابتخديش حبوب منع الحمل..ولسه فاكره تقوليلي دلوقت والا بتحطيني قدام الامر الواقع ثم امر السائق بغضب فجأه = اطلع على مركز دكتوره ابتهال.. حبيبه بخوف =هنروح لدكتوره ابتهال في وقت متأخر زي ده ليه .. عمر بقسوه.. =هنروح للدكتوره وهتكشفي يا حبيبه ولو طلعتي حامل يبقى هتنزليه زي اتفاقي معاكي .. ثم تابع بقسوه شديده وسط نظرات جيلان الشامته وانهيار حبيبه في البكاء.. = مش عمر الرشيدي الي يتحط قدام الامر الواقع ويخلف من واحده غصب عنه خصوصا لو كانت الواحده دي مش من مستواه ومتنفعش تبقى ام ابنه.. الفصل الثاني والعشرون عمر بقسوه شديده وسط نظرات جيلان الشامته وانهيار حبيبه في البكاء.. = مش عمر الرشيدي الي يتحط قدام الامر الواقع ويخلف من واحده غصب عنه خصوصا لو كانت الواحده دي مش من مستواه ومتنفعش تبقى ام ابنه.. انتفضت حبيبه فجأه وهي تفتح عينيها وتصرخ برعب ودموعها تسيل بدون توقف.. =لا يا عمر حرام عليك.. متعملش كده فيا مرر عمر يده بقلق مهدئآ على جسد حبيبه يحاول افاقتها من النوم وهو يقول .. =مالك يا حبيبه في ايه .. متخافيش دا مجرد كابوس .. ثم اضاف بخوف وهو يرى وجهها الشاحب شحوب الموتى وهي تحاول التنفس بصعوبه .. =خدي نفسك يا حبيبتي..دا كابوس متخافيش فتنفست بعمق وهي تنظر حولها بدهشه وهي تدرك انها مازالت في السياره وان ماحدث كان مجرد كابوس وتجسيدا لمخافها.. فهمست بضعف وهي تقول ببكاء وأمل =انا كنت بحلم والي شفته دا كان كابوس مش كده.. ثم تمسكت بيد عمر وسط دهشته الشديده وهي تقول برجاء وضعف.. =انت استحاله تعمل كده فيا صح ..مش معقول بعد كل ده وتعمل كدا فيا.. ربت عمر على يدها مطمئنآ دون ان يدرك او يفهم ما تتحدث عنه ولكنه شعر بحاجتها للتطمين فأجاب بحنان وهو يمسح دموعها .. =لا ياحبيبتي انا استحاله اعمل اي حاجه تئذيكي.. ثم تابع بتأكيد وهو ينظر في عينيها .. =دا مجرد كابوس ياحبيبتي وانتي كنتي بتحلمي.. جيلان بغضب وتهكم.. =ما تفهموني ايه الالغاز الي بتتكلموا بيها دي .. انتم بتتكلموا عن ايه بالظبط.. ثم تابعت بسخط وهي تنظر لحبيبه بكراهيه.. =وبعدين انا مش فاهمه لازمته ايه الدلع دا كله ..ماقالك الي شفتيه دا حلم يعني مش مستاهله الدلع والعياط دا كله عمر بغضب.. =اخرسي ياجيلان ومتتدخليش في الي مالكيش فيه .. الا انه انتبه فجأه على حبيبه تقبض على يده بقوه وهي تضع يدها على فمها وتقول بضعف.. =عمر وقف العربيه بسرعه انا حاسه اني هاراجع.. امر عمر السائق بالتوقف ثم خرج مسرعآ بها الى جانب الطريق وهو يسندها من خصرها ويميل بها محاولا مساعدتها على التقيأ الا انها حاولت التخلص من يده وهي تقول بضعف وصوت متقطع بسبب نوبة التقيأ التي تهاجمها .. =معلش ابعد بعيد عشان خاطري.. ثم تابعت باحتجاج وهي تقاوم نوبة التقيأ بصعوبه بعد ان شعرت برفضه الابتعاد.. =ابعد يا عمر انت كده هتقرف.. عمر بجديه وهو يدعمها ويمرر يده على معدتها مهدئآ .. =يلا يا حبيبي انا معاكي ومتخافيش انا استحاله اقرف ..بس متقاوميش انتي كده بتتعبي نفسك اكتر.. شهقت حبيبه بارتعاش وحاولت الاعتراض الا ان مقاومتها قد انهارت وهي تتقيأ عدة مرات بقوه وعمر يدعمها بشده حتى انتهت وانهارت بضعف بين زراعيه .. فأشار لنادر الذي هرع اليه وهو يحمل زجاجه كبيره من الماء اعطاها لعمر الذي اخذها منه وبدء في غسل وجه حبيبه عدة مرات باهتمام حتى عادت لوعيها واستفاقت.. فبدء في وضع الزجاجه بالقرب من فمها لتغسل فمها بالماء عدة مرات وهو يمرر يده على ظهرها بتشجيع حتى انتهت .. جيلان بقرف و غيره وهي تتأمل اهتمام عمر الشديد بحبيبه.. =ايه القرف دا ..قلبتي معدتنا ..ولما انتي تعبانه جيتي الحفله ليه وقرفتينا معاكي.. نظر عمر بغضب شديد اليها ثم قال بصرامه وهو يشير لنادر.. =خلي حد من رجالتك يوصل جيلان للقصر.. جيلان باحتجاج .. =لاء طبعا مش ماشيه..انا معاكم لحد ما الست حبيبه ما تبقى كويسه.. عمر بغضب شدبد وصرامه اخافتها =جيلان لو فعلا خايفه على نفسك وعمرك تختفي دلوقتي من قدامي خالص والا متلوميش غير نفسك ثم اشار بغضب لنادر =ايه مسمعتنيش ..نفذ الي بقولك عليه.. ثم رفع وجه حبيبه اليه بحمايه وهو يتجاهل صوت صرخات جيلان الاحتجاجيه وهي تدخل الى السياره وتغادر بناءٍ على تعليمات عمر الذي مرر يده بحنان على وجه حبيبه وهو يهمس بتطمين وهو يشاهد وجهها الذي شحب بحرج وهي تستمع الى كلمات جيلان الجارحه.. =ها دلوقتي بقيتي احسن.. هزت حبيبه رأسها وهي تقول بتعب .. =بقيت احسن الحمد لله.. ابتسم عمر وهو يقول بحنان.. =طيب تحبي نقعد هنا على النيل شويه عشان تفوقي والا نراوح ترتاحي احسن.. حبيبه بتعب.. =لاء انا عاوزه اراوح .. حاسه اني تعبانه وعاوزه انام.. رفعها عمر بين زراعيه وحملها للسياره وهو يقول بحنان.. =خلاص يا حبيبتي الي انتي عاوزاه.. ثم دخل بها الى السياره يضمها اليه بحمايه وقلق وهو يشعر بها تندس بوهن بداخل احضانه وتغرق في النوم مره اخرى.. في الصباح.. إستيقظت حبيبه وفتحت عينيها بتعب لتجد عمر يجلس بجانبها وهو يبتسم لها و يقول بحنان.. =ها عامله ايه دلوقتي ياحبيبتي.. حبيبه بتعب وهي تتفادى النظر اليه.. =الحمد لله بقيت كويسه .. عمر بمرح.. =طيب يلا قومي فوقي كده و خدي دوش وتعالي علشان نفطر سوى.. حبيبه باختناق وهي تدير رأسها للجانب الاخر بتعب =معلش ياعمر انا مش قادره اكل اي حاجه دلوقتي انا بس حاسه اني لسه عاوزه انام.. مرر عمر يده في شعرها وهو يقول بقلق.. =حبيبه لو حاسه انك لسه تعبانه..اتصل حالا بالدكتور يجي يشوفك حبيبه بابتسامه مرتعشه.. =صدقني انا بقيت كويسه انا بس حاسه اني لسه عاوزه انام.. روح انت شغلك وانا هنام ساعه والا اتنين وهاقوم كويسه ابتسم عمر وهو يمرر اصابعه في شعرها بحنان.. =طيب براحتك يا حبيبتي بس مش ناويه تقوليلي حلمتي بايه خلاكي تنهاري بالشكل ده.. اغمضت حبيبه عينيها وهي تقول بارتعاش =دا كابوس وحش اوي ومش عاوزه افتكره تاني.. تأملها عمر بتفحص ثم قال بحسم =طيب انا مش هضغط عليكي دلوقتي ..بس بعدين اكيد هتحكهولي.. ثم تابع بهدوء =انا هاروح الشغل ساعه او اتنين بالكتير علشان عندي ميعاد مينفعش يتأجل وهارجع اقضي معاكي بقيت اليوم..تحبي اتصل بشغلك ابلغهم انك مش هتقدري تروحي النهارده.. حبيبه بارتباك =لا متتعبش نفسك انا هاتصل بيهم بنفسي.. تأملها عمر قليلا بصمت ثم ابتسم ومال عليها مقبلا جبينها بحنان.. =زي ماتحبي يا حبيبتي..