حكاية إبن الجزء الأول
_____________
محسن : ازيك يا علا
علا : انا كويسه يا اونكل
محسن : انتى تعرفي منار من امتا
علا : منار زميلتى في الكولدج
محسن : تمام تمام
محسن (في نفسه) : و انا اقول عادل عرفها منين .. اهي كدا بانت
منار (من بعيد) : يلا يا جماعه العشا جاهز
محسن : يلا يا علا
يوسف : اتفضلوا يا جماعة
و فجأة يرن هاتف يوسف
يوسف : زي ما انتو انا 5 دقايق و جاي
يوسف : الو ايوة يا بابا ازيك وحشتنى اوووي
احمد : و انت كمان و الله يا يوسف . نفسي اشوفك بأه يبنى
يوسف : شكلك هتشوفنى قريب يا بابا
احمد (بفرحه) : انت بتتكلم جد يا جو
يوسف : هههههههههههههه ايوة بتكلم جد بس ادعي للي هتخلينى انزل مصر من الاساس
احمد (بفرحه) : اوعا يكون اللي في دماغي صح
يوسف : و الله يبدو كدا يا بابا ان ابنك اخيرا لقا عروسه
احمد : امريكيه ؟
يوسف : مصريه مأصله
احمد : يا فرج الله .. و عرفتها ازاي دي بأه
يوسف : طب بص يا بابا انا هحكيلك كل حاجه بعدين عشان عندي ضيوف بره
احمد : طب خد غاده بنت عمتك عاوزه تسلم عليك
يوسف : الو
غاده : كدا متسألش عليا يا واطى
يوسف : ههههههههههههه يا بت بطلي طولت اللسان دي
غاده : انت تعرف عنى كدا
يوسف : ابداااا
غاده : بقالك كام يوم مبتفتحش فيس ليه
يوسف : معلش يا دودو و الله كنت مشغول
غاده : طيب ابقا افتح عشان عاوزاك في موضوع
ـــــــــــ
علا : يوسف اتأخر يا مونى
منار : عندك حق انا هقوم اشوفه
ذهبت منار لتبحث عن يووسف لتجده يتحدث في هاتفه في غرفه المكتب
يوسف : هههههههههههههه حاضر يا حبيبتى اتفقنا .. سلام يا دودو .. محمد رسول الله
و هنا اشتعلت نار الغيره
منار (بعصبية) : مش ملاحظ انك اتأخرت اوووي
يوسف : معلش كنت بكلم بابا و بنت عمتى
منار : اه منا اخدت بالي اللي كنت بتقولها يا حبيبتى
يوسف (و قد فهم غيرتها) : دي غاده بنت عمتى بنوته صغنونه عندها 17 سنة . اهى دي بأه اختى الصغنونه اللي انا لسا لغاية دلوقتى مشفتهاش
منار : و انا مسألتكش علي فكره
يوسف : طيب يا ستى يلا نروح للناس
ـــــــــــــــــــــــ
يحيى : ماما يا ماما يا ماما
سناء : ايه يا يحيى عامل دوشه ليه
يحيى : استلمت جواب التعيين خلاص . ابنك بأه معاون نيابة قد الدنيا
سناء : ايه معاون نيابة دي انت متعينتش وكيل نيابه ولا ايه
يحيى : هههههههههههههههههه يا ماما ماهي معاون النيابة دي تبقا الحاجه اللي قبل وكيل النيابه ولا انتى عاوزانى اتعين وكيل نيابة كدا علي طول
سناء : اه بحسب
يحيى : بس فيه مشكله بأه
سناء : خير
يحيى : انا اتعينت في اسكندرية
سناء : هتبعد عنى زي اختك يا يحيى
يحيى : هبعد ايه بس يا ماما دي كلها ساعتين زمن من هنا .. المشكله انى معرفش اي حد هناك
سناء : و هتسكن هناك طبعا
يحيى : ايوة طبعا ان شاء الله لغاية ما اعرف انقل
سناء : و هتسكن فين ؟؟
يحيى : مش عارف لسا يا ماما انا هروح بكره و اشوف كدا
سناء : ربنا يوفقك يبنى ياااا رب
ـــــــــــــــــــ
علا : مونى هوا مفيش عندكو Wine
منار : نبيت ؟؟ لا طبعا معندناش
يوسف : معندناش اي خمور يا علا
علا : غريبة انى اسمع منك الكلام ده يا يوسف دا انت حتى اميريكان
يوسف : بس مسلم يا علا .. و الخمرة حرام
ابتسم محسن في صمت و لكنه اثر الا يتدخل في الحديث
منار : انا سعيده اوووي بمعرفتك يا اونكل محسن مش عارفه من غيرك كنت عملت ايه
