تزوجت حبيبة اخي..بقلم اسراء هاني.الجزء السادس.
صرخ بها حتى تستيقظ .. فوقي يا مريم فوقي انتي مش كدة انتي مش رخيصة انتي تستاهلي اجدع شاب يستاهلك ويحبك فوقي متخليش لحظة شغف يخلوكي تعمل حاجة تندمي عليها عمرك كله فوقي
سقطت دموعها بغزارة وهمست.. انا اسفة عن اذنك
أمسك يدها وقبل جبينها و تابع .. أنا آسف بس انا بحبك زي اختي ومش عايز اضرك واحد غيري كان ما صدق بنت جميلة يكون أول راجل في حضنها ويخلع منها لكن بعد اللي عملتي معايا لا يمكن اكافئك كدة انتي اجمل وحدة قلبا وقالبا عشان خاطري متزعليش مني وجهزي نفسك ننزل نتغدى
مريم بدموع .. معلش مش قادرة دلوقتي خليها يوم تاني
سامر بعتاب .. انا جعان أهون عليكي افضل كدة بدوم اكل ترضيهالي
ابتسمت و ردت عليه.. لا طبعا ما يهونش انا أقبل اي حاجة عشان خاطرك
رد سامر بامتنان .. وانتي خاطرك غالي عليا اوي البسي بسرعة انا واقع من الجوع
مريم.. عندي سؤال ينفع اسأله من غير ما تضايق
نظر لها بابتسامه و همس .. اسألي اللي انتي عايزاه
سكنت قليلا وسألت بقلق .. ناوي ترجع بيتك امتى
أدار ظهره وجلس على السرير وهمس باشتياق .. نفسي ارجع النهاردة قبل بكرة بس لسة في علاج وكدة مش عايزهم يشفقوا عليا يا مريم انا عارف انهم بيحبوني بس احساس انك تكون عبئ ده احساس وحش اوي اوي ربنا ما يرمي حد
فركت يديها بقلق وسألت بخوف .. هتزروني تاني يا سامر هشوفك تاني
اكيد .. همس بها وهو يقف أمامها يمسك يديها وضغط عليها بقوة واكمل .. محدش ينسى اخته … يا مريومة
ابتسمت ابتسامه عابرة وهمست .. طيب انا هلبس بسرعة وجاية اجهز انت كمان
هز رأسه بالايجاب وبعدما خرجت همس بألم .. أنا آسف على الوجع اللي سببتهولك بدون قصد بس والله مش في ايدي صعب اوي بل مستحيل اشوف غيرها او المس غيرها ربنا يسعدك ويبعتلك اللي يستاهلك و يكون احسن مني