هاسيبك انا دلوقتي وانتي ارتاحي وكملي نومك ثم احاطها بالغطاء جيدا وغادر بعد ان اغلق انوار و باب الغرفه من خلفه بهدوء.. انتظرت حبيبه قليلا حتى تأكدت من مغادرته الغرفه ثم هبت واقفه بسرعه وهي تتجاهل الدوار الذي يلف رأسها و وقفت بجانب الشرفه تراقب بتوتر خروج عمر بسيارته من بوابة القصر تتبعه سيارات الحراسه.. فهرعت سريعا الى دولاب ملابسها تنتزع منه فستان وحجاب تابع له ثم توجهت الى الحمام وارتدتهم على عجل ودموعها تسيل بالرغم عنها.. فقالت وهي تحدث نفسها باصرار =لازم المره دي اتصرف صح ولو طلعت فعلا حامل يبقى لازم احميه من اي حد يحاول يئذيه او يحاول يحرمني منه حتى لو كان الحد ده هو عمر.. ثم اخرجت حقيبة يد كبيره وضعت بها كل أشيائها المهمه بطاقتها الشخصيه وعقد زواجها الرسمي من عمر و اوراق ملكية شقتها واوراق خاصه بحسابها في البنك.. ثم اخيرا البوم صور صغير يجمعها بعمر كذكرى اخيره منه في حالة ابتعادها و تأكدها من حملها ... ثم نهضت وهي تحارب المها وتوجهت الى الاسفل وهي تحاول ان تتفادى رؤية جدة عمر او جيلان حتى نجحت في الوصول للسياره ووجدت السائق يجلس بانتظارها حبيبه بتوتر.. =صباح الخير يا عم متولي .. وقف السائق سريعا ثم فتح الباب لها وهو يقول ببشاشه =صباح الخير والهنا ياحبيبه هانم ..اتفضلي .. ثم اغلق الباب من خلفها وهو يقول بابتسامه هادئه.. =هانروح على شغل حضرتك .. حبيبه بتوتر.. =لاء واديني على وسط البلد اصل هقابل واحده صاحبتي هناك السائق باحترام وهو يبدء في القياده =حاضر يا افندم.. بعد قليل.. طلبت حبيبه من السائق ان يتوقف امام احد المطاعم وهي تقول بارتباك =بس هنا يا عم متولي واتفضل انت ارجع القصر وابقى ارجعلي كمان ساعتين.. السائق باحترام.. =حاضر ياهانم بس حضرتك عارفه ان عمر بيه مأكد عليا اني افضل مستنيكي في العربيه لحد ما تخلصي شغلك ..عشان يعني لو عوزتيني في اي حاجه حبيبه بابتسامه مرتعشه =ملوش لزوم تستناني انا هاقعد مع صاحبتي ساعتين وممكن اكتر فلو احتجتك هاتصل بيك.. السائق بطاعه .. =أوامرك ياهانم .. ثم قاد سيارته بتردد وانطلق بها في حين تنهدت حبيبه بتوتر وهي تنظر لاحدى العمارات التي تمتلئ بعيادات الاطباء لتختار احدى العيادات الخاصه بامراض النساء وتدخل اليها وهي تشعر بأطرافها تتثاقل من شدة الخوف.. بعد مرور نصف ساعه .. جلست حبيبه بشحوب تستمع للطبيبه التي قالت بدهشه.. =مالك يا مدام حبيبه حاسه بحاجه امتلئت عيون حبيبه بالدموع وهي تقول بوهن =لا ابدا انا كويسه الطبيبه باتهام بعد رؤية وجه حبيبه الممتقع والخائف بشده =انا شيفاكي ..يعني جايه لواحدك من غير جوزك ولا حد وكمان حاسه انك مصدومه وخايفه انك حامل هو انتي مش متجوزه والا ايه مسحت حبيبه دموعها وقالت باندفاع وهي تخرج قسيمة زواجها تعطيها لها.. =لا طبعا متجوزه وأدي قسيمة جوازي كمان .. نظرت الطبيبه لقسيمة الزواج ثم قالت باعتذار.. =معلش سامحيني بس انتي شكلك مش شكل واحده فرحانه بأول حمل ليها.. حاولت حبيبه النهوض و هي تقول بتعب.. =معلش اصل الحمل جه مفاجأه وانا وجوزي كنا متفقين نأجل شويه.. ابتسمت الطبيبه وهي تنظر الى شاشه مراقبه صغيره موجوده على مكتبها تراقب بها مايحدث بالخارج .. =ولا يهمك يا مدام حبيبه كلهم في الاول بيقولوا مش عاوزين اطفال بس بيغيروا رئيهم اول مايشيلوا النونو على ايديهم وتلاقيهم طايرين بيه من الفرحه.. ثم عقدت حاجبها وقالت بدهشه.. =في ايه بيحصل بره مين الناس دول.. سقط قلب حبيبه وشعرت بالفزع يتملكها وعقلها يخبرها ان عمر قد علم بمكانها فتحركت من مكانها وانضمت للطبيبه خلف المكتب ونظرت بفزع لاحد الحراس المسئولين عن مراقبتها وحمايتها يتحدث بصحبة حارس اخر مع الممرضه التي تجلس في الخارج بغضب تمسكت حبيبه بيد الطبيبه وقالت برجاء وهي تدرك ان عمر عما قريب سيصل هو الاخر =ارجوكي ساعديني ومشيني من هنا قبل ما يشوفوني .. الطبيبه وهي تنظر للشاشه امامها بقلق وحيره .. =انا مش فاهمه حاجه دول مين وانتي خايفه منهم كده ليه حبيبه بخوف وهي تبكي =دول شغالين عند جوزي الي لو عرف اني حامل هيجبرني اني انزله..ارجوكي ساعديني وخرجيني من هنا قبل مايشوفوني.. الطبيبه بغضب.. =ينزل ايه هي سايبه طيب انا هتصل بالبوليس و.... ثم قطعت حديثها وهي تشاهد بدهشه شديده غرفة الاستقبال تمتلئ باجساد عضليه ضخمه ترتدي بدل سوداء وهم يتحدثون بغضب مع العاملين الموجودين بالخارج .. فنظرت لحبيبه بتعاطف ثم قالت =بقى كل دول بيشتغلوا عند جوزك وبيدوروا عليكي ..عموما انا مش عارفه هتقدري تهربي منه إزاي..بس انا هساعدك تخرجي من هنا ..تعالي.. تبعتها حبيبه سريعا وبخوف الى باب جانبي مخفي باحترافيه مرسوم باحترافيه بصور اطفال صغيره يظهر وكأنه لوحه كبيره معلقه يقود الى غرفة تعقيم صغيره .. ثم الى باب خاص بالعمليات الجراحيه النسائيه الصغيره والذي قادها لباب اخر لغرفة انتظار مرضى العمليات ومنه الى باب خلفي للعماره.. واشارت الطبيبه الى الدرج وهي تقول بعمليه .. =انزلي على السلم بلاش تستخدمي الاسانسير..وعموما احنا في الدور التاني يعني مش هتتعبي.. مسحت حبيبه دموعها و هي تشكر الطبيبه ...وتنزل على الدرج بسرعه وهي تتلفت حولها بخوف حتى وصلت الى باب العقار والذي قادها الى شارع جانبي خالي فأسرعت تغادر المكان وهي تكاد تركض.. وهي تشير بخوف ولهفه الى العديد من سيارات الاجره حتى استاجابت احدهم فدخلت اليها وهي تقول بخوف وهي تتلفت خلفها خوفا من ان يكون هناك ان يتعقبها.. =محطة القطر يا اسطى .. في نفس التوقيت .. وقف نادر امام الطبيبه وهو يقول بغضب وصرامه.. =بصي بقى يا ست انتي انا بكلمك بعقل وهدوء من الصبح.. مدام حبيبه كانت هنا ودا انا متأكد منه ومخرجتش من عندك يبقى راحت فين الطبيبه ببرود =انا معرفش انت بتتكلم عن ايه حبيبه مين ..وانت مين اصلا وبتسأل عنها ليه ولكن قبل ان بجيب دخل عمر الى الغرفه واتجه اليها فورا وهو يقول بغضب شديد.. =اسمعي هما كلمتين وتردي عليهم فورا ومن غير كدب والا انت الي هتبقي مسئوله عن الي هيحصلك.. .. نظرت الطبيبه اليه بتوجس وهو يكمل بغضب =حبيبه مراتي كانت عندك وده انا متأكد منه لاني راجعت الكاميرات الي انتي حطاها هنا.. سؤالي هو ...