محسن : متقوليش كدا انتى زي بنتى
منار : اونكل هوا حضرتك مش متجوز
محسن : زمان كنت متجوز و انا في مصر و بعد كدا انفصلت عنها .. محصلش نصيب
يوسف : هوا حضرتك بقالك هنا كام سنة
بدا علي محسن الضيق من هذا السؤال و لكنه لم يتردد في الاجابة
محسن : من حوالي 11 سنة
علا : و جيت هنا ليه يا اونكل ؟؟
محسن : و الله ظروف يا علا .. المهم انا هستأذن انا بأه
منار : ما لسا بدري
محسن : لا يدوب كدا بأه نمشي
علا : خدنى معاك يا اونكل
يوسف : فرصة سعيده اووووي يا استاذ محسن
محسن : انا اسعد يا يوسف
علا : سلام يا مونى سلام يا جو فرصة سعيده
يوسف : انا اسعد يا علا
ــــــــــــ
يوسف : استنى يا منار هنا انتى رايحة فين
منار : اتاخرت علي يحيى و لازم اروح اكلمه
يوسف : طب و انتى زعلانة لييه دلوقتى
منار : انا مش زعلانة يا يوسف سلام
يوسف (بابتسامة) : الله هيا مالها دي
ـــــــــــــــــ
منار : ايوة يا يحيى وحشتنى
يحيى : شكلك مدايق
منار : لا ابدا مرهقة شويه بس
يحيى : سلامتك يا حبيبتى و اخبار يوسف معاكى ايه ؟؟
منار : يوسف جدع اوووي يا يحيى و وجوده جنبي بيطمنى زي وجودك جنبي بالظبط .. و متخافش انا ماشيه علي التعليمات
يحيى : هههههههههههههههههه ماشي يختى .. اسكتى مش انا استلمت جواب التعيين خلاص
منار : بجد .. فين ؟؟
يحيى : في اسكندرية
منار : هتسيب ماما و البنات
يحيى : يا ستى هوا انا هروح اسرائيل
منار : طب و هتسكن فين يا لمض
يحيى : و الله يا مونى انا مش عارف و معرفش حد هناك يساعدنى حتى انى ادور علي شقة
منار : طب انا ممكن اساعدك في الموضوع ده
يحيى : ازاي بأه يا فالحة
منار : يوسف باباه قاعد في اسكندريه هقوله يخليه يساعده
يحيى : لا يا منار عشان منتعبهوش معانا
منار : انا هعرض عليه لو فيه امكانية كان بها مفيش امكانية مخسرناش اي حاجه
ـــــــــــــــــــــ
في صباح اليوم التالي
يرن هاتف احمد
احمد : ايوة يا يوسف
يوسف : بابا يحيى اللي انا كلمتك عنه امبارح زمانه علي وصول
احمد : طيب اديته العنوان
يوسف : ايوة يا بابا زمانه جايلك
احمد : طيب تمام و انا في انتظاره
يوسف : طيب يا حبيبي سلام دلوقتى
احمد : سلام يا جو
غاده : خالو انا نازله بأه يا خالو رايحة الدرس
احمد : طيب يا حبيبتى خدي بالك من نفسك
غاده : حاضر يا خالو سلام
ـــــــــــــــــــــــــ
يحيى (لنفسه) : اه هوا ده العنوان نركن بأه و نتكل علي الله
و فجأه سمع صوت ملائكى و لكنه غير مسالم بالمره
غاده : ايه يا كابتن مش تحاسب و انت بتركن
يحيى (بارتباك) : معلش معلش انا اسف و الله اسف
#الحلقة ال(14)
يحيى (لنفسه) : اه هوا ده العنوان نركن بأه و نتكل علي الله و فجأه سمع صوت ملائكى و لكنه غير مسالم بالمره
غاده : ايه يا كابتن مش تحاسب و انت بتركن
يحيى (بارتباك) : معلش معلش انا اسف و الله اسف
غاده : خلاص خلاص مش مشكله بس ابقا خد بالك المرة الجاية سلام
يحيى : انسه .. يا انسة استنى
غاده : نعم
يحيى : متعرفيش هوا ده بيه الاستاذ احمد سيف الدين ولا لأ
غاده : هوا انت بأه الضيف اللي خالو مستنيه
يحيى : طب بما انه خالك بأه ممكن توصيلي
غاده : ىيلا يا سيدي امري لله
يحيى (بابتسامه) : شكرا يا انسه
غاده : اسمى غاده .. اتفضل معايا
ــــــــــــــ
في المصعد ..
