زينة الضواحي بقلم زهرة الربيع

زينه نزلت دموعها بكسوف وهو ضحك على براءتها وشدها لحضنه جامد وقال ….انا جوزك يا بت مكسوفه من ايه..كنتي تقدري تقولي لي كل الكلام ده ليه ما بتتكلميش يا زينه ليه ما تقوليش انك عايزاني

زينه دفعته وقالت بغضب …انت بتقول ايه…انا مش ليك انت بتحب فاطمه اختي وخطبتها وكنت هتتجوزها انا مستحيل انسى كل ده

مهران اتنهد وقال… شوفي يا زينه…انا لا كنت رايد اختك ولا عاشقها بس اختك ريداني وبتشاغلني ليل ونهار…قولت مدام عيزاني اتجوزها وخلاص اهي بنت عمي وهيه اولى من غيرها ومش هيجرى حاجه..و فعلا خطبتها وكنت هتجوزها لحد ما قبل الفرح بايام..عرفت ووووو

#زينة_الضواحي_4 عرفت انها بتروح لشيخ هي وامها وبتعمل لي سحر ربط علشان ما اشوفش ولا واحده غيرها مفكره ان الحجات اللي ربنا حرمها دي هتخليني ما استغناش عنها طول العمر …حبيت اردهالها بس واتجوزتك انتي بدالها ادي كل الحكايه ..يعني هي ما تفرقليش ولا حاببها زي ما انتي بتقولي

زينه اتسعت عينيها بذهول وقالت …انت بتقول ايه..سحر….اوعى تكون بتكذب علي

مهران قال بسرعه ….وحياه عيونك ما بكذب راحت هي وامها وباعو كردال بتاع امها كمان علشان يدوه للشيخ