هي عرفت انها حامل وعشان كده هربت..والا انتي مقدرتيش تقرري هي حامل والا لاء علشان لسه في اوله وهي لسه احد دلوقتي متعرفش انها حامل.. الطبيبه بدهشه.. =هو انت عارف انها حامل ..طب ليه هي كانت منهاره وخايفه بالشكل ده وطلبت مني اهربها اغمض عمر عيونه بألم بعد ان تأكد من حديث الطبيبه ان حبيبه علمت بالحمل وانها قد هربت خوفا منه وخوفا من ان يجبرها على اجهاض طفلهم كما كان يهددها في السابق.. ثم اشار لنادر وقال بصرامه وهو يحاول السيطره على مشاعره.. =عاوزك تقلبلي مصر حته..حته عليها لحد ماتلاقيها .. ثم تابع بتوتر وتحذير.. =و اوعى حد بعرف انها هربت او اننا مش لاقينها..وانها دلوقتي من غير حراسه ربت نادر على كتف عمر وقال بثقه .. =متقلقش يا عمر بيه ان شاء الله حبيبه هانم هتنام في ببتها النهارده.. ثم جمع رجاله وبدء في تقسيمهم والتحدث في الهاتف مع بعض مصادره في حين نزل عمر سريعا وتوجه الى سيارته وهو يتوجه الى مقر عمل حبيبه .. في نفس التوقيت... جلست حبيبه الى مقعد في محطة القطار وهي تشعر باليأس يستولي عليها.. تنظر الى شباك التزاكر بوجع وهي تفكر بألم لا يوجد مكان ممكن ان تذهب اليه او احد ممكن ان تلجأ له..فهي وحيده ..وحيده جدا .. فأغمضت عينيها بتعب شديد وهي ترجع رأسها للخلف والدوار يشتد بها فهي تركض من الصباح من دون اي طعام او شراب وتشعر بأنها على وشك التعرض الى الاغماء فحاولت فتح عينيها الا انها فشلت وهي تشعر بوعيها يتسرب منها وتغرق في نوم اشبه بالغيبوبه .. في نفس التوقيت.. وصل عمر الى مقر عمل حبيبه وتوجه فورا الى المكتب الذي يضم مكاتبهم جميعا ... وقال بلهفه .. =انسه مرام لو تسمحي كنت عاوز اتكلم معاكي.. عقد ياسر حاجبيه وغضب ثم قال بجديه .. =اهلا وسهلا ياعمر بيه بس لو كنت عاوز تناقش حاجه في الشغل فممكن تناقشها معايا.. تجاهله عمر وهو يسحب مرام التي اصابهاالدهشه من زراعها وهو يقول بسرعه.. =تعالي معايا وانا افهمك... الا ان ياسر حاول سحب يده من حول زراع مرام وهو يقول بغضب.. =انت اتجننت والا ايه ..شيل ايديك بعيد عنها.. تجاهله عمر وهو يحاول التحدث الى مرام التي وقفت تنظر اليهم بحيره الا انها تفاجأت بياسر يزيحها جانبا وهو يقول بغيره وغضب شديد =قلتلك متلمسهاش ايه مبتسمعش واتفضل من غير مطرود من هنا وشغلك شوف مكتب ديكور تاني يعمله التفت عمر اليه فجأه لكمه في وجهه بقوه شديده.. لكمه اودعها كل غضبه وتوتره فتسببت في وقوع ياسر ارضا ونزيف انفه وفمه بغزاره ..وسط صرخات ساره و مرام التي اندفعتا الى ياسر تحاولان مساعدته على النهوض.. ومرام تصرخ بغضب =ايه الي انت عملته ده انت مجنون اتفضل من هنا والا هطلبلك البوليس.. عمر بيأس وخوفه من ان يصل اعدائه لحبيبه قبل ان يصل اليها مسيطر عليه =انسه مرام..حبيبه في خطر وانتي الوحيده الي تقدري تساعديني اني اوصل ليها... وقف ياسر وهو يترنح ويمسح الدماء عن فمه ووجهه ويقول بتساؤل... =وانت ايه دخلك بحبيبه وعرفت منين انها في خطر... عمر بفروغ صبر.. =حبيبه تبقى مراتي..وحصل بيني وبينها سوء تفاهم خلاها تسيب البيت وللاسف انا ليا اعداء لو وصلوا ليها قبلي ممكن يئذوها.. ياسر بصدمه .. =مراته...وانتي كنتي عارفه يا مرام وكنتم بتكدبوا عليا.. مرام بغضب .. =مش وقت الكلام ده دلوقتي يا ياسر.. ثم نظرت لعمر بخوف.. =انا ممكن اساعدك ازاي ياعمر بيه.. عمر بلهفه .. =عاوزك تتصلي بيها بالتليفون وتحاولي تتكلمي معاها و تعرضي عليها مساعدتك وتعرفي هي فين ولو رفضت تقولك يبقى على الاقل طولي في المكالمه على قد ما تقدري وانا هعرف اوصلها بطريقتي .. مرام بارتباك.. =حاضر .. عمر بجديه =طيب ممكن تديني التليفون بتاعك اخرجت مرام هاتفها واعطته لعمر الذي قام بادخال كود معقد عليه ثم اجرى منه مكالمه وقال باهتمام.. =ها يا نادر ..كله تمام ..طيب كويس ثم انتظر قليلا واغلق المكالمه واعطى الهاتف لمرام وهو يقول باهتمام .. =اتصلي بيها ولو ردت عليكي متحاوليش تبيني انك عارفه اي حاجه وانا هكون في عربيتي وسامع مكالمتكم وهحاول احدد مكانها واوصل لها بسرعه هزت مرام رأسها موافقه وهي تقول باصرار = بس انا هاجي معاك مش هقدر اقعد هنا من غبر ماعمل حاجه وانا عارفه انها متعرضه للخطر.. في حين قال ياسر بجديه =وانا كمان جاي معاكم علشان اطمن على مدام حبيبه واطمن انها رجعت بيتها بالسلامه... هز عمر رأسه موافقا ودخل الى سيارته وتبعته مرام وياسر..ثم بدئت في الاتصال بحبيبه والتوتر يسود المكان حتى اتاها صوت حبيبه المتعب وهي تقول بضعف.. =ايوه يا مرام انا اسفه ان مقدرتش اجي الشغل النهارده بس انا كان عندي ظروف والظاهر مش هقدر اكمل معاكم اشار عمر لها بالاستمرار بالحديث وهو يستمع الى مكالمتهم عن طريق هاتفه.. مرام بتوتر .. =ليه كده بس يا حبيبه هو احنا زعلناكي في حاجه...والا لقيتي شغل في مكان احسن من عندنا... مسحت حبيبه عينيها بألم وهي تتأمل المكان حولها بخوف بعد ان اقترب الليل من الحلول.. =ابدا والله يا مرام انتي عارفه انا بحبكم وبحب شغلي معاكم قد ايه .. بس غصب عني في ظروف اجبرتني اني اسيب المكان وامشي.. ضغط عمر على شفته بغضب من نفسه الا انه تفاجأ بهاتفه الاخر يرن ونادر يمليه عنوان المكان المتواجده به حبيبه ثم يقول بجديه =انا اتحركت فعلا على هناك با عمر بيه لان جاتلي معلومات ان صادق عرف ان مدام حبيبه هربت ومن غير حراسه وهو بيخطط لأزيتها.. استدار عمر بسيارته بقوه وسرعه وهو يقطع الطريق بطريقه متهوره عكس اتجاه السيارات ..حتى استطاع الوصول الى طريق مختصر للمكان المتواجده به حبيبه وهو يقول لنادر بغضب.. =هو قدر يعرف مكانها ..والا عرف انها من غير حراسه بس .. نادر بضيق .. =للاسف قدر يعرف مكانها من الفيزا كارد الظاهر سحبت فلوس من الفيزا الي في محطة القطر وهو قدر يحدد مكانها عن طريقها ..بس متقلقش كلها دقيقتين تلاته بالكتير وهنكون عندها.. عمر بغضب شديد .. =والله لاخليك عبره لمصر كلها يا صادق بس اطمن على حبيبه الاول.. ثم اغلق هاتفه ثم قاد السياره بجنون وهو يعود للاستماع لحديث مرام مع حبيبه..وهو يشتعل من شدة الغضب فلاش باك.. وقف سائق حبيبه يتحدث بتوتر في هاتفه.. دون ان ينتبه لجيلان التي وقفت بالقرب من سيارتها تستمع اليه وقد لفت نظرها حديثه الغامض =الحمد لله يا نجيبه انا اول ماسيبتها بلغت عمر بيه علطول..