غاده : احفظ بأه الطريق عشان مش كل مرة هوصلك ..
يحيى : هههههههههه حاضر .. هوا انتى دايما لمضة كدا
غاده : بيقولوا .. يلا وصلنا .. تعالا اتفضل
يحيى : حاضر
غاده : خالوووو يا خااالووو
احمد : ايوة ايوة عامله دوشه ليه
غاده : ضيوفى مستنيينك يا خالو
احمد : انت يحيى مش كدا
يحيى : ايوة يا استاذ احمد
احمد : اهلا بيك شرفت و نورت
غاده : انا همشي بأه يا خالو عشان اتأخرت
احمد : ماشي يا حبيبة خالو ..
غاده : سلام .. و ابقا حاسب و انت بتركن يا استاذ يحيى
يحيى : هههههههههه حاضر
احمد : معلش متزعلش منها هيا غلباويه شويه
يحيى : لا خالص مزعلتش بس ما شاء الله دمها خفيف
احمد : بس لسانها طويل
يحيى : لا عادي متعود
احمد : بص بأه يا يحيى احنا نفطر سوا و بعدها ننزل نشوف موضوع الشقه
يحيى : ربنا يخليك و الله انا …..
احمد : ولا كلمة انت زي يوسف ابنى .. هنفطر سوا
يحيى : ماشي يا عمى
احمد : يا فاطمة حضري الفطار
ـــــــــــــــــ
ظلت منار مستيقظة طوال الليل تفكر فيما حدث .. لماذا شعرت بالغيره الشديده علي يوسف .. اهي تح.. لا لا انها حتى لا تستطيع ان تنطق بلفظ الحب .. اخذت الافكار تتلاعب بها حتى طلع عليها الصبح و هى ما زالت في حاله الشرود تلك .. قلبها يحدثها بشئ و عقلها يرفضه تماما و هي بين هذا و ذاك مشتته لا تعرف اي الطريقين تسلك
قامت منار و توضئت و صلت و دعت الله ان يرشدها الي طريق الصواب
ـــــــــــــ
في الردهه امام شقتيهما
يوسف : شكلك منمتيش كويس
منار : انت بتقول فيها
يوسف (بغمز) : اللي واخد عقلك
منار : و الله انت فايق يا يوسف .. يلا بينا عشان منتأخرش
يوسف : يلا يا ستى
في السياره
منار : تفتكر يحيى و اونكل احمد روحوا ولا لسا
يوسف : مش عارف و الله .. الساعه دلوقتى هنا 8 الصبح يبقا عندهم بعد الضهر .. انتى عارفه فرق التوقيت .. اكيد خلصوا
منار : يا رب
يوسف : يعنى انتى عاوزه تقنعينى ان ده اللي شاغلك يعنى
منار : اكيد طبعا شاغلنى
يوسف (بمزاح) : بس مش ده لوحده اكيد
منار : يا سلااام
يوسف : اقطع دراعي من هناهه ان فيه حاجه اكبر
منار : يوسف سوق و انت ساكت
يوسف : طيب طيب ايه هتاكلينى .. هسوق و انا ساكت حاضر
ــــــــــــــــــــــ
يحيى : انا تعبت حضرتك اوووي معايا النهارده
احمد : لا تعب ولا اي حاجه .. المهم اي واحده فيهم عجبتك اكتر
يحيى : انا مش عارف و الله انا مش بفهم في الشقق .. حضرتك شايف ايه
احمد : انا شايف ان الشقة اللي في الشارع اللي ورانا انسبهم .. و كمان قريبه منى عشان لو احتجت اي حاجه
يحيى : و الله يا عمى انا جميلك ده هيفضل في رقبتى طول العمر
احمد (بضر…..به خفيفه علي خده ) : قولتلك انت زي يوسف ابنى
يحيى (بابتسامه) : و حضرتك عندي زي بابا الله يرحمه
احمد (بتأثر) : الله يرحمه .. ها نخلص في الشقة اللي قولتلك عليها
يحيى : ايوة نتكل علي الله
ـــــــــــــــــــ
في الجامعه
محسن : ازيك يا منار
منار : الحمد لله يا اونكل ازي حضرتك
محسن : انا بخير
منار : حضرتك عرفت مكانى هنا منين
محسن : فاتتك دي يا منار .. مانا عرفت امبارح انك زميلة علا
منار : ههههههههههه اه صح معلش دماغي مشغوله شويه
محسن : طيب يا ستى انا جاي اخدك و نروح قسم الشرطة عشان هما اتصلوا بيا النهارده لانهم لقوا حاجاتك
