تزوجها الجزء الأول

الفصل الأول …. ملحوظة الرواية بطلين وبطلتين عشان محدش يقول مش هي الرواية الفصل الاول يقف فى ورشته الخاصة التى يعمل بها كمهندس ميكانيكي بحلته الزرقاء المتسخة بعلامات الزيت . يرفع أكمامه ليعمل على تصليح سيارة قد حضر بها صاحبها ليلة أمس، شعر بأن أحدهم يقف خارج المكان، فأتلفت نحو باب الورشة ف وجدها تقف أمامه بأستحياء بملابسها الفضفاضة السوداء ووجهها الرقيق الخجول . خرج لها دون أى حديث منتظراً إياها لتبدأ، تحركت بهدوء من أمامه لتجلس فى مقعد خشبي عريض بجانب باب الورشة لتنظر نحو السيارات المارة أمامها فى الطريق، ف جلس بجوارها بعد أن أمسك ب قماشة صغيرة يمسح بها أثر الزيوت من كفوفه ينظر فى نفس اتجاه نظرها منتظراً منها ما جاءت لتخبره به . ألتفت لها بعد أن سمع همسها بصوت ضعيف كأنه يريد أن يتأكد مما سمعه، فسألها بصوت مهزوز : _قولتى إيه ؟ أنقبــ,,ـــــض قلبها وتوترت بخجل مصاحب بغصة فى قلبها ولكنها ردت : _ بقولك موافقة على طلبك، لكن ليا شروط . أعتدل فى جلسته ليحثها على إكمال ما تقوله . أخذت نفساً عميقاً يعبر عن مدى ثقل ما تريد قوله و ما يربكها أكثر نظرات عينيه المسلطة عليها. _ أنا عايزاك تعرف إن عمرى ما كنت هوافق على طلبك ده ولا هوافق عليك ولا على أى راجل تانى، من بعد الله يرحمه ما راح . شعر بغصة وألم فى قلبه بمجرد ذكر زوجها المتوفى منذ عام، ألم لفراقه الحزين . أكملت بعد هرب دموعها تلقائياً لوجنتيها: _لكن علشان أمى أتوفت بعده وسابتنى هى كمان وأنا بقيت لوحدى أنا وابنى مالك وعلشان المنطقة اللى ساكنين فيها مش بترحم حد وعلشان أنت أكتر حد هتخاف على ابن أخوك وهتحميه .. ف أنا وافقت، كان ممكن أرفضك زى ما رفضت غيرك لكن، لكن مش هقدر أواجه دا كله لوحدى، أنا عندى يقين إن ربنا معايا وهيقوينى على كل حاجة، لكن أنا خايفه لأن لوحدى مش هقدر. هز رأسه بتفهم منتظراً سماع شروطها لقبول الزواج منه، من أخ زوجها المتوفى . _ أنت إنسان مستقر وعندك زوجة وعندك بنتين ف دى برضو كانت مشكلة كبيرة بالنسبالى علشان أكيد سمر مراتك مش هتقبل أكون زوجتك، أنا مش عايزه غير حمايتك وأن الناس تعرف بس إن بقي ليا راجل، هى مستورة معايا الحمد لله، المحل الصغير اللى تحت البيت عندى مكفينى أنا ومالك وزيادة، ف أنا عايزة سند وحماية وورقة أحطها فى عين أى حد يلسن عليا، لكن … لكن زوج وزوجة وحياة طبيعية ف أنا أسفة مش هقدر على كده ومش هوافق عليه، أنت أكيد عندك زوجتك وبيتك ف مش ناقصك حاجة، ف ده كل اللى عايزة أقوله . سادت دقائق من الصمت بين الأثنين فى نفس وضعهم ينظران نحو السيارت المارة أمامهما فى الطريق لكن تلك المرة هى التى تنتظر رده، فنظر يزيد إليها متفهماً مقصدها، ليتحدث بنبرة هادئة عكس ما يعصف ب قلبه من أعاصير . _ أنا فاهم أنتى عايزة تقولى إيه ومستوعب اللى بتقوليه وده حقك، لكن قبل أى حاجة لازم