بس ادعي انه يلاقيها ..دي طيبه اوي و بتعاملني احسن معامله.. ثم تابع بعد ان صمت قليلا =انا قاعد اهوه مستني اي اخبار عنها ولما اعرف حاجه هطمنك مع السلامه انتي وخدي بالك من العيال.. ثم اغلق الهاتف وجيلان تبتسم بقسوه وهي تدخل الى سيارتها وتعيد الاتصال بصادق.. صادق بترحيب مبالغ فيه.. =جيلان هانم دا ايه المكالمه السعيده دي.. جيلان بغضب .. =اسمع يا صادق انت عارف ان المناقصه إتأجلت وهتتعمل كمان اسبوعين فلو عاوزني اكمل اتفاقنا فانت كمان تنفذ الي هطلبه منك.. صادق ببرود... =إئمريني ياهانم... جيلان بقسوه.. =تقتل البت الي اسمها حبيبه وتخلصني منها.. صادق بسخريه =وده اعمله ازاي وهو حاطط عليها حراسه ولا حراسة ملكة بريطانيا.. جيلان بشماته .. =لا ماهي هربت من الحراسه وهو نفسه لسه بيدور عليها. .. صادق بغضب =وان كان عمر الرشيدي بجلالة قدره مش قادر يلاقيها يبقى انا الي هاقدر الاقيها.. جيلان بغضب =ايوه هتلاقيها وتخلصني منها دا لو عاوز اتفاقنا يكمل... ثم اغلقت الهاتف في وجهه بغضب وصادق ينظر للهاتف باحتقار ثم بثق عليه وهو يقول بتأفف =اصلها كانت ناقصه بنت المجنونه دي هي كمان.. ثم تنهد بضيق وهو يجري اتصالاته محاولا العثور على حبيبه ..حتى جائه اخيرا اتصال هاتفي من احد رجاله الفنيين يخبره بقيام حبيبه باجراء سحب نقدي من احد ماكينات الصرف باحدى محطات مصر .. ليجري على الفور اتصالا برجاله أمرهم فيه بضرورة التخلص من حبيبه... ثم اغلق الهاتف بتوتر وهو يخشى تبعات فعلته ورد فعل عمر عليها.. عوده للحاضر .. قاد عمر سيارته بسرعه مجنونه وهو يستمع الى حبيبه وهي تتحدث مع مرام بتعب وصوت واهي ضعيف =انا اسفه يا مرام بس انا هضطر اقفل معاكي علشان القطر بتاعي خلاص وصل مرام برجاء =بلاش يا حبيبه علشان خاطري عمر بيحبك والله ... ليتحدث عمر اخيرا وهو يقول بتوتر شديد..في حين توقفت هي عن الحركه وهي تستمع اليه يقول برجاء شديد =حبيبه اسمعيني كويس يا حبيبتي انا اسف ..اسف على كل حاجه عملتها بجبروتي وقسوتي واتسببت في أذيتك وخلتك مش واثقه فيا بس دا مش المهم دلوقتي يا حبيبتي انا عاوزك تروحي نقطة الشرطه الي عندك وتقعدي فيها لحد ما اجيلك.. وقفت حبيبه تنظر للقطار بضعف وهي تستمع لعمر يصرخ فيها برجاء =اعملي الي بقولك عليه ..صادق عرف مكانك وانتي مش في امان دلوقتي ارتعبت حبيبه وهي تتلفت حولها وعمر مازال يصرخ فيها.. =انتي سمعاني يا حبيبه ردي عليا.. حبيبه بهمس ودموعها تسيل وهي تتلفت حولها =سمعاك يا عمر.. عمر محاولا بث الطمئنينه فيها. . =طيب اعملي الي بقولك عليه ومتخافيش يا حبيبتي انا قربت اوصلك بس منقفيش لواحدك روحي لنقطة الشرطه الي عندك وانا ثواني وهكون جنبك.. تلفت حبيبه حولها بخوف وهي تدرك ان المكان هادئ اكثر من المعتاد..فقالت بألم .. =عمر انت مبتضحكش عليا وبتعمل كده علشان توصلي وتعمل الي هددتني بيه زمان .. هتنزل البيبي زي ماشفتك عملت في الحلم عمر بعشق وندم =وحياتك عندي يا حبيبه انا مبكدبش عليكي بس اسمعي الكلام واعملي الي بقولك عليه . حبيبه بعناد وهي تضع يدها على بطنها بحمايه =لاء احلف بحياة جدتك وانا اصدقك. عمر بغضب =اسمعي الكلام ونفذيه يا حبيبه ده مش وقت الكلام ده خالص.. صمتت حبيبه دون ان تجيب ليصرخ بها عمر بنفاذ صبر =وحياة جدتي انا مبكدبش عليكي ولا هئذيكي ولا هئذي ابننا.. ولا حتى هبعده عنك بس اتحركي.. شعرت حبيبه بصدق حديثه فقالت وهي تبحث بعينيها عن مكان اقرب نقطة شرطه اليها لتصطدم عينيها بثلاثة رجال اشداء يحملون سلاح تحت ملابسهم ويبحثون عنها بأعينهم ارتمت حبيبه ارضا وزحفت بخوف نحو حمام الرجال الاقرب اليها وهي تهمس لعمر بخوف شديد... =هما هنا ..هنا يا عمر وبيدورو عليا... عمر بغضب مجنون =انتي فين دلوقتي ياحبيبه همست حبيبه برعب كاد ان يوقف قلبها وهي تستمع لخطواتهم تقترب منها.. =انا في حمام الرجاله الي قصاد محطة قطر الصعيد .. ثم همست برعب وهي تستمع في الهاتف الى صوت اطارات سيارة عمر وهي تحتك بقوه شديده بالاسفلت من شدة سرعتها =بلاش تسوق بالشكل ده يا عمر العرببه ممكن تتقلب بيك عمر بهمس غاضب =اسكتي يا حبيبه وحاولي متعمليش اي صوت لحد ما أوصلك.. حبيبه وهي تصغي جيدا فلا تسمع اي صوت =مفيش صوت الظاهر مشيوا وبعدوا عن هنا الا انها صرخت برعب والباب يفتح عليها فجأه بعد ان ركله احدهم بقوه وهو يوجه سلاحه الناري نحو رأسها ويقول بانتصار... =اخيرا لاقيناكي ... ثم انطلقت منه رصاصه موجهه نحو هدفها بدقه شديده .. الفصل الثالث والعشرين شهقت حبيبه برعب وهي تشاهد مهاجماها يقتحمان عليها المكان و احدهم يصوب سلاحه الناري المزود بكاتم للصوت نحوها وهو يقول بانتصار... =اخيرا لاقيناكي ... ثم أطلق النار نحوها دون تردد... فأغلقت عينيها استعدادا لتلقي الرصاصه التي سترحمها اخيرا من كل الفوضى التي تملاء حياتها .. الا انها ولدهشتها لم تصبها واصابت الحائط بجانبها بعد ان ازاح رفيق مهاجمها يده فتسبب في اختلال توازنه وهو يقول بغضب.. استنى يا غبي بتعمل ايه ..الاوامر الي عندنا نتخلص منها ومن جثتها ومنسبش اي دليل ورانا دا غير الحاجات الي مطلوب مننا نصورها .. المهاجم الحامل السلاح بغضب.. طب ماهو ده الي انا بعمله..هنقتلها ونخلص ونمشي..ولا من شاف ولا من دري الرجل الاخر بغضب .. والفديو الي المفروض نصوره معاها يا غبي ..ولو موتناها تقدر تقولي هانخرج بجثتها من المحطه ازاي.. تابعت حبيبه حديثهم برعب ثم نظرت للهاتف في يدها واسرعت بتخبئته بداخل ملابسها..وهي تتمنى ان يكون عمر مازال على الجانب الاخر من الهاتف يستمع الى مايحدث معها.. على الجانب الاخر.. استمع عمر بصدمه الى حديث مهاجميها وقد تملك قلبه الخوف الشديد من خسارتها .. فزاد من سرعة سيارته بطريقه جنونيه حتى كادت ان تنقلب به وهو يقودها بسرعه جنونيه عكس اتجاه سير السيارات.. وهو يتجاهل اصوات الاحتجاجات وصوت زامور السيارات الذي ارتفع من حوله بسبب قيادته المتهوره ولكنه تجاهلهم وتركيزه كله منصب على اختصار الوقت ووصوله بأقصى سرعه الى مكان تواجد حبيبه .. حتى تم له ما اراد ووصل في وقت قياسي الى مبنى محطة القطار فخروج من سيارته بسرعه شديده قبل حتى ان تتوقف عن الدوران .. وهو يركض بأقسى مايملك من سرعه .. وقد حرص على الرغم من خوفه وغضبه الشديد على التزم الصمت التام خوفا من ان يعلم مهاجموها بأنه يستمع اليهم.. يتبعه ياسر الذي ركض هو الاخر باقصى سرعه يملكهاخلف عمر وهو يقول بتوتر لمرام التي انهارت في نوبه من البكاء =خليكي هنا يا مرام متتحركيش من مكانك ..