منار (بفرحة ) : بجد .. بجد يا اونكل
محسن : ايوة و الله بجد .. يلا بينا
منار : طيب تمام يلا .. ولا لأ استنا
محسن : ايه
منار : هتصل بيوسف ييجى معايا
محسن : زمانه عنده شغل سيبيه متعطليهوش و بعدين كلميه و انتى في العربيه
منار (بتردد) : اوووك يلا بينا
ـــــــــــــــــــــــ
في محادثة هاتفية
سها : ها و بعدين
غاده : و بعدين ايه
سها : دي تالت مرة تحكيلي الموقف ده النهارده
غاده : انا غلطانة انى بحكيلك حاجه .. امشي يا جزمة
سها : بس قوليلي يا غاده هوا شكله ايه ؟؟
غاده : شكله راجل
سها : ايوة يعنى مز و كدا
غاده : هوا من ناحية مز ف هوا مز اوووي
سها : قولتيييييلي
غاده : بت انتى اتلمى بأه
ـــــــــــــــــــــــ
سناء : يعنى اجرت الشقة و كله تمام
يحيى : ايوة يا ماما الحمد لله استاذ احمد وقف معايا وقفه جامده اوووي
سناء : و انت بأه عرفته منين
يحيى (بارتباك) : دا منار اللي بعتتنى ليه يا ماما مش عارف هوا يبقا قريب مين كدا من زمايلها هناك .. بس بنت اخته دي لمضه لماضة
سناء : ههههههههههههه ماشي يا يحيى
يحيى : ايه يا ماما بتضحكى ليه
سناء : اصلها رابع مرة تقوللي نفس الجمله
يحيى (بارتباك) : انا طالع اوضتى
سناء : الا قوللي هيا حلوة
يحيى : هيا مين يا ماما
سناء (بلؤم) : غاده يا يحيى
يحيى : قمرررر .. احم اقصد تصبحى علي خير
سناء : خد هنا يا واد
يحيى : نعم يا ماما
سناء : هيا عاجباك ولا ايه
يحيى : عاجبانى ايه بس يا ماما دي لسا صغيره اوووي
سناء : الصغير بيكبر
يحيى : تصبحى علي خير يا ماما
سناء (بابتسامة) : و انت من اهله
ـــــــــــــــــــــــ
منار : الو ايوة يا يوسف
يوسف : ايوة يا مونى
منار : انا رايحة قسم الشرطة مع اونكل محسن
يوسف : ليه
منار : بيقول ان الظابط اتصل بيه لانهم لقوا اللي سرق حاجاتى
يوسف : طيب متروحيش لوحدك استنينى
منار : ايوه بس
يوسف (بعصبية) : اسمعى الكلام و متتحركيش من عندك الا لما اجيلك
منار : حاضر يا يوسف
يوسف : مسافه السكة .. سلام
#الحلقة ال (15)
يوسف (بعصبية) : اسمعى الكلام و متتحركيش من عندك الا لما اجيلك
منار : حاضر يا يوسف
يوسف : مسافه السكة .. سلام
منار : سلام
محسن : واضح انك بتسمعى كلامه يوسف اوي
منار : طبعا لازم اسمع كلامه
محسن : يا سلام .. ليه بأه
منار (بارتباك) : عشان هوا خايف عليا و عشان اخويا مأمنه عليا
محسن : متأكده ان ده بس السبب ؟؟
منار : ايوة طبعا
محسن : طيب ماشي
منار : زمانه جاي
ـــــــــــــــــــــ
احمد : الو ايوة يا يحيى ازيك
يحيى : اهلا يا عمى انا كويس الحمد لله المهم حضرتك
احمد : انا كويس يبنى .. المهم انت هتيجى الشقة امتا
يحيى : يوم السبت الجاي بإذن الله
احمد : تمام اووي
يحيى (بمزاح) : حاسس ان حضرتك ناوي علي حاجة
احمد : لا ابدا عشان ابعت بس حد ينضفها ما انت اكيد يعنى مش هتيجى تقعد فيها و هيا بالمنظر ده
يحيى : و الله يا عمى انا مش عارف اقول لحضرتك ايه
احمد : متقولش اي حاجه .. تعالي انت بس و نور اسكندرية بوجودك
يحيى : ربنا يخليك يا عمى يااا رب
احمد : و يخليك يبنى .. يلا هتعوز حاجة
يحيى : لا يا عمى عاوز سلامتك
احمد : مع السلامة
يحيى : سلام
يحيى (في نفسه) : لما يكون الاب كدا يبقا مستغربش ابدا ان الابن يكون زي ما منار اختى بتحكى عنه ..