تعرفى أن طلبي للجواز هو نفسه ردك دلوقت، أنا عارف أنك مقطوعة من شجرة وعارف أنك وحيده فى الدنيا وعلشان كده كل ما حد يحب يتقدملك كان بيجيلي أنا الأول، سواء كنت ببلغك بيه أو برفضه من بره، أما بالنسبة لسمر ف أنا هتكلم معاها وهى كده كده مش بتختلط بحد ولا هتختلط بيكى، فمتقلقيش من حاجة . وقفت أمامه بعد أن سمعت ما قاله وقالت : _ تمام، شوف ناوى نكتب إمتى إن شاء الله وأنت عارف إنى معنديش شهود فهتقوم أنت بالليلة كلها . _ تمام . _ أنا همشي بقي علشان سايبة مالك مع أم عمر جارتى . _ تمام . تحركت من أمامه لتعود لوجهتها التى أخبرته بها ف نادى بأسمها مرة أخرى . _ سارة . _ نعم ؟ _ جهزى نفسك الليلة بعد المغرب، هعدى عليكي نروح نخلص. أبتلعت ريقها بتوتر وأكتفت بهز رأسها بإيجاب وألتفتت ومشت . أما هو فظل ينظر فى أثرها بحرب داخلية قائمة بين قلبه وعقله، إعصار قوى منذ سنوات يعصف به ولا أحد يشعر بألمه . في مكان اخر…حفلة على يخت سياحي لأصحاب الطبقة المخملية أصحاب النفوذ والسلطة، فى ليلة صيفية حارة، جلس هو ببدلته السوداء الأنيقة وعطره الغالى مميز الرائحة . يرفع كأس من المشروب نحو ثغره، وعيناه تتفحص أصابعها الرقيقة التى تعزف على آلتها المفضلة “الكمان” بفستانها الأسود الرقيق وشعرها الناعم المنسدل على كتفها، غير مكترث لمن حوله سواها، كما أنها غير مكترثة لأحد سوى “كمانها” بينما دقات قلبه تجيش بالكثير والكثير مما يحمله هذا القلب من مشاعر . ترك الكأس من يده ثم أقترب منها فى هدوء، ليقف أمامها غير عابىء بمن يتابعها خلفه من المدعوين . وضع يديه فى جيب بنطاله وتنهد بتعب وردد: _مش كفاية كده يا ورد، الوقت أتأخر ولازم نمشي . كأنها لم تسمعه، كأن اللحن الذى تعزفه سحبها مع تردد النغمات إلى السماء . تلك المرة أقترب منها أكثر وهمس فى أذنها، بصوت يشبه صوت أم حنون توقظ أبنائها. _ ورد، الوقت أتأخر وأنا عندى شغل بدرى مش فاضي . توقفت عما تفعله ونظرت له بطفولة كأنها ترغب فى الغياب من المدرسة الأبتدائية ف تبحث لوالدها عن حجة مقنعة وليست تلك اليافعة صاحبة العام الثالث بعد العشرين . _ ممكن بس تسيبنى يا ياسين شوية أكمل اللحن ونمشي على طول ؟ تنهد بيأس من تلك المدللة التى أمامه، ف تلك هى المرة الثالثة التى تقوم بها بعزف نفس اللحن وتعيده مراراً وكل مرة يطلب منها أن يرحلوا ترفض وتتودد فيرق قلبه ويتركها. _لأ المرادى صعب نقعد، الباشا كلمنى خلاص ومعنى كده أننا لازم نمشي . تأففت على مضض ونظرت له بغضب طفولى لا يظهر سوى معه ولملمت آلتها بعد أن صفق لها المدعوين وقامت بشكرهم، حاول أن يأخذ منها ما تحمله لكنها رفضت بغيظ، فأبتسم بقلة حيلة على تلك الطفلة التى سلبته عقله بأفعالها بعد أن منحها قلبه سراً بإرادته . جلست بجواره فى سيارته، طوال الطريق تنظر نحو المارة بغضب، كأنه سرق منها لعبتها . فأبتسم بعد أن أخرج من درج السيارة نوع الحلوى الذى تفضله . _ أممم وأنا جاى فى الطريق النهاردة بعد الشغل لمحت ده فى محل، واضح كده أنه ملوش لازمه فأرميه بقي أحسن . نظرت له بطرف عينيها ف لمحت ما ينوى رميه من نافذة السيارة، فجذبته من يده بسرعة وعادت لنفس وضعيتها مرة أخرى . _ أنتى عيدتى اللحن ٣ مرات، عايزة إيه تانى يا طماعه هانم ؟ كده الناس تزهق وهتقول أنك مش حافظه غيره . نظرت له بغيظ مرة أخرى ورددت بغضب : _ بابي ومش بيرضي يخلينى أعزف فى البيت من وقت ما خلصت معهد وأنا ما بصدق حد يطلب منى أعزف فى حفلته ف بجد حرام بقي يا ياسين، مش معنى إنى عايزه أحقق حاجة بتمناها وبحبها وهو مش عايزها ف يضغطنى كده . هز رأسه بتفهم مصدقاً على ما قالته ولكنه حاول تهدئتها. _ ورد، باباكى من أكبر رجال الأعمال فى الوطن العربى، وكان عايزك تدرسي حاجة تخص مجال عمله خصوصاً أنك بنته الوحيدة ف علشان كده نديله عذر زعله منك . عقدت ما بين حاجبيها بغضب ورددت بحنق: _ اه يزعل منى ٤سنين علشان بس رفضت قراره إنى أدرس إدارة أعمال. خبط بأصبعه على رأسها وقال : _ ما هو تفكيرك المحدود ده هو اللى وصل الوضع بينكم لكده، كنتى سمعتى كلامه ودرستى تجارة أو إدارة أعمال بعدها تدرسي فى معهد الموسيقي براحتك . _ ياسين، أنا مقدرش أدرس أكتر من حاجة مع بعض ومش ذنبي أنه مخلفش غيرى ومش ذنبى ماما تعمل دــ,,ـــــادثة وتشيل الرحم ومتخلفش تانى ولا أنه يحبها حب أفلاطونى وميرضاش يخلف من غيرها . تنهد بيأس من تلك الغبية الجالسة بجواره وحمد ربه أنهم وصلوا لبوابة الفيلا وإلا كان شرح لها عملياً أثر الحب الأفلاطونى الحارق بين ضلوعه ولا يستطيع البوح به . وقف بالسيارة أمام المدخل ف أنتظارها أن تخرج لكنها تمهلت قليلاً وألتفتت له قائله : _ ياسين، هو لسه فى حد بيحب حد لدرجة أنه يفضل جنبه كل السنين دى بالرغم من أن حبيبته قاعدة على كرسي بعجل من أول سنين جوازهم ومع ذلك مفكرش مرة يبعد عنها بل بالعكس هو اللى بيخدمها وبينفذ طلباتها كلها؟ نظر لها نظرة ثابتة مشتعلة بنــ,,ـــــار العشق الدفين بين ضلوعه، كم يود أن يخبرها بأن حبه لها قد فاق حب والدها لوالدتها ولكن لن يستطيع . قطع شروده صوت والدها من البوابة فكان ينتظر عودتهم مع والدتها . _ ياسين، أتأخرتوا كده ليه؟ خرجا من السيارة ووقفا أمامه. _ مفيش يا باشا الحفلة كانت لسه مستمرة وقبل ما تنتهى مشينا . نقل نظره إلى ورد وحاول كبت غيظه : _ مش قولتله مليون مرة متتأخريش؟ أنا عارف أنك أجبرتيه تقعدوا لدلوقت علشان تعزفى على الزفت بتاعك ده . _ يا بابي …. _ مفيش يا بابي، أطلعى على أوضتك . نظرت لوالدتها الجالسة على الكرسي المتحرك الخاص بها لعلها تخفف غضب والدها عليها . _ مصطفى، خلاص بقي، يلا يا روحى أدخلى أوضتك وأنا هاجى أقعد معاكى شوية . _حاضر يا مامي، بعد إذنكم . نظر فى أثرها بحزن على حالتها الحزينة . _ بعد إذنك هدخل أنا كمان أوضتى علشان