دول مجرمين ومنعرفش ممكن يعملوا ايه شهقت مرام وهي تهز رأسها بطاعه وتدعي الله ان ينجي صديقتها والا تفقدها للابد.. في نفس التوقيت.. اقترب المهاجم من حبيبه وسحبها من يدها وقال مهددا.. =انتي هتخرجي معانا من سكات ولو اتكلمتي والا فتحتي بوقك مش هستنى وهفرغ فيكي رصاص مسدسي فاهمه والا لاء هزت حبيبه رأسها موافقه وهي تتأمل السلاح الذي بيده برعب شديد .. الا انها تفاجأت بالمهاجم الاخر يسحب حجابها من فوق رأسها يلقيه ارضا بعد ان اقترب منها بطريقه مقززه .. وهو يقول بخشونه وعينيه تمسحها بنظرات شهوانيه مقززه.. وحبيبه تحاول مقاومته وابعاده عنها برعب.. =بقولك ايه ماتيجي نأجل موضوع القتل ده اسبوع والا اتنين ونمتع نفسنا..البت طلعت حلوه اوي يا زميل.. ثم نظر لها بشهوه وهو يمرر يده على وجهها وهي تبكي وتحاول ابعاد يده عنها .. =بقى بذمتك مش حرام الجمال ده كله يموت من غير ماندوقه مره واتنين.. دي مش تستاهل نصورلها فيديو واحد لا دي تستاهل يتعملها عشره خمستاشر فديو على الاقل نفتكرها بيه بعد ما نقطع الرقبه الحلوه دي مرر المهاجم الاخر عينيه على جسد حبيبه برغبه ثم قال بشهوانيه .. =ماشي بس المهم نخرج بيها من هنا الاول وبعدها مفيش مانع نمتع نفسنا شويتين تلاته قبل مانخلص عليها.. قاومتهم حبيبه بقوه على الرغم من الرعب الشديد الذي يسيطر عليها وهي تحاول بقوه منع احد مهاجميها من ان بحتضنها ويحملها للخارج وهي تصرخ فيه بغضب.. = ابعد ايدك القزره دي عني ...انتوا عاوزين مني ايه انا مش هتحرك من هنا ..موتي اهون عليا من الي انتوا عاوزين تعملوه فيا.. المهاجم بسخريه وهو يتحسس جسدها بطريقه مقززه.. = ماانتي كده او كده هتموتي .. مستعجله على ايه..على الاقل هنمتعك قبل ما تموتي.. لترتفع ضحكاتهم بسخريه شديده واحدهم يمد يده يحاول جذب رأسها يقربها منه في محاوله لتقبيلها الا ان حبيبه فاجئته بقضم يده بقوه شديدهحتى اسالت منها الدماء وهي تركله غي جسده بأقسى قوتها في محاوله لابعاده عنها وقد شعرت رغم مقاومتها الشديده باليأس ودنو اجلها وهي تضربه وتخمش وجهه و تقاوم بكل قوتها .. وأملها يضعف شيئآ..فشيئآ.. في ان يتم انقاذها او ان يصل اليها عمر قبل ان يتخلص منها مهاجموها .. لتقرر فجأه ان تقاوم هنا حتى الموت والا تتركهم ينالوا منها او من شرفها .. فحاولت الصراخ بقوه مستنجده وهي تخمش وتضرب وجه وصدر مهاجمها بقوه حتى فشل في السيطره عليها .. ثم توقفت فجأه عن المقاومه و قد إنهارت مقاومتها و خارت كل قواها.. وإرتمت فجأه بعنف ارضآ وذلك بعد ان اخرج المهاجم الاخر جهاز صاعق كهربي صغير ثم وجهه لعنقها وصعقها به.. وهو يقول بغضب =اتهدي بقى يا بنت الكلب ايه محدش قادر عليكي.. فإنتفضت حبيبه بقوه وهي ملقاه ارضا وقد شعرت بألم شديد يغذو كامل جسدها ...تحول فورا الى شلل في كامل جسدها ..لا تستطيع الحركه ..لا تستطيع الكلام.. تنظر برعب اليهم و تحاول بيأس النهوض للمقاومه فلا تستطيع وهي تستمع لمهاجمها يقول للاخر بسخريه.. = بقى عاملي قتال قتله ومش عارف تسيطر على حتة بت زي دي..يلا شيلها معايا خلينا ناخدها ونغور من هنا.. ثم لف احدهم يده حول خصرها بقوه يدعمها حتى لا تسقط واعاد ترتيب شعرها وملابسها ومسح الدماء عن وجهها حتى لايثير ريبة احد في الخارج بمظهرها المشعث ثم امال رأسها على كتفه وهو يقول بتحذير.. = الي يسأل هنقول دي مراتي وعندها جلطه مش مخلياها قادره تتكلم ولا تتحرك واحنا رايحين بيها للدكتور .. .. مفهوم.. ثم تابع بعزم .. =يلا بينا.. في نفس التوقيت.. وصل عمر الى داخل محطة القطار يتبعه ياسر .. ليجد نادر ورجاله يقومون بتفتيش الحمامات الرجاليه الموجوده بالمكان بهدوء وحذر شديد دون ان يثيرو اي ضجه او انتباه الموجودين.. فاقترب عمر بسرعه شديده من نادر الذي اشار بيده الى رجاله بالاختباء والاستعداد هو يشير الى احد الحمامات ويقول لعمر بصوت هامس .. =احنا فتشنا كل الحمامات ولاقيناها فاضيه ودا الحمام الاخير.. انا مرضتش ادخل اهاجمهم لان معاهم سلاح واكيد هيبقى فيه ضرب نار والمكان الي هما فيه ضيق .. ثم تابع بتأكيد.. ودا ممكن بخلي اي رصاصه طايشه من الجانبين تصيبها .. لكن لما تخرج لمكان واسع ومفتوح هنقدر نتعامل معاهم من غير ما نعرضها للخطر.. هز عمر رأسه بصمت دون ان يتحدث وكل عرق ونبض بداخله مشدود بشده ممزق مابين خوفه على سلامتها و رعبه من ان يصيبها اي أزى وغضبه الشديد من نفسه ومن مهاجميها.. ليتجاهل كل مايشعر به ويلقيه خلفه وهو يخرج سلاحه يتأكد من جهازيته و يقول بصرامه شديده.. =العيال دول يلزموني ..انا مش عاوزهم يموتوا.. ثم اضاف بقسوه شديده.. = بس برضه عاوز الي بيراقبنا دلوقتي علشان يتأكد من موت حبيبه يشوفهم وهما بيموتوا علشان ميخدش حذره ويختفي قبل ما اقدر اوصله.. ثم تابع بصوت مخيف اثار التوتر في نفس نادر و ياسر معا.. =بلغ رجالتك بكلامي علشان انا مش هقبل اي غلط في تنفيذ الي انا عاوزه.. نادر بثقه وهو يشفق من الان على مصير مهاجمي حبيبه فهم ينتظرهم مصير اقسى من الموت .. =حاضر يا باشا أوامرك هتتنفذ.. ثم عدل من وضع سماعته والقى بتعليمات عمر لرجاله ثم قال بعمليه.. = انا سمعت كل كلامهم مع حبيبه هانم ولحسن حظنا هما مش عاوزين يتخلصوا منها هنا والا كانو اجبرونا على اننا نتعامل معاهم و ده كان هيعرض حياة حبيبه هانم لخطر كبير ... ياسر برجاء = ان شاء الله مش هيحصل حاجه لحبيبه والكلاب دول هايخدوا جزائهم اشار نادر لياسر بالصمت وهو يستمع جيدا لحديث مهاجمي حبيبه فقال فجأه بحسم لرجاله .. = استعدوا هما خارجين دلوقتي.. وزي ما فهمتكم مش عاوزين شوشره ولا دم هنتابعهم ولما يبقوا بره المحطه هنتعامل معاهم بالطريقه( ج)..