تزوجت حبيبة اخي..بقلم اسراء هاني.الجزء الرابع.

آسر .. فعلا صعب اوي بس هبة بتحبه جدا وبنت جميلة وهتسعده آن شاء الله وحبها الشديد ده هيخلي قلبه ينسى إسراء ويميل عليها انا واثق

ندى .. يارب ساعتها كل مشاكلنا هتتحل يمكن ساعتها عمر يعترف لسامر انه عمل كدة عشانه وسامر يسامحه

آسر .. هو لسه رافض يقوله

ندى .. ايوة سامر لسه مبيكلموش وعمر رافض يقوله وهيتجوز ويسافر فترة يرتاح من كل حاجة

آسر .. فكرة كويسة برضو تكون النفوس صفيت سيبك بقى كلها كام يوم وتكوني عندي وفي بيتي يا سلام لا وايه هشوف كل حاجة

ندى .. كل حاجة يعني ايه

آسر .. يعني متجبيش هدوم في جهازك خالص

ندى .. اومال اجيب ايه

آسر .. انتي عارفة الهدوم المفتحة اللي هيا وقلتها واحد عايز منها كل الجهاز كدة تكتري من اللون الأبيض

ندى .. انت قليل.. الادب

آسر وهو يعض على شفتيه ويقترب منها بنظرة شرسة : بقى انا قليل.. الادب

ندى .. انت هتعمل ايه

آسر .. بتقولي لجوزك انه قليل ..الادب انا بقى هوريكي قلة الأدب

ندى .. انا بهزر على فكرة ده انت كل الادب اللي في الدنيا انا أسفة بس ابعد

حاولت الهروب ليمسكها بقوة و وضعها على السرير وأمسك يديها فوق رأسها وهو يعتليها ينظر في عينيها وهي ترجف من شدة الخجل بدأ يقترب منها وهو يكز على اسنانه من شدة عشقه

آسر .. هتجنيني يا بنت طه والله فاضلي برج واحد ويطق وادخل مستشفى الامراض العقلية والنفسية

ندى .. بعد الشر عن…..

لتكمل كلمتها في فمه وهو يلتهمهم بعشق شديد يروي ظمأه ويعبر عن مدى عشقه بطريقته الخاصة تركها بعد أن شعروا بحاجتهم إلى الهواء نظر إليها وجدها مغمضة عينيها تكاد تفقد وعيها

آسر بضحك شديد .. كل ده من بوسة اومال لو كملت هيحصلك ايه

ندى .. تكمل ايه انت تبعد لاوريك

آسر .. ايوة وريني ده انا هموت واشوف

ندى بخجل .. تشوف ايه انت قليل الا.. .

توقفت عن تكملة جملتها بعد أن بحلق لها بعينيه قامت وهربت ليقوم بالركض وراءها وهو يضحك من صميم قلبه حتى امسكها حملها ودار بها

آسر .. انا مكنتش عايش يا ندى والله ما كنت عايش كنت اعرف كل يوم بنات أشكال والوان عمري ما حسيت بالسعادة دي انا قلبي طاير في السماء فوق كنتي فين من زمان

ندى .. ربنا يوعدني واقدر اسعدك كمان و كمان يارب

يتبع