السفر بكرة إن شاء الله. _ تمام يا ياسين، وأسف على التأخير أنا عارف إنى بضغط عليك فى خصوص ورد لكن أنا مش بأمن لحد غيرك عليها . أبتسم بمجاملة : _ دا واجبى يا فندم، تصبحوا على خير . تحرك نحو غرفته الموجودة فى حديقة الڤيلا نظراً لكونه مغترب عن المدينة أولاً ولأنه الحارس الشخصي لمصطفى باشا وذراعه اليمين ومساعده الشخصي ثانياً وأيضاً ليظل موجوداً بجوار سيده … وابنته . ف لما توسم فيه مصطفى ما به من أخلاق، أمانة، تضحية، قوة وذكاء لم يتردد فى أن يمنحه تلك المكانة المهمة فى حياته وذلك المكان المهم فى منزله . دخل ياسين غرفته المنفصلة وبعد أن غير ملابسه الرسمية لملابس مريحة للنوم، خرج لشرفة الغرفة لينظر لقمره المطل من شرفة غرفته بالأعلى. بمجرد رؤيتها له أبتسمت كأن رؤيتها له بعد توبيخ والدها المعتاد هى البلسم الذى يهدىء من ألم روحها . رد لها إبتسامتها وأشار بأن تخلد للنوم فأشارت برأسها بإيجاب ودخلت لتنتظر والدتها ثم تخلد إلى النوم . الفصل الثاني …. غرفة مظلــ,,ـــــمة ماعدا من نقطة مشتعلة يصدر منها دخان خفيف منتشر حوله، فكرة مندسه فى عقله المزدحم بأن تدخينه لتلك “السيجار” سيهدىء من نــ,,ـــــار قلبه المحترق . لا يعلم المسكــ,,ـــــين بأنه بتلك الفعله، آثم لا محاله . نفث دخان رفيقته المحرمة بتنهيده حارقه من صدره تذكر فيها معشوقته المدلله، كم من مرة أراد أن يخبرها ” ف لترفقى بي يا مدلله فقلبي مشتعل ولا يملك رفاهية الأعتراف ” . يفكر فى ألاف السينــ,,ـــــاريوهات التى يمكن أن تحدث إذا أخبر رب عمله بأنه يرغب فى الزواج من ابنته، أقلها رفقاً بقلبه أن يطرده من حياتهم ويحرمه من قمره المُطل عليه من شرفته . تذكر أول مرة رأها، كانت فى الصف الثالث الثانوى، فتاة جميلة ترتدى فستان قصير منفوش أبيض اللون به وردات زهرية اللون تسير بجوار كرسي والدتها وتتحدث معها بشغف، يكاد يقسم حالياً أنها كانت تصف لها كم تعشق “الكمان”، أبتسم حين وصل لتلك النقطة وتمنى أن تراه يوماً ك “كمانها” ف بالفعل أصبح قلبه كأوتاره وهى تحركه بأصابعها كما تشاء فيعزف أعذب الالحان . قطع سيل أفكاره رسالة وصلت على هاتفه قديم الطراز، التى طالما أخبرته بأن يحدثه بنوع أفضل فكانت دائماً تحصل على الرفض فى جوابه، فقررت هى أن تهاديه بأحدث نوع من الهواتف المحمولة على أمل إلقاء ذلك الهاتف القديم فى القمامة لكنه فاجئها بالأحتفاظ به أيضاً. لا تدرى بأن حياته مرهونة بذلك الهاتف البسيط . فتح رسالته النصية المنتظرة فتجهمت ملامحه وقام مسرعاً نحو دراجته النــ,,ـــــارية إلى المكان المنشود، تُرى هل هو ذلك البطل الذى تراه هى فى النهار أم مارد يبتلعه ظلام الليل ؟ تململت ورد فى فراشها بعد أن سمعت صوت والدها بجوارها . _ورد، قومى علشان عايزك . فتحت عينيها بصعوبة وألتفتت له بيأس . _بابى، ممكن تسبنى أنام شويه، أنا عارفه أنك زعلان منى بس أنا مش قادره أجادل دلوقت . أزاح عنها الغطاء بعد أن فتح ستار الغرفة لتتذمر هى بغضب . _ قومى علشان مسافر وعايزك فى موضوع مهم . شعرت بأن تلك المرة لن يجادلها بشأن ما فعلته ليلة أمس، فأعتدلت فى فراشها وتحدثت معه بقلق . _ خير يا بابى حضرتك كويس ؟ جلس بجوارها على الفراش وأبتسم بهدوء مما أثار قلقها أكثر . _ دلوقت أنا مسافر فى شغل مهم وكل اللى عايزه منك تفضلي جنب مامي، خلى بالك عليها ومتخليش حد يساعدها غيرك، ريحان مش بتحب تحس أنها تقيله على حد علشان كده أنا مش بسمح أن حد يخدمها . شعرت بقبــ,,ـــــضة فى قلبها من حديثه، ف تلك المرة الأولى التى يسافر فيها فيحدثها بتلك الطريقة بالرغم من عشرات المرات التى تركهم وغادر فيها البلاد . _أكيد يا بابي، بس حضرتك بتقولى كده ليه ؟ أنا قلقت عليك . أبتسم ومسك كف يدها . _ لأ يا حبيبتى أنا بس خايف عليكم شويه علشان بنتى حبيبتى مش بتسمع كلامى والسفرية هتطول المرادى، ف لو كانت بنتى بتسمع الكلام وبتطيع والدها كان زمانى سافرت وأنا مطمن . تذمرت بطفولة وعقدت مابين حاجبيها وردت بحنق: _علشان حضرتك مش حابب أعمل اللى بحبه كأن أحلامى شيء ملوش قيمة . خبط على مؤخرة رأسها بخفة و رد : _مش يمكن محتاجك معايا تمسكي شركة ولا أتنين من مجموعة المصطفى ولا أنتى ناسية أننا مجموعة ضخمة ولو سبتك لوحدك عمك وابنه هياكلوكى . أحتضنته بحب وغمرت رأسه فى كتفه . _ربنا يخليك ليا يا حبيبي وما يحرمنى منك ابداً، عموماً أنا كنت محضرة لحضرتك مفاجأة وكنت هقولهالك كمان شهر فى عيد ميلادك بس مش خسارة فيك يا صفصف، أنا هبدأ دراسة فى كلية إدارة الأعمال إن شاء الله مع بداية الدراسة وكمان هنزل الفترة الجاية تدريب مع سهير فى الشركة ومش بس كده لاااا أنا هرتب نفسي بين الشغل وبين العزف. إيه رأيك ؟ _ هى دى بنتى حبيبتى اللى كنت بتمناها، المهم معاد الطيارة قرب يدوب أجهز وأمشي . خلى بالك على مامى وعلى نفسك . _تروح وتيجي بالسلامة يا روحى، هو .. هو ياسين جاى معاك ؟ ألتفت مصطفى بعد أن كان على وشك المغادرة . _اه هيجي معايا، متقلقيش باقى الحرس موجودين بس أعملى حسابك أن مفيش خروج بعد الساعة ٨ طول فترة غيابنا، مفهوم ؟ _مفهوم. جلست فى فراشها تخطط لأمر ما، ثم قامت مسرعة ترتدى ما طالته يدها . أعد حقيبته التى ستصاحبه للسفر مع سيده، أرتدى حلته السوداء التى تليق بالحارس الشخصى لمصطفى باشا داوود، يقف أمام مرآته لتهذيب لحيته قبل أن يمشط شعره، شرد ثوانى فى مرآته يفكر فى ما سيحدث اليوم . فجأة وبدون مقدمات وجدها تدخل من باب الغرفة المطل على المسبح بهيئة مبعثرة عكس تلك الفاتنة التى سلبت عقله بالأمس، منامة وردية واسعة غير مرتبة، شعر مشعث، وما هذا ؟ هل هو حذاء أم دعست أرنباً وردياً بالخطىء . _صبااااح الخيييير . ترك ماكينة الحلاقة فى يده ونظر لها ببلاهة، ماذا تريد أن تفعل به. حتى فى حالتها المبعثرة تلك وأثر النوم الواضح عليها أشعلت رغبة قوية فى قلبه بأحتضانها، هنا وفى الحال وعلى هيئتها المذرية تلك . ألتفت إلى المرآة مرة أخرى يكمل ما بدأه كأنه يريد تشتيت أنتباهه عنها . _ صباح النور. وقفت بجواره وتراقب ما يفعله . _هتسافر كده من غير ما تسلم عليا؟ إيه الندالة دى ؟ أكمل ما يقوم به دون الالتفاف لها و رد : _ يمكن مش فاضي مثلاً ؟ _أنت غلس جداً على فكرة وأنا غلطانة إنى جيت أشوفك، مستفز . تحركت من أمامه لتخرج ف ألتفتت له مرة أخرى . _أنت مش هتنادى عليا تقولى متزعليش . أبتسم على حماقتها فأقتربت منه ووقفت أمامه وسحبت من يده ماكينة الحلاقة . _ أنت إنسان بارد بجد . بعد دقائق … يقف مجبراً بنفس وضعية الحلاقة وهى أمامه تقوم بعمله بدلاً منه . _باااس كده، وبقيت زى القمر . تأفف بضيق منها. _ خلاص كده أنبسطى ؟ شوفى بقي كم الوقت اللى ضاع منى بسببك ؟ مصطفى باشا بيرن عليا . _ ما خلاص بقي يا ياسو كنت بظبطك علشان تجيلنا بعروسة من بلاد بره وأنت جاى . نظر لها بعضب وسحب حقيبته وغادر فى صمت، وقبل أن يخرج من باب الغرفة . _أبقي أقفلى الباب قبل ما تتكلى . _حاضر، ماهو أصلي الشغالة بتاعتك . لم يجيبها بل أستمر فى طريقه نحو سيارة والدها نحو سفر قد يغير حياة الكل، وقد ينهى بعضها … فى إحدى الدول الأوروبية، يجلس بعض الأشخاص فى غرفة مغلقه متحدثين مع مجموعة أخرى على شاشات حولهم . تحدث أحدهم: _حسناً سيدى، لقد وردتنا بعض الأخبار بتحركهم نحو المطار . ف رد فى أحدى الشاشات : _أهم حاجة التنفيذ يبقي نهائى، مش عايز أى غلطة . رد أخر : _ لا تقلق سيد رياض، سننظف الأمر تماماً ولن تجد أى فوضى، ولكن يبقي دورك الان فى مهمتنا . _متقلقش، أنا مرتب كل حاجة . الفصل الثالث …. المحنة منحة، قد لا نعلم حكمة وتدبير الله لأمورنا ولكننا نثق بأن فى باطنها الخير؛ حتى وإن أحزنتنا . يقف فى ورشته الخاصة التى يعمل بها كمهندس ميكانيكي بحلته الزرقاء المتسخة بعلامات الزيت . يرفع أكمامه ليعمل على تصليح سيارة قد حضر بها صاحبها ليلة أمس، شعر بأن أحدهم يقف خارج المكان، فأتلفت نحو باب الورشة ف وجدها تقف أمامه بأستحياء بملابسها الفضفاضة السوداء ووجهها الرقيق الخجول . خرج لها دون أى حديث منتظراً إياها لتبدأ، تحركت بهدوء من أمامه لتجلس فى مقعد خشبي عريض بجانب باب الورشة لتنظر نحو السيارات المارة أمامها فى الطريق، ف جلس بجوارها بعد أن أمسك ب قماشة صغيرة يمسح بها أثر الزيوت من كفوفه ينظر فى نفس اتجاه نظرها منتظراً منها ما جاءت لتخبره به .

مقالات ذات صلة

بين هذا وذاك بقلم مريم سمير

قطة في وادي الذئاب بقلم إسراء عبد القادر الجزء الأول

زهرة لكن دميمة بقلم سلمى محمد الجزء الثالث

أقدار الحب بقلم ريحانة الجنة الجزء الثاني

أسـيرة انتقا.مه بقلم خلود محمد الجزء الثاني

ذات الوجه الدميم بقلم ياسمينا الجزء السادس

اترك تعليقاً إلغاء الرد