مفهوم يا رجاله في حين توترت اعصاب عمر بشده وهو يتابع بغضب حارق خروج مهاجمي من الحمام برفقة حبيبه الغائبه عن الوعي.. وشعرها المكشوف يغطي وجهها الملقى على كتف احد مهاجميها وعقله يعيد عليه بقسوه وإلحاح احداث ماجرى معها من عنف وتحرش حتى كاد في لحظة جنون ان يبدء في اطلاق النيران عليهم حتى يزهق ارواحهم .. الا انه تراجع وخشيته على حبيبه تغلب غضبه وهو يمشي بحذر بمحازاتهم من على الرصيف الاخر يتابعهم بصمت وتوتر يده مشدوده بغضب على زناد سلاحه خوفا من ان يقوم مهاجميها بأي حركه مفاجأه قد تعرض حياة حبيبه للخطر .. حتى اصبحوا خارج مبنى محطة القطار .. واقتربوا من الوصول الى سيارتهم ليتفاجئوا بانقضاض عمر ونادر عليهم ... في حين احاطهم باقي رجال نادر من كل مكان ليبدء نادر بالتعامل معهم بقسوه شديده وهو يشبعهم ضربآ وركلا ... ووسط كل ذلك تجاهل عمر مايحدث حوله وهو يتلقى حبيبه بلهفه بين زراعيه و يضع يده برعب على الشريان النابض في عنقها... فيتنهد براحه وهو يتأكد من انها مازالت على قيد الحياه.. فضمها اليه بحمايه شديده وهو يحملها ويركض بها بعيدا الى سيارته يتبعه ياسر الذي توقف بصدمه وهو يرى رجال عمر يطلقون النار على خاطفي حبيبه ثم يرفعوهم ويلقو بهم بداخل سيارتهم ويغادىون المكان بسرعه شديده .... ابتلع ياسر ريقه بتوتر وهو بفتح باب سيارة عمر و ينظر بتعاطف لمرام التي جلست تبكي وهي تحتضن حبيبه التي مازالت غائبه عن الوعي.. في حين انطلق عمر بالسياره بسرعه شديده الى احدى المستشفيات الخاصه وهو يدعي الله بنجاة زوجته وطفله معا.. بعد مرور ساعه ... وقف عمر يستمع بلهفه الى الطبيبه المعالجه لزوجته التي اخبرته بإبتسامه مطمئنه.. =اطمن يا عمر بيه مدام حبيبه حالتها كويسه ومستقره ومفيش اي داعي لقلقك ده.. عمر بقلق شديد.. طيب لما هي كويسه ليه مفاقتش لحد دلوقتي.. الطبيبه بهدوء.. = انا اديت لها منوم علشان تنام وترتاح.. متنساش انها اتعرضت لضغط عصبي كبير غير العنف والصعق الكهربي الي اتعرضتله الي لو كان حصل لها بالقرب من منطقة الرحم كانت فقدت البيبي ومكناش هنقدر نعمل لهاحاجه.. ثم تابعت بعمليه.. =لكن الحمد لله الصعق مسببش ليها اي مضاعافات ..مجرد شلل مؤقت وتعب في العضلات هيروح بشوية مسكنات.. عمر بتوتر =طيب ممكن أدخل أشوفها.. ابتسمت الطبيبه وهي تشير اليه بالموافقه.. =اتفضل..بس بهدوء علشان احنا محتاجنها تنام علشان ترتاح و عموما مش هتحس بيك ولا هتصحى قبل بكره الصبح عمر بلهفه.. =انا هاقعد جنبها علشان اطمن عليها ومش هاقلقها ولا هعمل اي صوت الطبيبه بابتسامه رقيقه.. = طيب اتفضل.. دخل عمر بهدوء الى غرفة حبيبه في المشفى ليتوقف وهو يجد مرام تجلس بهدوء بجانب فراشها وهي تحمل المصحف الشريف وتقرء منه بجانبها ... فرفعت عينيها فوجدت عمر يقف بجانب الباب دون ان يتحدث فأغلقت المصحف وهي تصدق ثم ابتسمت وهي تقف وتقول بهدوء = الدكتوره طمنتني عليها وان شاء الله الصبح هتفوق وتبقى كويسه ابتسم عمر وهو بقول بامتنان = انا متشكر قوي يا انسه مرام على الي عملتيه انتي وياسر معانا وان شاء الله اقدر اردلكم جميلكم.. مرام وهي تبتسم بطيبه وتتوجه للخروج حتى تتيح له فرصة الاطمئنان على زوجته .. =مفيش جميل ولا حاجه .. انا بعتبر حبيبه زي اختي بالظبط ومفيش جمايل بين الاخوات.. ثم ابتسمت بلطف .. =أنا خارجه اقعد مع ياسر بره لو حبيبه فاقت او احتاجت اي حاجه نادي عليا ... ثم تركته وتوجهت الى خارج الغرفه اقترب عمر بهدوء من فراش حبيبه ووقف قليلا بتأملها بعشق يختلط بالندم ثم جلس بجانبها و هو يمرر يده بحنان على ملامح وجهها المتعبه يتتبع الكدمات بأصابعه بألم وجسده يكاد يشتعل من شدة الغضب وهو يراها نائمه أمامه بضعف شديد وهي مغطاه بالكدمات والجروح.. ثم تنهد بألم وهو يمرر يده بحمايه وحب على بطنها وينحني يقبلها وهو يهمس بتعب وندم .. =انا اسف يا حبيبتي..اسف على كل العذاب الي شفتيه بسببي.. انا أسف إني مقدرتش أحميكي ولا احمي ابننا ثم تابع بألم = أسف على غروري الي خلاني سايب التعابين دول كلهم حواليكي وانا بأجل اني اقضي عليهم وغروري مصورلي انهم مش هيقدروا يوصلولك او يأذوكي... ثم تابع بغضب شديد من نفسه.. = وده كله ليه ..علشان اقضي عليهم واعمل منهم عبره علشان احافظ على صورتي وهيبتي بين الناس..عمر الرشيدي الي محدش يجروء يقف قصاده وبيفرم اي حد يتحداه.. عرضتك وعرضت ابني للخطر علشان غروري وكبريائي الي رفض يصدق اني ممكن مقدرش احميكي وان في لحظه كان ممكن اخسرك .. ثم تنهد بتعب و هو يقول بألم شديد =أنا للاسف مستحقكيش يا حبيبتي مستحقش طيبتك وحنانك وحبك ليا ووجودي جنبك مبيجلبش ليكي غير الاذى والالم..وده لازم أغيره حتى ولو على حساب سعادتي وعشقي ليكي بس سعادتك عندي اولا.. ثم نهض وقبل جبينها بحنان ثم توجه للخارج فقابلته مرام وياسر الذي قال باهتمام .. =حمد الله على سلامة مدام حبيبه يا عمر بيه .. عمر بهدوء .. =الله يسلمك.. ثم تابع بجديه.. =معلش يا جماعه انا هاسيب حبيبه شويه وهارجع لها قبل ماتفوق ..عندي حاجه مهمه لازم اعملها..فلو تحبوا انا ممكن اخلي السواق يوصلكم .. مرام باعتراض =انا مش هاسيب حبيبه لوحدها انا هاقعد معاها لحد ما تفوق .. ياسر باعتراض هو الاخر.. =وانا مش هسيبك تباتي هنا لواحدك انا كمان هفضل معاكم لحد على الاقل ماعمر بيه يرجع علشان تبقى مطمن عليكم عمر بامتنان.. =انا متشكر اوي على مشاعركم وعموما انا مش هتأخر كتير ومتقلقوش الدور كله مفيش فيه غير جناح حبيبه هو بس الي مشغول و الحراسه واقفه على كل مداخله و متأمن كويس جدا.. توجهت مرام الى غرفة حبيبه وهي تقول بجديه = خلاص يبقى اتفضل انت يا عمر بيه وانا هافضل معاها لحد ما تفوق في حين جلس ياسر مره اخرى على مقعده الموجود امام الغرفه وهو يقول باصرار.. = وانا كمان مش هتحرك من هنا الا لما انت ترجع واطمن ان مدام حبيبه فاقت و بقت معاك ابتسم عمر بامتنان واتجه لخارج المشفى بسرعه في طريقه الى احد مخازنه في طريق مصر الصحراوي.. بعد مرور ساعتين.. وصل عمر الى المخزن المحبوس فيه مهاجمي حبيبه.. ثم قام بخلع الجاكيت الخاص به وناوله لاحد رجاله وجلس بهدوء على مقعد مريح موجود في منتصف المخزن الخالي وبدء في اشعال سيجار رفيع وهو يثني كميه... ثم قال بهدوء مخيف .. = هاتوهم.... تحرك الحراس ..