سيد القمر الأسود بقلم زينب مصطفى الجزء الثالث

=ماتنطق يا دسوقي انت والا ابنك
البنيه راحت فين

نظر عطوه لعمر بخوف وارتباك وقال بصوت متقطع
=مش..مشيت..مع عصمت هانم

جزبه عمر من جلبابه وهو يقول بغضب حارق
=نعم ياروح امك بتقول ايه.. انت سايبنا بنتكلم بقالنا ساعه ولسه فاكر تقول انها مشيت دلوقتي

عطوه بارتباك
=وانا هكدب ليه يا عمر بيه هي خدتها ومشيت ..

جذبه عمر من جلبابه وقال بغضب

=انت متخلف يالا..بقى انت عامل الفرح ده كله والهيصه دي كلها وعازم اهل البلد و بعدين عاوز تقنعني انك سيبت العروسه تمشي مع امها كده عادي..ده فرضا انك برئ ومتعرفش حاجه

ليتابع بغضب شديد
=طيب وعربيتها الي مركونه بره ..ايه قررت تسيبها وتسافر القاهره مشي على رجليها

عطوه بارتباك
=وانا هعرف بس منين يا بيه انا كل إلي اعرفه انها خدت بنتها ومشيت من يجي ربع ساعه وقالت انها هتاخد عربيه من على الطريق

لكمه عمر بقوه وغضب في وجهه وقد فاض به
]يعني لسه ماشيه وقاعدين تلفوا وتدورو في الكلام لحد ما عدى
ربع ساعه في كلام فاضي

ثم صرخ بهم بغضب وقد فاض به

=مشيت منين ومش عاوز كدب لأن رجالتي بيحاوطوا البلد كلها دلوقتي ومحدش هيعرف يخرج ولا يدخل منها الا بإذني..

أشار دسوقي للاتجاه الذي غادرت منه عصمت وحبيبه وقال بخوف
=من هنا يا بيه ..مشيوا من هنا

اندفع عمر يركض بسرعه في الاتجاه الذي اشار عليه دسوقي وهو يرفع هاتفه يتصل بنادر رئيس حرسه الخاص وقال بغضب

=عملتوا الي قلتلكم عليه

نادر بجديه
=البلد كلها متحاوطه برجالتنا زي ما انت أمرت بس فيه حاجه غريبه في عربيتين ملاكي واقفين بجنب
الارض الزراعيه انا ورجالتي بنفتش في الاراضي عن اصحابهم

عمر وهو يركض ويبحث على ضوء هاتفه عن اي أثر لحبيبه

الموضع كله على بعضه شكله كبير وميطمنش..فيه حاجات كتير انا مش فاهمها بس مش وقتها انا كل الي يهمني دلوقتي اني الاقي حبيبه قبل ما يحصل لها حاجه..

ثم تابع بجديه
=دورو كويس ..وخدو بالكم اصحاب العربيات دي ممكن يكونوا بيدورو هما كمان على حبيبه وإوعى حد يضرب رصاصه الا لما يكون متأكد هو بيضرب على مين

ثم تابع بقلق
=نادر انت صاحبي وعارف انا بثق فيك قد ايه ..انا مراتي موجوده في المكان هنا وحوالينا ناس شكلهم عاوزين يئزوها خلي بالك كويس ولتاني مره بأكد عليك محدش يضرب رصاصه الا لما يكون متأكد هو بيضرب على مين