ـــــــــــــــــــ
منار : اهو يوسف جه اهه
ترجل يوسف من سيارته و القي السلام علي محسن في عجل
يوسف : ازي حضرتك يا استاذ محسن
محسن : تمام الحمد لله
يوسف : احنا متشكرين اوووي علي اللي حضرتك بتعمله معانا و اسفين علي عطلة حضرت
محسن : لا عطلة ولا حاجه متقولش كدا
يوسف : و الله انا مش عار اشكر حضرتك ازاي .. كفايا تعب حضرتك معانا لغاية كدا .. يلا يا منار نروح نجيب حاجتك
منار (في ذهول) : اه .. حاجتى .. ماشي يلا
كانت تلك دعوى صريحة من يوسف الي محسن بعدم التدخل في حياتهما مجددا .. نعم انه يشعر بالغيرة ايضا و حتى لو كانت من رجل كبير
..اخذ يوسف منار و غادرا المكان
محسن ( ضر…..ب بيده علي سيارته بقوة) : غبي و هيبوظلي كل حاجه و البنت بتسمع كلامه
انا لازم اتصرف مع الجدع ده بطريقتى
ــــــــــــــــ
منار : يوسف انت ليه عملت معاه كدا
يوسف : بحبك
منار (و لم تتدارك ما قاله يوسف بعد) : احرجته جامد
يوسف : بحبك
منار (بذهول) : انت .. انت .. انت بتقول ايه
يوسف : و انتى كمان بتحبينى
منار : يوسف بطل هزار
يوسف : بتحبينى من اول يوم قعدتى معايا فيه
منار : يوسف
يوسف : زي مانا بحبك من اول لحظة شفتك فيها
منار : يوسف اسكت
يوسف : غيرتى عليا لما عرفتى انى بكلم بنت عمتى
منار : اسكت اسكت اسكت
يوسف : زي مانا غيرت عليكى دلوقتى من راجل أد ابويا
تملك منار الذهول و فاضت عيناها بالدمع و لم تستطع النطق
يوسف : بحبك من اول لحظة شفتك فيها .. منكرش انى كنت بكابر زي ما انتى بتعملي دلوقتى .. بس اكتشفت ان كل حاجه بينا بتقول ان احنا بنحب بعض ..
منار (بدموع) : انا انا
يوسف (يمسح لها دمعها) : بتحبينى يا منار
منار : وقف العربية و نزلنى هنا
يوسف : عاوزه تهربي من ايه و ليه
منار : انا مينفعش احب .. مفيش راجل ليه امان
يوسف : ليه مفيش راجل ليه امان .. يحيى راجل و له امان .. انا راجل و ادتينى الامان .. ليه مش عاوزه تبدئي حياتك معايا
منار (بصراخ) : خايفه .. خايفه يا يوسف
اوقف يوسف السياره و نظر اليها
يوسف : خايفه منى ؟؟ ردي عليا خايفه منى .. بصيلي هنا و جاوبينى
منار : انا خايفه من الدنيا .. اخدت منى بابا في لمح البصر
يوسف : اللي حصل كان قضاء و ….
