حكايات زهرة الربيع كارم الجزء الثاني
“كارم اتسعت عينيه بذهول، وحس إن الشبكة أعمق وأخطر مما كان بيتخيل بكتير، وإن في ثعبان متداري وسط العيلة هو اللي بيحرك كل الدمى دي من تحت لتحت…ركب أول تكسي قابله على الطريق وقال للحارس بتصميم وقسوة:”اطلع على العنوان ده بأقصى سرعة.
..”انطلق التاكسي بسرعة جنونية يقطع شوارع المدينة الظلماء، وكارم قاعد في الكرسي الخلفي حاطت إيده على رأسه اللي كانت هتنفجر من كثرة التفكير. الأفكار كانت بتضارب في عقله زي الأمواج؛ مين صابر الدالي؟ وإيه الخيط المستخبي اللي نورهان بتلمح له؟
وهل نورهان نفسها جزء من المؤامرة دي ولا هي كمان بيتعب بيها؟وصل التاكسي قدام العمارة اللي فيها شقة نورهان. نزل كارم يجر رجليه، وعينيه بتتفحص المكان بحذر. طلع السلالم بسرعة ودقات قلبه بتسمع في أذنيه، لحد ما وقف قدام الباب وحط إيده على الجرس، وتردد ثواني قبل ما يضغط عليه.
أول ما ضغط، الباب اتفتح مباشرة، وكأن نورهان كانت واقفة وراه مستنياه. كانت نورهان واقفة وبصاله بنظرة مختلفة تماماً عن النظرة اللي كانت بصاله بيها في الصالة قدام العيلة؛ ما كانش فيها القرف أو الاستهزاء، كان فيها خوف حقيقي وتوتر واضح على ملامحها.
قالت بصوت واطي وهي بتتسحب وتدخله لجوة:”ادخل بسرعة يا كارم، واقفل الباب ورالك بالترباس… محدش لازم يشوفك وأنت داخل هنا.”دخل كارم وبص لها بغضب وذهول، وقال بصوت حاد ومكتوم:”نورهان! اخلصي وقولي لي في إيه؟! مين صابر الدالي ده؟
ومين اللي زقه على عمي وأبويا؟! وليه بتقولي لي إن الشيكات دي وراها حد من العيلة؟!”نورهان قعدت على الكنبة وهي بتمسك إيديها اللي كانت بترتعش، وبصت لكارم وقالت بنبرة خائفة:”كارم… القصة أكبر بكثير من مجرد لعبة أنا وعلياء اتفقنا عليها عشان نربيك أو نكشف استهتارك.
أنا فعلاً صاحبة علياء، وفعلاً اتفقت معاها نختبرك لما لقينا أسلوبك وطريقتك متكبرة… بس اللي ما كنتش أعرفه، ولا علياء نفسها كانت تعرفه، هو إن في حد ثاني كان مستني اللحظة دي بفارغ الصبر عشان يض. رب ض. ربته القاضية للعيلة كلها!”كارم قرب منها بحزم ومسك كتفها وقال:”مين يا نورهان؟
! انطقي!”نورهان بلعت ريقها وقالت:”خالك… ‘ممدوح’!”كارم اتسمر مكانه، وعينيه اتسعت من الصدمة:”خالي ممدوح؟! خالي اللي مسافر الخلج من سنين وما بنشوفوش غير كل فين وفين؟! إيه علاقتة بصابر الدالي وبالشيكات؟!”نورهان طلعت تليفونها وفتحت تسجيل صوتي وحطته قدام كارم وقالت:”اسمع بنفسك…