وأسرعوا بإحضارهم وهم مكبالين امامه.. يرتعشون من شدة الخوف على الرغم من اجسادهم الضخمه وهم يرمون ارضا امام اقدام عمر الذي قال ببرود مخيف.. =حد عمل فيهم حاجه.. نادر بقسوه.. = لا يا باشا أوامرك اتنفذت من اول ما جبناهم هنا و محدش لمسهم ولا جه نحيتهم.. ركل عمر وهو ما زال جالسا احد المهاجمين في وجه بقوه و هو يقول بسخريه غاضبه.. =ولما محدش لمسكم بتعيطوا زي النسوان ليه.. ارتعش احد المهاجمين وهو يقول بخوف شديد =والله ما كنا نعرف انها مراتك يا باشا ولو كنا نعرف استحاله كنا نوافق .. ثم تابع بنواح.. = الي اجرنا قالنا انها بت شمال كان ماشي معاها و زهق من زنها وعاوز يخلص منها.. وقف عمر ثم قال ببرود كالجليد .. = و ايه كمان.. ارتبك المهاجم ولم يستطع الرد على سؤال عمر الذي اقترب من زميله الاخر ثم أطفأ سيجاره اسفل عينيه في نفس المكان الذي تتواجد به كدمة حبيبه وهو يتجاهل صراخه وعويله ببرود و يقول بقسوه.. = كلامي واضح انت اتطلب منكم تقتلوا مراتي و ايه كمان.. نظر المهاجم ارضا وهو يقول بخوف وصل حد الارتعاش .. = ابوس ايدك ترحمنا يا باشا احنا مكناش نعرف انها مراتك.. ابتسم عمر وهو يركله في وجهه ويقول بقسوه شديده.. =قولي يا نادر الي يضرب مراتي ويحاول يقتلها و اتحرش بيها وكان ناوي يصورلها افلام وهو بيغتصبها يبقى جزاته ايه.. نادر بقسوه شديده .. =جزاته الموت يا عمر بيه.. عمر بصرامه مخيفه... =وتفتكر موتهم هايشفي غليلي.. ثم تابع وهو ينهض بغضب = فكهوملي.. اقترب نادر منهم وقام بفك قيدهم.. وقف المجرمان امام عمر الذي قال بصرامه وهو يشير لهم بالاقتراب.. =دافعوا عن نفسكم دا لو قدرتم يا روح امكانت وهو .. نظر المجرمان لبعضهم البعض ثم بدئوا في الالتفاف حول عمر ومهاجمته في نفس الوقت الذي استقبلهم عمر بلكمات في الوجه والرأس اطارت اسنانهم في الهواء واسالت الدماء بغزاره من وجوههم .. ليبدء عمر بمهاجمتهم بكل الغضب والعنف المكبوت بداخله .. فوجه ضرباته بشكل مركز وموجع لوجوههم واجسادهم ..في موضع كل كدمه او ندبه صغيره تسببوا بها لحبيبه فكان يتسبب لهم فيها بكسر او اصابه بالغه حتى انتهى منهم و قد اصبحوا كتله من اللحم المهروس الغارق في الدماء.. بصق عليهم عمر ثم قال بهدوء وهو يزيل باحتقار دمائهم المتطايره عن وجهه =هاتلهم دكتور انا لسه محتاجهم ... نادر بهدوء =أمرك يا باشا.. بعد اقل من ساعه .. دخل لهم عمر مره اخرى بعد ان عالجهم الطبيب الذي حاول تجبير ومعالجة ما يمكن علاجه وجلس امامهم ببرود وهو يتجاهل ارتعاشهم الواضح امامه.. = انا بقى قررت ان الجزاء من جنس العمل وهنفذ فيكم انتوا التلاته نفس الاتفاق الي عملتوه على مراتي.. صرخ احدهم بانهيار.. = ارحمنا يا باشا و احنا هنخلصك منه وشمس النهار مش هتطلع عليه.. عمر بسخريه.. = وانت فاكر اني لو عاوز اموته كنت هستناك انت والا هو يا بغل علشان تنفذوا الي انا عاوزه.. ثم ابتسم بغضب وهو يسحب حقيبه ويضعها امام وجوههم التي شحبت بشده.. وركلها امامهم بقدمه بقوه فأصابت احد المهاجمين وانفتحت وبعثرت محتوياتها امام وجوه المهاجمين التي اصبحت في شحوب الموتى.. عمر بقسوه شديده.. = جرى ايه يا مالكم خايفين اوي كده ..ايه مش هي دي قمصان النوم الي بعتهالكم صادق علشان تصورو بيها مراتي.. اشار عمر بيده بقسوه لعدد من رجاله الاشداء بالاقتراب وسط صريخ المهاجمين وبكائهم وطلبهم الرحمه = لبسوا شوية النسوان دول قمصان النوم دي وصوروهملي كام فيديو حلوين كده .. ثم كرر حديثهم لحبيبه مره اخرى بسخريه قاسيه =نقول عشره خمستاشر فيديو كده. ومتنسوش تجيبولهم كام صباع روج حلوين يليقوا على القمصان دي اقترب احد المهاجمين يحاول تقبيل قدم عمر وهو يقول ببكاء = ارحمنا يا عمر بيه الي انت عاوز تعملوا فينا ده اصعب من الموت.. ركله عمر في وجهه وهو يقول بقسوه شديده.. =احمد ربنا انك هتتصور بقمصان النوم بس لان انا لو طاوعت شيطاني كان زمانك خارج من هنا حامل يا روح امك.. ثم غادر وهو يقول بقسوه .. = حافظوا على قمصان النوم دي انا لسه لسه عاوزها.. نادر بعمليه.. =نطلع على صادق.. عمر بابتسامه قاسيه... =لا لسه..اصبر كلها اسبوع واحد وهايدور على حفره تلمه مش هيلاقي ..المهم خد جدتي وطلعها على فيلا الساحل واحرسها كويس وانا اول ما حبيبه تبقى كويسه هجيبها واجيلكم.. نادر بهدوء =طيب وجيلان هتعمل معاها ايه .. عمر بابتسامه قاسيه =هتاخد جزائها وجزاء كل الي عملته في مراتي بس الصبر..انا ضربتي ملهاش قومه تانيه بتنهي علطول.. ثم ربت على كتف نادر وقال بهدوء = روح انت اعمل الي قلتلك عليه وانا هاروح لحبيبه المستشفى .. في الصباح ... استيقظت حبيبه وتلفتت بفزع حولها و حاولت الهرب من الفراش وفك خراطيم الدواء الموصوله بيدها وعقلها لا يزال غير مستوعب لوجودها في المشفى .. لتتلاقاها زراعي عمر الذي ثبتها بقوه الى الفراش وهو يقول بحنان .. =متخافيش يا حبيبتي..إهدي انا معاكي ومحدش هيقدر يئذيكي... نظرت حبيبه لوجه عمر بذهول وعينيها تزرف الدموع بغزاره وهي تقول بغير تصديق.. = عمر...انت هنا ...انت هنا بجد.. وانا لسه ماموتش.. لتشهق فجأه بانهيار وهي تقول برعب .. = هما ..هما عملوا ..فيا ايه... دول كانوا عازين ي...... قاطعها عمر وهو يضمها اليه بقوه وحمايه و يقول بصوت واثق قوي حرص على ان يصل الى زهنها المتعب والذي يسيطر عليه الرعب.. =متخافيش ..محدش عمل فيكي حاجه يا حبيبتي ولا حتى لمس شعره من راسك حبيبه ببكاء.. =بجد يا عمر .. مسح عمر دموع حبيبه باطراف اصابعه وهو يقبل عينيها بعشق جارف.. = بجد يا قلب ودنية عمر..انا الي يلمس شعره منك امحيه من على وش الدنيا واعمله عبره للكل حبيبه بارتعاش وهي تضع يدها على بطنها بحمايه = طيب والبيبي كويس مش كده.. مرر عمر يده بعشق على بطنها وهو يقول بحنان = قصدك ابني حبيبي الي خلى مامته المجنونه تسيبني وتهرب قبل حتى ما تقولي انها حامل.. حبيبه باعتراض باكي =ماانا عملت كده علشان انت كنت هاتخليني أنزله..بس هو لسه كويس مش كده مرر عمر يده بحنان على وجهها وهو يقول بعشق.. =ايوه يا حبيبي كويس متخافيش ثم تابع بحنان .. حبيبه انا كنت عارف انك حامل من مده ومقلتلكيش علشان خفت من طيبتك تعرضك انتي وابني للخطر.. شهقت حبيبه وهي تقول بدهشه مضحكه.. =تقصد انك وماما دولت كنتم بتضحكوا عليا وانا كنت حامل فعلا مش تمثيل . ابتسم عمر بتسليه وهي تنظر له بغيظ وتحاول ضربه وهي تقول بغضب.. = ابعد عني انا مش عاوزه اكلمك..وماما دولت كمان متفقه معاك عليا ..