سيد القمر الأسود بقلم زينب مصطفى الجزء الثالث

نظر عمر لها بعطف ثم اجاب بهدوء

=الي فهمته منه انك الوريثه الوحيده لشريف ابن عمك بعد ما والدته اتوفت من حوالي اسبوعين..

شهقت حبيبه بصدمه وامتلئت عينيها بالدموع ..
=طنط سميره إتوفت..

ثم تابعت ودموعها تسيل بحزن

=أكيد ماتت من زعلها على ابنها ..

عمر بلطف..
=امسحي دموعك وانا هدخلك المحامي عشان تتفاهمي معاه..

ثم غاب قليلا وعاد برفقة محامي تظهر عليه مظاهر الوقار والاحترام

فجلس بهدوء بعد ان حيا الجميع..

=انا اسف يا حبيبه هانم اني جيتلك في ظروف زي دي بس ده ورث و أمانه لازم أسلمها..

ثم تابع باحترافيه

=موكلي المرحوم شريف متولي عبد الحق كان بيملك مبلغ وقدره مليون جنيه مصري موضوعه باسمه في البنك ..وشقه تبلغ مساحتها ٣٠٠متر جديده كان لسه شاريها في برج قبل وفاته بيوم واحد دا غير العربيه بتاعته بس للاسف البوليس لقاها متدمره بعد حادثة السرقه الي اتعرض لها..ودي كل املاكه المسجله باسمه وحضرتك اكيد عارفه ان الشقه القديمه الي كان بيسكن فيها هو والدته كانت ايجار قديم ورجعت للمالك بعد وفاتهم..

نظرت حبيبه لعمر بارتباك لا تعرف كيفية الرد او التصرف الصحيحه..

عمر بهدوء..

=والمطلوب ..

المحامي بثقه..

=ابدا احنا عملنا فعلا اعلان وراثه واتحكم فيه ..وكل الي مطلوب من حبيبه هانم انها توقع على الاوراق
دي وتستلم ورثها..

عمر بهدوء
=ممكن اشوف اعلان الوراثه..

ناوله المحامي بضع اوراق ..ثم اشار لحبيبه..

=امضي يا حبيبه الورق كله مظبوط..

حبيبه بارتباك
=بس ..بس مش هيبقى حرام ..أقصد ان الفلوس دي مصدرها..

عمر بهدوء
=مفيش حاجه حرام في استلامك لميراثك وان كان على مصدر الفلوس فدي حاجه تخص صاحب الفلوس الاصلي مش الوارث..

هز المحامي رأسه موافقا

=كلام عمر بيه مظبوط ..

ثم قرب الاوراق منها بهدوء

]اتفضلي امضي هنا

ربتت الجده على يدها مشجعه ..
فتناولت حبيبه القلم باستسلام ووقعت الاوراق الخاصه باستلام إرثها في حين نهض المحامي مغادرا بعد ان سلمها نسخه من الاوراق..ومفاتيح شقتها الخاصه ..
خرج عمر برفقة المحامي بعد ان اغلق الباب من خلفه ..
مد المحامي يده لعمر مودعآ باحترام

=اتمنى اكون نفذت كل الي انت عاوزه يا عمر بيه..انا مرضتش اخلي اي حد من الي بيشتغلوا عندي هما الي يقوموا بالمهمه دي وقلت ان أوامرك لازم أنفذها بنفسي