منار : انا بحبك
يوسف (بابتسامه) : مانا عارف
منار (بابتسامه في وسك الدموع) : و خايفه تروح منى
يوسف : لو روحت منك يبقا ربنا عاوز كدا .. ليه نفترض الاسوأ .. ليه منفترضش ان ربنا شايلنا حاجة احسن
منار : و نعم بالله
يوسف : تفائلوا بالخير تجدوه
منار : انت الوحيد اللي بتعرف تقنعنى برأيك بدون اي مجهود
يوسف : بنومك مغناطيسي
منار : لا يا غبي عشان بحبك
يوسف : (يمسح دموعها) : و لزمتها ايه طولت اللسان طيب
منار : اهو انا كدا بأه
يوسف : و انا بحبك زي ما انتى كدا
منار : بطولت لسانى
يوسف : بطولت لسانك
منار : طيب يلا يا فالح نروح نجيب الباسبور و الحاجات
يوسف (بمزاح) : انت تؤمر يا جمييييل
ــــــــــــــــــ
يرن هاتف غاده فتذهب لترد
غاده : الو
صوت رجل : ازيك يا غاده
غاده : مين معايا و تعرفنى منين
الرجل : انا كريم
غاده : انت اتجننت انت ازاي تكلمنى و جبت رقمى منين
كريم : غاده انا بحبك
غاده : كريم انت انسان واطى و زباله
و اغلقت دونه الخط
غاده : اوووووف ناس فاضية
ـــــــــــــــــــــ
منار : الحمد لله اننا لقينا الباسبور و الفيزا كارد و مش مهم الفلوس اللي ضاعت
يوسف : قدر و لطف
منار : ايه مالك بتفكر في ايه ؟؟
يوسف : مش عارف بس حاسس ان فيه حاجة غلط
منار : حاجه ايه
يوسف : لا ابدا فكك .. يلا انا عازمك علي الغدا
ـــــــــــــــــــ
سناء (بدموع) : هتسيبنى و تسافر يا يحيى
يحيى : هههههههههههههه يا ماما هسيبك و اسافر ايه بس انا رايح اسكندرية مش كوالالمبور
يارا : الا هيا فين كوالالمبور دي يا يحيى ؟
مليكة : دي عاصمة ماليزيا يا جاهلة
يحيى : ههههههههههههه شفتى بأه يا ماما انا سايب معاكى قردتين و ماشي
يارا و مليكة : كدا بردو يا يحيى
يحيى : خدوا بالكو من مامتكو يا بنات
سناء : هتيجى كل يوم جمعه ها
يحيى : حاضر يا ست الكل .. يلا سلام بأه عشان متأخرش
سناء : خد بالك من نفسك و اتغطى كويس
يحيى : حاضر يا ماما .. لا اله الا الله
سناء و البنات : محمدا رسول الله
ــــــــــــــــــــــــ
يرن هاتف يوسف
يوسف : الو
محسن : ايوة يا يوسف انا محسن
يوسف : اه اهلا ازي حضرتك
محسن : انا كويس .. عاوز اقبلك ضروري بس ارجوك ن غير ما منار تعرف حاجه
يوسف : تقابلنى انا
محسن : متستغربش هتعرف كل حاجة لما اقابلك
يوسف : امتا و فين ؟؟
محسن : دلوقتى .. في مطعم ……
يوسف : تمام .. مسافه السكة
ـــــــــــــــ
في المكان المتفق عليه
يوسف : خير يا استاذ محسن قلقتنى
محسن : متقلقش
يوسف : ندخل في الموضوع علي طول
محسن : انا عاوزك تساعدنى اقرب اكتر من منار و متعترضش طريقي
يوسف (بعصبية) : انت اتجنـ,ـنت ولا ايه انت ازاي تطلب منى حاجة زي كدا
محسن : اهدى و اسمعنى
يوسف : هديت .. اتفضل اتكلم
محسن : انا خال منار يا يوسف
امسك يوسف بمحسن من ملابسه بقوة
يوسف : انت بتقول ايه
محسن : اسمعنى بس
يوسف : مفيش بينى و بينك كلام و ابعد عن منار و كفايا الالم اللي زمان سببتهولها .. و لو شفت وشك تانى هقـ,ـتلك يا محسن .. عارف يعنى ايه هقـ,ـتلك