وقاعده معايا ولا باين عليها وطول الليل و النهار تأكل وتشرب فيا وانا خايفه اقول لاء علشان متزعلش وانت مستغل الوضع ومخبي عليا.. قبل عمر باطن يدها وهو بقول بحنان =انا اسف يا حبيبتي بس انا كنت فاكر ان انا كده بتصرف صح وبحميكي.. حبيبه بارتعاش وقد سالت دموعها مره اخرى.. = انا مسمحاك يا عمر بس وحياة اغلى حاجه عندك متبعدنيش عن ابني زي ما كنت بتقولي ضمها عمر اليه وقال بحنان واسف شديد.. = انسي كل الكلام الغبي الي كنت بقوله تحت ضغط حبي وخوفي من ضعفي نحيتك انا الي بطلب منك يا حبيبه وحياة اغلى حاجه عندك متبعدنيش عن حياتك وحياة ابننا لأني من غيرك اموت.. ثم ضمها اليه بعشق جارف وهو يدفن وجهه في عنقها ويقول بحب وألم =انا كنت قررت اني ابعد عنك بعد كل الازى الي سببتهولك بس مقدرتش .. اليوم الي هتقرري تبعدي فيه عني هو ده يوم موتي الحقيقي يا حبيبتي فلو في يوم قررتي تبعدي عني عاوزك تفتكري انك بقرارك ده بتنهي حياتي الي متعلقه بيكي.. ضمته حبيبه اليها وهي تقول ببكاء = بعد الشر عليك ما تتكلمش كده تاني ..انت متعرفش انا بحبك قد ايه واستحملت قد ايه لمجرد اني افضل بس جنبك.. ابتسم عمر بحنان وهو يضمها اليه ويمسح دموعها وقد شعر بالدموع تملاء عينيه هو الاخر من قوة المشاعر التي يشعرها نحوها .. =طب كفايه بقى دموع يا حبيبتي انا مش قادر اشوفك بتعيطي بالشكل ده وكمان عشان البيبي والا انتي عاوزاه يزعل منك.. ابتسمت حبيبه وهي تمسح دموعها وتقول برقه =خلاص مش هاعيط تاني علشان لا انت ولا هو تزعلوا مني ... ثم ارتمت بين زراعيه تنعم بحبه وقربه منها.. بعد مرور ثلاثة ايام... إستلقت حبيبه بتوتر بين زراعي عمر في حوض السياحه المقام بداخل فيلتهم بالساحل و شعرت بزرعه تحملها برقه في المياه واليد الاخرى تدلك عنقها برقه تمحي توترها وتشنج عضلاتها وهو يهمس بإذنها بحنان.. = متخافيش يا حبيبتي انا معاكي ومش هاسيبك ..بس سيبي نفسك ليا ومتخافيش حبيبه باعتراض =انا مبعرفش اعوم يا عمر وجسمي كله بيتشنج بمجرد لما اشوف المايه خليني اخرج احسن مرر عمر يده على بطنها التي مازالت مسطحه وقال بمكر.. =خلاص انتي حره بس متبقيش تزعلي لما اجيب مدربة سباحه روسيه لابني علشان تعلمه العوم ..او لما انزل انا معاهم ونعوم ونلعب سوى طالما انتي رافضه تتعلمي العوم وتعلميه بعد كده حبيبه بغضب =نعم روسيه دا ايه ..طيب ابقى جيبها كده وانا اغرقهالك في البسين الي جايبها تدرب ابنك فيه ده.. ابتسم عمر وهو يضمها اليه بحنان شديد.. =يبقى تسمعي الكلام وتنفذي الي بقولك عليه حبيبه بخوف.. =بس انا خايفه ياعمر كل زكرياتي مع البحر والعوم وحشه ابتسم عمر وهو يقول بحنان.. =متخافيش يا قلب عمر والزكريات الوحشه دي نبدلها بزكريات حلوه وجميله تمحي الوحش ده خالص وتنهيه..ها موافقه يا حبيبي.. هزت حبيبه رأسها موافقه وبدأت بحذر وخوف تطبق ما علمه لها عمر حتى بدأت بعد مرور عدة دقائق وتنفيذ تعليماته بدقه تستطيع السباحه بطريقه معقوله ضحكت حبيبه بسعاده وعمر يلف يده حول خصرها يثبتها امامه وهو يقول بمرح.. = بصي هتاخدي نفسك وتحبسيه جواكي ..يلا هعد..واحد..اتنين تلاته..واحد..اتنين..تلاته ثم سحبها لاسفل مره اخرى لمده قصيره وهي تحبس انفاسها ثم رفعها لاعلى وهو يقول بمرح ... =يومين تلاته بالكتير وهخليكي استاذة سباحه وبعدها هعلمك الغطس.. ثم ازال شعرها عن عينيها ويده تمر على وجنتها بحنان.. =انا مش عايز اي زكرى سيئه تبعد عنك اي متعه من متع الحياه.. عاوزك تفرحي وتنبسطي و تعيشي وتحبي الحياه ثم تابع وهو يقبل شفتيها برقه.. = اول ما ان شاء الله تولدي وتقوميلي بالسلامه هلف بيكي الدنيا كلها واخليكي تعيشي الفرحه والشغف وتعرفي قد ايه الدنيا حلوه خصوصا واحنا مع بعض.. احتضنته حبيبه بسعاده ودفنت رأسها في عنقه وهي تدعي الله ان يديمه في حياتها .. لتتفاجأ به يتركها ويغطس اسفل الماء ثم يظهر فجأه وهو يحملها فوق كتفيه وهي تصرخ بمرح وإثاره لتبدء وصله من اللعب والمرح لم تنتهي الا بعد ان تأكد من تقبلها مره اخرى للعوم في المياه ونسيان زكرياتها السيئه مع مياه البحر... في نفس التوقيت.. وقفت جيلان تتحدث في الهاتف وهي تقول بغضب .. = بقولك رفض ياخدني معاه في فيلا الساحل بحجة ان الست حبيبه تعبانه ومريضه بعد الي حصلها ومش هينفع ياخدني علشان متتعبش زياده صادق بغضب =ركزي معايا وانسي حبيبه وحبك لسي عمر شويه..بقولك الاتنين الي كنت باعتهم يقتلوا مراته ماتوا قبل ما عمر يقدر يستجوبهم وده لحسن حظنا بس انا برضه خايف وقلبي مش مطمن عمر الرشيدي مش سهل علشان يتعامل ببرود كده مع حادثة محاولة قتل مراته واغتصابها..و اكيد دلوقتي بيدور وبيفتش وممكن اوي يوصل لنا بسهوله.. جيلان بشحوب.. = هايوصل لنا ازاي بس.. انت مش قلت ان الاتنين الي باعتهم خلاص ماتوا ورجالتك الي كانوا بيراقبوا الي حصل بعتولك صورهم وهما مضروبين بالرصاص.. صادق وهو يمرر يده في شعره بغضب =مش عارف بس الواد الي اسمه نادرالي شغال عنده ده مش سهل ولا عبيط علشان يقتلهم من غير ما بستجوبهم ..انا حاسس ان فيه حاجه غلط في الموضوع.. جيلان بخوف .. = طيب والحل ايه.. صادق بجديه.. =الحل اننا نتغدى بيه قبل ما يتعشى بينا.. جيلان بتوتر =يعني عاوزني اعمل ايه اتكلم من غير الغاز... صادق بحسم =المناقصه لسه على ميعادها تلات ايام و اكيد هو مجهز الملف الي هيبعته خلاص..عاوزك تستغلي فرصة انه مش موجود في القصر وتدخلي لمكتبه وتحطي الفلاشه الي عطتهالك وبكده هننهيه خالص ومش هيبقى قادر على أذيتنا جيلان بتفكير .. =ماشي بس هو بقاله مده بيقفل اوضة المكتب بس مش مهم انا هدخل من بلكونة الاوضه انا لاحظت انه دايما بيسيب شباكها مفتوح فانا هدخل منها من غير ما حد يحس بيا و احطها وانقل كل الي عليها للاب بتاعه واخرج من تاني.. ابتسم صادق وهو يقول بانتصار.. = والفلاشه نفسها عليه فيروس هيغير كل الارقام وتبعت ايميل بالارقام الجديده للشركه الفرنسيه الي عامله المناقصه...وبكده يبقى باي باي عمر الرشيدي للابد ثم ارتفعت ضحكاته الشيطانيه تملاء المكان ...

مقالات ذات صلة

الأربعيني الأعزب بقلم آية محمد رفعت الجزء الثاني

نور بقلم مروة جمال الجزء الثاني

القطة المدللة بقلم أكرام يوسف الجزء الثاني

ورقة جواز عرفي بقلم سكوبي دو الجزء الثاني

المتمردة بقلم وعد يحيى الجزء الثاني

لم تكن خطيئتي بقلم سهام صادق الجزء الأول

اترك تعليقاً إلغاء الرد